يا جماعة الخير ويش سالفة مجلس التعليم

[رجل الجزيرة]

إخواني الكريم

السلام عليكم ورحمة الله وبركاته


عندكم خبر إن فيه مدرسة ثانوية مستقلة ما نجحوا إلا 3 طلاب فقط، فالسؤال وين الخلل فيه فأكيد من المجلس نفسه لأنه هو إلي يقدم الأسئلة لكل مادة ما بين 40 إلي 60 صفحة ويمكن أكثر ولمدة 3 ساعات لكل مادة وفي نفس الوقت التصحيح منهم لدرجة إن السيد حسن الساعي قال إن واحد من الطلبة المجتهدين في بداية السنة والحين راسب فإطرده أبوه من البيت وإليكم رابط جريدة الشرق لنفس الموضوع.

http://al-sharq.com/articles/more.php?id=201168

[الـقـاسـي]

سلم لي على التعليم بعد ماصار تجاره

[FAUCHON]

يااجمااعه هذا اللي هم يبونه

عيال قطر يكونون جونير :)

[ام سلطون]

ولد خالتي طول عمره "متفوووووووووووووووووووق" من الابتدائي
ياب هالسنة"ثانوية عامة" 75%
ماقولكم عن الحاله النفسيه إلي هو فيها
"حسبي الله ونعم الوكيل"

[بنت ابوها 19]

حسبي الله ونعم الوكيل فيهم


مستغربه لين متى وبيمشون رايهم علينا

تعليم فاشل والخليج بكبره يعترف انه تعليمنا فاااااشل
لامدرسين لا ادارين لا مدارس لا هيئه ولا مسؤولين مثل البشر

للاسف انهم مصرين ع الكذذب ويقولون انه اكبر نسبه نجاح هل السنه
وين نسبة النجاح عطونا النسبه بدال نسبة المواد الي منزلينها لنا


القهر انه شذمب الطلاب والله مسخره
ترا والله انه النجاح والرسوب عشوائي وحده تعترف لي تقول انا مادرست وكنت داريه اني برسب شلون نجحت ونسبتي مرتفعه ؟؟

القهر انه الكباريه الي جابرينا على المستقله حاطين اعيالهم باحسن المدارس ولا هم حاسين بشي
ومحد متلته غيرنا

ماقول غير حسبي الله ونعم الوكيل فيهم
ضيعونا والله

[STAR]

لا يسمعك الاخ ماستر وبقوول انك تطلع اشاااعاااات...‏!!‏

[STAR]

ودي أعرف عدد الناجحين والراسبين والأهم عدد
الطلاب والطالبات اللي بيعيدون السنة ومالهم دوور ثاني

[رجل الجزيرة]

ودي أعرف عدد الناجحين والراسبين والأهم عدد
الطلاب والطالبات اللي بيعيدون السنة ومالهم دوور ثاني

أستغفر الله العظيم أعتقد إن الراسبين أكثر من الناجحين.

[الاعــلامية]

http://www.m5zn.com/uploads/2010/7/4/photo/0704102207412rzfll64oy7gz86.jpg


لمن يسأل عن النسبة

المصدر : العرب

:

[STAR]

اشك بنسبه الرسوب..اتوقع أكثر
ممكن نعرف نسب اللي بيعيدون السنة بدون دور ثاني؟!‏

[دلة الرسلان]

سالفتهم أن ما عندهم سالفة وما فيهم رجل رشيد يقول لنتوقف الآن عن هذا التدمير !!

[الجـــــــرح]

سالفتهم أن ما عندهم سالفة وما فيهم رجل رشيد يقول لنتوقف الآن عن هذا التدمير !!

:nice::nice::nice:

[بوحمد111]

المسأله تجارية بحته من راسها لكرياسها ولا يهمهم تطور الشعب القطري بشكل خاص الشاطر تنزل درجاته والكسلان ترتفع درجاته بدون مبررات ولا وضوح

[al-vtc]

المسأله تجارية بحته من راسها لكرياسها ولا يهمهم تطور الشعب القطري بشكل خاص الشاطر تنزل درجاته والكسلان ترتفع درجاته بدون مبررات ولا وضوح

انا اشهد يا بوحمد

[الحجاجي]

الله يعين محـد كاسر خاطري ألا الطلاب

وضياع أحلامهم ..

والسنـة اللي راحت عليهم ..

[بلوتنيوم]

مدرسة النجاح الثانوية
لم ينجح احد :)

وياليت الى ماقدر يعدي هالسنة ما يتشائم ولا يكتئب
درس وعدى
وعمر الشهادة ماكانت مقايس لنجاح الشخص بالحياة

[bojassem13]

ما بازيد عن الاخوان اللي قبلي انها صارت تجاره مب دراسه وهذا هم اللي يبونه

وبعدين حرام عليكم
زادو الخريجين وايد صارو وما غندهم شغل او مناصب
والا تبونهم يفنشوفن الاجانب الماسكين اللي يستلمون بعشرات الالوف ويوضفونا يالقطريين
حرام عليكم


واسمح لي اخوي اللي قبلي اني ارد على كلامك اخوي
صح كلامك عمر الدراسه او العلم ما كان بالشهاده ولن هالشي ما يكون عندنا في وضايفنا

وللعلم انا نائب المدير العام عندي في ادارتي واحد من ربعي شاري الشهاده من جامعه في لبنان وهو بنفسه قايل هالكلام

بس قهر ان السنين تعدي على هالطلاب والعمر يعدي والله قهر
الشكوى لغير الله مذله

[STAR]

مدرسة النجاح الثانوية
لم ينجح احد :)

وياليت الى ماقدر يعدي هالسنة ما يتشائم ولا يكتئب
درس وعدى
وعمر الشهادة ماكانت مقايس لنجاح الشخص بالحياة

في مدرسة إسمها النجاااح؟ولا حد نجح‏!‏‏!‏

[STAR]

السالفة انهم يبون يرقعون..فيبوون يثبتوون
للعالم ان نظامهم صح وان الغلط من الطلاب..
علشان جذي خلوا نسبة الناجحين اكثر بشوي من الراسبين...

ملعووووبة

[الأستاذ]

http://www.m5zn.com/uploads/2010/7/4/photo/0704102207412rzfll64oy7gz86.jpg


لمن يسأل عن النسبة

المصدر : العرب

:


أوكدّ للجميع وأنا متيقن ومن مصادر عالية الثقة..
أن هذه النسبة غير دقيقة وأن نسبة الرسوب (دور ثان وإعادة) تتجاوز ضعف هذا الرقم .. ولن أتمكن من البوح بالرقم الحقيقي حفاظاً على المصدر من المسآلة .
..

[هتـان قطر]

أوكدّ للجميع وأنا متيقن ومن مصادر عالية الثقة..
أن هذه النسبة غير دقيقة وأن نسبة الرسوب (دور ثان وإعادة) تتجاوز ضعف هذا الرقم .. ولن أتمكن من البوح بالرقم الحقيقي حفاظاً على المصدر من المسآلة .
..



وليش ما تذكرها استاذنا الكريم

ترى نسبة الرسوب 50% وكانت اكبر بكثير

ولكن لحفظ ماء الوجه ارفعوا بعض الطلبة

قالوا على الاقل نخليهم النص..وبالطقاق يطقهم

اي مستقبل و اي خرابيط ..

[رنج سبورت]

شكلها السالفه ان الطلاب مايعرفون شي اسمه رسوب وانصدموا يوم ارسبوا

شي طبيعي على ايامنا الطلاب ينجحون ويرسبون وعندهم دور ثاني وبعضهم يعيدون السنه وبعضهم مايكملون دراستهم !!

[هتـان قطر]

شكلها السالفه ان الطلاب مايعرفون شي اسمه رسوب وانصدموا يوم ارسبوا

شي طبيعي على ايامنا الطلاب ينجحون ويرسبون وعندهم دور ثاني وبعضهم يعيدون السنه وبعضهم مايكملون دراستهم !!



اخوي الكريم رنج سبورت قبل كان عندنا كتب ندرس منها ويجينا الاختبار من خلالها

هذولا المساكين طول السنة كرف ودراسة واختبارات وبحوث..وعليها فقط 30%

وبعدها يجيهم اختبار رئيسي من المجلس الاعلى وباسئلة جديدة خاااارج المنهج

وعليها نسبة 70% ..هل يعقل كل اللي مر عليهم في المدرسة يروح هبائا منثورا

[ANONYMOUS]

غالبا كل الارقام صحيحه

ولا ترى مش صعب اي واحد يدش عالموقع ويدخل ارقام كل الطلبه ويعد كم واحد ناجح وكم واحد عليه كم ماده وكم واحد ماله دور ثاني

[abn qatar]

التعليم انتهى التعليم اللي يرتكز على البلاك بيري والجوال وغيره من التقنيات لاتنتظر منه

خير ورجى الله يرحم ايام التعليم زمان الحين الواحد يوصل المرحله الثانويه مايعرف يكتب

اسمه

[رنج سبورت]

اخوي الكريم رنج سبورت قبل كان عندنا كتب ندرس منها ويجينا الاختبار من خلالها

هذولا المساكين طول السنة كرف ودراسة واختبارات وبحوث..وعليها فقط 30%

وبعدها يجيهم اختبار رئيسي من المجلس الاعلى وباسئلة جديدة خاااارج المنهج

وعليها نسبة 70% ..هل يعقل كل اللي مر عليهم في المدرسة يروح هبائا منثورا

كلنا كرفنا وكافحنا يوم كنا طلاب وهذا شي طبيعي في ايام الدراسة

حسب اللي اعرفه ان في منهج حق كل ماده في المدرسه المستقله وبعض المدارس عندهم كتب للمواد والامتحانات من المحتوى الموجود فيها :nice:

عندهم نسبة 30% شي حلو للعمل والمثابرة وتجميع الدرجات
على ايامنا كنا ندرس الكتب من اول صفحه اللي فيها المؤلفين لين اخر صفحة اللي هي صفحة الفهرس وماكان موجود نظام الفصلين كان النظام بامتحانات اخر السنه وماعندك درجات ولا اعمال والامتحان في الكتاب كامل من اول السنه لين اخر السنه والامتحانات يحطونها موجهين وموجهات متخصصين في المواد يعني مافي شي سهل :rolleyes2:

وبعدها تم تطبيق نظام الفصلين الدراسيين ونظام تجميع الدرجات :victory:

والحمدلله الاكثرية كافحوا وفي منهم اللي اكتفى بالثانوية وفي اللي خلص الجامعه وفي اللي عنده طموح ووصله طموحه للدكتوراه :victory:



والحين عندهم في الثانوية العامة نسبة 30% تحتاج الى جهد من الطالب و70% اختبارتحريري

ممكن حد يفهمني وين الخلل في رسوب بعض الطلاب :eek5:

[الكــاســــر]

وبعدها يجيهم اختبار رئيسي من المجلس الاعلى وباسئلة جديدة خاااارج المنهج


مشكلتنا ان واحد يقول شي والثاني يبالغ في التعبير والثالث يسويها كارثة وتنتشر الاشاعة

انا قدمت الامتحانات
والأسئلة الي برع المنهج كانت قليلة
تقريبا بمعدل 10% الاسئلة الي خارجة عن المنهج في كل امتحان
و 90% أسئلة خذناها، ومب شرط تجي بنفس الصياغة، بس المهم انها مشروحة ومدروسة

أنا أتكلم عن مدرستي
أما المدارس الثانية فالله أعلم إذا المدرسين فيها ما يعرفون يضعون منهج عدل

المجلس الأعلى يضع المعايير
المدرسين يضعون المنهج بناء على المعايير
والشركة تضع الامتحان بناء على المعايير

يعني الخلل في المدرسين والمدارس
والخلل في بعض الطلاب المستهترين، الي ما مصدقين ان السنة فيها رسوب مع ان المجلس أكد ذلك
والخلل أيضا في المجلس الاعلى الي جاب النظام الفاشل

[إينشتاين]

سالفتهم أن ما عندهم سالفة وما فيهم رجل رشيد يقول لنتوقف الآن عن هذا التدمير !!


نعم صدقتي مافيه رجل رشيد والسبب إن الي ماسك التعليم عندنا كلهم حريم

[الكــاســــر]

والسبب إن الي ماسك التعليم عندنا كلهم حريم
انا دائما أقول في نفسي ان هاي سبب دمار التعليم
:nice:

[رحال]

الله يرحم أيام زمان ومدارس زمان وأساتذة زمان

[ANONYMOUS]

نعم صدقتي مافيه رجل رشيد والسبب إن الي ماسك التعليم عندنا كلهم حريم


وين الحريم مازعلوا من هالكلام.. وسكتوا ..

لو الموضوع علاوات في الشغل وليسن ونقاب كان سلو سيوفهم وجاو يطلبون القصاص

:secret:

من يخاويني بيروت .. يمدحون شارع الكهربه هالحزه

[رجل الجزيرة]

انا دائما أقول في نفسي ان هاي سبب دمار التعليم
:nice:

إلا هم فيهم الخير وبركة.

[رجل الجزيرة]

شكلها السالفه ان الطلاب مايعرفون شي اسمه رسوب وانصدموا يوم ارسبوا

شي طبيعي على ايامنا الطلاب ينجحون ويرسبون وعندهم دور ثاني وبعضهم يعيدون السنه وبعضهم مايكملون دراستهم !!

إيه على أيامنا كنا مثل ما قلت من الكتاب لين الكتاب والضرب مسموح وكنا نجتمع على الراجو نسمع أخبار الناجحين والقليل منهم الساقطين ولين الحين أذكر النحو والرياضيات خاصة الضرب من 1 لين 12 حافظهم، أي عدد تعطيني إياه أعطيك جوابه بسرعة في أقل من ثانية كلهم وعيالي حتى جدول 3 مهوب حافظينه.

[رجل الجزيرة]

أوكدّ للجميع وأنا متيقن ومن مصادر عالية الثقة..
أن هذه النسبة غير دقيقة وأن نسبة الرسوب (دور ثان وإعادة) تتجاوز ضعف هذا الرقم .. ولن أتمكن من البوح بالرقم الحقيقي حفاظاً على المصدر من المسآلة .
..

الله يسامحهم.

[ضوى]

نعم صدقتي مافيه رجل رشيد والسبب إن الي ماسك التعليم عندنا كلهم حريم

خلونا نكون منصفين اخ اينشتاين ، ليش الكل يطالب بعودة النظام القديم للتعليم مع انه وزيرة التربية كانت امراة او حرمة بتعبيركم وكان التعليم ماشي زي الساعة ؟؟؟ ليش مجمع البيان التربوي للبنات فيه اعلى نسب نجاح وخريجاتهم ماشاء الله عليهم جايبين اعلى النسب ؟؟ مب مديرة المجمع امراة ؟؟