ماعرفت معنى الحب الا يوم شفته و ضميته ... والله احبه !

[بو خليفه 123]

السلام عليكم و رحمة الله و بركاته ..


اسعد الله مسائكم بكل خير و حب وود ..


كثير من زملائي الاعضاء "يتسائلون" عن تقصير بو خليفه بطرحه للمواضيع بعد طرحه موضوع جدتي عضوة في شبكة الأسهم القطرية .. سواءً بالاستراحه او الاقسام الاخرى , و ذلك لعدم رغبتي بنسخ المواضيع من منتديات او رسائل الكترونيه اخرى ..


احب دائماً مواضيعي ان تكون "ارتجاليه" .. اكتب على سبحانيتي و اشارككم في مايدور في خاطري .


موضوعي اليوم يتكلم عن شخص اضاف نكهة خاصه الى حياتي , يتكلم عن شخص يؤكد لي ان تعبي و جهدي في وقتي معه لم يضيع "سدى" ..او على الفاضي !!


دائماً "ابوي" رحمة الله عليه كان يقول لي هذي الجمله في مراهقتي و لم افطن معناها الى الآن بعد ان رزقني الله في بكري:

"ماراح تحس بكلامي الا يوم يجيك ولد و يسوي فيك اللي سويته فيني"

طبعاً هذي ايام المراهقه , و ان شاء الله اني الحين عقلت :shy:



فعلاً ايام المشاغبه , و جلسات المحادثه والنصائح مع والدينا كنا نعتبرها ثقل على اكتافنا وكنا ننتظر من انتهاء هذي الجلسه حتى نغادر لنختلق مشكله اخرى سواءً "بالفريج" او بالمدرسه .

أنا فعلاً ماعرفت الحب الحقيقي الا يوم شلت خليفه و ضميته على صدري

بين اكتافي و اذنت في اذنه و سميت بالرحمن و دعيت ربي ان الله يعيني و يوفقني في تربيته و ان يجعله الله ذاك الأسد القيادي في حياته ..

مواقف عديده مع "بو دعّي" جعلتني اشعر بالفخر .. فخر الوالدين .. فخر نتائج تعبي ..فخر استجابة الله سبحانه لدعائي ..


*

*

*


مواقف عديده تشهد لها عيناي عندما رأت خليفه يقبّل رأس جدته ..


مواقف عديده .. عندما اكمل شوط السباحه بدون مساعده و صرخ بأعلى صوته I AM THE BEST !!!


مواقف عديده .. عندما قال لي : اللي مايصلي مايروح الجنه ..!


مواقف عديده جعلت لي هدف اكبر من السابق ان اكمل مسيرة حياتي بنجاح و اصرار ..


اتوقع من كل أب ان يقرأ هذي المشاركه البسيطه و يبتسم و يتذكر مواقفه مع ابنائه التي يجب ان يفتخر بها ..


ربما لكم مواقف عديده مع ابنائكم تحبون ان تشاركوني فيها ؟ فالعين اوسع من هذي الصفحه ..


والسموحه على الاطاله ..

[missperfect]

عيشتني اللحظه مع اني لين الحين ماعشتها :shy::eek5:،،

الله يخليه لك ويباركلك فيه ،، وتشووفه معرس وتفرح بعياله يااارب ،،:victory:

ويارب يرزق كل محروووم من هالنعمة :)

[شبح الصمت]

الله يرحمه ويغفر له

والي خلف ما مات يابوخليفـه

والناس الطيـبه يتم ذكرها بمحياها والا بمماتها

وصدقت احنا فالطيش وهالسوالف شيابنا رحمة الله عليهم كانوا يعلمونا ويوعنا في الكلام بس احنا كنا نقول لا هذه شيـبه وين احنا شباب بس الحمد الله الاحترام والطاعه والتقدير موجودين

والله يحفظ لك خليفة وتشوفه معرس وتعزمنا على عرسه ونرزف له

ارحم الله والديك

[ROSE]

الله يحفظ لك عيالك اخوي بوخليفة ويتربون بعزك

من فينا ما حسب بهالاحساس يوم ضم عياله كل واحد فيهم له مكانه خاصة في قلب الام والاب

الله يحفظهم يارب ويازييييييييييييييينهم فديتهم

[بوحارب]

اول شي اشكرك على هالموضوع الطييييب
والله يحفظ لك بودعي يارب وتشوفه معرس وأسأل الله ان ينبته نباتا حسنا ويكون عونا لوالديه على طاعة الله

سلم على خطيب بنتي وانت خلاص كنسلناك من القائمة يالشيبةههههههههههههه ههههههههههه

[شبح الصمت]

يا خليفـــه يا حراً على اسم حـــــرا عالي

يوم شافك ابوك سم وقرى باسم الرحماني

شوفتك تجبر الخاطر واسمك باسم الغالي

الي له القلب يشتاق ويدعي في الصلاتي

[أ التميمي]

والله يابوخليفه يعجزالساني عن التعبير والله يخليلك خليفه ويطرح فيه البركه

اه يمكن انا ماعشت هاي الحضه مع ابوي الله يرحمه بس احس فيها ...... قلبت المواجع يابوخليفه


تسلم يالغالي

[شويهينــه]

بوخليفه:weeping: موضوعك كله احاسيس

الله يخلي لك خليفه يارب
ويطرح فيه البركه وعقبال ماتشوفه متخرج ونهنيك فيه :victory:

[قطرية فذة]

يبلغك الله بره يارب

دايم الوالدين بهذه الطريقه

يسعدكم الرحمن

[نورهان88]

والله يأبو خليفة كلامك في محله وذكرتني بالوالد الله يرحمة

والله يخليلك خليفة وتشوفه معرس **



:tease::tease::tease:

[sara jsm]

:) كلامك واااايد حلو ,,
الله يرحم والدك ويحفظ ولدك وتشوفه معرس وتشوف احفاده ,, ^ ^
حسستني بشي حلو :nice: بس ماادري شنو هو ,, :(

تسلم على سحر كلماتك الجميلة ,,
:) يعطيك العافية اخوي ,,

[Khaled Qatar]

حركت مشاعري بكلامك

الله يحفضلك ولدك ان شاء الله

[ظبيــღــه]

حسستني بشي حلو بس ماادري شنو هو ,,

بالضبط....بس شنوو ماادري :(

والله يخليلك خلووف عمي

وان شاء الله تشووفه باعلى المرااتب


.
.

وموضوعك ... والله يذبح:weeping: !

[JN000N]

ما شاء الله

موضوعك حلوو وايد،، حسستني بالجو خخخ

الله يحفظ لك ولدك ويخليه لك،،

انا صح ماعندي عيال توني بنت صغنطوطه

لكن مواقفي اكثرها مع عيالهم،، وتبين فيهم تربيتي هاهاها يحسون على دمهم

احلى موقف يوم اول ما نطقو نطقو باسمي ،، مع اني مالقنهم
واحلى موقف يوم قامو ينادوني ماما جنون

اللي كبر منهم ليحين يستشيرني،، على صغر سني بس من كنت صغيره على هالطبع،، واحين اشوف الناجح فيهم واللي كبر ودخل العسكريه،، ويشهدلي ويقول صح امي ابوي وقفو معاي بس مب مثل وقفتج،، والعلم هو بس اصغر مني ب3 سنين ههههه يعني لحد يفتكرني عيوز وككك


انشالله الله يبلغنا ونشوف عيالنا ونفرح فيهم ،،

بالتوفيق لك ولخليفة،، عسى الله يحفظه لك ويخليه :)

[meme~qatar]

:weeping:
بوخليفة دمعت عيني يوم قريت هالكلام الطيب اللي يدل على انسان طيب وخلوق

وذكرتني بكل لحظة مع عيالي الله يحفظهم:shy:


والله يخلي لك خليفة ويحفظه ويبارك فيه ويوفقه ويبلغك فيه معرس وتحضن عياله وعيال عياله:nice::)

[بو خليفه 123]

عيشتني اللحظه مع اني لين الحين ماعشتها :shy::eek5:،،

الله يخليه لك ويباركلك فيه ،، وتشووفه معرس وتفرح بعياله يااارب ،،:victory:

ويارب يرزق كل محروووم من هالنعمة :)



ان شاء الله .. الله يبلغ هلك و تعيشين هذي اللحظه بواقعيه حتى تكون حياتك إسم على مسمى ,, بيرفكت !


آمين و اشكرك على الدعوه اسأل الله أن يستجيب لك و لسائر المسلمين


و نشوف عيال عيالك ان شاء الله ..

شكراً على مشاركتك ..

[بو خليفه 123]

الله يرحمه ويغفر له

والي خلف ما مات يابوخليفـه

والناس الطيـبه يتم ذكرها بمحياها والا بمماتها

وصدقت احنا فالطيش وهالسوالف شيابنا رحمة الله عليهم كانوا يعلمونا ويوعنا في الكلام بس احنا كنا نقول لا هذه شيـبه وين احنا شباب بس الحمد الله الاحترام والطاعه والتقدير موجودين

والله يحفظ لك خليفة وتشوفه معرس وتعزمنا على عرسه ونرزف له

ارحم الله والديك


ونعم بالله ..

و انا اشهد انك صادق ..

صحيح اتفق معاك .. طاقاتنا الشبابيه كانت تتعدى منطق شيبانا الله يغفر لهم فـ لذلك ماكنا ننتبه و نركز على نصائحهم , و ماعرفنا قيمتها الا يوم جربنا اللي جربوه :)


اولاً اقولك عاش من شافك يا شبح الصمت .. لا عاد تغيب ترا مكانك مبين اخي العزيز ..

و عسى عمرك طويل ولا هنت على هذي الدعوه الصادقه


تقبّل تحياتي الصادقه ..

[المغروره]

الله يخليه لك ويحميه من العيين

[شجرة الدر]

مواقف عديده .. عندما قال لي : اللي مايصلي مايروح الجنه ..!



رحم الله والدك وبارك فيك وحفظ لك بودعيي ،،

رائع ماوصفته لنا من مشااعر اخوي بوخليفه ،،

ومااقتبسته من كلاامك يدل على ان الولد متربي في بيئة خيره ،،

الله يعينك و يأجرك على حسن التربية ولايحرمك بره ان شاء الله ،،

[بو خليفه 123]

الله يحفظ لك عيالك اخوي بوخليفة ويتربون بعزك

من فينا ما حسب بهالاحساس يوم ضم عياله كل واحد فيهم له مكانه خاصة في قلب الام والاب

الله يحفظهم يارب ويازييييييييييييييينهم فديتهم


و يحفظ لك غاليك أختي روز ..

اكيد , و اتوقع حنان الأم اكثر من الأب اضعاف الاضعاف ..


الله يحفظ لك عيالك و يتربون بعزك

و تشرفت بمشاركتك ..

تحياتي .

[شبح الصمت]

ونعم بالله ..

و انا اشهد انك صادق ..

صحيح اتفق معاك .. طاقاتنا الشبابيه كانت تتعدى منطق شيبانا الله يغفر لهم فـ لذلك ماكنا ننتبه و نركز على نصائحهم , و ماعرفنا قيمتها الا يوم جربنا اللي جربوه :)


اولاً اقولك عاش من شافك يا شبح الصمت .. لا عاد تغيب ترا مكانك مبين اخي العزيز ..

و عسى عمرك طويل ولا هنت على هذي الدعوه الصادقه


تقبّل تحياتي الصادقه ..


ارحم الله والديك يابوخليفـه

وكلامك يثلـج الصدر بالسؤال عنـي وتراكم انت موجودين كأني أنا حاضــر الشخص ماهو برده والا بمواضيـعه الشخص بحضوره وسط القلب ودامك تذكرني يا عسى عمرك طويل وبيض الله وجهـك

وتقبل مروري الصغيرون على هالصبح الحلوو

[بو خليفه 123]

اول شي اشكرك على هالموضوع الطييييب
والله يحفظ لك بودعي يارب وتشوفه معرس وأسأل الله ان ينبته نباتا حسنا ويكون عونا لوالديه على طاعة الله

سلم على خطيب بنتي وانت خلاص كنسلناك من القائمة يالشيبةههههههههههههه ههههههههههه



اشكرك أنت على تشريفك لي بالموضوع يا بو حارب

و اشكرك على الدعوه الصادقه , اللهم آمين و نشوف وضيح عروس ان شاء الله ..


اما القائمه هذي ماحددت لي قائمة شنو عشان اقولك كنسلني او خلني عليها :p

[بو خليفه 123]

يا خليفـــه يا حراً على اسم حـــــرا عالي

يوم شافك ابوك سم وقرى باسم الرحماني

شوفتك تجبر الخاطر واسمك باسم الغالي

الي له القلب يشتاق ويدعي في الصلاتي




صح الله لسانك ولا هنت يالذيب

بعدها عليه اليوم المغرب و بقوله من خالك شبح الصمت :victory:

[دنهل]

الصراحة ابدعت يابوخليفة في الموضوع وعسى خليفة يصير بار لوادية ويعطيك ربي اخوان وخوات لخليفة وتزوجهم وتشوف عيال عيالهم وتجعلهم من محبين المساجد

[بو خليفه 123]

والله يابوخليفه يعجزالساني عن التعبير والله يخليلك خليفه ويطرح فيه البركه

اه يمكن انا ماعشت هاي الحضه مع ابوي الله يرحمه بس احس فيها ...... قلبت المواجع يابوخليفه


تسلم يالغالي

و أنا يعجز لساني عن شكركم

ان شاء الله انك تعوضها مع ابنائك

تشرفت بمشاركتك ذات الشجون ..

[بـــــــنت النوخـّــــذه]

احلى اللحظات قدوم اول حفيد بالعائله واول طفل عند الام والاب :) خصوصا" لما البيت اول مره تنطلق فيه صيحه : واااااااااااااااااااااء وااااااااااااااااااااااااء واااااااااء الكل يفزع ويخاف عليه انحسب فيه شي ولا صاير له شي واخرتها الياهل يوعان :eek5:>>>> شفتو اشلون قلب الاهل على هالياهل قلبهم يعورهم حتى على الصياح الطبيعي


الله يطول بأعمار اهالينا ويرحم الاموات منهم ويسكنهم فسيح جناته 000 الشخص مايحس بالمسؤوليه والخوف على اليهال الا لما يجرب ويعيش الموقف
والله يرزقكم الذريه الصالحه ويخلي لك خليفه وعاشت الاسامي :victory: :)

[بو خليفه 123]

بوخليفه:weeping: موضوعك كله احاسيس

الله يخلي لك خليفه يارب
ويطرح فيه البركه وعقبال ماتشوفه متخرج ونهنيك فيه :victory:


اخجلتم تواضعنا

تعبنا من العنف والخشونه قلنا نغير الستايل ههههه

الله يطول بعمرك و يخلي لك غاليك و اشكرك على الدعوه الطيبه و تشريفك لي بالموضوع ..

تقبلي تحياتي ..

[بو خليفه 123]

يبلغك الله بره يارب

دايم الوالدين بهذه الطريقه

يسعدكم الرحمن


اللهم آمين

اشكرك على دعوتك العطره

و تشرفت بمشاركتك بموضوعي

[بو خليفه 123]

والله يأبو خليفة كلامك في محله وذكرتني بالوالد الله يرحمة

والله يخليلك خليفة وتشوفه معرس **



:tease::tease::tease:


اشكرك و شهادتك لي شهاده اعتز بها ..


و يخليك لك غاليك ان شاء الله و نعزمك على عرسه ..

[بو خليفه 123]

:) كلامك واااايد حلو ,,
الله يرحم والدك ويحفظ ولدك وتشوفه معرس وتشوف احفاده ,, ^ ^
حسستني بشي حلو :nice: بس ماادري شنو هو ,, :(

تسلم على سحر كلماتك الجميلة ,,
:) يعطيك العافية اخوي ,,


الله يحلي ايامك .. هذي نظرتك الله يطول بعمرك


عسى دوم هالاحساس دامه حلو


و شكراً على دعوتك الصادقه ..

[بو خليفه 123]

حركت مشاعري بكلامك

الله يحفضلك ولدك ان شاء الله


مرحبا يا بو وليد ..

يسعدني تعليقك و يسعدني تواجد مشاعرك بموضوعي

[sweet_lemon]

عيشيتني الجو يابوخليفه مع ان ماعندي عيال ..

بس موضوعك ماشاءالله قمه في الروعه

الله يرحم الوالد ..

وربي يخليلك خليفه ويجعله من الذريه الصالحه .. ويبلغك فيه خير يارب

وتشوفه في اعلى المراتب يارب

الله يسعده ويسعدك ويسعد ام خليفه

تحياتي لك ياخوي :victory:

[بو خليفه 123]

بالضبط....بس شنوو ماادري :(

والله يخليلك خلووف عمي

وان شاء الله تشووفه باعلى المرااتب


.
.

وموضوعك ... والله يذبح:weeping: !


مرحبا بنت اخوي


شنهو اللي يذبح فيه ؟


هذا اللي ابي اعرفه .. :telephone:

[ظبيــღــه]

مرحبا بنت اخوي


شنهو اللي يذبح فيه ؟


هذا اللي ابي اعرفه .. :telephone:

والله ماادري:weeping:

بس الشي الحلو الي حسيت فيه

هو الي ذبحني :swoon:

[بوعلي2]

ياربي يحفظه لك وتشوف عياله وعيال عياله يارب :shy:

[بو خليفه 123]

ما شاء الله

موضوعك حلوو وايد،، حسستني بالجو خخخ

الله يحفظ لك ولدك ويخليه لك،،

انا صح ماعندي عيال توني بنت صغنطوطه

لكن مواقفي اكثرها مع عيالهم،، وتبين فيهم تربيتي هاهاها يحسون على دمهم

احلى موقف يوم اول ما نطقو نطقو باسمي ،، مع اني مالقنهم
واحلى موقف يوم قامو ينادوني ماما جنون

اللي كبر منهم ليحين يستشيرني،، على صغر سني بس من كنت صغيره على هالطبع،، واحين اشوف الناجح فيهم واللي كبر ودخل العسكريه،، ويشهدلي ويقول صح امي ابوي وقفو معاي بس مب مثل وقفتج،، والعلم هو بس اصغر مني ب3 سنين ههههه يعني لحد يفتكرني عيوز وككك


انشالله الله يبلغنا ونشوف عيالنا ونفرح فيهم ،،

بالتوفيق لك ولخليفة،، عسى الله يحفظه لك ويخليه :)


اهلاً بالأم المستقبليه ..

العمر مجرد رقم , والعقل الباطن بالنسبه لي هو المقياس الاساسي ..

مواقفك بشكل مختصر بصراحه تعبر عن حكمتك باتخاذ القرار ..

و اصعب مهمه بالحياه هي عندما يأتي اليك شخصاً قاصد الاستشاره , فهنا هو يتطلع اليك كـ قدوه يتوقع منها ان ترشده الى الطريق الصحيح ..

استفدت من مواقفك يا جنون و ان شاء الله يتم تطبيقها مع ابنائك بالمستقبل القريب :) :)

[بو خليفه 123]

:weeping:
بوخليفة دمعت عيني يوم قريت هالكلام الطيب اللي يدل على انسان طيب وخلوق

وذكرتني بكل لحظة مع عيالي الله يحفظهم:shy:


والله يخلي لك خليفة ويحفظه ويبارك فيه ويوفقه ويبلغك فيه معرس وتحضن عياله وعيال عياله:nice::)

ميمي لو ادري كان سكرت الموضوع , ماتستاهل تنزل دموعك عليه في ذمتي

شاكر لك مشاركتك و دعوتك الطيبه و عسى ربي يحفظك لك عيالك و عساهم يتربون في عزك و يخليك فوق راسهم

[عيون Qatar]

تسلم اخوي بوخليفة
على روعة الطرح ,,,

الله يعينا على عيالنا
وعلى حسن تربيتهم ان شاء الله...
ويحفظهم لنا,,

[بو خليفه 123]

الله يخليه لك ويحميه من العيين

مشكوره

و يحميك من الغرور ان شاء الله


:)

[غزلان]

الله يخلي لك خليفه يارب

وعقبال ماتشوفه دكتور أد الدنيا

[بو خليفه 123]

رحم الله والدك وبارك فيك وحفظ لك بودعيي ،،

رائع ماوصفته لنا من مشااعر اخوي بوخليفه ،،

ومااقتبسته من كلاامك يدل على ان الولد متربي في بيئة خيره ،،

الله يعينك و يأجرك على حسن التربية ولايحرمك بره ان شاء الله ،،

عوداً حميداً أختي شجرة الدر و من طول الغيبات جاب الغنايم ..

ماهو اروع حضورك و تشريفك لموضوعي

و تعليقك وسام على صدري .. شكراً

[هند88]

الصراحه وانا اقرا الموضوع الابتسامه مافارقت وجهي
:)
الله يرحمك ابوك يارب
ويحفظلك خليفة ويطرح فيه البركه
وانا اقرا الموضوع ع بالي بنتي فديتيها:)
اموت على سوالفها الي جنها سوالف عيايز
والا لما تتحلطم علي والله حلو ع قلبي
احب فضولها لما تسأل عن كل شي
واحبها لما تسأل عن معنى كلمة بالانجليش عشان تقوله حق صديقاتها ومدرساتها
احبها لما تسألني عن منعى آية بالقران احفظتفها
الله يحفظها يارب ويطرح في البركه هي واختها :)

تسلم بوخليفة ع الموضوع المب حلو
الا رائع :victory:

[حليتان*]

انا اشهد انك صاادق

هالعياال طفرووني :(


الله يخلي لك بودعي وتبلغ في عياله معاريس

[بو خليفه 123]

ارحم الله والديك يابوخليفـه

وكلامك يثلـج الصدر بالسؤال عنـي وتراكم انت موجودين كأني أنا حاضــر الشخص ماهو برده والا بمواضيـعه الشخص بحضوره وسط القلب ودامك تذكرني يا عسى عمرك طويل وبيض الله وجهـك

وتقبل مروري الصغيرون على هالصبح الحلوو



أخ عزيز و غالي يا شبح الصمت
و مانسأل الا عن الاجوديين شرواك ..

[بو خليفه 123]

الصراحة ابدعت يابوخليفة في الموضوع وعسى خليفة يصير بار لوادية ويعطيك ربي اخوان وخوات لخليفة وتزوجهم وتشوف عيال عيالهم وتجعلهم من محبين المساجد

اللهم آمين و يرزقك الذريه الصالحه يا دنهل .. اشكرك على الدعوه الطيبه ماتجي الا من شخص طيب شرواك

[**هـتــــــان**]

الله يبارك لك فية ...ويحفظة ربي ويكون قرة عين لكم .