الإبــاحــيــة فـــي البلاك بيري.. إلـــى مـــتــى ؟؟؟!!!!!! @@@@ [الأرشيف]

الكــاســــر

03-07-2010, 01:09 PM

بــســم الــلــه الــرحــمــن الــرحــيــم

أعلم أن هناك موضوعا مشابها ولكنه قديم وهدفه مختلف فوجب إنشاء هذا الموضوع

لا يخفى على أحدكم أن جميــــع المـــواقــــع الإبـــاحـــيـــة في البلاك بيري مـفتـوحة ولا تـخـضـع للـحـظر، والـدخـول إليهـا سـهــل ولا يكلـف قـرشـا، وفوق هذا، فالجهـاز مـتـنقـل ويمكـن اصـطحابـه إلى أي مكـان، والـنـفـس أمـارة بالـسـوء، والـخـلـوة أمـر لا مـفـر مـنـه، والـفـتـنـة عـظيـمـة وقـلـيـل من لا يــسـقـط فـيـهـا، ودمـارهـا عـظـيـم، وأثـرهـا عـلى الـمـجتـمـع مـبـيـن. ولا يـكـاد أن يـخـلـو مـنـزل إلا وبـه هـذا الجـهـاز.

دول الجوار اتخذت اجراءات بهذا الشأن ومنعت هذه المواقع.
وبقينا نحن، مع كيــــــــــوتـــــل و المجــلـــس الأعلى لــلاتـــصــالات دون هذه الاصلاحات. لـــمــاذا؟

والمصيبة الكبرى انه لا يوجد اهتمام بهذا الموضوع الخطير لا من الشعب ولا من الإعلام ولا من الجهات المسؤولة ولا أحد يتحرك، مع ان الجهاز قديم، وقد مكث عندنا سنتين أو أكثر، ولا أجد مبرراً لهذا التواطؤ الرسمي.
أنحن في بلد مسلم؟ أقنعوني من فضلكم؟
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
▓ نطالب بحظر المواقع المخلة على البلاك بيري ▓
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
^

الـمـرقاب

03-07-2010, 01:16 PM

دام ان المواقع الاباحيه مفتوحه في البلاك، كيوتل تتوقع ان عدد المستخدمين
للبلاك راح يزيد، مما يعني زياده في الارباح دام كل واحد بيدفع شهريا مبلغ
لخدمة البلاك..!!

تناقض عجيب! الحظر لازم يتم على اي جهاز تتوفر فيه خدمة الانترنت دام ان
المستخدم راح يكون عرضه لسموم هالمواقع الاباحيه، لكن كيوتل[رأسماليه]
يهمها الربح قبل مصلحة المستخدم..!

الكلام في المنتديات والجرايد [كالنفخ في جربه مقطوعه]، مطلوب المبادره
والتقدم بشكوى للجهه المسؤوله.

QATAR4EVER

03-07-2010, 01:36 PM

والله انا استغرب من الي معطي زوجتة ولا بنته بلاك بيري وسامح لها تستخدمه, لحد يقولي الثقه موجوده ومدري ايش,,,, البنت مثل الفنجال اذا رفعتها فوق حفضتها وأذا حطيتها على درب الناس كسروها.. يعني بنات في الأعداديه وعندهم بلاك بيري,, والمواقع الأباحيه مفتوحه , عزالله بيطلع جيل مثقف جداً

لاجل QT

03-07-2010, 01:41 PM

الحين كل صغير فطن حق اشياء المفروض مايفطن عليها..ماتشوفونهم توة ماطلع من البيضة ويغازل مرة كبر امة في المجمعات ..انا اقول مو بس البلاك بري يبيلة راقابة حتى النت فية بلاوي ..والرقابة الذاتية المفروض تكون موجودة عند كل شخص وكل اب وام يهمهم امر ابنائهم ..وانا اؤيد استخدام النت للعيال في وقت الدراسة فقط..وماايد اعطاء الابناء في سن صغيرة بلاك بري

وربي يحفظ ابنائنا من كل شر

شموخ دائم

03-07-2010, 01:55 PM

,

,

هذا الموضوع يحتاج تعاون من كيوتل والاهل

اولا

فرض الرقابه على البلاك بيري نفس الانترنت

بس سؤال لماذا التعمد من كيوتل بعدم اغلاق هذه المواقع ؟؟؟

الصراحه هذا السكوت وصمه عار في جبين كيوتل

الشي الثاني

توفير الكماليات للاطفال والتي لا تتناسب مع سنهم ليس التربيه الصحيحه

علينا نربيهم على مكارم الاخلاق وتعاليم الدين

وليس تربيتهم على البلاك بيري

علينا مسئوليه كبيره بالمحافظه عليهم

وليس توفير مالا ينفعهم

ما انصح في البلاك بيري الا للناس الكبار

دمتوا بطيب

,

,

اخوك

شموخ دائم

Grnas

03-07-2010, 01:57 PM

لحظة!

البلاك بيري ما أظن له علاقة بمواقع تتصل فيه ويكون رربط بالمواد الاباحية في المواقع
البلاك بيري بينك وبين اللي ضايفة عندك هو يزودك بالاباحية
مثل الايميل مرسل ومستقبل والبلاوي مرفق مع الرسالة وهذا نفس الشيء في البلاك بيري... هل تقف كيوتل في التدخل في خصوصيات بريدك الالكتروني ومسح الرسائل التي تصلك من أطراف اخرى؟

صححوني اذا كنت غلطان

شموخ دائم

03-07-2010, 02:01 PM

,

,

اخوي Grnas

تقدر تتصفح النت من البلاك بيري

وتسوي داون لود حق اي ملف وهنا الخطوره

تصفح المواقع وليس البريد

,

,

اخوك

شموخ دائم

الجوكر90

03-07-2010, 02:18 PM

السلام عليكم
يالربع من قالكم ان بس البلاك بيري تقدرون تدخلون اي موقع تبون
انا لو ابي الحين اقدر ادخل كل المواقع
وهالشي مب من كيوتل

في شي لازم تعرفون
ان في برامج حق هالشغلات
يعني محد يقدر يدش هالمواقع الا ببرنامج يسمح لك تدخل هالمواقع
وكيوتل ماقصروا اقطعوا كل السبل للوصول حق هالمواقع بس الله يسلمك مايقدرون يسوون كل شي مب بيدهم
لان البرامج مب هم الي يخترعونها ناس ثانيين واجانب

فلتة زمانها

03-07-2010, 02:29 PM

الكــاســــر

03-07-2010, 02:51 PM

أشكركم جميعا على الردود التي تثلج الصدر وباين ان الناس فعلا عندها نية قوية يقومون بالمبادرة لحل المشكلة وهذا ما أتمناه

السلام عليكم
يالربع من قالكم ان بس البلاك بيري تقدرون تدخلون اي موقع تبون
انا لو ابي الحين اقدر ادخل كل المواقع
وهالشي مب من كيوتل
في شي لازم تعرفون
ان في برامج حق هالشغلات
يعني محد يقدر يدش هالمواقع الا ببرنامج يسمح لك تدخل هالمواقع
وكيوتل ماقصروا اقطعوا كل السبل للوصول حق هالمواقع بس الله يسلمك مايقدرون يسوون كل شي مب بيدهم
لان البرامج مب هم الي يخترعونها ناس ثانيين واجانب

وعليكم السلام
انت هني قاعد تتكلم عن الانترنت بشكل عام
احنا نتكلم عن البلاك بيري الي هو حالة خاصة

وانت الي تبي توصله ان "الي يبي الحرام يقدر يحصله من الانترنت فليش نغلق المواقع في البلاك بيري" هاي قصدك ؟

وانا بجاوبك
أخوي أحين لو تقدم هالمواقع على طبق من ذهب غير عن الي ذكرته
المواقع لما تكون مفتوحة تزيد احتمالية ان الواحد يقع فيها
ادري ان في برامج تفتح المواقع في النت بس هذي مب عذر ان نخلي الي في البلاك بيري مفتوحة
وصدقني 80% ما يعرفون حق هالشغلات
فلا تقولي "الواحد لو يبي يقدر"

يعني محد يقدر يدش هالمواقع الا ببرنامج يسمح لك تدخل هالمواقع

توضيح للأخوة: أخونا يتكلم عن المواقع في النت العادي مب البلاكبيري

ورقــة أمــل

03-07-2010, 03:04 PM

انا وحده عندي بلاك بيري واول مرة ادري ان المواقع الاباحية مفتوحة فيه
لان اصلا ماستخدمه حق الانترنت

واتمنى من كيوتل يسكرون هالمواقع لو صج مخلينها

شبعان

03-07-2010, 04:13 PM

صوت الضمير

03-07-2010, 04:49 PM

تدرون وش القهر أمس وحده شاريه لبنتها في صف خامس أبتدائي بلاك بيري

ناقشنها وكلامنها إنه غلط.. قالت: كل رفيقتها عندهم

يااااانااااس سؤال جيل اليوم وين راح يوصولون؟؟؟

أنا عمري فوق 24 ولافكرت أخذه مع أحترامي للجميع

في فائدة إذا انت راعي بورصه وإلا عندك ايميلات مهمة

لكن حق خربطه وسوالف.. عندي الماسنجر افتحه يوم الخميس .. واسولف مع اللي ابي

موب للهاذي الدرجة مانقدر نستغنى عن ربعنا.. وياليتكم تتناقشون بشي مهم يفيد الأمة

لا نكت واخر فضيحة واخر حادث ... وبعدين

أنا أخذ من التكنلوجيا الشي اللي أشوف أنه يفيدنا.. وصدقوني لو عندي سلطه على هالطفلة

ماكان خليتها تأخذه..

أبداع

الأصيلة

03-07-2010, 04:52 PM

والله ما أكثرهن الصغار اللي عندهم بلاك بيري وآيفون...
الأهل مب قادرين يضبطون عيالهم خوف من الحرمان
وأنا أشوفه إلا خسران مبين..
الله يحفظهم من اللي جاي...

بولينجر

03-07-2010, 05:06 PM

والله ما أكثرهن الصغار اللي عندهم بلاك بيري وآيفون...
الأهل مب قادرين يضبطون عيالهم خوف من الحرمان
وأنا أشوفه إلا خسران مبين..
الله يحفظهم من اللي جاي...
في الواقع لا مجال ان نقول ان البلاك بيري والايفون متساوين..... الايفون لازم يكونون الطرفين مركبين برنامج للمحادثة وداخلين فيه ولا يستطيع يفتح مواقع محظورة من كيوتل.... اما البلاك بيري فبرنامج المحادثة شغال طول الوقت والناس شغالين اضافات وبرودكاست ومسجات تحوي روابط لمواد مخلة مرفوعة على سيرفرات..... وهو بالفعل مصيبة ان يشترونه الاهل لعيالهم الصغار.....

بوحارب

03-07-2010, 05:11 PM

ياريت انشوف حركة من المسؤولين بخصوص حظر هالمواقع اللعينة

انه سمعت عن اشيا في البلاك بري وماصدقت !

والله يستر على المسلمين

بوخالد911

03-07-2010, 05:16 PM

مع حظرر المواقع وبشدة

والله يحفظنا

الكــاســــر

03-07-2010, 07:22 PM

من المسئول عن حماية المجتمع من المواقع الاباحيه سواء كان انترنت او بلاك بيري او اي وسيله ثانيه؟؟؟
وين المجلس الاعلى للاتصالات؟؟مب وزارة الداخليه هي المسئوله عن مكافحة الدعاره او اي وسيله تحرض على الدعاره؟؟

للأسف، بشكل عام الدعارة مافي أحد معين مسؤول عنها
الداخلية: شرطة ومخالفات الخ..
كيوتل: مالهم خص يبون فلوس
مجلس الاتصالات: اعطاء تصريحات لشركات الاتصالات وانشاء مواقع الخ..

نحتاج هيئة تأمر بالمعروف وتنهى عن المنكر
أو عل أقل ناس تتحرك...

عزتي سمو ذاتي

03-07-2010, 09:31 PM

أنا من مستخدمي البلاك بيري سابقاً بس يوم كنت استخدمه كنت اشوفه جهاز ولااروع منه واشجع عليه الجميع

حلو الواحد يجرب التكنولوجيا ويكون عارف كل شي جديد فيها بس في حدود المعقول وبالطريقة السليمة

وبرأيي اللي يخاف رب العالمين ماراح يغلط لأنه راح يقدر يوصل للي يبيه سواء بالبلاك بيري أو غيره

واستغرب من اللي يقول الحمدالله ماعندي بلاك بيري ليه لاهو بشي حرام ولاهو بعيب جهاز حاله حال اي جهاز جوال ثاني

Just a Gurl

03-07-2010, 10:41 PM

هي جات على البلاك بيري يعني؟؟؟
الاباحيه موجوده ع النت والتلفزيون وحتى السينما.... بتمنع ايش ولا ايش؟؟

Doha Sun

03-07-2010, 11:10 PM

كل خلق الله عندهم بلاك بيري .. (ماعندي بلاك بيري )
والرقابة تجي من الشخص نفسه ، واما البنات ولا الاولاد من اهلهم اللي معطينهم وجه اكثر من اللازم اللي يرحم ايامنا حتى الجوال ممنوع

hamoor4ever

03-07-2010, 11:12 PM

ماشاء الله اليوم 3 مواضيع عن البلاك بيري ، بس غريبه ماشفت موضوع عن التعدد هههه

missperfect

03-07-2010, 11:35 PM

الحمدلله ولاافكراني اشتري هالجهاز

الكــاســــر

03-07-2010, 11:47 PM

هي جات على البلاك بيري يعني؟؟؟
الاباحيه موجوده ع النت والتلفزيون وحتى السينما.... بتمنع ايش ولا ايش؟؟
ما أقول إلا سبحان الله على التفكير ذي..

الرد:
1-احين المحتوى الموجود في التلفزيون والسينما نفس الي في البلاكبيري؟ اسمحيلي أعتقد مافي مقارنة إطلاقاً
2-التلفزيون (غالباً) والسينما في مكان عام، وتحت مراقبة الكل، غير عن البلاكبيري الي نقدر ناخذه كل مكان في الخلوة وغيره
3- التلفزيون يحتاج وقت وجهد عشان الواحد يوصل حق القنوات المخلة، البلاكبيري ثواني ولا أي تعقيد
4-عمركم سمعتوا بحد يروح السينما عشان الإباحية ؟؟ الناس يشوفون الفلم.. واللقطات تطلع، لكن محد يروح بنية الحرام، بعكس البلاكبيري
هاي بالنسبة للتلفزيون والسينما

نجي حق النت
1- 99% من المواقع الاباحية محظورة ولله الحمد
2- 80% من الشعب ما يقدرون يخترقون الحظر
3- البرامج الي تفتح الحظر يبيلها سالفة وهي تبطئ النت، وما تشجع حتى الي عنده نية انه يرتكب المعصية
4- النت مافيه ما يسمى بالبرودكاست عشان الوحد ينشر سمومه، فالضرر أقل
الي أبي أوصله ان البلاك بيري هو حالياً مصدر الإباحية الرئيسي في المجتمع، ولا يمكن مقارنته بباقي الوسائل الي ذكرتيها، وإذا منعنا المواقع على البلكبيري فقد أنجزنا إنجازاً عظيماً في "النهي عن المنكر"

واسمحولي على هذا الأسلوب ولكنه السبيل الوحيد في إقناع من يفكر بتلك الطريقة.

بوخالد911

04-07-2010, 12:07 AM

الحمدلله ولاافكراني اشتري هالجهاز

:anger1::anger1::anger1:
:anger1::anger1:
:anger1:

CH Engineer

04-07-2010, 12:13 AM

شباب الامر يختلف
بالاول البلاك بيري وسيلة حديثة ومفيدة
تشبك المسنجر 24 ساعه
وتكون متواصل مع الربع والاهل 24 ساعه
وتكون متابع لايميل العمل 24 ساعه ولاننكر هالشي

بس المشكله تعمد كيوتل بفتح المواقع الاباحية على البلاك بيري!! ليش ياكيوتل؟
على الكمبيوتر المواقع الاباحية محضوره بس على البلاك بيري تم السماح بها! ندري انه المجتمع محافظ وبعيد عن هالسوالف بس يعني اذا واحد سولت له نفسه بيحصل كل شي جاهز قدامه؟
بمعنى اخر تجيك روابط وتفتح تحصل كل شي مفتوح..

غير انك تقدر تنزل برنامج يخلي البلاك بيري راوتر يعني بقطر 10 امتار حول البلاك بيري شبكة واير لس طالعه من البلاك بيري.. فوق هذا تقدر تشبك البلاك بيري بالكمبيوتر..
اعتقد كيوتل ملاحظة زيادة الاقبال على انترنت بلاك بيري لهالسبب للحين ساكته عن الموضوع..
مستغله غفلة الصحف والجرايد والمسوولين!

الاستثمار

04-07-2010, 12:29 AM

جهاز البلاك بيري سلاح ذو حدين فقط لا غير واذا المستخدم اساء استخدام الجهاز هنا يكون الخطا بعينه ويقدر يستخدمه استخدام لنشرالخير والمعروف

الجوكر90

04-07-2010, 12:39 AM

أشكركم جميعا على الردود التي تثلج الصدر وباين ان الناس فعلا عندها نية قوية يقومون بالمبادرة لحل المشكلة وهذا ما أتمناه

وعليكم السلام
انت هني قاعد تتكلم عن الانترنت بشكل عام
احنا نتكلم عن البلاك بيري الي هو حالة خاصة

وانت الي تبي توصله ان "الي يبي الحرام يقدر يحصله من الانترنت فليش نغلق المواقع في البلاك بيري" هاي قصدك ؟

وانا بجاوبك
أخوي أحين لو تقدم هالمواقع على طبق من ذهب غير عن الي ذكرته
المواقع لما تكون مفتوحة تزيد احتمالية ان الواحد يقع فيها
ادري ان في برامج تفتح المواقع في النت بس هذي مب عذر ان نخلي الي في البلاك بيري مفتوحة
وصدقني 80% ما يعرفون حق هالشغلات
فلا تقولي "الواحد لو يبي يقدر"

توضيح للأخوة: أخونا يتكلم عن المواقع في النت العادي مب البلاكبيري

ماشاء الله خوش تحليل
انا وين قلت ليش نصكر المواقع فالبلاك بيري
وليش تقولني كلام ماقلته
انا قلت ان كيوتل صكرت فالنت
وفالبلاك بيري الي اعرفه ان مايصير تدخل هالمواقع الا اذا عندك برنامج
والي يطرش افلام وهالشغلات ترى ينزل الفلم ع التلفون من الاب توب وبعدين يحمله عشان يطرشه بورد كاست حق الناس
واذا الناس يعرفون ولا لا
مسكين والله
الحين مافي حد مايعرف الياهل يعرف احسن مني ومنك
ولا يتفنن فالمواقع لو تبي

الكــاســــر

04-07-2010, 12:41 AM

اذا المستخدم اساء استخدام الجهاز هنا يكون الخطا بعينه

نعم أخي الكريم ولكن النفس أمارة بالسوء وحتى الناس الذين يُشهد لهم بالخير تأتيهم حالات ولا يستطيعون المقاومة نظراً لسهولة الدخول إلى تلك المواقع

وثانياً كما ذكر أخي المهندس الكيميائي
حتى الي ما عنده نية سيقع في المعصية لكثرة نشر المقاطع والصور المخلة في البرودكاست على شكل نكت أو غيره

وعلى العموم نحن لا نريد إيقاف الجهاز لأنه وكما ذكرت سلاح ذو حدين

ولكننا

▓ نطالب بحظر المواقع المخلة على البلاك بيري ▓

الراقيه سبشل

04-07-2010, 12:42 AM

الحمدلله انا وحدة ما اتعامل مع البلاك بيري ولا أواطنه

والله يهديهم ان شاء الله ويسكرون المواقع

الوعد2016

04-07-2010, 12:42 AM

المصيبه حتى الاطفال في سن ال10 سنوات واقل من هذا السن تشاهد معه بلاك بيري وغيره
والمسؤوليه على اوليا الامور وللاسف البعض مهمل والبعض بقصد التطور والانفتاح وتطوير والمهايط(مفوشر)

الكــاســــر

04-07-2010, 01:04 AM

ماشاء الله خوش تحليل

اعذرني في فهم قصدك أخي، أعترف اني تسرعت في هالنقطة

وفالبلاك بيري الي اعرفه ان مايصير تدخل هالمواقع الا اذا عندك برنامج
والي يطرش افلام وهالشغلات ترى ينزل الفلم ع التلفون من الاب توب وبعدين يحمله عشان يطرشه بورد كاست حق الناس

كما ذكرت في الموضوع، في البلكبيري ما تحتاج برنامج ولا شيء عشان تدخل المواقع، وهاي هو سبب المشكلة الي صايرة.

ومب شرط ينزل من اللابتوب لين الجهاز، يقدر على طول من الموقع لين البلاك

واذا الناس يعرفون ولا لا
مسكين والله
الحين مافي حد مايعرف الياهل يعرف احسن مني ومنك
ولا يتفنن فالمواقع لو تبي
أنا لما قلت الأغلبية ما يعرفون حق "هالشغلات"
كان قصدي الأغلبية ما يعرفون حق "برامج اختراق الحظر" الي يسمونها بروكسي
وانت فهمت ان قصدي المواقع، وربما لم أكن واضحا

الزبدة ان البلاك بيري يسمح للجميع بدخول المواقع
وأما من خلال اللابتوب والنت العادي فهنالك عقبات ولله الحمد تردع الكثير وتنفر الجميع

بواردي

04-07-2010, 01:11 AM

تذكروا
ان حتى ارسال بعض النكت والبرودكاست اللي فيه كلام توووووووووت

تتحاسبووووووووون عليه

قطرية فذة

04-07-2010, 01:35 AM

جوال مناسب للتجاره

ولــ(الزعيم)ــد

04-07-2010, 08:19 AM

حتى فالبلاك بيري يتبلون على البنات
ما كان الشباب اهما اللي يراكضون ورا
المواقع الجنسيه. ويجمعون اكبر عدد ممكن من
المقاطع ويكتبون عليها البن كود عشان لحد
ياخذ مجهودهم الحمدلله والشكر هذا اللي فالحين فيه

مااشاء الله ,, تبارك الرحمن

اختي شلون عرفتي هالمعلومه القيمه والمفيده
وشلون عرفتي ان الشباب هم اللي يحطون البن كود على المقاطع الاباحيه :omg:

tulepq

04-07-2010, 08:38 AM

الإبــاحــيــة فـــي البلاك بيري.. إلـــى مـــتــى ؟؟؟!!!!!! @@@@

الجواب :

إلى آآآآآآآآآآآآآآآآآآآآآخر نفس بمباركة الأحبه والأهل

مرتبش

04-07-2010, 08:47 AM

vip_qa

04-07-2010, 09:42 AM

اخي المحترم

الحل الاكيد لكل هالمشاكل هي الرقابه الداخليه اللي تنبع من الخوف من الله تعالى

.(( وما تسقط من ورقة إلا يعلمها ولا حبة في ظلمت الأرض ولا رطب ولا يابس إلا في كتب مبين ))

سورة الأنعام آية 59 الجزء السابع

.إذا ما خلوت الدهر يوماً فلا تقل خلوت ولكن قل عليَّ رقيب

لا تحسبن الله يغفل ساعـــة ولا أن ما تخفي عليه يغيب

..

تحليل شخصي لأغلب من يحمل بلاك بيري فيه جانيبن جانب خير وجانب شر بس الشر يغلب :weeping:

راقب جهازك والبرود كاست وانت احكم

FAUCHON

04-07-2010, 10:33 AM

جد انا مب مستوعبه اللي قاعده اقراه !!!!!!!

يعني الحين تبون كيوتل تقطع خدمه التواصل الفوري !!

الله لايهينكم امنعو عيالكم عن البلاك بيري وسوو رقابه ذاتيه

تكلمو بالعقل

هذي خدمه دوليه عالميه تربط الناس ببعضها من جدكم !!

انا مب من مستخدمين البلاك بيري وصحيح ان الاغلب يستخدمها استخدام سلبي لكن هذا مب معناته انكم تطالبون كيوتل بقطع الخدمه !!

الكــاســــر

04-07-2010, 02:36 PM

كان في برنامج في تلفزيون الوطن مع مدير المباحث في الكويت

يتكلم عن عدم وجود رقابة على البلاك بيري لانه السرفر موجود في امريكا وشركة البلاكبيري ما تسمح لاي دولة في العالم بالتحكم او منع المواقع على كيفها.. او حتى التحكم في الشات لمنع الاشاعات والمخالفات.

وانهم امهلوا شركات الاتصالات فترة لتصليح هذا الوضع او اغلاق الخدمة في الكويت

الموضوع جدي ..

أشكرك أخي الكريم على هذه المعلومة
بس هل كيوتل حاولت تكلم شركة البلكبيري او تقنعها

والشي الثاني ممكن الي يعرف لا يبخل علينا ويقولنا إذا المواقع الإباحية مفتوحة في دول الجوار ؟ لأن هاي الي سمعت وأبي أتأكد الله لا يهينكم

الكــاســــر

04-07-2010, 02:38 PM

يعني الحين تبون كيوتل تقطع خدمه التواصل الفوري !!

أختي محد قال نبي نوقف خدمة التواصل
احنا بس
▓ نطالب بحظر المواقع المخلة على البلاك بيري ▓
ركزي

الكــاســــر

05-07-2010, 01:27 PM

لا لن نسكت يا كيــــــــــــــوطــــل !

سهم قطري

05-07-2010, 01:34 PM

من قال لكم كلها مفتوحة كثير من الروابط تجيني ولما افتحها يطلع اللي لابس غترة ان الموقع محجوب والله اعلم

الكــاســــر

05-07-2010, 02:16 PM

من قال لكم كلها مفتوحة كثير من الروابط تجيني ولما افتحها يطلع اللي لابس غترة ان الموقع محجوب والله اعلم

معروف ان المواقع لا تخضع لحضر كيوتل وهالشي ما يختلف عليه أحد
أما حالتك انت فالله أعلم عنها

الجوكر90

05-07-2010, 06:21 PM

اعذرني في فهم قصدك أخي، أعترف اني تسرعت في هالنقطة

كما ذكرت في الموضوع، في البلكبيري ما تحتاج برنامج ولا شيء عشان تدخل المواقع، وهاي هو سبب المشكلة الي صايرة.

ومب شرط ينزل من اللابتوب لين الجهاز، يقدر على طول من الموقع لين البلاك

أنا لما قلت الأغلبية ما يعرفون حق "هالشغلات"
كان قصدي الأغلبية ما يعرفون حق "برامج اختراق الحظر" الي يسمونها بروكسي
وانت فهمت ان قصدي المواقع، وربما لم أكن واضحا

الزبدة ان البلاك بيري يسمح للجميع بدخول المواقع
وأما من خلال اللابتوب والنت العادي فهنالك عقبات ولله الحمد تردع الكثير وتنفر الجميع

اذا فالبلاك بيري تقدر تدخل ع المواقع بدون شي
شوف انا بجرب اليوم من تلفون رفيجي واذا طلع صح بكره باذن الله بتصل وطني الحبيب صباح الخير
بس قولي الطريقه لاني ماعرف حق البلاك بيري
طبعا ع الخاص
وانا اقصد فوق عن البرامج
والله اخبر واحد مواليد 93 يعني الحين عمره 17 بس السالفه قبل 4 سنين اخبر فالاسياد يعني كان عمره 13 سنه كان يقول والله حرام كيوتل صادوه هالبرنامج لازم اروح ادور ع برنامج ثاني

ترى اقولك احنا الي كنا مانفهم شي
او مب مانفهم بس الاهل كانوا مربينا عدل ومانلتفت حق هالسوالف
وبالتوفيق

الكــاســــر

05-07-2010, 09:56 PM

اذا فالبلاك بيري تقدر تدخل ع المواقع بدون شي
شوف انا بجرب اليوم من تلفون رفيجي واذا طلع صح بكره باذن الله بتصل وطني الحبيب صباح الخير
بس قولي الطريقه لاني ماعرف حق البلاك بيري
طبعا ع الخاص

جزاك الله خير الجوكر شيك الخاص
ويا ليت الكل تكون عنده المبادرة نفس اخونا

مناري

05-07-2010, 11:16 PM

الحلال بين والحرام بين وكل انسان موكل بملكين على اليمين وعلى الشمال , يستخفون من الناس ولا يستخفون من الله والله معهم

الجوكر90

06-07-2010, 02:53 AM

اوبس
اليوم جيكت وطلع عادي تدخل اي موقع
ياويلكم ياكيوتل مني

بس اخاف اتصل واقول افتح عيون الناس اقصد اليهال مب فالعمر فالعقل
او الاثنين مع بعض

وتسلم اخوي ع الموضوع
ولاهنت

الكــاســــر

06-07-2010, 02:34 PM

اوبس
اليوم جيكت وطلع عادي تدخل اي موقع
ياويلكم ياكيوتل مني

بس اخاف اتصل واقول افتح عيون الناس اقصد اليهال مب فالعمر فالعقل
او الاثنين مع بعض

وتسلم اخوي ع الموضوع
ولاهنت
:nice:

بعيد الدار

06-07-2010, 02:58 PM

دايم كيوتل كيوتل كيوتل

يا أخواني وين دور الأسرة في الموضوع

يعني لما ماتقدرون تمنعون اليهال من البلاك بيري تلتفتون على كيوتل وتقولون صكوا الخدمة

ياخي أقصر الشر ولا تشتري بلاك بيري

نفس الستلايت تفتح كل القنوات وتقول للعيال لا تدخل هالقناة زين أنت ما مسحتها ليش أنت مخلي الدش في غرفة اليهال ليش

يعني بالعربي اللي يبي الخراب بيخترب وله مليون طريقه وطريقة
واللي يبي الهداية بيلقى مليون طريقة وطريقة

شبعان

06-07-2010, 03:55 PM

الحلال بين والحرام بين وكل انسان موكل بملكين على اليمين وعلى الشمال , يستخفون من الناس ولا يستخفون من الله والله معهم

الدوله هي المسئوله عن حماية المجتمع من الفساد..
هل توافق على فتح كازينوهات القمار وبيوت الدعاره ونقول كل واحد مسئول عن نفسه؟؟

الكــاســــر

06-07-2010, 05:13 PM

الدوله هي المسئوله عن حماية المجتمع من الفساد..
هل توافق على فتح كازينوهات القمار وبيوت الدعاره ونقول كل واحد مسئول عن نفسه؟؟

أحسنت أخي ولكن لا حياة لمن تنادي
الصراحة أنا أستغرب من الناس الي يقولون كل واحد مسؤول عن أفعاله
نعم هذا صحيح ولكن إلى حدود معينة

هل صعب من كيوتل انهم يحظرون المواقع المخلة على البلاك بيري فقط...دون إلغاء الخدمة؟؟ أم انها تعلم ان هذا فيه خسارة فلوس فلا تريد فعل ذلك

يا جماعة احنا نتكلم عن شباب ومراهقين عندهم جهاز صغير شايلينه معاهم في كل وقت ومكان... في الخلوة وفي غيره.. والشهوة والفتن مو هينة
ترا بعضهم يريد يوقف الحرام بس مو قادر لأن كل شي مفتوح وسهل
ولا قادر يترك البلاك بيري لأن كثير من ربعه يتواصلون عن طريقه
وبعضهم تجيله نكت فيها رابط يحسب الرابط نظيف ولكن تطلعه صورة... هاي اش ذنبه؟

احين شنو الحل ؟
نقول حق 40000 شخص راقبوا نفسكم أو بيعوا البلاك بيري وارموه في الزبالة؟
ولا نقول يا كيوتل الله يخليكم صكروا المواقع البذيئة تراكم ذبحتونا ؟

والي ليحن يقول الحل في هالموضوع ان كل واحد يراقب نفسه..الصراحة يراجع عقله قبل لا يرد

شبعان

06-07-2010, 05:46 PM

هذا مخالف للدستور والدليل....

الدستور القطري ..المقومات الأساسية للمجتمع(الماده 22).......)
ترعى الدولة النشء ، وتصونه من أسباب الفساد وتحمية من الاستغلال ، وتقيه شر الإهمال البدني والعقلي والروحي ، وتوفر له الظروف المناسبة لتنمية ملكاته في شتى المجالات ، على هدى من التربية السليمة..

الكــاســــر

06-07-2010, 11:23 PM

الدستور القطري ..المقومات الأساسية للمجتمع(الماده 22).......)
ترعى الدولة النشء ، وتصونه من أسباب الفساد وتحمية من الاستغلال ، وتقيه شر الإهمال البدني والعقلي والروحي ، وتوفر له الظروف المناسبة لتنمية ملكاته في شتى المجالات ، على هدى من التربية السليمة..

يعني كيوتل لا ديــــــــــن ولا قانـــــــــون
لا حول ولا قوة إلا بالله

الجوكر90

07-07-2010, 04:50 AM

السلام عليكم
يالربع كنت بتصل وطني الحبيب صباح الخير
بس قلت بخليها حق يوم الخميس
المهم قلت حق رفيجي السالفه واني ابي اتصل قالي ترى مافي الحين وطني الحبيب
بعد الاجازه
بس ان شاء الله بروح جريده الشرق وبقولهم عن كل شي
وبالتوفيق ان شاء الله

الكــاســــر

07-07-2010, 11:54 AM

ابو فهيد

07-07-2010, 10:15 PM

اللة يحفظ امة محمد من كيد اعداها
واللة يهدي كل ام وابة معطي اعيالة بلاك بيري او ايفن

الكــاســــر

08-07-2010, 12:42 AM

الله يحفظ امة محمد من كيد اعداها
والله يهدي كل ام وابة معطي اعيالة بلاك بيري او ايفن

امين امين

Msh3l

13-07-2010, 06:27 PM

الله كريم !

الصريحه

13-07-2010, 07:57 PM