إلى أصحاب الملاحق ....... سؤال لو تكرمتوا

[بواردي]

كلن يدور له

على مدخول اضافي
يسد فيه شوي من مصاريف بيته وعياله

ومع طيران الاسعار والغلا اللي ذبحنا

للاسف الاغلبية صار يبني له ملحق في بيته ويضيق على نفسه وعلى عياله عشان يقدر يامن له كم بيزة اخر الشهر يسدونه لي طار الراتب

سوالي

هل تاجير ملحق بدون ترخيص
من كهرماء

يعني الماي والكهربا
مشتركة من بيتك

وانت تاخذ منه ايجار بدون ما يدفع لا ماي ولا كهربا

الاغلبية يقولون هالشي حراااااااااااام
ويعتبر سرقة من المال العام للدولة

واذا انا غلطان ياليت حد يقول لي

وهل في فتوى تحلل او تحرم هالشي

اذا حرام ياليت الاخوة اللي عندهم ملاحق يركبون عددات ويطلعون تراخيص

[الأصيلة]

صراحة سمعت بأسعار الملاحق نار..
معقول هالإستغلال...
يوسع على نفسه بالتضييق على الناس...

[بواردي]

صراحة سمعت بأسعار الملاحق نار..
معقول هالإستغلال...
يوسع على نفسه بالتضييق على الناس...

هلا اختي الاصيلة

ما فهمت قصدك في يوسع على نفسه بالتضييق على الناس

قصدك تاجير العزوبية وسط العوايل

ترى الموضوع عن سرقة الكهربا والماي بشكل غير مبااااااااشر

اما سالفة تاجير العزوبية

هاي بروحها طامة ويبيلها مواضيع مهب موضوع

وان شاء الله سنة وما نشوف وزار وشورت في الفريج

[الأصيلة]

هلا اختي الاصيلة

ما فهمت قصدك في يوسع على نفسه بالتضييق على الناس

قصدك تاجير العزوبية وسط العوايل

ترى الموضوع عن سرقة الكهربا والماي بشكل غير مبااااااااشر

اما سالفة تاجير العزوبية

هاي بروحها طامة ويبيلها مواضيع مهب موضوع

وان شاء الله سنة وما نشوف وزار وشورت في الفريج

لا أنا أقصد أن أيجار الملاحق غاليه جدا...
يعني شفت بعيني غرفة صغيرة جدا وحمام الله يكرمكم
بـ 1700 ريال
معقول والله مايستاهل 500 ...
ايش هالجشع والطمع ...
اللي بيرفع الإيجار يرفعه على مكان يستاهل
مب أستغل حاجة الناس...

[دهــن العود]

لا أنا أقصد أن أيجار الملاحق غاليه جدا...
يعني شفت بعيني غرفة صغيرة جدا وحمام الله يكرمكم
بـ 1700 ريال
معقول والله مايستاهل 500 ...
ايش هالجشع والطمع ...
اللي بيرفع الإيجار يرفعه على مكان يستاهل
مب أستغل حاجة الناس...


مع غلاء الاسعااااااااااااااااار والاستغلال

يستااااااااااااااهل الملحق مبلغ 1700وفوق

[شموخ دائم]

,

,

مرحبا اخوي

طبعا الموضوع واضح ومو محتاج فتوه

الدوله وفرت لنا شي ولا يجوز التصرف فيه الا بموافقتها

الماي والكهرباء للقطري في بيته مجانا

واما لبيوت الايجار والمحلات والشقق التجاريه

او اي مبنى اعد للايجار فالكهرباء والماء بمقابل لانه استثمار

طبعا ما يجوز استخدم موارد الدوله للكسب الشخصي

والمفروض نركب عداد خاص بالملحق بموافقه كهرماء

والمستأجر اذا كان قطري ما يدفع له اعفاء واذا اجنبي يدفع على حسب الفاتوره

والتصرف بدون علم جهات الاختصاص هو تعدي على القانون

الاحسن نمشي على القانون وحتى يكون الايجار حلال والله يبارك فيه

الواحد ينام وضميره مرتاح

بالنسبه لسعر الايجار السوق له سعر مره مرتفع ومره نازل هو عرض وطلب

والانسان العادي يمشي مع سعر السوق وما اشوف فيها شي غلط

الملحق هذا كلف مبلغ وله حسبه معروفه حتى يسترد راس المال ويربح منه

قبل انتهاء عمره الافتراضي


دمت بود
,

,


اخوك


شموخ دائم

[سهم متردد]

اتفق معااك في كل نقطة وخاصة المال العام
ولاكنك تحسسني ان هذه الطامة الكبرى الى ماخذه المال العام ومدهوره الوضع المعيشي في الدوله
مع احتلاامي للبعض يخلي اختلاسات قاعدة تصير في مؤسسات كبيرة ويضع الف علامة استفهام على النقاط الصغيرة
واذا خايف على كهرماء او مواردها فترى عدد القطريين مايتجاوز ال مليون

[هداف]

احسنت وبارك الله فيك على هذا الحرص والخوف من شبهة المال الحرام والاكيد انه نوع
من الغش والتلاعب ! ؟

احسن من غيرك للاسف قطريين ومسلمين ويصلون معنا في المساجد !! ومعا كل هذا
عنده مقهى ويبيع شيشيه ورزقه من بيع الدخان !! هذا شتقول فيه ؟ ! واقسم بالله اني افكر
مرات بيني وبين نفسي هذا شلون يقدر ينام ومصدر رزقه مشبوه وحرام وعايش على بيع السموم !

[شموخ دائم]

,

,



اخوي سهم متردد

بارك الله فيك والله يبعدك عن هذي الناس الي تختلس

الانسان يعمل مايرضي الله

والناس الي تختلس من اموال الدوله

هناك جهات تحاسبهم ومن فوقهم الله سبحانه وتعالى

اذا ما نال عقابه في الدنيا اكيد بينال عقابه في الاخره

وحنا نعمل الصح ومحاسبين على تصرفاتنا

بالنسبه لي انا احب امشي بما يرضي الله اولا وثانيا على النظام والقوانين

اذا قدرت خير وبركه واذا ما يجوز او مخالف

اترك الشغله كلها وروح اشوف لي شي ثاني

الرزق فقط موجود في الطريقه الحلال

حتى لو كان قليل

بارك الله فيك

,

,

اخوك


شموخ دائم

[برشلوني قطر]

والله اليوم كنت اسولف مع واحد من الربع عن ذي الموضوع..

وهو الحين يبي يسوي ذي الشي...يعني بيأجر بيت صغير ف بيته والي بيأجره مب دافع كهربا وماي..

قلت له مايجووز ياخي << افتيت من عندي وحسيت ان ذي الشي غلط..

يااخي ف قانون لازم تركب عداد للايجار فلازم تكون فالسليم..

والله اعلم

[المنسى]

لا أنا أقصد أن أيجار الملاحق غاليه جدا...
يعني شفت بعيني غرفة صغيرة جدا وحمام الله يكرمكم
بـ 1700 ريال
معقول والله مايستاهل 500 ...
ايش هالجشع والطمع ...
اللي بيرفع الإيجار يرفعه على مكان يستاهل
مب أستغل حاجة الناس...


اختى الكريمه لو عندك ملحق كان بتاجرينه 500escape

[الريـــاني 1]

الافضل انك تركب عداد وتفك حالك لانها مخالفة للقانون ودام انها مخالفة فهي حرا م

[بواردي]

اتفق معااك في كل نقطة وخاصة المال العام
ولاكنك تحسسني ان هذه الطامة الكبرى الى ماخذه المال العام ومدهوره الوضع المعيشي في الدوله
مع احتلاامي للبعض يخلي اختلاسات قاعدة تصير في مؤسسات كبيرة ويضع الف علامة استفهام على النقاط الصغيرة
واذا خايف على كهرماء او مواردها فترى عدد القطريين مايتجاوز ال مليون

هلا اخوي

انا طرحت الموضوع عشان بعض الاخوة اللي يمكن ما يعرفون انه غلط

تاجر ملحق او بيت لاجنبي بدون عداد

ولو شفت غلط كبير ولا صغير ما اسكت عنه

انت تشوف اني تركت الاختلاسات وكتبت عن اشياء صغيرة

اخوي اللي يسكت عن الصغيرة يسكت عن غيرها

وعلى طاري القطرين ترى للحين ما صكوا 300 الف
من وين صاروا مليون

وليش ما تبينا نخاف على كهرماء

لو كل واحد فتح له بيت وملحق في بيته

تعتقد ان خطوط الكهرب والماي تتحمل ضغط

واذا تحملت بتتحمل لي متى

ولو لا سمح الله صار ماس كهربا في الملحق من بيتحمل النتايج
كلا الطرفين مخالف
المالك والمستاجر

يعني الموضوع مب سهل مثل ما انت تتصوره

[Store]

في حل اتروح كهرباء وتعمل للملحق عداد منفصل واتسجله على اسم الشخص الي بتاجر له او باسمك وتدفع عليه تامين وتتفق مع الشخص الي بتاجر له انه يدفع الكهرباء والماي

[بواردي]

في حل اتروح كهرباء وتعمل للملحق عداد منفصل واتسجله على اسم الشخص الي بتاجر له او باسمك وتدفع عليه تامين وتتفق مع الشخص الي بتاجر له انه يدفع الكهرباء والماي

بارك الله فيك
هذا هو عين العقل

بس المشكلة احيانا البلدية ما تعطيك تصريح

واذا ما وافقت البلدية

انسى ان كهرماء تصرف لك عداد