محل لتلبيس شنط السفر

[حياة]

السلام عليكم ورحمة الله وبركاته

بغيت ولا عليكم امر محلات لتلبيس شنط السفر ببلاستيك

ممكن تدلوني اماكنها ولاتهونون

[النهار]

جميع شركات الشحن الجوي عندهم تغليف الشنط بالبلاستيك

[حياة]

لا اخوي اقصد البلاستيك اللي يفصل على مقاس الشنطه اللي فيه سحاب علشان تحمي الشنطه من التشميخ

[النهار]

في محلات التنجيد مقابل سوق النجاده مره شفت واحد قاعد ينزل عندهم شنط سفر مادري ليش يمكن لنفس السبب السموحه هذالي اعرفه

[حياة]

مشكور وماقصرت
انا قال لي البياع في شارع الاصمخ بس ماقال اى محل؟.

[umhend]

شركات الشحن تغلف الشنطه بشكل عام عشان ما تتشمخ في الشحن .... بس اعتقد ان صاحبه الموضوع
تقصد التغليف من نوع ثاني بحيث انك تفتح الشنطه وتحط الي تبيه فيها من غير ماتفتح التغليف والله اعلم
لان انا بعد ابي اعرف وين تتغلف الشنط بهالطريقه

[umhend]

ها يقولون محالات تغليف الكراسي بالنايلون مالت السيارات اختي تقول بالغرافه سوت شنطتها

[النهار]

سوق النجاده في شارع الاصمخ في من بعد الريس في فندق هناك محلات تنجيد كراسي وسيارات يمكن هو المقصود

[حياة]

مشكوره اختي ام هند ... بس تغليفهم مرتب ونظيف
انا توني ماخذه شناط من السلام وابي تغليف زين وقال لي البياع ان زباينه يودونها لشارع الاصمخ ..
وانا ابي محل زين ومجرب من قبل..

[حياة]

يمكن والله

وماقصرت اخوي

[umhend]

ايه مرتب انا شفت شنطه اختي مرتبه والله ... روحي لهم موفقه ان شاءالله

[حياة]

مشكوره اختي والله يجزااااج الف خير... عندج فكره عن الاسعار؟

[QTR-SOUL]

العبدلي في الريان
يغلف والاسعار اعتقد الطقم على 650

[القلم الصريح]

صباح الخير

امس شفت شنط في كارفور معاها كفر نايلون يمكن تنباع بروحه وجاهز شيكي في كارفور

[الريمي قطر]

عند محلات تنجيد الكراسي

[الريتاج]

بالتوفيق

[saud580]

توني مغلف شناطي ببلاستيك ..حماية للشنطة كلفتني الشنطه 85 ريال حجم كبير
المحل مؤسسة الناصر.... بشارع الاصمخ ..... المحلات الي بالاخير ..... واكثر المحلات بالاصمخ تسوي تغليف بلاستيك .........