المساعد الشخصي الرقمي

مشاهدة النسخة كاملة : لماذا لايكون هناك رقابه على مكاتب الخدم ؟ووين حقوق الخدم !!


شمعة الدوحه
06-07-2010, 06:27 PM
مســــآكـــمـ ورد

http://www.uaekeys.com/fwasel/www.uaekeys.com4.gif

موضوعي اليوم موب عن مشاكلنا مع المكاتب

بل

عن مشاكل الخدم مع المكاتب


خل ادش بالموضوع دووووغري على قولتهم

قبل سنه تقريبا جدتي جاتها خدامه سيريلانكيه وكانت مريضه وكل يوم بالمستشفى
قالت لها جدتي خلاص برجعج للمكتب اقعدت تبكي وتترجاها واتقول انه هناك يضربونها ويحبسونها
انا مادش الكلام مخي وموب مستوعبه الوضع
وكنا بناخذها بس للاسف صحتها كل مالها تتدهور

الموضوع الثاني توه من يومين صارت مشكله بين جدتي وخدامتها وقالت خلاص رجعيني المكتب
وانا قاعده معها نسولف الا تقول ان المكتب سطروها قدامي وكفخوها انه ليش ماتبغين تشتغلين مع ماماه

هني بدت علامات الاستفهام انه نعم خيييير !! وبديت اصدق سالفة الخدامه القديمه

ليه كل هالمعامله للخدم ؟؟الشغل موب بالغصب يعني ومهما كان اهما بشر ومااحد يتحمل الاهانه لنفسه
تخيلوا مره وعندها عيال وتنضرب وتنهان
سواء كانت غلطانه والا موب غلطانه من حقها ترفض الشغل متى مابغت
تبغي تكمل ببيت ثاني بكيفها او تبغي ترد بلادها بعد كيفها
موب احنا اذا زهقنا من وظيفه غيرناها :telephone:

http://www.uaekeys.com/fwasel/www.uaekeys.com24.gif

سؤالي هو :
هل يتوقعون اصحاب المكاتب ان بهالمعامله للخدم راح يشتغلون بذمه وضمير للأسر اللي راح ياخذونهم الا بيطلعون الحره في البيت اللي بيروحون له !!

هل سمعتوا بقصص مماثله عن مكاتب الخدم ؟؟

وهل انتوا راضين باللي يسوونه فيهم ؟؟


http://www.uaekeys.com/fwasel/www.uaekeys.com24.gif
ummalaz
06-07-2010, 06:31 PM
سبحان الله بعض المكاتب وبعض المخدمين كمان يتعاملون مع الشغالين ( مااحب كلمة الخدامه ) كانهم مو بشر مع ان بعضهم يتعاملون معهم بكل احسان وذوق
شمعة الدوحه
06-07-2010, 06:37 PM
سبحان الله بعض المكاتب وبعض المخدمين كمان يتعاملون مع الشغالين ( مااحب كلمة الخدامه ) كانهم مو بشر مع ان بعضهم يتعاملون معهم بكل احسان وذوق

هذا اللي حارني

يعاملونهم معامله سيئه جداً

اهما بشر مثلهم مثلنا

ماحدهم عالشغل الا ظروفهم الصعبه


بس ماتوصل للاهانه والضرب والاجبار على العمل

اسعدني مرورج اختي
tulepq
06-07-2010, 08:15 PM
هم بعد مب سهلات ..

ينكرون المواصفات اللي على اساسها مفروض جات قطر .. :anger1:

وتلقينها بتصيح من أول يوم:weeping: .. عشان تقعد عندج يوم تسألينها وتكتشفين كذبها .. مع تأليف كم قصه .. :nice:

وقبل لا تنتهي مهلة الترجيع تلقينها تحن وترن تبي بلادها .. :rolleyes2:

وإذا وصلت عند المكتب قالت : من يقول إني ما أبي اشتغل .. أنا أبي أشتغل ونص << ترجمة تيوليب عاد . :eek5:

إشلون ما تبين راعي المكتب ما يحتر عليها .. وهي تفر مخه ومخ الكفيل فوقه ..
الخير كله
06-07-2010, 08:20 PM
الخدم مثل السبرنغ ان شلتي رجلك عنه ينط بوجهك
Gh2o
06-07-2010, 08:25 PM
الخدم مثل السبرنغ ان شلتي رجلك عنه ينط بوجهك

هم أوادم مثلنا ولا خير لعربي على اعجمي الا بالتقوى
Gh2o
06-07-2010, 08:27 PM
هذا هو الاستعباد بعينه والخدم بشر ومخيرين يشتغلون ولا مايشتغلون المشكله بالمكاتب والاساليب الي يتبعونها والتي اشبه ماتكون بأيام العبوديه الي انتهت من زمان
tulepq
06-07-2010, 08:34 PM
الخادم أو الخادمه .. دام أخل بالشروط المتفق عليها .. يرجع لبلاده أحسن له .. :victory:

وحتى لو المكتب ما عطاها تذكره .. ما اظنها بتعيزنا إن نسفرها و بدون ما نصفقها .. إشدعوه وين إحنا ؟
مرتبش
06-07-2010, 08:49 PM
الخدم مثل السبرنغ ان شلتي رجلك عنه ينط بوجهك

افا
الدنيا دوارة وكما تدين تدان والكبر لله
شمعة الدوحه
06-07-2010, 09:01 PM
هم بعد مب سهلات ..

ينكرون المواصفات اللي على اساسها مفروض جات قطر .. :anger1:

وتلقينها بتصيح من أول يوم:weeping: .. عشان تقعد عندج يوم تسألينها وتكتشفين كذبها .. مع تأليف كم قصه .. :nice:

وقبل لا تنتهي مهلة الترجيع تلقينها تحن وترن تبي بلادها .. :rolleyes2:

وإذا وصلت عند المكتب قالت : من يقول إني ما أبي اشتغل .. أنا أبي أشتغل ونص << ترجمة تيوليب عاد . :eek5:

إشلون ما تبين راعي المكتب ما يحتر عليها .. وهي تفر مخه ومخ الكفيل فوقه ..


هو صح مااقولج لا ان عليهم تمثيليات وافلام
بس بعد غلط هالمعامله في المكاتب
لاتنسين ان اول متضرر من هالمعامله هو البيت اللي بتشغل فيه :)
غير انه غير مسموح لهم بالتعدي عليهم بالضرب وموب من حقهم
هم جايين يدورون على لقمة عيشهم موب ينذلون وينهانون
انا لو حد يرفع صوته علي بس مااتحمل
فما بالج انه رفع صوت وضرب
شمعة الدوحه
06-07-2010, 09:06 PM
الخدم مثل السبرنغ ان شلتي رجلك عنه ينط بوجهك

احنا موب جايبينهم نمشيهم على كيفنا يمين يمين يسار يسار
والا لو حطيتي رجلج على قولتج وهي موب راضيه باللي تسوينه فيها بتسوي بلاوي من وراج
لاتتوقعين ان هذا اسلوب او حل دائم :)
دائما نتجه للحل الوسط لانرخي الحبل ولا نشد عليه
لو احسنا معاملتها حتى لو ماكانت تستاهل
هذا اجره لنا عند رب العالمين
وهي وضميرها كيفها
شمعة الدوحه
06-07-2010, 09:08 PM
هم أوادم مثلنا ولا خير لعربي على اعجمي الا بالتقوى

صدقت :)
شمعة الدوحه
06-07-2010, 09:10 PM
هذا هو الاستعباد بعينه والخدم بشر ومخيرين يشتغلون ولا مايشتغلون المشكله بالمكاتب والاساليب الي يتبعونها والتي اشبه ماتكون بأيام العبوديه الي انتهت من زمان

هذي النقطه اللي ابغي اوصل لها
هم مخيرين
المفروض مايجبرونهم على شي
والمعامله السيئه عمرها ماكانت حل لعلاج الامور من اجل مصالح ماديه
ضميرهم موب صاحي كلش
تفكيرهم بس في فلوسهم وشلون تكون كرت رابح لهم
شمعة الدوحه
06-07-2010, 09:12 PM
الخادم أو الخادمه .. دام أخل بالشروط المتفق عليها .. يرجع لبلاده أحسن له .. :victory:

وحتى لو المكتب ما عطاها تذكره .. ما اظنها بتعيزنا إن نسفرها و بدون ما نصفقها .. إشدعوه وين إحنا ؟


ترجع بكرامتها احسن :)

والمكتب يسوي هالسوايا علشان التذكره والفيزه اللي خسرتهم اياها

فعلشان هالشي يذلونها ويشغلونها غصب حتى لو كانت موب مرتاحه في البيت اللي هي فيه

يمكن لو اشتغلت عند حد ثاني يعاملونها احسن
شمعة الدوحه
06-07-2010, 09:14 PM
افا
الدنيا دوارة وكما تدين تدان والكبر لله

شرفني مرورك اخوي
وياحبذا لو زدته تشريفاً بتعليق على الموضوع :nice:
PARIS
06-07-2010, 09:23 PM
والله الخدم ماينخاف عليهم ماخذين حقهم وزود وزود ... والمكتب يمكن اول كانوا يكفخون الخدامات اما الحين والله يموتون خوف والسبب حقوق الانسان ....
السالفه جبنا خدامه اشتغلت عندنا 3شهور واربعة ايام بالضبط والله حاشمينها ومكرمينها العصر عندها راحه ومن الساعه 8ونص الليل نايمة بغرفتها والي تبي حاضرين من حسابنا وتلفون حق اهلها من حسابنا ولكن سبحان الله صج الله ماكسر جناح الافي فلاح ... بعد ماخذت راتبها وتاكدت مني اني دخلت الراتب في حسابها طقت وشردت الفجر شلون دلت المكتب مع العلم احنا وين والمكتب وين المسافه بعيدة ؟...
وبعد ماراح كفيلها بيسال عن الضمان عند المكتب الا الاخت هناك ولابلغونا ولاكلمونا ..وبالاخر ماتبي تشتغل وعلى الابعاد وجيبواااا تذكرتها والله زين بدون سبب ...
خسرنا عليها مايقارب 9000 ريال وهي اخلت ببنود العقد وماخلصت السنتين ..شلون نجيب تذكرتهاااااااا
ودفعونا غصب وهي بنفسها مستقويه تقول بابا يجيب تذكرة ... يعني ماينخاف عليهم ... استريحوااااااااااااا
انا اسأل من الي يحمي الكفيل المسكين الي راحت عليه فلوسه ووين حقوقه اذا هي اخلت بالعقد بعد مااخلى المكتب نفسه انه لايوجد ضمان بعد 3 شهور لو بيوم
رنج سبورت
07-07-2010, 02:56 AM
وين حقوق الكفيل في حالة اخلال الخادمة بعقد العمل واحترامها لحرمة المنزل اللي تعمل فيه بادخال العشاق !!
@السفير@
07-07-2010, 05:30 AM
يعني تدفع للمكتب حقه وتجيبها على اتفاق بالعمل ولين قالت ماأبغي اشتغل بيكون الأمر طبيعي وباطرشها بلادها وعلى الدرجه الأولى وكييييييييييييييييييييفها كان من الأول وادفع فلوس مره ثانيه طبعا انت قطري دايم حاطينك في خانت الأتهام ولن تثبت برائتك:anger1:
al.wafe
21-07-2010, 06:29 AM
اسعار المكاتب مبالغ فيها
مضاربه
21-07-2010, 10:06 AM
اكبر هم عندي يوم بروح مكتب الخدم ماعندهم صدق ولارقي في التعامل والبيانات الي مكتوبه عن الخدم كلها غلط هذا غير انهم اذا جات الخادمه يعلمونها الكذب من اول ماتوصل اذا شافو المعلومات الي عنها غيرصحيحه مثال انا جاتني خادمه مكتوب ان عمرها 24 سنه يوم وصلت الا اشوفها ياهل تقول عمري 17 ومره جاتني خادمه مشتغله 6 سنوات في الكويت قلت والله تعرف كل شي مايحتاج اعلمها اول شي ماتعرف عربي ثاني شي ماتعرف تنظف الي تعرفه بس الكوي واخر وحده طلبتها مشتغله بس سنتين الا يوم صار لها سنه عندي قالت انا مشتغله خمس سنين هذا اذا مب اكثر بس المكتب قالو لي لاتقولين لازم يكون في رقابه صارمه على المكاتب لين متى نتم في فوضى
latty
21-07-2010, 10:56 AM
مســــآكـــمـ ورد

http://www.uaekeys.com/fwasel/www.uaekeys.com4.gif

موضوعي اليوم موب عن مشاكلنا مع المكاتب

بل

عن مشاكل الخدم مع المكاتب


خل ادش بالموضوع دووووغري على قولتهم

قبل سنه تقريبا جدتي جاتها خدامه سيريلانكيه وكانت مريضه وكل يوم بالمستشفى
قالت لها جدتي خلاص برجعج للمكتب اقعدت تبكي وتترجاها واتقول انه هناك يضربونها ويحبسونها
انا مادش الكلام مخي وموب مستوعبه الوضع
وكنا بناخذها بس للاسف صحتها كل مالها تتدهور

الموضوع الثاني توه من يومين صارت مشكله بين جدتي وخدامتها وقالت خلاص رجعيني المكتب
وانا قاعده معها نسولف الا تقول ان المكتب سطروها قدامي وكفخوها انه ليش ماتبغين تشتغلين مع ماماه

هني بدت علامات الاستفهام انه نعم خيييير !! وبديت اصدق سالفة الخدامه القديمه

ليه كل هالمعامله للخدم ؟؟الشغل موب بالغصب يعني ومهما كان اهما بشر ومااحد يتحمل الاهانه لنفسه
تخيلوا مره وعندها عيال وتنضرب وتنهان
سواء كانت غلطانه والا موب غلطانه من حقها ترفض الشغل متى مابغت
تبغي تكمل ببيت ثاني بكيفها او تبغي ترد بلادها بعد كيفها
موب احنا اذا زهقنا من وظيفه غيرناها :telephone:

http://www.uaekeys.com/fwasel/www.uaekeys.com24.gif

سؤالي هو :
هل يتوقعون اصحاب المكاتب ان بهالمعامله للخدم راح يشتغلون بذمه وضمير للأسر اللي راح ياخذونهم الا بيطلعون الحره في البيت اللي بيروحون له !!

هل سمعتوا بقصص مماثله عن مكاتب الخدم ؟؟

وهل انتوا راضين باللي يسوونه فيهم ؟؟


http://www.uaekeys.com/fwasel/www.uaekeys.com24.gif

صدقتي يااختي وماكذبتي

وترى كل مكتب عنده مترجم حسب الجنسيه وتعالي شوفي ايش يسوي بهم يسفل بهم ويلعن خيرهم ويحط يده مثل كلمة شب على فمه

وبعد ترى مانلومهم كم مسترجعه باليوم وخاصه الخبره يرد ن للمكاتب وكل يوم يغير بكل بيت

وفخار مكسر بعضه