الفزعه يااخواني الاعزاء

[قطري متواضع]

السلام عليكم ورحمة الله وبركاته

شباب أنا متدرب في قطر للبتروول

وقالوا لي لازم تختار شركه
وتوهقت ماعرف شنو احسن شركه بغيت فزعتكم

ونصيحه من اهل المعرفه لاتبخلون علي
بغيت احسن شركه من حيث التطوير والمستقبل
والراتب
الشركات هي
كيوكم وقابكو وقطر المومنيوم وقافكو وقطر للبترول دخان

اللي عنده خلفيه لايبخل علينا

وتقبلوا صادق تحياتي

[بيانو]

والله كلها اسماء لامعه وشركات كبيره

بس انت جبتها صح وانك تبغى المستقبل والتطور فى الدرجه الوظيفيه والخبره ومش نظرت للراتب فقط

ان شاء الله الاخوه يفدونك وبالتوفيق يارب

[فارس الكلمة]

قطر المومنيوم ..

و نسأل الله التوفيق لكم و لنا ..

[الخبير العقاري]

افضل شركة هي شل

إذا بيعطونك فيها توكل على الله

[خالـــــد]

دخــــــــــــــــــــــــــــــــــــــــــــــــ ــــــــــــــــــــــــان

[محسن العجي]

الجيش:tease:

الله يوفقك ان شاء الله

وشركات قطر للبترول كلها فيهم الخير والبركه

وان شاء الله الربع مايبخلون عليك في احسن شركه فيهم ماعندي خبره فيها :shy:

[العاشق1000]

الشباب بيساعدونك
والله ما عندي خبره

[نيساني]

شل جي تي ال شركه جديده وشغالين حاليا في الكمشننق بالنسبه للاوبريشن!

وبالتوفيق عزيزي

[الجني]

قافكو او قابكو


لأنها شركات قديمة و فيها نظام مستقر

و تتعلم الكثير من ناس لديهم خبرات بعشرات السنوات


ابعد عن الشركات الجديدة ما لم تكون لك خبرة سابقة و تبحث عن منصب


الشركة * * * سنة التأسيس

قافكو * * * 1969 (قطرية / نرويجية)

قابكو * * * 1984 أعتقد (قطرية / فرنسية)

قاسكو * * * 1978 (قطرية 100%)

كافاك * * * 2000 أعتقد (قطرية / صينية / كندية / اماراتية)

كيوكيم * * * 2002 أعتقد (قطرية / امريكية)

قطر المنيوم * * * قيد الإنشاء (قطرية / نرويجية)

الله يوفقك أخوي