الرشوة في الدول العربية .... ادفع لي اكرامية وإلا اطلع عين ابووووووك

[البدع]

هذي قصتي مع اول رشوة

دفعتها عشان اخلص نفسي من شرطة الحدود

جلست يفتش اوراقي سيارتي

ويدور غلطة في اوراقي

ولين ماحصل

وجلس يناحسني على الغطة المطبعية

وعطيته (المقسوم)

وشوي شاف (عطر) ... وقال لي انا ماتعطرت اليوم

وقلت بالحرف الواحد .. انسى

وشوي جاء ضابط

(قلت في قلبي جاء الفرج)

وعينكم ماتشوف الا النور

سالني الضاضبط كم عطيت الجندي

فقام الجندي وسال الضابط: ليش بتخوني (من الخيانة)

واصريت على الرفض ... وطولت صوتي

وقلت برجع وبشتكي عليكم

عطاني الجواز

وكملت طريقي

وتوبه اروح دولة الرشاوي مرة ثانية

[المزن الرياني]

مافي مثل سوريا بالرشاوي
هي بصوب وباقي الدول العربيه بصوب

[المهندس عبدالعزيز]

اخوي هذه الشغلات هم يدفعون مثلا 20000 ريال قطري في السنة علشان يشتغل هاي الشغلة ويحاوي يطلع فلوس التكلفة على حساب السياح

أنا الدول العربية اعتبرها دول غير سياحية دايمن نصب واحتيال وتحقير واستغلال خصوصا اذا كنت خليجي

الدول العربية قاطبة البنية التحتية والتكنولوجيا ضعيفة جدا يعني رايح مثلا سوريا كأنك رايح عزبة ما في انترنت ولا في اي تي ام.... الخ

[وهم قطر]

اكراميه تختلف عن اكراميه

ماأحلى اكراميه الي يخدمك ويتم من بعيد يطالعك يترجا من وراك اكراميه ونت مب داري لين تطلع من المكان وهو منحرج يكلمك على الاكراميه

[الـقـاسـي]

اخوي اكيد انت رايح سوريا ..
انا والله دايما ينشبون لي تخيل احياننا اعطيه الجوازات يخلص واحد ويرد الباقي يقولي الجوازات فاظيه .. شتسوي له يعني اذا انا فاظي وماوراي شي بناحسه بطلع عيونه واذا مستعجل حط له اي شي وامش ..

دولة مثل سوريا شتتوقع يطلع منها دام الدنيا فلتانه عندهم لاذمه ولا حسيب ولارقيب فلووسك تسوي الهوايل هناك ..

ومثل ماقالوا ترى الواحد فيهم مايشتغل في الحدود الا بعد دفع فلوس ومصايب وبلاوي

[Abdlaziz]

مشكلة سوريا ولين اتشوف الضابط اتقول هاي الي بيساعدك بس اخر شي يطلعون عصابه وحده متفقين مع بعض ههههه

الصراحه ما اداني اسافر هاي الاماكن بسبة الناس الي فيها والتعامل

[ali]

اكيد قصدك سوريا والادرن لعبتهم الاكراميه

لكن شوف ياخوى سوريا موضوعهااا سهل جدا جدا

30 ريال سعودي بالجواز
عصير اناناس للبوابه
وامورك 100%

[بوجاسم566]

اكيد قصدك سوريا والادرن لعبتهم الاكراميه

لكن شوف ياخوى سوريا موضوعهااا سهل جدا جدا

30 ريال سعودي بالجواز
عصير اناناس للبوابه
وامورك 100%

خخخ :victory:

كلام صحيح

ولهذا السبب ما احب اسافر للدول العربية :anger1:

طول ماقاعد وهم يطلبون اكرامية :anger1::anger1:

[الـقـاسـي]

اكيد قصدك سوريا والادرن لعبتهم الاكراميه

لكن شوف ياخوى سوريا موضوعهااا سهل جدا جدا

30 ريال سعودي بالجواز
عصير اناناس للبوابه
وامورك 100%

لا الاردن ماياخذون اكراميه بس في مبلغ بسيط تدفع اذا انت مسافر لكن السعوديين فقط معفيين من هالمبلغ .. لكن اعوذ بالله معاملتهم خايسه الاردنين

[jassem777]

مافي مثل سوريا بالرشاوي

[بواردي]

حبيبي قبل لا تسافر
خذ لك خردة في مخباك
والسوريين امرهم سهل مثل ما قال احد الاخوة
30 ريال او خمس امية سوري

وامورك فالسليم

ياكره بعض الناس اللي قبل سوريا
تعطيه ومخيس النفس

اقلها الزلمة يوم تدفه بخمس امية

يتبسم لك ويمشيك مب يحط في مخباه وعينه في مخباك ويخزك خز

[fra]

وانت الصادق مثل ماقلت ولا سوريا

[حمد بن خالد]

الدول العربية قاطبة البنية التحتية والتكنولوجيا ضعيفة جدا يعني رايح مثلا سوريا كأنك رايح عزبة ما في انترنت ولا في اي تي ام.... الخ

هههههههههههههههههههههه :nice:

[روح الاطلس]

طيب لبنان كيف وضعهم؟ نفس الحكاية؟

انا اللي سمعته من الناس

اكثر دولة في الرشاوي

سوريا
الاردن
مصر
لبنان

بالترتيب اعلاه

بس سوريا ممكن الشرطي يسجنك او يلبسك قضية عادي عندهم وتلقى الكل متعاون مع الظالم وهم عارفين انك مظلوم او يطلع عينك لين تكره اليوم اللي جيته فيه

الاردن سمعت ان فيه لكن اخف

مصر اهون منهم وانا جربتها مايطلب رشوه لكن يقعد يطالعك ويعطيك كلام معسول ومدح وانتو احسن ناس واحلى ناس عاد انت افهمها
والشحاتين اللي شفتهم بس اطفال لكن كبار ماشفت

لبنان ماسمعت عنها بس اكيد نفس الحكاية

[رنج سبورت]

لبنان مافيها هالسوالف والاكرامية اذا بتطلع منك بتكون برضاك ورغبتك

زرت لبنان اكثر من 10 مرات والحمدلله ماشفت مثل هالامور

بالنسبة لي الاكرامية او البخشيش او اللي بتسمونه ماتطلع مني الا اذا كنت مقتنع ان اللي جدامي سوى شي خارق للعاده

[بوخالد911]

الله لا يحووجني لهم

[MiSsY]

والله اول ماقريت الموضوع قلت ف قلبي
بل نفس سالفتي ف سوريا
بس انا توهقت ف المطار
عند تفتيش الشنط قالي الا تفتحين شنطج
قرادة حظ كل الشنط عدت الا شنطتي

بس صج يوم ابوي بقششه :nice: عديت ولا كانه في شي

والله قلت مب توبه بس الا لو المووووووووت ماروح سوريا مره ثانيه

[MiSsY]

لا الاردن ماياخذون اكراميه بس في مبلغ بسيط تدفع اذا انت مسافر لكن السعوديين فقط معفيين من هالمبلغ .. لكن اعوذ بالله معاملتهم خايسه الاردنين

صدقت ياخوي اصلن مايحبون الخليجين كلش

حتى شوف كم طالب كويتي انذبح وانضرب عندهم

وغير السعودين بعد

[ali]

والله سوريا حلوووه لي يعرف يرتب نفسه وينتبه لنفسه
مثل الي يروح لبنان وعارف وين يسكن وعارف وين يروح
انا عن نفسي مافي سوق مارحته ولا ملاهي ولا منطقة واروح بروحي مرات عادي ولا صار لي شي


بعضهم والله انا اشوف هينزل وسيارته شغاله ؟؟؟؟
والي يذكر السالفه هاذي الي سيارته شغاله ونزل يسحب فلووس دشو عليه وسحبو من رصيده وقطوه على خط دير الزور مفصخ ماعليه غير صروال والي مب متاكد يكلم احد يعرفه من السفاره ويقوله
والي راهن سيارته عند مرقص ؟؟؟
ياعالم انتو ماتدورن والله بلاوي ربعنا هي الي دمرت هالبلاد بعضهم والله ينزل معاه شنطة فلوووس ويوديها بمرقص هاذا غير لي بالمطار يمشي تقول سلطان زمانه يطالعهم بطرف خشمه واكرامياته ماتوقف
وانا متاكد ان معانا ناس شافت العجب اهنيه اتمنى اتكلم

[بـــاروود]

مافي مثل سوريا بالرشاوي
هي بصوب وباقي الدول العربيه بصوب

انشهد والله يقعد يفتش الموتر على راحته عشان ياخرك وتضايق صارتلي هل حركه وفي سوريا

[احمد1]

بصراحه سافرت سوريا ذهاب وعوده حاجز حق عشرة اياه اول مادخلت وثاني يوم سويت تيلفون الدوحه وحجزت رده بالعربي قعدت 48 ساعه بس والمشكله من اول مادخلنا المطار يقول لي ماعملتو حسابنا شي قعدنا نتلفت انه ورفيجي قال رفيجي بكل عياره الفلوس في الشناط بالشحن .... خخخخخ مشت عاد واول ماركبنا التكسي اصريت يعطيني وصل لان تكسي حكومي وعرفت اللعبه سولفت معاه لين قبل لا نوصل مكانه بعشر دقايق غيرت اسلوبي قلت شنو هاذا الناس يطلبون اكراميات غصب وين الاخلاق الحميده والكرامه عاد بالعماله عشان الشحط راعي التكسي يستحي على وجهه المهم يوم وصلنا اقول حق رفيجي وانه اصرخ قوم نزل الاغراض ماتشوف الرجال كبر ابوك طبعا على وجه السائق علامة استفهام بالريوس نزلنا الاغراض ووقف لنا قال ابي اكراميه عطيته 100 ليره لقيت حواجبه في عيونه المهم يعني بدال لا تستانس تراح تعور راسك يوم رجعت ابي اسوي البوردينج عشان اطلع مادخلونه الا عقب ماحطينه في الجوازات الرشوه الي الواحد فيهم اول ماينزل من بطن امه يحطونها له بالمرضاعه شعب وججه مغسول ب...... تعرفون اول ماركبنا الطياره بدينه انه ورفيجي نتطنز والكل سوريين طبعا الي رادين معانا كلمه نرددها طول السفره ... مابدكم تكرمونا شيء احنا حراميه بس لاعملو حسابنا شيء شعب ماشاف نعمه قلت حق عليوي والله لو تعطلنا هنيه وماطارت الطياره بياكلونه بس الحمدلله طارت وطلعنا من ذاك المكان زين منهم الواحد مايبيع هله بالسوق والله ولايسوونها

[مريش]

انا رحت الاردن ومنها الى سوريا وفعلا ادا ماتدفع في الحدود
ماتمشي معانا سواق اردني ويعرف لهم بالرشاوي
حتى في قطري شكله مطوع واول مره يجي سوريا
مال الجوازات ماخره ويقول حق سواقنا قول حق القطري يبخشش
راح وعطاه المسكين ووياه هله

بالنسبه لي سوريا اكس خلاص
يازين الاردن وجوها وشعبها

[المعنى88]

أنا صار لي الموقف .... 3 مرات بين المطار بسوريا ...... وعلى الحدود مع لبنان ... وحدود الأردن
لكني ما عطيتهم ويه ........ يشوف الجواز ويستهبل ويقول قطري وأجوبه ويه بويه
لاضحك ولا غشمرة ........... ومرة من المرات قبل لا يختم يقولي شو جبت معاك من قطر .... قلته سلامتك
وختم .... وأنا عادي ما عندي مشكلة حتى لو يطول راح أنطرة ...... بس ولا مرة عطيتهم أكرامية ....
بعد بلدهم في حزب البعث ..... شيكون غير الفساد من وراه ..... المسكين أهو شعب البلد ..........

[ذايق الويل]

ذي صارت عاده واحنا الي عودناهم عليها للأسف

[جهام]

هههههههههههههههههههههههههههه والله عرفتها من العنوان سووووووووووووريا اسأل مجرب ..اعوذبالله

[بوعلي-Qtr]

يرجال شتسوي بعد
انت رايح تستانس وتخلص شغلك وماتبي عوار راس
انا مرتين رحت سوريا ولبنان بالسيارة .. مع الوالد .. والوالد يعرفلهم
اول مايوصل يجهز الاكراميات
بس على كثر سفراتي حق مصر ..
والله ماعندهم هالسوالف
واذا بتعطيه بتعطيه من نفسك

[النهار]

مره سعودي سافر بسيارته الجديده الي سوريا من نوع كابرس الريال مستانس محد قده اسبوع الا سيارته مبيوقه الاخ راح بلغ عن بوقة السياره وهات بقاشيش من الفراش الي اكبر رتيه بدل مايستانس في سفرته الاخ انقلب حاله الي المراكضه في اقسام الشرطه يقول بعد ثلاث اسابيع اشوف سيارتي واقفه عند محطة بترول قريبه من السكن رحت ركض توه الريال ماحرك من مكانه الا اشوف رقم اللوحه متغير رقم سوري يروح يمسك الرجال ويقول له هذي سيارتي بكل براده فال الشخص انت متأكد ان هذي سيارتك قال نعم
سيارتي حتى شوف المسباح المعاق في المرايه رد عليه فال انت متأكد انها سيارتك قال له %1000
قام فتح له شنطة السياره قال له هذه سيارتك الريال صابه ذهول وتعلثم ماعرف ايش يرد قال اسف السياره تشبه سيارتي والمسباح الي قلت عنه قال سيارتي مافيها مسباح معلق تدرون ليش كل هذالخوف الشنطه
حاط فيها سلاح واشياء ثانيه يقول يمكن مخدارات رد الحرامي عليه قال انا ممكن ارفع عليك قضيه واطالبك بالتعويض وادخلك السجن بكم تشتري سجنك قال تكفى قول الي يرضيك قال له علشان انت متساعد معتي اريد 2000 دولار بس طلع في الاخير سارق السياره من المخابرات ورتبه

هذه القصه في بداية التسعينيات

[قلم محايد]

رحت سوريا و لبنان و الاردن ..

سوريا اعوذ بالله كل من يبي فلوس وين ماتروح يعرفون جنسيتك و انك خليجي و يمكن من اي دولة بالضبط بس من شكلك .. و يلاحقونك تلاحق في الاسواق يطلعون من المحلات .. و غير هاي صارت لنا سالفة ويا راعي ميني باص اتفقنا معاه يودينا جولة طول اليوم و اتفقنا على سعر و عقب قام يلعب بذيله و يقول ان المرور صاده مخالفات و يخربط و يبي فلوس زيادة مع انه المبلغ اللي اتفقنا وياه عليه اول شيء لو يتم يكرف طول اليوم مابيحصل نفسه .. لكن شتقول .. و الاردن بعد عليهم حركات و طبعا سوالف البخشيش في هالدول و ملاحقهم و تصرفاتهم تكرهني بزيارة هذي الدول .. بس للامانة لبنان اكثر تحضرا و انفتاحا و احتراما للسياح .. لبنان مثل مايقولون يبوقونك و انت تضحك ههههه .. يعني اسعار الاماكن السياحية مثلا مرتفعة و غالية بس مافيه ملاحق و مراكض وراك و هالخرابيط ..

[ارساف]

لا حول ولا قوه إلا بالله

الله يهدي الجميع

تحياتي

[بـن عدوان]

يازين الشعور لما ترجع بلادكـ ^_^

[gamal503]

بصراحة في مصر مش كدة خالص

على الاقل المصريين عندهم حياء

[ابوراشد قطر]

تدري ليش معفيين من الرسوم لن الملك عبدالله معطيهم اوديات شوف شرطة الاردن الدورية أودي وين يحصلونها بس مثل ماقلت يعوفونك في السفرة روح اوربا ابرك لك

[وحش قطر]

بصراحة في مصر مش كدة خالص

على الاقل المصريين عندهم حياء

اااحه

ياراجل ماتوكضش اللوه