شرح شراء الأيفون4 من بريطانيا بالتفصيل [الأرشيف] - الصفحة 3

الحجاجي

31-08-2010, 07:07 PM

والله الصراحة شرخ وافي وما قصرت اخوي حاجي

بوفهد حياك الله .. وتمنياتي لك بالتوفيق

تسلـــم فديت خشمك بيض الله وجهـــك يالغالــي :thumbup:

تسلم يالغالي وعساك على القوة ..

مشكور يالحجاجي

امس طلبت 2 اي فون 4g بس هب لي حق واحد من الربع

ان شاء الله انا باشتري بعد

اشتر وانا اخوك .. والله يوفقك ..

سؤال لأخوي الحجاجي أو لمن يعرف ..

هل لازم أركب المايكروسيم عشان أقدر أسوي آكتف للجهاز و أشغل برنامج طلب البمبمر ؟

أو أقدر أسوي هالشي بدون تركيب المايكروسيم ؟

ضروري اخوي لازم تركب الكرت على الأقل مرة وحدة عشان تسوي الاكتفيشن
مع توصيله بالايتيونز ..
وعقب عادي
شغل الواير لس في الايفون حتى بدون كرت ..
واطلب البمبر ..

وحياك الله ..

شريت من كيوتل جهاز ماي فاي
أنصحكم فيه عجيب للايفون حجمه صغير ويعطي وايرلس لخمس اجهزه والبطاريه أتم 6 ساعات
لايفوتكم

حلو الجهاز بس سعره غالي ..
نزل قبل فترة في جرير ..
الأحلى منه

اللي فيه يو اس بي usb عشان تشبك عليه البرودباند
عجيب حق الكشتات والعزب وجمعات الشباب خارج التغطية ..

توني اقرى بالجريده اعلان
ايفون 4 باللولو 3699 ريال ( 16 جيجا)
يالربع من وصله البمبر؟
انا وصلني من يومين بس اعاني منه مشكله
هو اوكي ويعجبني ومضبط شكل التلفون لكن لا ركبته وجيت ابي اركب وصلة اليو اس بي
ماتدش عدل وماينشحن احاول مافي
لازم اشيل البمبر واركبه عشان ينشحن
حد صارله هالشي؟

ما شاء الله اخيراً حد نزل سعره ..

كل بمبر له مميزات وعيوب انا ذكرتها في الموضوع اللي بتوقيعي ..

وما يمدحونه كثير الي خاص بابل ..

M O H A D

31-08-2010, 09:09 PM

مرحبا اخوي محمد

مافيه مشكلة الشيخ

خانه الستي اللي هي المدينة
هي

Slough, clonbrook

ويختصرونها مرات بـ slough

ما عندك مشكلة تطمن ..

شوف هذي صورة تعبئة طلب الشراء بمعلوما ارامكس ..
http://www.alhajjaji.net/sp/wp-content/uploads/2010/08/address_in_UK.jpg

الله يوفقك ..

هلا اخوي :)
طمنتي الله يطمن قلبك دنيا و اخره
،
انا بعد ما طلبت و خلصت رحت شفت الصوره اللي انت حاطها
و شفت خانه الستي و شفت Slough, clonbrook
عشان جيه خفت
و جيكت في قوقل ماب كتبت العنوان و كذا و الحمدلله طلعت لي نفس المدينه
،
يعطيك العافيه يالشيخ
و اسف على الازعاج ^^

الحجاجي

01-09-2010, 12:57 AM

هلا اخوي :)
طمنتي الله يطمن قلبك دنيا و اخره
،
انا بعد ما طلبت و خلصت رحت شفت الصوره اللي انت حاطها
و شفت خانه الستي و شفت slough, clonbrook
عشان جيه خفت
و جيكت في قوقل ماب كتبت العنوان و كذا و الحمدلله طلعت لي نفس المدينه
،
يعطيك العافيه يالشيخ
و اسف على الازعاج ^^

اخوي محمد مافيه ازعاج طال عمرك ..

أهم شيء هو البوست كود

لأن عندهم بنفس المدينة مقرين ..

بس أغلب الي طلبو للحين على نفس
sl3 0ns

وحياك الله ..

شسالفة...؟

05-09-2010, 02:50 PM

جزاك الله خير ويا جعل والديك الجنة

اليوم استلمت جهازي وباقي بس اجيب الشريحة الصغيرة وننطلق في عالم ابل

الحجاجي

06-09-2010, 09:26 AM

جزاك الله خير ويا جعل والديك الجنة

اليوم استلمت جهازي وباقي بس اجيب الشريحة الصغيرة وننطلق في عالم ابل

ويجزاك الخير مثله ..
ووالديك اخوي ..

الله يوفقك ..

ماجد

06-09-2010, 01:01 PM

يعطيك العافية يالحجاجي

توني طالب تليفونين وسويت الطريقة وان شاءالله تظبط

s4qatar

06-09-2010, 07:20 PM

الحجاجي

انا اخوي رايح لندن يوم العيد ولمدة إسبوع

شلون ومن وين أوصيه يجيب لي واحد

ولك الشكر

N.H.A.87

07-09-2010, 07:26 AM

تقدر تطلب لي ..؟؟؟

خخخخخخخخخخخخخ

rpg7

07-09-2010, 12:15 PM

السلام عليكم ورحمة الله وبركاتة
يا شباب تليفوني وصل ولله الحمد وشغال مية المية
وحبيت اشكر الاخ الحجاجي
وجزاك الله والله الف خير

Al-Kuwari

07-09-2010, 12:49 PM

اخوي الحجاجي انا اتبعت خطواتك بالضبط لكن للأسف يقولي ان عنواني غلط ويطلب مني اختار عنوان مشابه من قائمه العناوين المشابهه " وهي فاضيه اصلا " ومافي اي اختيار يخليني اكمل لازم ارجع واغير ..

شالحل شسوي :( ؟

هذي صورة للتوضيح

Al-Kuwari

07-09-2010, 06:16 PM

بس خلاص ضبط وياي
الخلل كان من جهاز الدوام الظاهر مايدعم الفلاش

الله يجزاك خير ويرحم والديك

الحجاجي

07-09-2010, 08:48 PM

السلام عليكم

بالأمس طلبت ايفون لاحـد الأصدقاء

ولاحـظت أن الشركه قامت بتغيير الواجهــة

لكن المحتوى نفسه ..

بس الشكل تغير عن اللي انا شارحه في الصفحة الأولى ..

لكن الخطوات نفسها ..

وطريقة التعبئة هي نفسها ..

ويفضل دائماً اختيار

billing address same shiping address

وحياكم الله ..

Index Signal

07-09-2010, 09:41 PM

Index Signal

07-09-2010, 09:56 PM

وإلا أخلي البيلنق آدرس وهمي و أكتفي بإختيار billing address same shiping address

؟

الحجاجي

07-09-2010, 10:47 PM

بس خلاص ضبط وياي
الخلل كان من جهاز الدوام الظاهر مايدعم الفلاش

الله يجزاك خير ويرحم والديك

ووالديك يالكواري ..

ويجزاك الخير مثله

الله يوفقك وحياك الله ..

والسموحه للتاخير ..

الحجاجي

07-09-2010, 10:52 PM

يعطيك العافيه يالحجاجي و تقبل الله صيامك و قيامك و عيدك مبارك مقدماً ..

أنا فعّلت الآيفون و كل شي أوكي الحمدلله ..

بس للحين ما طلبت البمبمر .. قلت بسألك أول قبل ما أطلب ..

أنا غيرت الشيبنق آدريس في آبل ستور لعنوان آرامكس بأمريكا .. بس البيلنق آدرس على عنوان وهمي بأمريكا ..

وضعي سليم وإلا لازم أخلي البيلنق آدرس نفس الشيبنق آدرس ؟

وإلا أخلي البيلنق آدرس وهمي و أكتفي بإختيار billing address same shiping address

؟

مرحبا ومسهلا اخوي ..

وكل عام وأنت بخير ..
الله يتقبل منا ومنكم الصيام والقيام
ويغفر لنا ولكم .. اللهمـ آمين يارب العالمين ...

ينعاد عليك العيد بكل خير ..

بالنسبة للبمبر
مافيه مشكلة في البلينق ادرس
المهم هو الشبينق ..

بس يفضل حالياً انك تحط نفس المعلومات
billing address same shipping address

والسبب طال عمرك ان بعض المرات أرامكس قامت تطلب الفاتورة ...

في البداية كنت اطلب واحط البيلنق ادرس عنوان بالدوحة
رغم ان البلد بريطانيا وانا ادري انها ماراح توصل .. لانها فاتورة ..

لكن عقب ما قامت ارامكس تشدد في بعض المرات على الفاتورة
قمت انصح انك تخلي العنوانين نفس الشيء بالضبط ..

مافيه مشكلة على هالشيء ..

وانت دخلت تطلب البمبر
اذا كنت قبل حاط عنوان البلينق أي شيء

لازم تعدله وتخليه نفس الشيبنق .. ضروري ..

سواء قدرت تغيره لأمريكا أو لبريطانيا ..

الله يوفقك اخوي
ويوصلك بالسلامة

بس ما قلت لنا ..
بعد ما استلمت الأيفون ؟ اشرايك فيه ؟
جربت كل شيء فيه ؟
أي كرت حاط فيه ؟
أشتغلت خدمة فيس تايم معاك ؟

أي بمبر طلبت ؟

والسموحة ..

Index Signal

08-09-2010, 12:41 AM

بس ما قلت لنا ..
بعد ما استلمت الأيفون ؟ اشرايك فيه ؟
جربت كل شيء فيه ؟
أي كرت حاط فيه ؟
أشتغلت خدمة فيس تايم معاك ؟

أي بمبر طلبت ؟

والسموحة ..

مشكور على الرد الوافي و جزاك الله خير .. بخصوص إستفساراتك :

أول إنطباع لي كان حجمه .. تخيلته أكبر .. لكن طلع حلو و مرتب ..

بخصوص التجربه .. يفداك الكذب .. بس فعّلته و ركبت عليه الحمايه و رجعته بكرتونه ..!!

السبب إن كرت المايكروسيم إللي أخذته من فودافون للحين ما تم تفعيله .. الكرت القديم للحين شغال ما تم فصله ..

بخصوص خدمة فيس تايم .. سامع عنها بس ما أعرفها .. يمكن لأني ما جربت الجهاز للحين ..

البمبر ما إخترته للحين ،، محتار أطلب بمبر أبل وإلا أطلب كفر كشخه .. أحس نفسي ميال لبمبر أبل خصوصا إني مركب حمايه كامله .. شرايك إنت ؟

hrbi

08-09-2010, 02:00 AM

خالد_

08-09-2010, 03:16 AM

السلام عليكم
متى بينزلون الابيض في موقع ابل
ومتى بينزل رسمي فالدوحه

كويتى1

08-09-2010, 03:27 AM

شي طيب

والله المووضع مووفيد

مشكوورين ع الموضوع

بولينجر

08-09-2010, 04:02 AM

Al-Kuwari

08-09-2010, 10:12 AM

الحجاجي انا خلصت الطلب وطلبت الجوال اليوم

كاتبين لي يوم الشحن المتوقع 29-9-2010

معقوله بيتأخر كل هالوقت ولا في مجال ينشحن قبل :( ؟

bo_Oof

08-09-2010, 11:05 AM

الحجاجي انا خلصت الطلب وطلبت الجوال اليوم

كاتبين لي يوم الشحن المتوقع 29-9-2010

معقوله بيتأخر كل هالوقت ولا في مجال ينشحن قبل :( ؟

مافي مجال اقل ،3 اسابيع وبيوصلك انشاءالله

الحجاجي

08-09-2010, 03:02 PM

مشكور على الرد الوافي و جزاك الله خير .. بخصوص إستفساراتك :

أول إنطباع لي كان حجمه .. تخيلته أكبر .. لكن طلع حلو و مرتب ..

بخصوص التجربه .. يفداك الكذب .. بس فعّلته و ركبت عليه الحمايه و رجعته بكرتونه ..!!

السبب إن كرت المايكروسيم إللي أخذته من فودافون للحين ما تم تفعيله .. الكرت القديم للحين شغال ما تم فصله ..

بخصوص خدمة فيس تايم .. سامع عنها بس ما أعرفها .. يمكن لأني ما جربت الجهاز للحين ..

البمبر ما إخترته للحين ،، محتار أطلب بمبر أبل وإلا أطلب كفر كشخه .. أحس نفسي ميال لبمبر أبل خصوصا إني مركب حمايه كامله .. شرايك إنت ؟

هلا والله اخــوي ..

بالنسبة للكرت ليش متاخر للحين أذا فودافون عندها مشكلة روح حق كيوتل
وعقب حتى لو فكرت ترجع تركب الشريحة المصغرة في جوال عادي
خذ لك الأدبتر
اللي تحط المايكروسيم فيه وتركبه في اي جوال عادي بدون تغيير

وعلى فكرة ترى لما رحت لفودافون
وخذيت الشريحة المصغرة وركبها في الايفون وسوى له التفعيل اشتغلت على طول
وبنفس الوقت شيكت لقيت تلفوني النوكيا بنفس الرقم بالشريحه العادية بعد شغال

انبسطت قلت الله تلفونينن شغالين بنفس الرقم
:looking:

قعدت يمكن ربع ساعه عقب انفصل الخط اللي بالشريحه العادية
وتم شغال الأيفون

/

بالنسبة للفيس تايم

هي خدمة الأتصال المرئي صوت وصورة مع أي شخص ثاني عنده تلفون ايفون 4
ومفعل الخدمــة ولكن عن طريق الواير لس ..

وطريقتها مثلاً انا بامريكا وانت بالدوحه وعندنا ايفون 4 ومفعلين خدمة الفيس تايم
وقاعد اسولف معاك بالاتصال العادي
ووصلت انت مكان فيه واير لس مثلا في البيت
وانا نفس الشيء
اقولك يالله نحول على الفيس تايم
واحنا نسولف نضغط على زر فيس تايم بالشاشة على طول
تتعلق المكالمة العادية ونشبك من جديد صوت وصورة على الفيس تايم
بصوت اقوى وصورة واضحة
وعلى طول تنفصل المكالمة الدولية ..

/

/

بالنسبة للبمبر اشوف انه عادي بسيط الخاص بابل
يعني عملي ..

الثانيين حق كشخة وماركات ..

فيه حق شركه بلنكن عجبني ..
لكن لازم تسئل حـد مجربه ..

أعتقد الاخ / فهد معانا بالمنتدى طلبه ووصل له ممكن تسئله عن تجربته له ..
بتحصله في موضوع طلب الحافظة بتوقيعي ..

والسموحة ..

الحجاجي

08-09-2010, 03:08 PM

هلا الحجاجي انا طلبت البمبر دخلت من البرنامج ايفون كيس بروجرام وحطيت ايميلي وطلبته بس يوم رحت موقع ابل شفت البيلنق نفس الشيلينج قلت يمكن مغلطين وله شي سويت ادت*عند الشيبيج وسويت عنوان ارامكس بريطانيا واللحين اشوف شيبيد يعني شاحنينه ؟

هلا اخوي حربي .. مرحبا فيك ..
هو الأصح حالياً
ان البلينق ادرس
يكون نفس الشيبنق ادرس
وكلهم يكونو عنـــــــــــوان أرامكس الخاص فيك
سواء ببريطانيا أو أمريكا ..

اذا انت غيرت وللحين ما انشحن
بيوصلك على العنوان المعدل ..

اما اذا غيرت وهو انشحن اصلا
بيروح على العنوان القديم
فاذا كان عنوان الشيبنق القديم صح بيوصلك بسلامه
واذا كان غلط بيشيكون في السيستم عندهم
وبيتضح انك غيرته وبيردون يرسلونه مرة ثانية
بس احتمال يتاخر شوي ..

هذا اللي مفروض يصير ..

السلام عليكم
متى بينزلون الابيض في موقع ابل
ومتى بينزل رسمي فالدوحه

الأبيض للحين موضوعه غامض
تم تأجيلة لاخر السنــة ..
بس اعتقد قبلها بيكون جاهز للطلب ..

رسمي ..
لما نقول رسمي

وحسب ما هو مذكور في موقع أبل
ان الموزع الرسمي الوحيد للأبل في قطر
هو اتصالات فودافون ..

وهم يقولون على شهر 10

هذا والله أعلم ..

شي طيب

والله المووضع مووفيد

مشكوورين ع الموضوع

العفو اخـــوي حياك الله ..

hrbi

08-09-2010, 09:55 PM

الحجاجي

يعني وضعي في السليم؟

M O H A D

09-09-2010, 07:39 AM

ماجد

09-09-2010, 08:51 AM

هلا اخوي الحجاجي
ذكرت في واحد من الردود ان البلينق ادرس لازم يكون نفس الشيبينق ادرس :looking:
تنصحني اغيره قبل لا ينشحن الايفون ولا اخليه مثل ماهو ؟
لان البلينق ادرس هو عنوان البنك في الدوحه :s

انا اللي اعرفة ان البيلنج ادرس يكون العنوان الخاص فيك ومعلومات البنك حقك

ماله علاقة بعنوان الشيبينج

انا طلبت وحطيت معلوماتي الخاصة على البيلينج ادرس والشيبينج حطيت عنوان اراميكس

وهذا اللي مفروض يكون صح.

BURBERRY

09-09-2010, 01:16 PM

الحجاجي

09-09-2010, 08:36 PM

جزاك الله كل خير ورحم الله والديك اخوي الايفوني الحجاجي.... لولا فضل الله ثم موضوعك هذا لما استمتعت بالايفون الرائع الذي اكتب منه ردي الان..... لك جزيل الشكر وكل عام وانت بخير......

مرحبا صديقي الأيفوني .. حياك الله ..
الفضل لله سبحانه وتعالى على العلم ..
ويا بخت من استفاد وفاد اخوانه ..

كل عام وانت بخير ..
تمنياتي لك بالتوفيق الدائم ..

الحجاجي انا خلصت الطلب وطلبت الجوال اليوم

كاتبين لي يوم الشحن المتوقع 29-9-2010

معقوله بيتأخر كل هالوقت ولا في مجال ينشحن قبل :( ؟

اخوي هو مكتوب 3 اسابيع
ومن ملاحظاتي كل اللي طلبو 16 جيجا ينشحن قبل ب3 ايام بالكثير
اما اللي طالب 32 ينشحن بالموعد ..

الله يعينك على الأنتظار ..

مافي مجال اقل ،3 اسابيع وبيوصلك انشاءالله
وضعك في السليم أذا عنوان الشيبنج صح ..
هذا أهم شيء ..
عنوان الشحن .. حالياً ..

بس في حالة اذا ما طلبو أرامكس فاتورة ..

الحجاجي

يعني وضعي في السليم؟

هلا اخوي الحجاجي
ذكرت في واحد من الردود ان البلينق ادرس لازم يكون نفس الشيبينق ادرس :looking:
تنصحني اغيره قبل لا ينشحن الايفون ولا اخليه مثل ماهو ؟
لان البلينق ادرس هو عنوان البنك في الدوحه :s

هلا اخوي ..
في السابق كنت اطلب واحط البلينق غير عن عنوان الشحن اللي هو ارامكس ..
وكانت الأمور تمشي عادي ..

لكن في الفترة الأخيرة قامت ارامكس تطلب فاتورة ..
في حالة كان العنوان مختلف ..

وصار الأفضل أنك تحط عنوان الفاتورة البلينق نفس عنوان الشحن ..
وما تصير مشاكل عادي ..

انا اللي اعرفة ان البيلنج ادرس يكون العنوان الخاص فيك ومعلومات البنك حقك

ماله علاقة بعنوان الشيبينج

انا طلبت وحطيت معلوماتي الخاصة على البيلينج ادرس والشيبينج حطيت عنوان اراميكس

وهذا اللي مفروض يكون صح.

كلام صحيح أخوي ..
ولو لاحظت أن اصلاً حتى عنوان الشحن هو عنوان خاص فيك ..
يرسلو لك الفاتورة عليه ..

وهذا الهدف ان الفاتورة توصل على نفس العنوان
عشان ارامكس ما يسندروك ويطلبون الفاتورة ..

وإن صار وطلبو الفاتورة تقدر تطبعها من النت
من حسابك وترسلها لهم على الأيميل ..

انا حطيت عنوان البيلنق نفس عنوان الشحن و الايفون وصل سااالم

بالفعل يوصل سالم لان مافيه مشاكل ..
عنوان صحيح للفاتورة توصل عليه ، وعنوان صحيح للشحن يوصل عليه الايفون
وبطاقة صالحة وفيها فلوس من دون مشاكل ..

/
/

وقبل حتى الأخوان اللي حطو عنوان البلينق الفاتورة على عنوان البنك بالدوحة
طلباتهم مشت كلها وما صار فيها مشكلة ..

الا كم شخص طلبو منهم فاتورة .. والامر بسيط مثل ما ذكرت فوق ..

في الشرح اللي بالصفحة الأولى
انا حطيت عنوان البينق غير نهائياً ( عنوان بيت في امريكا ) ..
ومشى الطلب عادي ..

في الأخير تمنياتي للجميع بالتوفيق

وكل عام وانتم بخـــــــــــــــــــــــــير

انا مسافر لمـــــــــدة أسبــــــــــــــــــــوع
نشوفكم أول يوم دوام ..

السموحه اذا ما رديت على حـــــــــــــد

فمان الله ..

مــــلاك

11-09-2010, 01:31 PM

جزاك الله خير اخوي
داخل مزاجي وبقووو وان شاء الله بطلبه اليوم

مــــلاك

11-09-2010, 01:35 PM

كنت ابي اسأل احد يعرف كم سعر الايفون في فرنسا ....ال 16 جيجا وال 32 اختي بتسافر اليوم يمكن اطلبه منها

كنت في المانيا بدايه 8 وحاولت اشتريه للاسف مقفول ولازم اخذه بعقد مع شركه تي موبايل
وهونت عنه ...وان شاء الله تضبط معاي هالمره

بولينجر

11-09-2010, 03:04 PM

Index Signal

14-09-2010, 03:21 AM

مرحبا أخوي الحجاجي ..

سؤال فني .. طلبت الكفر المجاني لجهازي ..

لكن ما إنتبهت إن إسم الشخص المرسل له هو صاحب حساب الآيتونز و ليس صاحب حساب آرامكس ..

أشرحها بطريقه ثانيه .. حساب آرامكس بإسمي .. و حساب أيتونز بإسم شخص ثاني ..

بعد الطلب وصلني إيميل إن الكفر بيتم إرساله لعنواني لكن بإسم صاحب حساب الآيتونز ..

هل بحصل مشكله مع آرامكس عند الإستلام ..؟

علما إني لما إستلمت الآيفون ما سألوني عن إسمي ولا تأكدوا إني صاحب الشحنه .. بس شافوا المسج و سلموني .

بوجاسم566

14-09-2010, 04:27 AM

اخوي انا طلبت اجهزة وصلو من اسبوعين

بس في مشكلة واحد طلع مفتوح وواحد مقفول

والطلب كان من الستور البريطاني

ممكن حل

Index Signal

14-09-2010, 04:34 AM

اخوي انا طلبت اجهزة وصلو من اسبوعين

بس في مشكلة واحد طلع مفتوح وواحد مقفول

والطلب كان من الستور البريطاني

ممكن حل

غريبه ..!!

يمكن حد مبدله لك ..

مستحيل يطلع من الستور البريطاني مقفول ..

تأكد من السيريال نمبر الخاص بالجهاز المقفول هل هو نفس الموجود بالفاتوره ؟

غلا الريان

14-09-2010, 02:52 PM

اذا بطلب الايفون من موقع ابل البريطاني او اشتريه دايركت من ابل ستور في لندن
شلون اتاكد اذا مفتوح رسمي ولا لا ؟؟

بولينجر

14-09-2010, 09:07 PM

اذا بطلب الايفون من موقع ابل البريطاني او اشتريه دايركت من ابل ستور في لندن
شلون اتاكد اذا مفتوح رسمي ولا لا ؟؟
الايفون من ابل ستور البريطاني 100% مفتوح.... اتبع طريقة اخونا الحجاجي بالضبط وبيوصلك ان شاء الله......

غلا الريان

15-09-2010, 01:55 PM

شكرا ع الرد اخوي

KHALiDiSH

15-09-2010, 04:50 PM

اخوي انا طلبت اجهزة وصلو من اسبوعين

بس في مشكلة واحد طلع مفتوح وواحد مقفول

والطلب كان من الستور البريطاني

ممكن حل

صارتلي من قبل

كل الي تسويه انك تتصل فيهم وتقولهم انك شريت التلفون وانا الحين برع بريطانيا وعطهم بيانات التلفون الي شريته
بيطلبون السيريال نمبر و imei
وعطهم بيانات حساب الايتونز الي شريت عن طريقه او رقم الاوردر اسهل لك ولهم

وبيفتحونه على طول ان شاء الله

traiem

15-09-2010, 07:53 PM

الله يجزيك الف خير كفيت ووفيت

ميمي 88

18-09-2010, 12:32 PM

صراحه ابدعت اخوي وجزاك الله خير

وفي ميزان حسناتك

مالي خاطر بالتلفون الحين احسه معقد وكل شى لازم انزله
والمسن ماحبيته فيه

عموما اذا صار لنا خاطر عادي تطلبه لي ههههههه ماليش بالانقلش واهواله

M O H A D

19-09-2010, 03:42 AM

اول امس الايفون وصل ارامكس بريطانيا d=
كم يبيله عشان يوصل الدوحه ؟
=)

Index Signal

19-09-2010, 03:53 AM

يا فرحه ما تمت ..

ضاع آيفوني :weeping:

الحجاجي

19-09-2010, 08:19 AM

السلام عليكم ورحمه الله وبركاته ...

كل عام وأنتم بخير / وعساكم من عواده ...

تمنياتي للجميع بعام جــديد دراسي وعلمي .. كل شيء ..

السموحة على التأخير ..
كنت مسافر ..

جزاك الله خير اخوي
داخل مزاجي وبقووو وان شاء الله بطلبه اليوم

كنت ابي اسأل احد يعرف كم سعر الايفون في فرنسا ....ال 16 جيجا وال 32 اختي بتسافر اليوم يمكن اطلبه منها

كنت في المانيا بدايه 8 وحاولت اشتريه للاسف مقفول ولازم اخذه بعقد مع شركه تي موبايل
وهونت عنه ...وان شاء الله تضبط معاي هالمره

ويجزاك الخير .. تمنياتي لك بالتوفيق ..

يفضل اخذه من الأبل استور نفسه ..

وليس من شركات الأتصالات ..

مرحبا أخوي الحجاجي ..

سؤال فني .. طلبت الكفر المجاني لجهازي ..

لكن ما إنتبهت إن إسم الشخص المرسل له هو صاحب حساب الآيتونز و ليس صاحب حساب آرامكس ..

أشرحها بطريقه ثانيه .. حساب آرامكس بإسمي .. و حساب أيتونز بإسم شخص ثاني ..

بعد الطلب وصلني إيميل إن الكفر بيتم إرساله لعنواني لكن بإسم صاحب حساب الآيتونز ..

هل بحصل مشكله مع آرامكس عند الإستلام ..؟

علما إني لما إستلمت الآيفون ما سألوني عن إسمي ولا تأكدوا إني صاحب الشحنه .. بس شافوا المسج و سلموني .

أرامكس ما يسئلون عن الأسم وهالاشياء
بس يشوفون المسج وخلاص ..
ومرات يطلبون الفاتورة .. وطريقتها سهله تطبعها من الحساب نفسه ..

اخوي انا طلبت اجهزة وصلو من اسبوعين

بس في مشكلة واحد طلع مفتوح وواحد مقفول

والطلب كان من الستور البريطاني

ممكن حل

غريبة .. اشلون مقفول ..
اول ما شبكته على الايتيونز طلب منك تنشيط .. ولا ما طلب ..
ما عطاك Unlock ?
وبعدها حطيت الكرت هل تم على مكالمات الطوارىء ؟
ولا طلعت لك الايقونات ؟

اذا بطلب الايفون من موقع ابل البريطاني او اشتريه دايركت من ابل ستور في لندن
شلون اتاكد اذا مفتوح رسمي ولا لا ؟؟

من موقع ابل وانت مغمض مفتوح رسمي ..
ونفس الشيء اذا بتشتريه دايركت من استور ابل البريطاني
وليس من محلات الاتصالات عندهم ...

الله يجزيك الف خير كفيت ووفيت

ويجزاك مثله اخوي .. حياك الله ..

صراحه ابدعت اخوي وجزاك الله خير

وفي ميزان حسناتك

مالي خاطر بالتلفون الحين احسه معقد وكل شى لازم انزله
والمسن ماحبيته فيه

عموما اذا صار لنا خاطر عادي تطلبه لي ههههههه ماليش بالانقلش واهواله

ويجزاك مثله امين يارب ..
وحياك الله أي وقت ..

اول امس الايفون وصل ارامكس بريطانيا d=
كم يبيله عشان يوصل الدوحه ؟
=)

بالكثير 4 ايام ..
بيوصلك مسج على تلفونك المسجل عندهم .. أو ايميل ..
وتروح تستلمه ..

يا فرحه ما تمت ..

ضاع آيفوني :weeping:

اشلوووووووون ..
ووين ؟
ما وصلك ؟

Index Signal

20-09-2010, 03:50 AM

اشلوووووووون ..
ووين ؟
ما وصلك ؟

هلا أخوي الحمدلله عالسلامه و عساك من العايدين و الفايزين ..

بخصوص الآيفون وصلني من قبل العيد .. لكن ضاع مني من يومين مادري وين إختفى ..

عفست البيت و السياره و كنت بظلم ناس بسببه لكن تعوذت من إبليس و وكلت أمري لله ..

و الحمدلله اليوم لقيته بمكان صعب و بحاله يرثى لها ..

لكن لأني كنت مركب حمايه كامله أماميه و خلفيه و هالجوانب ما تأثر الجهاز الحمدلله ..

أنصح الكل بتركيب الحمايه قبل إستعمال الجهاز لأنها فادتني جدا .. و ضروري تكون الحمايه أصليه .

Saddawi

20-09-2010, 10:45 PM

يعطيك العافيه اخوي الحجاجي وفعلا فرت على الناس وايد

عندي طلب اخوي
ممكن تحط لنا صوره من الفاتوره الجديده وعليها نفس شرح الفاتوره القديمه
لاني تعبت والله مب عارف اكمل الطلب

مشكور وماتقصر
:)

shadad

21-09-2010, 12:40 PM

يا شباب ...الله يحييكم على الاستجابه والردود ..

احد يساعدني ويطلب لي الجهاز وانا ادفع , انا على فكره اي تي بس قرفان من موضوع المتابعه ووووو..وان شاء الله ما نختلف على السعر .
16 جيجا هو اللي ابيه .

ماجد

24-09-2010, 10:51 PM

كلولولووووش
باركولي اشحنوا التلفونات
http://www.m5zn.com/uploads/2010/9/24/photo/092410120941pnwgerf10sc.jpg (http://games.m5zn.com/cooking_games.html)

Bin Hood

25-09-2010, 12:35 AM

السلام عليكم يالربع

انا شريت 2 اي فون والحين ابي اشتري بعد

هل ممكن استخدم نفس البطاقة ونفس العنوان

واذا ما يصير نفس االبطاقة يصير بطاقة مختلفة ونفس العنوان

وجزاكم الله خير

airbus

25-09-2010, 12:37 AM

السلام عليكم يالربع

انا شريت 2 اي فون والحين ابي اشتري بعد

هل ممكن استخدم نفس البطاقة ونفس العنوان

واذا ما يصير نفس االبطاقة يصير بطاقة مختلفة ونفس العنوان

وجزاكم الله خير

ايه يصير نفس العنوان والبطاقة مختلفة

Index Signal

25-09-2010, 12:39 AM

السلام عليكم يالربع

انا شريت 2 اي فون والحين ابي اشتري بعد

هل ممكن استخدم نفس البطاقة ونفس العنوان

واذا ما يصير نفس االبطاقة يصير بطاقة مختلفة ونفس العنوان

وجزاكم الله خير

و عليكم السلام ..

أشاركك نفس السؤال ..

يعني هل أقدر أشتري بنفس حساب الآيفون لكن ببطاقه إئتمانيه مختلفه ..؟

أو لازم أشتري بحساب آيتونز ثاني و بنفس البطاقه الإئتمانيه ..؟

أو لازم يكون الحساب مختلف و البطاقه الإئمانيه أيضاً مختلفه ..؟

airbus

25-09-2010, 12:43 AM

و عليكم السلام ..

أشاركك نفس السؤال ..

يعني هل أقدر أشتري بنفس حساب الآيفون لكن ببطاقه إئتمانيه مختلفه ..؟

أو لازم أشتري بحساب آيتونز ثاني و بنفس البطاقه الإئتمانيه ..؟

أو لازم يكون الحساب مختلف و البطاقه الإئمانيه أيضاً مختلفه ..؟

١ حساب ايتونز جديد
٢ بطاقة الإئتمانيه غير
٣ نفس العنوان الي في ارامكس

Index Signal

25-09-2010, 12:50 AM

١ حساب ايتونز جديد
٢ بطاقة الإئتمانيه غير
٣ نفس العنوان الي في ارامكس

مشكور أخوي إير باص ..

لكن بعد نزول الآيفون ٤ في فودافون قطر الكل بيشتري منهم ..

السؤال إللي للحين محد جاوب عليه بشكل مؤكد ..

هل هو مقفول على كرت فودافون أو مفتوح ..؟؟

ناس تقول مقفول و ناس تقول مفتوح و المشكله موظفين الشركه كل واحد يقول شي ..

نبي حد جرب يشغل كرت كيوتل على جهازهم .

Searchon

25-09-2010, 12:51 AM

1 حساب ايتونز جديد
2 بطاقة الإئتمانيه غير
3 نفس العنوان الي في ارامكس

تسلم ايرباص ع المعلومات ،

ويعطييك العافيه اخوي الحجاجي ع الشررح ،

Searchon

25-09-2010, 12:53 AM

مشكور أخوي إير باص ..

لكن بعد نزول الآيفون 4 في فودافون قطر الكل بيشتري منهم ..

السؤال إللي للحين محد جاوب عليه بشكل مؤكد ..

هل هو مقفول على كرت فودافون أو مفتوح ..؟؟

ناس تقول مقفول و ناس تقول مفتوح و المشكله موظفين الشركه كل واحد يقول شي ..

نبي حد جرب يشغل كرت كيوتل على جهازهم .

محد يدري لحد الحين ، لو تتصل فودافون كل واحد بيقولك كلام غير عن الثاني ،
ان شاء الله حد يقول لنا عن تجربه شخصيه مب تخمين ،

الحجاجي

26-09-2010, 11:46 AM

مـــــــبروك لكل الأيفونيين

تدشين الأيفون لدى فودافون ...

بصراحه عرض ولا أروح وبسعر مميز ..

http://www.up.qatarw.com/up/2010-09-26/qatarw.com_1430168726.jpg

سعر 16 جيجا QR2850
سعر 23 جيجا QR3359

ومعاااه بالعرض

رصيد مجاني فليكسي 220 ريال ..
QR 220 - Flexi 220 on Freedom

وانترنت 300 ميجابايت ..

يا بلاش ..

والأهم من هذا كامل ..

انه على ما سمعت

Sim Free

مفتوح رسمي

ويشتغل في كل الشبكات ..

كــــــــــبيرة يا فودافــــــــــــــون

وتمنياتي للجميع بالتوفيق

ننتظر حــد اشترى من عندهم
ويعطينا تجــربتـــــــــــــــــــــه

Bin Hood

26-09-2010, 02:46 PM

اخوي ايرباص380 مشكور

بس انا عندي بطاقة انترنت طلبت منها

وعندي بطاقة كردت كارد يصير اطب منها

طبعا الاسم موحد

وشكرا

M O H A D

30-09-2010, 12:12 AM

الايفون وصل من اسبوع d=
لولا هالموضوع ماكنا طلبنا الايفون =)
يعطيك العافيه يالحجاجي =)

airbus

30-09-2010, 12:18 AM

اخوي ايرباص380 مشكور

بس انا عندي بطاقة انترنت طلبت منها

وعندي بطاقة كردت كارد يصير اطب منها

طبعا الاسم موحد

وشكرا

ايه مب مشكلة حتى لو كان نفس الاسم

اسيرالدوحه

30-09-2010, 02:44 PM

السلام عليكم يالربع

انا شريت 2 اي فون والحين ابي اشتري بعد

هل ممكن استخدم نفس البطاقة ونفس العنوان

واذا ما يصير نفس االبطاقة يصير بطاقة مختلفة ونفس العنوان

وجزاكم الله خير

السلام عليكم ...

تقدر تشتري بنفس البطاقة وبنفس العنوان ...

وبنفس حساب الايتونز ...

انا شريت 4 بنفس الطريقة ...

اول شي شريت جهاز ... بعدين شريت جهازين ... وبعدين الجهاز الرابع ...

وكلهم وصلوا ...

Index Signal

30-09-2010, 09:04 PM

السلام عليكم ...

تقدر تشتري بنفس البطاقة وبنفس العنوان ...

وبنفس حساب الايتونز ...

انا شريت 4 بنفس الطريقة ...

اول شي شريت جهاز ... بعدين شريت جهازين ... وبعدين الجهاز الرابع ...

وكلهم وصلوا ...

غريبه ..!! إللي قبلك قالوا ما يصير ..

عموماً دامك مجرب بنفسك فكلامك هو الصحيح إن شاء الله .

اسيرالدوحه

23-10-2010, 03:34 PM

السلام عليكم ..

هالطريقة وايد مفيده وجيده ...

لكن اذا استلمت جهاز وفيه مشكله ...

فصراحة ... الله يكون في عونك ...

سمعتوا عن السبع دوخات ..

تراها ولا شي ..

مثل ماقتلكم انا طلبت 4 اجهزة ..

طلبت جهازين ... كل واحد بروحه ...

وطلبت جهازين مع بعض ...

ذوله الجهازين .. طلع فيهم مشاكل ..

وابل ... مستعدة تبدل هالاجهزة لك ..

تتصل عليهم .. وتعطيهم عنوانك .. وهم اللي بياخذونه منك ...

انزين ... يعني لازم تطرشه لين بريطانيا ..

حط تكلفة الارسال + ضرايب الجمارك ..

تطلع عليك السالفة اغلى من بيع السوق ...

انا طرشت التلفونات الى واحد من الربع ..

ووداهم الى ابل ستور .. وغيروله التلفونات ..

وانا بانتظار الاجهزة ...

غلا الريان

22-11-2010, 06:01 PM

هل بينزل اصدار معدل من ايفون 4 (اسود) ؟؟

Index Signal

22-11-2010, 06:28 PM

هل بينزل اصدار معدل من ايفون 4 (اسود) ؟؟

معدل ..؟! مافيه شي يتعدل ..!! كامل و الكامل الله ..

إللي يتعدل هو السوفت وير عن طريق التحديث .

xyzcrk

25-11-2010, 05:44 PM

الف شكر وتحية

مضاد

30-11-2010, 12:14 AM

موضوع يستحق الرفع

وشكراً...... اخوي الحجاجي .

Dr.Sa3eed

01-12-2010, 04:34 PM

كفيت ووفيت وما قصرت اخووي ..

وجزاك الله كل خير...

بالتوفيق

(عبدالله)

04-01-2011, 02:47 PM

السلام عليكم ورحمة الله

أنا طلبت أيفون4 من الموقع البريطاني... وغيرت عنواني المخزن الأمريكي إلى البريطاني

جاني إيميل من EUROFINANCE@EURO.APPLE.COM

وطلب مني أرسل صور لبعض المستندات مثل بطاقتي الماستر وكشف الحساب البنكي وصورة لبطاقتي الشخصية أو الليسن، من باب التأكد من اني صاحب بطاقة الكردت

وفي حالة عدم الإرسال خلال 5 أيام عمل بيتكنسل الأوردر

الأوردر كان في 26-12-2010 والآن

أشوف الSTATUS للأوردر طلع Cancelled by Customer

ممكن حد يفسر لي السبب، وهل طبيعي هالإجراء من أبل ستور ومن هالإيميل؟