الاخوه الدلالين العرب ليش اسعاركم غير عن اسعار الاسيوين؟؟

[swedan_qatar]

السلام عليكم ورحمة الله وبركاته

اللي ملاحظه من فتره ان الاسيويين اسعارهم ارخص من العرب بشكل عام تحصل الاسيوي اجرلك البيت على 4500 في حين ان العربي يقولك 5500 وهذا الشي انا جربته بنفسي واعوذ بالله من كلمة انا لكن ليش الطمع انت ياخي مب راعي الحلال اول شي ثاني شي تساهم في عدم استقرار اسر كثيره انت مجرد وسيط يعني عطاك المالك على 4000 لا تزيد لين 5000 وتضيق حال الناس الله لا يضيق عليك نسينا من فرج عن مؤمن كربه فرج الله عنه اتقوا الله وراعوا الله في شغلكم الدنيا ماهي بفلوس بس عيب والله لما نشوف الاسيوي يأجر بأسعار مغريه في حين اخوانا العرب ولا مفتكرين باحد المسأله مب حسد الله يوفقكم لكن الطمع شين ساهموا ولو بشي بسيط في تفريج كرب الناس والله هناك عوائل لا تستطيع دفع مثل هذه المبالغ وهي في امس الحاجه الحمدلله عن نفسي مب محتاج بيت ولا سكن عندي بيتي لكن من مده نزلت اعلان والكل طايح اسعار فووووق عسى ما شر تقول ما ابي اكثر من 5000 يجيك واحد على الخاص يقولك 5500 ؟
والله اني منزل حق واحد من الربع احاول اني اساعده لكن للأسف ما قدرت ، قدر الله وما شاء فعل اتمنى من الله ان يهديكم ويبعد عنكم الطمع ونصيحه سوو شي حق آخرتكم ترى الدنيا زواله والسموحه يالربع ما تكلمت الا من اللي اشوفه من الدلالين.

[La Bella]

نفس الشي
أنا رحت حق شخصين لتنفيذ ديكور محل
العربي قال لي ٢٥٠ الف
والهندي ١٠٠ الف.
فصرت أبتعد عن التعامل معاهم نهائيا.

[musel999]

للاسف في كل مجال
العقارات المقاولات السيارات الجوالات الالكترونيات
الا من رحم ربي

[الأغر]

لا تشكيلي لابكيلك من فتره رحت اتأجر بيت على كلام الدلال 5000 ريال لما رحت المكتب صاحب المكتب الله يحفظه من جنسيه عربيه صراحه قال ب 4500 ريال فاستغرب التضارب بالسعر قال انا مليش دعوه فيه انا سعري 4500 فعلا ناس تخرب على ناس لكن في ولاد حلال الحق ينقال لكن للأسف الغالبيه هي الفئة الي تفضلت بذكرها والله بعين وان شاء الله نشوف حل للتخبط اللي بيصير

[mubarak2000]

الحمد على السلامة توكم عارفين واوصي باالهندي فقط وحاسب من البنغالي

[دولة قطر.]

بسم الله الرحمن الرحيم

اخواني انا ابي اقول لكم قصة صارت لي بالعقارات انا اول ما ابتديت بالعقار كنت راغب هالشغلة ولكن عفت الشغلة بسبب جنسيتيين او ثلاث من العرب يتعاملون بالعقارات والله الحين لو يحلفون لي باغلظ الايمان ما اصدقهم كانو يتصلو على ويعطوني اشياء للبيع بس بسعر ما كنت اانا في ذاك الوقت اعرفة وكنت اعرض وتميت فتره ما بعت ولا حققت اي انجاز لام كان شغلى مش مباشرر وفيهم اللى يقول لك كلام والله انك تصدقة المهم بعدها استغربت ليش انا ما بعت لحد الان ولا شي قلت في نفسي اكيد في خلل ورحت وعرضت بنفسي في السوق عبر المواقع والمجلات وكان شغلي راس براس دايرك او مباشر على قولت السوق مع العلم اني انا ما اشتغل جذيه عندي مكتب واشتغل تحت سجل تجاري
ولكن بعد طحت في ناس عرضو علي شغلات كنت بالفعل احتاجها لان عندي زباين طالبينها ولما كت اعرضها اكتشف انها غالية وفي بعضهم يقولي هالشغلة لقينها باقل بوايد لدرجة اني اقسمت ما اتعامل معاهم كلشششششششششششششششش واذا احد اتصل فيهم علي اسكر في وجهة او اهدده بان اسوي له مشكلة وبسببها يتسفر لان بالفعل يغشون بشكل يا ريت بتقول يزيدون مبلغ بسيط المشكلة مبالغ فوق 30 الف والمية الف مب هالمبلغ راعي الحلال احوج له او المشتري يضغط على نفسة على شان هالمبلغ ويتسلف ومن بعدها وانا كلة اقول مااااااااااااااااااااااااااااااااااااااااااااااااب ي وسطا والرازق الله
تحملو يا اهل قطر من هالجنسيات اللى في العقارات انا اخص جنسيتين ثلاث خلو شغلكم مع اهل قطر او مع احد موثوق فيه وياما يسون مسلسلات او اذا عرضت عليهم شي حلو يقول لك انا باجيب لك فيه سعر فوق ما تتصور وانت تصدق وبالاخر ما ينباع شي كلام في كلام
وتحياتي لكم

[ALHAJAJI]

مره جبت مزارع عربي عشان يجيب نخل زينة ,وانا اصلا كنت جايبهم من مشتل البلدية على خمسة ريال ,
ويوم جابهم يحلف يحلف بالله انهم قعد ينزل في سعرهم من راعيهم الين وصل لسعر 100 ريال للوحده , وصدمته يوم رويته اللي انا جبتهم , ويوم شافهم طب ساكت ولا كلمه ( معلش يا باشا اصلا انا حا تفاهم مع الراجل ده ) .

والله ان التعامل مع الهنود والبتان ابرك من وجيه بعض العرب.

[بوعدي العنزي]

جزاك الله الف خير كلمة طيبة منك ياااخوي

[alfahad1]

سؤال : ايش يستفيد الوسيط لما يرفع السعر اذا كان بيع او إجار بالعكس اذا خفض بيمشي العقار بسرعه

اعتقد هو يكون له نسبه اذا تمت الصفقه ارجوا التوضيح من أهل الخبره

[بوفهد 5555]

الي من الجنسيات العربية حراااااااااااااااااااااااااااااااااااامية ابتعدوا عنهم كذابيييييييييييييييييييييييييين واسهل شي عنده يحلف بالله

[شغموم]

السلام عليكم...

تقريباً صار لي سنة وأنا في مجال العقارات وللأسف 99.9% ليسوا كذابين بل نصابين ومحتالين،،،

والجنسيات الثلاث إللي ذكرها العضو "دولة قطر" هم نفسهم...

أمثلة للنصب...

- يجيك الدلال يرويك الأرض إللي تبي تشتريها ويخليك تشوف الموقع وتقتنع في الأرض،،،، ولكن عند التسجيل يسجلك أرض ثانية.... وصارت كثير.

- دلال يعرض عليك أرض وللأسف الأرض غير معروضة للبيع ويقولك كلم المالك بنفسك على أساس يحرجك معاه والمالك ماله نيه في البيع.

- دلال يخرب عليك البيعة والسبب إنك لازم تعطيه فوق عمولته أو الحلاوة على قولتهم، أو يروح يشوه سمعتك عند الطرف الثاني سواء كنت شراي أو بياع.

- "فريق تتابع الدلالوه" يعني تطلع مع دلال يرويك الأرض، ويمر على دلال ثاني إللي عنده الأرض، ويمر على دلال ثالث ياخذ المخطط من عنده.... وهلم جرا

وأنا ما أللوم الناس لين تتكون عندهم فكرة سيئة عن الدلالوة أو الوسطاء من أفعالهم الشينة مع الناس.

ومن المشاكل إللي صادفتني في هذي الشغلة هي للأسف عدم مصداقية من البايع أو الشاري في إتمام الأمور ومثال على ذلك إني عرضت على أحد العملاء أرض ورحت ورويته الأرض وقالي خلال يومين برد عليك وكنت متفق معاها على العمولة وخالصين وعقب يومين أتصلي الرجال وقالي خلاص الأرض صرفت النظر عنها وقلت له ما صار إلا كل خير.. وبعد أسبوعين أكتشفت إنه راح من وراي حق المالك وخلص معاها الأرض
وطرشت له مسج وقلت له ( بالمبارك على الأرض )... لو إني كذبت عليه أو تلاعبت عليه بقول له الحق إنه يروح من وراي..........


وبالتوفيق،،

[swedan_qatar]

المشكله الحين الي يصير يحط لك اعلان بالجريده يقولك من المالك مباشر ومن دون وسيط طبعا هني انت تستانس خلاص الامور طيبه والحمدلله اتكلم مع راعي الحلال افضل من مليون وسيط يفاجأك يوم تتصل بجنسيه عربيه هي اللي ترد تسأله انت راعي الحلال يقولك لا اصلوا راعي الحلال موكلني شوفوا النصب وين وصل !

والله قهر يا جماعه يا هل قطر يا هل الحلال انتبهوا على حلالكم والله يوفق الجميع

[mubarak2000]

واللة انا اشتري وابيع عن طريق المنتدى وبس لا مكاتب ولا دلالوة ولا عوار راس من صجك كل واحد حاط لة مكتب خايس ودلة جاي وصاير فيها مكتب عقاري , الي صج يبي مكاتب فيها خير ايجرب المكاتب الاجنبية مثل 21 centry الصراحة شغل اروبي محرف مش زلاماتي سوداني مصري منتهي

[بنـ الدحيل ـت]

الله يهديهم ويصلحهم

حصل لي موقف كثيرا

عندما اجد المنزل 5000 فأتنازل عنه فأجد غيري قد أخذ المنزل بسعر 4000

وايضا هناك شيء اسمه العمولة

في بعض الأحيان ادفع لهم ..

وعندما اتنازل ..واطلب ان يرجع لي العمولة ..

يقول لي راحت عليج

الله يسامحهم

ولا زلت أبحث

فالله المستعان

أتمنى من القلوب الرحيمة

في إيجار منزل بأسعار رخيصة

في أسرع وقت

[لورا-قطر]

ارجو من البعض ان لايشمل لان في منهم الي فيه الخير مجرد رأي