إلغاء توزيع 5000 قطعة أرض وتحويلها إلى محمية!!!!!

[مستثمر رشيد]

إلغاء توزيع 5000 قطعة أرض وتحويلها إلى محمية


جاسم سلمان:
علمت الشرق أنه قد تم إيقاف توزيع 5000 قسيمة أرض كان من المزمع توزيعها على المواطنين من قبل إدارة التخطيط العمراني في وزارة البلدية، وذلك لتحويلها إلى محمية طبيعية، وتشير مصادر مطلعة الى أنه سيتم البحث عن مناطق بديلة، لتوفير أراض للمواطنين الذين كانت لهم الأولوية في التوزيعات المتوقفة، وتشير المعلومات إلى أنه لم يتم تحديد المنطقة الجديدة التي ستخطط، تجهيزا لتقسيمها، وعمل مخططات لها، علاوة على أن هناك مشكلة في أن البعض من الذين بلغوا استحقاق البناء والحصول على قسائم أراض، لم توفر لهم بسبب توقف التوزيعات، بالإضافة إلى أن هناك العديد من المواطنين الذين حصلوا على موافقات قروض السكن، لم تخصص لهم الأراضي اللازمة لإعطائهم القروض، وتم تأجيل أسمائهم إلى دفعات لاحقة، لنقص الأراضي.وفي ذات السياق أكد مصدر في وزارة البلدية أن هناك 3000 شخص على قائمة الانتظار في إدارة التخطيط، من المستحقين للأراضي.

[محمد افندي]

نسيت تذكر أهم شي .. وشهي المنطقة الي حولوها لمحمية او الي وقفوا التوزيع فيها ؟ :)

[مستثمر رشيد]

نسيت تذكر أهم شي .. وشهي المنطقة الي حولوها لمحمية او الي وقفوا التوزيع فيها ؟ :)

اتوقع والله اعلم تكون روضة الحمامة ..... المشكلة ان البلدية سلمت سندات الملكية للناس وبعضهم بلش يبني .....

[نايم سهران]

صحيح هالكلام سمعته من زمان

[كاتم المواجع]

لاحول ولاقوه ..... والناس اللي بنوااا وش ذنبهم... الله يعينهم على هالتخبط

[العضو الماسي]

الله يعينهم راحت عليهم 10 صفر ... الي خذ هناك بيسحبون أرضه وممكن يعطونه مبلغ تعويظي مقابل الأرض مثل ماعملوا مع الناس الي كانت لهم اراضي مشروطه من الدوله في منطقه الناصريه بو 1200 عطوهم 800 ألف وقالو لهم دورو لكم أراضي على أيام الأرتفاع ... يعني أن عطوهم مبلغ تعويظي عن الأراضي راح يعطونهم تقريبا نصف سعر تعويض منطقه الناصريه .. بحكم بعد الأماكن .

[صوت الضمير]

ياناس بخصوص اللي بنو..

وبخصوص البعض اللي بدوا بوضع الأساس.. وقسط التنمية..

وش السالفه؟؟؟

وش هالتخبط ؟؟ يعني يوم سلموا الناس الأراضي توهم يفكرون بالمحميه..

حسبي الله والنعم الوكيل


أبداع

[العاشق1000]

الصراحة الله يعين الي بنو راحت عليهم

[alfahad1]

في كثيرين نزلت اساميهم وما قدروا يكملوا باقي تكلفت البيت

ولو عندهم كانوا الحين قاعدين يبنون ولا شروا بيت العمر

[Sharshooooor]

اتوقع والله اعلم تكون روضة الحمامة ..... المشكلة ان البلدية سلمت سندات الملكية للناس وبعضهم بلش يبني .....

لا اخوي روضة الحمام مافيها اي شي من هالكلام

المشروع اللي كان راح ينفذ وانلغى قبل اراضي روضة الحمام وماصرفوا اي سند ملكية على هالاراضي

بس خبر الاشاعات في قطر مثل البرق وخصوصا اللي تسد النفس :nice:

[basma222]

انا اللى سمعته المحمية بتكون في الخيسة
والله اعلم

[ام سلطون]

احنا الحين نبني فروضة الحمام وكل شي زي الفل ماسمعنا شي

[شغموم]

وزارة البلدية والتخطيط العمراني


أقترح على البلدية لتدارك هذا الموقف المخزي بتوزع كرفانات غرفتين وصالة وحمام لأصحاب الطلبات القديمة..... العوض ولا الحريمة


الله يعينكم ويعوضكم خير....

[C@RaMella]

ماخبرت محميات في نص البلاد

[kooool]

تخبط طبيعي

[احساس شايب]

الـ5000 قطعة ارض لم يتم تسليم سندات ملكية لها !! وليست بروضة الحمامة

[زقرتي ومزاجي]

لا حول ولا قوه الا بالله .... عشوائية * عشوائية

[الجزوع]

حتى الحيوانات صارت اهم من المواطن . حسبي الله ونعم الوكيل

[زقرتي ومزاجي]

حتى الحيوانات صارت اهم من المواطن . حسبي الله ونعم الوكيل


:weeping:

[مطيع الله]

هذي صفعة من حكومتنا الموقرة،
هي تفعل،
واحنا نستاهل،

وفوق، فوووووووووووووووووووووق يا عقار التجار.

[الـقـاسـي]

عسى مااشر 5000 ارض محميه .. والقطري ماله حق في ارض تكون محمية له ولعياله من الانقراض ..

من كبر قطر عشان يسوون محميات يستعبطون هذولا ولا شسالفه .. اتوقع الحكومة تبي تقهرنا بأي طريقه وبس ..
ولا شكله حد واصل حاط عينه عليه ويبون يصرفون الشعب قالوا محمية

[Sharshooooor]

حتى الحيوانات صارت اهم من المواطن . حسبي الله ونعم الوكيل

ههههههه

ذكرتني بواحد يربي خرفان
يقول لي هالخرفان احسن من العيال

لاجوازات لاشهادات لاعوار راس

حتى اكلهم ارخص من الاوادم :nice:

[بوحارب]

مسكين المواطن :)

[مرتبش]

ههههههه

ذكرتني بواحد يربي خرفان
يقول لي هالخرفان احسن من العيال

لاجوازات لاشهادات لاعوار راس

حتى اكلهم ارخص من الاوادم :nice:

اممممم:rolleyes2:

ان شاء الله مايحصل تأخير في تسليم ال 5000 مواطن اراضيهم
يسوون المحمية ..اوكي بس ال 5000 اسرة يستلمون اراضيهم في نفس التاريخ السابق . يحطون ميزانية جديدة واعتمادات مالية وما ادري ايش بس يسلمونها في التاريخ المحدد.

5000 قطعة ارض ليست قليلة...كم عدد بيوت هل قطر الان؟

[الموضوعي]

مدري لما اشوف تصرفات بعض المسؤولين اتذكر الصعايدة في مصر

[Store]

الأراضي الي سحبت في الخيسة بين الخيسة القديمة وبين خط الخور الساحلي مع العلم بان هناك مباني قريبه ومشاريع وسيارات رايحه وراده وحلبة الاوسيل اي محميه بتصير هناك عطلوا خلق الله

حرااااااااااااااااااااااااااااااااااام والله

[بنت ابوها 19]

الأراضي الي سحبت في الخيسة بين الخيسة القديمة وبين خط الخور الساحلي مع العلم بان هناك مباني قريبه ومشاريع وسيارات رايحه وراده وحلبة الاوسيل اي محميه بتصير هناك عطلوا خلق الله

حرااااااااااااااااااااااااااااااااااام والله

الاراضي الي انسحبت من الخيسه البعض عوضوهم باراضي اكبر مساحه ببني هاجر الجديد

واحنا منهم

لكن في ناس عطوهم عذر انه الخدمات وتمديدات الكهربا للحين ماوصلت وهذا راح يكون سبب التاخير بالتسليم


الله يكون بعونهم والله
الحمدالله انهم عوضونا ولا جان كنا منهم :secret:

[الصحراء]

المشكلة الأساسية والي ليست من اليوم وانما من وقت طويل هي التخبط والعشوائية وعدم التخطيط في كل شئ تقريباً وأكبر دليل على ذلك أبراج وسط منطقة سكنية (الدفنة ) حتى الابراج نفسها والتصميم ارى انه مشوه منظر المنطقة عكس الي يقول انه تعطي منظر جمالي للكورنيش !!!!!!!!!!

[ahmed8]

مدري لما اشوف تصرفات بعض المسؤولين اتذكر الصعايدة في مصر

:nice::nice::nice::nice:

[فــلان]

أنا في شمال الخيسه وببتدي بنيان إن شاءالله الإسبوع الجاي ولا جاني من حد أي خبر أو بلاغ من هالنوع و الأمور ماشيه بشكل طبيعي.

[بنت ابوها 19]

أنا في شمال الخيسه وببتدي بنيان إن شاءالله الإسبوع الجاي ولا جاني من حد أي خبر أو بلاغ من هالنوع و الأمور ماشيه بشكل طبيعي.

يقصدون البعض الي للحين مانزل الكشف باساميهم

[hard to get]

[quote=الصحراء;6078723]المشكلة الأساسية والي ليست من اليوم وانما من وقت طويل هي التخبط والعشوائية وعدم التخطيط في كل شئ تقريباً وأكبر دليل على ذلك أبراج وسط منطقة سكنية (الدفنة ) حتى الابراج نفسها والتصميم ارى انه مشوه منظر المنطقة عكس الي يقول انه تعطي منظر جمالي للكورنيش !!!!!!!!!![/quo

بالعكس انا اشوفهم مخططين حق كل شي!!!:)
ومبروك لاصحاب الفلل المهجورة وتجار العقار

[الغلا]

الامور كلها بتتغير 5000 ارض و3000 طلب هاي كله بتنحل مشاكلهم بعد موافقة الفيفا للجنة 2022
تدرون الحين محد يقدر يسوي اي شي لين ماتطلع النتيجه

فالحين انتوا تدرون الكل ينطر النتيجه . مايقولون خصصوا هالسنه حق البنيه التحتيه :shy:ماصار شي ينطرون

الله فوق

[بوخالد911]

الله يصبررهم

[الطبيشي]

الله يعين الجميع .. انا في رأيي ومن وجهة نظري ان راحة المواطن أهم بكثير من المحميه ... فالمواطن هو من يحتاج الى محميه تحميه من التشرد والتجار والأيجارات ... الحياه الدنيا مرّه واحده لذلك من حق المواطن يسعد فيها ... والحمد لله البلد من افضل البلدان اقتصاديا" واجتماعيا" وامنيا" الله لا يغير علينا وبيض الله وجه ابو مشعل والله يالولاه انحن رايحين فيها ولكن بفضل الله سبحانه وتعالى وبفضل توجيهاته وسياسته الحكيمه دولتنا من اقل الدول تضررا" بالأزمه الاقتصاديه ... ودمتم سالمين

[بنت ابوها 19]

تم الاتصال بالتخطيط والعمران والاستفسار عن الموضوع

في دفعه راح تنزل اساميها قريب باذن الله
وهاذي الدفعه الي عوضتهم الدوله ببدل الخيسه ببني هاجر الجديد

اما البعض المقصودين في هل الموضوع هم الدفعه الثانيه الي بتجي بعد الاولى الي بتنزل قريب ان شااء الله

[Sharshooooor]

تم الاتصال بالتخطيط والعمران والاستفسار عن الموضوع

في دفعه راح تنزل اساميها قريب باذن الله
وهاذي الدفعه الي عوضتهم الدوله ببدل الخيسه ببني هاجر الجديد

اما البعض المقصودين في هل الموضوع هم الدفعه الثانيه الي بتجي بعد الاولى الي بتنزل قريب ان شااء الله

ههههههههه

وضحي لاني الصراحة احوليت

كأنج تقولين انتهيت بالبداية

ممكن مصدرج بالنسبة للمعلومة وايش سالفة الدفعة الثانية اللي تجي بعد الاولى :nice:

يعني مايصير الدفعة الثانية حاف بس؟؟؟

[بنت ابوها 19]

ههههههههه

وضحي لاني الصراحة احوليت

كأنج تقولين انتهيت بالبداية

ممكن مصدرج بالنسبة للمعلومة وايش سالفة الدفعة الثانية اللي تجي بعد الاولى :nice:

يعني مايصير الدفعة الثانية حاف بس؟؟؟

والله انها تنفهم بس شنسوي لازم نشرح

في دفعتين اصلهم للحين مانزلو

في دفعه بتنزل الحين الي عووضوهم بدل الخيسه ببني هاجر
وفي دفعه ثانيه الي سحبو الخيسه منهم ولا عوضوهم بشي


هم بهل المقال يقصدون الدفعه الثانيه مش الاولى الي بتنزل قريب


المصدر : اسمنا بينزل مع الدفعه الاولى وموضوعنا ماشي ومتابيعين الموضوع يعني مايبيله مصدر اكثر من جي :discuss:

[Mr.Hamad]

الي يشوفهم ويسمعهم وهم يرددون "محمية طبيعية"

يقول عايشين في أفريقيا ولا في أدغال الأمازون من كثر الحيوانات الي عندنا !!!

ما عندنا إلا كم ضب لا وهاجرو لأوروبا من الحر والموت

بيسمونها "محمية الضبان"

[كاتم الاسرار]

الي يشوفهم ويسمعهم وهم يرددون "محمية طبيعية"

يقول عايشين في أفريقيا ولا في أدغال الأمازون من كثر الحيوانات الي عندنا !!!

ما عندنا إلا كم ضب لا وهاجرو لأوروبا من الحر والموت

بيسمونها "محمية الضبان"



:victory::victory::victory:
صدقت والله كل شي علينا ماندري ايش جاي في الطريق بعد سمعنا عن قطر الخضراء وين خضراء
الله كريم

[قطرية7]

[QUOTE=Mr.Hamad;6080539]


الي يشوفهم ويسمعهم وهم يرددون "محمية طبيعية"

يقول عايشين في أفريقيا ولا في أدغال الأمازون من كثر الحيوانات الي عندنا !!!

ما عندنا إلا كم ضب لا وهاجرو لأوروبا من الحر والموت

بيسمونها "محمية الضبان"

[/QUOTE

كاي:taunt::taunt::taunt::taunt:

[موضي قطر]

حتى الحيوانات صارت اهم من المواطن . حسبي الله ونعم الوكيل

حيوانات :eek5: اي حيوانات الله يهديك اللي يسمعك يقول واحنا نتمشى في البلاد نشوف

النمر والفهد الأفريقي والزراف والفيلة :anger1:

[وريث الطيب]

ياجماعه الاشاعات ما تخلص ولله يعينا
والشخص الي كتب الموضوع
ياليت يعطينا الرابط او يقول انا في اي عدد طلع هذا الخبر في جريدة الشرق
ولي يبني في روض الحمام وخايف من انه يصير شي يتصل بلدية الضعاين ويتئكد منهم انا على اتصال وياهم وستفسرت من مدير التخطيط شخصيا علي العبدلله بخصوص منطقة روض الحمام
بالعكس الا مدح المنطقه وقال انها بتكون من ارقى المناطق في الدوحه
ما عليكم من لا شاعات ولا حد يصدق هل خرابيط

[رياني qtr]

الي يشوفهم ويسمعهم وهم يرددون "محمية طبيعية"

يقول عايشين في أفريقيا ولا في أدغال الأمازون من كثر الحيوانات الي عندنا !!!

ما عندنا إلا كم ضب لا وهاجرو لأوروبا من الحر والموت

بيسمونها "محمية الضبان"





ههههههههههههههههههههههههههههههههههههاي

[Fahad Alqahtani]

اقسم بالله شئ يقهر الللي يسمع كلام المسؤولين يقول ان المسؤولين في قطريحاربون التلوث و يحافظون على البيئة الطبيعية .

طابور سيارات سحب المجاري عند مصبهم والله ان طوله اكثر من كليو متر .ولحد تكلم منهم ينتظرون يفيض نفس المصب اول وينقولنه مكان ثالث ليش ماتكلموا عنه او عن ايجاد حل له كمعالجة المياه . مشورع اللولوه تلوث بحري مشورع المطار الجديد تلوث بحري.. التلوث في قطر بازدياد وعدد الشجر في قطر ينقص حتى الديوان الاميري شلو الشجر اللي كان فيه . نرجع للموضوع
الحين ال 5000 شخص اللي كانوا بياخذون ال 5000 قطعه اللي كانت مخططة وماعليها خدمات بينظرون قطعه ارض تتخطط وبعدين تدخلها الخدمات ردد ياليل ماطولك.

[Q_Invest]

من تصريحات المسؤولين .. في مشكلة في قطاع العقار .. زاد العرض والطلب اقل بنسبة 30% وراح تزيد النسبة اذا ما تصرفوا بسرعة ..

ومافي احسن وافضل من المواطن انه يشارك الدولة همومها ومشاكلها.

يعني 3000 طلب مقابل 5000 ارض .. لو وزعوها راح يقل الطلب في السوق العقاري .. وبيعجز الملاك عن سداد المديونيات وبتطالب البنوك وبتنقص السيولة .. ومن بيتأثر باﻻزمة في اﻻخير المواطن ...

اصبروا .... ترا الحكومة ابخس باللي تسوية.

(ملاحظة بالواسطة كل الكلام اللي فوق كلام فاضي)

[فيصل الشمري]

ما شاء الله!!

الحمد لله كل واحد عنده خمس عمارات وسبع فلل وشوله كثرالأراضي


لازم نحافظ على حياة الضبان والسحالي

[شهد]

فعلا شئ يقهر اخو ريلي ارضه بالخيسه قالوله انها صارت محميه

[بوجبر]

بكرة باجيب لكم الخبر الاكيد

[الصريحه]

لاحول ولاقوه الا بالله والله المستعان

[(الفيصل)]

أن صحت الروايه

لدي ثلاثة أسئلة لارابع لهما
من هو صاحب هذا الأقتراح ؟؟
ماهي طبيعة هذه المحمية التي تم تفضيلها على الأنسان وأستقراره -دون إيجاد بديل بالوقت الراهن؟؟
كيف تم توزيع الاراضي على المواطنين قبل هذا القرار فهل المحمية ظهرت في ليلة وضحاها ؟؟

والله - أن صح ماذكر- ماهو الا التخبط (بعينه وعلمه)
ولاحول ولاقوة الا بالله

[Bo jassim]

هال كثر صاحب القرار يحترم ولد ابلاده

[Bo jassim]

انصح حد من الشباب يتبرع ويروح الجريده ويطبع بعض ردود الاعضاء

لان شعبنا عزيز

واي محميه الله يهديهم
يفضلون الحيوان على الانسان؟؟؟

على الاقل شاورونا

[danh]

حسبي الله ونعم الوكيل ننتظر اسمائنا تنزل.. وبجرة قلم ينهون كل شيء

الله لا يوفقهم ويا علهم ما يتهنون فيها .. :(

[bu 3li]

هههههههه لحد يدعي مب ناقصين دعاوي هم

بخصوص الموضوع انا ( اعتقد ) انها بتكون حديقه ( شبيهة الهايد بارك )
ولا اللي يبي يسوي محميه بيختار الخيسه ويخيس حلوجنا احنا !!!!


دخيل الله بس اخذوا الـ 400 الف ذول ولا 300 الف قطري وحطوهم فـ رويس واعزلونا عن المشاريع والتخبطات وخلونا نعيش عيشة الاول ترى وايد ابرك من الشقى ذي .. والله اللي يبي يكتب مسلسل حق رمضان يجي يشوف شيصير فـ البلاد ترى صج احداث تصلح تكون فلم او مسلسل

[إعلامي قطر]

أن صحت الروايه

لدي ثلاثة أسئلة لارابع لهما
1) من هو صاحب هذا الأقتراح ؟؟
2) ماهي طبيعة هذه المحمية التي تم تفضيلها على الأنسان وأستقراره -دون إيجاد بديل بالوقت الراهن؟؟
3) كيف تم توزيع الاراضي على المواطنين قبل هذا القرار فهل المحمية ظهرت في ليلة وضحاها ؟؟

والله - أن صح ماذكر- ماهو الا التخبط (بعينه وعلمه)
ولاحول ولاقوة الا بالله



..

1) مسؤولو البيئه، وحسب ماسمعت من كذا مصدر مطلع
إن الأراضي كانت تعيش حالة شد وجذب مابين التخطيط والبيئه..

2) الله أعلم..

3) من مصادري إنهم وصلوا لإتفاق بقسم الأرض المتنازع عليها لقسمين، قسم
يصير تابع للبيئه وراح يكون محميه (الـ 5 الاف قطعه اللي ماتم توزيعها أساساً)
والقسم الآخر وزعوه ومن ضمنه أرضي للأسف لأني شخصياً أتوقع مستقبلاً
يسحبون أرضي بأي حجه كانت كتوسعة المحميه مثلاً او او او خصوصا
في ظل التخبط والعشوائيه بالقرارات للأسف الشديد..

ومن وجهة نظري كان الاولى تكون المحميه مابعد الخور على الأقل..

لكن حسبي الله ونعم الوكيل على صاحب
هالقرار إن صح كل ماسمعت..

..