الحادث

[الهملة111]

سؤال لماذا عند اصتدام سياره من الخلف تكون انت الغلطان ليش مايكون صاحب السياره الاماميه هو الغلطان لان هو المتسبب ؟؟؟

[ANONYMOUS]

لانك ماتركت مسافة الامان القانونيه اللي هي 100 او 200 متر..

مش متأكد من المسافه بالضبط

..

لو كان في مسافة امان.. كان لحقت توقف من غير ماتبوسه

[بعيد الدار]

لانك ماتركت مسافة الامان القانونيه اللي هي 100 او 200 متر..

مش متأكد

صح كلامك :nice:

يعني لو أنت مخلي مسافة بينك وبين اللي قدامك كان عرفت تتفادى الحادث

[ممنوع اللمس]

حلو كلامكم مسافه وهالسوالف؟

اليوم وانا جاي من طريق روضة ر اشد طبعا عارفين هالطريق يا زينه زينه مرتب واناره ويسع لـ 9 سيارات(ولا شي من اللي قلته صحيح)

المهم قبل روضة راشد في صعده عقبها لفه يعني ماتشوف اللي جايين
وانا امشي 100 السرعه القانونيه واول ما طلعت الا في شاحنه واقفه بالنص وتنزل واحد؟
يعني لو ربي ما ستر ودخلت فيها كان انا الغلطان بكل بساطه لاني داعمه من ورا :)

انا اشوف غلط لان في ناس يمسكون بريك فجأه ومادري شنو والا تمر من شخص تبي تتجاوزه الا يطلع بوجهك وبريك وتدخل فيه غصب غصب

[Bu Rashid]

^^^^^^^^^^^^^^^^^^^^^^^^^^^
الحمد لله على سلامتك اخوي ممنوووع اللمس ...

[ANONYMOUS]

الحمد لله على سلامتك يممنوع اللمس

المسافه هذي حق اذا ضرب اللي قدامك بريك فجأه

اما راعي الشاحنه هذا مخالف و واقف في الشارع ويعيق الحركه 100%


بعدين انت تقول صعده .. مايبي لها شي الله يطولي بعمرك.. خف السرعه ...اوتوماتيكيا.. ماتضمن ايش يطلع لك

موتر واقف.. موتر جاي وجه بوجه.. مطايا.. حادث لاسمح الله

يعني في بعض المواقف ماتحتاج قانون يعلمنا وش نسوي.. او جهه نلومها..

[بعيد الدار]

حلو كلامكم مسافه وهالسوالف؟

اليوم وانا جاي من طريق روضة ر اشد طبعا عارفين هالطريق يا زينه زينه مرتب واناره ويسع لـ 9 سيارات(ولا شي من اللي قلته صحيح)

المهم قبل روضة راشد في صعده عقبها لفه يعني ماتشوف اللي جايين
وانا امشي 100 السرعه القانونيه واول ما طلعت الا في شاحنه واقفه بالنص وتنزل واحد؟
يعني لو ربي ما ستر ودخلت فيها كان انا الغلطان بكل بساطه لاني داعمه من ورا :)

انا اشوف غلط لان في ناس يمسكون بريك فجأه ومادري شنو والا تمر من شخص تبي تتجاوزه الا يطلع بوجهك وبريك وتدخل فيه غصب غصب

عااااااااد هنيه وأنت وحظك

أنا القانون اللي يقهرني ويرفع ضغطي

لما تكون أنت تريوس بالسيارة ومحد وراك وفجأة يجيك واحد ويمر من وراك بدون ما ينتبه أنك تريوس شوي الا أنت داعمة ورايح المرور الا يقولون الغلط على اللي يريوس بأي حال من الاحوال

[basma222]

الحمد لله على سلامتك

[بنت ابوها 19]

مش في كل الحالات الي من الخلف يكون هو الغلط والمتسبب
يدرسون حالة الحادث مثل مره واحد عنده سياره قير عادي وعند الاشاره ورجعت السياره بدون مايحس وخبط اختي طلع هو الغلطان
ومره واحد مهدي من يمين وخلطه واحد لانه خطه صح وماشي سيده اعتبرو الي جدام هو الغلط مش الي من الخلف
فتختلف الحالات

[الهملة111]

وايش رايك الي امامك فجاه يضرب بريك على اساس ادعمه لان سيارته في الاصل مدعومه من الخلف وقديمه على اساس يتم تصليح سيارته عن طريق تامينك اوتعويظه بمبلغ بدل السياره اذا تكنسلت ترا هذا الي حاصل هل الايام وخاصه يدورون السيارات الجديده لان تامين شامل

[missperfect]

لان السيارة التي بالخلف لابد ان تكون اكثر حذراً من الاماميه

وسلااامتكم من الحوادث

[The Blade]

مثل ماقالوا الشباب وهذا بسبب عدم ترك مسافة , طبعا هذا الشئ مراح يشمل اي حادث من الخلف !! لان التحقيق له كلمه ثانية وفيه احتمالات واجد مثل الي صار حق اخونا ممنوع اللمس في حالته اذا كان الشخص مخالف وواقف نصف الطريق او بطريقة عشوائية التحقيق له كلمة في هذا الشأن واحتمال يكون صاحب الشاحنة هو الغلطان.

صار لي حادث بسيط من ٨ شهور تقريبا دعمت شخص من الخلف بس هو الي طلع الغلطان والسبب انه تحرك من الخانة اليمين الى الخانة اليسار بدون اشارات تحذيريه وبطريقة سريعة.

[فارس قطر]

اللحين عرفت شيابنا طال الله في اعمارهم اذا جاء يسوق ليش يترك مسافة كبيرة

[العودي V.X.R]

انزين واللي ماشي في حااال سبيله ... الا وشوي جاه واحد يكبس له من وراااه .. ويوم وقف قاله اخوي في حصاه طارت من موترك وكسرت جامتي .... اهني شنقول في هاي الحاله ....

[ممنوع اللمس]

الله يسلمك جميعا
طبعا انا اشوف النقطه هذي يبيلها دراسه لان احس ناس واجد انظلمو فيها

وانا سمعت سمعت ان لو دعمت بنت تعتبر انت الغلطان هالكلام صحيح ؟ ..

[بن جلبان]

لأن الدعمــه من خلف ،، تعتبر غدر ! الطعن من الظهر ..

لازم يكون فيه مسافة ما تقل عن 5 أمتـــار ..

أنا اقترح لو اي واحد يتسبب في حادث ،، يكون رفع السيارة بــ ( البريــك داوون) على حساب المتسبب .
ويستأجر المتسبب سيارة للمتضرر من مكتب تأجير بحد أدني بالسعر ..

[وطن]

الله يسلمك جميعا
طبعا انا اشوف النقطه هذي يبيلها دراسه لان احس ناس واجد انظلمو فيها

وانا سمعت سمعت ان لو دعمت بنت تعتبر انت الغلطان هالكلام صحيح ؟ ..

شدخل لو دعمت بنت تطلع غلطان !!

متسبب علينا اخوي ؟؟

:tease:

[برشلوني قطر]

شدخل لو دعمت بنت تطلع غلطان !!

متسبب علينا اخوي ؟؟

:tease:


ههههههههههههههههههههه اي صح صح كلامك اخوي

يعني بالعربي ممنوع اللمس

[صقر عربي]

الصراحه القانون ذي فيه وايد ثغرات
يعني لو طبقنا المسافه الفاصله بين السيارات يبيلنا شوارع مالها اول من اخر يعني ايش اخلي مسافه بيني وبين السياره الي قدامي مسافة 10 متر فرضاً انزين بنضرب مثال بسيط جداَ

دوار الجوازات عدد السيارات 30 سياره وراء بعض بين كل سياره وسياره مسافة 10 متر
يعني 30 * 10 = 300 متر يكون امتداد السيارات عن الدوار هذا اذ قلنا 30 سياره فما بالك بعدد 60 او 70 يعني يبيلنا شوارع هاي وي على شان انطبق القانون

انا ماقصد انه يكون اهناك مبرر على شان انلصق في السياره بس مرات انا اكون واقف خلف سياره بيني وبينها مسافة 3 متر الا اشوف السياره راجعه وراء شوي الا وداعمني في هل الحاله من الغلطان انا ولا هو
ابي راي قانوني

واسف على الاطاله

[بوخالد911]

لانك ماتركت مسافة الامان القانونيه اللي هي 100 او 200 متر..

مش متأكد من المسافه بالضبط

..

لو كان في مسافة امان.. كان لحقت توقف من غير ماتبوسه


100م
المسافة اللي تتركها لو كانت أمامك سيارة اسعاف ( عمبلووووص )
:nice::):nice:

[Arab!an]

الحاله هذي اجتهدوا فيها حتى لا يكون فيها ثغرات مثل مانتوقع

ومب كل الحالات نفس بعض ..

عادة يكون اللي ورى هو الغلطان لأنه ملزم يشوف اللي قدامه وينتبه

ولكن في حالات يكون اللي قدام هو الغلطان

مثل لو اللي قدام كان يرجع ريوس

او اللي قدام مسك بريك فجأة وبدون سبب مقنع ..

او اللي قدام انتقل من حارة الى أخرى بدون ماينتبه حق السيارة اللي ورى وتكون في مسارها الصحيح (في هالحاله يقوم التحقيق بحساب معين يقوم على النسبة بين سرعه الشارع والمسافه من انحراف السيارة الامامية الى موقع الاصطدام)

تقريبا مافي ثغرات في هالحاله