مساعده

[ام وجدان]

لوسمحتو في مركز اسمه دكتور نيةترشن هل هو ينفع للرجيم اولا في دكتور اسمه د عادل :secret:

[وبشرالصابرين]

انشالله الاعضاء يفيدونك

[فالكـ GOOD]

انا ماابي احطمج لكن كل دكتور بيعطيج رجيم

وبتعورين راسك واخرتها انتي نفسك ماراح تلتزمين

نصيحتي لج حاولي تتحركين لو تطلعين ثلاث الى 4 ايام بالاسبوع اسباير

وتفرينه فرتين كله طبعا صدقيني بتحسين فرق والكل يدري ان
الاكل هو اللي يمتنا فلو بس تقللين اكل وتمشين من جد بينفعج

لان مستحيل تمشين ع رجيم الا مايجي يوم تاكلين مثل البيت
والريجيم هو مو ريجيم هو نظام حياه يعني ان تعودي نفسج تاكلين
باعتدال
راح تنحفين انا حاليا بسوي ريجيم وبخفف اكل وربي يعين
لاني متنت هالايام :(

فنصيحه مني لج اذا عندج اراده لاتعتمدي ع دكتور خفيفي وسوي رياضه

[MiSsY]

انا اول مره اسمع عنه ذي ف اي سنتر يشتغل ؟

الصراحه الي اعرفه شاركوا في دايت سنتر و ومحل ياربي شسمه
اممممم دايت شغله ماذكر

يعني هالمحلات يوصلون الاكل لين البيت
ولاحضت شي ان يقولون شبعنا والاكل كميته قليله
ويوم يوقفون عن الدايت وياكلون اكل البيت ياكلون ضعف الي كانوا ياكلونه ف الرجيم ومايشبعون
ف الله وعلم بس شكلهم محلات الرجيم يحطون شي ف الاكل عشان يشبع الناس بسرعه

وحبوبه بقولج ف مركز الشفاء الطبي في دكتور يطق ابر صينيه وهاذي مع الرياضه تساعدج تضعفين
لكن لااااااااااااااااازم رياضه وياها

والله يوفقج وتضعفين ان شاء الله

[دانه-قطر]

هو اسمه بيرفكت ويت وهو فرع من مركز د. نيوتريشن

موجود صوب دوار المعموره وانتي رايحه صوب دوار السوق المركزي

هو مركز وفي اكثر من اختصاصي تغذيه مب بس عادل

بصراحه هو يبيله اراده قويه لانهم بأول شهر يحرمونج من اشياء واايد وخصوصا اول اسبوع وبعدها يبدون يرجعون لج شوي كميات من الاشياء اللي احرموج منها ويدخلون لج الرياضه

وعلى حسب وزنج تنزلين

يعني اللي اوزانهم وايد كبيره يبين معاهم فرق ملحوظ بأول اسبوع ينزلون تقريبا 6 كيلو او اكثر بس انا كان وزني 75 وبأول اسبوع وبدون رياضه صار وزني 72

وأحلى مافي الموضوع جهاز الفحص عندهم يبين لج
- نسبة الدهون في جسمج ووين اكثر منطقه متجمعه فيها الدهون وهالشي يفيدج لما تسوين رياضه علشان تركزين على هالمناطق
- نسبة السوائل في الجسم
- نسبة البروتين في الجسم
- نسبة الاملاح في الجسم
- ويعطيج وزنج المثالي والنسب المعتدله لكل الاشياء اللي ذكرتها

طبعا كل اسبوع بيعطونج جدول غذائي وكل اسبوع لازم فحص على نفس الجهاز

وعندهم عصاير رجيم وشوكليت رجيم ومنتجات وايد تشترينها من عندهم

وأي استفسار أنا حاضره

[جلامور]

بصراحة هالمكان وايد زين
وناس وايد ضعفوا عليه
لأنج تروحين كل أسبوع تقيسين وزنج ، يعني في متابعة مستمرة
وإذا ما حققتي الهدف الأسبوعي يهاوشونج
وإذا حققتيه يشجعونج
وايد عجبني نظامهم

[مناي]

ذكرتوني ب 12 كيلو اللي نزلتهم

بارجع بعد العيد بأذن الله

اهم شي الالتزام

وبالتوفيق للجميع