موقف حصلي هنا فالمنتدى العقاري . عجيب ومساومته عجيبه .

[العضو الماسي]

السلام عليكم ورحمه الله




قبل فتره كنت عارض عقار هنا وكنت كاتب (( يمتنع الوسطاء )) مثل العاده .

فيوم نزلت الأعلان فالمنتدى هنا. كان واحد من الذين طلبو رقمي على الخاص . ولاكن ماحط في ذمتي منهو لن ماعادت عندي الرسايل الصادره والوارده مصفرهم .

فأتصل لي بعد كم يوم الرجال (( على أنه المالك الجديد ))

قالي السلام عليكم ورحمه الله . انا الذي طلبت رقمك عالخاص . وأنا شراي أنشاله ممكن أشوف العقار قلت له تامر أنشاله . الساعه 6 ونص المغرب بيجيك مندوب الوالد السوداني . قالي طيب . راحو وشافو العقار على أنه شراي وهو (( المالك الجديد ))

يوم راح وشاف العقار وعرف مكانه وعرف رقمي ... قالي شرايك : أنا بصراحه مش شراي أنا دلال عقارات وأبصراحه (( أنا باخذ منك نسبه بس _ نص _ فالمئه يعني أقل من واحد بالمئه ))


قلت له طيب ليش ماقلت لي أنك دلال من البدايه . ومواعدك . وأنا شراي . ووو الخ .. قالي على أساس أٌقدر أعرف موقع العقار و أعرضه عندي ممكن يجيب سعر معاي وأقولك عنه ... وقعد لين اليوم يتصلي ... كل يوم يتصلي ويقولي جابت كذا وجابت كذا وصلت كذا وعاجبك كذا ... أتوقع يمكن حتى عمال البلديه الى فالشوارع جمعهم على العقار وقالهم هاه تتحاططون وتشترونه :rolleyes2: ... لين أخر مره اليوم الساعه 6 و 14 دقيقه الصبح متصلي ... بكل برود في زبون كلمني امس فليل وبعد شوى متواعد معاه على أساس بطلعه أوريه العقار ... :omg: الساعه 6 و 14 دقيقه ... صحاني من النوم على أساس يقولي هالخبر ... :secret:

أخر شي بدون عصبيه بكل هدوء مني تماسكت نفسي ... قلت له بتسكر ولا أسكر في وجهك سكت لحضات :discuss: وقالي عمي وعمي وعمي وأسمحلي ,مادري :rolleyes2: ...

أخر كلامي له كان : أن شفت رقمك في التلفون مره ثانيه . يحصلك مالا يحمد عقباه . وسكرت في وجهه ...

في ذمتكم وش رايكم في هالدلال ... ألي صايده في شبكه الأسهم القطريه ... :secret:

[هدهد سليمان]

ما عنده سالفه .. والمسامح كريم الشيخ .. وزين سويت فيه

[محمد-القاضي]

عادي اخوي، تجاهله،
بس طبعا كان المفروض يكون الدلال صريح من البداية!!

[MLAAS]

احسن شي سويته ... محد ناصب على العالم الا هالحراميه ولا بيقولك باخذ منك نص بالميه .. وبيخلص لك المعاملات وتحصله ظارب عليك 200 الف زياده او 300 الف عن قيمه الدلاله واتحصله بعد ماخذ عموله على الشاري الجديد

[لاجل QT]

زين سويت فية

[QtrAngel]

شي غريب الله يهديه .. ويارب يهدي اشكاله من الناس .. هانت قريب بيطلع القانون العقارات وان شاء الله ينظف اشكالهم من سوقنا ..

شوف اللي يعرف للعقارات .. يعرف نوع العقار اللي ممكن يمشي وممكن لا .. ويعرف اي زباين يعرض لهم .. ومن الذوق ان ما يتصل لك الا لما يحصل لك زبون جاد و بيخلص .. مب على كل زبون يتصلك .. ومن الذوق انه يتصلك في اوقات الواحد ممكن يتصل فيها ..

[شاعر القبيله]

لا ترد على اتصالته وقوله ان كررتها رحت العاصمه وقدمت بلاغ ازعاج على الهاتف

[i.s.s]

والله كفو عليك

يالغالي انا من هذا المنتدى لين اليوم ما بعت الا جوال واحد وكل ما اقول ما ابي وسيط يكون وراه وسيط يقولون ما عليك انت انت عمولتك خلها لك او نفس ما يقولك الرجال الي جاك لكن انا لي قصة حلوه استحيت اني اعرضها ولكن المجال حلو اني اذكرها الحين

السالفة من سنتين اول انظمامي لهذا المنتدى الموقر شفت واحد عارض ارض وكان عندي طلب من زبون مباشر معاي على نفس المنطقة قلت اشوفها واكلم الزبون واعدت الرجال وبعدها فترة تلقينى عند دوار ولا في نفس المكان سيارتين والسيارتين مليانين اذا ما فيهم كل سيارة 5 اشخاص ويوم رحت صوب الارض شفتها لا واخذت المخطط وقعت ابي ارعرف ابعادها الا كل شوي واحد يقولي كلمه عن الارض ولا معلومة وبعدها سألته عن السعر الكل طلع جواله تقول مسدسات والكل حسب بسرعة طلعوا لي السعر وقالولي السعر كذا وعمولتنا كذا ........ قلت لهم لحظه من الدلال فيكم قالوا كلنا وفضاعت السالفة من قلب وقلت لهم اسف ما ابي اتعامل معاكم مع العلم اني وصلت معاهم على انهم يخذون مني نص في الميه بس ما رضيت لان السالفة سالفة مبدئ وفي هذا الخصوص

اقترح على ادارة المنتدى وضع رسوم سنوية مثل المنتديات المشهوره على شان ما يدخلها الا واحد يكون عنده مكتب ويقدر يسوق عقاره او يطلب الي يبيه

وسلام

[بوصلوح]

خيرنا لغيرنا لو ولد البلد ما كان سوى جي ...... والله صج الله يرحم الحال

[كبشينو]

ههههههههههههه يمكن توه متوظف ومشطت

[العضو الماسي]

الله يجزاكم خير واحد ورى الثاني على هالردود الطيبه . أخوكم : الوو

[هذلان]

الله يهنيك على برود اعصابك

يمكن لو اني مكانك تحصلني الساعه ٦ و ١٥ دقيقه زانطه عند باب بيتهم :)

[شموخ دائم]

,

,

تسلم على الموضوع

اي انسان غير صادق ويلف ويدور

الاحسن ما نتعامل معاه لانه ما ينوثق فيه

ما كان صادق معاك في البدايه واكيد ما بيكون صادق

لانه هذا هو طبعه

سوق العقار يحتاج تنظيم بالفعل

دمت بود
,

,


اخوك


شموخ دائم

[alshamari]

زين ما سويت معاه والله شي يرفع الضغط ..

[فيصل الشمري]

يترزق الله بس بطريقه تقطع الرزق
لا حول ولا قوة الا بالله

الله يعينك ياشيخ,, الساعة 6 لو يتصلي كان تواعدت معه وخليته مطب صناعي عشان مايعوده

[ثرية]

الساعه 6 وربع حد يتصل صج صج متفيج

[حمد]

انا اتعجب منك اخوي .... شلون تتعامل معاه ... بعد ماكذب عليك بالمره الاولى !!!!

واعتقد اني عرفت الجنسية ... من ذكرك انه قالك عمي عمي .... اذا ردد هالكمله ... او كلمة الشيخ الشيخ .... فأعرف انه من الجنسية الي سببت المشاكل في قطر بكبرها في الفترة الاخيرة ومب مجال العقاارات فقط .

بعدين اسمع القصص الي عندي وبتعرف انها جنسية لايجب التعامل معاها ابدا :

كنت امتلك بيت وعرضته للبيع .... وكنت عارضه عند كم مكتب اثق فيهم .... عقب فتره جاني اتصال من وحده قطرية .... وقالت لي انا خذت الرقم من الناطور .... انت راعي البيت ولا وسيط ... قلت لها انا راعي البيت ... قالت ... اوكي بكم عارضه .... قلت لها .... بـ هالسعر .... قالت لي .... شلون انت تحط سعر ..... اعلى من سعر الشخص الي انت موكله انه يبيع لك الفيلا بفارق 400 الف .... قلت لها ... ماعندي شخص موكله انه يبيع ... قالت ... والله هو يقول ان انت موكله .... المهم .... خذت الرقم من عندها عقب عناد منها .... وكلمته ...ووصف لي البيت .... وقالي ان هو موكل من قبل المالك ... ببيع الفيلا ... وانا لاشعوريا .. قلت له انا المالك وقمت اصارخ عليه ... وتهاوشت معاه بالتلفون ... فلي صار انه سكر في ويهي ... ولي اليوم الجوال مسكر ... ولا فتحه كلششششش .... وصراحه انا غلطان لم مواعده احسن .

يعني هل هدفه بس يقط سعر البيت في السوق ... مادري صراحه ... او انه ياخذ عربون من المشتري ... ويختفي . !!!!

ومن ذاك اليوم ... صرت ما اتعامل مع اي شخص من هالجنسية ... واول مايقول لي ... "هلا عمي" .. اقوله ايش جنسيتك .. ولي قال ... قلت له اسف ما اتعامل مع هالجنسيه .. لي قال ليش .. قلت له 99% كذابين ونصابين وحراميه ... وهم النصب والكذب واي شي غلط يسووونه .

للاسف
وعندي الكثير من القصص المبكية والمضحكه في نفس الوقت .

[دنهل]

هذا لازم يتحاسب لانة عرض شي غير مسموح بعرضة وهذا تطفل ولقافة وعرض العقار لاكثر من واح يطيح قيمتة.

[missperfect]

الله يعينك

[خليفـة]

الوو
مع ان فيني حرة عليك
وانت تعرف ليش طبعا

ولكن

بشارك برايي

لو كنت مكانك .. بمجرد قال لي انا دلال بسكر الخط في وجهه
وخصوصا ان قال لك في البداية ان شاري ومالك

عموما حصل خير ان شاء الله
:)

[bo_hamad]

أغلبية الموجودين في المنتدى وسطاء عقاريون

[العضو الماسي]

هو قالي دلال وهذا . وبعدها تم يملغ علي بالاتصالات بعد ماعلمني وصارحني . ملغ على أتصالات وأنا ماكنت أرد لين أخر مره أتصل في وقت غير مناسب نهائيا 6 و 14 دقيقه ... وجاه الكلام مني .

[دولة قطر.]

:nice:

[بوحارب]

الله يعينك على ملاغته

[bojassem13]

اخوي هالاشياء بتشوفها وايد
وانا ما صار لي شهر في هالموقع وكل يوم يجيني ايميلي وتحسفت اني طلبت ارض او بيت :)

[WelD_AlDoHa]

زين سويت فيه

[وحش الصناعات]

اسمه دلال .... يعني شتبي يكون مع احترامي لكل الدلاله ..
لكن لو منك ابيع واستلم فلوسي ولا يشوف شي مني لانه هو الي عرض نفسه مب انا الي طلبته..

[حمد]

اسمه دلال .... يعني شتبي يكون مع احترامي لكل الدلاله ..
لكن لو منك ابيع واستلم فلوسي ولا يشوف شي مني لانه هو الي عرض نفسه مب انا الي طلبته..


اخوي ليش تتكلم عن الوسطاء بهطريقة سواء انت تسميه دلال ولا وسيط ... انا انظر له بنظره ثانية ... ياخي هو يساعدني اني احصل الي ابغيه سواء ابي اشتري او ااجر او العكس

فهو بالتأكيد يستاهل المبلغ الي ايحصله .... وانا من طبعي اتفق معاه من البداية على عمولته .

وعلى فكره في هذا المنتدى في مجموعه من الوسطاء .... قمة في الاحترام والادب .... واسلوب التعامل .... فلتظلمهم

[سعادة الوزير]

اخوي ليش تتكلم عن الوسطاء بهطريقة سواء انت تسميه دلال ولا وسيط ... انا انظر له بنظره ثانية ... ياخي هو يساعدني اني احصل الي ابغيه سواء ابي اشتري او ااجر او العكس

فهو بالتأكيد يستاهل المبلغ الي ايحصله .... وانا من طبعي اتفق معاه من البداية على عمولته .

وعلى فكره في هذا المنتدى في مجموعه من الوسطاء .... قمة في الاحترام والادب .... واسلوب التعامل .... فلتظلمهم



الاخ كاتب في موضوعه : "قبل فتره كنت عارض عقار هنا وكنت كاتب (( يمتنع الوسطاء )) مثل العاده ."

يعني الاخ الدلال من البداية كان قليل حيا وما احترم طلب الاخ في انه يبي التواصل يكون مباشر من غير وسيط ، لو انه كان دلال محترم ماكان اتصل من البداية.

[العضو الماسي]

الاخ كاتب في موضوعه : "قبل فتره كنت عارض عقار هنا وكنت كاتب (( يمتنع الوسطاء )) مثل العاده ."

يعني الاخ الدلال من البداية كان قليل حيا وما احترم طلب الاخ في انه يبي التواصل يكون مباشر من غير وسيط ، لو انه كان دلال محترم ماكان اتصل من البداية.

يعطيك العافيه . ياما بتشوف بلاوي ... وغير الوسيط الثاني (( أمراه )) فالمنتدى كانت تطرش لي رسايل عالخاص أنا وسيطه وتوني باديه ومش عارف أيش وأبغي أعرض عقاراتك عندي وبسوقهم لك ومش عارف أيش . وأنا كنت طالب بدون (( وسطاء + دلاليل + سماسره )) أو الي تسمونهم .

[عشق الشمال]

[center][size="4"]
الاخ كاتب في موضوعه : "قبل فتره كنت عارض عقار هنا وكنت كاتب (( يمتنع الوسطاء )) مثل العاده ."

يعني الاخ الدلال من البداية كان قليل حيا وما احترم طلب الاخ في انه يبي التواصل يكون مباشر من غير وسيط ، لو انه كان دلال محترم ماكان اتصل من البداية.

صح الله لسانك اخوي سعادة الوزير صراحه ردك قوي على المدافعين عن هولا النصابين والغير محترمين امثال الدلال التي تم ذكر قصة هنا

فعلا معظم الدلالوة غير مهذبين لا اخلاق ولا ذمة

اخوي سعادة الوزير ردك هذ ينطبق عليه المثل المشهور ( القشه التي قصمت ظهر البعير )

تحياتي لك وللاخ صاحب الموضوع الذي فضح هولا الدلالوة . . . ( فعلا الا دلالوة )

[العضو الماسي]

يعيطكم العافيه عالمرور والمشاركات الطبيه فالموظوع .

[eveqatar]

والله هالناس حسبي الله ونعم الوكيل فيهم

شفت بيت 2 مليون و عجبني وقلت له باخذه

عقبهال قال لي ان الرجال زاد في السعر مليونين و 400

و اتفقت معه و بعت اسهمي

عقبها قال لي صاحب الملك سافر اسبوع

وانتظرت اسبوع

عقب اسبوع دقيت على المصري وقال لي المالك رفع السعر 3 مليون و 400

قلت له حسبي الله عليك وعلى المالك وسكرت التلفون في وجهه

بعد ما خلاني ابيع الاسهم

انشاء الله يحترقون في نار جهنم

[mubarak2000]

الوو
مع ان فيني حرة عليك
وانت تعرف ليش طبعا

ولكن

بشارك برايي

لو كنت مكانك .. بمجرد قال لي انا دلال بسكر الخط في وجهه
وخصوصا ان قال لك في البداية ان شاري ومالك

عموما حصل خير ان شاء الله
:)
واللة عقب المنتديات مااعتقد فية حاجة حق دلال اصلا .

[قطرية بعيون]

هذولا اللي خربوا سوق العقارات وخلوا الاسعار مثل الفقاعه لين ماطاح وخربوا على اهل قطر اضربوا ضرباتهم وشاخوافي فترة من الفترات والحين تمر على مكتب بس يلحقك لين البيت

[قطرية بعيون]

والله هالناس حسبي الله ونعم الوكيل فيهم

شفت بيت 2 مليون و عجبني وقلت له باخذه

عقبهال قال لي ان الرجال زاد في السعر مليونين و 400

و اتفقت معه و بعت اسهمي

عقبها قال لي صاحب الملك سافر اسبوع

وانتظرت اسبوع

عقب اسبوع دقيت على المصري وقال لي المالك رفع السعر 3 مليون و 400

قلت له حسبي الله عليك وعلى المالك وسكرت التلفون في وجهه

بعد ما خلاني ابيع الاسهم

انشاء الله يحترقون في نار جهنم

لا تدعي عالمالك ترى اللعبه كلها من ورى المالك كل السالفه هالدلال الاجنبي يبي يقصبكم انتوا الاثنين بس لزوم الفهلوا ياباشا ويا عصمان والمالك مايعرف السوق اهم يقولون له ترى السوق ارتفع السوق مادري شو والريال على ويهه

[العضو الماسي]

شكرا عالمرور .

[بونو]

سبحانك اللهم وبحمدك.... أشهد أن لا إله إلا أنت.... أستغفرك وأتوب إليك

[العضو الماسي]

شكرا عالمرور

[بو خلييفة]

بصراحه كفو عليك ،، للاسف الدلالوه اللي ضاعين في سوق العقارات محتاجين تنضيف من قلب ،، مثل ما قل QtrAngel ان قانون العقارات ان شاء الله يقلل من تأثيرهم على السوق ...
فالكم التوفيق

[العضو الماسي]

مشكورين عالمرور جميعاً .

[sns_123]

أخوي ذيله ما يجون الا بالهطريقة ... وبصراحة لو أنا مكانك كان قابلته وبعدين بهدلته فيس تو فيس
يلا خير ما سويت ..
بالتوفيق بالبيعة ان شاء الله

[مرحوم قطر]

المشكله الاكبر في البلاوي الي ترد على عروضك

و تطلب منك سلعه معينه و تاخر عليه في الرد يوم و شوف شبيسوي فيك


يعني مثلاً انا حطيت عرض للبيع الشي الفلاني

تلاقي ناس ترد عليك و انا شراي و انا و انا و ابي رقمك على الخاص و طرش لي رقمك

طيب ترسله الرقم ماتلاقيه


و شلون رد اليوم الصبح و دخل في الليل مالقاك مطرش تلاقيه يرد على الموضوع ورى بعض

وينك

ليه ماترد

هذولا الناس الي يعرضون و يطنشون

انزين اصبر ماعدة 24 ساعه

و اخرتها لما ترسله رقمك يقولك انزين باتصل و يسحب عليك

ترى جد انا المنتدى يصير بلوس ترى ابرك من كل من هب و دب تم يحط مزايدات


و الشيخ نصيحه مني اذا عندك شي تبي تعرضه في مزاد تحمل

لان بيتمون العالم يزايدون على الفاظي و ولا واحد فيهم شراي

[العضو الماسي]

أخوي مرحوم قطر صدقت هنا في ناس تسوم وتشرد وفي ناس

تقولك ممكن رقمك عالخاص ... ولا يتصل ولا شئ مادري أيش المقصد منها ... رقمك عالخاص ... وهو لا شراي ولا يتصل ؟؟؟

[سلطان911]

بالتوفيق ان شاء الله

[همي رضا الله]

الله يهديه

[lulu.90]

سامحة بس يمكن يبي يترزق عشان كدة سو هشكل اررررزاق الله مقسمها

[صفقه]

ياجماعه .. أستفسار بسيط بارك الله فيكم ...

الدلاله تحتاج رخصه ولا أي حد يقدر يستوي دلال ؟؟

وأيش اللي يضمن حق الدلال في النسبه ؟؟