استفسار عن تركيا

[القانوني]

السلام عليكم

لدي بعض الاسئلة حول تركيا وهي :

1- كيفية الحصول على فيزا حيث قال لي موظف السفريات انني احصل عليها من المطار التركي وبكل سهوله وكم رسومها
2- بخصوص العملة ما الافضل ان اصرف دولار امريكي ام يورو او ليرة تركية

3- هل توجد مكتبات عربية في اسطنبول للشراء



القانوني ،،،

[بنت ابوها 19]

بخصوص الفيزا والله ماعرف هل عملناها بالمطار ام السفاره
لكن مادري شاكه انه عملناها بالمطار لانه انتظارنا وايد
انت تاكد بعد ياخوي


لكن بخصوص العمله
تحمللللللللللللل تودي معاك الدولار راح يبقونك بوق بشكل فضيع
اخبر كانو يقولن لنا انه الدولار الواحد يعادل الليره
وكنا مصدقينهم ونعطيهم الدولار
لكن بالاخير طلع في فرق بين الدولار والليره

وحتى صرفها كان صصعب علينا كان لازم نحولها لليره لانه مش كل الاماكن والمحالات تمشي لك الدولار

واذا بخصوص المكتبات في مكتبات واسواق كثيره تتوفر فيها الكتب
حتى المجمعات التجاريه في محلات للكتب الي اخبره عدل مجمع الجواهر بأسطنبول
وحتى في مجمع في بورصه لكن ماخبر اسمه لانه اخبر شي باركً ..

تحياتي لك وتمنياتي لك بالاستمتاع بها :)

[فرحة الكواري]

الافضل صرف ليرة تركية واذا مب متوفر اصرف يورو

الفيزا تسويها في المطار في تركيا وانت واقف وماتاخذ وقت وايد فيه رسوم لكن انا ناسيه كم

[qatari1]

الرسوم على الفيزة بـ 20 دولار للجواز الواحد، وبالتوفيق.

[فارس قطر333]

الفيزا مثل ما قال الاخ qatar1

اما بالنسبه للعمله الافضل تاخذ معاك دولارات

واذا تبي سايق في تركيا عندي رقم شخص محترم وعنده ناس تتكلم عربي ويودونك اي مكان في

خاطرك

[jassem777]

السلام عليكم

لدي بعض الاسئلة حول تركيا وهي :

1- كيفية الحصول على فيزا حيث قال لي موظف السفريات انني احصل عليها من المطار التركي وبكل سهوله وكم رسومها
2- بخصوص العملة ما الافضل ان اصرف دولار امريكي ام يورو او ليرة تركية

3- هل توجد مكتبات عربية في اسطنبول للشراء



القانوني ،،،

الفيزا من المطار 20$ مثل ماوضحو اخواني

اذا انت قاعد في استطنبول انصحك السكن في ميدان تقسيم اي شي تحتاجه موجود عندك

دون عناء

[القانوني]

:) مشكورين جميعا على الرد والمساعدة :)

افهم من مما تفضلتوا به

1- ان ماشيل هم الفيز لانه بتكون في مطار اسطنبول ورسوم الفيزا الواحدة 20 دولار

2- اخذ معاي ثلاث عملات ليرة تركية ويورو ودولار :shy:

----
اخوي فارس قطر 333
اذا ممكن ترسل لي رقم السايق وهل هو في اسطنبول ويتحدث العربية او الانجليزية
وكم ياخذ بالساعة

[بوخالد911]

هلا

الفيزا : بالمطار ومقدارها 20$
السايق : أهم شي تتفق معاه على اليومية بكم وهل البترول عليك ولا عليه
بترولهم ناررررررر
قيمة اللتر ال1 = 5 ريالات
كنت ماخذ ميني باص ونعبييه بترول ويطلع علينا حوالي 500 ريال !!!!!!!!!!!!!

المشاوير : داخل اسطنبول أرخص أشوي
ولكن للمناطق الخارجية بيطلب منك زيادة


ووودي تتذكررني بس لما تعبي السيارة بالبتروول وبعدها قوولي بكم كلفك
اووك؟


مووفق اخووي



مسيوو / بوخالد911