شرطة مكينس

[كلاسيك قطر]

السلام عليكم ورحمه الله وبركاته

اشكركم جميعاُ

اخواني واخواتي انتو اتروحون طريج سلوى طرريج سلوى حلو وشوارعها الواسعه

بس في شي محيرني في الخط
الي هو شرطة مكينس

ويكسرون الخاطر يعني شرطة مكينس يحطون كباين ليش يا جماعه

والله انا كنت باروح شرطة مكينس رحت الكباين الثانيه فكرته شرطة مكينس

المفروض يجددون الشرطة والله كسرو خاطري

وانتو شرايكم

[الوعد2016]

راح يتم بناء مركز جديد لهم ومركز اسعاف وخدمات للمناطق القريبه منه ومستشفى يالغالي ومقر لشرطه المرافقه لشاحنات وقسم مشرف على الطريق تابع لاشغال
ولا تستعجل لان السبب كان في الازاله السابقه توسعة الشارع

[كلاسيك قطر]

تسلملي والله

لانه واحد من ربعي يشتعل هناك

ويشتكي من الكباين

[بو الطيب]

الله يحيك ياخوي

[ممنوع اللمس]

انا فالدفاع المدني مكينس....
شكلك انت اللي دخلت علينا ذاك اليوم
شنسوي ياخوك الشكوى لغير الله مذله والمشكله ممنوع العسكري يشتكي
والله انواع القوارض اللي تجيب المرض ومن متى ننتظر المركز الجديد اللي ينبنا من زمان ولين الحين ماخلص الله يعطيك العافيه زين ان في شخص يحس بمعاناتنا
والمشكله بيتي فالشحانيه واداوم في مكينس يعني اضرب احلى مشوار مع خط روضة راشد والتريلات اووه لا يفوتك لو الجو ضباب ادق اصبع واهز رقبه

[كلاسيك قطر]

ههههههههههههاي

الله يعينك يالغالي

اي نعم انا كنت موجود اهناك مع واحد الرتبه نايب

يقولي متى بيبنون والله

اشكرك اخوي

[tulepq]

صباح التيوليب كلاسيك قطر ..

أسعد الله صباحك بعبير الخزامى وأنت تطرح مواضيع تخص فئات تستحق التنبيه لأوضاعها دمت كلايسكياً

[كلاسيك قطر]

صباح التيوليب كلاسيك قطر ..

أسعد الله صباحك بعبير الخزامى وأنت تطرح مواضيع تخص فئات تستحق التنبيه لأوضاعها دمت كلايسكياً


اسلمتي والله

ويزاج الله الف خير

[ثرية]

كان الله بعونهم

[كلاسيك قطر]

ثريه اشكرج والله

اي والله

[al-vtc]

ذكريات اليمه قدام التحويله اللي كانت قدامه
توفي المغفور له ان شاء الله خليفه السعدي

[كلاسيك قطر]

اي الله الله يرحمه والله

[الغالي!]

فعلا كلامك بس الجوده بالي فيه مش بالمنى وجة نظر

[كلاسيك قطر]

ع الاقل يبنون شي صغير ومنضره حالياُ مب حلو والله

[ممنوع اللمس]

والله الواحد قاعد داخل البورت كابن فينا يوسوس عي يقول مثلا الحين راعي شاحنه جاي مسرع ضرب عليه التاير وحول علينا رويسي خخخخ
والمبنى اللي من سنة 1900 للحين ما خلص الظاهر تشطيب سوبر ديلوكس والاثاث من لبنان
والله لو جاين شركتي 3 شهور اشطبه وافرشه بعد

[كلاسيك قطر]

اي والله

وجاني خبر من تقريباُ السنه الي راحت

راعي الشاحنه جاء مسرع وفرط التاير عليه وكان بيشيل قسم الشرطة والله ستر والله

[شموخ دائم]

,

,

شكرا على الموضوع


والله رجال الامن يتعبون كثير ودائما عملهم في ظروف صعبه

اتمنى المبنى الجديد يخلص بالسرعه الممكنه والدوله ما تقصر في الاهتمام برجال الامن

هذا الطريق حيوي ومن الواجب منظر البلد ومراكز الشرطه والامن تعكس التطور والنهضه في البلد ومن الواجب الاهتمام فيها حتى لو كانت مؤقته في مباني تركيب سريعه البناء وشكلها مقبول ونظيفه كان من الواجب احضارها هناك لان منظر البلد اولا وثانيا توفير جو مناسب للعمل لرجال الامن وهم يستاهلون كل خير

ان شاء الله بالقريب تنتقلون الى المباني الجديده ومبروكين مقدما

,

,

اخوك



شموخ دائم

[كلاسيك قطر]

سلمت يالشيخ فيك الخير