نبي الجزيره ترسو على بر !!!

[ابو فهيد]

انا اشتغل في الجزيره .. وزوجتي في وزاره حكوميه ..

بطبيعه الحال .. ناخذ مستحقاتنا مثل الكل ..
قالو لها .. اذا زوجج يشتغل في الحكومه تاخذين بدل سكن فئه اعزب ..
على اعتبار انه هو ياخذ من الدوله بدل سكن ..

واذا زوجج ماااا يشتغل في الحكومه تاخذين انتي بدل السكن حتى لو كان
هو ياخذ من جهه عمله غير الحكوميه ..

اتفقنا ..

اللي اعرفه ان الجزيره مش حكوميه .. او في وضع مش محدد ..
طلعت انا ورقه تفيد بطبيعه الراتب .. وخذتها زوجتي لادارتها ..
وارفعوها هم بدوهم الى شؤوون الموظفين ..
قيل لها ان ( لآ .. الجزيره لها وضع خاص )
فماراح ينصرف لزوجتي بدل السكن الزياده ..اللي يفرق حول 2000

اتصلت هي على الوزاره .. قالو لها ان (الجزيره تعتبر حكومي ) :omg:
مايصير كذا ياجماعه ..:rolleyes2:

الحين مع طبيعه العمل ..
هل اخذ ولا لا ؟؟
هل اخذ طبيعه عمل لاني في مكان حكومي ؟
ولا لا .. لاني خاص ؟
واذا ماخذت .. على فرض ان الجزيره مش حكوميه !!

هل تاخذ زوجتي بدل السكن لان الجزيره مش حكوميه ؟
اتمنى منكم تفهمون الخربطه اللي صايره ..
اخر سؤال للخبراء ..
زوجتي هل تاخذ طبيعه عمل مع العمل ان شهادتها جامعيه ..
بس مش في تخصص المكان اللي هي فيه ..

وحيــــــــــــــاكم الرحمن خواني

[إينشتاين]

شوف اخوي،، اتوقع شغلك بيقول الجزيرة (شبه حكومية) يعني مش حكومية 100% فإذاً ماتستحق طبيعة عمل مثل موظفين الحكومة...

وشغل زوجتك بيقول الجزيرة (شبه حكومية) يعني فيها جزء من الحكومة فهي ماتستحق بدل السكن...

يعني بالأخير الكل راح يدور الي أوفر له ويستفيد من الكلمة المطاطة (شبه حكومية) :nice:

[ابو فهيد]

اينشتاين .. الله يسامحك .. ماكنت ابي اتاكد من ظني ..

بس كلامك اكد لي ظني ..

الكل بيقول اللي اوفر له على قولتك !!

ننتظر راي ونصيحه الباقي ..

[شبيــه الريح]

صحيح الجزيره تعتبر شبه حكوميه فماعتقد يعطونك الله يعينك

[ابو فهيد]

يعني نخسر من كل ناحيه !!!!