المساعد الشخصي الرقمي

مشاهدة النسخة كاملة : :::...يما...كيف حملتي فيني؟؟...:::...احم


The Master
04-07-2010, 10:41 PM
احم احم...ثم احم...

يا الله انك تحييهم بالخير والمحبه...والرضا...
لكم وحشه يا الربع...عسى مايوحشكم غالي يارب...غبنا والظروف غيبتنا...وعسى رجعتنا فيها فايده يارب...
"ها وش رايكم في هالمقدمه البنج...خبركم لان الجاي فيه ادعثه...احم"


ماعلينا من المقدمه...

موضوعي اليوم حساس...وهو يتكلم عن نقطة...من وجهة نظري اساسيه...خاصه في حياتنا...وفي تربية اعيالنا...
ماراح اذكرها لكم الحين...لكن خلال المقال بنعرف وش اقصد...
"يمكن الاسلوب مجيم اشوي يبغي له قريز...صار لنا فتره ماكتبنا...احم"


ماما ماما...ممكن سؤال..."الا بخصوص ماما...اشفيييه اللي امه لبنانيه...احم"

يما...يما..يمااااااااااا..."اي الحين عدل..."

وصمه...اشتبغين...لجيتيني...ودي اسالج سؤال...اها يلا قولي مع اين مب فاضيه لك...لكن شنسوي سندرونا في التلفزيون اسمعوا اعيالكم اسمعوا اعيالكم عشان مايتعقدون...يلا تحجي انطقي اهو...يامن شرا له من حلاله عله...

اليوم في المدرسه...المعلمه كانت اتكلم عن شي يصير لنا...وهو يصير خلال كل شهر...لمدة اسبوع تقريبا...
شنو شنو شنو...نعم يا الشيخه...وش قاعده اتقولين انتي؟؟...ايا جليلة الحيا...هذا كلام تقولينه قدامي؟؟...ان سمعتك تنطقين في هالموضوع اقص السانك...هذي اخرة التربيه...يلا انقلعي...وانا اراويج في هالمعلمه...


بعد كم سنه...

يما...ان شاء الله عرسي عقب شهرين...طيب...ادري...وشو الجديد...لا يعني اقول لج...يمكن تبغين تقولين شي ولا شي...اي يايما ما اوصيج...هالله في زوجج...وام زوجج...قومي فيهم...وخلج مره...بيضي وجهنا...لا لا يمااااا...شي ثاني...لا لا ابد ماعندي شي اقوله لج...خلج مره...وبتعلمين من نفسج...هذا حنا كنا نفسج...وتعلمنا...ماجابتنا امهاتنا ونعرف كل شي...


........................

مانبغي انطول في القصه عشان محد يتملل...ادري فيكم مللولين للاشيا الطويله...

من خلال الحوار...اتوقع عرفتوا وش كنت اقصد...

الموضوع ...
هو عدم تبادل الحوار الجنسي او انعدام الثقافه الجنسيه بين الام وبنتها...وكذلك ينطبق الحال للابن ووالده...




للتفاصيل...

يمكن البعض يقول نفس ماقالت الام...وان عيب البنت اتطري هالكلام قدام امها او اختها...من باب السنع او العيب...وكذلك الولد...

لكن فكروا معاي شوي...وشوفوا وجهة نظري من وين جات...وبراحتكم...

خلنا انقول ان البنت تحطمت من امها...وخافت...لكن يبقى الفضول موجود...فا اكيد راح تلجأ لمصادر ثانيه...
منها...
الانترنت...ربعها...الكتب...

طيب...السؤال الحين...
هل تضمنون انتوا يا اولياء الامور ان المصادر اللي الجأت لها البنت او لجز لها الولد صحيحه...من الفطره...من تعاليم دينا الاسلامي؟؟؟

طبعا لا...محد يقدر يضمن...

وكذلك لازم تعرفون ان الولد او البنت مايعرف هل المعلومه اللي اخذها صحيحه ولا لا...مايقدر يقرر...لانه مايعرفها اصلا...فا راح يثبتها في عقله...وبتكبر معاه...وماتدري وش راح يحصل بعدها...ومن بعض الاشيا اللي تصير من هالامور...هو "المثليين"..."الطلاق"..."البرود"...


طيب...
الحل؟؟...

الكل يحب المضمون...ويحب ان اعياله يتربون على يده...وطريقته...
فا ليه انت او انتي...تجاوبون على تساؤلات اعيالكم...الام مع البنت...والولد مع الاب...
طبعا ب كلام سهل وبسيط...وابعيد عن الاحراج...والاثاره...

وبذلك تقدرون تتاكدون ان اعيالكم على النهج السليم...وعلى الطريقه الصحيحه...
ابرك من لجوؤهم للغير...وماتدرون وش راح يعلمونهم اي يألفون عليهم...




هذي وجهة نظري...وطبعا انا راضي ابها...ومقتنع ابها...

ولكم الحريه في قبولها او رفضها...لكن اتمنى تفكرون عدل قبل الحكم عليها...في النهايه هذي مصلحتكم...وانتوا ادري ابها...
نعيمه علي
04-07-2010, 10:59 PM
هذا موضوع حساس
وهو يمثل نقطة تحول لدى الطفل او الطفلة
حينما ارفض ان أجيب عن سؤال بهذا الخصوص لابنتي او ابني
فأنا حينها اقول له .. بتصرفي هذا ... اذهب وابحث في جوجل
او ابحث عن إجابة هذا السؤال لدى اصحابك او تناقش فيه مع غيري
وماعندي سؤال ماله جواب مهما كان ومهما كان عمر الطفل
ولهذا فهذه الأمور أرى اني اجعل من نفسي مصدر للمعلومات وللحوار
فالعيب انه يلجأ لغيري
والعيب اني أعلم انه قد يقرأ ويرى ماهو فاضح وغير صحيح
بينما انا سأكون مصدر سوي له

اطيب تحياتي
نورت المكان من جديد


.
المقاول 1
04-07-2010, 11:05 PM
فيه امور نفهمها بالفطره

من يوم ابونا ادم وامنا حواء الامور ماشيه بالفطره

في اخر الزمن اصبحنا بدون فطره لازم نسال من نجلهم
مستوى الدعم
04-07-2010, 11:11 PM
كان سبب عدم المكاشفة لأمهات وآباء الأجيال السابقة هو الحياء

وعدم وجود المستوى التعليمي الكافي والوعي

إضافة إلى أن مصادر الإفساد كانت محدودة جداً وكان المجتمع مغلقاً

لذلك لم يحمل الأهل عبء إيصال هذه المعلومات للأبناء

أما في هذا الجيل ورغم وجود الآباء والأمهات المتعلمين

فإن عنصر المكاشفة مع الأبناء ما زال ضعيفا

وقد يعود ذلك إلى انشغال الوالدين في أعمالهم وواجباتهم الاجتماعية

كما يعود إلى حرج وجهل الوالدين بكيفية إيصال هذه المعلومات الهامة للأبناء

لوقايتهم من أضرار المعلومات غير السليمة..

لذا أتصور أن أفضل طريقة لعمل ذلك ..هي عمل ورش تثقيفية دورية للآباء والأمهات

عن كيفية تحضير الأبناء لعبور مرحلة البلوغ بسلام وبدون تشويش

ويفضل أن تكون هذه الدورات تحت مظلة المجلس الأعلى للأسرة
ANONYMOUS
04-07-2010, 11:13 PM
يبه هالجيل يدخلونك الماي ويطلعونك عطشان مادري جاف .. مادري المثل صح ولا قاعد أألف

انت لو تتكلم عن 15 سنه ورى عالأقل اصدقك
The Master
04-07-2010, 11:19 PM
هذا موضوع حساس
وهو يمثل نقطة تحول لدى الطفل او الطفلة
حينما ارفض ان أجيب عن سؤال بهذا الخصوص لابنتي او ابني
فأنا حينها اقول له .. بتصرفي هذا ... اذهب وابحث في جوجل
او ابحث عن إجابة هذا السؤال لدى اصحابك او تناقش فيه مع غيري
وماعندي سؤال ماله جواب مهما كان ومهما كان عمر الطفل
ولهذا فهذه الأمور أرى اني اجعل من نفسي مصدر للمعلومات وللحوار
فالعيب انه يلجأ لغيري
والعيب اني أعلم انه قد يقرأ ويرى ماهو فاضح وغير صحيح
بينما انا سأكون مصدر سوي له

اطيب تحياتي
نورت المكان من جديد


.

هلا ومرحب اختي نبض القلب...

اعجبني ردك جدا...وبين لي مدي ثقافتك...ووعيك...احييك عليها...
ومثل ماذكرتي...لازم يكون عندنا الاجوبه لكل الاسأله...عشان نكون حنا مصدرهم...وانتطمن على اللي بيفهمونه منا...وكل شي بالرزانه والذكاء لتوصيل المعلومه اللي انشوفها بتفيدهم...

احسنتي في ذكر المصادر الاخرى اللي راح تخليه يرتكب اثام هو في غنى عنها دام الجواب وصل له...

يامرحبا بك على المداخله الجميله...
ولاهنتي على التواجد...

"منور ب اهله وبكم..."
The Master
04-07-2010, 11:21 PM
فيه امور نفهمها بالفطره

من يوم ابونا ادم وامنا حواء الامور ماشيه بالفطره

في اخر الزمن اصبحنا بدون فطره لازم نسال من نجلهم

هلا ومرحب اخوي المقاول...

صدقت...كل شي "كان" بالفطره...لكن الحين تواجدت اشيا غيرت الفطره...فا يلزم عليها تبيان وتوضيح ماهو الصح من الخطأ...
لمستقبل اعيالنا...

تشكر على المرور...

ويامرحبا بك...
ولاهنت...
خليفـة
04-07-2010, 11:22 PM
مشاركة في غاية الروعة والابداع اخوي The Master

متابع لكل الأراء .. ولكن بحذر
:secret:
The Master
04-07-2010, 11:38 PM
كان سبب عدم المكاشفة لأمهات وآباء الأجيال السابقة هو الحياء

وعدم وجود المستوى التعليمي الكافي والوعي

إضافة إلى أن مصادر الإفساد كانت محدودة جداً وكان المجتمع مغلقاً

لذلك لم يحمل الأهل عبء إيصال هذه المعلومات للأبناء

أما في هذا الجيل ورغم وجود الآباء والأمهات المتعلمين

فإن عنصر المكاشفة مع الأبناء ما زال ضعيفا

وقد يعود ذلك إلى انشغال الوالدين في أعمالهم وواجباتهم الاجتماعية

كما يعود إلى حرج وجهل الوالدين بكيفية إيصال هذه المعلومات الهامة للأبناء

لوقايتهم من أضرار المعلومات غير السليمة..

لذا أتصور أن أفضل طريقة لعمل ذلك ..هي عمل ورش تثقيفية دورية للآباء والأمهات

عن كيفية تحضير الأبناء لعبور مرحلة البلوغ بسلام وبدون تشويش

ويفضل أن تكون هذه الدورات تحت مظلة المجلس الأعلى للأسرة

اخوي مستوي الدعم...

احييك على هالمشاركه المثريه...الله ينور...
بصراحه اعجبتني فكرة تواجد الورشات للتثقيف...واشوف منها فايده كبيره للاباء والامهات...ولتثقيفهم وتوعيتهم...

اشكرك على التواجد الطيب...والمفيد...

يامرحبا بك...
ولاهنت على التواجد...
ROSE
04-07-2010, 11:44 PM
يبه هالجيل يدخلونك الماي ويطلعونك عطشان مادري جاف .. مادري المثل صح ولا قاعد أألف

انت لو تتكلم عن 15 سنه ورى عالأقل اصدقك

يدخلونك البحر ويطلعونك ناشف





لي مداخله باذن الله بس بعد مااصحى واصحصح بكره

يعطيك العافية على هالموضوع الحساس والمهم


ومرحبا بعودتك الميمونه
بـــــــنت النوخـّــــذه
04-07-2010, 11:47 PM
قبل لا نناقش كيف نناقشهم بالمواضيع ال :secret:

بالاول لازم نجاوب على هذا السؤال؟؟


ماهو السن المناسب لتعليم الابناء الثقافه ال 000:secret:؟؟؟؟؟؟

وماهي الاولويات التي نتبعها في تربيه ابنائنا ؟؟؟ وبأي مرحله يأتي تعليمهم للثقافه ال :secret:؟؟؟؟؟؟؟

اعتقد هناك اشياء اهم ومن خلال الاهم ممكن يكون الشخص مؤهل لتعليمه الثقافه ال:secret: :secret:؟؟؟







ومساء الفل للناس الي تبغي اتناقش هالمواضيع مع الاطفال قبل لاتؤهلهم وتعلمهم اولويات مهمه في حياتهم ^_^
بو الطيب
04-07-2010, 11:54 PM
ههههههههههههههه وش تبينا نقولهم الله يهداك

بزر عمره 9 سنوات شتبينا نقوله الله يهداك بس قول غير ذي الكلام تبي البزران يظهرون صيع شكلك

خخخخخخخخخخخخخخخخخخخخخخخخخخخخخخخخ
مستوى الدعم
05-07-2010, 12:40 AM
قبل لا نناقش كيف نناقشهم بالمواضيع ال :secret:

بالاول لازم نجاوب على هذا السؤال؟؟


ماهو السن المناسب لتعليم الابناء الثقافه ال 000:secret:؟؟؟؟؟؟

وماهي الاولويات التي نتبعها في تربيه ابنائنا ؟؟؟ وبأي مرحله يأتي تعليمهم للثقافه ال :secret:؟؟؟؟؟؟؟

اعتقد هناك اشياء اهم ومن خلال الاهم ممكن يكون الشخص مؤهل لتعليمه الثقافه ال:secret: :secret:؟؟؟







ومساء الفل للناس الي تبغي اتناقش هالمواضيع مع الاطفال قبل لاتؤهلهم وتعلمهم اولويات مهمه في حياتهم ^_^

مساء الفل والياسمين على أجدع بنت نوخذة

عزيزتي حسب قراءتي لطرح الأخ الماستر..

هو لم يذكر أبداً أن هذا الموضوع يتم تعليمه للأطفال قبل أو على حساب أي أمور أخرى..

ولكن هو يقصد أن الأمور الأخرى (مثل الدين والاخلاق الحميدة وغيرها..)

لها مصادر معروفة مثل المدرسة البيت المسجد الأقرباء التلفزيون...الخ

ولكن بخصوص هذه "الثقافة الخاصة" نجد أن هناك جزءاً كبيراً من الوعي مفقود

لأنها محاطة بغلاف السرية والعيب.. وهناك من الناس من يرى فيها "تفتيحاً للعيون"

ولكن الواقع يقول.. أن الاطفال يجب أن يتعلموا أبجديات وخصوصيات التعامل مع أجسادهم حتى لا يقعوا فريسة للمنتهكين..

فالأطفال اليوم يختلطون مع قدر كبير من الأغراب مثل الخدم والسائقين والمدرسين في المدارس والطلبة الأكبر منهم سناً.. ويشاركون في أنشطة.. ولذلك يجب تنبيههم إلى حرمة أجسادهم والتصرف السليم لمنع العابثين.. سواء من الأغراب أو الأقارب للأسف..

سيدتي.. لعلك قرأت وعرفت عن قصص تدمي القلوب.. عن ناس تشوهت نفسياتهم للأبد بسبب تعرضهم لمثل تلك الاعتداءات في أثناء طفولتهم..

أنا أتذكر مرة قراءتي لأخصائية نفسية خليجية قادت حملة لتوعية الأهل بكيفية تعليم أبنائهم مواجهة مثل هؤلاء المعتدين وكان عنوان الحملة هو "قل لا... وأخبر كبيراً بالأمر"

طبعاً.. أنا لا أفضل تدريس هذه الثقافة في المدارس للطلاب.. بل تدريس الأهل وتوعيتهم.. ليبنوا جسور الحوار بينهم وبين أبنائهم..
The Master
05-07-2010, 02:09 AM
يبه هالجيل يدخلونك الماي ويطلعونك عطشان مادري جاف .. مادري المثل صح ولا قاعد أألف

انت لو تتكلم عن 15 سنه ورى عالأقل اصدقك

هلا ومرحب اخوي المجهول...

اتفق معاك انهم فاهمين لاشيا اكبر من عمرهم...ومتفتحين...لكن هل تظمن فهمهم ووعيهم صحيح؟؟؟...او على مبادئ سليمه؟؟؟
ام بس افكار وخيال تم بنسج من الافكار...والافلام ...والمسلسلات...وسوالف المجالس والناس...؟؟؟

فا تقدر تحاصر هالافكار...وتبني الصحيح...وانت في النهايه الرابح...كسبت او كسبتي...بنتك او ولدك...صديق...او صديقه...
والاهم شخص يرتاح له...ويعبر عن مابداخله من افكار...وخيال...واسأله يبغي لها جواب...
وتظمن مايروح لغيرك...يخربه...او يدمره...

ويامرحبا بك...
ولاهنت عالمرور...
The Master
05-07-2010, 02:11 AM
مشاركة في غاية الروعة والابداع اخوي the master

متابع لكل الأراء .. ولكن بحذر
:secret:

يا عيييييني على الحذرين...
الروعه في مرورك...وبيكون اروع بمشاركتك ان كان عندك راي يفيدنا...

يامرحبا بك اخوي مالكم امل...

"للحين انتظر ادلالة مجلسكم...عشان انسير...احم"
The Master
05-07-2010, 02:14 AM
يدخلونك البحر ويطلعونك ناشف





لي مداخله باذن الله بس بعد مااصحى واصحصح بكره

يعطيك العافية على هالموضوع الحساس والمهم


ومرحبا بعودتك الميمونه

هلا ومرحب اختي روز...

انتظر مداخلتك اللي اضمن انها بتكون مثريه...وعساها تفيد الجميع...

اهم شي اللي بيصحصحون...احم

ويعافيك يارب...في الانتظار...

ويامرحبا الساع...احم

"مرحب باقي...ولاهنتي على الكلام الطيب..."
Ussop
05-07-2010, 04:35 AM
مرحباً ماصطر-ساما! سايشيبوري < أظنك تفهم معناها ;)

حمدلله على السلامة، واحشنا ياخي، لا تطول الغيبة ثاني مرة

موضوعك ذو شجون، واليوم كنت أتناقش في نفس المضمون مع ربعي...

أنا أشوف إن السؤال غالباً راح ينطرح من قبل طفل عمره ما بين الـ 5 - 11 سنة، أما فوق الـ 11 سنة ما أعتقد إن فيه طفل راح يجهل هذي الأمور في زماننا...

أما بخصوص أسلوب الإجابة على سؤال الطفل، الأفضل إنه يكون بشكل عام، وبعيد عن ذكر التفاصيل، وعلى حسب عمر الطفل ونباهته، نزيد من كمية المعلومات والتفصيل في الموضوع حسب عمره، لإن إعطاءه جرعة أكبر من مستواه ممكن تفسده، وإعطاءه جرعة أقل من مستواه ما راح تشفي غليلة من الموضوع وهذا ممكن يخليه يفتش عن مصادر ثانية تجاوب عن تساؤلاته، لذلك لازم ولي الأمر يتنبه لهذا الموضوع، ويعد نفسه مسبقاً لاستقبال السؤال "الصاروخي" من ولده :)

وأعتقد إن حالة الوالدين عند الإجابة للسؤال مفروض تكون طبيعية، يعني الوالد لازم يكون "ريلاكس" وغير مشدود الإنتباه أثناء الإجابه، لأن التنرفز ممكن يشد انتباه الطفل ويعطيه إنطباع غريب عن الموضوع.

هذا مالدي والشباب مب مقصرين.

موفق الشيخ.
ROSE
05-07-2010, 07:46 AM
السلام عليكم ورحمة الله وبركاته

صباح الخير

قبل ماابدأ وابدي راي في الموضوع

ابي اقول لك ان حصلت فقع طرش لي :secret:


بخصوص الموضوع

ان شاء الله اكون عند حسن ظنك :shy: وخاصة اني مب عارفه شلون بتكلم ههههه



الام هي مدرسة عيالها ،،


وهي البنية الاساسية للنشئ والتربيه

ان صلحت وصلح اخلاقها صلح ابناؤها :secret: ( :shy: )


لانها بتكون القدوه لهم وخاصة بسبب احتكاكهم فيها طول الوقت

ومن الصغر


هذي مجرد مقدمه عشان ابين مدى مسؤولية الام وكبرها اتجاه عيالها


الحين نجي للبنت

احب ان تربط الام بعيالها علاقة صداقة واحترام وطاعة

انا راح اتكلم عن نفسي

وبشهادة عيالي لان ولدي حبيبي يشارك بالمنتدى وراح يشوف كلامي :secret:


انا عودت بنتي على الصراحه من صغرها

دايما اقول لها لو سويتي شي خطأ قوليه ولا تخشين لانج لو خشيتي واكتشفت

راح تتعاقبين لكن لو صارحتيني ممكن تنفذين من العقاب

ولليوم ولله الحمد ماتخش عني شي

ومن نفسي لما اقترب موعد الشيسمونه :secret: بديت افهمها وقعدت معاها

استحت وضحكت وانا رسمت مراسم الجد على وجهي بلفيت عشان ماستحي ههههههه

بس الحمدلله عدت على خير وفهمت وبدت تتعلم

وان شاء الله لما يجيها ولد الحلال اللي بيخطبها اكيد بيكون لي معاها جلسة ثانيه

الام اللي ماتتجرأ انها تتكلم مع بنتها بهالسوالف عندها حل ثاني

وهي خالة البنت او عمتها تتكلم معاهم وتفهمهم اللي تبي توصله لبنتها

ويكلمونها بدون حرج بيكون الاحراج اقل بالنسبة لهم لو هي مش بنتهم

بس بالنسبة لي انا احب هالامور بنفسي اتفاهم مع بنتي فيها عشان اوصل لها اللي انا اشوفه

وابيه



اما الاولاد

للام دور في هالشي انها تفهمهم لان الاب اتوقع انه مستحيل انه يشيل الكلفة مابينه وبين عياله

بس مثل ماقالوا الشباب ان الشاب اسهل في هالامور من البنات

والسبب احتكاك الشباب مع بعض واكيد اغلبهم يودونك البحر ويطلعونك ناشف :omen2::secret:



اما بخصوص دور الام في هالمسألة مع الشباب

تبتدي تلمح لهم ان صوتهم بيتغير وان بتصير امور :secret: ولو ان فيها مستحى واحراج وهم بدورهم بيتدون يتساؤلون

هني تحد الاب انه يقعد معاهم ويكلمهم وهذي اللي صار بالنسبة لعيالي بعد



وسلامتك
ROSE
05-07-2010, 07:47 AM
بل وايد كتبت
بو خليفه 123
05-07-2010, 08:12 AM
أنا شاركت بالموضوع لأنه خليفه ولدي سألني هالسؤال من كم يوم ..


يبه أنا شلون جيت ؟

شلون تجيبون عيال ؟


بحكم سن خليفه المبكر قلت له انه ندعي الله سبحانه و نصلي .. و اذا الله وافق الأم تحمل ..






لي عوده بالتفاصيل بعد ما اصحصح ..


و عوداً حميداً يالماستر
برشلوني قطر
05-07-2010, 08:23 AM
السلام عليكم ورحمة الله وبركاته

صباح الخير

قبل ماابدأ وابدي راي في الموضوع

ابي اقول لك ان حصلت فقع طرش لي :secret:


بخصوص الموضوع

ان شاء الله اكون عند حسن ظنك :shy: وخاصة اني مب عارفه شلون بتكلم ههههه



الام هي مدرسة عيالها ،،


وهي البنية الاساسية للنشئ والتربيه

ان صلحت وصلح اخلاقها صلح ابناؤها :secret: ( :shy: )


لانها بتكون القدوه لهم وخاصة بسبب احتكاكهم فيها طول الوقت

ومن الصغر


هذي مجرد مقدمه عشان ابين مدى مسؤولية الام وكبرها اتجاه عيالها


الحين نجي للبنت

احب ان تربط الام بعيالها علاقة صداقة واحترام وطاعة

انا راح اتكلم عن نفسي

وبشهادة عيالي لان ولدي حبيبي يشارك بالمنتدى وراح يشوف كلامي :secret:


انا عودت بنتي على الصراحه من صغرها

دايما اقول لها لو سويتي شي خطأ قوليه ولا تخشين لانج لو خشيتي واكتشفت

راح تتعاقبين لكن لو صارحتيني ممكن تنفذين من العقاب

ولليوم ولله الحمد ماتخش عني شي

ومن نفسي لما اقترب موعد الشيسمونه :secret: بديت افهمها وقعدت معاها

استحت وضحكت وانا رسمت مراسم الجد على وجهي بلفيت عشان ماستحي ههههههه

بس الحمدلله عدت على خير وفهمت وبدت تتعلم

وان شاء الله لما يجيها ولد الحلال اللي بيخطبها اكيد بيكون لي معاها جلسة ثانيه

الام اللي ماتتجرأ انها تتكلم مع بنتها بهالسوالف عندها حل ثاني

وهي خالة البنت او عمتها تتكلم معاهم وتفهمهم اللي تبي توصله لبنتها

ويكلمونها بدون حرج بيكون الاحراج اقل بالنسبة لهم لو هي مش بنتهم

بس بالنسبة لي انا احب هالامور بنفسي اتفاهم مع بنتي فيها عشان اوصل لها اللي انا اشوفه

وابيه



اما الاولاد

للام دور في هالشي انها تفهمهم لان الاب اتوقع انه مستحيل انه يشيل الكلفة مابينه وبين عياله

بس مثل ماقالوا الشباب ان الشاب اسهل في هالامور من البنات

والسبب احتكاك الشباب مع بعض واكيد اغلبهم يودونك البحر ويطلعونك ناشف :omen2::secret:



اما بخصوص دور الام في هالمسألة مع الشباب

تبتدي تلمح لهم ان صوتهم بيتغير وان بتصير امور :secret: ولو ان فيها مستحى واحراج وهم بدورهم بيتدون يتساؤلون

هني تحد الاب انه يقعد معاهم ويكلمهم وهذي اللي صار بالنسبة لعيالي بعد



وسلامتك



طريقة تعاملج اعجبتني الصراحه..

انا اخوي طلب مني اقول لولده لانه كبر وشكله ع النيه...

هذا الكلام من اربع سنوات تقريبا ولحين ماقلت له ههههههههههههههههه

والريال يدور بنت الحلال:rolleyes2:
ام عاليه
05-07-2010, 01:15 PM
طبعا اجيب عن هالتسالات لكن اذا كانت بنتي كبيره في عمر احس
ان اجابتي راح اتفيدها.... مب بنت ابتدائية او وحده احس سامعه طراطيش حجي
وطريقة الاجابه اهيه المهمه ممكن انا باجابتي الموجزه
اخلي بنتي او ولدي يستفيدونمن ردي وممكن باجابتي اخفف من حساسية الموضوع وابين ان هالشي طبيعي
لكن اني اتهرب او اعطيها رد خطا انا ضد هالمبدئ
هند88
05-07-2010, 01:24 PM
المفروض والمفروض والمفروض الامهات والاباء يثقفون عيالهم لمثل هاذي الامور
والحين الامهات والاباء اقلها عندهم الشهادة الثانوية والبعض عنده دكتوارة يعني مثقفين ومتعلمين..
والابناء في هالزمن كل شي مفتوح جدامهم .. ليش انخلي ابنائنا يتعلون هالاشياء بطريقة غلط ..
سواء من خلال التلفزيون او النت او حتى من خلال الخدم
واذا انا استحيت من بنتي شنو خانتي كأم

يعطيك العافية اخوي الماستر موضوع مهم فعلاااا
هند88
05-07-2010, 01:26 PM
طبعا اجيب عن هالتسالات لكن اذا كانت بنتي كبيره في عمر احس
ان اجابتي راح اتفيدها.... مب بنت ابتدائية او وحده احس سامعه طراطيش حجي
وطريقة الاجابه اهيه المهمه ممكن انا باجابتي الموجزه
اخلي بنتي او ولدي يستفيدونمن ردي وممكن باجابتي اخفف من حساسية الموضوع وابين ان هالشي طبيعي
لكن اني اتهرب او اعطيها رد خطا انا ضد هالمبدئ

عيال هالايام ماينقص عليهم مفتحين ويمكن لا جيتي تتهربين من الاجابه تروح لغيرج عشان يفهما وممكن تكون بطريقة غلط .. ف تسمع الكلام من امها احسن:)
ANONYMOUS
05-07-2010, 01:37 PM
يدخلونك البحر ويطلعونك ناشف






مشكوره ع التصحيح يامراقبتنا الشديده :anger1:





هلا ومرحب اخوي المجهول...

اتفق معاك انهم فاهمين لاشيا اكبر من عمرهم...ومتفتحين...لكن هل تظمن فهمهم ووعيهم صحيح؟؟؟...او على مبادئ سليمه؟؟؟
ام بس افكار وخيال تم بنسج من الافكار...والافلام ...والمسلسلات...وسوالف المجالس والناس...؟؟؟

فا تقدر تحاصر هالافكار...وتبني الصحيح...وانت في النهايه الرابح...كسبت او كسبتي...بنتك او ولدك...صديق...او صديقه...
والاهم شخص يرتاح له...ويعبر عن مابداخله من افكار...وخيال...واسأله يبغي لها جواب...
وتظمن مايروح لغيرك...يخربه...او يدمره...

ويامرحبا بك...
ولاهنت عالمرور...

هلا بك اكثر الماستر..

طبعا لا اضمن ان فهمهم صحيح..

وانا معاك ان لو كانت المعلومه من احد الوالدين افضل من ان الابناء ياخذونها من مكان اخر


يظل ان نملك الجرأه في التحدث عن هالامور مع الابناء

الام وبنتها..

الاب و ولده

يعطيك العافيه
The Master
05-07-2010, 02:47 PM
قبل لا نناقش كيف نناقشهم بالمواضيع ال :secret:

بالاول لازم نجاوب على هذا السؤال؟؟


ماهو السن المناسب لتعليم الابناء الثقافه ال 000:secret:؟؟؟؟؟؟

وماهي الاولويات التي نتبعها في تربيه ابنائنا ؟؟؟ وبأي مرحله يأتي تعليمهم للثقافه ال :secret:؟؟؟؟؟؟؟

اعتقد هناك اشياء اهم ومن خلال الاهم ممكن يكون الشخص مؤهل لتعليمه الثقافه ال:secret: :secret:؟؟؟







ومساء الفل للناس الي تبغي اتناقش هالمواضيع مع الاطفال قبل لاتؤهلهم وتعلمهم اولويات مهمه في حياتهم ^_^

تم الرد على تساؤلاتك عن طريق العضو مستوى الدعم...

وحياك الله...
The Master
05-07-2010, 02:48 PM
ههههههههههههههه وش تبينا نقولهم الله يهداك

بزر عمره 9 سنوات شتبينا نقوله الله يهداك بس قول غير ذي الكلام تبي البزران يظهرون صيع شكلك

خخخخخخخخخخخخخخخخخخخخخخخخخخخخخخخخ

تهقى...احم :secret:

نورت خيو...ووجهة نظر نحترمها...يامرحبا بك...
The Master
05-07-2010, 02:50 PM
مساء الفل والياسمين على أجدع بنت نوخذة

عزيزتي حسب قراءتي لطرح الأخ الماستر..

هو لم يذكر أبداً أن هذا الموضوع يتم تعليمه للأطفال قبل أو على حساب أي أمور أخرى..

ولكن هو يقصد أن الأمور الأخرى (مثل الدين والاخلاق الحميدة وغيرها..)

لها مصادر معروفة مثل المدرسة البيت المسجد الأقرباء التلفزيون...الخ

ولكن بخصوص هذه "الثقافة الخاصة" نجد أن هناك جزءاً كبيراً من الوعي مفقود

لأنها محاطة بغلاف السرية والعيب.. وهناك من الناس من يرى فيها "تفتيحاً للعيون"

ولكن الواقع يقول.. أن الاطفال يجب أن يتعلموا أبجديات وخصوصيات التعامل مع أجسادهم حتى لا يقعوا فريسة للمنتهكين..

فالأطفال اليوم يختلطون مع قدر كبير من الأغراب مثل الخدم والسائقين والمدرسين في المدارس والطلبة الأكبر منهم سناً.. ويشاركون في أنشطة.. ولذلك يجب تنبيههم إلى حرمة أجسادهم والتصرف السليم لمنع العابثين.. سواء من الأغراب أو الأقارب للأسف..

سيدتي.. لعلك قرأت وعرفت عن قصص تدمي القلوب.. عن ناس تشوهت نفسياتهم للأبد بسبب تعرضهم لمثل تلك الاعتداءات في أثناء طفولتهم..

أنا أتذكر مرة قراءتي لأخصائية نفسية خليجية قادت حملة لتوعية الأهل بكيفية تعليم أبنائهم مواجهة مثل هؤلاء المعتدين وكان عنوان الحملة هو "قل لا... وأخبر كبيراً بالأمر"

طبعاً.. أنا لا أفضل تدريس هذه الثقافة في المدارس للطلاب.. بل تدريس الأهل وتوعيتهم.. ليبنوا جسور الحوار بينهم وبين أبنائهم..

الله ينور...

ولو عندي بعض التحفظ على اخر فقره...لكن نخليها وقت ثاني...
تشكر على المبادره بالرد...احييك عليها...

لاهنت...
الجزوع
05-07-2010, 02:51 PM
والله انا بنفسي ينربط لساني يوم يسألوني بناتي اسئله مدري وش تبي ..
رنج سبورت
05-07-2010, 03:24 PM
يالله كل واحد يحط خبرته
The Master
05-07-2010, 08:00 PM
مرحباً ماصطر-ساما! سايشيبوري < أظنك تفهم معناها ;)

حمدلله على السلامة، واحشنا ياخي، لا تطول الغيبة ثاني مرة

موضوعك ذو شجون، واليوم كنت أتناقش في نفس المضمون مع ربعي...

أنا أشوف إن السؤال غالباً راح ينطرح من قبل طفل عمره ما بين الـ 5 - 11 سنة، أما فوق الـ 11 سنة ما أعتقد إن فيه طفل راح يجهل هذي الأمور في زماننا...

أما بخصوص أسلوب الإجابة على سؤال الطفل، الأفضل إنه يكون بشكل عام، وبعيد عن ذكر التفاصيل، وعلى حسب عمر الطفل ونباهته، نزيد من كمية المعلومات والتفصيل في الموضوع حسب عمره، لإن إعطاءه جرعة أكبر من مستواه ممكن تفسده، وإعطاءه جرعة أقل من مستواه ما راح تشفي غليلة من الموضوع وهذا ممكن يخليه يفتش عن مصادر ثانية تجاوب عن تساؤلاته، لذلك لازم ولي الأمر يتنبه لهذا الموضوع، ويعد نفسه مسبقاً لاستقبال السؤال "الصاروخي" من ولده :)

وأعتقد إن حالة الوالدين عند الإجابة للسؤال مفروض تكون طبيعية، يعني الوالد لازم يكون "ريلاكس" وغير مشدود الإنتباه أثناء الإجابه، لأن التنرفز ممكن يشد انتباه الطفل ويعطيه إنطباع غريب عن الموضوع.

هذا مالدي والشباب مب مقصرين.

موفق الشيخ.

او قينكي ديس كا اوسسوبو سان ؟ "بخصوص اللي اقلبوها معهد لغات...احم"

ومن قال سالم اخوي...تشكر علي الترحيب والكلام الطيب...فيك الخير خيو...

معاك حق ان الطرح يكون كثير في العمر لحد 11 سنه...لكن هذا لا يمنع في ناس اكثيره تجهل امور كثيره...خاصه اللي فوق هالعمر...لكن فيها خجل...او حيا...فا لازم نعرف كيف ندخل لهم فيها...

طرحت لطريقة الاجابه جميله...وفيها من الحنكه...ويبغي لها ذكاء ومهاره...في ناس عندها وناس ميييح...فا هذا يفرق اكثير...ويحتاجون لممارسه او تثقيف...

تشكر على المشاركه المميزه اخوي...

ويامرحبا بك...على التواجد المثري...
ولاهنت...والشيخ ابوك وانت اولده...
The Master
06-07-2010, 07:07 AM
السلام عليكم ورحمة الله وبركاته

صباح الخير

قبل ماابدأ وابدي راي في الموضوع

ابي اقول لك ان حصلت فقع طرش لي :secret:


بخصوص الموضوع

ان شاء الله اكون عند حسن ظنك :shy: وخاصة اني مب عارفه شلون بتكلم ههههه



الام هي مدرسة عيالها ،،


وهي البنية الاساسية للنشئ والتربيه

ان صلحت وصلح اخلاقها صلح ابناؤها :secret: ( :shy: )


لانها بتكون القدوه لهم وخاصة بسبب احتكاكهم فيها طول الوقت

ومن الصغر


هذي مجرد مقدمه عشان ابين مدى مسؤولية الام وكبرها اتجاه عيالها


الحين نجي للبنت

احب ان تربط الام بعيالها علاقة صداقة واحترام وطاعة

انا راح اتكلم عن نفسي

وبشهادة عيالي لان ولدي حبيبي يشارك بالمنتدى وراح يشوف كلامي :secret:


انا عودت بنتي على الصراحه من صغرها

دايما اقول لها لو سويتي شي خطأ قوليه ولا تخشين لانج لو خشيتي واكتشفت

راح تتعاقبين لكن لو صارحتيني ممكن تنفذين من العقاب

ولليوم ولله الحمد ماتخش عني شي

ومن نفسي لما اقترب موعد الشيسمونه :secret: بديت افهمها وقعدت معاها

استحت وضحكت وانا رسمت مراسم الجد على وجهي بلفيت عشان ماستحي ههههههه

بس الحمدلله عدت على خير وفهمت وبدت تتعلم

وان شاء الله لما يجيها ولد الحلال اللي بيخطبها اكيد بيكون لي معاها جلسة ثانيه

الام اللي ماتتجرأ انها تتكلم مع بنتها بهالسوالف عندها حل ثاني

وهي خالة البنت او عمتها تتكلم معاهم وتفهمهم اللي تبي توصله لبنتها

ويكلمونها بدون حرج بيكون الاحراج اقل بالنسبة لهم لو هي مش بنتهم

بس بالنسبة لي انا احب هالامور بنفسي اتفاهم مع بنتي فيها عشان اوصل لها اللي انا اشوفه

وابيه



اما الاولاد

للام دور في هالشي انها تفهمهم لان الاب اتوقع انه مستحيل انه يشيل الكلفة مابينه وبين عياله

بس مثل ماقالوا الشباب ان الشاب اسهل في هالامور من البنات

والسبب احتكاك الشباب مع بعض واكيد اغلبهم يودونك البحر ويطلعونك ناشف :omen2::secret:



اما بخصوص دور الام في هالمسألة مع الشباب

تبتدي تلمح لهم ان صوتهم بيتغير وان بتصير امور :secret: ولو ان فيها مستحى واحراج وهم بدورهم بيتدون يتساؤلون

هني تحد الاب انه يقعد معاهم ويكلمهم وهذي اللي صار بالنسبة لعيالي بعد



وسلامتك


ماشاااااء الله...ياعيني ياعيني على الاسلوب الطيب والجميل والمتحضر...
واللي يبين الوعي...والاهتمام في الابناء ومشاكلهم...

احييك اختي روز على ذكر تجربتك...وخبرتك...وعساها تكون فايده للاعضاء...وياخذون منها فكره...وطبعا لهم الحريه في استخدامها بخذافيرها او تزويد او نقص...اهم شي الفايده...

بصراحه اعجبتني الافكار اللي طرحتيها...والطريقه...شي طيب...اهم شي تسوين نفسك جاده عشان ما تنحرجين...احم

الله يخلي لك اعيالك يارب...وعسى ربي يطرح فيهم البركه وجعلهم بارين لكم...وعسى الجايات من عمرهم في طاعه الله ورسوله...

لك كل الشكر على هالمشاركه المثريه...وتعبك في الكتابه...يبين خذتي مشوار وانتي تكتبين...احم

ويامرحبا الساع...
ولاهنتي على المشاركه الفعاله صراحه...نورتي اختي...
The Master
06-07-2010, 07:14 AM
أنا شاركت بالموضوع لأنه خليفه ولدي سألني هالسؤال من كم يوم ..


يبه أنا شلون جيت ؟

شلون تجيبون عيال ؟


بحكم سن خليفه المبكر قلت له انه ندعي الله سبحانه و نصلي .. و اذا الله وافق الأم تحمل ..






لي عوده بالتفاصيل بعد ما اصحصح ..


و عوداً حميداً يالماستر

هلا ومرحب بوخليفه...

جوابك جدا جميل...وان كان سهل...لكن طبعا يعتمد علي العمر...وجوابك حق عمره جدا مقنع...الله ينور...حتى انا اقتنعت...احم

واشكرك على هالمشاركه السريعه...لكن انا استفدت منها...واكيد باقي الاعضاء بيستفيدون منها وبيستخدمونها مع اعيالهم...لان الحياه تجارب...والفطين من يتعلم من غيره...

ننتظر عودتك ان كان بها جديد...

لاهنت على الترحيب الطيب...فيك الخير...

ويامرحبا بك...
The Master
07-07-2010, 11:56 AM
طبعا اجيب عن هالتسالات لكن اذا كانت بنتي كبيره في عمر احس
ان اجابتي راح اتفيدها.... مب بنت ابتدائية او وحده احس سامعه طراطيش حجي
وطريقة الاجابه اهيه المهمه ممكن انا باجابتي الموجزه
اخلي بنتي او ولدي يستفيدونمن ردي وممكن باجابتي اخفف من حساسية الموضوع وابين ان هالشي طبيعي
لكن اني اتهرب او اعطيها رد خطا انا ضد هالمبدئ

هلا ومرحب اختي ام عاليه...

تفكيرك جميل...وجيد...احييك عليه...
وطبعا كل واحد بخبرته...واهم شي ايصال المعلومه...وان كانت بطريقه جميله يكون افضل...بعيد عن العصبيه او النرفزه اللي تكون اسبابها عدم معرفة طريقة الجواب...

يامرحبا بك...
ولاهنتي عالرد المثري...
The Master
08-07-2010, 01:07 PM
المفروض والمفروض والمفروض الامهات والاباء يثقفون عيالهم لمثل هاذي الامور
والحين الامهات والاباء اقلها عندهم الشهادة الثانوية والبعض عنده دكتوارة يعني مثقفين ومتعلمين..
والابناء في هالزمن كل شي مفتوح جدامهم .. ليش انخلي ابنائنا يتعلون هالاشياء بطريقة غلط ..
سواء من خلال التلفزيون او النت او حتى من خلال الخدم
واذا انا استحيت من بنتي شنو خانتي كأم

يعطيك العافية اخوي الماستر موضوع مهم فعلاااا

هلا ومرحب اختي هند...

يعطيك ربي العافيه على هالمداخله الطيبه...
وعلى التشجيع الطيب لمثل هالامور...
احييك على مشاركتك المثريه...وعساها تكون دافع للغير للعمل...

ويامرحبا بك...
ولاهنتي على التواجد اختي...