شرح شراء الأيفون4 من بريطانيا بالتفصيل

[الحجاجي]

السلام عليكم ورحمه الله وبركاته ..

أغلب الأعضاء والأصدقاء يسئلون عن طريقة شراء الأيفون 4من بريطانيا ..
قبل كل شيء بعض النقاط راح اذكرها ..

الايفون 4 نزل في امريكا مقفول بشكل خاص لشركـة الاتصالات AT&T
ونزل في بريطانيا وفرنسا SIM FREE في محلات أبل
وليس في محلات الاتصالات ( بالعادة محلات الأتصالات يخلونه مقفول )

بعض الأسئلة اللي راح يسئلها الأعضاء

ليش يا خي تحط هالطريقة ، راح تخرب علينا في بيع الايفون ؟ وشنو مستفيد انت ؟

حطيت الطريقة من مبدأ ( حب لأخيك ما تحب لنفسك )
وبخرب على نفسي لاني جايب واحـد للبيع ..
ولان سعره راح ينزل بشكل مبالغ فيه في الدوحـة في شركات الاتصالات .

مستفيد ( دعواتكم لي بالتوفيق)
ومستفيد ان الأعضاء يتعلمون شيء جديد ..



أشلون عرفت أن الأيفون مفتوح رسمي اللي في بريطانيا ؟

لانه مكتوب في موقع ابل هالكلام
وموجود في الصورة ..
http://www.alhajjaji.net/sp/wp-content/uploads/2010/07/iphone1-2.jpg

ومعنى انه مفتوح رسمي
اي انه يشتغل على أي شبكة اتصالات في أي بلد في العالم
" اقرا الكلام اللي في المستطيل الاحمر"

http://www.alhajjaji.net/sp/wp-content/uploads/2010/07/iphone1-22.jpg

هل فيه ضمان اذا طلبته عن طريق موقع ابل ستور على الانترنت من بريطانيا ؟

نعم فيه ضمان كما هو مذكور في الموقع
لمدة 90 يوم على الاشياء الفنية
ولمدة سنة على البطارية والاشياء الثانية ..
هالكلام موجود في آخر هذه الصفحة (http://store.apple.com/uk/browse/home/shop_iphone/family/iphone)

iPhone warranty
iPhone comes with 90 days of complimentary technical support. In addition, your iPhone, its rechargeable battery, and all included accessories are covered against defects for a full year from the purchase date by



كم المسموح لي اطلب أيفون4 ؟

مسموح لكل شخص يطلب عدد 2 بنفس بيانات بطاقة الدفع ( الفيزا ) وبيانات الشحن .


هل اقدر اطلب الأيفون الأبيض ؟

الايفون اللون الابيض ما نزل حالياً وراح ينزل بداية شهر 8 في امريكا


كم مساحة الأيفون المتوفر الشراء حالياً ؟

موجود ايفون4 / 16 جيجا
وايفون 4 / 32 جيجا


كم السعر اللي راح اشتري فيه الايفون4 من بريطانيا ؟

الايفون الاسود4 16 جيجا = 499 جنيه // = 2,758.79 QAR ( حتى تاريخ اليوم )

الايفون الاسود4 32 جيجا = 599 جنيه // = 3,311.65 QAR ( حتى تاريخ اليوم)

(تقدر تتأكد من صرف العملة من هنا (http://www.xe.com/ucc))

تضيف لسعر الشراء
سعر شحن التلفون عن طريق ارامكس لين الدوحة ( تقريبا 100 ريال قد تزيد او تنقص )


متى راح ينزل الأيفون في قطر وكم سعره ؟

الأيفون متوقع ينزل شهر 9 عالعيد تقريباً ..
وسعره المفروض انه يكون نفس سعر 3Gs .

الايفون مفتوح رسمي يصير استخدمه في قطر أو في الخليج ؟

نعم الايفون اللي تشتريه من موقع شركه ابل عن طريق الانترنت
وبالطريقة الموجودة في الشرح مفتوح رسمي
وتقدر تستخدمه على اي شبكه اتصالات ولكن بشرط واحـد

وجود شركه Micro Sim
شريحه جوال مصغرة .. ( اصغر من العادية اللي نعرفها من سنين )



اشلون اقدر احصل على شريحه الجوال المصغرة Micro Sim?

تقدر تسئل شركه الاتصالات اذا متوفرة عندهم
حالياً كيوتل وفودافون يوفرون الشريحه ..

في حالة اذا شركة الأتصالات ما نزل الشريحه
تقدر تقص الشريحة الحالية اللي عندك وتخليها اصغر
وشرح طريقة القص موجود في الانترنت من هــنا (http://www.************/watch?v=tVL_ovRKiIs&feature=player_embedded)


شنو الأشياء المطلوبة عشان اقدر اشتري ايفون من بريطانيا ؟

أذا كنت خارج بريطانيا ..
1- حساب بريدي عن طريق شركة ارامكس
اللي تعطيك صندوق بريد افتراضي ( وهمي ) في بريطانيا وامريكا
واي شيء تشتريه يحولونه لك إلى قطر بمبلغ معين ..

ليش هالطريقة ؟؟؟ لأن الشراء من موقع ابل يشحن مجاناً لأي عنوان داخل بريطانيا بس .

2- حساب فيزا بطاقة بنكية سارية المفعول وتقدر تشتري منها على الأنترنت
وفيها مبلغ كاااافي ( انتبه لفرق العملة ) .

3- حساب في الايتيونز ITunes اذا ماعندك تقدر تسوي بنفس الوقت ..
4- لغة انجليزية بسيطة ..

/
اذا كنت داخل بريطانيا تقدر تطلب نفس الشيء ولكن الاختلاف في عنوان بريدك ..

/

هل أقدر اختصر هالخطوات كلها ؟

نعم تقدر اذا لغتك الأنجليزية جيـدة بأمكانك الاتصال مباشرة بخدمات البيع المجانية لشركه ابل
عن طريقة الانترنت باستخدام برنامج الاسكايبي skype على الرقم التالي
0800 048 0408
وتقول لهم ابي اطلب ايفون وراح يتابع معاك الخطوات / خطوة خطوة / ويسئلك عن معلومات الدفع / ومعلومات الشحن / ومعلومات الفيزا الخ ..
لين يوصلك الأيميل ..

اشلون أتاكد أن طريقتك صحيحة ؟ وشنو اللي يضمن لي كلامك ؟

اللي يضمن أني جربت هالطريقة وبتشوف معلوماتي في الصور
وتلفوني راح يوصل قريب على نص الشهر ..شوف حالة طلبي آخر الموضوع.


/
نبدأ الخطوات

ندخل على موقع ابل ستور البريطاني من هنا (http://store.apple.com/uk/browse/home/shop_iphone/family/iphone)
كما بالصورة ..

http://www.alhajjaji.net/sp/wp-content/uploads/2010/07/iphone1.jpg


بعدها نختار أي تلفون 16 جيجا / 32 جيجا
ونلاحظ تاريخ التوصيل 3 اسابيع
ونلاحظ مكتوب تحت
* iPhone 4 order limit: two per customer.
يعني تلفونين لكل شخص ..
http://www.alhajjaji.net/sp/wp-content/uploads/2010/07/iphone2.jpg

بعدها راح يجينا عدد التلفونات اللي راح نشتريها
نقدر نخليها 1 او 2 بس ..
http://www.alhajjaji.net/sp/wp-content/uploads/2010/07/iphone3.jpg
ونضغط بعدها checkout
للمتابعــة
/

بعدها راح يسئلنا اذا عندنا يوزرنيم وباسورد حق الايتيونز او الاستور
للدخول / نكتب البريد الالكتروني كامل والباسورد ونسجل دخول /

اذا ماعندنا نقدر على اليمين نكتب بريدنا الاكتروني ونختار تسجيل جديد
http://www.alhajjaji.net/sp/wp-content/uploads/2010/07/iphone4.jpg

/

بعدها راح تجينا معلومات الدفع
Billing Address

http://www.alhajjaji.net/sp/wp-content/uploads/2010/07/iphone5.jpg

وهي معلومات الدفع
بالنسبة بما أن بطاقتي الفيزا من بنك امريكي
حطيتي معلومات سكني في امريكا ..

بالنسبة لك تقدر تحط معلومات البنك الخاص فيك بالدوحـة
او معلومات سكنك في الدوحــة
بمعنى ادق ( هي معلومات صاحب الفيزا)


ملاحـظة بما أننا في الاستور البريطاني اترك معلومات البلد على بريطانيا
وفي خانة الكود البريدي اكتب هذا SL3 0NS ولا ما راح تواصل عملية الشراء
(ماراح يوديك للصفحة اللي بعدها )
/

بعدها نواصل راح تجينا صفحـة بيانات الشحن ( اهم شيء )
http://www.alhajjaji.net/sp/wp-content/uploads/2010/07/iphone6.jpg

لمعلوماتك اخي الكريم انا عبيت البيانات اول شيء
وغلطت فيها وكنسلو طلبي .. وعدلت على البيانات
نفس اللي في الصورة وتم الموافقة على الطلب ..
كل ما عليك تكتب نفس هالمعلومات بالضبط
والتغير يكون في اسمك / ورقم صندوق بريدك البريطاني الخاص بارامكس وبس ..
( تقدر تنسخ العنوان من هنا )
Aramex House Old Bath Road
DOH XXX
(XXX = رقم صندوقك )
Colnbrook Slough
Berkshire SL3 0NS
Tel: 01753-689898

بعد التأكد من المعلومات نواصل
راح تجينا صفحة لتأكد معلومات الدفع والشحن
نفس هالصورة
نتجاهلها بالضغط على click here

http://www.alhajjaji.net/sp/wp-content/uploads/2010/07/iphone7.jpg

بعدها /
لنختار طريقة الدفع ورقم البطاقة
نفس هالصورة
نختار فيزا .. ورقمها / وتاريخ الأنتهاء / وكود التأكيد ( الموجود خلف بطاقة الفيزا)

http://www.alhajjaji.net/sp/wp-content/uploads/2010/07/iphone8.jpg

بعدها نواصل
راح يطلع لنا تأكيد الطلب / نضغط موافق مرة وحــدة
وننتظر حتى يتم قبول الطلب ..

ننسخ المعلومات اللي تطلع في ملف ..
اهم مافيها هو رقم الطلب ..

اذا كل البيانات صحيحة
( بيانات الدفع + بيانات الشحن )
راح يوصلنا بريد الكتروني على البريد اللي سجلناه
نفس هالصورة ..
تأكد لعملية الشراء والمبلغ وكل المعلومات ..
http://www.alhajjaji.net/sp/wp-content/uploads/2010/07/iphone9.jpg
ملاحظة هالصورة من ايميلي بعد تاكيد طلبي ..

ومبروك عليكم ..

------------------------------


كيف أتاكد من أن طلبي تم قبوله ولا رفضه؟

تقدر تدخل على حسابك في الاستور ومن فوق من اقصى اليمين عند كلمه account
بتحصل order state
http://www.alhajjaji.net/sp/wp-content/uploads/2010/07/iphone10.jpg

تضغط عليها وتحط اليوزر نيم والباسورد الخاص فيك
وبتحصل الطلب الخاص فيك وتاريخ وصوله
اذا مكتوب عليه Not yet shipped معناته قبل الطلب ..
اذا مكتوب عليه Cancelled معناته تكنسل طلبك لأي سبب من الأسباب ..
شوف صورة من حسابي .. لكل طلباتي ..( الـ 2 اللي توافق عليهم / والقديم اللي تكنسل لاني كتتب عنوان ارامكس غلط )

http://www.alhajjaji.net/sp/wp-content/uploads/2010/07/iphone11.jpg



كيف أتاكد اذا فيه مشكله وسبب إلغاء طلبي ؟

اسهل طريقة تتصل فيهم تلفون على رقمهم المجاني
عن طريق برنامج الأسكايبي على هالرقم 0800 048 0408


طلبي انلغى وخصمو المبلغ من حساب الفيزا ؟

المبلغ تجمد وعشان يرجعون لك الفلوس أتصل فيهم
بالعادة نظام الفيزا ترجع الفلوس 15 يوم لين شهر لكن
كلمهم وخلال يومين يرجعون الفلوس بحسابك ( صارت معاي شخصياً في طلبي الاول اللي انلغى )


يصير اطلب تلفون واحـد وبعدين واحـد ؟

نعم يصير اذا مشى طلبك في المرة الاولى
بعدها العملية سهلة وما تاخذ ثواني
لان بياناتك كلها مستجلة / بس راح يسئلونك رقم التاكيد الخاص بالفيزا ( الثلاث ارقام).


اشلون اعرف انهم سلمو لي الطلب على بريدي في ارامكس ؟

راح يجيك بريد الكتروني منهم ان طلبك جاري شحنه ومن ثم تسليمه .


كيف استلم تلفوني من ارامكس ؟

اول ما يوصل طلبك الدوحة يجيك مسج على رقم تلفونك المسجل بارامكس
فيه معلومات الشحن والطلب وقيمه الشحن ورقم الطلب كامل


هل يصير احد غيري يستلم التلفون من ارامكس ؟

نعم يصير تعطي الشخص رقم الطلب الي ارسلته ارامكس لك
ويروح يدفع قيمة الشحن ويستلم التلفون.


هل يصير استخدم حساب ارامكس لشخص غير/ صديقي مثلاً ؟

نعم يصير ولكن تحط في بيانات الشحن اسم الشخص ورقم صندوقه بارامكس
( وهذا اللي صار معاي ، طلبي عن طريق صندوق احـد الأصدقاء " مشكور اذا يقرأ :shy:" )


هل يصير اطلب أكثر من تلفونين ؟

نعم تلفونين لكل بطاقة فيزا / ولكل عنوان ارامكس .


هل يصير اتواصل معاك عشان تساعدني اذا عندي سؤال او استفسار ؟

بكل سرور عندك الرسايل الخاصة ..او في مدونتي (بالتوقيع)


في النهاية الموضوع اجتهاد شخصي ..
ومن تجربه شخصية مب مجرد كلام
طبقتها بنفسي .. وتلفوني الاول بيوصل تاريخ 18 ( معروض للبيع :nice: )
والثاني تاريخ 21 ..

في الاخير
أتمنى لكم التوفيق .. وأتمنى دعائكم ..
واللي حاب ينقل الموضوع حياه الله ..
مع ذكر المصدر ..

أخوكم
الحجاجي

[Gh2o]

الحجاجي الي اعرفه ابل لو عرفوا ان التلفون بيطرش على عنوان بريدي محول يقفون المعامله وصارت مع ربعي الي شروا الاي باد من امريكا
ناس ضبطت معاهم وناس صادوهم

[خريج اعلام]

جزاك الله كل
خيييييييييييييييييييييييييييييييييييييير

[بولينجر]

اخوي كم تتوقع يكون سعره في الدوحة اول ما ينزل رسمي هني؟
وجزاك الله كل خيرعلى الشرح الوافي.....

[الشمالي111]

الحجاجي

كفيت وفيت شرح وافي بيض الله وجهك

[بوAli]

يعطيييك الف عافيه اخوي الحجاجي

ومبروووك على التلفون :)

[النورس]

بارك الله فيك يا الحجاجي

ما قصرت وجهد يشكر عليه

سؤالي يا خوي أنا شريت الجهاز قبل يومين من موقع

http://www.expansys.ae/d.aspx?i=200795

هل فيه أي فروقات دام أني شريته من هذا الموقع

وشكرا







س

[ABOAMMAR]

بالتوفيق إن شاء الله تعالى

[الحجاجي]

الحجاجي الي اعرفه ابل لو عرفوا ان التلفون بيطرش على عنوان بريدي محول يقفون المعامله وصارت مع ربعي الي شروا الاي باد من امريكا
ناس ضبطت معاهم وناس صادوهم

مرحبا اخوووي

فعلاً كلامك صحيح وهالشيء لو تلاحظة مكتوب في صفحة الشحن ..
لكن بالطريقة اللي عبيت فيها المعلومات ما أعتقد

وانا كنت متخوف مثلك وأعتقد ان طريقة التعبئة فيها شيء
وهالسبب اللي تكنسل منه طلبي الأول

لكن ابشرك

لما اتصلت فيهم عشان افهم السالفة
هو دخل على حسابي
وقالي انت بترسل على ارامكس هاوس الخ ..
قلت ايه ..

قالي كتبت صندوق البريد صح قلت ايه
وتاكدت من البيانات وعقب قالي اذا متأكــد
سو طلب الحين وانا معاك على الخطـ ( وسويت ، ومشى الموضوع وقالي اوكيه )
وبنفس الوقت شيكت على بطاقتي خصمو المبلغ ..


الخطا اللي كان عندي
في صندوق البريد كنت كاتبه هالشكل
DOH # 444

( نفس اللي ارسله رفيجي ) وانا بس سويت كوبي وبيست :shy: وطلع خطأ


/

/
في الأخير ما أعتقد يرفضون في بريطانيا لان اغلب الطلبات اللي تجيهم
على الأرامكس وصار عادي عندهم

الأخوان من السعوديه اغلبهم طالبين على الأرامكس ..

يعـطيك العافية اخوي على المرور
وحياااك الله

[الحجاجي]

جزاك الله كل
خيييييييييييييييييييييييييييييييييييييير

ويجزاك يالغالي

تسلم على المرور

[الحجاجي]

اخوي كم تتوقع يكون سعره في الدوحة اول ما ينزل رسمي هني؟
وجزاك الله كل خيرعلى الشرح الوافي.....


مرحبا اخوي ..
عندي احساس قوي أن فودافون راح تنزله بدري
احتمال اول شهر 8

والسبب أنه نزل في شبكتهم هناك في بريطانيا ..

والسعر المتوقع
فودافون الايفون 16 جيجا الاسود = 3500 ريال
فودافون الايفون 32 جيجا الاسود = 4000 ريال


مع انه المفروض السعر يكون نفس سعر القديم
الـ 32 جيجا =3500 ريال
والـ 16 جيجا = 3200 ريال


اما المحلات فما اعتقد تقدر تحصل عليه قبل هالفترة


تسلم على المرور والمتابعة

كل الود

[الحجاجي]

الحجاجي

كفيت وفيت شرح وافي بيض الله وجهك

مرحبا الشمالي

ووجهك يالغالي
وتسلم على الدعوة

حياك الله

[الحجاجي]

يعطيييك الف عافيه اخوي الحجاجي

ومبروووك على التلفون :)

هلا بو علي

الله يعافيك يالطيب ..


والله يبارك فيك يالغالي

تقصد التلفونين :nice:


بشر اشصار وياااك

كل الود

[الحجاجي]

بارك الله فيك يا الحجاجي

ما قصرت وجهد يشكر عليه

سؤالي يا خوي أنا شريت الجهاز قبل يومين من موقع

http://www.expansys.ae/d.aspx?i=200795

هل فيه أي فروقات دام أني شريته من هذا الموقع

وشكرا







س

السلام عليكم

النورس ..

الله يوفقك يالغالي

بصراحه الموقع ما جربته

ومستغرب من ناحية الطلب منه

اذا الشباب في بريطانيا مب قادرين يحصلون عليه

من الاستور نفسه ..

اشلون الموقع يوفره للبيع ؟
لكن المواصفات نفسها والبيانات نفسها ..

/

متى قالو لك راح يوصلك ؟؟

/

أتمنى حـد من اللي اشترى منه يفيدك

/

بالتوفيق

[الحجاجي]

بالتوفيق إن شاء الله تعالى

ابو عمار

الله يوفقك يالغالي

حياااك الله اخوي

[kakashi]

كفيت ووفيت شرح وافي بيض الله وجهك

وجعله في ميزان حسناتك

وموضوعك صراحه يستحق التثبيت

[تغلبية]

الله يجزاك خير ويرحم والديك على الشرح الوافي الكافي

[شبيــه الريح]

الله يجزاك خير وكفيت ووفيت وبيض الله وجهك وماقصرت واللي ساعدك بالبريد بعد يشكر وياليت

الاخوان يتساعدون بالطلب

[فيصل الشمري]

جزاك الله خير ياخي
بارك الله فيك والله ينفع بك

[fhd4]

يعطيك العافية يالحجاجي ... وما قصرت ...

الحمدلله تلفوني انشحن ... وان شاء الله اليوم بيوصل لبريدي في بريطانيا ...

[KhalidQ]

جزاك الله كل
خـــــــيـــــــــر

[الحجاجي]

كفيت ووفيت شرح وافي بيض الله وجهك

وجعله في ميزان حسناتك

وموضوعك صراحه يستحق التثبيت

ووجهك اخوي ..

تسلم جزاك الله خير ..

والتثبيت بدعواتكم .. ومروركم الطيب

[الحجاجي]

الله يجزاك خير ويرحم والديك على الشرح الوافي الكافي

تسلمين اختي .. وجزاك ِ الله خير على هالدعوة ..


كل الود

[الحجاجي]

الله يجزاك خير وكفيت ووفيت وبيض الله وجهك وماقصرت واللي ساعدك بالبريد بعد يشكر وياليت

الاخوان يتساعدون بالطلب

ووجهك ابيض اخوي ..

وفعلاً يسلم راعي البريد ..

واللي حاب يطلب يمديه 3 اسابيع والتلفون في يــده بهالسعر والأهم ان التلفون مفتوح رسمي

وما أعتقد ينزل قبل 3 أسابيع عندنا بالدوحه ..


حياك الله اخوي ..

[الحجاجي]

جزاك الله خير ياخي
بارك الله فيك والله ينفع بك

اخوي فيصل تسلم على الدعوة

والله يبارك فيك اخوي ..


حياك الله

[اكاديمي]

يعطيك العافيه

[الحجاجي]

يعطيك العافية يالحجاجي ... وما قصرت ...

الحمدلله تلفوني انشحن ... وان شاء الله اليوم بيوصل لبريدي في بريطانيا ...



الله يعافيك اخوي

مبرررررررررررررروك ان شاء الله يوصلك سالم .. ونشوف رأيك عنه ..


طلبك كان من أي دفعه 2-7 ؟ صح ...

الحمدلله أن فيه من الأعضاء اللي طلبو عن طريق الاستور البريطاني
ومتواجدين معانا .. ( نتشارك الفرحـة والخبرة والأراء ) ..

الله يوفقك يارب ..
وحياك الله هــنا وهــناك :nice:

[FAUCHON]

قلبي عووورني توني شريت الايفون ب 3000

وال 4g ب 2700

[bo_Oof]

عادي يكون كرت البنك باسمي والعنوان باسم واحد ثاني

[الحجاجي]

جزاك الله كل
خـــــــيـــــــــر


تسلم اخوي
وجزاك الله خير ..

حياك الله

[The Queen]

اليوم بشتريه يعطيك العافية اخوي

والحمدلله كل المتطلبات موجودة حاليا عندي

بس اخوي بالنسبة للمايكرو سيم الرابط اللي حاطه مايشتغل

[الحجاجي]

يعطيك العافيه

الله يعافيك ااخوي ..

[الحجاجي]

قلبي عووورني توني شريت الايفون ب 3000

وال 4g ب 2700

الله يعوضك خير اخوي ..

وان شاء الله تتهنى في اللي شريته ...

تحياتي لك بالتوفيق

[الحجاجي]

عادي يكون كرت البنك باسمي والعنوان باسم واحد ثاني



أيه اخوي عاادي مافيها شيء

يعني ما يصير انك تشتري هدية وترسلها لشخص مثلاً :nice:


يصير انك تدفع وترسل الشيء اللي شريته لعنوان ثاني غير اسمك ..

المثال اللي انا سويته
طلبت من الدوحــــــــة ( يعني داخل من شبكة كيوتل )

وبطاقة الفيزا باسمي من بنك أمريكي / وعنواني هناك.

وصندوق البريد والشحن عنوان ارامكس في بريطانيا وباسم صديقي .
وكتبت اسمه وبياناته ( بس في الصورة اللي في الموضوع عدلتها باسمي :shy: )
ثلاث اشياء مختلفة ومع ذلك مافيها اي شيء ..

//

بس ما يصير ان حساب ارامكس موب باسمك
وتروح تحطه باسمك

صحيح انهم يتعاملون برقم الصندوق بس عشان ما يصير خطأ


/

توكل على الله ..
وحياك الله ..

وطمني شنو صار معاك ..

[الحجاجي]

اليوم بشتريه يعطيك العافية اخوي

والحمدلله كل المتطلبات موجودة حاليا عندي

بس اخوي بالنسبة للمايكرو سيم الرابط اللي حاطه مايشتغل

الحمدلله / وبالتوفيق في الطلب ...

بالنسبة للمايكروسم
مثل ما ذكرت هي متوفرة في كيوتل / وفودافون ...

اذا الشخص ما يبي يشتري كرت جديد
يقدر يستخدم طريقة القص اللي في الموضوع ..

ما يشتغل لانه على اليوتيووب ( ممنوع في المنتدى)
لازم يتعدل العنوان بدال النجوم نكتب بالانجليزي يوتيوب

أو من هـــنا (http://www.iphoneislam.com/?p=4125)
وشكراً

[العاشق1000]

يعطيك العافيه يالحجاجي
الصراحة كفيت ووفيت

[كلنا قطـر]

انزين اخوي انا سمعت ان لازم يكون اليوزر والباس تبع الايتونز يكون بريطاني وتكون مشترك عن طريق فيزا او ماستر الخ...

انت شنو كان اليوز مالك؟؟

وبعدين هل بطاقه المجموعه ( ماستر كارد )

صالحه اني اشتري منها؟؟

[بولينجر]

في جيلبريك للايفون 4؟ دورت في النت ما حصلت :(
وشكرا لك على الاجابة السابقة.....

[القلم]

مشكووووووووووووووووور على المعلومات الطيبة

[طاش]

مشكور وكثر الله من امثالك

[SOONALL]

شكرا ع الشرح اخوي وما قصرت وجزاك الله الف خير

[أبوعبدالرحمن]

جزاك الله كل خير ... وفي ميزان حسناتك ان شالله

[الحجاجي]

يعطيك العافيه يالحجاجي
الصراحة كفيت ووفيت

الله يعافيك اخوي

وحياك الله

[الحجاجي]

انزين اخوي انا سمعت ان لازم يكون اليوزر والباس تبع الايتونز يكون بريطاني وتكون مشترك عن طريق فيزا او ماستر الخ...

انت شنو كان اليوز مالك؟؟

وبعدين هل بطاقه المجموعه ( ماستر كارد )

صالحه اني اشتري منها؟؟

كلنا قطر مرتين ارد عليك وما يوصل ردي :(
/

انا مثلك سمعت هالشيء قبل اشتري انهم ما يقبلون يوزر غير الخاص بالايتيونز البريطاني
ويتتعبون الايبي ادرس حق البلد ومن هالكلام ...

/

لكن بالنسبة لي احب اجرب
وعندي اكثر من يوزر على امريكا / والدوحه / وكلهم مافيه فيزا

والشرح اللي شفته
انا تعمدت اني اختار ان ماعندي يوزر على الايتونز ولا الاستور
وحطيت ايميل جديد وسجلت عندهم

وطبعاً سجلوني في الاستور البريطاني ببريطانيا

ولكن مع ذلك

في صفحة الدفع حطيت البلد امريكا ( وعنوان في امريكا والسبب لاني استخدم الفيزا التابعة لبنك امريكي )

/

وبيانات الشحن بريطانيا

وركز ترى انا كنت اطلب من الدوحة يعني الايبي الخاص بالدوحه

/

وعادي الامور طيبة مافيه اي مشكلة
أهم شيء تكون بياناتك صح ..


/

بالنسبة لماستر المجموعة اعتقد تقدر
لانك تقدر تشتري منها على الانترنت وهذا الغرض منها

اتذكر قبل سنتين كنت استخدمها في المواقع

ولكن في اخر صفحة اختار ماستر كارد وليس فيزا

وتأكد من البيانات والمبلغ يكون اكثر بشوي ( عشان فرق العملة )


وإن شاء الله طلبك بيمشي عادي

من دون مشاكل
وطمنا ..

بالتوفيق

[الحجاجي]

في جيلبريك للايفون 4؟ دورت في النت ما حصلت :(
وشكرا لك على الاجابة السابقة.....


اخوي بولينجر

العفو ..

لا يكون سويت ابقريت لجهاز قديم وانقفل عليك ؟

بالنسبة للجليبريك للايفون4 للحين ما نزل
آخر ما وصلني حسب التتبع في الفيس بوك والتويتر من فريق Dev Team
ان الجليبريك قريب ولكن احتمال يتاخر حتى نزول التحديث المتوقع من أبل
للـ OS 4.1
وهذا كلام مقتبس من الفريق ( already handled Jailbreak for iOS 4 on all Devices (Including iPhone 4) by the simple comex's tool "Spirit)

والكل ينتظر ..

اذا نزل بنزل طريقته :shy:

وحياك الله اخوي

[bo-ibrahem]

شلون افتح صندوق بريد ارامكس ؟؟

[بولينجر]

لا الحمدلله ما سويت ابديت وانقفل...... لكن دورت عن الجيلبريك علشان اول ما يوصل اسويه..... ورحت صفحة Dev-Team وقريت هالكلام..... لكن قلت يمكن عندك خبر عن فريق ثاني شغال على الجيلبريك...... حاليا يقال ان Geohot يحاول يسوي جيلبريك على ايفون الجديد :)

[أهلي العميد]

يعطيك العافية يالحجاجي ... وما قصرت ...

الحمدلله تلفوني انشحن ... وان شاء الله اليوم بيوصل لبريدي في بريطانيا ...



اخوي هل وصل تلفونك لبريد بريطانيا لانه الى الان الشحنه معلقه بهولندا

Arnhem Hub

[بوعبدالعزيز999]

مشكور على الشرح

وسؤال

هل فالتلفون كيبورد عربي

[fhd4]

اخوي هل وصل تلفونك لبريد بريطانيا لانه الى الان الشحنه معلقه بهولندا

Arnhem Hub

والله للحين ... مثل ما قلت معلقة في Arnhem في هولندا ... وعلى كلام شركة TNT ان التسليم المفرض يكون أمس ... بس شكله يبيله بعد يومين ...

بالاول قالوا عشان الويكند ما صار تحديث والشحنة وصلت بريطانيا ... بس الصج ان الجوال ما طلع من هونج كونج الا أمس ...

[fhd4]

مشكور على الشرح

وسؤال

هل فالتلفون كيبورد عربي



الجوال فيه عربي من وين ما خذته ... لأن سوفتوير الايفون واحد ...



عن اذنك يالحجاجي ... طبعا ... :)

[الحجاجي]

مشكووووووووووووووووور على المعلومات الطيبة


مشكور وكثر الله من امثالك

العفو وحياكم الله

[الحجاجي]

شكرا ع الشرح اخوي وما قصرت وجزاك الله الف خير


جزاك الله كل خير ... وفي ميزان حسناتك ان شالله

ويجزاكم الخير على المرور والدعوة

الله يوفقكم يارب

[الحجاجي]

شلون افتح صندوق بريد ارامكس ؟؟

اذا انت في الدوحة تروح لهم
وتشترك معاهم اعتقد تدفع 120 ريال سنوياً

ويعطونك بريد في امريكا
وبريد في بريطانيا ..

وهذا موقعهم على الأنترنت
http://www.aramex.com/

وبالتوفيق ..

[الحجاجي]

لا الحمدلله ما سويت ابديت وانقفل...... لكن دورت عن الجيلبريك علشان اول ما يوصل اسويه..... ورحت صفحة Dev-Team وقريت هالكلام..... لكن قلت يمكن عندك خبر عن فريق ثاني شغال على الجيلبريك...... حاليا يقال ان Geohot يحاول يسوي جيلبريك على ايفون الجديد :)

صباح الخير اخوي بولينجر

يعجبني الشخص اللي يجهز حق كل شيء اول باول :nice:

فعلاً الكل ينتظر ..

وفيه تنافس شديد بين فريق DEV
, GEohot

على الجليبريك
واعتقد الأخير راح ينزله قبل هالشيء قريته امس ..

عكس فريق ديف اللي منتظرين الترقية القادمـة لـ OS 4.1

/

والجليبريك ضرورررررررررري عشان تقدر تنزل برامج بلا حدود وتحس بمتعـة الايفون

/

وعني مجهــز برامج أصلية ( شراها احـد الأخوان من الاستور )
وابي اجرب فيها كم طريقة على الأيفون4


/

بالتوفيق

[الحجاجي]

اخوي هل وصل تلفونك لبريد بريطانيا لانه الى الان الشحنه معلقه بهولندا

Arnhem Hub

أهلي العميد حياك الله / وشاكر لك المرور والمتابعــة


مشكور على الشرح

وسؤال

هل فالتلفون كيبورد عربي

بوعبدالعزيز999 حياك الله اخوي ..





والله للحين ... مثل ما قلت معلقة في Arnhem في هولندا ... وعلى كلام شركة TNT ان التسليم المفرض يكون أمس ... بس شكله يبيله بعد يومين ...

بالاول قالوا عشان الويكند ما صار تحديث والشحنة وصلت بريطانيا ... بس الصج ان الجوال ما طلع من هونج كونج الا أمس ...

// يوصل بالسلامــــــــــة ...







الجوال فيه عربي من وين ما خذته ... لأن سوفتوير الايفون واحد ...



عن اذنك يالحجاجي ... طبعا ... :)

كلام صحيح وهالشيء احلى مافيه ..

مسموح اخوي fhd4 كلنا ايفونيين :shy: ( واحـد ) والموضوع للجميع

[The Queen]

اخوي الحجاجي وصل الايفون عندك ولا لا , أبي رايك بالجهااز
لأني اليوم راح اشتريه ان شاء الله من موقع ابل

[قطـ VERTU ـر]

كم نهآيتكـ في التلفونـ اللي معروض للبيع ؟

اني نآوي آخذ لي وآحد بصرآحهـ .. وشطيتني عـ الموضعـ ..

[الحجاجي]

اخوي الحجاجي وصل الايفون عندك ولا لا , أبي رايك بالجهااز
لأني اليوم راح اشتريه ان شاء الله من موقع ابل

مرحبا اختي

بيوصل الاول عقب اسبوع تقريباً

والثاني بيوصل تقريبا تاريخ 24 الشهر

بالنسبة لج اذا شريته

احتمال يوصلج 1 -8-2010

اخونا بوعوف شراه / وعطوه هالموعـد:shy:

[الحجاجي]

كم نهآيتكـ في التلفونـ اللي معروض للبيع ؟

اني نآوي آخذ لي وآحد بصرآحهـ .. وشطيتني عـ الموضعـ ..

مرحبا اخوي

حياك الله

بصراحه للحين ما حطيت سعر ببالي

لان مافيه شيء بيدي

لما استلمه ، وقتها بحط ..

[airbus]

مرحبا اخوي

حياك الله

بصراحه للحين ما حطيت سعر ببالي

لان مافيه شيء بيدي

لما استلمه ، وقتها بحط ..

لا تنسى اخوك ادا تبي تبيع الجهاز ماعليك امر اطرشلي سعرك على الخاص

[بو وليد]

بانتظار الاستلام

لأنه حسب تجربتي مع آبل حتى لو حطيت لهم عنوان شقتك في بريطانيا ما بيسلمون الطلب إلا للشخص اللي طالب باسمه

بمعنى لو كنت مش موجود في الشقة وجاء مندوب آبل وحصل ربعك انسى انه يسلمهم الطلب

عموماً يمكن آبل غيروا سياستهم وتنجح تجربتك أخوي

[airbus]

بانتظار الاستلام

لأنه حسب تجربتي مع آبل حتى لو حطيت لهم عنوان شقتك في بريطانيا ما بيسلمون الطلب إلا للشخص اللي طالب باسمه

بمعنى لو كنت مش موجود في الشقة وجاء مندوب آبل وحصل ربعك انسى انه يسلمهم الطلب

عموماً يمكن آبل غيروا سياستهم وتنجح تجربتك أخوي

التوصيل عن طريق شركة الشحن مب من مندوب ابل !
والي طلب الحين بيوصلك الطلب من الصين لي عنوانك في بريطانيا

[بو وليد]

التوصيل عن طريق شركة الشحن مب من مندوب ابل !
والي طلب الحين بيوصلك الطلب من الصين لي عنوانك في بريطانيا

يعني التسليم أخوي بيكون لأي شخص موجود في العنوان بدون السؤال عن اسمه؟

[airbus]

يعني التسليم أخوي بيكون لأي شخص موجود في العنوان بدون السؤال عن اسمه؟

تحصله في صندوق البريد وادا انت طالب يكون الاستلام بالتوقيع هدا كلام تاني

[بو وليد]

تحصله في صندوق البريد وادا انت طالب يكون الاستلام بالتوقيع هدا كلام تاني

إن شاء الله يكون مثل ما قلت

مشكور أخوي

[الحجاجي]

لا تنسى اخوك ادا تبي تبيع الجهاز ماعليك امر اطرشلي سعرك على الخاص

إن شاء الله اخوي
حاضر ولا يهمك

وحياك الله

[الحجاجي]

التوصيل عن طريق شركة الشحن مب من مندوب ابل !
والي طلب الحين بيوصلك الطلب من الصين لي عنوانك في بريطانيا

بووليد

مرحبا اخوي

التسليم يكون عن طريق شركه TNT
ويسلمونه لصندوقك الخاص بارامكس

وبالتالي ارامكس تحولة للبلد اللي انت فاتح الحساب منه ..

/
/

اعتقد سياسة آبل تغيرت
/

وعلى فكرة ترى فيه اخوان من السعودية طلبو
بنفس الطريقة ووصلت تلفوناتهم ( اول دفعة )


كلها أيام ..:nice:

[الحجاجي]

تحصله في صندوق البريد وادا انت طالب يكون الاستلام بالتوقيع هدا كلام تاني

airbus

تسلم على المشاركـة والرد ..

جزاك الله خير ..

وحياك الله

[جامعي]

في حد مجرب هالموقع

http://store.apple.com/uk/browse/hom...mco=oty2oda2oq

موقع آبل الرسمي - بريطانيا

يعطيك العافية اخوي الحجاجي

[بو وليد]

بووليد

مرحبا اخوي

التسليم يكون عن طريق شركه tnt
ويسلمونه لصندوقك الخاص بارامكس

وبالتالي ارامكس تحولة للبلد اللي انت فاتح الحساب منه ..

/
/

اعتقد سياسة آبل تغيرت
/

وعلى فكرة ترى فيه اخوان من السعودية طلبو
بنفس الطريقة ووصلت تلفوناتهم ( اول دفعة )


كلها أيام ..:nice:

بانتظارك أخوي

[bo_Oof]

والله ترا الطريقه سهله ياشباب وانا الحمدالله طلبت

وتسلم يالحجاجي

[airbus]

انا اتوقع يوم 7 من شهر ثمانية المنتدى بيصير كله ايفون ٤ للبيع خخخخخ ومتأكد مية في المية شوفوا التاريخ يعني بعد شهر بظبط !!!!!

[bo_Oof]

انا اتوقع يوم 7 من شهر ثمانية المنتدى بيصير كله ايفون ٤ للبيع خخخخخ ومتأكد مية في المية شوفوا التاريخ يعني بعد شهر بظبط !!!!!

شكله ههههه

[جاسم القطري]

تسلم يالحجاجي على الطريقه

وبيض الله وجهك

[مساهمه بالحب]

شرح وافي وكافي ماشاء الله عليك

[عبدالله العذبة]

iPhone 4 يعاني من مشاكل في الإرسال الخاص بشركة الاتصالات أنصح الجميع بعدم الشراء حتى تحل شركة أبل المشكلة.

[الحجاجي]

في حد مجرب هالموقع

http://store.apple.com/uk/browse/hom...mco=oty2oda2oq

موقع آبل الرسمي - بريطانيا

يعطيك العافية اخوي الحجاجي

اخوي جامعي

الله يعافيك

والشرح كامل للشراء اصلا من موقع أبل الرسمي البريطاني

وتقدر تطبقه نفس الشيء على الفرنسي

حياك الله

[الحجاجي]

بووليد
عقبالك ما تنتظر تلفونك ..

//



والله ترا الطريقه سهله ياشباب وانا الحمدالله طلبت

وتسلم يالحجاجي


الله يسلمك يا بوعوف ..

متى يوصل تلفونك ؟

[الحجاجي]

انا اتوقع يوم 7 من شهر ثمانية المنتدى بيصير كله ايفون ٤ للبيع خخخخخ ومتأكد مية في المية شوفوا التاريخ يعني بعد شهر بظبط !!!!!

شكل تلفونك بيوصل هاليوم :nice:

هااااه تبيع ؟:shy:

[airbus]

شكل تلفونك بيوصل هاليوم :nice:

هااااه تبيع ؟:shy:

الصراحه ماقدر انطر شهر الصراحة

كتبت التاريخ لانه موضوعك نزل بعد ماخلصت دفت ١٤ -٧ :victory::victory:

[الحجاجي]

شكله ههههه

بوعوووف خل العالم تعيش وتسانس :victory:
بس الانتظار صعب ..

واحد من الشباب في منتدى ثاني من اللي ينتظر تلفونه يوصل
يقول ( منتظر على جمر كاني انتظر نتيجة الثانوية العامة :nice: )


تسلم يالحجاجي على الطريقه

وبيض الله وجهك


جاسم الله يسلمك اخوي
ووجهك يالغالي ابيض ..

حياك الله


شرح وافي وكافي ماشاء الله عليك

تسلمين اختي
حياج الله ..


iPhone 4 يعاني من مشاكل في الإرسال الخاص بشركة الاتصالات أنصح الجميع بعدم الشراء حتى تحل شركة أبل المشكلة.


اخوي العذبة
حياك الله على مشاركتك
بعض الناس يقولون فيه ، وبعضهم لا ..
وحسب ما شفت من أحـد الاخوان من السعودية وصله قبل اسبوعين تقريباً وطلبو الأعضاء منه تجربته وعلى كلامه الارسال ينزل درجـة وحدة عند مسك التلفون بطريقة معينة
والحل بشراء كفر او غطاء للايفون ..

وهذا احنا ننتظر نستلمه ونجرب ..
حياك الله على مشاركتك
وخوفك على اخوانك

[الحجاجي]

الصراحه ماقدر انطر شهر الصراحة

كتبت التاريخ لانه موضوعك نزل بعد ماخلصت دفت ١٤ -٧ :victory::victory:

صح اخوي ..
ترى طلبي الثاني كان متاخر اعتقد عقب ما نزل في الاستور بتاريخ 24

ومع ذلك بيوصل هناك تاريخ 18 -7


وبعدها على طول صار اي حـد يطلب يحطون له من تاريخ الطلب 3 اسابيع
/
/


بالنسبة لي ..

بكره بكلمهم على الأسكايبي / بقردنهم :nice: يرسلون الثاني مع الأول
لان الفرق يومين بس ..

اذا يبون يوفرون :shy: / وفي نفس الوقت لما ارامكس ترسله الدوحه ما يحسبونه شحنتين

يرسلون الاثنين مع بعض عشان الوزن .


/

[haalhama]

يعطيك العافيه الحجاجي , صج انك ولد حلال , معلومات مفيده

[الحجاجي]

يعطيك العافيه الحجاجي , صج انك ولد حلال , معلومات مفيده

العفو اخوووي

حياك الله وشكراً على مرورك

[الحجاجي]

ابشــركم اخواااني ..

آبل اليوم شحنت جهازي الأول / المفروض حسب الطلب انه ينشحن تاريخ 14 او 15-7

لكن انشحن اليوم قبل الموعـد ب 7 ايام ..
عن طريق شركــة tnt
وبيوصل في خلال يومين بالكثير ..

و3 ايام للدوحــــــــــــة

/


واتصلت لهم اليوم
وجهازي الثاني بينشحن بكره ..

/
/

معناتها اللي طالبين راح تنشحن تلفوناتهم بـــــــــــدري


مبــــــــــروك على الجميع هالتقديم في الموعـــــــــــد ..

[airbus]

الف الف الف مبروك بكم تبي تبيع التاني ارجوا ترد علي في الخاص ماعليك امر

[BURBERRY]

بيض الله وجهك و كثر الله من امثالك

و يوصلون بالسلامه ان شاء الله :)

[الحجاجي]

الف الف الف مبروك بكم تبي تبيع التاني ارجوا ترد علي في الخاص ماعليك امر

باذن الله تعالى .. بس يوصل ..

وحياك الله

بيض الله وجهك و كثر الله من امثالك

و يوصلون بالسلامه ان شاء الله :)


ووجهك يالغالي ..

وامثالك ..

الله يسلمك

وحياك الله اخوي

[قطـ VERTU ـر]

رقمي موجود في التوقيع .. :)

وانا كلمتكـ، من قبل بخصوص التلفونـ وقلت لي بتحدد السعر لين وصل التلفونـ ..

وان شااءالله اني جآد وصآمل .. بس عطني سعركـ .. وان اشاء الله ماختلف

[فارس قطر333]

يعطيك العافيه

[khalifa909]

يعطيك العافيه جيك ع الخاص

[fhd4]

الحمدلله استلمت تلفوني اليوم ... وخذت المايكروسيم من كيوتل ..

وماشاء الله شغال من أحسن ما يكون ...

[كلنا قطـر]

^^

الف مبروووك عليك الايفون

وعقبالنا ان شاءالله

وياريت تعطينا تقرير عنه

ومبروك مره ثانيه

[الحجاجي]

رقمي موجود في التوقيع .. :)

وانا كلمتكـ، من قبل بخصوص التلفونـ وقلت لي بتحدد السعر لين وصل التلفونـ ..

وان شااءالله اني جآد وصآمل .. بس عطني سعركـ .. وان اشاء الله ماختلف

/ مرحبا أخوي

إن شاء الله بس يوصل ..

وفالك طيب ..
/


يعطيك العافيه

/ الله يعافيك ..

وحياك الله /

يعطيك العافيه جيك ع الخاص


/ شيكت اخوي

وبكلمك إن شاء الله

[EUPHORIA]

للاسف لاب توبي مخترب وماقدرت ادخل واقرا الموضوع ..

شنو خاطري فالجهاز خله لي لوول :nice:

حمستني من قلب ..

وبيني وبينك كسلان اطلب من الموقع ابي شي جاهز حتى لو ادفع شوي زياده ..

بس يوصلك رساله خاصه بالسعر ماعليك امر ..

عاد صج لاتنساني ..

يعطيك العافيه ..

صج ناس فيهم خيييير ..

والله يوفقك ان شاء الله وفي ميزان حسناتك ..

[airbus]

احسن حل يالحجاجي حط الجهاز بالمزاد في السوق لان كله يبي يشتريه منك

[EUPHORIA]

احسن حل يالحجاجي حط الجهاز بالمزاد في السوق لان كله يبي يشتريه منك

:nice:


مب مشكله ..

الله الموفق وان شاء الله من نصيبي .. :whistling:

[الحجاجي]

الحمدلله استلمت تلفوني اليوم ... وخذت المايكروسيم من كيوتل ..

وماشاء الله شغال من أحسن ما يكون ...

ألف مبـــــــــــــروك أخـوي فهــد

أخيراً وصل جهازك ..

طمني ؟

بعد التجربــة
جربت مشكلـة الأرسال ، والنقاط الصفراء ؟

ولا كلام " بلاك بيري "


/

سؤال آخير
بكم خذت شريحة الميكروسيم من كيوتل ؟


الله يوفقك ..

[الحجاجي]

للاسف لاب توبي مخترب وماقدرت ادخل واقرا الموضوع ..

شنو خاطري فالجهاز خله لي لوول :nice:

حمستني من قلب ..

وبيني وبينك كسلان اطلب من الموقع ابي شي جاهز حتى لو ادفع شوي زياده ..

بس يوصلك رساله خاصه بالسعر ماعليك امر ..

عاد صج لاتنساني ..

يعطيك العافيه ..

صج ناس فيهم خيييير ..

والله يوفقك ان شاء الله وفي ميزان حسناتك ..

الله يوفقك اخوي
وشكراً على كلامك الطيب ..
وما يشوف شر جهــازك ..

إن شاء الله بس يوصل راح تعرف ..
وكلها آيام ..

/
تحياتي لك
/


احسن حل يالحجاجي حط الجهاز بالمزاد في السوق لان كله يبي يشتريه منك

/
وليش لا يستاهلون الأعضاء
الكل يقول هالشيء
بس مابي احـط شيء للحين مب في يدي ..

بس يوصل الجهاز بحـط اعلان عنه
واللي من نصيبه الله يوفقه يارب ..

/



:nice:


مب مشكله ..

الله الموفق وان شاء الله من نصيبي .. :whistling:


إن شاء الله ..
الي يكون من نصيبه الله يوفقه
واللي ما توفق إن شاء الله يتوفق مرة ثانية بالجهاز

[السموك]

الله يرحم والديك ويكثر من امثالك اخوي

:)

[d.lonely]

مشكور’’’’معلومات مهمة

[BURBERRY]

اخوي الحجاجي ..

ناوي اطلب لي واحد لكن حبيت اسئل هل الجهاز يستقبل و يرسل بالعربي ؟ ولا يبي له تعريب و برنامج

[fhd4]

ألف مبـــــــــــــروك أخـوي فهــد

أخيراً وصل جهازك ..

طمني ؟

بعد التجربــة
جربت مشكلـة الأرسال ، والنقاط الصفراء ؟

ولا كلام " بلاك بيري "


/

سؤال آخير
بكم خذت شريحة الميكروسيم من كيوتل ؟


الله يوفقك ..



الله يبارك فيك يالغالي ....

بالنسبة للنقاط الصفراء الحمدلله ما لاحظت شي ...

لكن بالنسبة للارسال ... للاسف نعم ... لكن اللي تأثر شبكة الـ 3G فقط ... وما صار شي لشبكة الـ 2G ... كنت ماسك الجوال عادي بيدي اليسار وأكتب باليمين وما كنت مستقصد الحركة ... وكان الموضوع بالصدفة ... لاحظت ان الارسال نزل الى حبة وحدة وبعدين حول الى شبكة الـ 2G ... خمس حبات ولا نقص عنها ...

رجعت وحولت الجوال ليدي اليمين رجع الارسال طبيعي الى شبكة الـ 3G ... وجربت أكثر من مرة ونفس النتيجة ...

خلني اشرح لكم نظام الشبكة بشكل عام لكل جوالات الـ 3G حتى النوكيا مثلا ...

كل جوالات الـ 3G تشبك بالاول مع شبكة الـ 3G ... واذا الشبكة ضعيفة جدا تشبك بعدها أتوماتيكيا بالـ 2G ...

في الغالب شبكة الـ 3G عندنا في قطر أضعف بكثير من الـ 2G في مناطق كثيرة ... في الوقت اللي يحول الجوال فيه من 3G للـ 2G ... يقطع الارسال للحظات .. وبعدها يشبك مع الـ2G ... واذا كنت تتكلم يقطع الخط في هاللحظة ...

ممكن تلاحظ هالكلام في بعض غرف البيت اللي يوصلها ارسال 2G لكن ارسال الـ3G ضعيف ... أو وانت ماشي بالسيارة ...


بالنسبة للشريحة ... رحت لكيوتل فرع الاند مارك وقلت له ابي بطاقة مايكرو سيم ... قالي اللي عندنا للـ Data بس ... قلت له ما يصير أنا متأكد ان البطاقة للاتصال بعد ... قلت له روح واسأل مسؤولك ... المهم راح ورجع وقالي كلامك صحيح ... وعطاني البطاقة ...

البطاقة سعرها 50 ريال تنزل مع الفاتورة ...

[أهلي العميد]

الله يبارك فيك يالغالي ....

بالنسبة للنقاط الصفراء الحمدلله ما لاحظت شي ...

لكن بالنسبة للارسال ... للاسف نعم ... لكن اللي تأثر شبكة الـ 3g فقط ... وما صار شي لشبكة الـ 2g ... كنت ماسك الجوال عادي بيدي اليسار وأكتب باليمين وما كنت مستقصد الحركة ... وكان الموضوع بالصدفة ... لاحظت ان الارسال نزل الى حبة وحدة وبعدين حول الى شبكة الـ 2g ... خمس حبات ولا نقص عنها ...

رجعت وحولت الجوال ليدي اليمين رجع الارسال طبيعي الى شبكة الـ 3g ... وجربت أكثر من مرة ونفس النتيجة ...

خلني اشرح لكم نظام الشبكة بشكل عام لكل جوالات الـ 3g حتى النوكيا مثلا ...

كل جوالات الـ 3g تشبك بالاول مع شبكة الـ 3g ... واذا الشبكة ضعيفة جدا تشبك بعدها أتوماتيكيا بالـ 2g ...

في الغالب شبكة الـ 3g عندنا في قطر أضعف بكثير من الـ 2g في مناطق كثيرة ... في الوقت اللي يحول الجوال فيه من 3g للـ 2g ... يقطع الارسال للحظات .. وبعدها يشبك مع الـ2g ... واذا كنت تتكلم يقطع الخط في هاللحظة ...

ممكن تلاحظ هالكلام في بعض غرف البيت اللي يوصلها ارسال 2g لكن ارسال الـ3g ضعيف ... أو وانت ماشي بالسيارة ...


بالنسبة للشريحة ... رحت لكيوتل فرع الاند مارك وقلت له ابي بطاقة مايكرو سيم ... قالي اللي عندنا للـ data بس ... قلت له ما يصير أنا متأكد ان البطاقة للاتصال بعد ... قلت له روح واسأل مسؤولك ... المهم راح ورجع وقالي كلامك صحيح ... وعطاني البطاقة ...

البطاقة سعرها 50 ريال تنزل مع الفاتورة ...

زين والله مبروك حتى انا وصلني الايفون على بريد ارامكس
ومركب عليه مايكرو سيم لفودافون بس كل شي اوك عدى الارسال نفس الحاله

بس شباب نصيحه اللي يبغي يستخدم النت حق الايفون كيوتل افضل من فوادفون بكثير من ناحيه السرعه

[الحجاجي]

الله يرحم والديك ويكثر من امثالك اخوي

:)

ووالديك اخوي ..
وحياك الله

مشكور’’’’معلومات مهمة


العفو حياك الله


اخوي الحجاجي ..

ناوي اطلب لي واحد لكن حبيت اسئل هل الجهاز يستقبل و يرسل بالعربي ؟ ولا يبي له تعريب و برنامج

مرحبا اخوي

ايه الجهاز من الشركه تقدر تقلبه عربي كامل لغـة واستقبال وارسال
وتقدر تخليه انجليزي الواجهـة ويكتب ويستقبل عربي
مافيه أي مشاكل مع اللغـة العربية أبداً

[الحجاجي]

الله يبارك فيك يالغالي ....

بالنسبة للنقاط الصفراء الحمدلله ما لاحظت شي ...

لكن بالنسبة للارسال ... للاسف نعم ... لكن اللي تأثر شبكة الـ 3G فقط ... وما صار شي لشبكة الـ 2G ... كنت ماسك الجوال عادي بيدي اليسار وأكتب باليمين وما كنت مستقصد الحركة ... وكان الموضوع بالصدفة ... لاحظت ان الارسال نزل الى حبة وحدة وبعدين حول الى شبكة الـ 2G ... خمس حبات ولا نقص عنها ...

رجعت وحولت الجوال ليدي اليمين رجع الارسال طبيعي الى شبكة الـ 3G ... وجربت أكثر من مرة ونفس النتيجة ...

خلني اشرح لكم نظام الشبكة بشكل عام لكل جوالات الـ 3G حتى النوكيا مثلا ...

كل جوالات الـ 3G تشبك بالاول مع شبكة الـ 3G ... واذا الشبكة ضعيفة جدا تشبك بعدها أتوماتيكيا بالـ 2G ...

في الغالب شبكة الـ 3G عندنا في قطر أضعف بكثير من الـ 2G في مناطق كثيرة ... في الوقت اللي يحول الجوال فيه من 3G للـ 2G ... يقطع الارسال للحظات .. وبعدها يشبك مع الـ2G ... واذا كنت تتكلم يقطع الخط في هاللحظة ...

ممكن تلاحظ هالكلام في بعض غرف البيت اللي يوصلها ارسال 2G لكن ارسال الـ3G ضعيف ... أو وانت ماشي بالسيارة ...


بالنسبة للشريحة ... رحت لكيوتل فرع الاند مارك وقلت له ابي بطاقة مايكرو سيم ... قالي اللي عندنا للـ Data بس ... قلت له ما يصير أنا متأكد ان البطاقة للاتصال بعد ... قلت له روح واسأل مسؤولك ... المهم راح ورجع وقالي كلامك صحيح ... وعطاني البطاقة ...

البطاقة سعرها 50 ريال تنزل مع الفاتورة ...

مرحبا ملاييين اخوي فهــد

يعطيك العافيه على الشرح الوااافي ..

بالنسبة للنقاط الصفراء 1% من الاجهزة فيها وهي الظاهر من سرعـة الانتاج والتخزين ..
ونادر تكون موجودة ..

/
/

اما الارسال فأعتقد فيه طريقة انك تختار نوع الشبكــة .. عشان تتجنب هالمشكلة

او أنك تجرب تستخدم كور الحماية Bumper ، هل جربته ؟ هل منه فايده ؟


/

/

بالنسبة للشريحة زين صدتهم
ولا كان خلوك تاخذها داتا ..

بنشوف فودافون :shy: لين يوصل المحروس :nice:

[The Queen]

السلام عليكم

انا الحين شريت الايفون من موقع ابل البريطاني وكنت ابي اشتري الكفر ماله بس البطاقة ماكان فيها فلوس كافية فشريت الايفون بس فهل لو شريت الكفر بعد مدة من الايفون راح يشحنون لي الكفر مع الايفون ولا بروحه ؟

[fhd4]

السلام عليكم

انا الحين شريت الايفون من موقع ابل البريطاني وكنت ابي اشتري الكفر ماله بس البطاقة ماكان فيها فلوس كافية فشريت الايفون بس فهل لو شريت الكفر بعد مدة من الايفون راح يشحنون لي الكفر مع الايفون ولا بروحه ؟

حتى لو طلبته مع التلفون ... راح ينشحن بروحه ...

[The Queen]

^^

اها اوكي اخوي يعطيك العافية

[The Watcher]

جزاكالله خير اخوي

[الحجاجي]

حتى لو طلبته مع التلفون ... راح ينشحن بروحه ...


فعلاً ينشحن بروحه

لو الفرق حتى يوم ..

هالشيء صار معااي ..

اخوي فهد يعطيك العافية ..


اختي Queen
بالتوفيق ..

[al.wafe]

شكرا لك

[The Queen]

فعلاً ينشحن بروحه

لو الفرق حتى يوم ..

هالشيء صار معااي ..

اخوي فهد يعطيك العافية ..


اختي queen
بالتوفيق ..




معاك يارب

ونسيت اشكرك ع الشرح المفصل ويعطيك الف عافية افدتني كثيير

[The Queen]

بغيت اسال

انا الحين شريت الايفون من النت بس الفلوس ما انخصمت هل راح يخصومنهم في الفترة اللي بيشحنون فيها ولا في شي غلط ؟؟

لأني توني رادة من البنك وشفت الرصيد نفس ماهو

[بولينجر]

بغيت اسال

انا الحين شريت الايفون من النت بس الفلوس ما انخصمت هل راح يخصومنهم في الفترة اللي بيشحنون فيها ولا في شي غلط ؟؟

لأني توني رادة من البنك وشفت الرصيد نفس ماهو
من بعد اذنك اخوي الحجاجي....

هم يخصمون الفلوس وقت استحقاق فاتورة الفيزا ومب خصم فوري من الحساب..... مرة في الشهر يخصمون كل مستحقات الفيزا للشهر.....
ولكن لو عندج خدمة مسجات على كل حركة فيزا ممكن يعلمونج ان صارت حركة فيزا بالمبلغ الفلاني ووقتها تعرفين ان الطلب ماشي صح.....
او ممكن تكلمين قسم الفيزا في البنك وتسألينهم عن اخر عمليات سحب على الفيزا.....

[The Queen]

^^

يعطيك الف عافية اخوي ومشكوور ع الافادة

[المغروره]

نزل طال عمرك عند الفخامه بس مااحبيته
تحيااتي لك

[الحجاجي]

جزاكالله خير اخوي

ويجزيك الخير اخوي

حياك الله

[الحجاجي]

شكرا لك

العفو اخوي

حياك الله ..

[الحجاجي]

من بعد اذنك اخوي الحجاجي....

هم يخصمون الفلوس وقت استحقاق فاتورة الفيزا ومب خصم فوري من الحساب..... مرة في الشهر يخصمون كل مستحقات الفيزا للشهر.....
ولكن لو عندج خدمة مسجات على كل حركة فيزا ممكن يعلمونج ان صارت حركة فيزا بالمبلغ الفلاني ووقتها تعرفين ان الطلب ماشي صح.....
او ممكن تكلمين قسم الفيزا في البنك وتسألينهم عن اخر عمليات سحب على الفيزا.....


فعلاً اخوي ..

اول ما يتم الشراء يتم حــجز المبلغ من البطاقــة ..
وينخصم بس في خانه المحـجوز ..

اذا ارسلو التلفون .. يوصلك بريد عبارة عن الفاتورة .. وفيها القيمة
بعدها ينخصم المبلغ بشكل كلي ..

/

/

تصير مشكلة اذا صار طلب .. وانخصم او نقول انحجز المبلغ ..
والطلب تكنسل ..

ولأرجاع المبلغ الافضل نتصل في أبل .. علشان يفكون الحـجز على المبلغ ..


/


شاكر لك اخوي مساهمتك في أثراء الموضوع

[الحجاجي]

نزل طال عمرك عند الفخامه بس مااحبيته
تحيااتي لك

وعمرك يطول يالمغرورة ..

بكم نزل عندهم ؟؟

[الحجاجي]

الشكر موصول للأخ فهـد ..

اخواني اللي طلبو .. وتم قبول طلباتهم وينتظرون
في حالـة وصلهم ايميل يفيد بان الأيفون جاري شحنه ..

بيرسلون لكم رقم مرجع طويل 10 ارقام ..

الشحن عن طريقة شركه TNT البطيئة والتعيسه ..

عندهم تعقيد في موقعهم مب طبيعي ..

عشان ما تتعقدون وتفتكرون ان تلفونكم ضاع

تدخلون على هالعنوان من هـــــــــــنا (http://www.tnt.com/webtracker/tracker.do?navigation=1&respLang=en&respCountry=GB&genericSiteIdent=)

http://www.tnt.com/webtracker/tracker.do?navigation=1&respLang=en&respCountry=GB&genericSiteIdent=

ونكتب الرقم المكون من 10 خانات في المستطيل
وتحت المستطيل نختار
Reference number

ونضغط على كلمه Track

بعدها راح تجينا المعلومات الصحيحة للشحنه ومتى طلع وووين وصل ..
جنب Reference number
فيه رقم consignment مكون من 9 خانات

هذا هو الرقم اللي تعتمده شركه TNT
وتقدرون تتصلون وتعطونهم الرقم عشان تتاكدون

رقمهم ..
4622262

ملاحـظة لو دخلتو من الصفحة الرئيسية بيطلع ان رقم الشحنة عليه مشكله او ناقص ولازم تتصلون في الشركه ..

هالكلام مب صحيح ..
ادخلو من اللنك اللي في الموضوع فوق ..
وتأكدو اكثر بالأتصال ..

والله يعينكم على التأخير من وراء هالشركة التعيسة ..

وبالتوفيق للجميع ..

[بو وليد]

أخوي الحجاجي

فعلاً كلامك صحيح والآيفون وصل لرفيجي بعد تأخير بسيط

إن شاء الله أطبق طريقتك بس لما ينزل الآيفون الأبيض

عاد اللي سمعته إنه ينزل في النص الثاني من شهر 7

وطبعا الطلب ياخذ له 3 أسابيع

فمادري وشو الأسرع؟ الطلب من بريطانيا ولا فودافون قطر أو ستار لينك

يعطيك العافية

[سهم طايح]

سمعت انهم وقفوا الطلبات الخارجية

( ارامكس )

[بولينجر]

سمعت انهم وقفوا الطلبات الخارجية

( ارامكس )
شلون اخوي ما فهمت؟
ارامكس اللي يرفضون استقبال الطلبات على بريدهم والا ابل ما يقبلون الطلبات في موقعهم بعنوان ارامكس؟

[الحجاجي]

أخوي الحجاجي

فعلاً كلامك صحيح والآيفون وصل لرفيجي بعد تأخير بسيط

إن شاء الله أطبق طريقتك بس لما ينزل الآيفون الأبيض

عاد اللي سمعته إنه ينزل في النص الثاني من شهر 7

وطبعا الطلب ياخذ له 3 أسابيع

فمادري وشو الأسرع؟ الطلب من بريطانيا ولا فودافون قطر أو ستار لينك

يعطيك العافية

الطريقة نفسها ما تتغير في حالة الطلب من موقعهم أي خدمه او منتج ..

اما عن نزوله احتمال يتأخر ..
والطلب احتمال يتم نفسه إلا اذا تم توزيعه على العالم بشكل رسمي للبيع ..

اما عن الطلب او الأنتظار

انت تضمن فودافون وستار لنك ينزلونه بنفس سعره ببريطانيا :nice:

مستحيل هالشيء ..

تحياتي لك

[سهم طايح]

ابل اللي يرفضون ارسال الايفون على الارامكس

مع انهم يسحبون المبلغ

ووقت الشحن يرسلون ايميل برفض العملية

[بولينجر]

ابل اللي يرفضون ارسال الايفون على الارامكس

مع انهم يسحبون المبلغ

ووقت الشحن يرسلون ايميل برفض العملية
الله يستر ويمشي الطلب :(

[fhd4]

ابل اللي يرفضون ارسال الايفون على الارامكس

مع انهم يسحبون المبلغ

ووقت الشحن يرسلون ايميل برفض العملية



الله يسلمك مثل ما قال أخونا الحجاجي في شرحه ...




http://www.alhajjaji.net/sp/wp-content/uploads/2010/07/iphone7.jpg





اذا اخترت العنوان من القائمة راح يتعرفون على ان العنوان تابع لأرامكس ويلغون الطلب ...

لكن اذا اخترت Click Here ... ما راح ينلغي الطلب ان شاء الله ...

[بولينجر]

الله يسلمك مثل ما قال أخونا الحجاجي في شرحه ...




http://www.alhajjaji.net/sp/wp-content/uploads/2010/07/iphone7.jpg





اذا اخترت العنوان من القائمة راح يتعرفون على ان العنوان تابع لأرامكس ويلغون الطلب ...

لكن اذا اخترت click here ... ما راح ينلغي الطلب ان شاء الله ...



طمنتني شوي اخوي..... هذا اللي سويته.... وجزاك الله كل خير.....

[Dear All]

جزاك الله كل
خيييييييييييييييييييييييييييييييييييييير

[الحجاجي]

طمنتني شوي اخوي..... هذا اللي سويته.... وجزاك الله كل خير.....

فعلاً اخوي بلوينجز

هذا الي صار معاي أول شيء

خصمو المبلغ ..
وثاني يوم كنسلو الطلب ..
لان العنوان طلع واضح عندهم انه صندوق وهمي ..
او بمعنى آخر مب صحيح ..

/

على فكرة اخواني ..
ارامكس من فترة غيرو عنوانهم

/

أمس بالصدفة لقيتهم فاتحين كاونتر لهم في مجمع الاند مارك ( جنب The ONe )

وفتح حساب ارامكس عندهم مدى الحياة تكلفه ثابته قيمه 128 ريال قطري
تدفع مرة واحـدة لحساب ارامكس صندوقين امريكا وبريطانيا

ويعطونك على طول
كتيب مطبوع فيه طريقة الشراء وكتابة عنوانك بالضبط
في امريكا غير عن بريطانيا

عشان ما تنصاد في المواقع وتنرفض عملية الشراء

/

الحلو أني وانا اشوف طريقة تعبئة البيانات في بريطانيا
طلعت نفس اللي انا معبيها ومسويها في هالموضوع بالضبط
وبالعنوان الجديد ../


ابشركم اخواااني كلهم اللي طلبو واتبعو الطريقة في الموضوع

تلفوني بعد التجربه وصل اليوم تاريخ 15-7-2010
حساب ارامكس في بريطانيا وجاري شحـنه للدوحــــة

والحلو في الموضوع ان التلفونيين وصلو مع بعض
مع ان الفرق بينهم يومين تقريباً

الحمدلله بينشحنو الدوحة مع بعض
وبيوصلون بنفس الوقت ..

/

اخوي فهد تسلم على التوضيح

/

[الحجاجي]

جزاك الله كل
خيييييييييييييييييييييييييييييييييييييير

ويجزاك اخوي بمثله واكثر

ويجزي كل من يشارك ويساعد اخوانه ..


تحياتي لك

[fhd4]

طمنتني شوي اخوي..... هذا اللي سويته.... وجزاك الله كل خير.....

وياك ... بس ليش شوي ... :) ...

ترى ما سمعت ان أحد سوى هالطريقة وانلغى طلبه ... اللي انلغت طلباتهم اختاروا العنوان من القائمة ...

هذا أنا الجوال عندي والحمدلله صار له أسبوع ... وأخوك الحجاجي جواله وصل أرامكس بريطانيا ...


وبيني وبينك ... يوم وصل جوالي لأرامكس بريطانيا اتصلت عليهم هناك ... قالي الموظف وصل لهم في هذا اليوم بس 300 أيفــــــون ...!!!

[fhd4]

/

اخوي فهد تسلم على التوضيح

/

الله يسلمك ... وألف ألف مبروووووووووك ..... :victory:

[بولينجر]

وياك ... بس ليش شوي ... :) ...

ترى ما سمعت ان أحد سوى هالطريقة وانلغى طلبه ... اللي انلغت طلباتهم اختاروا العنوان من القائمة ...

هذا أنا الجوال عندي والحمدلله صار له أسبوع ... وأخوك الحجاجي جواله وصل أرامكس بريطانيا ...


وبيني وبينك ... يوم وصل جوالي لأرامكس بريطانيا اتصلت عليهم هناك ... قالي الموظف وصل لهم في هذا اليوم بس 300 أيفــــــون ...!!!
هههههههههه لا خلاص اخوي الحين تطمنت عدل.....

تسلم والله ما قصرت انت واخوي الحجاجي وجزاكم الله كل خير.....

[عايش عمره]

الله يعين خست وانا انطر على كثر ماطلبت من النت مافي شي طول معاي كثر هالايفون حتى لابتوب سوني ماطول معاي وفوق هاي شاحنينه بالشركه التعبانه TNT

http://i623.photobucket.com/albums/tt311/ratedx911/qaqsda122112.jpg

[الحجاجي]

الله يعين خست وانا انطر على كثر ماطلبت من النت مافي شي طول معاي كثر هالايفون حتى لابتوب سوني ماطول معاي وفوق هاي شاحنينه بالشركه التعبانه TNT

http://i623.photobucket.com/albums/tt311/ratedx911/qaqsda122112.jpg

اخوي عايش عمره

تفائل
فعلاً شركـة TNT بطيئة وعليها ضغط مب طبيعي
ناهيك أن التلفون جاااي من الصين ..

بالنسبة لك ..
باقي لك محطتين ..
محطه تعيسه اسمها Arnhem
انت وحظك مرات الشحنة تتأخر يومين او ثلاث فيها
ومرات يوم واحـد

شوف ايفوني

http://up4.al-qatarya.org//uploads/images/al-qatarya-458246d663.jpg (http://up4.al-qatarya.org//uploads/images/al-qatarya-458246d663.jpg)

كنت اتوقع يتم أكثر في هالمحـطة ( على حسب ما شفت وقريت في مواقع اجنبيه شكاوي عليها )

لكن الحمدلله ..

بالتوفيق ..

[عايش عمره]

اخوي عايش عمره

تفائل
فعلاً شركـة TNT بطيئة وعليها ضغط مب طبيعي
ناهيك أن التلفون جاااي من الصين ..

بالنسبة لك ..
باقي لك محطتين ..
محطه تعيسه اسمها Arnhem
انت وحظك مرات الشحنة تتأخر يومين او ثلاث فيها
ومرات يوم واحـد

شوف ايفوني

http://up4.al-qatarya.org//uploads/images/al-qatarya-458246d663.jpg (http://up4.al-qatarya.org//uploads/images/al-qatarya-458246d663.jpg)

كنت اتوقع يتم أكثر في هالمحـطة ( على حسب ما شفت وقريت في مواقع اجنبيه شكاوي عليها )

لكن الحمدلله ..

بالتوفيق ..


لا وابشرك اخوي التأخير احين حصل بسبة الفيضان الي عندهم كان المفروض اليوم ينشحن من الصين بس بسبة الفيضان حصل تأخير انشالله مايطول

علي حظ خخخخ :rolleyes2:

تسلم اخوي

[الحجاجي]

موقع عجيب لمتابعـة الشحنات
مربوط بـ خرائط قوقل
يطلع لك مكان الشحنة وين بالضبط ..


لـ شركه TNT

http://tnt.trackingnumber.org/

موقع الشركه الرئيسي

http://www.trackingnumber.org/

الموقع يخدم
FedEx Tracking
UPS Tracking
DHL Tracking
TNT Tracking


بالتوفيق للجميع

[الحجاجي]

الحمدلله اليوم وصل تلفوني الأيفون4
واستلمته من مقر شركـة أرامكس ..

والحمدلله شغال زي الحلاوة :shy:

نشوف الصور ..

التلفونين كل واحـد شحنة بروحه ..

http://www.alhajjaji.net/sp/wp-content/uploads/2010/07/DSCN1945.jpg

نلاحـظ في هالصورة العنوان اللي انشحن عليه التلفون
ارامكس نفس اللي في الشرح في الصفحة الأولى

http://www.alhajjaji.net/sp/wp-content/uploads/2010/07/DSCN1947.jpg


كرتون الشحن بعد الفتح ..
نلاحظ المحروس داخل

http://www.alhajjaji.net/sp/wp-content/uploads/2010/07/DSCN1949.jpg


وهنا بعد ما فتحنا العلبة

http://www.alhajjaji.net/sp/wp-content/uploads/2010/07/DSCN1954.jpg

محتويات العلبة ( السماعة والشاحن والتلفون )
http://www.alhajjaji.net/sp/wp-content/uploads/2010/07/DSCN1956.jpg


http://www.alhajjaji.net/sp/wp-content/uploads/2010/07/DSCN1958.jpg

/
طبعاً بعد ما اخذته
رحت فودافون /
حولت رقمي الحالي على الشريحة المصغرة مايكروسيم بمبلغ 25 ريال ..
/
وسويت اكتفيت له ببرنامج الايتوينز
/
وهذي صور من الأيفون ..

http://www.alhajjaji.net/sp/wp-content/uploads/2010/07/IMG_0002.png


http://www.alhajjaji.net/sp/wp-content/uploads/2010/07/IMG_0003.png

وهذي اول تجربـة للتصوير والزوم في الأيفون ..
تفضلو ..

http://www.alhajjaji.net/sp/wp-content/uploads/2010/07/IMG_0004.jpg


وسلامتكم ..

باقي حالياً عندي تلفون بكرتونه ..
للبيع ..

بالتوفيق

[بو وليد]

قرة عينك أخوي

يعطيك خيره ويكفيك شره

سؤال بديهي عن مشكلة الإرسال هل تعاني منها؟

مبروك عليك بمبر مجاني يخفف من المشكلة إذا موجودة

بخصوص الجوال الثاني بكم؟

[بولينجر]

الف مبروك اخوي الحجاجي وصول الايفون بالسلامة.....
واصل اخبارنا عن تجربتك معه.....
وما قصرت والله بشرحك الوافي.......

[الحجاجي]

تغــطية لمؤتمر أبل الأخير
اللي تكلمو فيه عن الأيفون 4 ومشاكل الأرسال .. والتحديث ..

/

رأيي عن الايفون 4 بعد تجربته المبدئية ..
/

http://www.qatarshares.com/vb/showthread.php?p=6133353#post6133353


بالتوفيق للجميع

[ابوعابد83]

ماقصرت اخوي الحجاجي بيض الله وجهك..
ولا عليك امر بغيت الجهاز بسعر اللي تبغيه

[Qatarianes]

مشكوور اخوي الكريم وموضوع يستاهل التثبيت

[Qatar.N]

شرح مبدع ,,,

مشكوور اخووي

[THE OWNERS]

بيض الله وجهك انشالله والحمدلله انا استلمته من تاريخ 2 - 7 وكنت طالبه في اول يوم انعرض عالموقع الرسمي للآبل - بريطانيا واستلمته في عنوان بريطاني صحيح مب عن طريق ارامكس 32 جيجا وطلع بالضبط 3300 ريال قطري للعلم . .
وكنت قاص الكرت القديم ومشغله عليه وام رجعت الدوحه ركبت الميكرو من كيوتل

[توتة]

مرحبا اخوي
عندي سؤال بسيط
في ال billing address
لازم احط عنوان البطاقة
مثلا انا بطاقتي من المجموعة.. فاحط عنوان الشارع شارع الي فيه المجموعه
ورقم تلفونهم
والبوسوت كود تبع بريطانيا

صح الي قلته ولا اشلون يا ريت اخوي ترد علي لاني بطلب لي واحد الحين
ويعطيك العافية

[Qatarianes]

^
من بعد اذن صاحب الموضوع طبعاً

البيلنج ادرس هذي مثل ماقال اخونا هي عنوان صاحب البطاقه ممكن تكتبين عنوان البنك الي اصدرتي منه البطاقه او حتى عنوانج انتي
انا عن نفسي اول امس طلبت اثنين والبلنج ادرس مالي كان عنوان شقتي ايام الدراسه في لندن وانا الحين في قطر فالبلنج مب مهم ( البلنج= يطرشون له ورقه مكتوب فيها البل او السعر بطريقه تفصيليه على شكل فاتوره فقط وليس الطلب الي بيطرشونه للشبنج ادرس الي بتحطه عقب ماتحط البلنج ادرس)
الاهم الي عقبه الي هو الشبنج ادرس او بالاحرى العنوان الي بيوصله الايفون
والي تفضل الاخ وشرح لنا كيفية وضع عنوان الارامكس الخاص فيك
اتمنى انه النقطه وضحت

[توتة]

مشكور الغالي
توني طلبت من شوي
ومشيت على نفس الخطوات
ومشى الطلب ... بس لين الحين ماجاني تاكيد على الايميل !!!
طلع لي لما راح الطلب رقم الطلب وخزنته عندي
ان شاء الله يا رب يمشي الطلب يا رب يا رب :)

[الحجاجي]

ماقصرت اخوي الحجاجي بيض الله وجهك..
ولا عليك امر بغيت الجهاز بسعر اللي تبغيه


هلا اخوي .. الجهاز الي بكرتونه انباع / الله يوفق لشاريه /

عندي الجهاز اللي في الموضوع بعرضه للبيع
في الايام الجايــة
لاني طلبت الايفون 32 جيجا ..

/
وحياك الله /



مشكوور اخوي الكريم وموضوع يستاهل التثبيت

حضورك هو الأهم من التثبيت .


شرح مبدع ,,,

مشكوور اخووي

العفو اخوي وحياك الله ..



بيض الله وجهك انشالله والحمدلله انا استلمته من تاريخ 2 - 7 وكنت طالبه في اول يوم انعرض عالموقع الرسمي للآبل - بريطانيا واستلمته في عنوان بريطاني صحيح مب عن طريق ارامكس 32 جيجا وطلع بالضبط 3300 ريال قطري للعلم . .
وكنت قاص الكرت القديم ومشغله عليه وام رجعت الدوحه ركبت الميكرو من كيوتل

بالتوفيق اخوي ..


مرحبا اخوي
عندي سؤال بسيط
في ال billing address
لازم احط عنوان البطاقة
مثلا انا بطاقتي من المجموعة.. فاحط عنوان الشارع شارع الي فيه المجموعه
ورقم تلفونهم
والبوسوت كود تبع بريطانيا

صح الي قلته ولا اشلون يا ريت اخوي ترد علي لاني بطلب لي واحد الحين
ويعطيك العافية


الـ billing عبارة عن فاتورة يرسلون نسخه منها على الايميل اللي انتي مسجلة فيه
ويرسلون صورة منها على العنوان اللي بتكتبينه
بالتالي حطي عنوان صندوق بريدج في الدوحة او عنوان البنك

الي يضيع في الموضوع ان البلد يتم على بريطانيا
بالتالي لازم البوستيل كود وما يمشي الطلب بدونه

لازم تحطين نفس اللي كتبته عشان يمشي الطلب ..

/
وحياج الله ...

[الحجاجي]

^
من بعد اذن صاحب الموضوع طبعاً

البيلنج ادرس هذي مثل ماقال اخونا هي عنوان صاحب البطاقه ممكن تكتبين عنوان البنك الي اصدرتي منه البطاقه او حتى عنوانج انتي
انا عن نفسي اول امس طلبت اثنين والبلنج ادرس مالي كان عنوان شقتي ايام الدراسه في لندن وانا الحين في قطر فالبلنج مب مهم ( البلنج= يطرشون له ورقه مكتوب فيها البل او السعر بطريقه تفصيليه على شكل فاتوره فقط وليس الطلب الي بيطرشونه للشبنج ادرس الي بتحطه عقب ماتحط البلنج ادرس)
الاهم الي عقبه الي هو الشبنج ادرس او بالاحرى العنوان الي بيوصله الايفون
والي تفضل الاخ وشرح لنا كيفية وضع عنوان الارامكس الخاص فيك
اتمنى انه النقطه وضحت


كلام صحيح يالغالي ..

عساك على القوة ..

الموضوع للجميع ..

وحياك الله

[الحجاجي]

مشكور الغالي
توني طلبت من شوي
ومشيت على نفس الخطوات
ومشى الطلب ... بس لين الحين ماجاني تاكيد على الايميل !!!
طلع لي لما راح الطلب رقم الطلب وخزنته عندي
ان شاء الله يا رب يمشي الطلب يا رب يا رب :)

اختي ..

بالتوفيق .,. الله يبارك لج ,.,.

التأكيد يتاخر من يوم لـ 3 ايام

المهم تدخلين على حسابج في ابل
وتروحين على حالة الطلب .. وتتأكدين هناك

انه مب مكتوب cancel

عطيهم يومين ..

وإن شاء الله يشحنوه مع الحافظه Bumper المجانية


الله يوفقج ..

[بولينجر]

سؤال اخوي الحجاجي :)
الحين شالوا اللمت على طلب جهازين لكل شخص؟ والا بتطلب الايفون الثالث باسم شخص ثاني؟

[الحجاجي]

سؤال اخوي الحجاجي :)
الحين شالوا اللمت على طلب جهازين لكل شخص؟ والا بتطلب الايفون الثالث باسم شخص ثاني؟


لا يالغالي مستحيل هالوقت يشيلونه ..
وبيزيد الطلب لان نهاية الشهر بيبدأون استقبال الطلبات على الأبيض ..

/
كل السالفه
عنوان أرامكس جديد( باسمي ) + بطاقة فيزا جديدة ( بنك الدوحــة باسمي )
/

وحياك الله

[بولينجر]

لا يالغالي مستحيل هالوقت يشيلونه ..
وبيزيد الطلب لان نهاية الشهر بيبدأون استقبال الطلبات على الأبيض ..

/
كل السالفه
عنوان أرامكس جديد( باسمي ) + بطاقة فيزا جديدة ( بنك الدوحــة باسمي )
/

وحياك الله
تسلم على الإفادة أخوي الحجاجي..... :)

[توتة]

باركولي وصل لي التاكيد على الطلب :)
واخيرا
مشكور يا الحجاجي على الموضوع والافاده
الله يعطيك العافية

[aldeem1]

الله يعطيك العافيه اخوي على الشرح ما قصرت

نفس طريقتي بس انا عندي كرت بريطاني هع فكان الدفع اسهل واضمن
ووصل قطر تاريخ 1-7-2010 تقريبا

[S A L M A N]

الشيخ كم يوم بالظبط وصل لك ؟

يعني اذا طلبت اليوم متى يوصل لي؟

[الحجاجي]

باركولي وصل لي التاكيد على الطلب :)
واخيرا
مشكور يا الحجاجي على الموضوع والافاده
الله يعطيك العافية

مـــــــــــبروك أختي توتـــــــه ..

إن شاء الله يوصل بالسلامـــــه ..

بيرسلون لج ايميل ثاني عن بدأ الشحن / وفيه رقم الشحنة /

راجعي الموضوع فيه روابط متابعة الشحنات ..

/


الله يعطيك العافيه اخوي على الشرح ما قصرت

نفس طريقتي بس انا عندي كرت بريطاني هع فكان الدفع اسهل واضمن
ووصل قطر تاريخ 1-7-2010 تقريبا

أكيد الكروت الأجنبية التعامل معاها يكون أسهل
ومافيها تعقيدات الفيزا عندنا ..

بالتوفيق اخوي ..

الشيخ كم يوم بالظبط وصل لك ؟

يعني اذا طلبت اليوم متى يوصل لي؟

أخوي سلمان .. حياك الله ..
هم كاتبين في الموقع من تاريخ طلب الجهاز والموافقة عليه
3 أسابيع ..

بس ابشرك يوصل قبل ..
بالكثير اسبوعين ..

اذا وقت الزحمه والضغط عليهم كان يوصل اسبوعين
اعتقد الحين بيوصل اسرع ..

تحياتي لك

[S A L M A N]

يعطيك العافيه بس لاهنت عندي سؤال .. شلون ارسال التلفون والانترنت ؟

[الحجاجي]

يعطيك العافيه بس لاهنت عندي سؤال .. شلون ارسال التلفون والانترنت ؟

الله يعافيك ..

ارسال التلفون اوكيه .. مقارنة بالقديم اقوى ..
مالاحظت مشكلة الإرسال إلا مرات ..

ومرات اكون مع حـد عنده القديم وارسالي توب
وهو لا ..

فما تقدر تجزم أن مشكلة الإرسال موجودة دائماً
مثل ما ذكرت في كذا مكان
تعتمد على المكان اللي انت فيه ..

/

أما الأنترنت جلست بمكان كنت استخدم القديم فيه
وما يستقبل ولا يشوف شبكة الوايرلس

اما الايفون 4 بنفس المكان صاد الشبكة ودخلت النت
وتصفحت عادي ..

/

اشوف النت اسرع ..

بالتوفيق اخوي

[مسدس ماي]

تسلم وماقصرت
شقد يبيله لين يوصل ؟

[N7eEeS]

انا طالبه 5\7 واليوم وصلني في لندن

[S A L M A N]

يعطيك العافيه الشيخ وماقصرت
وشكلي بتوكل على الله
^.^

[amany katheb]

ننطر الأبيض >_>

يعطيك العافيه ^_^

[الحجاجي]

تسلم وماقصرت
شقد يبيله لين يوصل ؟





[size="5"]خوي سلمان .. حياك الله ..
هم كاتبين في الموقع من تاريخ طلب الجهاز والموافقة عليه
3 أسابيع ..

بس ابشرك يوصل قبل ..
بالكثير اسبوعين ..

اذا وقت الزحمه والضغط عليهم كان يوصل اسبوعين
اعتقد الحين بيوصل اسرع ..

تحياتي لك




[color="navy"]انا طالبه 5\7 واليوم وصلني في لندن


مبروك / تستاهل اخوي ..

الله يوفقك

[الحجاجي]

يعطيك العافيه الشيخ وماقصرت
وشكلي بتوكل على الله
^.^

الله يعافيك /

توكل على الله

الله يوفقك ..


ننطر الأبيض >_>

يعطيك العافيه ^_^


لحـد يقلد عاااااااد :tease:

[الحجاجي]

للأسف الأيفون الأبيض ماراح ينزل إلا نهاية السنــة

بناء على تصريحات شركه أبل ..

التصريح هنا ..

http://www.apple.com/pr/library/2010/07/23iphonestatement.html


July 23, 2010
Statement by Apple on White iPhone 4

White models of Apple’s new iPhone® 4 have continued to be more challenging to manufacture than we originally expected, and as a result they will not be available until later this year. The availability of the more popular iPhone 4 black models is not affected.


مشكلة هالأبل ..

[Qatarianes]

بللل كان ودي في الابيض بس مانطرت وطلبت الاسود يلا كله واحد الا لون
الايفونين الي طلبتهم انشحنو امس ووصلو عنوان ارامكس بريطانيا اليوم
توقعت بيتأخر واايد بس انشحنو في غضون اسبوع فقط من تاريخ الشراء
الحين كم يوم يبيلهم عشان يوصلون للدوحه؟
انا كلمت ارامكس قالو يبيلهم 4-6 ايام عمل؟ شنهي ايام عملهم واجازتهم ارامكس؟
اتوقع بنص الاسبوع الياي بستلمهم على مافهمت.

[السموك]

السلام عليكم

سويت طلب ايفون 4 حجم 17 العدد واحد وكل شي اوكي بس اللي محيرني انهم ماطرشوا لي ايميل تاكيد الطلب

بس يوم شيكت على الـorder status حاطين لي Not yet shipped

معناته اقبلوا الطلب؟ وهل الايميل ياخذ له وقت؟

[Qatarianes]

ايميل التأكيد ياخذ وقت بس مب وايد وماراح يطرشون لك الايميل على طول نفسي
وانا طلبت تاريخ 21 وماكان shipped الين امس طرشو لي مسج انه سوو له شيبنج
الايميل ياخذ له وقت نعم
بالتوفيق

[السموك]

تسلم اخوي

:)

[الحجاجي]

بللل كان ودي في الابيض بس مانطرت وطلبت الاسود يلا كله واحد الا لون
الايفونين الي طلبتهم انشحنو امس ووصلو عنوان ارامكس بريطانيا اليوم
توقعت بيتأخر واايد بس انشحنو في غضون اسبوع فقط من تاريخ الشراء
الحين كم يوم يبيلهم عشان يوصلون للدوحه؟
انا كلمت ارامكس قالو يبيلهم 4-6 ايام عمل؟ شنهي ايام عملهم واجازتهم ارامكس؟
اتوقع بنص الاسبوع الياي بستلمهم على مافهمت.


مبروك الف مبروك

بالنسبة لارامكس يقولون لك اربع ايام

يومين بالكثير يوصلك

تطمن بيوصلك مسج على رقم الجوال
اللي مسجله عندهم

يفيد بوصول الشحنة
ورقمها وكم قيمـة الشحن
اذا اثنين راح يطلبون منك
101 ريال

على كل تلفون يحسبون 50 ريال شحن
وعلى فكرة حتى يوم السبت شغالين

بالتوفيق

[الحجاجي]

السلام عليكم

سويت طلب ايفون 4 حجم 17 العدد واحد وكل شي اوكي بس اللي محيرني انهم ماطرشوا لي ايميل تاكيد الطلب

بس يوم شيكت على الـorder status حاطين لي Not yet shipped

معناته اقبلوا الطلب؟ وهل الايميل ياخذ له وقت؟


وعليكم السلام والرحمه

الف مبــــــــــــــــــــــروك يالسمـــــــوك

تستاهل ..

لا تطمن ايميل التأكيد ياخذ وقت ومرااات يطول ..
بما أنهم كاتبين لك Not yet Shipped

امورك طيبه / وطلبك صحيح /
لانه لو مب صحيح يكتبون انه تنكسل الطلب ..


متى كاتبين لك بيوصل ؟

بالتوفيق

[السموك]

هلا اخوي الحجاجي

تسلم ع الرد

وهاي اللي حطوه لي

Not yet shipped
Estimated Shipping: 19 Aug, 2010
Estimated Delivery: 23 Aug, 2010

[صناعات]

انا شرتة من ابل ستور الي في الريجنت في لندن ، رحتلهم تاريخ 30/6 و حجزت من عندهم على الكمبوتر بس لازم ايكون عندك اي تونز اكاونت ، و بعد ثلاث اسابع بالضبط طرشولي ايميل ان الايفون جاهز للاستلام و رحت و استلمته من عندهم بس لازم تعمل برنت للايميل الي جاك لا انا صارتلي مشكله ما رضوا ايسلموني الايفون لاني ما جبت صورة من الايميل و ثاني يوم بعد اللجلاب مارضوا يسلموني التلفون قالولي ان الحجز بس حق وم واحد بس انا ماخليتهم تهاوشت معاهم و جابولي المدير و طلعت بالتلفون و سلامتكم*:nice::nice::nice:

[الحجاجي]

هلا اخوي الحجاجي

تسلم ع الرد

وهاي اللي حطوه لي

not yet shipped
estimated shipping: 19 aug, 2010
estimated delivery: 23 aug, 2010


مرحبا ملايين ..

لا أابشــرك

ثالث يوم برمضان باذن الله تعالى وانت مستلم التلفون ..

الله يوفقك

ورمضان كريم ..
ويا محلى برامج الأذكار / والقرأن / والأحاديث / وقمر الدين

في الايفون ..

تحياتي لك

[السموك]

مرحبا ملايين ..

لا أابشــرك

ثالث يوم برمضان باذن الله تعالى وانت مستلم التلفون ..

الله يوفقك

ورمضان كريم ..
ويا محلى برامج الأذكار / والقرأن / والأحاديث / وقمر الدين

في الايفون ..

تحياتي لك

ويوفقك اخوي وماقصرت على المساعدة :)

[a777a]

Mashkooooooor

[The Queen]

اخول الحجاجي

لما وصل الايفون لاراميكس ببيرطانيا كم خذا له لين ماوصل لارامكس الدوحة

لأن حاليا ايفوني في kg4

[meshwar]

الله يوفقك

وجزاك الله خير

[الحجاجي]

ويوفقك اخوي وماقصرت على المساعدة :)


الســمــوك

تستاهل الطيب اخوي ..

والأعضاء يستاهلون ..

اتمنى يوصلك تلفونك بالسلامه ..

mashkooooooor



/ العفو اخوي ..

واجبنا نعين ونعاااون ..

/

[الحجاجي]

اخول الحجاجي

لما وصل الايفون لاراميكس ببيرطانيا كم خذا له لين ماوصل لارامكس الدوحة

لأن حاليا ايفوني في kg4

هلا اختي ..

على كلامهم اربعة ايام ..

بس يوصل في يومين ..

راح تتفأجين بمسج ارامكس انه وصل التلفون

وقيمـة الشحن للتلفون الواحـد 50 ريال ..

بالتوفيق ..

[صبي الهوامير]

كم بتخلص اخوي تلفونك الي بيوصل

[الـقـاسـي]

الله يعطيك العافيه يالحجاجي ... لكن بسئلك اخوي انا ماعندي حساب في ارامكس وابي اطلب الايفون من بريطانيا وانا في امريكا حاليا هل ينفع احط عنواني في امريكا بيمشي الحال ولا لازم استخدم ارامكس ..
مابي مال امريكا لانه لوك ولازم at@t وانا كرتي t-mobile

[الحجاجي]

كم بتخلص اخوي تلفونك الي بيوصل

هلا الشيخ ..

التلفونات جزاك الله خير انباعو من زمان

والله يوفق للي اشتروهم ..

حياك الله

[الحجاجي]

الله يعطيك العافيه يالحجاجي ... لكن بسئلك اخوي انا ماعندي حساب في ارامكس وابي اطلب الايفون من بريطانيا وانا في امريكا حاليا هل ينفع احط عنواني في امريكا بيمشي الحال ولا لازم استخدم ارامكس ..
مابي مال امريكا لانه لوك ولازم at@t وانا كرتي t-mobile

السلام عليكم .. مرحبا اخوي القاسي
صباح الخير ..

الله يعافيك ..
معاك حق بالنسبة للمقفول من الشركـة ..

شوف اخوي عندك حلين ..
الأول أنك تفتح لك حساب أرامكس في الدوحة سواء لك أو لأي احـد
ويوصل التلفون الدوحة عقب يرسله لك بالطريقة المعتادة ..
وهذا الحل طويل .. وأكيد انت فكرت فيه ..

/

الحل الثاني ..
أنك تشوف نفس نظام أرامكس بس بين بريطانيا وامريكا ..
بحيث يكون عندك عنوان في بريطانيا للشراء ويرسلون لك اغراضك
مباشرة لعنوانك بامريكا ..

/

لأنـه ما يصير / الأستور البريطاني بس يشــحن مجاناً داخل بريطانيا /

/
بسئل لك الربع هناك بامريكا ..
ودورت لك بالنت .. شيك على هالشركات يالغالي وطمني ..
Mail Forwarding, MyUS, Borderlinx, International Checkout and MyUSPostBox

وأغلب الظــن
/www.borderlinx.com
اللي تستخدمها DHL عشان تشتري من امريكا
عندهم هالخدمه بس مب متأكد ..

يسون لك نفس الحركه
يشترون لك من بريطانيا ويعطونك حساب ..

بس تأكد .. وطمني ..

وإذا حصلت شيء من صوبي ابشر ..

بالتوفيق ..

وحياك الله


ملاحـظة : اخوي انا سمعت أن بولاية كاليفورنيا فيه أماكن تبيع الايفون مفتوح رسمي ؟
هل سمعت بهالشيء ؟

[S A L M A N]

انا توكلت على الله

وطلبته وكاتبين لي تاريخ 24/8 بيوصلني الدوحة

يعطيك العافيه ولحد الحين الامور اوكي .. بس جانزين يطرشون البمبر وياه !

وأول مايصير اي ابديت بكتبه لكم عشان تعرفون كم يوم بالظبط عشان يطرشونه ..
وعلى فكرة لولا موضوعك كان مافكرت اشتري !!

لاهنت

[السموك]

انا توكلت على الله

وطلبته وكاتبين لي تاريخ 24/8 بيوصلني الدوحة

يعطيك العافيه ولحد الحين الامور اوكي .. بس جانزين يطرشون البمبر وياه !

وأول مايصير اي ابديت بكتبه لكم عشان تعرفون كم يوم بالظبط عشان يطرشونه ..
وعلى فكرة لولا موضوعك كان مافكرت اشتري !!

لاهنت


نفس الحالة والله وماقصر اخونا الحجاجي

شط الكل ع الـiphone 4 :victory:

ويوصل تلفونك بالسلامة :)

[S A L M A N]

الله يسلمك مثل ما قال أخونا الحجاجي في شرحه ...




http://www.alhajjaji.net/sp/wp-content/uploads/2010/07/iphone7.jpg





اذا اخترت العنوان من القائمة راح يتعرفون على ان العنوان تابع لأرامكس ويلغون الطلب ...

لكن اذا اخترت click here ... ما راح ينلغي الطلب ان شاء الله ...




بخصوص اني اخترت العنوان الي فوق ارامكس .. ومشى ولحد الحين ماجاني شي انه تكنسل ..

اذا بيتكنسل .. بيكنسلونه بنفس الوقت ولا عقب كمن يوم ؟؟

[eqahtani]

انا سويت كل شي بس توهقت نسيت احط عنواني مال الدوحه مال ارمكس حطيت مال لندن

شالحل ؟؟

[الحجاجي]

بخصوص اني اخترت العنوان الي فوق ارامكس .. ومشى ولحد الحين ماجاني شي انه تكنسل ..

اذا بيتكنسل .. بيكنسلونه بنفس الوقت ولا عقب كمن يوم ؟؟


اخوي سلمان ..

أيميل التأكد ياخذ يوم أو يومين بالكثير ..

ومرات يـتأخر ..

أحد أعضاء منتدانا طلبنا له في الليل يوم الخميس ..

ووصله التأكيد على الأيميل الجمعه العصر ( حسب ما أكد لي )

/

تقدر تدخل على حــالة حســـابك وتتأكد إذا مكتوب انه تكنسل ولا لا ..

/
ما يكنسلون بنفس اليوم /

/

أعتقد يوم أو يومين .. لين يتم التأكد من المعلومات ..
/

عموماً تطمن .. الصبــر زين ..

عطهم يومين بعــد ( مع مراقبـة حالـة الطلب عندك )
إذا ما وصلك طلب التأكيد ..( تأكد أن ما وصلك على الجنك ميل junk Mail )

أتصل عليهم للأستفسـار
عن طريق برنامج الأسكايبي ..

وعطهم رقم الطلب .. وقول لهم ما وصلني طلب التأكيد
ولا تقول لهم شيء ثاني انك اخترت كذا وكذا ..

/
وطمنا أشصار معاااك لو تكرمت

/

كل الود

[S A L M A N]

اخوي سلمان ..

أيميل التأكد ياخذ يوم أو يومين بالكثير ..

ومرات يـتأخر ..

أحد أعضاء منتدانا طلبنا له في الليل يوم الخميس ..

ووصله التأكيد على الأيميل الجمعه العصر ( حسب ما أكد لي )

/

تقدر تدخل على حــالة حســـابك وتتأكد إذا مكتوب انه تكنسل ولا لا ..

/
ما يكنسلون بنفس اليوم /

/

أعتقد يوم أو يومين .. لين يتم التأكد من المعلومات ..
/

عموماً تطمن .. الصبــر زين ..

عطهم يومين بعــد ( مع مراقبـة حالـة الطلب عندك )
إذا ما وصلك طلب التأكيد ..( تأكد أن ما وصلك على الجنك ميل junk Mail )

أتصل عليهم للأستفسـار
عن طريق برنامج الأسكايبي ..

وعطهم رقم الطلب .. وقول لهم ما وصلني طلب التأكيد
ولا تقول لهم شيء ثاني انك اخترت كذا وكذا ..

/
وطمنا أشصار معاااك لو تكرمت

/

كل الود


الغالي انا شريت التلفون فالليل .. و وصلني هذا الايميل الصبح .. واخصموا الفلوس

http://www.alhajjaji.net/sp/wp-content/uploads/2010/07/iphone9.jpg

ولحد الحين ماجاني اي شي ثاني
وحالتي not yet shiped .. بس انا متاكد مختار من الربع فوق عنوان اراميكس .. فـ مادري !

[الحجاجي]

انا سويت كل شي بس توهقت نسيت احط عنواني مال الدوحه مال ارمكس حطيت مال لندن

شالحل ؟؟

من كلامـــك أن عندك عنوان بريطاني ثاني غير عنوان أرامكس ..

/

اخوي الحل بسيط طــال عمـــرك ..
طلبك للحين ما بــدأ فعلاً عملية الشــحن ..

كل اللي مطلوب منك يالغالي

تتصل عليهم تلفون عن طريق برنامج الأسكايبي ( مجاناً ) www.skype.com

وتقول لهم إن عــندك تعــديل بسيط على طلبك
والتعديل في تغيير عنوان الــشحن
من عنوانك البريطاني إلى عـــنوانك بأرامكس لتواجـدك خارج الدولة حالياً ..

/
وتعطيهم البيانات بالضبط حسب ما محطوطه في الشرح خانـة خانــة ..
/

بعدها راح يعتمدون لك العنوان الجـديد

عشان تدخل تتأكــد منه إدخل على حالـة حســـابك
وشوف عنوان الشـحن بعد التعديل ..

/

تحياتي لك بالتوفيق

[الحجاجي]

الغالي انا شريت التلفون فالليل .. و وصلني هذا الايميل الصبح .. واخصموا الفلوس

http://www.alhajjaji.net/sp/wp-content/uploads/2010/07/iphone9.jpg

ولحد الحين ماجاني اي شي ثاني
وحالتي not yet shiped .. بس انا متاكد مختار من الربع فوق عنوان اراميكس .. فـ مادري !

خرعتني اخوي سلمااااااااان :anger1:

الحمدلله أمورك طيبــــة يالغالي ..

دام وصلك أيميل التأكيد

معناته طلبك الحمدلله ماشيه اموره ... وما تكنسل ..

وبخصوص انك اخترت العنوان اللي فوق ..

أعتقد إذا ما خاب ظني
أنهم غيرو سياستهم وسمحـو بالشراء على صناديق البريد الخاصة بارأمكس ..
وانا أفضل أن العضو يضغط الزر اللي تحت click here

ليش ...

لان فيه شغلة ثانية عشان الأعضاء ينتبهــون

أنتبهت عليها واحنا نطلب لأحـد أعضاء المنتدى أيفون ( ناسي اسمه الله يوفقه ويجزاه خير )

أن البوست كــود الخاص في حسـابه بأرامكس

غير عن اللي انا حــاطه في هالموضوع

بالتالي أرامكس عندهم هناك مقرين ..

شوف الصورة ..

http://www.alhajjaji.net/sp/wp-content/uploads/2010/07/mapz.jpg


في الآخير

تمنياتي لك بالتوفيق ..

وشكراً على المداخـــة اللي أكـيد أخوانك الأعضاء بيستفيدون منها ..

[الحجاجي]

نفس الحالة والله وماقصر اخونا الحجاجي

شط الكل ع الـiphone 4 :victory:

ويوصل تلفونك بالسلامة :)

السمـــوك ..

العفو ما سويت شيء .. تستاهلون الخير ..

والسموحـــة الموزيلا عفس الردود علي
وما شفت ردك إلا الحـــــــين ..

الله يوفقك ..
ويوفق أخوي سلمان ..

[The Queen]

ياشباب ممكن مساعدة


انا اتصلت امس بارامكس عشان عندي مشكلة في الاكاونت وهي اني اذا اروح على الـ shop & ship يطلع لي You have no available Shop&Ship account.

فقالوا لي روح shopping service وبعدين shop&ship وبعدين my account details

وطلع لي نفس الشي You have no available Shop&Ship account.

فطلبوا مني رقم صندوق البريد اللي عطوني اياه

وقالوا ان الصندوق تبعك شغال

بس انا ما بتاكد الا اذا احد منكم جرب الشي باكاونته عشان اشوف هل يطلع له نفسي ولا لا

[eqahtani]

من كلامـــك أن عندك عنوان بريطاني ثاني غير عنوان أرامكس ..

/

اخوي الحل بسيط طــال عمـــرك ..
طلبك للحين ما بــدأ فعلاً عملية الشــحن ..

كل اللي مطلوب منك يالغالي

تتصل عليهم تلفون عن طريق برنامج الأسكايبي ( مجاناً ) www.skype.com

وتقول لهم إن عــندك تعــديل بسيط على طلبك
والتعديل في تغيير عنوان الــشحن
من عنوانك البريطاني إلى عـــنوانك بأرامكس لتواجـدك خارج الدولة حالياً ..

/
وتعطيهم البيانات بالضبط حسب ما محطوطه في الشرح خانـة خانــة ..
/

بعدها راح يعتمدون لك العنوان الجـديد

عشان تدخل تتأكــد منه إدخل على حالـة حســـابك
وشوف عنوان الشـحن بعد التعديل ..

/

تحياتي لك بالتوفيق



هلا اخوي لا عطيتهم عنواني مال ارمكس البريطاني بس ماكتبت توضيح فيه علشان يرسلونه من بريطانيا على الدوحه

يعني يسير اكلم ارمكس يدزونه من عنواني الي عندهم من بريطانيا على الدوحه
ولا هم دايركت بيرسلونه لي على الدوحه

[كلنا قطـر]

^^

لا اخوي ارامكس من نفسهم بيطرشونه لك من البريد البريطاني الى قطر

[Qatarianes]

وصلو الايفونيين اليوم والحين هم بيدي
ترا النظام سريع مب مثل مانتوقع ومن جد نصيحه اطلبو من النت ارخص وماخذى مني اصلا الا عشر ايام ووصلني
يعني انا شريت من النت بتاريخ 21 سبعه
انشحن بتاريخ 28 سبعه ( اسبوع فقط مب مثل ماقالو من 11 الى 18 اغسطس)
ووصلني اليوم
بس كيوتل النشبه ماقدرو يحولون كروتي لمايكرو سيم عشان اركبهم
بدور وبلف بالنت شلون اقص شريحتي العاديه

[الـقـاسـي]

السلام عليكم .. مرحبا اخوي القاسي
صباح الخير ..

الله يعافيك ..
معاك حق بالنسبة للمقفول من الشركـة ..

شوف اخوي عندك حلين ..
الأول أنك تفتح لك حساب أرامكس في الدوحة سواء لك أو لأي احـد
ويوصل التلفون الدوحة عقب يرسله لك بالطريقة المعتادة ..
وهذا الحل طويل .. وأكيد انت فكرت فيه ..

/

الحل الثاني ..
أنك تشوف نفس نظام أرامكس بس بين بريطانيا وامريكا ..
بحيث يكون عندك عنوان في بريطانيا للشراء ويرسلون لك اغراضك
مباشرة لعنوانك بامريكا ..

/

لأنـه ما يصير / الأستور البريطاني بس يشــحن مجاناً داخل بريطانيا /

/
بسئل لك الربع هناك بامريكا ..
ودورت لك بالنت .. شيك على هالشركات يالغالي وطمني ..
Mail forwarding, myus, borderlinx, international checkout and myuspostbox

وأغلب الظــن
/www.borderlinx.com
اللي تستخدمها dhl عشان تشتري من امريكا
عندهم هالخدمه بس مب متأكد ..

يسون لك نفس الحركه
يشترون لك من بريطانيا ويعطونك حساب ..

بس تأكد .. وطمني ..

وإذا حصلت شيء من صوبي ابشر ..

بالتوفيق ..

وحياك الله


ملاحـظة : اخوي انا سمعت أن بولاية كاليفورنيا فيه أماكن تبيع الايفون مفتوح رسمي ؟
هل سمعت بهالشيء ؟



يعطيك الف عافيه اخوي الحجاجي والله لايهينك ..
واذا عرفت طريقه لاتنساني وانا بشوف هالمواقع وبتصل بشوف اذا في حد من الربع في كالفورنيا لان خبرك اجازت واكثرهم يردون ..
انا حجزت اول مانزلوهم لكن مقفول فماخذته خذوه الربع بدالي ..

[Breakaway]

وصلو الايفونيين اليوم والحين هم بيدي
ترا النظام سريع مب مثل مانتوقع ومن جد نصيحه اطلبو من النت ارخص وماخذى مني اصلا الا عشر ايام ووصلني
يعني انا شريت من النت بتاريخ 21 سبعه
انشحن بتاريخ 28 سبعه ( اسبوع فقط مب مثل ماقالو من 11 الى 18 اغسطس)
ووصلني اليوم
بس كيوتل النشبه ماقدرو يحولون كروتي لمايكرو سيم عشان اركبهم
بدور وبلف بالنت شلون اقص شريحتي العاديه


الله يعينك على قص الكرت، أنصحك تشتري مقص جديد
http://img62.imageshack.us/img62/359/img0188fa.jpg

http://img412.imageshack.us/img412/5572/img0189kn.jpg

[الحجاجي]

ياشباب ممكن مساعدة


انا اتصلت امس بارامكس عشان عندي مشكلة في الاكاونت وهي اني اذا اروح على الـ shop & ship يطلع لي You have no available Shop&Ship account.

فقالوا لي روح shopping service وبعدين shop&ship وبعدين my account details

وطلع لي نفس الشي You have no available Shop&Ship account.

فطلبوا مني رقم صندوق البريد اللي عطوني اياه

وقالوا ان الصندوق تبعك شغال

بس انا ما بتاكد الا اذا احد منكم جرب الشي باكاونته عشان اشوف هل يطلع له نفسي ولا لا

مرحبا اختي ..

ما يحتاج تدخلين الأكاونت الخاص فيج
بمجرد وصوله بيرسلون لج مسج ..

وتروحين تستلمينه ..

وبيوصلج أعتقد ايميل اذا انتي مفعلة خدمة الأيميل ..

جربي ادخلي من هنا
http://www.aramex.com/inbox/default.aspx

بالتوفيق

[الحجاجي]

هلا اخوي لا عطيتهم عنواني مال ارمكس البريطاني بس ماكتبت توضيح فيه علشان يرسلونه من بريطانيا على الدوحه

يعني يسير اكلم ارمكس يدزونه من عنواني الي عندهم من بريطانيا على الدوحه
ولا هم دايركت بيرسلونه لي على الدوحه


^^

لا اخوي ارامكس من نفسهم بيطرشونه لك من البريد البريطاني الى قطر


كلام صحيح ..

أرامكس اي شيء يوصلك صندوق بريدك أو عنوانك ببريطانيا أو امريكا
يرسلونه مباشرة للدوحـــة ..
ويوصلك مسج برقم الشحن وقيمة الشحن ..
للاستلام ..

بالتوفيق

[الحجاجي]

وصلو الايفونيين اليوم والحين هم بيدي
ترا النظام سريع مب مثل مانتوقع ومن جد نصيحه اطلبو من النت ارخص وماخذى مني اصلا الا عشر ايام ووصلني
يعني انا شريت من النت بتاريخ 21 سبعه
انشحن بتاريخ 28 سبعه ( اسبوع فقط مب مثل ماقالو من 11 الى 18 اغسطس)
ووصلني اليوم
بس كيوتل النشبه ماقدرو يحولون كروتي لمايكرو سيم عشان اركبهم
بدور وبلف بالنت شلون اقص شريحتي العاديه

مبـــــــــــــــــــــــروك ..

سبق وذكرت أكثر من مرة

أن 3 اسابيع مب اساسية

وان الايفون يوصل قبل هالمدة بكثير .. نفس ما صار معاي ..

مبروك اخوي ..

بالنسبة لكيوتل ورطـة ما يعرفون شسالفة يقولون ماعندنا

مع انه عندهم .. ويقولك لا هي بس داتا .. مب اتصال ..
ولكن كلم حـد داخل من المسؤولين يمشونك ..

أعتقد الأخ فهـد اخذها من كيوتل ( مايكروسيم ) ياليت ياكد لنا هالشي ء ..

صار معاااي نفس ما صار معاك

وقلت لا فودافون على طول ..

وشغلته على فودافون ...

/

وطريقة القص بسيطة ومب معقدة ..


بالتوفيق

[الحجاجي]

يعطيك الف عافيه اخوي الحجاجي والله لايهينك ..
واذا عرفت طريقه لاتنساني وانا بشوف هالمواقع وبتصل بشوف اذا في حد من الربع في كالفورنيا لان خبرك اجازت واكثرهم يردون ..
انا حجزت اول مانزلوهم لكن مقفول فماخذته خذوه الربع بدالي ..

مرحبا اخوي القاااسي .

أتذكر موضوعك ..

إن شاء الله بدور لك واحاول اساعدك ..

قدر الأمكان ..

تحياتي لك وبالتوفيق

[عايش عمره]

وصلو الايفونيين اليوم والحين هم بيدي
ترا النظام سريع مب مثل مانتوقع ومن جد نصيحه اطلبو من النت ارخص وماخذى مني اصلا الا عشر ايام ووصلني
يعني انا شريت من النت بتاريخ 21 سبعه
انشحن بتاريخ 28 سبعه ( اسبوع فقط مب مثل ماقالو من 11 الى 18 اغسطس)
ووصلني اليوم
بس كيوتل النشبه ماقدرو يحولون كروتي لمايكرو سيم عشان اركبهم
بدور وبلف بالنت شلون اقص شريحتي العاديه


غريبة انا محول بطاقتي عندهم ب 50 ريال في الوكره ونفس الوقت يعطونك اياه اخوي !! غريبه

[الحجاجي]

غريبة انا محول بطاقتي عندهم ب 50 ريال في الوكره ونفس الوقت يعطونك اياه اخوي !! غريبه

لا تستغرب اخوي ...
بعضهم ولا يدري شالطبخــة ..

هذا اللي صار معاي فرع الاند مارك ..

يقولون ماعندهم ..

فريحت راسي وركبت فودافون ..

[بولينجر]

بانتظار هالايفون.... اول حطوا تاريخ 4 توقع الوصول... وغيروه لتاريخ 6 والحين صار 7.... الله كريم يوصل بالسلامة.....

[Qatarianes]

غريبة انا محول بطاقتي عندهم ب 50 ريال في الوكره ونفس الوقت يعطونك اياه اخوي !! غريبه

والله هذا حظي هههههههه
رحت اللاند مارك قالو مخلصه جيك الفروع الثانيه
رحت الستي طلع الكروت جدامي بس لما قام يدخل السيستم ماله عشان يحول ارقامي مايكرو سيم يطلع له ايرور مادري وشو وقال ماقدر تعال عقب يومين او ثلاثه:rolleyes2:
والله شكلي بضرب خط من ازغوى لين كيوتل الوكره بكره:anger1:

[الحجاجي]

مــــــــــبروك لكل الأيفونيين

نزول الجليبريك للـ ios 4 , 4,01

وأيضاً فتح الشبكـــة للأجهزة المقفولة بعد عمل الجليبريك...

http://www.qatarshares.com/vb/showthread.php?t=387032

[الحجاجي]

السلام عليكم ورحمه الله وبركاته
انا طالبه من تاريخ 18-7 ولحد الحين مانشحن

وعليكم السلام ورحمه الله وبركاته ..

ما يصير اخوي ..

معقولة ما وصلك ايميل بدأ الشحن ؟؟
هل تأكدت من الايميل ما وصلك على الجنك ميل Junk Mail

قبل هذا شنو مكتوب عندك لما تدخل على حالة حسابك ؟؟

http://www.alhajjaji.net/sp/wp-content/uploads/2010/07/iphone10.jpg

شنو مكتوب ياليت تنسخ لنا ..

وحياك الله

[Qtr]

السلام عليكم ورحمه الله وبركاته
انا طالب من تاريخ 18-7 ولين الحين مانشحن

[Qtr]

مشكور اخوي على الرد

مكتوب عندي Not yet shipped
وانا طالب تلفونين

[الارض]

الشيخ ممكن سؤال

انا فبريطانيا اقدر اشتريه بنفس السعر اللي من الموقع بنفسي من المحل ؟

[القناوي]

السلام عليكم ورحمة الله وبركاته
اخوي الحجاجي مشكور عالموضوع وعالمساعدة الطيبة منك
ولو سمحت اخوي تساعدني انا اطلب الآيفون 3 جي اس 16 أو 32 جيجا من أمريكا أو برطانيا
بس ابغي مساعدتك ابي اعرف السعر بالقطري كم واشلون اطلبه ؟ وابغيه يوصل لي قبل نهاية شهر 8 عشان اعطيه هديه لشخص عزيز راح يسافر بلاده
فارجو الرد وجزاك الله خير

[الحجاجي]

مشكور اخوي على الرد

مكتوب عندي Not yet shipped
وانا طالب تلفونين

مرحبا الغالي ..
رديت عليك عالخاص ..
وتطمن تلفونك ماعليه مشاكل

بينشحن قريب .. ترقب الايميل .. بهالشيء ..



الشيخ ممكن سؤال

انا فبريطانيا اقدر اشتريه بنفس السعر اللي من الموقع بنفسي من المحل ؟


مرحبا الغالي ..
نعم بنفس السعر / ثابت ما يتغير /
اما من ناحية الشراء يجب عليك شراءه من ابل ستور فقط .. عشان تضمن انه مفتوح رسمي
اعتقد فيه زحمه على الشراء مر عليهم الاستور وحاول تشتريه مباشرة ..
اذا مب متوفر ورفضوا اطلبه عن طريق موقعهم على الانترنت نفس الشرح في الصفحة الأولى
وحط عنوانك البريطاني .. وانتظره اسبوعين ..
لان التلفون يجي من الشركة المصنعة بالصين ..



السلام عليكم ورحمة الله وبركاته
اخوي الحجاجي مشكور عالموضوع وعالمساعدة الطيبة منك
ولو سمحت اخوي تساعدني انا اطلب الآيفون 3 جي اس 16 أو 32 جيجا من أمريكا أو برطانيا
بس ابغي مساعدتك ابي اعرف السعر بالقطري كم واشلون اطلبه ؟ وابغيه يوصل لي قبل نهاية شهر 8 عشان اعطيه هديه لشخص عزيز راح يسافر بلاده
فارجو الرد وجزاك الله خير


القناوي .. وعليكم السلام والرحمه ..
السعر بالقطري يتغير اخوي بتغيير العملة البريطانية ..
السعر حتى اليوم
للـ 16 جيجا 499 جنيه= 2886 ريال قطري
والـ 32 بـ599 جنيه = 3,464ريال قطري

تاكد من هالموقع
http://www.xe.com/ucc/convert.cgi?Amount=599&From=GBP&To=QAR

بالنسبة لمساعدتك ..
راجع الصفحة الأولى .. ووفر المتطلبات ..
وراسلني وبساعدك ..

وحياك الله

[القناوي]

ألف شكر لك أخوي الحجاجي
ويعطيك العافية على أخلاقك العالية
وجزاك الله كل خير

[S A L M A N]

السلام عليكم ورحمه الله وبركاته
انا طالب من تاريخ 18-7 ولين الحين مانشحن

:(:eek5:

[الحجاجي]

ألف شكر لك أخوي الحجاجي
ويعطيك العافية على أخلاقك العالية
وجزاك الله كل خير

العفو اخوي .. وحياك الله ..

تسلم على الدعوة

[Qatarianes]

السلام عليكم شباب
قبل شوي ابي اسوي طلب في الايفون فور مالي على الـ bumper
بس بالغلط قبل لا اعدل معلومات الشحن ( والي كانت معلومات بريطانيا )
سويت place order يعني الحين بيطرشه لعنوان غير مب لي حالياً
كيف ممكن اتواصل مع ابل عشان اغير العنوان
هل هناك طريقه اتواصل معاهم بالتلفون لاني حاولت اتصل بالرقم الي موجود بالبرنامج بس ماعرفت له
الي يعرف الله لا يهينه يقولي طريقه للتواصل المباشر معاهم
جربت هالرقم 18006762775 مادق لي

اتمنى الرد في اسرع وقت بليز :)

[الحجاجي]

السلام عليكم شباب
قبل شوي ابي اسوي طلب في الايفون فور مالي على الـ bumper
بس بالغلط قبل لا اعدل معلومات الشحن ( والي كانت معلومات بريطانيا )
سويت place order يعني الحين بيطرشه لعنوان غير مب لي حالياً
كيف ممكن اتواصل مع ابل عشان اغير العنوان
هل هناك طريقه اتواصل معاهم بالتلفون لاني حاولت اتصل بالرقم الي موجود بالبرنامج بس ماعرفت له
الي يعرف الله لا يهينه يقولي طريقه للتواصل المباشر معاهم
جربت هالرقم 18006762775 مادق لي

اتمنى الرد في اسرع وقت بليز :)

مرحبا ..

ما فهمت أشلون بيطرشونه لعنوان غير عنوانك ..
انت سويت place order
والمعلومات هي نفسها للحين عنوانك ببريطانيا

بالتالي بيرسلونه لك على عنوانك ببريطانيا ..

إلى أي عنوان تبي تغيره

اللي اعرفه وسمعته
انه بس لأمريكا وبريطانيا الشحن ..

يعني ماتقدر تحط عنوانك على الدوحة ..

/

ما جربت بصراحه أعدل معلوماتي لأني لما دخلت وشيكت /
طلع لي عنواني اللي عليه بطاقة الفيزا (امريكا)
مع أن معلومات الشحن ( بريطانيا )

/

جرب تدخل مرة ثانية وتشوف هل فيه أمكانيه للتعديل

/

بالنسبة لرقم الأتصال جرب الرقم اللي في هالموضوع أول صفحة ..


وقول لنا اشصار معاك ..

[Qatarianes]

مرحبا تم التحدث مع موظف ابل بالسكايبي
وعدلت العنوان المرسل اليه البمبر
شكراً يالحجاجي :d

[شـــوق]

وصلو الايفونيين اليوم والحين هم بيدي
ترا النظام سريع مب مثل مانتوقع ومن جد نصيحه اطلبو من النت ارخص وماخذى مني اصلا الا عشر ايام ووصلني
يعني انا شريت من النت بتاريخ 21 سبعه
انشحن بتاريخ 28 سبعه ( اسبوع فقط مب مثل ماقالو من 11 الى 18 اغسطس)
ووصلني اليوم
بس كيوتل النشبه ماقدرو يحولون كروتي لمايكرو سيم عشان اركبهم
بدور وبلف بالنت شلون اقص شريحتي العاديه

ماشاء الله حظك حلـــو ،، انا طلبت آيفون بتاريخ 21/7 ،، كانوا بالاول حاجزين المبلغ من الفيزا وبعد مرور اسبوع بالضبط لاحظت انهم فكوا الحجز عن المبلغ ،، ولا ادري الحين هل طلبي بيمشي ولا لأ

[hrbi]

يعطييييك الف عاااااااافيه يالحجااجي كفيت ووفيييت

[hrbi]

الحجاجي ممكن ايميلك

[Index Signal]

جزاك الله ١٠٠٠ خير ..

الحمدلله إني قريت موضوعك قبل ما أشتري ..

الفيزا موجوده و حساب أرامكس موجود و حساب الأي تونز موجود .

[Qatarianes]

ماشاء الله حظك حلـــو ،، انا طلبت آيفون بتاريخ 21/7 ،، كانوا بالاول حاجزين المبلغ من الفيزا وبعد مرور اسبوع بالضبط لاحظت انهم فكوا الحجز عن المبلغ ،، ولا ادري الحين هل طلبي بيمشي ولا لأ

فكو الحجز شلون يعني؟ رجعو الفلوس؟ اذا اي ماتوقع الطلب بيمشي
نصيحه اذا للحين بيندج طلبج او ماتوقف تتواصلين معاهم ع الرقم الي حطيته باخر رد لي وهو موجود نفسه في بداية هالموضوع ( رقم ستور ابل بريطانيا اي استفسار واي مساعده)
وفعلاً كنت محظوظ خصوصاً لما اشوف ردود الي الاعضاء عن التأخير مع انهم طلبو قبلي
موفقه ووافينا باخر مستجداتج عشان كلنا نفيد ونستفيد

[الحجاجي]

ماشاء الله حظك حلـــو ،، انا طلبت آيفون بتاريخ 21/7 ،، كانوا بالاول حاجزين المبلغ من الفيزا وبعد مرور اسبوع بالضبط لاحظت انهم فكوا الحجز عن المبلغ ،، ولا ادري الحين هل طلبي بيمشي ولا لأ

السلام عليكم ..
مرحبا اختي شوق ..

تطمني اختي ..

غالباً ايفونك عبارة عن الـ 32 جيجا
واللي لاحظته ان
الـ 16 ينشحن قبل موعده ويوصل بدري ..

اما الـ32 يتأخر ..

/

أختي الكريمه ..

ابشرك
طلبك اوكيه .. على حسب التاريخ المذكور

وبما أنهم فكو الرهن عن المبلغ معناته راح يبدأون بالشحن خلال يومين بالكثير
ومن ثم سحــب المبلغ كامل ..
هذا ما لاحظته من نظامهم ..

تحملي اختي تسحبين المبلغ خلال هاليومين
وتأكدي ان المبلغ يغطي وزيادة عشان فرق العملة زيادة او نقصان ...

وانتظري ايميل بدأ الشحــن خلال هاليومين ..

بالتوفيق ..

[الحجاجي]

يعطييييك الف عاااااااافيه يالحجااجي كفيت ووفيييت

مرحبا اخوي
الله يعافيك وحياك الله ..



جزاك الله ١٠٠٠ خير ..

الحمدلله إني قريت موضوعك قبل ما أشتري ..

الفيزا موجوده و حساب أرامكس موجود و حساب الأي تونز موجود .

الله يوفقك اخوي .. ويجزاك الخير ..

توكل على الله واذا فيه شيء حاضر ..

[Index Signal]

تم الطلب و ما قصرت يالحجاجي .. شرحك كان جدا وافي بيض الله وجهك ..

لكن أنا صادتني مشكله حبيت أذكرها للإفاده و الإستفاده ..

لما حطيت بيانات الفيزا رفضها الموقع و طلب إني أستخدم بطاقه ثانيه ..

إستخدمت الماستر و قبلها بدون مشاكل و وصلني التأكيد عالإيميل ..

لكن المشكله إن وصلني مسج من البنك إن الخصم على بطاقة الفيزا تم ..!!

و لما إتصلت عالبنك أتأكد قالي إن الخصم تم من الفيزا ..!!

شرحت للموظف إن طلبي ما إنقبل عالموقع قال هذا بينك و بين الموقع إشرح لهم المشكله و بيرجعون المبلغ ..

حاولت أتصل على الرقم الموجود عالموقع لكن تميت عالهولد أكثر من نص ساعه بدون رد ..

بحثت عن إيميل لمراسلتهم ما لقيت عالموقع البريطاني ..

حد صاده نفس هالموقف ..؟ ممكن حد يفيدني بطريقه للتواصل معاهم ..؟

[الحجاجي]

فكو الحجز شلون يعني؟ رجعو الفلوس؟ اذا اي ماتوقع الطلب بيمشي
نصيحه اذا للحين بيندج طلبج او ماتوقف تتواصلين معاهم ع الرقم الي حطيته باخر رد لي وهو موجود نفسه في بداية هالموضوع ( رقم ستور ابل بريطانيا اي استفسار واي مساعده)
وفعلاً كنت محظوظ خصوصاً لما اشوف ردود الي الاعضاء عن التأخير مع انهم طلبو قبلي
موفقه ووافينا باخر مستجداتج عشان كلنا نفيد ونستفيد

كلام صحيح
يفكون الحجز على الفلوس
عشان يسحبونها

لانهم بيبدأون بالشحن ..
وبيرسلون الايميل الخاص بالشحن ورقم متابعة الشحنـة ..

كلها يومين بالكثير ..

وفعلاً الشحنات اللي من تاريخ 18-7 تاخرت بالذات الايفون 32 جيجا ..

بالتوفيق ..

[الحجاجي]

تم الطلب و ما قصرت يالحجاجي .. شرحك كان جدا وافي بيض الله وجهك ..

لكن أنا صادتني مشكله حبيت أذكرها للإفاده و الإستفاده ..

لما حطيت بيانات الفيزا رفضها الموقع و طلب إني أستخدم بطاقه ثانيه ..

إستخدمت الماستر و قبلها بدون مشاكل و وصلني التأكيد عالإيميل ..

لكن المشكله إن وصلني مسج من البنك إن الخصم على بطاقة الفيزا تم ..!!

و لما إتصلت عالبنك أتأكد قالي إن الخصم تم من الفيزا ..!!

شرحت للموظف إن طلبي ما إنقبل عالموقع قال هذا بينك و بين الموقع إشرح لهم المشكله و بيرجعون المبلغ ..

حاولت أتصل على الرقم الموجود عالموقع لكن تميت عالهولد أكثر من نص ساعه بدون رد ..

بحثت عن إيميل لمراسلتهم ما لقيت عالموقع البريطاني ..

حد صاده نفس هالموقف ..؟ ممكن حد يفيدني بطريقه للتواصل معاهم ..؟

مرحبا اخوي ..

المشكلة اللي صارت ان بعض الفيزا أصدار الدوحة ما تمشي ..
ويكون فيها اشكاليه ..

صار معاي هالشكل بس ما انخصم المبلغ ..
لما طلبت الايفون
والرفض كان ان اللميت اكثر من اللي انا مفروض اشتريه في اليوم الواحـد

اما في حالتك .. غريبة ان المبلغ انخصم ..
عموماً ..
تطمن ..
في المرة الاولى اللي طلبت صار معاي نفس الفلم
حجزوا المبلغ .. رغم ان طلبي تكنسل والسبب العنوان خطأ

واتصلت فيهم .. رغم الضغط اللي عليهم
وتميت على الهولد
وكلمتهم عشان المبلغ ..
وبالفعل فتحو لي تكت ticket عندهم لقسم الحسابات
عشان استرجاع أو فك الحجز على المبلغ
وبالفعل ثاني يوم والمبلغ في الفيزا

بعد التأكد ان المبلغ المحجوز اساساً لطلب ملغي ..

/

في حالتك نفس الشيء راح يشيكون في السيستم
ان طلبك الموافق عليه تم عن طريق فيزا ثانية اللي هي الماستر

بالتالي كل اللي بيسوونه انهم راح يعجلون لك بفك حجز المبلغ

ولا المبلغ بيرجع بالوضع الطبيعي اللي هو اعتقد نص شهر إلى شهر
حسب نظام الفيزا المتبع ..

/
اتصل لهم مرة ثانية عن طريق الاسكايبي ..
على هالرقم ...
apple Number from skype +448000480408
.. وبيجيك المسج الصوتي
قول لهم iphone order problem
وبيحولونك على حط يساعدك ..
بالتوفيق اخوي ..

وحياك الله

[Index Signal]

مرحبا اخوي ..

المشكلة اللي صارت ان بعض الفيزا أصدار الدوحة ما تمشي ..
ويكون فيها اشكاليه ..

صار معاي هالشكل بس ما انخصم المبلغ ..
لما طلبت الايفون
والرفض كان ان اللميت اكثر من اللي انا مفروض اشتريه في اليوم الواحـد

اما في حالتك .. غريبة ان المبلغ انخصم ..
عموماً ..
تطمن ..
في المرة الاولى اللي طلبت صار معاي نفس الفلم
حجزوا المبلغ .. رغم ان طلبي تكنسل والسبب العنوان خطأ

واتصلت فيهم .. رغم الضغط اللي عليهم
وتميت على الهولد
وكلمتهم عشان المبلغ ..
وبالفعل فتحو لي تكت ticket عندهم لقسم الحسابات
عشان استرجاع أو فك الحجز على المبلغ
وبالفعل ثاني يوم والمبلغ في الفيزا

بعد التأكد ان المبلغ المحجوز اساساً لطلب ملغي ..

/

في حالتك نفس الشيء راح يشيكون في السيستم
ان طلبك الموافق عليه تم عن طريق فيزا ثانية اللي هي الماستر

بالتالي كل اللي بيسوونه انهم راح يعجلون لك بفك حجز المبلغ

ولا المبلغ بيرجع بالوضع الطبيعي اللي هو اعتقد نص شهر إلى شهر
حسب نظام الفيزا المتبع ..

/
اتصل لهم مرة ثانية عن طريق الاسكايبي ..
على هالرقم ...
apple number from skype +448000480408
.. وبيجيك المسج الصوتي
قول لهم iphone order problem
وبيحولونك على حط يساعدك ..
بالتوفيق اخوي ..

وحياك الله



خلهم ياخذون شهر المهم بالنهايه يرجع المبلغ لأني تعبت من الإتصال بدون رد ..

جزاك الله خير و ما قصرت ..

سؤال أخير .. بخصوص الرابط الموجود بتوقيعك عن طلب الكفر المجاني ..

هالشي يتم بعد إستلام الجهاز لأن الطلب يتم عن طريقه .. صحيح ..؟

طيب كم المبلغ إللي خذوه منك أرامكس لتوصيل الكفر ..؟ بشوف العمليه مستاهله وإلا لا .

[الحجاجي]

خلهم ياخذون شهر المهم بالنهايه يرجع المبلغ لأني تعبت من الإتصال بدون رد ..

جزاك الله خير و ما قصرت ..

سؤال أخير .. بخصوص الرابط الموجود بتوقيعك عن طلب الكفر المجاني ..

هالشي يتم بعد إستلام الجهاز لأن الطلب يتم عن طريقه .. صحيح ..؟

طيب كم المبلغ إللي خذوه منك أرامكس لتوصيل الكفر ..؟ بشوف العمليه مستاهله وإلا لا .


صباح الخير اخوي ..

بالنسبة للبمبر ..

أحتمال ( مب اكيد ) يوصل تلفونك مع البمبر لان طلبك متأخر

لكن أنتظر علي كم يوم اتابع مع الأخوان اللي طلبو ونشوف
هل وصلهم البمبر مع الأيفون ولا لا ..

/
إذا لا .. لازم تطلبه ..
وفيه كذا نوع ..
/
بالنسبة للشــحن

الأيفون شحنه ياخذ 50 ريال لانه تعدى النص كيلو جرام على ما أعتقد

لكن البمبر بيكون اقل بالتالي التسعيرة العادية لأرامكس اللي هي 39 ريال

/

[Q4U]

يالتوفيق

[S A L M A N]

شهالتحطيم

ناس صار لهم 10 ايام ولحد الحين ماجاهم ولا ايميل !!

بيمشون طلبي ولالا :(

<---- متحطم .. شكلي بطلب لي من ايباي بـ 1300 $ :(

[S A L M A N]

ماشاء الله حظك حلـــو ،، انا طلبت آيفون بتاريخ 21/7 ،، كانوا بالاول حاجزين المبلغ من الفيزا وبعد مرور اسبوع بالضبط لاحظت انهم فكوا الحجز عن المبلغ ،، ولا ادري الحين هل طلبي بيمشي ولا لأ

انا اخصموا المبلغ كامل .. 1200 باوند .. وللحين مادري اذا بيمشون موضوعي ولا لا .. :weeping:

[الحجاجي]

انا اخصموا المبلغ كامل .. 1200 باوند .. وللحين مادري اذا بيمشون موضوعي ولا لا .. :weeping:

أخوي سلمان

تطمن بيمشونه إن شاء الله ..

[الحجاجي]

ألف مبــــروك للأخــوان اللي يملكون الأيفون 4 ومقفول على شبكـة at&t

بامكانهم بعد عمل الجليبريك فتح الشبكــة ومن ثم استخدام اي شريحه
واي شبكـــة ..


grow, grow ultrasn0w!
We’re happy to tell you that our ultrasn0w carrier unlock now supports the iPhone4!
Version 1.0-1 of ultrasn0w works for:

* iPhone4 baseband 01.59
* 3G/3GS basebands 04.26.08, 05.11.07, 05.12.01 and 05.13.04

(If ultrasn0w doesn’t show when you search Cydia, add the repo: repo666.ultrasn0w.com)
For comments or questions, please use the comments section below.
Enjoy


الطريقة كالتالي :-
بعد عمل الجليبريك في الموضوع في الصفحة الأولى ..
أدخل Cydia
Manage
Sources
بعدين الذهاب لسورس repo666.ultrasn0w.com
موجود اصلاً في السيديا .. بعد التحديث .. إذا كنت اصلا منزل الجليبريك الأخير

ننزل ultrasn0w من داخل السورس

وننتبه انه مكتوب يدعم حالياً الايفون 4 و الـ 3g , 3gs
iPhone4 baseband 01.59
* 3G/3GS basebands 04.26.08, 05.11.07, 05.12.01 and 05.13.04

http://www.ce4arab.com/vb7/images/imgc/1007_1/181633.jpg


ألف مـــــــــبروك لكل الأخوان اللي تمت تلفوناتهم مقفولة على شبكـة معينه
بالذات اللي ماخذين الايفون 4 من امريكا ..


/ مبروك اخوي القاسي :nice:

[الحجاجي]

http://www.ce4arab.com/vb7/images/imgc/1007_1/181633.jpg

من باب الشــكر ..

من خلال الصورة فوق في برنامج فتح الشبكــة للأيفون المقفول من أمريكا عن طريق شركه at&t ، او من أي بلـد ثاني مقفول على أي شبكـــــة ..

نلاحظ مكتوب من فريق DEV TEAM

THanks to Shrief Hashim

الشكر إلى شريف هاشم

لنا الفخر يكون فيه اسم مبرمج عربي
ساعد الفريق في فتح الشبكة.

بالتوفيق

[Qatarianes]

مبروكين شباب
وبالنسبه للبمبر
لازم يوصلك الايفون اربعه اول شي
لانك ماتقدر تطلبه الا من برنامج خاص للايفون اسمه iphone 4 case program موجود في الستور البريطاني. فاضروري تشغل هالبرنامج على ايفونك الفور عشان تقدر تختار من بين كم كفر محطوطه صورهم من بينهم الـ bumper
فقط للتوضيح ( يمكن سبقني احد)

[Qatarianes]

حاسبو تسوون غلطتي اثناء طلب الكفر من البرنامج
لانه العنوان الـ default المحطوط يكون البلنج ادرس مب الشيبنج
غيروه اذا تطلب الامر للشيبنج ادرس مال ارامكس ( في حالتي البلنج ادرس كان مجرد عنوان بريطاني اي كلام باسامي وهميه)

[hrbi]

اخووووي الحجااجي بغيت اعرف شلون اسوي حساااب جديد بموقع ابل .. ناااااسي الطررريقه


سويييت حساب قبل بس المشكللله يوم اطلب علطووول يحولني ع الشيبينج موب ع البليينج عشان جي بسوي حساب جديد

[S A L M A N]

انا اخصموا المبلغ كامل .. 1200 باوند .. وللحين مادري اذا بيمشون موضوعي ولا لا .. :weeping:

لا انا يوم تاكدت الحين

طلع بلوك حالي حال الشباب ..

[الحجاجي]

مبروكين شباب
وبالنسبه للبمبر
لازم يوصلك الايفون اربعه اول شي
لانك ماتقدر تطلبه الا من برنامج خاص للايفون اسمه iphone 4 case program موجود في الستور البريطاني. فاضروري تشغل هالبرنامج على ايفونك الفور عشان تقدر تختار من بين كم كفر محطوطه صورهم من بينهم الـ bumper
فقط للتوضيح ( يمكن سبقني احد)

نبي أحد الاعضاء يأكد لنا ان البمبر ما وصل مع الايفون
اللي طالبين متاخر بس ..


حاسبو تسوون غلطتي اثناء طلب الكفر من البرنامج
لانه العنوان الـ default المحطوط يكون البلنج ادرس مب الشيبنج
غيروه اذا تطلب الامر للشيبنج ادرس مال ارامكس ( في حالتي البلنج ادرس كان مجرد عنوان بريطاني اي كلام باسامي وهميه)

فعلاً كلامك صحيح ..
البرنامج ياخذ معلومات البلينج معلومات الدفع ..

بالتالي لازم الواحد يعدل المعلومات
يخليها صح على حسابه ببريطانيا حساب ارامكس

طبعاً اذا كان يشوف ان البمبر يستاهل مبلغ الشحن اللي تقريبا يمكن يكون 39 ريال

/





اخووووي الحجااجي بغيت اعرف شلون اسوي حساااب جديد بموقع ابل .. ناااااسي الطررريقه


سويييت حساب قبل بس المشكللله يوم اطلب علطووول يحولني ع الشيبينج موب ع البليينج عشان جي بسوي حساب جديد

اخوي حربي ما يحتاج يالغالي
خلك على نفس حسابك
وكمل معلومات الشيبنج اول شيء
وعقب في الصفحة اللي بعدها معلومات الفيزا
وفيها بتحصل معلومات البيلنج موجودة وجنبها كلمه edit
تعديل
اضغط عليها
وروح عدل معلوماتك القديمه حقت البيلنج باللي يناسبك
واضغط اوكيه

بيرجعك لصفحة الفيزا
اذا تاكد ان معلوماتها اوكيه
وحطيت كود التاكيد الثلاثي حق البطاقة
وشفت كل البيانات جدامك صح

مش الطلب وبالتوفيق

لا تحاتي ..

[الحجاجي]

لا انا يوم تاكدت الحين

طلع بلوك حالي حال الشباب ..

اخوي الغالي سلمان

الكل يعاني من التأخير الغير متوقع في الدفعه اللي كانت في شهر يوليو
الشهر الي طاف .. بالذات مع الايفون 32 جيجا ..

شوف هالطلب

Jul 18, 2010 at 12:59 PM GMT
order details Not yet shipped
Estimated Shipping: 09 Aug, 2010
Estimated Delivery: 16 Aug, 2010

الطلب بتاريخ 18 / 7

وللحين ما صار شيء ليومك ..

كلمتهم اليوم الأربعاء 4 / 8 /

للتأكد ان مافيه مشكلة على الطلب ..
وقالو الموضوع اوكيه .. خلال التاريخ المحدد بيوصلك ايميل بدأ الشحن ..

يعني تطمن ..

/

طلب ثاني ..

Aug 2, 2010 at 11:05 PM GMT
order details Not yet shipped
Estimated Shipping: 23 Aug, 2010
Estimated Delivery: 25 Aug, 2010


تم الطلب بتاريخ 2 / 8

ولكن شوف الشحن متى ؟ 23 / 8 /

قارن بينهم وتعرف ان الشهر اللي طاف متأخرين ..


في الأخير

بما انهم رجعو المبلغ على كلام الأغلبيه
جاري بـدأ الشحن وتوقع خلال هاليومين يوصلك الايميل ..

اذا صار شيء من صوبي لاحـد الأخوان
بطمنكم ..

واتصالي لهم اليوم كان مطمن بعد ...

/

ياليت الأخوان اللي طالبين
يحطون تواريخ طلبهم ..

بالتوفيق للجميع