ظاهرة كثرة المصلقات الاسلامية على السيارات .... في قطر

[البدع]

عندما تسوق السيارة

تلاحظ ان كثير من السيارات تضع ملصقات

الحمدلله

ماشاء الله

لا إله الا الله

أشكر الله

دقائق الانتظار املأها بالاستغفار

فهل انت تضع الملصقات

وهل انت مؤيد او معارض لها؟

[بيانو]

يازين مثل هذا الملصقات

أحسن من بعض الشباب اللى تلاقيهم كاتبين بالإنجليزى كلمات عيب ان تكتب - واسماء فرق موسيقه غربيه


على الاقل كلمات الله افضل من كل هذا

[ضوى]

طبعا مؤيدة وبقوة

احد ينفتح له باب اجر وخير ومايأييد هالشئ

سبحان الله اللي وضع الملصق ياخذ اجر كل واحد يقول العبارة الملصقة سواء كانت دعاء او ذكر الله وهذا بحد ذاته شئ راائع

لكن للامانة ماوضعت اي ستكير على سيارتي حتى اللحظة ولا جا ببالي ، اما عيالي فالله يهديهم ويصلحهم حاطين شعار النادي العربي

[رنج سبورت]

جزاهم الله خير


الاهم في الموضوع ان البعض واكرر كلمة البعض تلقاه حاط هالملصقات او الاستيكرات ومايلتزم بابسط قواعد المرور واحترام الاخرين في القياده

[بولينجر]

اذا كان ولابد ان يحط ملصقات فهذه افضل.....
شخصيا احب موتري من غير ملصقات.....

[الشمريه]

مؤيد لمثل هذه الملصقاااات

ومعارض لملصقات ماردك لي _ ping!!!

يعطيك العافيه على موضوعك الطيب

[شموخ دائم]

,

,

مرحبا اخوي

انا ما استخدم الملصقات بكل انواعها ماحب اضيف اي شي على السياراه

لا شعارات دينيه ولا رياضيه ولا اي نوع من الانواع

اذا الملصق صغير وفيه عبارات التسبيح اعتقد انه شي طيب وجيد

لكن تعال عاد شوف واحد حاط عبارات دينيه ( ومسرع ) او ( صاف غلط ) او يطلع ارصفه

او سياره شاحنه تريلا ووصخه متغير لونها ومكتوب عليها ايات قرانيه

اتمنى الي يحط ملصق ديني يراعي هذا الشي ويكون قدوه في الطريق

وليس ملصق والسلام


شكرا على الموضوع

,

,

اخوك



شموخ دائم

[tulepq]

حلاة السياره ما عليها أي شي .. :victory:

[بيانو]

مؤيد لمثل هذه الملصقاااات

ومعارض لملصقات ماردك لي _ ping!!!

يعطيك العافيه على موضوعك الطيب




اموووووووووووووت واعرف او افهم معنى هذه الكلمه لاحظت انها منتشره على سيارات الشباب

[نور اعيوني]

انا مع الملصقااات اللي يكون فيها شي من ذكر الله..احسن من اللي هابيين هاليومين يايحط كود البي بي او كلمات بالانجليزي والله لو تسألونهم ايش اللي مكتوب ما يعرفون بس مع الخيل يا شقرا..بس للامانه مب حاطه ولا ملصق بسيارتي..لاني ما احب احط ملصقات على سيارتي..

[ضحية البورصة]

ما شاء الله ،،،،، لازم تكون على السياره من عيون الحساد

[العبرات]

بس سؤال يطرح نفسه واعتقد يحتاج إلى فتوى من أهل العلم ..

وهو أي ملصق اسلامي يحتوي في الغالب على اسم من اسماء الله الحسنى .. والسيارة تتعرض للغبار

وقد يصيبها الوحل ... الخ .. ثم يتم مثلاً غسل السيارة سواءاً في المنزل أو في المغاسل .. فهل هذا جائز ؟

((ليس المهم الشعارات .. ولكن المهم التطبيق))

[الكواري]

احب اشوف هالأذكار على السيارات
واقول لهم جزاهم الله الف خير
بس للأمانه انا سيارتي مافيها ولاملصق ..

[Qt.1]

اكيد الااغلبيه بيكونون موافقين , مب احسن من ماردك لي والاا القلب الحزين والاا صورة جيفارا والاا حاط بيت قصيد متعذب الااخ...

[فــلان]

كل شي إذا توفر فيه رقي الذوق راح يكون حلو لأن العين ترغب وتقبل كل جميل بكل تأكيد :)
بالنسبه لي أنا حاط ستيكر واحد صغير على الجامه الخلفيه عشان
بعض الناس إتحاسب أو ممكن إتفكر للحظه إنها تحاسب:)

[بيانو]

فى مصر الملصقات تختلف

فهناك من يكتب

الحلوه مش ورث - الحلوه جايه بخلع الدرث (يعنى السنان)

و ياناس سبونى اسدد ديونى وبلاش تحسدونى

وبيانو على الدوار اوعى من الإعصار هههههه

-------

طبعاً الكلمات الدينيه افضل من كل هذا

وان عن نفسى مش حاط ولا شىء على السياره

[رنج سبورت]

اموووووووووووووت واعرف او افهم معنى هذه الكلمه لاحظت انها منتشره على سيارات الشباب

ping اعتقد انها انها خاصه بالبلاك بيري مع العلم اني ماحبه ولا استخدمه

والبعض صار مجنون بلاك بيري :tease:

[ANONYMOUS]

طبعا مع الملصقات الاسلاميه

وبالنسبه لي مب حاط شي

http://www.qahtaan.com/works/up/uploads/qahtaan-03-06-1173234374.jpg

[فيزيائية]

تذكير ( بذكر الله ) ...
و يؤجر صاحبها ان شاء الله...

[بـــــــنت النوخـّــــذه]

ماهو الهدف من وضع الملصقات على السيارات ؟؟؟؟؟؟؟؟؟؟؟؟؟؟؟؟؟؟

وهل هذه الملصقات صنعت خصيصا" للوضع على السيارات ؟؟؟؟؟؟؟؟


وهل وسيله النقل (السياره) هي المكان الصحيح لوضع الشعارات والملصقات ؟؟؟


وهل يعبر الشعار الملصق عن شخصيه سائق السياره ؟؟؟؟؟ ولا هي مجرد موضه ووسيله للتزيين فقط ؟؟؟


:nice:


(طبعا" المصلقات بجميع انواعها )
8
8
8

اسئله فضول :shy:

[البدع]

يازين مثل هذا الملصقات

أحسن من بعض الشباب اللى تلاقيهم كاتبين بالإنجليزى كلمات عيب ان تكتب - واسماء فرق موسيقه غربيه


على الاقل كلمات الله افضل من كل هذا




مرة واحد حط كلمة وقحة بالانجليزي

كاتب فيها

لاتلحقني ... يمكن اختك هي الي معاي

[البدع]

طبعا مؤيدة وبقوة

احد ينفتح له باب اجر وخير ومايأييد هالشئ

سبحان الله اللي وضع الملصق ياخذ اجر كل واحد يقول العبارة الملصقة سواء كانت دعاء او ذكر الله وهذا بحد ذاته شئ راائع

لكن للامانة ماوضعت اي ستكير على سيارتي حتى اللحظة ولا جا ببالي ، اما عيالي فالله يهديهم ويصلحهم حاطين شعار النادي العربي


الصراحة انا نفس الشيء

ماحطيت

بس حطيت على اغلب اسليارات التي تشتغل لحسابي

وناوي احط ان شاء الله

بس خايف ينقزون علي

ويقولون بدعة

[البدع]

مؤيد لمثل هذه الملصقاااات

ومعارض لملصقات ماردك لي _ ping!!!

يعطيك العافيه على موضوعك الطيب

حتى انا مب عارف وش قصدهم في هذي الكلمة

[البدع]

,

,

مرحبا اخوي

انا ما استخدم الملصقات بكل انواعها ماحب اضيف اي شي على السياراه

لا شعارات دينيه ولا رياضيه ولا اي نوع من الانواع

اذا الملصق صغير وفيه عبارات التسبيح اعتقد انه شي طيب وجيد

لكن تعال عاد شوف واحد حاط عبارات دينيه ( ومسرع ) او ( صاف غلط ) او يطلع ارصفه

او سياره شاحنه تريلا ووصخه متغير لونها ومكتوب عليها ايات قرانيه

اتمنى الي يحط ملصق ديني يراعي هذا الشي ويكون قدوه في الطريق

وليس ملصق والسلام


شكرا على الموضوع

,

,

اخوك



شموخ دائم


مب شرط

هناك لوحات كتب عليها عبارات اسلامية على الخطوط السعودية

وهي مغبرة

والتراب ليش نجس

[الشمريه]

اموووووووووووووت واعرف او افهم معنى هذه الكلمه لاحظت انها منتشره على سيارات الشباب

انشاء الله ماتموت انا اعلمك معناها ياطول العمر اشاره تنبيه للمحادثه في البلاك بيري من التطور الزايد كاتبها على سياره وهو ولايدري وين الله قاطه :shy:

[ليث العرين]

هاي حريه شخصيه بحته

[الشمريه]

مرة واحد حط كلمة وقحة بالانجليزي

كاتب فيها

لاتلحقني ... يمكن اختك هي الي معاي

صدقني حاطها ولايدري وش معناااه مثل هالاشكال الله مير يرحم حالهم :secret:

[الـمـرقاب]

لا أؤيد! دام ان العبارات عليها اسم الله، والسياره ممكن تتعرض الله يعزكم
لروث الحمام، او حتى ان كان راعيها صافها في فريج، ممكن قطاوه يركبون
على السياره ويدوسون على العباره!

مجرد وجهة نظر..}

[The End Qtr]

والله كلمه الحمد لله على طرف من ورا تحلي الموتر وتزيد اجرك وشوف كم واحد بيقراها

لا الا مؤيد وبقووووه بعد

[بعيد الدار]

أنا مع وضد

مع اللي يحط الملصق الخاص بذكر الله لتنبيه الناس وتذكيرهم بذكر الله والهدف الاسمى هو الاجر وزيادة رصيد أخرته وحصد الحسنات فكم واحد بيقراها وبيذكر الله وكم من طفل بيجلس مع أبوه بالسيارة وبيتهجاء الكلمة يعني شي حلوو والله

وأنا ضد ها

أذا كان صاحب السيارة مؤمن أيمان كامل أنه بمجرد وضعها على السيارة ستحميه وتحمي السيارة
أو أنه يعتقد أنها ستجلب له الحظ وستبعد عنه الحسد

والحقيقة تقال أنا من النوع اللي ما أحب أحط ملصق على السيارة ( مع أني أفكر بس أتردد والله )

[بيانو]

ping اعتقد انها انها خاصه بالبلاك بيري مع العلم اني ماحبه ولا استخدمه

والبعض صار مجنون بلاك بيري :tease:



يعطيك العافيه اخوى على المعلومه

[بيانو]

انشاء الله ماتموت انا اعلمك معناها ياطول العمر اشاره تنبيه للمحادثه في البلاك بيري من التطور الزايد كاتبها على سياره وهو ولايدري وين الله قاطه :shy:



الله يعطيكى العافيه انك علمتنى ماهى هذا الكلمه لانى علطول كنت اشوفها على السيارت مابعرف وش معناها

شكرا لكى

[البدع]

هاي حريه شخصيه بحته

ليست حرية شخصية ان كانت تخدش الحياء العام

وعلى العموم

الدولة تمنع وضع ملصقات

ولكنها تتسائل

[الجزوع]

اخوي البدع هل الملصقات هذي نوع من انواع الطراره ؟؟؟؟ ( لاني اخبرك تكره الطراروه)

بعدين وش يضايقك فيه كل واحد حر؟ كل شي بتتدخلون فيه ...