مسافر ماليزيا مع زوجتي وبنتي لصغيره وأدري بنتلعوز معاها ومانقدر إنخليها. وش الحل!!

[فــلان]

السلام عليكم و رحمة الله

إن شاء الله خلال هالأيام الجاية مسافر ماليزيا مع زوجتي وبنتي لصغيره وأدري بنتلعوز معاها ومانقدر إنخليها فالدوحه لأن مانقدر على فراقها وإن ناخذها ونتلعوز معاها هناك أهون علينا من نروح نستانس وبالنا عندها فالدوحه.البنت عمرها سنه و 9 شهور و ونيسه الله يحفظها لكن مانظمن تروينا الوجه القشر هناك وتعفس جونا.

هل توجد مربيات مسلمات موثوق بهم هناك لفترات مؤقته مع العلم إننا ما راح إنخليهم بروحهم والمربيه تعابل بها فقط.

هل تنصحوني بهالفكره من الأساس ؟

حد عنده أي حل بديل حق هالورطه :) ؟

أرجوا الإفاده العاجله مشكورين و جزاكم الله كل خير مقدما ً :)

[بدوي]

الله يوفقكم ياخوي

ويخليلك بنيتك وتتربى في عزكم ان شاءالله

هذي بنتك وحشاشة جوفك ، شلون يهنالك قلب وتخليها عند مربية ماتعرفها ولاتدري عنها وعن طبايعها

يبه .. ياتودي خدامتك وياك ، يا انك تخليها عند جدتها او خالاتها او عماتها !!

هذي وجهة نظري

[missperfect]

لااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااااااااااا


لاتخليها وتسافر اشضمنك لاااااااااااااا ثم لااااااااااااااااااااا اذا ماتبونها عطوني اياها باخذهااااااااااااااااااااا تحملوا تخلونها لاقدر الله صار شي والله لتندمووووووووووووون والله يهنيكم يااااارب

[ضوى]

السلام عليكم و رحمة الله

إن شاء الله خلال هالأيام الجاية مسافر ماليزيا مع زوجتي وبنتي لصغيره وأدري بنتلعوز معاها ومانقدر إنخليها فالدوحه لأن مانقدر على فراقها وإن ناخذها ونتلعوز معاها هناك أهون علينا من نروح نستانس وبالنا عندها فالدوحه.البنت عمرها سنه و 9 شهور و ونيسه الله يحفظها لكن مانظمن تروينا الوجه القشر هناك وتعفس جونا.

هل توجد مربيات مسلمات موثوق بهم هناك لفترات مؤقته مع العلم إننا ما راح إنخليهم بروحهم والمربيه تعابل بها فقط.

هل تنصحوني بهالفكره من الأساس ؟

حد عنده أي حل بديل حق هالورطه :) ؟

أرجوا الإفاده العاجله مشكورين و جزاكم الله كل خير مقدما ً :)

عسى ربي يحفظ لك بنتك ويبلغك فيها عرووس قول امين :)

اولا هذي مب ورطة واذا ورطة الله يكثر هالورطات الحلوة بحياتنا :rolleyes2:

بخصوص سفر البنت معاك لماليزيا ، انا جربت ولدي معاي بتايلند يوم عمره سنة وشوي ماشاء الله عليه بالعربة ولا ندري عنه الياهل بهالسن مايحتاج وايد اشياء غيروا له وشربوه حليبه بيقعد شوي وينام اهم شئ لا تنسى العربة وصدقني بتكون ونيستكم بالسفر ، صج شوية تعب بس ابدا لا تخليها عند مربية خلها تحت نظرك وين ماتروحون وصدقني بترد من هناك وبتقول الحمد لله اني ماخليتها وعسى ربي يهنيكم ويسعدهم ويحفظ لكم هالبنوتة

[فــلان]

الله يوفقكم ياخوي

ويخليلك بنيتك وتتربى في عزكم ان شاءالله

هذي بنتك وحشاشة جوفك ، شلون يهنالك قلب وتخليها عند مربية ماتعرفها ولاتدري عنها وعن طبايعها

يبه .. ياتودي خدامتك وياك ، يا انك تخليها عند جدتها او خالاتها او عماتها !!

هذي وجهة نظري

تسلم جزاك الله خير على الدعوه الطيبه :)

أنا ذاكر " مع العلم إننا ما راح إنخليهم بروحهم والمربيه تعابل بها فقط ".

و البنت بإمكاني أخليها مع جدتها مع العلم بأن جدتها ودها إني أخليها بس مانقدر إنفارق البنت.

[فــلان]

لااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااااااااااا


لاتخليها وتسافر اشضمنك لاااااااااااااا ثم لااااااااااااااااااااا اذا ماتبونها عطوني اياها باخذهااااااااااااااااااااا تحملوا تخلونها لاقدر الله صار شي والله لتندمووووووووووووون والله يهنيكم يااااارب

هههههههههههههههههههههه إشدعوه بنخليها بروحها لو قطوه ما قوينا فما بالج بـ بنتنا :) :) :)

[فــلان]

عسى ربي يحفظ لك بنتك ويبلغك فيها عرووس قول امين :)

اولا هذي مب ورطة واذا ورطة الله يكثر هالورطات الحلوة بحياتنا :rolleyes2:

بخصوص سفر البنت معاك لماليزيا ، انا جربت ولدي معاي بتايلند يوم عمره سنة وشوي ماشاء الله عليه بالعربة ولا ندري عنه الياهل بهالسن مايحتاج وايد اشياء غيروا له وشربوه حليبه بيقعد شوي وينام اهم شئ لا تنسى العربة وصدقني بتكون ونيستكم بالسفر ، صج شوية تعب بس ابدا لا تخليها عند مربية خلها تحت نظرك وين ماتروحون وصدقني بترد من هناك وبتقول الحمد لله اني ماخليتها وعسى ربي يهنيكم ويسعدهم ويحفظ لكم هالبنوتة

تسلمين على هالدعاوي الطيبه الله يرضى عليج و يخلي لج عيالج :) :)

أنا قصدت بالورطه الرحله مب بنتي إسم الله عليها ههههه :)

بالنسبه للبنت ودعت العربه تقريبا ً و حتى الحليب كغذاء أساسي يعني صارت تاكل وتشرب أكثر شي الفواكه و الخضرا و الأكل المفيد. يعني البنوت تقدر تمشي فقلت إذا أشيلها شوي و أمشيها شوي حتى عشان تقوى رجولها. طبعا ً المره حامل في شهرها الرابع يعني اللود بيكون علي بروحي فمادري شالسالفه ...

[بدوي]

تسلم جزاك الله خير على الدعوه الطيبه :)

أنا ذاكر " مع العلم إننا ما راح إنخليهم بروحهم والمربيه تعابل بها فقط ".

و البنت بإمكاني أخليها مع جدتها مع العلم بأن جدتها ودها إني أخليها بس مانقدر إنفارق البنت.


يبه دامها كذا :nice:

مثل ماقالت الاخت ضوى .. عليك بالقاري هو بيحل مشكلتك

القاري ضروووووري اذا نامت البنت + تحط فيه الاغراض ( ملابس البنت ، اكلها ، غياراتها ) + تعليق عليه اكياسكم لاتسوقتوا :)

مايبيلها كلافه ترى .. انا وديت ولدي الصغير وشووووحت فيه تشويييييح من ايطاليا لفرنسا لسويسرا صج انهم يلعوزونك في المطاعم بس لما ترجع بتحس انهم ملح السفرة

الله يوفقك ياخوي

[حراير قطر]

الله يتمم على زوجتك

لو اتخليها احسن سبحان الله

زوجتك تتعب عليك من الحمل او شيء

راح تتوهق اكثر بتحط بالك على زوجتك والا على بنتك

ما انصح زوجتك اتسافر لو انا ما سافرت لو شنو

اهم شيء يوصل مولودي بالسلامه والسفر لاحقين عليه ...

ورحلة سعيدة :)

[ضوى]

تسلمين على هالدعاوي الطيبه الله يرضى عليج و يخلي لج عيالج :) :)

أنا قصدت بالورطه الرحله مب بنتي إسم الله عليها ههههه :)

بالنسبه للبنت ودعت العربه تقريبا ً و حتى الحليب كغذاء أساسي يعني صارت تاكل وتشرب أكثر شي الفواكه و الخضرا و الأكل المفيد. يعني البنوت تقدر تمشي فقلت إذا أشيلها شوي و أمشيها شوي حتى عشان تقوى رجولها. طبعا ً المره حامل في شهرها الرابع يعني اللود بيكون علي بروحي فمادري شالسالفه ...


اللهم اميييييييييييييييين

شوف اخوي العربة حتى للسنتين والثلاث سنين تنفع واكلها وشربها مجهز بعلب مسبقة يعني لا تطلع من الفندق الا اكلها جاهز مافي احلى من الروب والعيش الابيض بهالسن الواحد يقزر بهم واذا دشيت مطاعم خليها تنقنق معاكم الخفايف ، الحليب اعمل حسابك تاخذ حليب طويل الاجل كم علبة تكفيكم المدة كلها ، الفواكة مكودة عندهم اللي يخطر ببالك ، والحمد لله الدولة مسلمة يعني لا تحاتي ان شاء الله الامور سهالات ، اما سالفة تشيلها شوي وتمشيها شوي انصحك نصيحة خليها بعربة اسهل لك ولها واريح

[بورصــة]

خلها عندي انا برعاها لين ترجعون

:)

احب اليهااااااااااااااااااااال موت :( وتوني قايله لاختي خلي ولدج عندي

وسافري مع ريلج بس هي رافضه :(

[mr_qtr]

السلام عليكم

ياخوي من وجهة نظري

انك تخلي البنت في الدوحه وتسافر انت وزوجتك " لسببين "

السبب الاول : البنت صغيره الله يحفظها ولا قدر الله تعرف شرق اسيا امراض الله يحفظنا منها

السبب الثاني : مب غلط ان السفره تكون رفرش حق شهر العسل

وترى بتشتاقون حق البنت, وهي في الدوحه وبتكون بردت خاطرك لأنك شريت لها اثياب من ماليزيا وهي مستانسه في الدوحه وان شاء الله بتكونون متطمنين عليها لأنها بتكون في ايدي امينه


والله يوفقكم ان شاء الله

[فــلان]

الله يتمم على زوجتك

لو اتخليها احسن سبحان الله

زوجتك تتعب عليك من الحمل او شيء

راح تتوهق اكثر بتحط بالك على زوجتك والا على بنتك

ما انصح زوجتك اتسافر لو انا ما سافرت لو شنو

اهم شيء يوصل مولودي بالسلامه والسفر لاحقين عليه ...

ورحلة سعيدة :)

تسلمين يا حراير على النصيحه الطيبه بارك الله فيج :)

[فــلان]

اللهم اميييييييييييييييين

شوف اخوي العربة حتى للسنتين والثلاث سنين تنفع واكلها وشربها مجهز بعلب مسبقة يعني لا تطلع من الفندق الا اكلها جاهز مافي احلى من الروب والعيش الابيض بهالسن الواحد يقزر بهم واذا دشيت مطاعم خليها تنقنق معاكم الخفايف ، الحليب اعمل حسابك تاخذ حليب طويل الاجل كم علبة تكفيكم المدة كلها ، الفواكة مكودة عندهم اللي يخطر ببالك ، والحمد لله الدولة مسلمة يعني لا تحاتي ان شاء الله الامور سهالات ، اما سالفة تشيلها شوي وتمشيها شوي انصحك نصيحة خليها بعربة اسهل لك ولها واريح

شورج و هداية الله ولو إني مادري إذا العربيه ما بتلعوزني فالمشي إذا فيه صعود أو نزول من أدراج أو أحذفها مع عربتها في مسبح المدينه المائية لووول :)

[فــلان]

خلها عندي انا برعاها لين ترجعون

:)

احب اليهااااااااااااااااااااال موت :( وتوني قايله لاختي خلي ولدج عندي

وسافري مع ريلج بس هي رافضه :(

هههههههههههه :) لا خلى ولا عدم إختي :)

[فــلان]

السلام عليكم

ياخوي من وجهة نظري

انك تخلي البنت في الدوحه وتسافر انت وزوجتك " لسببين "

السبب الاول : البنت صغيره الله يحفظها ولا قدر الله تعرف شرق اسيا امراض الله يحفظنا منها

السبب الثاني : مب غلط ان السفره تكون رفرش حق شهر العسل

وترى بتشتاقون حق البنت, وهي في الدوحه وبتكون بردت خاطرك لأنك شريت لها اثياب من ماليزيا وهي مستانسه في الدوحه وان شاء الله بتكونون متطمنين عليها لأنها بتكون في ايدي امينه


والله يوفقكم ان شاء الله

والله ياخوي حاولت مراراً و تكرارا ً <-- كثر منها خخخ ,, إني أستوعب البعد لكن لا قدرت ولا أمها إقدرت ,, صعععبه :) :) :)

[فيزيائية]

تره لو كانت صغيرة بيأثر على نفسيتها مستقبلا
ودوها معاكم واخذوا كل احتياطاتكم من العاب واكل وادوية
وتفائلوا بالخير ....

[فــلان]

تره لو كانت صغيرة بيأثر على نفسيتها مستقبلا
ودوها معاكم واخذوا كل احتياطاتكم من العاب واكل وادوية
وتفائلوا بالخير ....

إسم الله عليها .. وجهة نظر حلوه منج و منطقيه.شاكر لج عليها الله يجزاج خير.

[أم شيوخ]

بصراحه انا انصحك انه بلا مربيه ولا شي البنت الله يحفظهم هاديين مهما كانت شطانتهم مب نفس الصبيان اسأل مجرب ههه
واخذ لها قاري وفك عمرك واكيد تاخذونها معاكم لأنه اليهال يونسون في السفر وبلا مربيات ولا شي ماتظمن بلاد مب بلادنا ولا بعاداتنا ماتعرف شيسوون وربي الحافظ
وتروحون انت وزوجتك وبنوتك وترجعون بالسلامه

[الســـهم]

يعطيك العافية اخوي بوراشد , واجازة سعيده ورحلة سفر موفقة بإذن الله ..

مريت بتجربتك سابقا وبنتي كانت اصغر من بنتك الله يحفظهم , ماتحتاج غير عربانة وامورك بإذن الله سهالات مثل ماقالت اختي ضوى , وبالنسبة لتغيير الحفاظ (وانتوا بكرامة) ترى الأمر بمنتهى البساطة , لأن اغلب المجمعات مجهزة بغرفة تغيير للأطفال وعلى أعلى مستوى , ومتى ماشفت البنت متمللة من قعدة القاري (العربانه) نزلها منها وخلها تتمشى وتستمتع بالأجواء وحشرة الناس حولها , وانبسط اكثر لما تشوف الناس يلاعبونها وتلقاها تركض يمين ويسار وانت مدابج وراها , وحتى الأكل ترى ماليزيا دولة مسلمة وفيها مالذ وطاب من المطاعم والأكل النظيف وفوق هذا الفواكه الفرش من كل الأنواع , يعني عود البنت تاكل معاكم وتستمتع بالمطاعم مثلكم ..

بالنسبة لي نفسك ماحب الصغيره تكون بعيده عنا ، وبالعكس استمتعت بالسفره لما كانت معانا والذكريات كلها لها , كفاية ان اول خطوة خطتها كانت بهالسفره , وكان لها نصيب كبير من الوقت ناخذها فيها للألعاب وحديقة الحيوان وعالم ماتحت البحار , والأحلى ان الناس في شرق اسيا ودودين جدا والصغيره اللي كان يبيها ماترده تروح له وماتبينا , شعور حلو لما تشوف طفلك متعود عالناس ومستلطفهم ..

توكل على الله ولا تشيل هم , واذا محتاج خادمه لها تقدر تستفسر من مكاتب السياحة والخدمات بماليزيا , وممكن موقع العرب المسافرون بيفيدك اكثر من هالناحية , لكثرة تجارب الناس اللي مشاركة فيه وايضا لوجود مندوبين هالمكاتب بالموقع ..

[فــلان]

بصراحه انا انصحك انه بلا مربيه ولا شي البنت الله يحفظهم هاديين مهما كانت شطانتهم مب نفس الصبيان اسأل مجرب ههه
واخذ لها قاري وفك عمرك واكيد تاخذونها معاكم لأنه اليهال يونسون في السفر وبلا مربيات ولا شي ماتظمن بلاد مب بلادنا ولا بعاداتنا ماتعرف شيسوون وربي الحافظ
وتروحون انت وزوجتك وبنوتك وترجعون بالسلامه

الله يسلمج إختي أم تنون و أغلب الردود رشحت العربانه و هي غالبا ً راح تكون الحل النهائي لهالموضوع :)

[فــلان]

يعطيك العافية اخوي بوراشد , واجازة سعيده ورحلة سفر موفقة بإذن الله ..

مريت بتجربتك سابقا وبنتي كانت اصغر من بنتك الله يحفظهم , ماتحتاج غير عربانة وامورك بإذن الله سهالات مثل ماقالت اختي ضوى , وبالنسبة لتغيير الحفاظ (وانتوا بكرامة) ترى الأمر بمنتهى البساطة , لأن اغلب المجمعات مجهزة بغرفة تغيير للأطفال وعلى أعلى مستوى , ومتى ماشفت البنت متمللة من قعدة القاري (العربانه) نزلها منها وخلها تتمشى وتستمتع بالأجواء وحشرة الناس حولها , وانبسط اكثر لما تشوف الناس يلاعبونها وتلقاها تركض يمين ويسار وانت مدابج وراها , وحتى الأكل ترى ماليزيا دولة مسلمة وفيها مالذ وطاب من المطاعم والأكل النظيف وفوق هذا الفواكه الفرش من كل الأنواع , يعني عود البنت تاكل معاكم وتستمتع بالمطاعم مثلكم ..

بالنسبة لي نفسك ماحب الصغيره تكون بعيده عنا ، وبالعكس استمتعت بالسفره لما كانت معانا والذكريات كلها لها , كفاية ان اول خطوة خطتها كانت بهالسفره , وكان لها نصيب كبير من الوقت ناخذها فيها للألعاب وحديقة الحيوان وعالم ماتحت البحار , والأحلى ان الناس في شرق اسيا ودودين جدا والصغيره اللي كان يبيها ماترده تروح له وماتبينا , شعور حلو لما تشوف طفلك متعود عالناس ومستلطفهم ..

توكل على الله ولا تشيل هم , واذا محتاج خادمه لها تقدر تستفسر من مكاتب السياحة والخدمات بماليزيا , وممكن موقع العرب المسافرون بيفيدك اكثر من هالناحية , لكثرة تجارب الناس اللي مشاركة فيه وايضا لوجود مندوبين هالمكاتب بالموقع ..


الله يعافيك ويسلمك طال عمرك

الله يبيض وجهك و وجه الأخوان و الأوات اللي تفاعلوا مع المشاركه
وكلامك محسوس 100% بالنسبه لي وشورك راجح بإذن الله

لا خلى ولا عدم الله يطول عمرك

[أسير الأحلام]

السلام عليكم و رحمة الله

إن شاء الله خلال هالأيام الجاية مسافر ماليزيا مع زوجتي وبنتي لصغيره وأدري بنتلعوز معاها ومانقدر إنخليها فالدوحه لأن مانقدر على فراقها وإن ناخذها ونتلعوز معاها هناك أهون علينا من نروح نستانس وبالنا عندها فالدوحه.البنت عمرها سنه و 9 شهور و ونيسه الله يحفظها لكن مانظمن تروينا الوجه القشر هناك وتعفس جونا.

هل توجد مربيات مسلمات موثوق بهم هناك لفترات مؤقته مع العلم إننا ما راح إنخليهم بروحهم والمربيه تعابل بها فقط.

هل تنصحوني بهالفكره من الأساس ؟

حد عنده أي حل بديل حق هالورطه :) ؟

أرجوا الإفاده العاجله مشكورين و جزاكم الله كل خير مقدما ً :)

يا اخوي ما انصحك بمربية ولا شي .. انا سافرت ماليزيا وكانت معاي بنتي الله يحفظها وكان عمرها 8 شهور وكانت الأمور عادية جداً .. ولازم تعود نفسك على تحمل مسؤولية الأطفال ما تضمن يا اخوي الدنيا .. والطقل بيرويهك الوجه الثاني إذا حكرته وقسيت عليه وما وديته الألعاب

[((غلا قطر))]

الله يحفظ بنتك ويرعاها ،،،
نصيحتي خذ بنتك معاك أحلى الشيى العيال في السفر الله رزقنا العيال عشان نتونس فيهم مب عشان انسافر ونخليهم عند أحد فكر يعني انت رايح تستانس وهي فديتها مستضيقة ومحتاجة أمها وأبوها ، سنه من السنين كان بنتي سنتين وولدي سنه سافرت وخذتهم معاي وبصراحة كنت مرتاحة نفسياً اعيالي جدام عيوني وكنا نتساعد أنا وزوجي ،والحسن لك والآريح اتودي معاك عربانه اريح لكم وحق الصغيرة لين تتعب تقعد فية ولين اتنام أتنام فيه بدون العربانه حرام المسكينة بتتعب من الشيل .
أما بالنسبة للمربية أنسى موضوعها الواحد مب ضامن خدامته إلي معاه في البيت عشان احط لي وحدة لا أعرف أصلها ولا فصلها ، والله يسر لكم سفرتكم ويسهل أموركم .
تروحون وترجعون بالسلامة ،،،،،،
وتحياتي حق الحلوة تروحين وترجعين بالسلامة ولا تلعوزين الماما والبابا :victory:

[dss911]

خلها احسن عشان انتو ماتتعبون معاها ولاهي تتعب بعد قومة صبح وتمشي ترا الجاهل يتملل والله يحفظها

[فــلان]

يا اخوي ما انصحك بمربية ولا شي .. انا سافرت ماليزيا وكانت معاي بنتي الله يحفظها وكان عمرها 8 شهور وكانت الأمور عادية جداً .. ولازم تعود نفسك على تحمل مسؤولية الأطفال ما تضمن يا اخوي الدنيا .. والطقل بيرويهك الوجه الثاني إذا حكرته وقسيت عليه وما وديته الألعاب

لا خدامه ولا شي باخذها إن شاء الله مع عربتها والله يكتب اللي فيه الخير و أنا اللي شاطني
إني بوديها إنلعبها ونتصور معاها :)

[فــلان]

الله يحفظ بنتك ويرعاها ،،،
نصيحتي خذ بنتك معاك أحلى الشيى العيال في السفر الله رزقنا العيال عشان نتونس فيهم مب عشان انسافر ونخليهم عند أحد فكر يعني انت رايح تستانس وهي فديتها مستضيقة ومحتاجة أمها وأبوها ، سنه من السنين كان بنتي سنتين وولدي سنه سافرت وخذتهم معاي وبصراحة كنت مرتاحة نفسياً اعيالي جدام عيوني وكنا نتساعد أنا وزوجي ،والحسن لك والآريح اتودي معاك عربانه اريح لكم وحق الصغيرة لين تتعب تقعد فية ولين اتنام أتنام فيه بدون العربانه حرام المسكينة بتتعب من الشيل .
أما بالنسبة للمربية أنسى موضوعها الواحد مب ضامن خدامته إلي معاه في البيت عشان احط لي وحدة لا أعرف أصلها ولا فصلها ، والله يسر لكم سفرتكم ويسهل أموركم .
تروحون وترجعون بالسلامة ،،،،،،
وتحياتي حق الحلوة تروحين وترجعين بالسلامة ولا تلعوزين الماما والبابا :victory:

الله يحفظج و يسلمج من كل شر إن شاءالله ,, صدقتي والله الواحد خدامته وما يأمن ,, كلامج راجح و شورج و هداية الله

وتحياتج أوصلت حق لولووه و أكيد بتسمع الكلام بنت الذيب <--- شيبي هههه :)

[فــلان]

خلها احسن عشان انتو ماتتعبون معاها ولاهي تتعب بعد قومة صبح وتمشي ترا الجاهل يتملل والله يحفظها

إن خليتها وين بتهنى لنا الروحه و الجيه و الوناسه و هي على بالنا كل لحظه :)

صعبه أخوي :)

[الزيبق]

شوف انا في 2008 وديت اثنين اصغار واحد علقته على اظهري والثانيه كانت تمشي اشوي واشيلها اشوي وساهلات

[ع.م]

أنا أشوف إذا مارح تطولون في السفرة ممكن تصبرون عن البنت اشوي.. وتخلونها في قطر مع الأهل وانتو تاخذون راحتكم في الطلعات هناك بدون ماتعابلون حد.. بالذات إن المدام حامل.. الله يهون عليها و يحفظكم..

[البحار00]

لاتنسى تحاميل الادول للحرارة

ولا ماي شيكو للزكام

ذولا ما يخلون من الشنطه لو اليهال مسافرين معاي

[فــلان]

شوف انا في 2008 وديت اثنين اصغار واحد علقته على اظهري والثانيه كانت تمشي اشوي واشيلها اشوي وساهلات

إن شاء الله تكون سهالات يالغالي الله يسمع منك وشاكر لك مساهمتك الطيبه جزاك الله خير :)

[فــلان]

أنا أشوف إذا مارح تطولون في السفرة ممكن تصبرون عن البنت اشوي.. وتخلونها في قطر مع الأهل وانتو تاخذون راحتكم في الطلعات هناك بدون ماتعابلون حد.. بالذات إن المدام حامل.. الله يهون عليها و يحفظكم..

صعععععبه و الصراحه أنا أبي أودي البنت ألعبها لكن طرحت الموضوع من باب المحاتاه لكن إن شاء الله كل شي يكون على ما يرام عقب الردود الكريمه ذي :) تسلمين على الدعوه الطيبه إختي جزاج الله خير.

[فــلان]

لاتنسى تحاميل الادول للحرارة

ولا ماي شيكو للزكام

ذولا ما يخلون من الشنطه لو اليهال مسافرين معاي

رحم الله والديك ياخوي على النصيحه إن شاء الله باشييك على هالأمور بشكل أساسي قبل لنتوكل على الله و نطلع من البيت

[MBI]

تروحون وترجعون بالسلامة
والله يحفظها لكم انشاء الله

[jassem777]

اسال عن الفنادق الي فيها بيبي ستر

[فــلان]

تروحون وترجعون بالسلامة
والله يحفظها لكم انشاء الله

تسلم أخوي جزاك الله خير

[فــلان]

اسال عن الفنادق الي فيها بيبي ستر

حجزت في :

* صنواي لاجون
* برجايا لنكاوي <-- الله يستر
* شانغريلا اللي على البحر في بينانغ
* كاميرون هاي لاند
* كوالا جي دبليو ماريوت

عاد مادري شلون إختياراتي الله يستر منها

[الســـهم]

هلا اخوي بوراشد ..

ان شاء الله اقدر افيدك بالنسبة لاستفسارات السكن وعدد الليالي في كل مكان منهم :-

* صن واي لاجون
هذا المكان الوحيد اللي تحسفت اني سكنت فيه ليلتين , بصراحة الفندق 3 ستار وايد عليه والمنطقه كئيبة جدا وماحولك شي فاتح بعد الـ 8 مساء الا سوبرماركت ، يعني افضل انك تطلع للحديقه المائيه بيوم من ايامك بكوالالمبور ومايكون يوم الثلاثاء لأن الحديقة تكون مسكرة للصيانه , وترد كوالالمبور بنفس اليوم عقب الوناسة وكلها نص ساعة وانت بفندقك , طبعا اتكلم عن سنة 2007 ومادري اذا تغير شي في هالمكان التعبان ..

* برجايا لنكاوي
هو فندق 3 ستار على حد علمي , بس اللي جربوه يقولون عنه انه نظيف جدا وارتاحوا بالسكن فيه , وايضا يمدحون شيراتون لنكاوي وبيلانجي بيتش , انا سكنت بفندق ويستن لنكاوي فندق محترم بس يعيبه انه نظام غرف والثانيين نظامهم اكواخ يعني التغيير حلو وخصوصا ان حولك خضره وبحر وجبال , بس ما انصحك تقعد اكثر من ليلتين بالجزيرة , لأن وبدون مبالغة في يوم واحد راح تخلص كل النشاطات اللي فيها ..

* شنغريلا راساسايانغ
هو الفندق الأول بدون مبالغه في بيننغ , من الآخر توفقت باختيارك لهذا الفندق , و 3 ليالي اعتقد كافين للاستجمام بهالجزيرة ..

* كاميرون هايلاند
متحسف اني مازرت هالمكان بصراحة , لكن اللي زاروه ماتحسفوا من جمال الطبيعة والطقس الحلو والخضره على مد النظر ..

* جي دبليو ماريوت كوالالمبور
الكل يمدح الفندق مع ان اثاثه قديم نوعا ما , بس عموما دايما اذا يتوفر خيار ماريوت مانتردد فيه , انا سكنت فندق ويستن اللي لاصق فيه وبصراحه كان جديد ومحترم جدا , وايضا الريتزكارلتون بعد قريب منهم وكلهم في شارع العرب يعني التسوق بيكون من قريب ..

* جنتنق
هذا جبل فوقه مدينة العاب تقدر تروحها بالسيارة او التلفريك , تروحه وترجع منه بنفس اليوم من كوالالمبور , بس فوق الجو بارد يعني يبيلك تثقل الملابس او تاخذ احتياطاتك معاك ..

ان شاء الله اني افدتك بهالموضوع وعطيتك اشوي من تجربتي لماليزيا ..

[فــلان]

هلا اخوي بوراشد ..

ان شاء الله اقدر افيدك بالنسبة لاستفسارات السكن وعدد الليالي في كل مكان منهم :-

* صن واي لاجون
هذا المكان الوحيد اللي تحسفت اني سكنت فيه ليلتين , بصراحة الفندق 3 ستار وايد عليه والمنطقه كئيبة جدا وماحولك شي فاتح بعد الـ 8 مساء الا سوبرماركت ، يعني افضل انك تطلع للحديقه المائيه بيوم من ايامك بكوالالمبور ومايكون يوم الثلاثاء لأن الحديقة تكون مسكرة للصيانه , وترد كوالالمبور بنفس اليوم عقب الوناسة وكلها نص ساعة وانت بفندقك , طبعا اتكلم عن سنة 2007 ومادري اذا تغير شي في هالمكان التعبان ..

* برجايا لنكاوي
هو فندق 3 ستار على حد علمي , بس اللي جربوه يقولون عنه انه نظيف جدا وارتاحوا بالسكن فيه , وايضا يمدحون شيراتون لنكاوي وبيلانجي بيتش , انا سكنت بفندق ويستن لنكاوي فندق محترم بس يعيبه انه نظام غرف والثانيين نظامهم اكواخ يعني التغيير حلو وخصوصا ان حولك خضره وبحر وجبال , بس ما انصحك تقعد اكثر من ليلتين بالجزيرة , لأن وبدون مبالغة في يوم واحد راح تخلص كل النشاطات اللي فيها ..

* شنغريلا راساسايانغ
هو الفندق الأول بدون مبالغه في بيننغ , من الآخر توفقت باختيارك لهذا الفندق , و 3 ليالي اعتقد كافين للاستجمام بهالجزيرة ..

* كاميرون هايلاند
متحسف اني مازرت هالمكان بصراحة , لكن اللي زاروه ماتحسفوا من جمال الطبيعة والطقس الحلو والخضره على مد النظر ..

* جي دبليو ماريوت كوالالمبور
الكل يمدح الفندق مع ان اثاثه قديم نوعا ما , بس عموما دايما اذا يتوفر خيار ماريوت مانتردد فيه , انا سكنت فندق ويستن اللي لاصق فيه وبصراحه كان جديد ومحترم جدا , وايضا الريتزكارلتون بعد قريب منهم وكلهم في شارع العرب يعني التسوق بيكون من قريب ..

* جنتنق
هذا جبل فوقه مدينة العاب تقدر تروحها بالسيارة او التلفريك , تروحه وترجع منه بنفس اليوم من كوالالمبور , بس فوق الجو بارد يعني يبيلك تثقل الملابس او تاخذ احتياطاتك معاك ..

ان شاء الله اني افدتك بهالموضوع وعطيتك اشوي من تجربتي لماليزيا ..

الله يبيض وجهك طال عمرك على الإفاده الطيبه ,, بالنسبه للصنواي لاقون إنت متأكد إنه 3 نجوم؟؟
لأني قريت عنه بعض التقارير المصوره وتوقعته 7 نجوم مب خمس وهذا منهم!!

http://travel.maktoob.com/vb/travel328826

http://travel.maktoob.com/vb/travel302969

والصراحه شدتني مرافقه و إنطباعات الزوار عنه

[الســـهم]

هلا اخوي بو راشد ..

مثل ماشدتك الآراء شدتني , ومن نفس الموقع يالغالي , المشكلة خذت من الناس اللي يمدحون واهملت اللي ذموا لأن عددهم بسيط جدا , ومثلك اغتريت بالتقارير والصور الموجودة ولكن الواقع كان مختلف بـ 180 درجة والله اني ما ابالغ , وخصوصا مستوى الغرف التعبان جدا واللي ماتوقعته اطلاقا , كانت صدمه لي في اول يومين من شهر العسل ..

على حد علمي ومن خلال احد مشاركاتي بالمنتدى ذميت بالفندق , ولكن في احد الاعضاء مدح الفندق ويقول انه راح له من فتره بسيطة وكان رأيه مخالف لرأيي , ولهذا السبب انا قلتلك اني رحته بـ 2007 , لأن يمكن تغيرت بعض الاشياء بالفندق وأنا ظالمه للحين , بس عموما انت جرب وعطني رأيك بعد ماترجع من هناك حتى لو عالخاص ..

اتمنى لك قضاء عطلة صيفية ممتعه في ربوع ماليزيا ..

[الســـهم]

اخوي بو راشد ..

اذا الفندق حاليا مثل ماهو بالصور بالتقرير الاول , فأقولك انه مختلف تماما عن اللي شفته بروحتي , يمكن انه تجدد خلال السنوات الماضيه وانا ما ادري , واذا انه بهالفخامه يستاهل تجربه ..

[فــلان]

إن شاء الله أرجع لك بتقرير وافي إذا الله ردنا بالسلامه :)

[أم شيوخ]

بو راشد كل الفنادق وايد حلوه انا رايحه ماليزيا من كم شهر وكل واحد حلو

[أم شيوخ]

بو راشد اهم شي اخذ ادول حق الصغيره حط لها شوي كلش في المرضاعه مالت الحليب او الماي عشان ماتعورها اذونها وغير هاي عشان تنام في الطياره وترتاح من الضغط

[فــلان]

بو راشد اهم شي اخذ ادول حق الصغيره حط لها شوي كلش في المرضاعه مالت الحليب او الماي عشان ماتعورها اذونها وغير هاي عشان تنام في الطياره وترتاح من الضغط


الله يرضى عليج ويبارك فيج على الفكره الراجحه و مادري شلون أشكركم على هالوقفه الطيبه

لا خلى ولا عدم :)

[عذب الكلام 1]

اشلون ماتوديها هذى ملح السفره انت وحده وعيزان انا اربع واحاتي اذا خليتهم الله يرحم الوالد مايسافر الا احنا كلنا وياه لا تحاتي كلها كم يوم وترجع اذا ماتقدر عليها خلها عند جدتها ابرك بس حلاتها السفره مع اليهال يسوون جو صدقني

[رنج سبورت]

ماليزيا احلى سكن في مندرين اورينتال

وفي sun way lagon فندق بنفس اسم المنطقه

وجنتنغ ماتستحق المبيت روح الصبح وارجع اخر الليل :)

[فــلان]

اشلون ماتوديها هذى ملح السفره انت وحده وعيزان انا اربع واحاتي اذا خليتهم الله يرحم الوالد مايسافر الا احنا كلنا وياه لا تحاتي كلها كم يوم وترجع اذا ماتقدر عليها خلها عند جدتها ابرك بس حلاتها السفره مع اليهال يسوون جو صدقني

أكيد باوديها إن شاء الله :) !! ,, بدء العد التنازلي للسفره .. 48 ساعه :)

[فــلان]

ماليزيا احلى سكن في مندرين اورينتال

وفي sun way lagon فندق بنفس اسم المنطقه

وجنتنغ ماتستحق المبيت روح الصبح وارجع اخر الليل :)

إن شاء الله باخذ بهالنصايح أخوي و إن شاء الله باخذ بنصيحتك بالنسبه لجنتغ

لا خلى ولا عدم من هالوجوه الطيبه :)

[وحيد-الشوق]

سفرة سعيدة والله يعينك عالحر والرطوبة :(

[فــلان]

سفرة سعيدة والله يعينك عالحر والرطوبة :(

بل!! ... الله يستر خليتني آوسوس

الله يشفي لك الوالده إن شاء الله وتقر عينكم بها

اللهم آمين يا رب العالمين

[EUPHORIA]

لا لا جوهم زين ..

انا 6 سنين كل صيف ارتز هناك ههههه ..

بس اذا بتروح جنتنج الجو شوي بارد يبي لك شي ظويل او جاكيت خفيف ..

ترى صج ماليزيا جنننه اذا عرفت وين تروح فيها ..

لو قلت لي جان رتبت لك جدووول ..

صج صج هالبلااااد غيييييييير ترتاااح نفسيا من كل النواحي اكلهم حلال وماتحاتي ابد ..

والامان هناك 100%

والاسواق قريبه ورخيصه واماكن الترفيه وياكثرها صج صج واااو ..

هالمره انا بروح ان شاء الله في شهر 9 ..

اقول ابي اغير بس ماقدر صج هناك رااحه نفسيه وكل سنه احسها احلى من السنه اللي قبلها ..

[EUPHORIA]

وبخصوص بنتك لاتحاتي ابد المكان ينفع حق اليهال لا حر حر ولا برد برد ..

وبتستااانس هناك وبعدين ماليزيا كل مره اروح لها ويا الاهل وكله يهال ..

احلى شي صراحه ..

[فــلان]

وبخصوص بنتك لاتحاتي ابد المكان ينفع حق اليهال لا حر حر ولا برد برد ..

وبتستااانس هناك وبعدين ماليزيا كل مره اروح لها ويا الاهل وكله يهال ..

احلى شي صراحه ..

الله يبييض ويهج ويريح بالج ريحتي بالي

أنا خط سيري إن شاء الله راح يكون

كوالا ليلتين في صنواي لاقون ( اللألعاب المائية شدتني )

لنكاوي 4 يالي ( رحلة المنجروف و الإستمتاع بالأنشطه البحرية )

بينانغ يمكن 3 ليالي ( حدائق الفواكه ومادري شنو بعد ومنها الإستمتاع بالأنشطه البحريه بعد ) :)

- كوالا 3 أو 4 ( جنتنغ حق الملاهي / كمايرون هايلاند حق الإستجمام / أفاموسا )

العوده إن شاء الله ,, وش رايكم ؟؟

[قــ502ـطرالعز]

والله شوف انا نفس حالتك بالضبط وعمر ولدي سنه وشوي والصرااحه صج خايف يخرب جوي في السفره بس من ناحيه ثانيه قلبي مايطاوعني اقطه عند مربيه ولا غيره بضطر اخذه معاي الصراحه انا اغيب بس يومين دوام يوحشني واقعد احاتيه شلون لو بروح سفره طويله احس ماراح يهدالي بال كلش ... موفق الشيخ نصيحتي لك خذ البنوته فديتها وياك ابرك

[فــلان]

والله شوف انا نفس حالتك بالضبط وعمر ولدي سنه وشوي والصرااحه صج خايف يخرب جوي في السفره بس من ناحيه ثانيه قلبي مايطاوعني اقطه عند مربيه ولا غيره بضطر اخذه معاي الصراحه انا اغيب بس يومين دوام يوحشني واقعد احاتيه شلون لو بروح سفره طويله احس ماراح يهدالي بال كلش ... موفق الشيخ نصيحتي لك خذ البنوته فديتها وياك ابرك


الله يخليه لك الشبل و يبلغك فيه خير إن شاء الله :) ,, إيه إن شاء الله بكره بنتوكل على الله , دعواتكم لنا بالتوفيق والسلامه ولجميع المسلمين :)

[شغموم]

السلام عليكم...

ما شاء الله عليك يابوراشد بنت وتحاتي السفرة.... الله يبارك لك فيها ويخليها لك من عباده الصالحين..

إذا الله قدرني بسافر الإمارات ومعاي أربع بنات غير أمهم والخدامة ولا شليت همهم إنهم بيروحون معاي ياهلا ومرحبا فيهم..

لآنهم معاي فأنا مرتاح راحة تامة لأنهم جدام عيوني...

يارجال توكل على الله وصدقني ماراح توسع صدرك إلا هي الله يخليها لك وحق أمها...

أهم شي خذ طيارة الليل حق رقدة البنت....

تروح وترجع بالسلامة إن شاء الله،،

[فــلان]

السلام عليكم...

ما شاء الله عليك يابوراشد بنت وتحاتي السفرة.... الله يبارك لك فيها ويخليها لك من عباده الصالحين..

إذا الله قدرني بسافر الإمارات ومعاي أربع بنات غير أمهم والخدامة ولا شليت همهم إنهم بيروحون معاي ياهلا ومرحبا فيهم..

لآنهم معاي فأنا مرتاح راحة تامة لأنهم جدام عيوني...

يارجال توكل على الله وصدقني ماراح توسع صدرك إلا هي الله يخليها لك وحق أمها...

أهم شي خذ طيارة الليل حق رقدة البنت....

تروح وترجع بالسلامة إن شاء الله،،


الله يسلمك طال عمرك و صدقت في كل كلمه قلتها بس الرحله والله ياخوي بتكون في الصباح الباكر طبعا ً مب أكبر الباكر:)

شاكر لك مداخلتك العطره ولا خلى ولا عدم من هالطله ياخوي والله يخلي لك بناتك ويبلغك فيهم خير ويبعد عنكم كل شر , اللهم آمين يا رب العالمين:)

[كايد الوكره]

بوراشد

لنكاوي , يبيلها يومين فقط ( زياره الاكواريوم - الشلالات ) بالعربي مافيها شيء

[فــلان]

بوراشد

لنكاوي , يبيلها يومين فقط ( زياره الاكواريوم - الشلالات ) بالعربي مافيها شيء


أخوي الإكواريوم اللي أعرف إنه في كوالالمبورز و بالنسبه حق لنكاوي فيها ذي رحلة المنجروف مادري المنجنيق

[كايد الوكره]

الاكواريوم اللي في لنكاوي أكبر من اللي في كولالمبور
ورحله المنجروف , انا ماجربتها

زيارتي لـــ لانكاوي كانت على الشاطىء طيله الايام

[Gh2o]

نصيحه مجرب البنيه توها صغيره وما راح تستانس معاكم خصوصا حر ماليزيا لا يطاااااااق والافضل تخليها مع جدتها

[فــلان]

الاكواريوم اللي في لنكاوي أكبر من اللي في كولالمبور
ورحله المنجروف , انا ماجربتها

زيارتي لـــ لانكاوي كانت على الشاطىء طيله الايام


تسلم ياخوي وجزاك الله خير على التنبيه بروح عيل اللي في لنكاوي إن شاء الله وباخلي مالت
كوالالمبور حق عقب إذا فيه وقت :)

شلون بحرهم إن شاء الله شي :) ؟؟

[فــلان]

نصيحه مجرب البنيه توها صغيره وما راح تستانس معاكم خصوصا حر ماليزيا لا يطاااااااق والافضل تخليها مع جدتها


ياخوي البنت الله يحفظها كلت راسي ماشاءالله عليها لوح بحل سويم لوح بحل سويم , تستانس تروح بحل و أنا أخوك ولا شرايك هههه :) .. اليوم إمشييك على درجة الحراره الصبح بتكون 31 و عقب الظهر 24 ,, حاليا ً الآيفون قدامي الياهو معطيني 27 :)

[المعنى88]

العربة ما في غيرها ................. وين ماتروح مجمعات رحلات تسوق

أنا ولدي لعوزني للولا العربة اللي خذت اغلب الأوقات حق شطانته ...........
بدون العربة تبهدلت معاه يشرد في المطار يالله تصيدة ............ كسر أباجورة اللوبي بالفندق
لكن تحمل شطانة اليهال .

[البعد الخامس]

سأتكلم عن تجربتي

سافرت الى تايلند

أنا وزوجتي وطفلتي 5 شهور فقط

كانت برفقتي أغلب الوقت لأن المدام كانت حامل بالشهر الثاني

أغلب الوقت الطفله بالعربه

مستلقية ومبسوطه

وكل ما جينا نكلمها ونداعبها ونبغي نلعبها ونشيلها من العربه ترفض وتحب الجلوس بالعربه

لأن العربه جداً مريحه كأنها سرير

وكانت تستانس على الخضخضه بالعربه مالتها وتناغي لحالها وتلعب لحالها ولجينا نآخذها

بنلعبها ترفض ما تبي الأ القاري مالها

يعني صدقني الأمور سهالات

والموضوع بسيط

بس عليك بالملابس الخفيفه

لأن بنتي كان ترفض الملابس وماتبي الأ البربتوز (( الملابس الداخلية الشبك )) :shy:

مع التحية

[angel qtr]

اشلون اصلا تفكر بفكره مثل هذي انت شضمنك ترد تلقاها والا تسوي فيها شى

حرام عليك هاي ضناك حتى لو اذتك هاي بنتك مجبور تتحملها
اتمنى ماتفكر بهالفكره ابد

[لاجل QT]

لاماانصحك تحط مربية لها حتى لو كانت مسلمة ...انت اشدراك انها امينة

خليى بنتكم معاكم وين ماتروحون الله يسلم عربات الاطفال..ماعليك الا انك دزها وبس...ويكفي الراحة النفسية ان بنتك تحت عينك ..ربي يحفظا لكم

[فــلان]

أنا مادري شلون بعض الأعضاء إفهموا إني ممكن آخلي بنتي بروحها مع مربيه مع إني ما ذكرت شي مثل هذا أبد إني أخليها بروحها !!!

أنا و المدام و البنت في المطار متجهين إلى لنكاوي عقب يوم حلو في صنواي لاجون و الألعاب المائية :)

شاكر للأخوان اللي إكتبوا تجاربهم والله لا يرويكم مكروه أبدا ً وماتنتهي الرحلات السعيده الآمنه من حياتكم :) :) :)

[قطري009]

حاسب حاسب
وبعدين ماينفع الندم

[فــلان]

حاسب حاسب
وبعدين ماينفع الندم


إمحاسبين الحمدلله أخوي بس ماينفع الندم على شنو وضح الله يخليك ؟