مشكلة أرجو الاطلاع

[لينا]

السلام عليكم ورحمة الله وبركاتة

http://www.alriyadh.com/2008/02/23/img/242632.jpg

عندي مشكلة وأتمنى منكم المساعدة أخوي متزوج وعندة طفل عمرة سنة وعشر شهور
وما تتخيلون كيف انا متعلقة في هالطفل من اول ما شليته بين ايديني ...في عمر الشهر
صارت له حادثة اختناق بالحليب كانت أمة تعطية رضاعة ونومته على ظهره وشرق في الحليب
والحمدلله اخذه اخوي للمستشفى بسرعة والله كتب له عمر جديد لكن امة بدت تخاف تهتم فيه
وضل مع امي الي هي جدته وانا اهتم فيه اذا رجعت من الدوام امه على طول حملت بعد تقريبا 4 شهور
وكان حملها متعب جدا وكانت تنام على طول وهو طول الوقت معي ومع جدته ...تعلقت فيه حيل كنت اضايق يوم يسافر مع اهله...الحين عمرة سنة وعشر شهور تقريبا وعندة اخت عمرها 8 شهور والحين امه حامل بعد ... لكن حسيت انها تغيرت وبدت تاخذة وتهتم فيه صراحة انا استانست على هاالشي وكنت احاتيه لان امه شوي كانت بعيدة عنه ..
الحين نجي حق ابوة صراحة الصبي يحبه حيل وكان اول كلمة بابا قبل ما يقول ماما لكن للاسف ما يهتم فيه وساعات يضربة وهو يخاف ويشرد منه ساعات يوم يشوفة.... و امس ضربة على وجهه والله اخاف يكون فقد السمع من هالضربة قاسي حيل معه وانا مادري وش اسوي ماقدر اقول شي لانه مو ولدي واذا قلت قالوا هذا ولدنا
طبعا امه الحين حامل وعصبيه وتضربة ولا تصبر عليه لا في الاكل ولا في الحمام ولا في العب تعبت صراحة
انا اكتب والعبرة فيني ياليت الي عنده نصيحة يقول لي وش اسوي شلون اقدر اساعده كيف اشرح لهم اهميه التربية

اسفه على الاطاله

وأشكر اختي لينا لانها خلتني اكتب بالمعرف

[رشدان]

اعتقد يااخت لينا تتصلين في مكتب حماية الطفل وتاخذين رقمهم من الدليل ..لأن مش من حق الوالدين يعذبون اولادهم لأن البعض يختلط عنده التاديب بالتعذيب ومايدري ان الترهيب والتعذيب بحجة التاديب اول ماتضر الوالدين انفسهم وبعدين المجتمع اللي ماله ذنب ...
وبعدين الضرب في اماكن منهي عنها مثل الوجه او اي مكان يسبب مضاعفات هذي جريمه يرتكبها من يتشدق بالولايه في حق طفل او طفله لايملكون الشكوى ولايعلمون لمن يلجئون

والله يعينج

[الأصيلة]

أبسط شي تاخذينه دام هم مستغنيين عنه ومتمللين منه...
حرام بيطلع الولد معقد وعصبي لأنه فقد الحنان المفترض من الأبوين..
في وين عايشين هذولا ... ليش مايحمدون ربهم...غيرهم يدور طفل واحد
وهم مايحمدون الله عليها..
الولد صغير على الضرب مايستحمل ..
المفروض تتوقف عن الحمل زوجة اخوج هذي ...مادام هذي نظرتهم للأطفال...
عدم احساس بالمسؤولية...
اذا اخوج يحب القراءة اخذي له كتب عن أهمية رعاية الأب وحنانه للأبناء...
أو اشرطة أو بالكلام ذكريه ...
لاحول ولا قوة الا بالله...

[وحيد-الشوق]

اعوذ بالله من بعض البشر في ناس ما تستاهل نعمة العيال حد يضرب ولده وصغير بعد

خسارة فيهم اسم اب وام :(

[فارس الكلمة]

أين دور الجدة ..؟ لماذا لا تتدخل أمام أبنها و زوجته .. ؟

أختي ربما تبالغين في سرد هذا الموضوع ..؟.. الأب و الأم لهما عاطفة إتجاه أبنائهم .. و الله أعلم

[لينا]

اعتقد يااخت لينا تتصلين في مكتب حماية الطفل وتاخذين رقمهم من الدليل ..لأن مش من حق الوالدين يعذبون اولادهم لأن البعض يختلط عنده التاديب بالتعذيب ومايدري ان الترهيب والتعذيب بحجة التاديب اول ماتضر الوالدين انفسهم وبعدين المجتمع اللي ماله ذنب ...
وبعدين الضرب في اماكن منهي عنها مثل الوجه او اي مكان يسبب مضاعفات هذي جريمه يرتكبها من يتشدق بالولايه في حق طفل او طفله لايملكون الشكوى ولايعلمون لمن يلجئون

والله يعينج

انا فكرت في مركز الاستشارة اعتقد في الدوحة مركز يهتم في الاسرة ويقدم لهم الارشاد

بس خفت من ردة فعل اخوي يمكن يزعل

وانا احاول اكون حذرة اخاف يحرموني منه اذا سويت اي خطوه مو مدروسه

مشكور اخوي والله يسعدك

[لينا]

أبسط شي تاخذينه دام هم مستغنيين عنه ومتمللين منه...
حرام بيطلع الولد معقد وعصبي لأنه فقد الحنان المفترض من الأبوين..
في وين عايشين هذولا ... ليش مايحمدون ربهم...غيرهم يدور طفل واحد
وهم مايحمدون الله عليها..
الولد صغير على الضرب مايستحمل ..
المفروض تتوقف عن الحمل زوجة اخوج هذي ...مادام هذي نظرتهم للأطفال...
عدم احساس بالمسؤولية...
اذا اخوج يحب القراءة اخذي له كتب عن أهمية رعاية الأب وحنانه للأبناء...
أو اشرطة أو بالكلام ذكريه ...
لاحول ولا قوة الا بالله...

هو معي على طول لكن مثل ما ذكرت بعد ما حملت بطفلها الاخير بدت شوي تتعلق فيه

كانها توحمت عليه او مادري صراحة لكن صار ينام عندها وتهتم فيه شوي لكن ماتعرف تتعامل

معه لان ببساطه مو متعودة تتعامل معه وانا ماقدر اتكلم او اقول خليني اسوي...والله ساعات

ماقدر استحمل وتدخل يوم تهاوشة تقول لي بالحرف الواحد هذا ولدي خليني اربيه على كيفي

ساعات يوم يرفض الاكل او الرضاعة تتركة خلاص ما تحاول او تهاوشة وتكلمه كأنه شخص

كبير يفهم وانا احاول افهمها ترا مايفهم حاولي تتطنشي ولا تتعصبين منه ترا مايقصد مافيه فايدة

هواش وضرب وسب

[لينا]

أين دور الجدة ..؟ لماذا لا تتدخل أمام أبنها و زوجته .. ؟

أختي ربما تبالغين في سرد هذا الموضوع ..؟.. الأب و الأم لهما عاطفة إتجاه أبنائهم .. و الله أعلم

امي مسافرة الله يحفظها هالفترة

وانا متاكدة لو امي هنا ما يضربه بهالطريقة

امي تادفع عنه وحرمة اخوي تحب امي وتسمع كلامها وتحبنا كلنا

البنت طيبه لكن مشكلتها مع اطفالها ما تقدر تتعامل معهم

خاصة هالطفل لان كان شوي بعيد عنها ..فترات احس بالذنب اني اهتميت فيه وبعدته من امه

في البداية لكن لو ماسويت كذا ماراح احد يهتم لان رفضته بعد الحادثة فترة طويله

بالنسبه للمبالغة في السرد الله الشاهد اني ما ظلمتهم بالعكس فيه اشياء انا ماذكرتها

فيه ناس عندهم نعمه ما يقدرونها

[لينا]

ياليت اشوف راي الاخوات

[العقل الحر]

في اعتقادي البسيط انى انتي مبالغه في وصف تربية ابوه وامه بسبب تقربك من الطفل

ونصيحة لك حاولي تكوني مجرد عمة له فقط او تلعبي دور العمة وليس دور الام

ولو تتزوجين وتنجبين طفل خاص فيك افضل لك

[لينا]

في اعتقادي البسيط انى انتي مبالغه في وصف تربية ابوه وامه بسبب تقربك من الطفل

ونصيحة لك حاولي تكوني مجرد عمة له فقط او تلعبي دور العمة وليس دور الام

ولو تتزوجين وتنجبين طفل خاص فيك افضل لك

هلا فيك اخوي العقل الحر

صدقني عمري ما تعاملت معه على اني امه

بالعكس حتى كان يناديني ماما انا كنت احفظه اسمي

حاولت يقول لي عمه لكن ناداني بسمي في النهاية

انا اصلا حريصة على علاقته بأمه وابوه وصدقني لو ماني حريصة

ما اكتب هالموضوع ..والطفل متعلق فيني حيل وماصدقت ان امه تنتبه له

ودي افصله عني وفي نفس الوقت ودي ان اهله يعاملونه زين ويفهمونه قبل كل شي

انا مايهمني احد كثر مايهمني الطفل نفسه انا قريت ان شخصية الطفل تتكون

في اول خمس سنوات من عمره

وانا ودي انه يكبر بين اب رحوم وام واعية وفاهمه

شكر لك اخوي على النصيحة

والله يرزقنا وياك بالاطفال الصالحين يارب

[تحداني]

الا الأطفال مالهم ذنب في عصبيه الام ورده فعلها
أختي الفاضله الحمل عندما يكون متكرر ودون ترتيب ودون تنسيق يولد
حاله من الانفعال وحاله من الاهمال في عواطف الشخص بحيث يشعر انه متعب
والتعب يولد ردات فعل سلبيه من ناحيه


الاهتمام بالأطفال
والإهتمام بنفسها
وفي بيتها ومع زوجها وحياتها الشخصيه



حاولي قدر الإمكان ان تقولي لزوجه اخوكي هدي اعصابك مع الأطفال
وحاولي ان تبعدي الطفل وهو في حاله البكاء والإلحاح عن الام والاب بمعنى تلعبينه اشوي
وتأكلينه اشوي
وتضحكينه اشوي
واتسوليفين معاه

واذا علمته زوجه اخوكي او اخوك على شئ
لا تعترضي عليه امام الاطفال وتفعلين معه عكس ما يرغبون
كل اب وام لهم وجه نظر في تربيه ابنائهم قد لا تناسبك كعمه



التعلق بالطفل وخاصه البكر احساس عادي وطبيعي لا تقلقي منه
واذا كان البيت هادئ وفجأه يصل طفل تحسين بروح جميله واجواء مختلفه
لا يعني الاهتمام هو سلب البساط من الام .. ما اعتقد وصلنا لهذه الدرجه من التفكير
انما التعلق من باب المحبه والموده




لا تكبري الموضوع
وهدي نفسك والموضوع جدا بسيط صغريها راح تصغر



جملك الله برضى الرحمن

[missperfect]

لاحول ولاقوة الا بالله

ناس عندهم النعمه ومب حاسين بقيمتها ،، ربي يعين

[المجدم]

ربما يكون اهتمامك الزائد بالطفل سبب في المشكلة بطريقة غير مباشرة ، فعندما ترى الأم أن هناك من يتحمل جزء من مسئوليتها في تربية ابنها ، تتخلى عن هذه المسئولية ، أنا برأيي المتواضع ان اهتمامك الكبير بالطفل هو جزء من المسئولية ، والأجدر أن تبتعدي قليلا عن الطفل لكي يتعود على أمه التي هي شئنا أم أبينا أحن وأرحم وأعطف من الجميع عليه ، وهي ربما بسبب ظروف الحمل المتكرر لم تجد الوقت لرعاية طفلها كما ينبغي . نصيحتي لك أن تعيدي كامل المسئولية لأمه من جميع النواحي وأن تبقي عمته فقط وأن تحاولي أ ن تظهري للأم أنها مقصرة بحق إبنها وعليها اعطاءه الكثير من الحنان والحب ، أما الأب فضربه لإبنه وهو بهذا السن أمر غريب وغريب جدا وبحاجة للنصح والمحاورة بالتي هي أحسن وإثارة عاطفة الأبوة لديه من خلال نصائح وتوجيهات بطريقة مقنعة وبنفس الوقت مؤدبة حتى لايكون هناك عناد وزيادة الطين بله .
تحياتي الحارة

[لينا]

ربما يكون اهتمامك الزائد بالطفل سبب في المشكلة بطريقة غير مباشرة ، فعندما ترى الأم أن هناك من يتحمل جزء من مسئوليتها في تربية ابنها ، تتخلى عن هذه المسئولية ، أنا برأيي المتواضع ان اهتمامك الكبير بالطفل هو جزء من المسئولية ، والأجدر أن تبتعدي قليلا عن الطفل لكي يتعود على أمه التي هي شئنا أم أبينا أحن وأرحم وأعطف من الجميع عليه ، وهي ربما بسبب ظروف الحمل المتكرر لم تجد الوقت لرعاية طفلها كما ينبغي . نصيحتي لك أن تعيدي كامل المسئولية لأمه من جميع النواحي وأن تبقي عمته فقط وأن تحاولي أ ن تظهري للأم أنها مقصرة بحق إبنها وعليها اعطاءه الكثير من الحنان والحب ، أما الأب فضربه لإبنه وهو بهذا السن أمر غريب وغريب جدا وبحاجة للنصح والمحاورة بالتي هي أحسن وإثارة عاطفة الأبوة لديه من خلال نصائح وتوجيهات بطريقة مقنعة وبنفس الوقت مؤدبة حتى لايكون هناك عناد وزيادة الطين بله .
تحياتي الحارة

هلا فيك اخوي

الطفل معي معظم الوقت هي ساكنه معنا

حتى وانا ادور في البيت يلحقني هي نادر احس انها تغار

في الحمل هذا صح عصبيه لكن بدت تهتم فيه

وانا احاول مثل ماقلت اني افصله عني

يوم تطلع مكان تجي تخليه عندي انا ماقدر اقول شي

لان هي مثل ما تقول عنيد وصعب اتعامل معه في الاماكن العامة

انتي تفاهمي ...


انا ماعندي مشكله في هالجانب والله سعيدة يرجع لهم ويربى طبيعي مثل اي طفل

مو عمته تربيه ..

بس مشكله الضرب هي المشكله الي ودي تنتهي

ــ

[برشلوني قطر]

انا فكرت في مركز الاستشارة اعتقد في الدوحة مركز يهتم في الاسرة ويقدم لهم الارشاد

بس خفت من ردة فعل اخوي يمكن يزعل

وانا احاول اكون حذرة اخاف يحرموني منه اذا سويت اي خطوه مو مدروسه

مشكور اخوي والله يسعدك


اختي اذا كلمتيهم مب جاايين بيتكم والا بيكلمون اخوج...اكيد انهم بيعطونج طرق

تتصرفين فيها معاهم..

والله يعينج

[hamoor4ever]

شكلج مبالغه اختي

[لينا]

اختي اذا كلمتيهم مب جاايين بيتكم والا بيكلمون اخوج...اكيد انهم بيعطونج طرق

تتصرفين فيها معاهم..

والله يعينج

شكرا لك اخوي

بحاول اطبق نصيحتك

ــ

[لينا]

شكلج مبالغه اختي

حياك الله

شاكرة مرورك وأفادتك

[الغالي!]

عندي نصيحة كل انسان له طريقه تقربي اول شيئ حق اخوج وشوفي وش طريقة التعامل معه تقربي منه ام الظرب على الوجه هذي منهي عنهافي الاسلام وبالكلمه الطيبه تهد جبال شلون متهد الانسان !!!!!!!!!!!!!!!!!!