هيئة حكومية تحتفل بعيد ميلاد موظفيها !!!

[إنسان عادي]

هيئة السياحة تحتفل بعيد ميلاد موظفيها!









الدوحة – الراية:

يبدو أن الهيئة العامة للسياحة والمعارض تعاني من حالة فراغ كبيرة دفعت المسؤولين فيها للبحث عن وسيلة للترفيه عن موظفيها بأي وسيلة حتى لو كان بتنظيم حفل كبير للاحتفال بعيد ميلاد عدد من الموظفين!
ففي سابقة هي الاولى من نوعها فوجيء موظفو الهيئة القطرية للسياحة بتلقيهم دعوات أنيقة ورسائل الكترونية تدعوهم لحضور الاحتفال بعيد ميلاد عدد من موظفي وموظفات الهيئة صباح الخميس الماضي تحمل توقيع السيد عيسى الزيارة رئيس الموارد البشرية بالوكالة في الهيئة العامة للسياحة والمعارض!.
الواقعة أثارت العديد من التساؤلات حول هذا النهج الجديد في إهدار المال العام في تنظيم احتفالات لمناسبات "شخصية"، فهل يدخل ضمن اختصاصات الهيئة لتنشيط السياحة القطرية تنظيم احتفالات بعيد ميلاد موظفيها؟ وقبل ذلك من سيدفع تكلفة تلك الاحتفالات والفائدة التي ستعود على الدولة من ورائها؟


المصدر:

http://raya.com/site/topics/article.asp?cu_no=2&item_no=545069&version=1&template_id=20&parent_id=19

[فرحة الكواري]

ناس فاضية

[مشتاقة لقطر]

يحتفل فيهم بفلوسه كيفه اما بفلوس الدولة ؟؟؟؟؟صج سخافة

[هدوء العاصفة]

شر البلية مايضحك .. هذيلا ماوراهم حد يحاسبهم ؟؟؟؟؟؟؟؟؟؟

منا الى المسئولين عن الهيئة ومجلس الادارة المحترم ..

[سلطان_قطر]

ياسلام والله خوش

الظاهر ماعندهم شغل

هذي سبه انهم ينشغلون بحاجه

[tulepq]

من قال إن هالشي جديد واول مره ؟؟

مدير إدارة يوم عرس .. جات موظفه تلم له من الأولي والتالي عشان تشتري له وللمدام ساعه قيمتها مبلغ وقدره ..


وهذا إحنا ..

تزوج يالله حطو له هديه ..

ربت المدام .. تعالو حطو لها ..

شرف الولد .. تعالو حطو له ..

حملت مره 2 تعالو جاملوه ..

طلع حق الياهل أول ضرس .. تعالو حطو له ..

وهذا إحنا في دوامه مالها داعي ..



يا ناس إفهمو .. أنا أذا أعز وحده مثلا وأقدرها .. شي راجع لي .. بهديه مني تخصني ومب لزوم كل العالم تشاركني ..

أما هالأسلوب الداق اللي يسوونه والنفااااااااااق الإجتماعي .. ماله داعي ..


والدليل :

شوف ياراعي المنصب كم إتصال يعبرك وإنت ع المكتب .. وكم من الناس يجونك مجلسك ..

وشوف يوم ( بـــــح ) راح المنصب عليك ..

إذا شفت قطو يمر قدام باب بيتك زين

[venum]

كان الاولى انهم يصرفون هالمصاريف على السياحه في البلد
ترا زهقنا ماعندنا مكان نتمشى فيه
كلها الا اربع مجمعات وحديقة حيوان وجنقل زون ويوقلون سياحة,,,

[meme~qatar]

الحمدلله والشكر

[abn qatar]

مقيوله المال السايب يعلم السرقه وكذلك الفاضي يعمل قاضي

[بـــــــنت النوخـّــــذه]

اهههههههههههه

يضحكني كثيرا" التقليد الاعمى للغرب ^_________________^

ويبكيني كثيرا" إهدار المال العام والتصرف فيه بغباء 0000000:weeping:


ويدعوني للاستعجاب أكثر جمع بعض من المال من الموظفين لاقامه حفله وكان الاجدر جمع هذه الاموال لصدقه او دعم لاسر محتاجه او مشروع مفيد :eek5:

[شويهينــه]

الصراحه استغربت يوم قريت الخبر في الجريده

لهالدرجه حاسين بالامان وماهمهم لاحسيب ولارقيب

والله قمنا نشوف العجب

[Arab!an]

@@ جريده الرايه كاتبه هالكلام ! والله في تطور

بس السؤال .. هل هو انتقاد لهيئة السياحه والا انتقاد لعيسى الزيارة بشخصه ؟

[الخير كله]

خلهم يستانسون .......
وانتو اشدراكم انه المال العام يمكن حطيه مسويها ولد زياره ..

زين كم رقم الموارد البشريه للهيئه..:telephone:
فررت اشتغل اهناك....:eek5::omg:

[تحداني]

ألحين هذا خبر ينكتب في جريده
حتى كلمه جريده خساره على الراية

احس جريده الرايه بؤره من المشاكل والفتن .. يحطون اشيا مالها داعي
مافي شي مفيد في هالجريده غير الكاريكاتير ليت محمد ينتقل لجريده ثانيه



يسون من الحبه أبه


قلعه تقلعهم يسون حفله
يسون جنازه

لا حول ولا قوه الا بالله العلي العظيم

[منــار]

الى كل اللى رد على اللى مكتوب في الجريده .. انا عندي صديقة تشتغل بالسياحة وسئلتها عن الموضوع وقالت

اصلن اجمالي المبلغ اللى انحط كان ( حطيه ) من الموظفين ومبلغ زهيد جدا .. بس شكلهم الرايه كان خاطرهم في الكيكة والكم فطيرة ..

اما بخصوص .. رد الاعضاء واهدار المال ... حد منكم سئل يعني معقولة السياحه بتسوى احتفال كبير بسبة عيد ميلاد وبتحط نفسها بمساءله ..

انا اقول لجريده الرايه حسبي الله ونعم الوكيل .. الواحد صار لازم اذا جاه خبر من جريدة لازم يتأكد من الجهه اللي صاير عليها الحدث ..

كل مال الواحد يبي يثق بهالجريده .. تثبت دايم العكس

بس .. الخبر الحصري .. هيئة السياحة مراح تسكت عن الجريدة .. والقادم مذهل ..

[تحداني]

^
^
^


معروفه جريده الرايه غاليتي يحبون الأكشن
هذه الجريده مفلسه .. تخيلي جريده لا تملك خبر يستحق المشاهده ماذا تفعل
تقوم وتدور سوالف مالها معنى وتكبرها
والناس ما يصدقون خبر ياحبهم للاثاره



لا تقلقي مردهم بيقلفعون هالجريده
ما احب اسميها جريده نسميها مطويه ضخمه بلا فائده تكون افضل

[الجزوع]

عندهم شواغر؟؟

[شبح الصمت]

من قال إن هالشي جديد واول مره ؟؟

مدير إدارة يوم عرس .. جات موظفه تلم له من الأولي والتالي عشان تشتري له وللمدام ساعه قيمتها مبلغ وقدره ..


وهذا إحنا ..

تزوج يالله حطو له هديه ..

ربت المدام .. تعالو حطو لها ..

شرف الولد .. تعالو حطو له ..

حملت مره 2 تعالو جاملوه ..

طلع حق الياهل أول ضرس .. تعالو حطو له ..

وهذا إحنا في دوامه مالها داعي ..



يا ناس إفهمو .. أنا أذا أعز وحده مثلا وأقدرها .. شي راجع لي .. بهديه مني تخصني ومب لزوم كل العالم تشاركني ..

أما هالأسلوب الداق اللي يسوونه والنفااااااااااق الإجتماعي .. ماله داعي ..


والدليل :

شوف ياراعي المنصب كم إتصال يعبرك وإنت ع المكتب .. وكم من الناس يجونك مجلسك ..

وشوف يوم ( بـــــح ) راح المنصب عليك ..

إذا شفت قطو يمر قدام باب بيتك زين



انتي كدى

شكلج مجربه كل هالاشياء

هههههههههههههههههاي


:nice:

[كازانوفا]

يا ريت نلاقي نص الوناسه اللى هم فيهاااا

كيف نقدم على وظيفه عندهم خخخخخخخخخخ

[tulepq]

انتي كدى

شكلج مجربه كل هالاشياء

هههههههههههههههههاي


:nice:



والله إنت اللي كده .. :victory:

يعجبني اللي معاي ع الخط .. :shy:

[بوحارب]

لو انه موظف عندهم بقولهم عطوني فلوس المصاريف حق عيد ميلادي ومشكورين :(

[bo_hamad]

أن شاء الله يجيبون محاضر يلقى عليهم محاضرة دينية تنفعهم

[FAUCHON]

انا مدري ليش انتو مكبرين الموضوع

اشوفه شي عادي حب يكافأ الموظفين ويكسر الروتين شالمشكله ؟!!

هذا تقدير للموظف

بس مدري ليش الاغلب مب عاجبه شي ..~

[muraikhi77]

ربما اختيارهم لهدف الدعوه غير موفق .

كان من الأفضل عمل تكريم للموظفين المتميزين أو تكريم بمناسبة انتهاء الموسم أو يوم ترفيهي للموظفين .... وغيرها من الأمور التشجيعية . وهذا أمر طبيعي في الشركات .

ولكن بعيد الميلاد ، أعتقد أنهم أخطأوا فيها .

ولكن السؤال الذي يطرح نفسه ؟
هل فعلاً لدينا شي اسمه الهيئة العامة للسياحة والمعارض ؟؟
وماهي انجازاته؟؟
أم هي ( كمالة عدد )