المساعد الشخصي الرقمي

مشاهدة النسخة كاملة : &&& ظاهرة دخيلة على مجتمعنا .. وفي غاية الخطورة &&&


خليفـة
04-07-2010, 02:16 PM
السلام عليكم ورحمة الله وبركاته

ظاهرة خطيرة ودخيلة على مجتمعنا القطري الآمن المحافظ .
هذي الظاهر قد تكون لها مخاطر لا يتصورها احد .. وقد تكون اثارها داميه على المجتمع بأسرة .

بقول لكم القصة وانتوا بتعرفون هذه الظاهرة ان شاء الله .

في يوم الجمعة 2 / 7 / 2010 م وتحديدا في تمام الساعة 08.20 مساءً .. كنت جالس في المجلس لحالي .. وكنت اقلب في قنوات التلفزيون واتنقل من قناة بايخة لقناة أبيخ .
وانا جالس .. وبجلابيتي .. وبدون مقدمات .. انفتح باب المجلس الملاصق لباب صالة البيت .. ودخلت علي امرأة في وسط العشرينات من عمرها .
لابسه عباية ونقاب .. واول ما شفتها قلت هذي اكيد وحده من الجماعة ولكن في نفس اللحظة قلت : مستحيل حد من هلي يجي ويدش المجلس بدون سابق انذار او قبل التأكد من عدم وجود أحد من الأصدقاء .


قالت لي : السلام عليكم .
قلت لها : عليكم السلام ( وهنيه عرفت انها مش من اهلي بتاتاً )
قالت لي : كيف حالك يا خوي ؟
قلت لها : الحمدلله بخير ونعمة .. آمري اختي ؟ ( افتكرت انها من الجيران وجايه زيارة للبيت )
قالت لي : انا الله يسلمك عندي شوية اغراض وحابه اعرضها عليك .. ان شاء الله تلاقي شي يعجبك وتشتريه .. عندك مانع اخذ من وقتك 15 دقيقه بس ؟
قلت لها : مشكورة اختي بس انا ما اقدر اسمح لج ترويني اغراضج لان هذا مجلس الرجال .. وحاليا البيت محد فيه لان الأهل كلهم طلعوا ومافيه احد بالبيت غيري انا .. وما ودي أحد يجي من ربعي واصدقائي وتكونين موجودة .
قالت لي : عادي اخوي مو مشكله .. ببيع لك ولهم .. والرازق الله ( قالتها بابتسامة خبيثة )
قلت لها : معليش اختي .. تعالي بكرة بيكونون الأهل كلهم في البيت ان شاء الله .
قالت لي : طيب بعطيك رقم جوالي وفي حال احتجت كورات بي بي او هدايا او بخور او او او الخ .. تقدر تتصل بأي وقت .
قلت لها : اوكي .. واذا فيه شي بخلي وحده من خواتي تكلمج ان شاء الله . ( أبي الفكه قبل لا يجي الشيبة وينحرني انا وياها واكون شهيد )
قالت لي : تفضل هذا رقمي ...
قلت لها : الله يحييج .. مع السلامة .


انتهت السالفة

التفاصيل الحين :
البنت هذي مثل ما ذكرت سابقا بنهاية العشرينات .. وكانت بلبس قطري بحت ولكن
هي ليست قطرية أبداً
ولن اقول من اي جنسية تحديدا .. ولكنها شامية
وخير دليل كلامها الخليجي المكسر .. وعيونها الخضر .. وبياضها الفاقع

قلت لواحد من عيال الجيران السالفه .. وقال لي هذي مرت علينا احنا بعد
وامي طردتها .. وشكلها انسانه مب زينه وتدش البيوت على اساس انها تبيع وفي الواقع هي تدش لتبيع اشياء اخرى .

انا اعتقد انها لو طاحت بمجلس عامر بالشباب المراهقين ضعيفين الأيمان .. بتوصل لمرادها .. وبتاخذ المبالغ الي تبيها وبكل سهوله .

ولكن

المصيبة الأكبر الان :
من يعلم .. قد تكون حامله لأمراض خبيثة ومعدية أهمها الأيدز كفانا الله واياكم الشر والبلاء
الحين .. وبعد ما ذكر لي ولد الجيران انها مرت عليهم من قبل .. صرت اترصد لها وانتظر عودتها مرة أخرى حتى أبلغ عليها الجهات المختصة لتتخذ معها الأجراء المناسب .

وللأسف الشديد اني ما احتفظت برقمها .. لاني رميته بعد ما طلعت من عندي مباشرة


حبيت اذكر لكم هالسالفه .. حتى تكونون على علم مسبق
وتتصرفون بالطريقة المناسبة مع هذي الأشكال الدخيلة على مجتمعنا الشريف العفيف


يا رجال : ديروا بالكم على بيوتكم ولا تلينون جدام الكلام الناعم .
يا حريم : خلوا بيبان حوشكم مسكرة .. وركبوا كيمرات داخل مجالس الرجاجيل ( احتياطياً ):nice:
وسلامتكم

:)
شبح الصمت
04-07-2010, 02:19 PM
مالك امل من صجـك

اوصلت فيهم لهدرجة

الله يعفينا ويكفينا

لا حول ولا قوة الا بالله
شويهينــه
04-07-2010, 02:21 PM
لاحول ولاقوه الا بالله

وصلت فيهم المواصيل يدخلون البيوت

الله يستر علينا وعلى عيالنا
البدع
04-07-2010, 02:21 PM
الحمدلله

مامروا علينا مثل هذي الاشكال

بس مرة جاتني وحدة من نفس الطخة وانا في كوفي شوب

تطر فلوس

عطيتها المقسوم

وبعد شوي

الاقيها راكبة بي ام دبليو

وحسيت بالحزن اني عطيتها فلوس

وعقب حرمت اعطي فلوس الا للجمعيات الخيرية
abdulla999
04-07-2010, 02:22 PM
حنا في امريكا مش قطر
الله يحفظ المسلمين من كل شر والله لو حد غيرك ماخلها تروح بعيد
Night KNight
04-07-2010, 02:24 PM
اف اف اف وين قاعدين احنـا
الله يستر لاتصف وحده عند المجلس وتنزل
مافي واحد اثنين تلسب لين باب المجلس

الصـراحه ظاهـره وصخه وغـير حضاريـه
الله يستر على شبابنـا وحريمنـآ
وعلى الشياب الي قلوبهم خضر :secret:
الخبير العقاري
04-07-2010, 02:24 PM
أخوي مالكم أمل


جزاك الله خير على التحذير والتنبيه وأقول الله يكثر من أمثالك من الشباب اللي فيهم خير لهم ولمجتمعهم وهذا دليل ان شاء الله أنك من المحافظين على الصلوات لان المصلي الله سبحانه وتعالى يحميه ويكون الأيمان في قلبه اعجبني مقالك وأسلوبك بارك الله فيك
ويجب أتخاذ الاجراءات ضد هذه الفئة قد تكون تحمل معها أمور أخرى كالمخدرات أو الأمراض كما ذكرت وتطيح في عيالنا حسبي الله ونعم الوكيل

وهاااااااااااااااااااااااااااااااااااااااااااااااا اات خشمك تساهل حبة خشم
رجل الجزيرة
04-07-2010, 02:25 PM
الله يكفينا شرهم.
s o s o
04-07-2010, 02:29 PM
انا مرت علي وحده من نفس الجنسية بس شوي اكبر من العمر اللي ذكرتة
وقالت انا ابيع عليكم اغراض

قلتها انا ماعندي فلوس ومعاشي مقصوص ومديونه:nice:

وبس من يومها ماشفتها
شبح الصمت
04-07-2010, 02:29 PM
اخوي مالك امل

إن شاء الله ما تمر علي نفس هالحالة بس ان مرت ما قدر ابلغ عليها بقولها روحي الله يستر عليج الا اذا اهي في قرارت نفسها مبيـته شيء وتبي شيء غير أنها تبيـع ..

أما في حالة أنها تبيـع تقدر تقول انا قاعده أبيع وابي الحريم

أما في حالة أنها تبي شيء ثاني لا يوبه هاي عاد قولها أجلس والي تامرين فيه وروح يمع حريم البيت وبلغ عليها

والله يستر علينا وعليها ..

شاكر لك هالتـنبيــه الخوف مب علينا أحنا على الحريم مساكين بيصدقونها وبيعطونها الخيط والمخيط وعقب كم يوم تحصلها قاطه الوجه وما تدري شلي بخاطرها يدور تتعرف على اهل البيت وتتعرف على البنات واشوي داشه طالعه ..

لا حول ولا قوة الا بالله

شوف المجالس احنا كان يمر علينا واحد من الشباب من جنسيـة آسيوية ويبيع علينا بخور وحركات هي رجال ما يعيبه شيء ولين يومك ذيك يمر مجالس الشباب في فريجنا وياخذون منه عاد هي وحده الله يستر
الخبير العقاري
04-07-2010, 02:31 PM
يا إخوان يا أخوات لاشك أن هناك فئات محتاجة الصدقة ولا يجب أن نتعامل معه هذه الفئة إلا بالحسنى اما دفع الصدقة أو تتركهم في حالهم أما اللي مثل هذي تدش بيوت ومجالس مالها غير الجهات المختصة فوراً يجب أن تطق الباب إذا كانت محتاجه وتطلب مقابلة النساء فقط

البلد فيه فقارى تحط خط الفقر ويحتاجون اي بيزة يسدون حاجاتهم يعني لازم نحط هالشئ بالحسبان ...
خليفـة
04-07-2010, 02:33 PM
مالك امل من صجـك

اوصلت فيهم لهدرجة

الله يعفينا ويكفينا

لا حول ولا قوة الا بالله


لاحول ولاقوه الا بالله

وصلت فيهم المواصيل يدخلون البيوت

الله يستر علينا وعلى عيالنا
اقسم بالله انها فتحت الباب من غير احم ولا دستور
نسأل اللهالسلامة بس
:rolleyes2:


الحمدلله

مامروا علينا مثل هذي الاشكال

بس مرة جاتني وحدة من نفس الطخة وانا في كوفي شوب

تطر فلوس

عطيتها المقسوم

وبعد شوي

الاقيها راكبة بي ام دبليو

وحسيت بالحزن اني عطيتها فلوس

وعقب حرمت اعطي فلوس الا للجمعيات الخيرية
والله لو انا منك يالبدع .. لا ألحقها بالعراوي
واوقفها واخذ المقسوم الي دفعه لها وبالقوة

ياشينهم ياخي .. نفوسهم دنية .. وما يستحون
شكرا لمرورك يالغالي


حنا في امريكا مش قطر
الله يحفظ المسلمين من كل شر والله لو حد غيرك ماخلها تروح بعيد
اللهم امين
شكرا لمرورك


اف اف اف وين قاعدين احنـا
الله يستر لاتصف وحده عند المجلس وتنزل
مافي واحد اثنين تلسب لين باب المجلس

الصـراحه ظاهـره وصخه وغـير حضاريـه
الله يستر على شبابنـا وحريمنـآ
وعلى الشياب الي قلوبهم خضر :secret:
هذي المصيبه
ان فيه شباب .. شقول بس
خلوني ساكت عشان ما تنلغي المشاركة ويستفيد اكبر عدد ممكن
والي بالقلب بالقلب
خذوا لكم لفة صوب الشايهات ايام الويك اند جهة ام سعيد والغارية
وبتشوفون العجب العجاب .. والمصيبة الشباب بغترهم
:rolleyes2:


أخوي مالكم أمل


جزاك الله خير على التحذير والتنبيه وأقول الله يكثر من أمثالك من الشباب اللي فيهم خير لهم ولمجتمعهم وهذا دليل ان شاء الله أنك من المحافظين على الصلوات لان المصلي الله سبحانه وتعالى يحميه ويكون الأيمان في قلبه اعجبني مقالك وأسلوبك بارك الله فيك
ويجب أتخاذ الاجراءات ضد هذه الفئة قد تكون تحمل معها أمور أخرى كالمخدرات أو الأمراض كما ذكرت وتطيح في عيالنا حسبي الله ونعم الوكيل

وهاااااااااااااااااااااااااااااااااااااااااااااااا اات خشمك تساهل حبة خشم
حياك الله اخوي الخبير العقاري
وجزاك الله خير على كلامك الطيب
واسأل الله ان اكون عند حسن الظن .

شكرا لمرورك الكريم
:)


ومرة وحدة إطر في جامع في يوم جمعة كانت لابسة معاضد ذهب ومتعافية.

ذكرتني بشيبه توفى رحمة الله عليه
جاته طرارة وفي يدها خردة ريالات .. وقالت له: الله يرحم والديك .. الله يخلي لك عيالك الخ الخ ..
عصب عليها وقال : انتي الي في يدج اكثر من الي بمخباتي .. يالله برع :anger1:
ههههههههه
الله يرحمة .. توفى
الأصيلة
04-07-2010, 02:37 PM
القضية تبغي تحرك من الجهات المعنية...
ها النوعيات اكثروا بس أول مرة تتجرأ على رجال
في المجلس وتدخل عليه...
صراحةعندهم قصص وبلاوي وحركات الله يعلم بها ,,,
مرة وحدة ادخلت الصبح والناس نايمة من باب المطبخ على الخدامة وشافتها تطبخ قالت
ليه تطبخون هالكثر أكل وليش قدوركم كثيرة...
والثانية تطلب تذاكر سفر وتحدد المبلغ...
ووحده تطلب دية لاخوها انتحلت شخصية وحده معروفه...
ولما ذكرت الحادث
طلع راعيه واحد ثاني بس استغلت الموقف...
ما تدري ان قطر صغيرة والكل يعرف بعضه...
المفروض لما يصيدونهم يكون عقابهم شديد حتى يعتبرون وما يعيدونها مرة ثانية...
خليفـة
04-07-2010, 02:37 PM
الله يكفينا شرهم.
الله امين
شكرا لمرورك


انا مرت علي وحده من نفس الجنسية بس شوي اكبر من العمر اللي ذكرتة
وقالت انا ابيع عليكم اغراض

قلتها انا ماعندي فلوس ومعاشي مقصوص ومديونه:nice:

وبس من يومها ماشفتها
عدل شغلج
وحده جات لوحده
يعتبر شي عادي
لكن وحده تدش على واحد !

افرضي لا قدر الله انها قررت تستغل برائته ؟؟
يا ستار سترك
:rolleyes2:


اخوي مالك امل

إن شاء الله ما تمر علي نفس هالحالة بس ان مرت ما قدر ابلغ عليها بقولها روحي الله يستر عليج الا اذا اهي في قرارت نفسها مبيـته شيء وتبي شيء غير أنها تبيـع ..

أما في حالة أنها تبيـع تقدر تقول انا قاعده أبيع وابي الحريم

أما في حالة أنها تبي شيء ثاني لا يوبه هاي عاد قولها أجلس والي تامرين فيه وروح يمع حريم البيت وبلغ عليها

والله يستر علينا وعليها ..

شاكر لك هالتـنبيــه الخوف مب علينا أحنا على الحريم مساكين بيصدقونها وبيعطونها الخيط والمخيط وعقب كم يوم تحصلها قاطه الوجه وما تدري شلي بخاطرها يدور تتعرف على اهل البيت وتتعرف على البنات واشوي داشه طالعه ..

لا حول ولا قوة الا بالله

شوف المجالس احنا كان يمر علينا واحد من الشباب من جنسيـة آسيوية ويبيع علينا بخور وحركات هي رجال ما يعيبه شيء ولين يومك ذيك يمر مجالس الشباب في فريجنا وياخذون منه عاد هي وحده الله يستر
كلامك كله بمحله وسليم 100%
شكرا لمداخلتك الكريمة
وشكرا لمرورك الطيب
:)


يا إخوان يا أخوات لاشك أن هناك فئات محتاجة الصدقة ولا يجب أن نتعامل معه هذه الفئة إلا بالحسنى اما دفع الصدقة أو تتركهم في حالهم أما اللي مثل هذي تدش بيوت ومجالس مالها غير الجهات المختصة فوراً يجب أن تطق الباب إذا كانت محتاجه وتطلب مقابلة النساء فقط

البلد فيه فقارى تحط خط الفقر ويحتاجون اي بيزة يسدون حاجاتهم يعني لازم نحط هالشئ بالحسبان ...

الخبير العقاري
جزاك الله خير الجزاء .. وماقصرت
بعيد الدار
04-07-2010, 02:52 PM
يأخواني لازم نكون كلنا حافظين ارقام الهواتف الساخنة الي خصصها


قسم مكافحة التسول بإدارة البحث الجنائي بوزارة الداخلية على مدار


الساعة لتلقي الاتصالات المتعلقة بالابلاغ عن حالات التسول ،
والقسم يطلب من كل المواطنين والوافدين التعاون من أجل المصلحة العامة


والتواصل معه على رقمين هاتف ، هما (4714220 - 4823455)

ما يبي شي كل واحد منكم يسجل الرقمين عنده بالجوال وأذا شفتوهم أتصلوا على طول وهم بيجرونهم جر

أذا موب عاجبكم هالوضع حطوا أيدكم في يد بعض وخلونا نوقفهم
الأصيلة
04-07-2010, 03:05 PM
مكافحة التسول تيلفونهم مايرد..
مرة بشهر رمضان اتصلت وما احد يرد وكنت محتاجه لهم ...
وخلاص ماعدت أكلف نفسي واتصل؟؟؟
قرناس قطر
04-07-2010, 03:06 PM
:nice:

السلام عليكم ورحمة الله وبركاته

ظاهرة خطيرة ودخيلة على مجتمعنا القطري الآمن المحافظ .
هذي الظاهر قد تكون لها مخاطر لا يتصورها احد .. وقد تكون اثارها داميه على المجتمع بأسرة .

بقول لكم القصة وانتوا بتعرفون هذه الظاهرة ان شاء الله .

في يوم الجمعة 2 / 7 / 2010 م وتحديدا في تمام الساعة 08.20 مساءً .. كنت جالس في المجلس لحالي .. وكنت اقلب في قنوات التلفزيون واتنقل من قناة بايخة لقناة أبيخ .
وانا جالس .. وبجلابيتي .. وبدون مقدمات .. انفتح باب المجلس الملاصق لباب صالة البيت .. ودخلت علي امرأة في وسط العشرينات من عمرها .
لابسه عباية ونقاب .. واول ما شفتها قلت هذي اكيد وحده من الجماعة ولكن في نفس اللحظة قلت : مستحيل حد من هلي يجي ويدش المجلس بدون سابق انذار او قبل التأكد من عدم وجود أحد من الأصدقاء .


قالت لي : السلام عليكم .
قلت لها : عليكم السلام ( وهنيه عرفت انها مش من اهلي بتاتاً )
قالت لي : كيف حالك يا خوي ؟
قلت لها : الحمدلله بخير ونعمة .. آمري اختي ؟ ( افتكرت انها من الجيران وجايه زيارة للبيت )
قالت لي : انا الله يسلمك عندي شوية اغراض وحابه اعرضها عليك .. ان شاء الله تلاقي شي يعجبك وتشتريه .. عندك مانع اخذ من وقتك 15 دقيقه بس ؟
قلت لها : مشكورة اختي بس انا ما اقدر اسمح لج ترويني اغراضج لان هذا مجلس الرجال .. وحاليا البيت محد فيه لان الأهل كلهم طلعوا ومافيه احد بالبيت غيري انا .. وما ودي أحد يجي من ربعي واصدقائي وتكونين موجودة .
قالت لي : عادي اخوي مو مشكله .. ببيع لك ولهم .. والرازق الله ( قالتها بابتسامة خبيثة )
قلت لها : معليش اختي .. تعالي بكرة بيكونون الأهل كلهم في البيت ان شاء الله .
قالت لي : طيب بعطيك رقم جوالي وفي حال احتجت كورات بي بي او هدايا او بخور او او او الخ .. تقدر تتصل بأي وقت .
قلت لها : اوكي .. واذا فيه شي بخلي وحده من خواتي تكلمج ان شاء الله . ( أبي الفكه قبل لا يجي الشيبة وينحرني انا وياها واكون شهيد )
قالت لي : تفضل هذا رقمي ...
قلت لها : الله يحييج .. مع السلامة .


انتهت السالفة

التفاصيل الحين :
البنت هذي مثل ما ذكرت سابقا بنهاية العشرينات .. وكانت بلبس قطري بحت ولكن
هي ليست قطرية أبداً
ولن اقول من اي جنسية تحديدا .. ولكنها شامية
وخير دليل كلامها الخليجي المكسر .. وعيونها الخضر .. وبياضها الفاقع

قلت لواحد من عيال الجيران السالفه .. وقال لي هذي مرت علينا احنا بعد
وامي طردتها .. وشكلها انسانه مب زينه وتدش البيوت على اساس انها تبيع وفي الواقع هي تدش لتبيع اشياء اخرى .

انا اعتقد انها لو طاحت بمجلس عامر بالشباب المراهقين ضعيفين الأيمان .. بتوصل لمرادها .. وبتاخذ المبالغ الي تبيها وبكل سهوله .

ولكن

المصيبة الأكبر الان :
من يعلم .. قد تكون حامله لأمراض خبيثة ومعدية أهمها الأيدز كفانا الله واياكم الشر والبلاء
الحين .. وبعد ما ذكر لي ولد الجيران انها مرت عليهم من قبل .. صرت اترصد لها وانتظر عودتها مرة أخرى حتى أبلغ عليها الجهات المختصة لتتخذ معها الأجراء المناسب .

وللأسف الشديد اني ما احتفظت برقمها .. لاني رميته بعد ما طلعت من عندي مباشرة


حبيت اذكر لكم هالسالفه .. حتى تكونون على علم مسبق
وتتصرفون بالطريقة المناسبة مع هذي الأشكال الدخيلة على مجتمعنا الشريف العفيف


يا رجال : ديروا بالكم على بيوتكم ولا تلينون جدام الكلام الناعم .
يا حريم : خلوا بيبان حوشكم مسكرة .. وركبوا كيمرات داخل مجالس الرجاجيل ( احتياطياً ):nice:
وسلامتكم

:) ياحريم خلوا بيبان حوشكم مسكره .. وركبوا كيمرات داخل مجالس الرجاجيل (أحتياطيأ) : شكلك تبي أتعفسنا :nice:
بومحمد
04-07-2010, 03:10 PM
انا مرت علي وحده من نفس الجنسية بس شوي اكبر من العمر اللي ذكرتة
وقالت انا ابيع عليكم اغراض

قلتها انا ماعندي فلوس ومعاشي مقصوص ومديونه:nice:

وبس من يومها ماشفتها

:nice::nice:
meme~qatar
04-07-2010, 03:28 PM
وصلت للمجالس

احنا الحريم ملعوزينا
شلون لو طاحت على مجلس

لا يوم يدخلون علينا يسالون انتي وين تشتغلين ؟؟
ريلج وين يشتغل؟؟
واخوانج وين يشتغلون؟؟
وحماج وين يشتغل؟؟؟

علشان تطر على حسب الوظيفة



لا ومرة شافت بدلة (للطيران العسكري) برتبة كبيرة معلقة في البيت

الا تقولي من عندكم يشتغل في الطيران العسكري؟؟؟

انا ماعرفت ان هالبدلة تخص الطيران وهي في بيتنا
شلون هي صادتها

لا ويوم خذت اللي الله قاسمه

تقولي خلي دريولكم يوصلني بيت فلان وفلان<<<< وقاحة

تبي دريولنا يوصلها عشان تطر<<<< تبي تفضحنا هذي
خليفـة
04-07-2010, 03:32 PM
وصلت للمجالس

احنا الحريم ملعوزينا
شلون لو طاحت على مجلس

لا يوم يدخلون علينا يسالون انتي وين تشتغلين ؟؟
ريلج وين يشتغل؟؟
واخوانج وين يشتغلون؟؟
وحماج وين يشتغل؟؟؟

علشان تطر على حسب الوظيفة



لا ومرة شافت بدلة (للطيران العسكري) برتبة كبيرة معلقة في البيت

الا تقولي من عندكم يشتغل في الطيران العسكري؟؟؟

انا ماعرفت ان هالبدلة تخص الطيران وهي في بيتنا
شلون هي صادتها

لا ويوم خذت اللي الله قاسمه

تقولي خلي دريولكم يوصلني بيت فلان وفلان<<<< وقاحة

تبي دريولنا يوصلها عشان تطر<<<< تبي تفضحنا هذي

هههههههههههههه
انتي انسانه طيبه والله
تدرين ليش ؟؟
لان قلبج متروس عليها هاالكثر .. ومع هذا عطيتيها المقسوم
:nice:
أجودية
04-07-2010, 03:32 PM
هذي الفئه لهم شبكة وعصابة ينشرونهم في كل فريج , ويعرفون ان شهر رمضان قرب فايبدأ موسهم
ولله الحمد هل قطر كرام ويحبون يتصدقون ,لكن لابد من التوعيه لهؤلاء المتسولين والحذر منهم .
والله يحفظنا ويحفظكم منهم .
meme~qatar
04-07-2010, 03:37 PM
هههههههههههههه
انتي انسانه طيبه والله
تدرين ليش ؟؟
لان قلبج متروس عليها هاالكثر .. ومع هذا عطيتيها المقسوم
:nice:


لا والله عطيتها دفعة بلا عنا:nice:
لو ماعطيتها بتقعد تحن وتطلع قصص:omen2: محزنة في عايلتها وتعور راسي:rolleyes2:
خليفـة
04-07-2010, 03:38 PM
هذي الفئه لهم شبكة وعصابة ينشرونهم في كل فريج , ويعرفون ان شهر رمضان قرب فايبدأ موسهم
ولله الحمد هل قطر كرام ويحبون يتصدقون ,لكن لابد من التوعيه لهؤلاء المتسولين والحذر منهم .
والله يحفظنا ويحفظكم منهم .

كلامج سليم اختي
ولكن
هذي النوعية من البشر
تمارس مهنة الدعارة بثوب البيع

والي يبي يسوي خير .. هناك الف باب وباب مفتوح للصدقة والحسنه

لكن هذا الباب بالذات لازم يتسكر وعلى طول


قسم بالله .. عندنا شباب .. الله المستعان
والله ان كل حواسه تتوقف عن العمل بمجرد يشوف الشكل الناعم جدامة
وبقدرة قادر يتحول الى خروف
ويدفع الي جدامة ووراه لاجل عيون كذابه
وكلمة منافقة تهتم بالي في جيبه وبس

وجب التنبية لا أقل ولا اكثر
المها قطر
04-07-2010, 03:42 PM
حسبي الله عليهم وصلت فيهم الجرأة يدخلون لين مجالس الرجال والله وقحة وقوية عين
وين الجهات الامنية عنهم اكيد مايدرون باخر تطورات الجرائم الاخلاقية
المفروض الكل يكون عضيد للدولة مساكين الشرطة وش بيكفون لاهل امم اللي دخلت قطر وعاثت فساد
والله لو تجينا ابلغ عنها السلطات الامنية ولا اخليها تعدي على خير
basma222
04-07-2010, 03:55 PM
انا مرت علي وحده من نفس الجنسية
وقلت عندي أغراض للبيع
قلت لها اسفة ما احتاج شىء ولا دخلت البيت
روضه الجنة
04-07-2010, 04:03 PM
الله يرحمنا برحمة !!
الصراحة مصدوومة استغفر الله الله يهدي الجميع
اتذكر مره كنا في مصلى الستي وفي وحدة عيووووووووووز شعرها كلللة ابيض وهي لبنانية اعتقد .. وقعدت تطر امي عطتها فلوس .. شووي الا لما طلعنا شفناها تتمشى فالستي مع بنتها ويدزون عربة ياهل من اغلى انواع العربات وماركة معروفة !!
خليفـة
04-07-2010, 04:17 PM
انا مرت علي وحده من نفس الجنسية
وقلت عندي أغراض للبيع
قلت لها اسفة ما احتاج شىء ولا دخلت البيت
كفوا عليج
عدل شغلج اختي
شكرا للمرور
:)


الله يرحمنا برحمة !!
الصراحة مصدوومة استغفر الله الله يهدي الجميع
اتذكر مره كنا في مصلى الستي وفي وحدة عيووووووووووز شعرها كلللة ابيض وهي لبنانية اعتقد .. وقعدت تطر امي عطتها فلوس .. شووي الا لما طلعنا شفناها تتمشى فالستي مع بنتها ويدزون عربة ياهل من اغلى انواع العربات وماركة معروفة !!

ذكرتيني بسالفه صارت لي مع وحده في دولة عربية
كنت طالع من الجميعة .. الا ذيك الي لاصقه فيني : عطني وعطني وعطني وعطني
اخر شي عطيتها المقسوم .
في نفس اليوم العصر .. شفتها جالسه مع صديقتها في الشيشة وقاعده تشيش
والدخنه تطلع من خشمها جنها ثور وحشي .

بعدها باسبوع لقيتها بنفس المكان .. ولحقتني وقالت لي : عطني عطني الخ ..
هالمرة .. عطيتها حبة علوج وانا شارد عنها
هههههههه
:nice:
روح الاطلس
04-07-2010, 04:34 PM
انا اظن ان تفكيركم راح بعيييييييد

واعتقد ان هدفها الاول هو المال فقط نقدر نقول تبي تطر بس بطريقة ملفوفة شوي

سؤال هل كان في يدها بضاعه؟ ولا داخله بدون شي؟؟ هنا نقدر نحدد هل تفكيركم صح او غلط :)
خليفـة
04-07-2010, 04:45 PM
انا اظن ان تفكيركم راح بعيييييييد

واعتقد ان هدفها الاول هو المال فقط نقدر نقول تبي تطر بس بطريقة ملفوفة شوي

سؤال هل كان في يدها بضاعه؟ ولا داخله بدون شي؟؟ هنا نقدر نحدد هل تفكيركم صح او غلط :)

كان في يدها شنطه .. ما شفت شنو داخلها .
ولكن
الي داشه تبي تبيع .. تدش مجلس للرجال ؟
وتضحك وتتبسم وتكشف نقابها بمجرد دخلت ؟

زين .. الي تبي تبيع وتترزق الرزاق .. لازم يعني تتدلع في كلامها ووقفتها واسلوبها مع الرجل الي جدامها ؟؟

ياخي حسستني اني شكاك وتفكيري مو نظيف
ولكن الي شفته جدام عيني ما اقدر اكذبه ولا اقدر ابرره أبد
:rolleyes2:
JN000N
04-07-2010, 04:49 PM
بااال حسبي الله عليهم وصلت فيهم هالمواصيل


عيل ايمع بقولك

لان امي ماره بهالمواقف فقامت كله توصينا ماندخل اي حد

ذاك اليوم امي طلعت مع الوالد وكنت بروحي فالبيت واحد اخواني فالمجلس وولد خالت مار علينا يومها وكان يطالع المباراه فالصاله

انا في احد زوايا البيت قاعده بروحي اذالع التلفزيون وبلبس بيت وبكشتي يعني مب مستعده لحد ومالي خلق

شوي والا داشه وحده وقفت فنص الصاله تنادي ياهل البيت ياهل البيت

انا استنكرت الصوت غريب يوم طليت الا تطالعني مسكت يدي بقو اللع يخسها يدهل خشنه ومتنقبه كانت الا تقولي كيف الحال ومادري وشو،، عاد انا تذكرت كلام امي وكلام اهلنا ان في رياييل يدخلون بهالمنظر قمت كشفت عن ويهها والله ماستحيت منها خاصه يوم مسكتني ويدها خشنه

المهم تمت تزن ع راسي انا جارتكم يديده بيتي عند بيت ام فلان واحنا ففريجنا مافي ام فلان فريجنا معروفين كلنا نعرف بعض مكشوفين ع بعض المهم قلتلها الوالده محد قالت اي مب مشكله بقعد بروحي بس جيبيلي شاي <<< اي والله بقعد بروحي

قلتلها لحظه عاد انا خفت شردت رحت المطبخ وكان فيدي جوالي اتصلت حق اخوي اللي فالميلس ياها الا تساله منو انته قالها انا البجر قالتله انتو جم عددكم وانت الكبير فيهم؟ قالها اختي من بغيتي،؟ قالت لا انا بس جارتكم حبيت اسير عليكم واتقهوى عندكم
قالها الوالده محد احين لين في يوم كانت موجوده حياج الله وانتي شفتي بعينج البيت مافيه حد توكلي على الله الله يستر عليج


وراحت عاد يوم سالت الدريول يقول لا هي راحت ورا البيت تمشي فالسكه وركبت سياره غريبه عن الفريج ومن عقبها ما جفناها
اي جاره ذي اللي بتسكن ومحد بيدري بها؟ حتا يوم سالنا عنها محد عرفها
الأصيلة
04-07-2010, 05:27 PM
من طرقهم الملتوية في النصب
هذه القصة قرأتها منذ مدة...
دخل احد الشباب الى السوبر ماركت لشراء حاجيات المنزل وبينما
هو يتجول في السوق لفت انتباهه امرأة كبيرة في السن تتنقل وراءه من مكان إلى آخر
ولم يقف الحال عند ذلك حتى اقتربت منه بشدة وهي تشخص ببصرها في وجهه التفت إليها وقال :
يا أمي تبين شي مني ؟
التفتت إليه وبكت وقالت :
( يا أمي ) آه إنها أجمل كلمة اسمعها
اسمع يا بني انت تشبه ابني الذي مات في حادث سيارة وقد افتقدت تلك الكلمة اللي تجبر قلبي
وتعيد لي قواي ، وانهالت تبكي بكاءً شديداً
أخذ يصبرها ويقول اصبري
يا أمي واحتسبي هذا أمر الله ،
الله يعوضك خير إن شاء الله ...
قالت أبغى منك طلب
قالها: أبشري يا أمي
قالت: أبغاك تسمعني الكلمة وأنا رايحة ...
فقام بترديد :
أمي
أمي
أمي
وذهبت وهي تبكي وقلبه يتقطع من الألم والحسرة على هذا الموقف الإنساني المؤلم
وتمنى لو انه لم يشاهد هذه الأم الحزينة وبعد أن انتهى من التبضع وتقدم للمحاسب
وهو يتألم لبقايا الموقف .
قال : كم الحساب ؟
قال المحاسب : الحساب 450 ريال وحساب أمك 1550 ريال
قال : أمي ؟ أمي مين ؟
قال المحاسب : التي ذهبت من هنا وانت تودعها !
وقالت: الحساب عند ولدي
قال الم تذهب أمك من هنا وانت تودعها ؟؟؟ 'يا أمي مع السلامة'
قال: بلى ،
أنا ودعت إمرأة مات ولدها وقلت لها يا أمي ...
قال المحاسب: أنا ما اعرف إلا الحساب
ولم يجد صاحبنا بدلا من دفع الحساب ودفع الحساب وهو
يقول : 'حسبي الله ونعم الوكيل'
وقال المحاسب : خل أمك تنفعك !
حـــركــة جـــديــدة للشـــحاااااتة
الـمـرقاب
04-07-2010, 06:01 PM
لو رقمها لين الحين عندك ممكن تبلغ عنها ويوصلون لها عن طريق الرقم،
محتاجين [حملة] تنظّف البلاد من هالاشكال..!
شويهينــه
04-07-2010, 06:21 PM
بااال حسبي الله عليهم وصلت فيهم هالمواصيل


عيل ايمع بقولك

لان امي ماره بهالمواقف فقامت كله توصينا ماندخل اي حد

ذاك اليوم امي طلعت مع الوالد وكنت بروحي فالبيت واحد اخواني فالمجلس وولد خالت مار علينا يومها وكان يطالع المباراه فالصاله

انا في احد زوايا البيت قاعده بروحي اذالع التلفزيون وبلبس بيت وبكشتي يعني مب مستعده لحد ومالي خلق

شوي والا داشه وحده وقفت فنص الصاله تنادي ياهل البيت ياهل البيت

انا استنكرت الصوت غريب يوم طليت الا تطالعني مسكت يدي بقو اللع يخسها يدهل خشنه ومتنقبه كانت الا تقولي كيف الحال ومادري وشو،، عاد انا تذكرت كلام امي وكلام اهلنا ان في رياييل يدخلون بهالمنظر قمت كشفت عن ويهها والله ماستحيت منها خاصه يوم مسكتني ويدها خشنه

المهم تمت تزن ع راسي انا جارتكم يديده بيتي عند بيت ام فلان واحنا ففريجنا مافي ام فلان فريجنا معروفين كلنا نعرف بعض مكشوفين ع بعض المهم قلتلها الوالده محد قالت اي مب مشكله بقعد بروحي بس جيبيلي شاي <<< اي والله بقعد بروحي

قلتلها لحظه عاد انا خفت شردت رحت المطبخ وكان فيدي جوالي اتصلت حق اخوي اللي فالميلس ياها الا تساله منو انته قالها انا البجر قالتله انتو جم عددكم وانت الكبير فيهم؟ قالها اختي من بغيتي،؟ قالت لا انا بس جارتكم حبيت اسير عليكم واتقهوى عندكم
قالها الوالده محد احين لين في يوم كانت موجوده حياج الله وانتي شفتي بعينج البيت مافيه حد توكلي على الله الله يستر عليج


وراحت عاد يوم سالت الدريول يقول لا هي راحت ورا البيت تمشي فالسكه وركبت سياره غريبه عن الفريج ومن عقبها ما جفناها
اي جاره ذي اللي بتسكن ومحد بيدري بها؟ حتا يوم سالنا عنها محد عرفها

هذي تبي تاخذ منكم معلومات الفريج عشان تكمل قصتها

نفس الشي جاتنا وحده وقالت انا جارتكم وعرف بيت فلان وفلان وصج قالت اسامي بيوت الفريج

وعقب قالت سالفتها انا زوجي مريض ونبي نرجع وماعندنا فلوس التذاكر ومن هالحجي
بو خليفه 123
04-07-2010, 07:13 PM
مالكم أمل

أخي الكريم انا كل يوم اقعد بالمجلس و مايجيني الا بو فلان بو علان

ولا زراع يبي فلوس فيتامينات النخل

ولا الدريول مشمخ صدام السياره



ماقد جاتني وحده تبيع كفرات بي بي ؟


لازم طال عمرك اسيّر عليك مجلسك و اتقهوى عندك و نتناقش في هذي الظهره الخطيره و نلقى لها حل
:shy:

عسى الله يحفظك أخي الكريم من بنات الحرام و يحببك بالحلال اكثر فأكثر ..

سردك لمواضيعك اكثر من رائع .. و أنا من متابعينك .
تحداني
04-07-2010, 10:06 PM
التسول ظاهر قديمه قدم الزمان " أخي الفاضل "
ولكن الطرق والطلبات أصبحت جدا غريبه
:)


أنا أعرف الفقير يطلب ما يسد به جوعه
وما يستر به نفسه



ولكن ما يحصل اليوم إستغلال بشري
بطريقه لا تليق بهم
ولا تليق حتى بآدميتهم



أعرف ان الحاجه مؤلمه
والفقر موجع
وطرق بيوت الناس ليس بالأمر الهين
ولكن لما لا تكون الأمور بعفويه
وليس بها من أساليب الدهاء والخبث والغرابه











جملك الله برضى الرحمن
شذى الروح» ~
04-07-2010, 10:19 PM
الله يكفينا شرهم

وجزاك الله خير

الحذر واجب
مـــــنــاف
04-07-2010, 10:29 PM
يا مــــكثرهــــم عـــند كـــبائــــن (الـــصراف الآلـــي) , وخـاصـه عــند (نـــهايـــه الــشهر) ..!!

وبارك الله فــيك عـلى الــتنبيه والــتذكـــير
بـــــــنت النوخـّــــذه
04-07-2010, 10:31 PM
لو انا منك اقول لها استريحي اشوي واروح اتصل بالشرطه وخلصنا 000

ومعاك الحق في الشكوى لان ممنوع الطراره بين البيوت وممنوع البياعه المتجوله بين الفرجان 000يعني جذي جذاك معاك حق تشتكي عليها 00وفكيتنا وفكيت نفسك من شرها وكسبت أجر 000
الريـــاني 1
04-07-2010, 10:45 PM
مشكلة هذولا الاوادم يستغلون طيبة القطريين وعارفين انه الواحد يستحي وعلي طول بيدفع لكن لو الواحد بلغ عليهم وفضحهم علي طول يخافون يكرروها
بوحارب
04-07-2010, 10:51 PM
:looking::con2:

شخبارك انت ؟
خليفـة
04-07-2010, 10:55 PM
بااال حسبي الله عليهم وصلت فيهم هالمواصيل


عيل ايمع بقولك

لان امي ماره بهالمواقف فقامت كله توصينا ماندخل اي حد

ذاك اليوم امي طلعت مع الوالد وكنت بروحي فالبيت واحد اخواني فالمجلس وولد خالت مار علينا يومها وكان يطالع المباراه فالصاله

انا في احد زوايا البيت قاعده بروحي اذالع التلفزيون وبلبس بيت وبكشتي يعني مب مستعده لحد ومالي خلق

شوي والا داشه وحده وقفت فنص الصاله تنادي ياهل البيت ياهل البيت

انا استنكرت الصوت غريب يوم طليت الا تطالعني مسكت يدي بقو اللع يخسها يدهل خشنه ومتنقبه كانت الا تقولي كيف الحال ومادري وشو،، عاد انا تذكرت كلام امي وكلام اهلنا ان في رياييل يدخلون بهالمنظر قمت كشفت عن ويهها والله ماستحيت منها خاصه يوم مسكتني ويدها خشنه

المهم تمت تزن ع راسي انا جارتكم يديده بيتي عند بيت ام فلان واحنا ففريجنا مافي ام فلان فريجنا معروفين كلنا نعرف بعض مكشوفين ع بعض المهم قلتلها الوالده محد قالت اي مب مشكله بقعد بروحي بس جيبيلي شاي <<< اي والله بقعد بروحي

قلتلها لحظه عاد انا خفت شردت رحت المطبخ وكان فيدي جوالي اتصلت حق اخوي اللي فالميلس ياها الا تساله منو انته قالها انا البجر قالتله انتو جم عددكم وانت الكبير فيهم؟ قالها اختي من بغيتي،؟ قالت لا انا بس جارتكم حبيت اسير عليكم واتقهوى عندكم
قالها الوالده محد احين لين في يوم كانت موجوده حياج الله وانتي شفتي بعينج البيت مافيه حد توكلي على الله الله يستر عليج


وراحت عاد يوم سالت الدريول يقول لا هي راحت ورا البيت تمشي فالسكه وركبت سياره غريبه عن الفريج ومن عقبها ما جفناها
اي جاره ذي اللي بتسكن ومحد بيدري بها؟ حتا يوم سالنا عنها محد عرفها
يمااااااااااه
اختي جنون سالفتج تخرع
:eek5:
يدها خشنه عيل ؟؟؟
:eek5:
ذكرتيني بفلم رعب قديم بالابيض والاسود
هههههههههههه
بارك الله فيج اختي الامورة على هالمشاركة الطيبة وماقصرتي
:)



لو رقمها لين الحين عندك ممكن تبلغ عنها ويوصلون لها عن طريق الرقم،
محتاجين [حملة] تنظّف البلاد من هالاشكال..!
يالغالي
المشكله اني قطيت الرقم بمجرد قبضت الباب
بيني وبينك ما حسيت بأي ضرورة للاحتفاظ برقمها
ولكن
لو فكرت انا شوي بوقتها .. كان احتفظت فيه للتبليغ عليها
ولكن
قدر الله وماشاء الله فعل
شكرا لمرورك الكريم يالغالي
:)


مالكم أمل

أخي الكريم انا كل يوم اقعد بالمجلس و مايجيني الا بو فلان بو علان

ولا زراع يبي فلوس فيتامينات النخل

ولا الدريول مشمخ صدام السياره



ماقد جاتني وحده تبيع كفرات بي بي ؟


لازم طال عمرك اسيّر عليك مجلسك و اتقهوى عندك و نتناقش في هذي الظهره الخطيره و نلقى لها حل
:shy:

عسى الله يحفظك أخي الكريم من بنات الحرام و يحببك بالحلال اكثر فأكثر ..

سردك لمواضيعك اكثر من رائع .. و أنا من متابعينك .
ههههههههههههههه
بارك الله فيك يا بوخليفة
وتشرفني كثيرا متابعتك لما تكتبه اناملية النحاسية
:nice:
وتاااااااامر أمر .. تعال تقهوى عندي في الوقت الي يرضيك وتختارة بنفسك
بس لو جات الحرمة ام يد خشنه الي قالت عنها اختي جنون
انا بطلع واخليك تتصرف وياها بروحك
هههههههههه
ما فينا شدة تشمخ يالغالي
:nice:
شرفني مرورك اخوي






التسول ظاهر قديمه قدم الزمان " أخي الفاضل "
ولكن الطرق والطلبات أصبحت جدا غريبه
:)


أنا أعرف الفقير يطلب ما يسد به جوعه
وما يستر به نفسه



ولكن ما يحصل اليوم إستغلال بشري
بطريقه لا تليق بهم
ولا تليق حتى بآدميتهم



أعرف ان الحاجه مؤلمه
والفقر موجع
وطرق بيوت الناس ليس بالأمر الهين
ولكن لما لا تكون الأمور بعفويه
وليس بها من أساليب الدهاء والخبث والغرابه











جملك الله برضى الرحمن


تحداني الزمن
مرورج محله على العين والراس
وانا من أشد المعجبين وبعنف بكل ماتكتبينه في هذا المنتدى اختي الكريمة

قد تكونين صغيرة بالعمر .. ولكنك كبيرة جدا في ذوقك واسلوبك وثقافتك

شكرا لمرورج الطيب اختي تحداني
:)


الله يكفينا شرهم

وجزاك الله خير

الحذر واجب
وجزاج الله بمثله اختي
وشكرا لمرورج الطيب
:)


يا مــــكثرهــــم عـــند كـــبائــــن (الـــصراف الآلـــي) , وخـاصـه عــند (نـــهايـــه الــشهر) ..!!

وبارك الله فــيك عـلى الــتنبيه والــتذكـــير
وبارك الله فيك يالغالي
على المرور والتعليق الطيب
:)


لو انا منك اقول لها استريحي اشوي واروح اتصل بالشرطه وخلصنا 000

ومعاك الحق في الشكوى لان ممنوع الطراره بين البيوت وممنوع البياعه المتجوله بين الفرجان 000يعني جذي جذاك معاك حق تشتكي عليها 00وفكيتنا وفكيت نفسك من شرها وكسبت أجر 000


مشكلة هذولا الاوادم يستغلون طيبة القطريين وعارفين انه الواحد يستحي وعلي طول بيدفع لكن لو الواحد بلغ عليهم وفضحهم علي طول يخافون يكرروها

بنت النوخذه .. نار على علم

شكرا لمرورج الطيب
:)

شكرا لمروك يالرياني
ويعطيك الف عافية
:)
خليفـة
04-07-2010, 11:04 PM
على طاري الصراف الآلي يالربع
تذكرت سالفة والله صارت لي وانا بعمر الزهور
حول الـ 20 سنه يمكن كان عمري وقتها

اتذكر رحت البنك عشان اسحب من الرصيد 57.000 ريال
قيمة دتسن عراوي ابيضٍ لونه .. ابوا خطوطٍ على البيبان .. ومكينته والله مجنونه

( السموحه .. تذكرت ايام الجاهليه :nice: )

المهم سحبت المبلغ من الكاشير واستدرت للتوجه لباب الخروج من البنك
الا ذيك المتنقبة تناديني : اخوي اخوي .. ممكن شوي , ابيك بكلمة الله يخليك .
انا ذيك الايام طبعا مسكين وبريء واكسر الخاطر .. قلت لها امري اختي ؟
والله العظيم ماجاكم الا الصدق :
مسكتني من يدي وسحبتني لين الكراسي وجلستني .. وقالت لي :
ياخوي انا جاية من الديرة الفلانية مع اهلي .. وفلوسنا انسرقت .. وماعندنا الحين حتى حق البترول نرجع .. اذا ممكن اخوي تعطيني مبلغ لو سلف وتعطيني رقم حسابك ارد لك المبلغ السلف اول ما نوصل الديرة على خير اكون شاكرة وممنونه لك .

انا هنيه عرفت ان عينها طاحت على فلوس العراوي :eek5:

ولكن .. بحكم مخي المولع .. وذكائي الي ماله حل :
قلت لها : اختي هذي الفلوس مب فلوسي .. انا ساحبها للوالد
ولكن .. هذي 100 ريال والله يعينكم على مشكلتكم .
قالت لي اخوي .. خلها 500 والي يعافيك .. ومسكت يدي

انا هنيه بغيت اخورها واعطيها الـ 57.000 كلها
هههههههههه
اتغشمر والله
:nice:

قلت لها : طيب اختي .. ليش ما تنتظريني هنيه .. وانا بروح اجيب محفظتي من السيارة وبعطيج الـ 500 ريال ؟؟

قالت لي : مشكوووووووور وماااااااااااا قصرت اخوي والله
اوكي بنتظرك هنيه

وطلعت من البنك على وكالة النيسان على طوووووووووووول
:nice:

عطيتها 100 ريال وما بغتها .. الحين خلج بلا فلوس خير شر
( الـ 100 ريال ذيج الايام عن 1000 ريال الحين لاحد يقول بخيل :anger1: )

تصدقون .. عقبها باسبوع يمكن .. رحت لنفسك البنك ونفس الفرع
ولقيت نفس الحرمة وبنفس المكان الي كانت تطلب مني المبلغ فيه !!!

معناتها السالفة ماخذتها مهنة


الله المستعان
:secret:
The Master
04-07-2010, 11:13 PM
اوش اوش...
وش هالعلوم الترتيب...احم

الا ماقلت لنا وين مجلسكم...خلنا نسير عليك...انا وبوخليفه...ودنا نغير جو...احم

جيتها لك ماتقدر تلومها...من الفلوس اللي حاطها في التوقيع صار له سنه مانقصت منها اورقه زرقه...احم


وانا مع روح الاطلس...ان هي تبغي تتسول...لكن بطريقه ثانيه...والشغل مب عيب...على الاقل جيتها تبيع ابرك من انها تمد يدها...

وانه ادخلت مجلس ارجال...هذي فيها كلام لكن لو تفكر فيها...الشنبات يذوبون اذا جاتهم وحده تبيع...وينقون...اما النسوان...اذا ماتنزل في السعر لين تكسر ظهرها مب مره...احم

فا الرجال سريع التجاوب والدفع بدون مكاسر...وبوكه في مخباه...وسهالات...

اما يروح بالك ابعيد...ماقول مستحيل...لكن قويه...ماصارت في الدول الاباحيه بتصير عندنا؟؟!!...
فا اتمنى الابتعاد عن هالافكار...ودائما وابدا احسان الظن...

والله يستر علينا دنيا واخره...

"ولا تهون جوالك عالخاص بغيت مكان مجلسكم...احم"
خليفـة
04-07-2010, 11:21 PM
اوش اوش...
وش هالعلوم الترتيب...احم

الا ماقلت لنا وين مجلسكم...خلنا نسير عليك...انا وبوخليفه...ودنا نغير جو...احم

جيتها لك ماتقدر تلومها...من الفلوس اللي حاطها في التوقيع صار له سنه مانقصت منها اورقه زرقه...احم


وانا مع روح الاطلس...ان هي تبغي تتسول...لكن بطريقه ثانيه...والشغل مب عيب...على الاقل جيتها تبيع ابرك من انها تمد يدها...

وانه ادخلت مجلس ارجال...هذي فيها كلام لكن لو تفكر فيها...الشنبات يذوبون اذا جاتهم وحده تبيع...وينقون...اما النسوان...اذا ماتنزل في السعر لين تكسر ظهرها مب مره...احم

فا الرجال سريع التجاوب والدفع بدون مكاسر...وبوكه في مخباه...وسهالات...

اما يروح بالك ابعيد...ماقول مستحيل...لكن قويه...ماصارت في الدول الاباحيه بتصير عندنا؟؟!!...
فا اتمنى الابتعاد عن هالافكار...ودائما وابدا احسان الظن...

والله يستر علينا دنيا واخره...

"ولا تهون جوالك عالخاص بغيت مكان مجلسكم...احم"

بو خليفة 123 + The Master = نسأل الله منهم السلامة
هههههههههههه
:nice:

ياخوي حياك في اي وقت
ومالك الا ام يد خشنه رفيجة اختي جنون

خلها تشمخكم
هههههههههههه

شكرا لمرورك الكريم يالغالي
والهدف من ذكر تجربتي
هو بث روح الحذر والانتباه عند الجميع .. رجال ونساء بدون استثناء
:)
نعيمه علي
04-07-2010, 11:25 PM
هذه النوعية من البشر
تعامل معهم بحزم
وبكل قوة تجعلهم خارج المنزل خلال ثواني

سواء كانوا يبيعون او يتسولون او لهم مآرب أخرى

اطيب تحياتي
اختك نبض


.
جنوب الدوحه
04-07-2010, 11:29 PM
انا اسمع بهذي السوالف كل يوم .. والجاليه هذي كثرت مشاكلها الله يحفظ امه المسلمين ويديم الامن والامان ..
Qa6ar
04-07-2010, 11:31 PM
لاحول الله

جزاك الله خير
خليفـة
04-07-2010, 11:33 PM
هذه النوعية من البشر
تعامل معهم بحزم
وبكل قوة تجعلهم خارج المنزل خلال ثواني

سواء كانوا يبيعون او يتسولون او لهم مآرب أخرى

اطيب تحياتي
اختك نبض


.
والـ 7 انعام فيج اختي نبض
وشكرا لمرورج القوي
:)


انا اسمع بهذي السوالف كل يوم .. والجاليه هذي كثرت مشاكلها الله يحفظ امه المسلمين ويديم الامن والامان ..


لاحول الله

جزاك الله خير

جزاكم الله خير وماقصرتوا
على المداخلة والمرور الطيب
:)
عاشقة الأمل
04-07-2010, 11:33 PM
الحمدلله

مامروا علينا مثل هذي الاشكال

بس مرة جاتني وحدة من نفس الطخة وانا في كوفي شوب

تطر فلوس

عطيتها المقسوم

وبعد شوي

الاقيها راكبة بي ام دبليو

وحسيت بالحزن اني عطيتها فلوس

وعقب حرمت اعطي فلوس الا للجمعيات الخيرية


:omg: :omg: :eek5::eek5:
الله يستر علينا وعلى أهالينا المشكله هذي الأشكال ماعليها رقابه
بواردي
05-07-2010, 12:22 AM
المشكلة عندهم جرءة غريبة
الويه بليته
واللسان عسل
ولو جاتهم فرصة ما يقصرون

افضل حل من الباب قلها وراء در

وما ابي اشوف ويهج في هالفريج
بـن عدوان
05-07-2010, 12:34 AM
شي غريب فعلا !!

بصراحة أشكرك اخوي الكريم على التنبيه وان شاءالله الاخوان والاخوات ينتبهون ...

جزاك الله خير ورحم الله والديكــ

تقبل تحياتي
خليفـة
05-07-2010, 01:07 PM
المشكلة عندهم جرءة غريبة
الويه بليته
واللسان عسل
ولو جاتهم فرصة ما يقصرون

افضل حل من الباب قلها وراء در

وما ابي اشوف ويهج في هالفريج
شكرا لمرورج القوي
:)


شي غريب فعلا !!

بصراحة أشكرك اخوي الكريم على التنبيه وان شاءالله الاخوان والاخوات ينتبهون ...

جزاك الله خير ورحم الله والديكــ

تقبل تحياتي

جزاك الله خير بن عدوان ورحم الله والديك
شرفني مرورك الكريم
:)
شبح الصمت
05-07-2010, 02:29 PM
عندي مداخله برى الموضوع

ولا عليك امر بس انت لو مب فاضح نفسك بهالشنطــه

ياخي عطني اياها اشووي برده لك
شموخ قطر
05-07-2010, 02:52 PM
هالاشكال اخوي مالها الا انك تتصرف معاها بحزم وقوة

لانهم مايستحون ولا شيدخلها مجلس رجال ؟؟وصلت فيهم الجرأه لهدرجه !

الله يعينهم على نفسهم ويستر على الجميع .. ويجزيك خير لتنبيهك الغافلين
خليفـة
05-07-2010, 10:03 PM
عندي مداخله برى الموضوع

ولا عليك امر بس انت لو مب فاضح نفسك بهالشنطــه

ياخي عطني اياها اشووي برده لك
يا هلا بك يالغالي
:victory:
اعتبر الشنطة وصلتك افا والله عليك
بس عطني فرصة افضي الي فيها .. وعيوني لك
:nice:

شكرا لمرورك الكريم


هالاشكال اخوي مالها الا انك تتصرف معاها بحزم وقوة

لانهم مايستحون ولا شيدخلها مجلس رجال ؟؟وصلت فيهم الجرأه لهدرجه !

الله يعينهم على نفسهم ويستر على الجميع .. ويجزيك خير لتنبيهك الغافلين

جزاج الله خير اختي شموخ قطر وماقصرتي
:)
مناري
05-07-2010, 11:09 PM
احنا سندرتنا سودانيه كله اتقول انا جارتكم وتدخل البيت وتقول زوجي عنده كرامه وانا محتاجه وفي كل مكان انشوفها الله يبليهم بلونا
خليفـة
05-07-2010, 11:56 PM
احنا سندرتنا سودانيه كله اتقول انا جارتكم وتدخل البيت وتقول زوجي عنده كرامه وانا محتاجه وفي كل مكان انشوفها الله يبليهم بلونا

هههههههههه
بقول لج شتقولين لها
قولي الحاصل يا زولة !!
جبتي لنا وجع بالمفاصل !!
كذا ماراح نقدر نواصل !!

صدقيني مب جايتكم خير شر
:nice:

شكرا لمشاركتج اختي
دهــن العود
06-07-2010, 12:09 AM
حسبي الله ونعم الوكيل

وصلت فيهم الوقاحة يدخلون البيت بدون استئذان ؟؟

لا ومجلس الرجال بعد ؟؟؟

يالله سترك

انا لو منك اخوي كان ماخليتها تقول كلمة من عرفت انها غريبة

اقبضها الباب ووريها العين الحمرا

لان بصراحة هالاشكال ما يستاهلون نكلمهم وناخذ معاهم ونعطي

والله العظيم لو تدخل على بنفس الطريقة وانا مثلها أمرأة

جان رويتك فيها الشغل العدل بطردها قبل ما تشرح وتزيد

وللعلم هالفئة ماتدخل في قولة تعالى ( وأما السائل فلا تنهر )

هالنوعية هدفها وااضح للكل ربي يستر علينا ويحفظنا منهم

وجزاك الله الف خيرعلى هالتنبية
خليفـة
06-07-2010, 12:16 AM
حسبي الله ونعم الوكيل

وصلت فيهم الوقاحة يدخلون البيت بدون استئذان ؟؟

لا ومجلس الرجال بعد ؟؟؟

يالله سترك

انا لو منك اخوي كان ماخليتها تقول كلمة من عرفت انها غريبة

اقبضها الباب ووريها العين الحمرا

لان بصراحة هالاشكال ما يستاهلون نكلمهم وناخذ معاهم ونعطي

والله العظيم لو تدخل على بنفس الطريقة وانا مثلها أمرأة

جان رويتك فيها الشغل العدل بطردها قبل ما تشرح وتزيد

وللعلم هالفئة ماتدخل في قولة تعالى ( وأما السائل فلا تنهر )

هالنوعية هدفها وااضح للكل ربي يستر علينا ويحفظنا منهم

وجزاك الله الف خيرعلى هالتنبية

بارك الله فيج اختي على حرصج الطيب
انا والله ما سولفت وياها ولا كانت هذي نيتي
:(
انا اصلا تلعثمت وتفاجأت بدخولها
وماعرفت اتصرف اصلا

عموما
انا الحين اتحبل لها
وليتها تجي مرة ثانية
:weeping:
JN000N
06-07-2010, 01:07 AM
انشالله تييك الخشنه ههههههههه
خليفـة
06-07-2010, 01:08 AM
انشالله تييك الخشنه ههههههههه

ههههههههههههههه
لا يبه والي يسلمج
خلي رفيجتج لج

بروحي متخرع من امس
حلمان فيها ومن الخرعه ما قدرت ارد انام
خفت لاترد لي بالحلم مرة ثانية
:nice:
JN000N
06-07-2010, 01:15 AM
ههههههههههههههه
لا يبه والي يسلمج
خلي رفيجتج لج

بروحي متخرع من امس
حلمان فيها ومن الخرعه ما قدرت ارد انام
خفت لاترد لي بالحلم مرة ثانية
:nice:



ههههههه رافجها ابليس

خلاص هالمره سماح:tease:
ريــــــــان
06-07-2010, 02:51 AM
ياليت فرجان لول ترجع
كل بيت يعرف اللي جنبه وكل فريج فيه عيال العايله كلهم
معروفين


حتى لو فيه اجانب من جنسيات عربيه كانو يحترمون اهل الفريج :weeping:

السالفه تخوف والله :eek5: