؛؛ اقتــــــراح ... بطاقات تعبئة الوقـــــود بدلاً من الدفع كـــاش ؛؛

[رهج السنابك]

؛




اقتراح موجه لوقود ولمحطات البترول


نتمنى يكون فيه بطاقات اليكترونية لتعبئة الوقود للسيارات بدل من الدفع كاش

وخاصة ان هالطريقة بتنفع للناس اللي عندهم دريولية حرامية:secret:


هالطريقة مطبقة في الاماارات " بترونت "
وفي عمان

وفي الكويت مؤخراً باسم بطاقة ألفا وهي عن طريق البطاقة المدنية تقدر تشتري فيها الوقود

واعتقد تكون البطاقات فيها ليمت معين وتقدر من خلال الانترنت تشيك كم باقي في رصيدها وكم مرة تمت التعبئة وكل المعلومات .. وبعد تنفع للاشخاص اللي مرات يتوهقون ويكون ما معهم كاش في جيبهم

خوش اقتراح ولا لا ؟:shy:

؛

[الـمـرقاب]

أضم صوتي للفكره!
على الاقل لو صادف وماكان عنده الواحد كاش، يقدر يدبر عمره
بالبطاقه، ومثل ماقلتي: بعض السوّاقين يدهم خذت على البوق..!

[شموخ دائم]

,

,


اقتراح طيب والله

للاسف ان هذه الطريقه صار لها عشرات السنين في الدول الغربيه

والعربيه والخليجيه

وحتى الان ما وصلت قطر

احنا لسه نتكلم عن مواقف كروه ونطالب يكون في ظل بدل الشمس

ولسه نتكلم عن المظهر الحضاري لشكل المحطه ومطاعم الهنود داخل المحطه

اشكال بعض المحطات تفشل والله

واتمنى من وقود تحط خيار الدفع بالبطاقه

والله كريم نشوف اليوم الي فيه كل المحطات شكلها حضاري وفيها البطاقات ومميزه بالشكل

الي تليق باسم قطر ان شاء الله





,

,


اخوك


شموخ دائم

[هام السحاب]

اتوقع ان هالنظام مطبقينه محطات بترول التيسير
بس حد يقدر يأكد هالمعلومه !!

[فيزيائية]

النظام موجود في التيسير
احنا نعبي للدريول ونعطيه البطاقة

[قلم حائر]

والله فكرة حلوة واذا انها مطبقة بالتيسير اتمنى انها اتطبق عالباقي اريح لنا
اضم صوتي لصوتك

[الـمـرقاب]

دام انها مطبقه في محطة وحده، المفروض تطبيق الفكره يشمل جميع
المحطات، خاصه ان الفكره تم تجريبها في محطات التيسير وأثبتت نجاحها
حتى في باقي الدول الخليجيه..! دائماً الافكار الناجحه تنفذ ببطء شديد، وأفكار
كتب لها الفشل عند من سبقونا [مثل المدارس المستقله] تتطبق بشكل سريع!

[الأصيلة]

ياليت والله هالطريقة تعمم على محطات الوقود...
أمس العصر صديقتي تعبي بترول من محطة الميناء مقابل الكورنيش
تقول أول ما طلبنا من العامل يعبي لنا بـ 20 ريال سلمناه المبلغ وعلى طول حطه
مع الفلوس اللي بيده,,,
بعد ما خلصنا ومشينا لحقنا وهو يصرخ
ماما انت مايجيب فلوس...
السواق استغرب وحلف انه عطاه الفلوس ..!!
الأخ ينكر ويهدد ...وحتى مانعطل السير اضطرينا ندفع له
يعني أخذ 40 ريال وحط لنا بـ 20
مش نصب هذا .؟
تقول دورت أحد كبير او مسؤول في المحطة عشان اشتكي على العامل مالقينا أحد...

[فرقة الصقور]

خل انخلص من مشكله اسطوانات الغاز
وبعدين تفكر فينا وقود لحلول ثانيه

[الوعد2016]

جميع محطات التيسير فيها الخدمه
وعندي شركة كل سياره فيها بطاقه مخصصه برقم السياره فقط تخصم مباشره من البطاقه
وكذالك يتم التنسيق مع الشركه او باول

[N7eEeS]

الخدمه مطبقه في محطات بترول التيسير.
كانت عندي مشكله كبيره مع سواقين الشركه يتفقون مع راعي المحطه يعبي لهم بمبلغ والباقي يتقاسمونه مع السواقين جربت الفواتير مافادت جربت الكوبانات مافادت لين تقريبا من سنتين خذت بطاقات التعبئه من التيسير في بطاقه تكون لسياره معينه وعليها الرقم وفي نوع مفتوح لكذا سياره وكل فتره اجرب اسوي كبسه عليهم واخذ بطاقه بغير رقم السياره واشوف يعبون او لا وللامانه طلعوا مايعبون.
وفرت في العمليه اكثر من 25% من اللي كنت ادفعه قبل بس عيب التيسير مالهم محطات وايد خاصه بعد احتكار وقود للمحطات الجديده.

[Rashid554]

هالنظام تم دراسته ووافقو عليه وباقي بس اصداره

http://www.woqod.com.qa/net/arb/products/retail/paymentcards_arb

[ولد النواخذه]

نأمل ذلك

[سوق الريان]

اتوقع ان هالنظام مطبقينه محطات بترول التيسير
بس حد يقدر يأكد هالمعلومه !!



خدمة بطاقة موجودة في كل محطات بترول التيسير اخوي هام السحاب

[Doha Sun]

خوش فكرة والله ..
اضم صوتي لكم ..

[لجين قطر]

موجوده في كثير من المحطات تاخذ لك دفتر كوبونات بالمبلغ الا تبيه وتعطي الدريول بمزاجك 10 او 20 او 30

[الأصيلة]

موجوده في كثير من المحطات تاخذ لك دفتر كوبونات بالمبلغ الا تبيه وتعطي الدريول بمزاجك 10 او 20 او 30

قيل لي والله العالم أن بعض السائقين يأخذون كوبون مثلا 40 ريال بورقتين ويتفقون مع العامل
بأن يعبي بـ 30 ويرجع العشر ريال...
لم يعد عندي ثقة بشيء أبدا فاصبحت كل ما أركب سيارة أعبيها full
ومرات يصادف ما أركب السيارات الثانية فأضطر أقول له جيب فاتورة ..
تجارب..جيناهم بكل الطرق والحيل..
لكن بالأخير السواقين والعمال هم الكسبانين ويضحكون علينا...

[قناص قطر]

السلام عليكم

انا محتاج للسواقين اللي عندي

عددهم 6 ماتدري من فيهم يده خفيفه

كل فتره احس بعدم الامان منهم

اتصلت بشركة وقود من اسبوعين ومن شخص الى شخص

الى ان وصلت للمسؤل للاسف اجنبي

يقول الفكره موجوده وان شاء الله قريبا جدا التنفيذ

[بوخالد911]

يسس


تذكررت جنييف

مررريت جمب محطة بترول بالليل

ولا شفت احد بالمحطة

ونزل راعي السيارة

وحط بطاقته

وعبأ موتره بالبتروول
ومشى



ظاهرة أعجبتني

[CH Engineer]

فكره حلوه
موفقة اختي
واضم صوتي لصوتكم..

[روح الاطلس]

ان شاء الله يطبقونها عندنا في الامارات على ما اظن لها خمس سنين في كل المحطات

وان كانت وقود تفكر في هالشي ان شاء الله تستعجل ومايطول تفكيرها !!

[الساهر 17]

اشتري كرت كابونات بخمسمائة ريال فيها كابونات بقيمة 5 ريال و10 و50 وكل مرة عطيه كابون بالسعر الي تبغينه ولا ترى بيستخدم البطاقة حق ربعه في تعبئة البترول

[بو خليفه 123]

انشهد انه خوش اقتراح .. لا فاض فوك يالارستقراطيه ..


أنا من الاشخاص اللي يشيلون معهم كاش فقط لتعبئة الوقود ولا مصاريفي كلها من البطاقة الاليكترونيه حتى اكون على علم تام بتذبذب مصروفي الشهري :)

[FAUCHON]

فكره طيبه لو تطبق في كل محطات البترول مب بس وقود والتيسير

ويحب ذا لو يخلون وقوود في كل مناطق الدوحه في محطات وايد مالها داعي

محطه مافيها الا دكان وكم محل

يعني ابي افهم ليش ما يجددون المحطات


عندكم - محطه بترول الجامعه
- اللاند مارك
- الدحيل
- طيبه


" نبيهم كلهم وقووووووود "

[الملا]

اي النظام مطبق في محطات التيسير

واتمنى تطبيقه في كل المحطات وخصوصا الوقود