سؤال لاهل الخبرة

[وردة]

اخواني حبيت استشيركم في موقف حصلي مع مكتب عقارات طبعا شفت فيلا واعجبتي سئلت عن السعر ومبلغ وقدرة وافقت وكنت بوقع العقد تفاجت المكتب يطلب منى مبلغ 15000 عمولة
طيب انت حطيت اعلان في الجريدة انا خذت الرقم واتصلت يعني ما طلبت منك ادور والمفروض تاخذمن صاحب الفيلا صح ولا انا غلطانه والمشكلة يقول كل المكاتب ياخذون هالمبلغ الصراحة
احس نصب وكنسلت كل شي سؤال مكاتب العقارات ياخذون هالمبالغ

[NAREMAN]

اختي الوسيط ياخذ مبلغ 1% من المشتري او البائع يعتمد على الي تتعاملين معاه والله يوفقج

[اكاديمي]

1 في الميه

[الحسام اليماني]

اختي الوسيط ياخذ مبلغ 1% من المشتري او البائع يعتمد على الي تتعاملين معاه والله يوفقج

السلام عليكم
للتصحيح المكاتب عمولتهم 2%
1% على المشتري
1% على البائع
هذا الي متعارف فيه في السوق العقاري في قطر
وحتى في المحاكم اذا فيه نزاع بين المشتري او البائع مع الوسيط ورفض البائع او المشتري دفع العموله للوسيط وعنده شهود او اثبات تحكم له المحكمه بالعموله ال1% من اي طرف كان متنازع معه

[ممنوع اللمس]

مرحبا اخوي
انا عندي مكتب مقاولات
هالعموله يمكن عمولة الوسيط والله أعلم
بس بالنسبه للشركه يعني ما تستلم اي مبلغ بالنسبه لي الا عقب التوقيع والاستلام دفعات
اما موضوع 15 الف كذا.. عالهوى؟ لا هالكلام جديد :) وكل مكتب حر يمكن هذا نظامهم والله اعلم

[qatari1]

اخواني حبيت استشيركم في موقف حصلي مع مكتب عقارات طبعا شفت فيلا واعجبتي سئلت عن السعر ومبلغ وقدرة وافقت وكنت بوقع العقد تفاجت المكتب يطلب منى مبلغ 15000 عمولة
طيب انت حطيت اعلان في الجريدة انا خذت الرقم واتصلت يعني ما طلبت منك ادور والمفروض تاخذمن صاحب الفيلا صح ولا انا غلطانه والمشكلة يقول كل المكاتب ياخذون هالمبلغ الصراحة
احس نصب وكنسلت كل شي سؤال مكاتب العقارات ياخذون هالمبالغ

هل كان سعر الفيللا مليون ونصف؟!

إذا كان هذا سعرها، فعمولته 15 ألف ريال من المشتري وهذا من حقه.
و 15 ألف ريال من البائع، وهذا حقه.