إلى كل تاجرة .............

[كاروهات]

التاجــــــرات
هذولا ياويلهم من ربي
أنا ماأدري كيف مايخافون الله
راح أنزلكم بعض الأمثلة فقط:

بخاخ سالس هانسون حق السيقان
الأمريكي الأصلي سعره 28ريال
اللي بالخليج كله تعبئة الكويت نفس حكاية العطورات
ويبيعونه التاجرات على ميتين ريال

بالله مو حرام

التلج المضيء
الدرزن من الصين بثلاثة ريال
والتاجرات يبيعونه على خمسين ريال طبعا هذي الحنينة الطيبة بتبيعه بهذا السعر

نافورة الشوكولا والعصير
الوحدة فيهم على 32ريال
المرطبات والنكهات وربي يابنات
عندي تسعيرتها
انها بالهلل حتى ماوصلت للريال

كاسات العصير المضيئة الزجاج الدرزن على 8ريال
شنطة اللاب توب الماركات
اللي عليها لوقو الماركة
على 13ريال

نظارت الماركات اللي التقليد طبعا بس تقليد درجة أولى
على 18ريال وكم هللة
وشوفو التاجرات بكم يبيعوها

طاولات اللاب توب
ب21ريال وعليها هلل

مرة لقيت تاجرة عارضة فساتين صينية والفستان على مية ريال
سبحان الله من لقافتي ولأنها صارت هوايتي التنبيش وكشف المستخبي
وصارت عندي خبرة
حصلت على التسعيرة
طلع أغلى فستان بينهم ب28ريال وعليها هلل
هذا للمفرق بس الجملة أرخص بكثير
وهي طبعا آخذتهم جملة

أنا ماأخرب عليهم الله يرزق كل وحدة من واسع فضله بس والله حرام حتى بالشرع مايجورز وحررررام يكون المكسب أكثر من نصف قيمة البضاعةأنا أقولكم ممكن تكون تاجرة حرام مضحوك عليها وآخذتها من تاجرة ثانية بس أنا أقصد اللي تكون هي جايبتها أصلا من الصين :secret:

وترفع السعر كذا بشكل مبالغ


منقــــــــــــــــــــــــــــــــــول لكن صحيح وواقعي 100%

[um.5alofy]

ma89rty 7boba

yaryt etha t3rfyn al mo83 trslynhm ly 3la al 5a9 etha ma3lyj ameer

y36yj al3afya

[الماسه79]

كلمة حق لازم تنقال واعتقد انقالت كثير بس البعض يحب التذكير

البيع والشراء يجي بالاتفاق مو بالجبر والغصيبه
والمشتري له الحق يدور بالف مكان قبل ما يحدد من وين يشتري
والزبون هالايام صار واعي ويفصص الحاجه ويطلع روح البايع قبل مايشتري مو بس يجي ويقط فلوسه ويقول اخرتها استغفلني التاجر

وحاجه ثانيه البنت اللي كتبت هالموضوع اللي انتي عارضته ياريت لو فكرت وتحرت عدل... السالفه موسالفة تصفيف كلام والسلام
الحاجه اللي تنباع في الصين بعشره ريال كم راح تاخذ من البايع من جهد ومصاريف اقامة وتذاكر وشحن اذا اهوه رايح الصين يتنقى بضايعه...واذا اهو راح يشتريها من التجار اللي عندنا اكيد التاجر اللي بيشتري من عنده اساسا ضاف على السعر الاصلي (التكلفه) زاد عليها مصاريف واتعاب جلب البضاعه وعرضها ... بالمختصر من وين ماشرا التاجر بضاعته ماراح تجيه بالهلله او القروش اللي تتكلمون عنها اكيد بتجيه بمبلغ وقدره واذا جى يبيعها على المشتري اللي بالنت لاتنسين المكالمات والتواصل بالنت لها اول ومالها تالي الين الزبون يشتري ويوصله الغرض وهومرتاح في بيته ووسط اهله واذا ما شرى فعليه العوض في هالمكالمات والقعده على الايميل اللي بيدفع لهم من جيبه غير حرقة الاعصاب والضغط؟!!!

تبينه بعد كل هالعناء يجي يبيع بنفس السعر يعني او يضيف 10ريال ؟؟هذا يعطي نفسه العافيه احسن من هالبيعه...

اللي يعرف بالسوق يدرك تماما الفرق في السعر عند الشراء بالجمله او المفرد والشراء من الباعه او الشراء من المورد او المصنع مباشره... فلاتظلمون الناس واللي يتكلم خله يفكر بكل هالاعتبارات

[المغروره]

التاجــــــرات
هذولا ياويلهم من ربي
أنا ماأدري كيف مايخافون الله
راح أنزلكم بعض الأمثلة فقط:

بخاخ سالس هانسون حق السيقان
الأمريكي الأصلي سعره 28ريال
اللي بالخليج كله تعبئة الكويت نفس حكاية العطورات
ويبيعونه التاجرات على ميتين ريال

بالله مو حرام

التلج المضيء
الدرزن من الصين بثلاثة ريال
والتاجرات يبيعونه على خمسين ريال طبعا هذي الحنينة الطيبة بتبيعه بهذا السعر

نافورة الشوكولا والعصير
الوحدة فيهم على 32ريال
المرطبات والنكهات وربي يابنات
عندي تسعيرتها
انها بالهلل حتى ماوصلت للريال

كاسات العصير المضيئة الزجاج الدرزن على 8ريال
شنطة اللاب توب الماركات
اللي عليها لوقو الماركة
على 13ريال

نظارت الماركات اللي التقليد طبعا بس تقليد درجة أولى
على 18ريال وكم هللة
وشوفو التاجرات بكم يبيعوها

طاولات اللاب توب
ب21ريال وعليها هلل

مرة لقيت تاجرة عارضة فساتين صينية والفستان على مية ريال
سبحان الله من لقافتي ولأنها صارت هوايتي التنبيش وكشف المستخبي
وصارت عندي خبرة
حصلت على التسعيرة
طلع أغلى فستان بينهم ب28ريال وعليها هلل
هذا للمفرق بس الجملة أرخص بكثير
وهي طبعا آخذتهم جملة

أنا ماأخرب عليهم الله يرزق كل وحدة من واسع فضله بس والله حرام حتى بالشرع مايجورز وحررررام يكون المكسب أكثر من نصف قيمة البضاعةأنا أقولكم ممكن تكون تاجرة حرام مضحوك عليها وآخذتها من تاجرة ثانية بس أنا أقصد اللي تكون هي جايبتها أصلا من الصين :secret:

وترفع السعر كذا بشكل مبالغ


منقــــــــــــــــــــــــــــــــــول لكن صحيح وواقعي 100%
اضم صوتي لج ؟؟؟؟؟؟؟؟لكن شنقول بقولون تجاره ربح وخساره وشحن
تحيااتي لج كلمه حق بصرااحه

[كاروهات]

يا المغرورة

ترى هالكلام ما بيحرق الا اللي تخدع في الناس
والمصيبة ان احيانا توصل الاسعار خيالية
خاصة هالاشيا اللي تنباع تلوع الجبد لما اسمع عنها خلي ليلتج حريقه قصدي مضيئة واشكال وانواع اتقولين حركات يا بلفيت

الحبة ب50 يالله الحقي تراني نزلت من السعر
لا واللي اتيي اتقول تلحق ولا ما تلحق نزلت من فساتيني الروووووووووووعه وفي الاخير ادش واشوف فساتين الله بالخير
ومو الكل لا والله في اغراض حلوة وزينة بس في اغراض الصراحة انا استغرب يشترونها مثل المخدة المضيئة الله واكبر شي عجيب !!!!!!!!!!!!!!!!!!!!!1

[شيزكيك]

ههههههههه ضحكتني المخده المضيئة ولا المفرش الفسفوري ماخلوا شي والحين كانه في ورده

ما ادري دبدوب يتكلم

[كاروهات]

شيز كيك

ترى يقولج في بعد حركات واااااااااااايد بس انا مالي بهالسوالف
سمعتي عن لعبة يلعبها الزوجين وفي النهاية تؤدي الى خ خ خ خ خ
اموت واعرف شنهي اللعبة

الله يعطيهم العقل

[umhend]

كلامج صحيح اختي المشكله الاشياء المضيئه الخمه هذي مب تلوع الجبد الا تضحك ومستواها
ولكولتي مالها ضعيف والفنش حالته حاله بس تدرين والله الي مايفتح مخه وعينه وشقاعد يشتري
يستاهل الي يجيه انتي شوفي الشنط التقليد الي كانت ب 1000 و1500 عل كم صارت 450 والغاليه
فيهم 700 مو حرام الله المستعان وجزاج الله خير اختي

[princess lul]

السلام عليكم

موضوع حلو بس فيه شي شغلات اتفق معاج فيها وشغلات لأ

انا اشوف انه مب غلط لو التاجر او التاجرة قدروا انهم يبيعون شي مسموح شرعا ويربحون

هذي شطارة لا اقل ولا اكثر

بس انا اتفق معاج في ان حرام المربح يكون اضعاف مضاعفة من السعر الأصلي
وبعد شي ثاني
الي يقولون ان البضاعة اصليه او انها تقليد درجة اولى ومن امريكا
وبالحقيقة تكون درجة ثانية ومن الصين

انا عن نفسي اشوف انه مب غلط لو الواحد قدر يربح شوي ويترزق
بس الغلط والحرام غش الناس ووضع اسعار لمنتجات ما تستاهل

ان شاء الله يكون كلامي خفيف وما حد يزعل وانا اتكلم بشكل عام وكلمة الحق تنقال
ومشكورة عيوني
وعساج ع القوة

[كاروهات]

شبلاهم التاجرات ما يبون يردون على الموضوع ..................

[آنــه]

انتي كتبتي كلامج والله يجزاج خير عنه
وهم يبون يردون ولا ما يردون شي راجع لهم
لا تعلقين تروح حسناتج بهالردود

انا عن نفسي وحده صدمتني تبيع قوالب بس مو بهالمنتدى
القالب على 40 ريال تبيعه المره ب 200

قمت انا شريت 5 من النت و عطوني اياهم بـ 360 مع التوصيل

[((غلا قطر))]

الله المستعان ،،، يعني تركتوا كل ذي المحلات والمجمعات إلي في الدوحة وجيتوا على تجار المنتدى .
السالفة كلها ( صبه ردة) حتى أسعار المجمعات خيالية وما تستاهل ومبالغ فيها بس المشكلة في الزباين إلي قاعدين اتقط افلوسها على أشياء ما تسوى ولا تستاهل لو تجار المنتدى علو الأسعار معذورين لاقيه ناس تشتري وهي مغمضة .

[lalysweet]

اهلا اختى انا بوافق كلامك ان حرام يكون المكسب اضعاف و ان ما يكون فى غش فى عرض البضائع لكن انا عن نفسى مبتدئة فى هذا المجال و مش بضرورة تكون التجارة بتكذب لو قالت البضاعة من امريكا و لا اسبانيا ممكن تكون التجار الى بتتعامل معة هناك فعلا لكن فى الاساس الصين هى الى بتصنع و توزع للكل و لازم كل واحد يراعى ربنا و يحسبها بما يرضى اللة و ربنا يرزقنا بالحلال

[lalysweet]

رجاء لو حد يعرف كيف ادفع الاشتراك السنوى للاشتراك فى المنتدى لانى ارسلت طلب للاشتراك و لم يصلنى اى رد و شكرا

[La Bella]

رجاء لو حد يعرف كيف ادفع الاشتراك السنوى للاشتراك فى المنتدى لانى ارسلت طلب للاشتراك و لم يصلنى اى رد و شكرا

انطري لين يردون عليج بخصوص الاشتراك