اقتراح بلاك بيري في شوارع القطريه

[كلاسيك قطر]

السلام عليكم ورحمه الله وبركاته

اخواني من كثر الحوادث في قطر كله من البلاك بيري

وانا عندي اقتراح حلو وحتى الامارات والتحديد في العاصمه أبوظبي

حطين جهاز مخالفه البلاك بيري والاحزام

وانا قترح انه يحطون هذا الجهاز في قطر

ونبي رايكم

[شموخ دائم]

,

,


شكرا على الموضوع


اعتقد مخالفه التحدث في الموبايل بدون سماعه تشمل البلاك بيري

ولازم ما نميز بينه وبين الموبايل

نفس كتابه المسج بالتلفون العادي كلها خطره

المطلوب رفع ثقافه الناس لخطر الهاتف وكتابه المسجات بالسياره على شكل اعلانات

وتوعيه مكثفه من قبل المرور في التلفزيون والراديو

الموضوع خطير ويبي توعيه

نحتاج نخاطب عقول الناس وليس جيوبها

دمتوا بطيب

,

,


اخوك


شموخ دائم

[كلاسيك قطر]

اي اخوي وانا معاك بس في جاعز يحطونه في الشوارع

[حبر سري]

اي اخوي وانا معاك بس في جاعز يحطونه في الشوارع

اخوي وشهو الجاعز؟

[الـمـرقاب]

,

,


شكرا على الموضوع


اعتقد مخالفه التحدث في الموبايل بدون سماعه تشمل البلاك بيري

ولازم ما نميز بينه وبين الموبايل

نفس كتابه المسج بالتلفون العادي كلها خطره

المطلوب رفع ثقافه الناس لخطر الهاتف وكتابه المسجات بالسياره على شكل اعلانات

وتوعيه مكثفه من قبل المرور في التلفزيون والراديو

الموضوع خطير ويبي توعيه

نحتاج نخاطب عقول الناس وليس جيوبها

دمتوا بطيب

,

,


اخوك


شموخ دائم


اتفق معاك اخوي شموخ..}

[كلاسيك قطر]

اخوي وشهو الجاعز؟

جهاز يكشف الي عنده بلاك بيري والي مو رابط الحزام يعطونه مخالفه

هاي في الامارات نا ودي يكون في الدوحه


لو عندي صورت الجهاز والله احطها اهني

[روضه الجنة]

مب شرط البلاك بيري !! لازم كل الهواتف

[امل الحب]

ممم سؤال..

شلون.. يكتشف الجهاز ان السايق هو الي عنده البلاك بيري ؟؟

[JN000N]

شكثر سوولهم توعيه وشكثر دعايات واعلانات وحملات توعويه لين شبعو

لكن لا حياة لمن تنادي

كل واحد يقول مب صاير لنا الا اللي الله كاتبه

لكن لو بتخاطب جيوبهم فهالسالفه صدقني بتحوس على مصرانهم يسوونها خاصه وانهم يتشكون من هالسالفه
جوف يوم خاطبو جيوبهم عالحزام لبسوه،، والتزمو فيه
ويوم خاطبو جيوبهم عالسرعه والاشارات عدد كبير التزم

والحين لو بيخاطبووون جيوووووووبهم عدل عالجووووال بيلتزمون كلبوهم

يعني اللي عندنا مشالله عليهم ما يستقبلون بعقول،، يستقبلون بجيووب ^^

[بوخالد911]

واللي عنده مثلا نوكيا وغيره

هل علييه مخالفة بعد؟

[كلاسيك قطر]

لا بس بلاك بيري ال يسوق وله مايسوق

وانا كنت في الامارات وبالتحديد ابو ظبي
انا عندي بلاك يري ورفيجي عندى بلاك بيري

ويوم رفيجي يجدد الاستماره قالو عندك مخالفه 1000 درهم
قالهم ليش قال مخالفه بلاك بيري 500 للشخص واحد

[الأصيلة]

المفروض يكون هناك التزام
ولازم توفر الدولة كل الأجهزة اللي تفضح الأجهزة للمحافظة على أرواح من لا يحب روحه ويستهتر فيها...

[بوحارب]

لا بس بلاك بيري ال يسوق وله مايسوق

وانا كنت في الامارات وبالتحديد ابو ظبي
انا عندي بلاك يري ورفيجي عندى بلاك بيري

ويوم رفيجي يجدد الاستماره قالو عندك مخالفه 1000 درهم
قالهم ليش قال مخالفه بلاك بيري 500 للشخص واحد

:eek5::omg:

[ودي أكون]

كان عندي صورة الجهاز .. اذا قدرت اجيبه لكم :)


والله يبلى الجهاز اهني انا مع هالفكرة :shy:

[مرتبش]

شلون الجهاز يعرف انك تستخدم البلاكبيري اثناء السياقة؟

يمكن حاطه في مخباك وما استخدمته؟ وتجيك المخالفة..

[كلاسيك قطر]

شلون الجهاز يعرف انك تستخدم البلاكبيري اثناء السياقة؟

يمكن حاطه في مخباك وما استخدمته؟ وتجيك المخالفة..

لا عادي لو البلاك بيري في مخباك مايعطيك مخالفه

لو انت ماسك بلاك بيري اهني يجكك

[كلاسيك قطر]

للرفع مهم

[tulepq]

للرفع مهم


أكيد مهم ونتمنى أن يتم النظر في هذا الموضوع ..

الناس قامت تتجاوز الحارات اللي هم فيها والسبب هالبلاك بيري ..

عساك ع القوه

[كلاسيك قطر]

مشكووووووره اختي

فيج الخير والموضوع مهم والله

[auto body]

اهل بوظبي الله يعينهم على الكاميرات الخاصه للحزام والهواتف كل كيلوا كاميرتين باليز

الله يكون في عونهم

[ابو ضمير]

لا عادي لو البلاك بيري في مخباك مايعطيك مخالفه

لو انت ماسك بلاك بيري اهني يجكك

:omg::omg::rolleyes2: اشلووون هذا الجهاز يعرف اني ماسك البلاك بيري اما هذي غريبه :rolleyes2:ليش الجهاز عنده عيون ومخ يميز فيه:rolleyes2:

[هدى السليطي]

يمكن واحد عنده بلاك بري ومايسولف فيه
بعد عليه مخالفه

[BIG-VEGA]

يمكن واحد عنده بلاك بري ومايسولف فيه
بعد عليه مخالفه


الي فهمته

اذا كان في الشنطه او محطوط على الدرج عادي
بس اول ماتحطين صبعك عليه يصيح جهاز الشرطه ويشتغل الونان وتتسجل المخالفه

الله المستعان