نصب شركة الشحن

[La Bella]

مساء الخير يا أعضاء
نصيحة مني
في موضوع أفتحة أحد الأشخاص وكان هدفة خدمت الأعضاء عن شركة شحن تشحن من أمريكا الى الدوحة.
وانا سجلت بالشركة وتعاملت معاها لمدة شهرين تقريباَ
كل شحنة كانت توصلني لازم تكون ناقصة ويتعذرون أنها مفقودة ومن هذا القبيل.
لين جاء موعد أستلام جهاز الابتوب وأنصدمت منهم يوم رحت أستلم أنا يقول لي مفقود عند الخطوط السعودية والكلام صار له أكثر من شهر ونص. وأتصلت بالشركة الى بأمريكا وأكدو لي أن تم أستلام الأغراض من شركة الشحن الي بقطر.
:rolleyes2: وكل يوم أتصل للمكتب الي بالدوحة ويقول لي باجر وباجر وأخر شي عطاني أورقة موضح فيها أن لي حق عندهم وهم ملزومين يعوضوني خلال أسبوع
وكل أسبوع يقول الأسبوع الجاي لين يومكم.
فحبيت أنبه على الأعضاء الأبتعاد عن هذي الشركة وخلكم على الشركات العالمية أفضل وأحسن.
وأي عضو تضرر منهم أتمنى يكتب تجربته معاهم

[الـقـاسـي]

ممكن اسم الشركة للافاده

[خوي الدرب]

حاول يالحبيب
أنك تحصل على حقك منهم بالهداوة
بالك تحولها للمحكة فوالله إن تطول أيامك ولياليك ويمكن تعلن الشركة افلاسها
ومن ثم تروح فلوسك

[La Bella]

حاول يالحبيب
أنك تحصل على حقك منهم بالهداوة
بالك تحولها للمحكة فوالله إن تطول أيامك ولياليك ويمكن تعلن الشركة افلاسها
ومن ثم تروح فلوسك

الشيخ الموضوع مش أنا وبس الموضوع أن هم يستغفلون الناس وأكثر من شخص صارت معاه هذي الحركة
تتوقع حماية المستهلك يسون لنا شي بالموضوع

[La Bella]

ممكن اسم الشركة للافاده

قانون المنتدى يمنع التشهير
راجع الخاص بطرش لنك الموضوع السابق :)

[خوي الدرب]

الشيخ الموضوع مش أنا وبس الموضوع أن هم يستغفلون الناس وأكثر من شخص صارت معاه هذي الحركة
تتوقع حماية المستهلك يسون لنا شي بالموضوع

بالفعل حماية المستهلك ستستقبلك
وحسب ما سمعت أنهم سيقدمون لك كأسة شاي من اللي يحبها قلبك
وياخذون رقم هاتفك ويقولون لك أبشر بالخير
وبتجلس تنتظر الخير لين تصير تكره أن أحد يقول لك صباح الخير

[بويوسف]

اش اسم الشركة ؟

[La Bella]

بالفعل حماية المستهلك ستستقبلك
وحسب ما سمعت أنهم سيقدمون لك كأسة شاي من اللي يحبها قلبك
وياخذون رقم هاتفك ويقولون لك أبشر بالخير
وبتجلس تنتظر الخير لين تصير تكره أن أحد يقول لك صباح الخير

ليش لا أن شاالله أنا بتواصل معاهم وبشوف وش هي الأجراءات
على الاقل محاولة أن مانفعت ما ضرت :)

[Gh2o]

هم الي ضيعوا الاي باد؟؟.
اعتقد الاخت أتكلم عن وشنطن موف

[WAR]

وانا واحد من المتضررين من هذي الشركه بانهم اسرقو اغراض من موتري وهو بالكونتينر وانكرو الموضوع وعندي اوراق وفلم مصور يثبت بانه تم استلام السياره بحاله ممتازه لكن شنو اللي صار عقب ماستلمتها هذي الشركه طبعا اهمال السياره وتخيلو ماعرفت انه موتري مسروق الا يوم وصل يعني الموتر مشحون من شهرين وفي النهايه وصل وهو مشلح والله صج فلم هندي

نصيحه لحد يتعامل معاهم واللي عنده مشكله معاهم خله يكتب قصته معاهم في هذا الموضوع علشان نوصله للشركه الام

[La Bella]

هم الي ضيعوا الاي باد؟؟.
اعتقد الاخت أتكلم عن وشنطن موف

للأسف أي

[La Bella]

وانا واحد من المتضررين من هذي الشركه بانهم اسرقو اغراض من موتري وهو بالكونتينر وانكرو الموضوع وعندي اوراق وفلم مصور يثبت بانه تم استلام السياره بحاله ممتازه لكن شنو اللي صار عقب ماستلمتها هذي الشركه طبعا اهمال السياره وتخيلو ماعرفت انه موتري مسروق الا يوم وصل يعني الموتر مشحون من شهرين وفي النهايه وصل وهو مشلح والله صج فلم هندي

نصيحه لحد يتعامل معاهم واللي عنده مشكله معاهم خله يكتب قصته معاهم في هذا الموضوع علشان نوصله للشركه الام

الله يعينك أخوي أكيد كرهة السياره:weeping:
أخوي المسأله مش 1000 أو 10000 ريال أنا ماتهمني قدرهم
المسأله أكبر من كذا
غش ونصب وخداع واضح واول يوم تتصل عشان تشترك تحصل تعامل ثاني.
وبعدها دورني كل واحد يفر التلفون على الشخص الثاني ومافي غير الفلبينية الى تعطيك كم من كلمه عدله.

[WAR]

الله يعين الجميع وبوافيكم بكل شي جديد عن التعويض

[00soma00]

ما شاء الله نصب عالمى

طيب يا اخون ليش ماترفعوا عليهم قضية لان لازم هالشركة تقف عند حدها بدل ماهى مستغفلة الجميع وانا فى امريكا ومستعدة اكلملكم محامى وهو بعرفهم شغلهم كويس اللى معاه اوراق تثبت كل كلامه يراسلنى وانا بوصله بمحامى عربى ممتاز ويتفق معاه ويرفع عليهم قضية هنا فى امريكا لان هالشى حرام ينسكت عليه لانهم اكيد بيستمروا فى هالمسلسل مع ناس ثانية

[" فـارس قـطر "]

انزين فيدوني بأسم الشركه
لاني انا دايماً اتعامل مع شركة وحده في قطر للشحن من امريكا لين قطر
ارجوكم ياشباب عشان اخذ حذري منهم

[La Bella]

انزين فيدوني بأسم الشركه
لاني انا دايماً اتعامل مع شركة وحده في قطر للشحن من امريكا لين قطر
ارجوكم ياشباب عشان اخذ حذري منهم

طرشت لك على الخاص أخوي

[La Bella]

الله يعين الجميع وبوافيكم بكل شي جديد عن التعويض

أنت مصدق في تعويض ؟؟
أخاف يوم من الأيام نروح مانحصل الفيلا الى فيها الشركة بدل لافتت واشن.... نحصل عيادة الدكتور .....
:secret:

[ام الغالي]

صارلي 4 شهور اتعامل مع هالشركه وللحين ماضاع مني شي بس عييييييبهم التاخير وانا دووم اتصالات وياهم وين الاغراض ووين الاغراض وكلهم نصابين سواء ارامكس ولا واشنطن

[WAR]

أنت مصدق في تعويض ؟؟
أخاف يوم من الأيام نروح مانحصل الفيلا الى فيها الشركة بدل لافتت واشن.... نحصل عيادة الدكتور .....
:secret:

الدكتور موفر للاسنان :) لا ان شاءالله فيه تعويض لانه مهب من صالحهم :)

[La Bella]

صارلي 4 شهور اتعامل مع هالشركه وللحين ماضاع مني شي بس عييييييبهم التاخير وانا دووم اتصالات وياهم وين الاغراض ووين الاغراض وكلهم نصابين سواء ارامكس ولا واشنطن

جربي أختي طلبي أجهزة كمبيوتر تلفونات أشياء تستهوي الفئة الشغالة في الشركة
وشوفي أن ما أختفت أغراضج.
أما أشياء نسائية الخ ما يجون صوبها.:rolleyes2:

[La Bella]

ما شاء الله نصب عالمى

طيب يا اخون ليش ماترفعوا عليهم قضية لان لازم هالشركة تقف عند حدها بدل ماهى مستغفلة الجميع وانا فى امريكا ومستعدة اكلملكم محامى وهو بعرفهم شغلهم كويس اللى معاه اوراق تثبت كل كلامه يراسلنى وانا بوصله بمحامى عربى ممتاز ويتفق معاه ويرفع عليهم قضية هنا فى امريكا لان هالشى حرام ينسكت عليه لانهم اكيد بيستمروا فى هالمسلسل مع ناس ثانية

تسلمين على المرور أختي

[صوت الضمير]

مرحبا اخوي حنا أجداد على هالشغله

وسؤال هل هي شركة ارميكس المقصودة؟؟؟

وجزاك الله خير

أبداع

[تغلبية]

طالبيهم بالتعويض وخلج وراهم ..

ارامكس يعوضون عادي

مرة عوضوني عن الساعة اللي انباقت بامريكا .. وجايني الكرتون خالي!

التعويض عن قيمة الساعة كاملاً و الشحن+ اعتذار وتطييب خاطر

[جرير]

حاولي انج تاخذين منهم اقصى موعد محدد بتاريخ معين لاستلام الشحنه

وبعدها اذا ماجات او اذا ماقدرو يعطونج اياها طالبيهم بتعويض

وطبعا طول هالوقت خلج شغاله ايميلات للشركه الام ( شركه الشحن )

وزوديهم بكافه التفاصيل بالاضافه الى الشركه المرسله اللي في امريكا

من رقم الشحنه وتاريخ التسليم والاجراءات اللي صارت معاج

لان الايميلات تحل مشاكل وايد من هالنوع . . . وعلمينا شلي راح يصير وياج

وان شالله كل خيره فيها تاخيره :nice:

[بولينجر]

شخصيا اتخذت قرار بالمقاطعة لكن اتمنى قريتي ردي في الموضوع السابق بأقتبسه هني:



للأمانة فقط.... طلع ان واشنطن موفرز احتمال ما ضيعوا أغراضي..... هم كانوا متعاونين ويردون على إيميلاتي سواء مكتبهم في الدوحة أو أمريكا..... لكن فكرت في إني أكلم البائع اللي أرسل لي الأغراض وأقول له إنها ناقصة احتمال النسيان كان من طرفه.... البائع كان متعاون ولله الحمد وقال لي إنه بيرسل لي الأغراض الناقصة..... وبالفعل تم إرسالها والآن وصلت لعنواني في أمريكا عند واشنطن موفرز.... وتم تبليغي بالإيميل فور وصولها..... وأنا بانتظار توصيل واشنطن موفرز للدوحة......

جربي أختي تكلمين البائع احتمال الخطأ منه.....


والأغراض أمس وصلت ولله الحمد....

[La Bella]

شخصيا اتخذت قرار بالمقاطعة لكن اتمنى قريتي ردي في الموضوع السابق بأقتبسه هني:




والأغراض أمس وصلت ولله الحمد....



صباح الخير
أخوي أنا أغراضي واصلتهم كامله وفي أيصالات وفواتير وتوقيعهم بالاستلام
أتمنى ترجع أغراضي.

[Sharshooooor]

انا صارلي اتعامل مع هالشركة اكثر من سنه
وماشالله كل اسبوع طلبيه اقل شي توصلني

والحمدلله ماصارت لي مشكلة معاهم غير التأخير

ومشكلتين يوم حققنا فيها طلعوا مو هم السبب فيها
مشكلة طلعت من اهمال رجال الجمارك عندنا والثانية من الشركة في امريكا

اتمنى ترد اغراضج لان جد قهر الواحد يطلب وينتضر اغراضة وماتوصل :weeping:

[Scorpion]

اختي la bella مشكورة على التحذير لاني كنت بطلب واتعامل معهم مشكورة والله يعوضك وان شاء الله ترجع الاغراض :)

[الملا]

اكثر من عضو يشتكي منهم . ومن سرقاتهم

ممكن تعطييني اسم الشركة اختي العزيزة

[بوخالد911]

ممكن اسمها؟

لا هنتي


الله يعووضج خير


تحياتي قبل أن أكتب عن سرقاتي

[qrt_trading]

ممكن إسم الشركة لو سمحتي

الله يعوضج خير إن شاء الله

[بولينجر]

صباح الخير
أخوي أنا أغراضي واصلتهم كامله وفي أيصالات وفواتير وتوقيعهم بالاستلام
أتمنى ترجع أغراضي.
صباح النور....
كان عندي إيصال موقع من البائع بوجود الأغراض بالكامل داخل الشحنة.... لما كلمته اتضح ان الخطأ منه وهو ما حطهم في الشحنة ورجع شحنهم لي مرة ثانية.....
وشركة الشحن كان عندهم كل الايصالات بالاستلام للشحنات اللي كنت انتظرها لكن نقص الاغراض كان ضمن الشحنة نفسها مب شحنة منفردة ضاعت....
اقتراحي تكلمين البائع او تقدمين عليه شكوى في الموقع اللي شريتي منه لو ما تجاوب.... واذا بالفعل تأكدتي ان الخطأ من شركة الشحن طالبيهم بتعويض فوري.....
والله يرد لج اغراضج.....

[La Bella]

صباح النور....
كان عندي إيصال موقع من البائع بوجود الأغراض بالكامل داخل الشحنة.... لما كلمته اتضح ان الخطأ منه وهو ما حطهم في الشحنة ورجع شحنهم لي مرة ثانية.....
وشركة الشحن كان عندهم كل الايصالات بالاستلام للشحنات اللي كنت انتظرها لكن نقص الاغراض كان ضمن الشحنة نفسها مب شحنة منفردة ضاعت....
اقتراحي تكلمين البائع او تقدمين عليه شكوى في الموقع اللي شريتي منه لو ما تجاوب.... واذا بالفعل تأكدتي ان الخطأ من شركة الشحن طالبيهم بتعويض فوري.....
والله يرد لج اغراضج.....

أخوي الكرتون طلع من شركة ارامكس وسلمو لشركة الشحن فرع أمريكا
و هي شحنه منفردة يعني جهاز واحد بكرتون واحد وشركة الشحن بأمريكا أستلمته ووقعت
وطرشته لشركة الشحن بقطر والشركة الى بالدوحة تنكر أنها أستلمته

[الـمـرقاب]

تعاملوا مع شركات عالمية مثل DHL,Fedex

[بو خليفه 123]

" مال حلال مايضيع ان شاء الله"

حتى يكونون عبره للآخرين اتمنى منك الاتصال في ادارة حماية المستهلك ليقومون بالواجب ..

و بالذات انك انتي في وجه المدفع و تعاملاتك مع ناس معطينك فلوس لتوصيل طلباتهم ..


و احنا بالخدمه لو بغيتي الفزعه ..

تقبلي تحياتي ..

[La Bella]

" مال حلال مايضيع ان شاء الله"

حتى يكونون عبره للآخرين اتمنى منك الاتصال في ادارة حماية المستهلك ليقومون بالواجب ..

و بالذات انك انتي في وجه المدفع و تعاملاتك مع ناس معطينك فلوس لتوصيل طلباتهم ..


و احنا بالخدمه لو بغيتي الفزعه ..

تقبلي تحياتي ..

تسلم أخوي
الحمدالله الجهاز كان شخصي مش لأحد الأعضاء

[N.B.A]

السلام عليكم

التعامل مع واشنطن موفرز ذو شجون ولكن هاكم مقتطفات

من بدأ تعاملي معاهم كانت أمور زي العسل عدى بعض الهفوات من فتح متعمد للكراتين اللي ممكن انها تكون مفتوحة من الجمارك .. المهم سارت الأمور طبيعية لغاية وصول ايميل من مكتبهم أمريكا يفيد بوصول بضاعة لصندوقي لديهم . استانست طبعا" وتوقعت ان هذه الأغراض توصلني خلال ماكسيموم اسبوع من تاريخ الايميل
انتظرت الأسبوع .. والاسبوع اللي وراه واللي ورا وراه مافي شيء بعدها اضطريت للاتصال بمكتبهم في الدوحة والذي أعرب عن استياءه من تغيير طريقة الشحن من الخطوط القطرية الى الخطوط السعودية فكانت مشكلة التأخير ان البضاعة تُشحن على الخطوط السعودية تُنـزّل في السعودية للتشييك عليها وبعدها يتم شحنها للدوحة ولهذا صار التأخير ومن بعد هذا التأخير كانت المشكلة الأدهى وهي أن غالبية هذه الأغراض ( ولا أتكلم عن بضاعتي أنا ) انها نقصت وضاعت في المطارات السعودية (على ادعاء شركة الشحن)
المهم انا كنت طالب حبتين من غرض معين واللي استلمته حتى اللحظة هي قطعة واحدة فقط لدرجة ان أمس كان مكلمني مكتب الدوحة يطلب مني نسخة من فاتورة الشراء الصادرة من البائع لكي يتم تعويضي بالحبة الناقصة

فيمكن اخت La Bella المشكلة إما تكون من
1. واشنطن موفرز نفسهم أو
2. من البائع كما يقول الأخ بولينجر أو
3. من الخطوط السعودية

في الأخير أتمنى أن يتم ارجاع الأغراض الناقصة والفقودة لكي وللجميع

[N.B.A]

اضافة كوميدية للموضوع
انا عندي صندوق برقم:XXY
وايميلي المعروف لديهم في السيستم هو: xxx@yyy.com

فاللي صاير ان ايملي متروس من رسائل لصناديق غير صندوقي والأدهى أن رقم جوالي مثبوت عندهم لصندوقي فقط ولكن اللي صاير ان كل ماجات بضاعة لشخص شالت هالفلبينية التلفون واتصلت فيني انه توجد لك بضاعة آسألها كم الرقم فتكون الإجابة أن الرقم يختلف عن رقم صندوقي

وانا الصراحة متأذي أذية العالمين من هالقضية ..

مادري آرفع عليهم قضية إزعاج السلطات :eek5::eek5:

[Al-Kuwari]

انا اتعامل مع الشركة من حوالي سنه

بصراحه الخدمه كانت جدا جدا ممتازه

بس اخر كم شهر مادري وش صار فيهم يتاخرون ويضيعون الباكج لكن الحمدلله حصلته عندهم داخل ومايدرون عنه !!

والحين من يومين مطرشين لي ايميل يقولون اي شي راح ينشحن بالشحن البحري وياخذ 45 يوم للوصول !!!!

[المخفي]

اتوقع السبب هو تحويل خط الشحن من القطرية الى السعودية و سرق المشتريات في الشحن السعودي يعاني منها الكثير في السعودية

[La Bella]

اتوقع السبب هو تحويل خط الشحن من القطرية الى السعودية و سرق المشتريات في الشحن السعودي يعاني منها الكثير في السعودية

مفروض شركة الشحن ما تحول خط الشحن لاي خطوط أخرى الا متأكدة من التعامل والضمان على الشحنة.

[La Bella]

انا اتعامل مع الشركة من حوالي سنه

بصراحه الخدمه كانت جدا جدا ممتازه

بس اخر كم شهر مادري وش صار فيهم يتاخرون ويضيعون الباكج لكن الحمدلله حصلته عندهم داخل ومايدرون عنه !!

والحين من يومين مطرشين لي ايميل يقولون اي شي راح ينشحن بالشحن البحري وياخذ 45 يوم للوصول !!!!

صحيح أخوي وهذا نص ايميلهم الى وصلني أول أمس
Dear Mailbox Customer,

Good day!

WMI have to announce effective February 2010 the following commodities will be sent by Ocean Freight mode and transshipment will take 40-45 working days.

Examples of Liquids/Gels/Aerosols:

Toiletries – shampoo, toothpaste, mouthwash, perfume, shaving foam, aerosols, deodorant, eye care products

Cosmetic products – perfume, hair spray/gel, lip gloss, mascara, nail polish, makeup removers/cleansers, foundation, facial cleansing

Non-solid food items – soups, syrups, pressurized food containers (cheese or whipped cream), gelatin, pudding, yogurt

Liquid soaps, sanitizers, bath oils, bubble bath

Any creams, ointments or lotions



Devices or Battery Operated:

Laptops

Radios - AM, FM, VHF, battery or cord operated TV sets, TV cameras

Electronic games or toys with remote control.

Cordless computer mouse

Portable Global Positioning System (GPS.)

Cell phones



Please be notified that all items that we receive as of February 2010 are constrained to the new policy. We will send you a notification if we receive any item mentioned above.

If you have any queries or clarification on this matter, please don’t hesitate to contact our Customer Service Team

[العـوا]

مانبي اسمها نبي الموقع وين؟

[La Bella]

مانبي اسمها نبي الموقع وين؟

صوب أشارات المناصير

[N.B.A]

السلام عليكم


مفروض شركة الشحن ما تحول خط الشحن لاي خطوط أخرى الا متأكدة من التعامل والضمان على الشحنة.

من بعد ماصارت مشكلتي والتأخير اللي صار في الضاعة الأخيرة انا سألتهم السؤال التالي:
انتوا كان عندكم خط واشنطن - الدوحة كان ماشي زي الورد، ليش غيرتوا الخط
فكان الجواب الآتي:
قمنا بتغيير الخطوط بسبب ارسال شحنة عطور ومستحضرات تجميل لأحدى عميلاتنا في الدوحة وكانت المشكلة بأنه عندما علمت الخطوط القطرية أن الشحنة كانت تحتوي على هذه الأصناف تم منعنا استخدام خط القطرية (واشنطن - الدوحة) ولهذا اضطررنا لاستخدام وسائل شحن أخرى (السعودية)

هذا الكلام اللي انقال لي .. هل هذا الكلام صج أم لا .. الله أعلم

[N.B.A]

مانبي اسمها نبي الموقع وين؟

منطقة المـرّة الشرقية

[Gh2o]

اسمها واشنطن موووووووووف مكتوب بالموضوع اخواني

[N.B.A]

اخت La Bella أفضل عمل تسويينه هو الآتي:
خذي نسخة من فاتورة البائع ونسخة من ايصال استلام البضاعة في مكتب واشطن ونسخة من ايميل المدعو Valentino وروحي للمدعو / علاء - مدير مكتب الدوحة وقولي له بالحرف

1. إما أغراضي توصل خلال (كذا يوم انتي عليكي تحديد المدة)
أو
تشترون لي اغراضي المفقودة
أو
بيني وبينكم المحاكم

ولا تنسين تذكرينهم بأنكي لستي الوحيدة بل يوجد هناك آخرون

[Sharshooooor]

اخت La Bella أفضل عمل تسويينه هو الآتي:
خذي نسخة من فاتورة البائع ونسخة من ايصال استلام البضاعة في مكتب واشطن ونسخة من ايميل المدعو Valentino وروحي للمدعو / علاء - مدير مكتب الدوحة وقولي له بالحرف

1. إما أغراضي توصل خلال (كذا يوم انتي عليكي تحديد المدة)
أو
تشترون لي اغراضي المفقودة
أو
بيني وبينكم المحاكم

ولا تنسين تذكرينهم بأنكي لستي الوحيدة بل يوجد هناك آخرون

المحاكم ماراح تسوي شي لان مافي اثبات ان وصلت الاغراض في امريكا

فالنتينو يبعث رسالة يقول فيها وصلت شحنة بس بدون رقم ولا شي :nice:

كل شي بالهداوة والصبر ينحل

علاء زين بيساعدج بس لازم تذكرينه كل يوم

[La Bella]

اخت La Bella أفضل عمل تسويينه هو الآتي:
خذي نسخة من فاتورة البائع ونسخة من ايصال استلام البضاعة في مكتب واشطن ونسخة من ايميل المدعو Valentino وروحي للمدعو / علاء - مدير مكتب الدوحة وقولي له بالحرف

1. إما أغراضي توصل خلال (كذا يوم انتي عليكي تحديد المدة)
أو
تشترون لي اغراضي المفقودة
أو
بيني وبينكم المحاكم

ولا تنسين تذكرينهم بأنكي لستي الوحيدة بل يوجد هناك آخرون
أن شاالله أخوي أنا بعطيهم مهلة لين يوم الاثنين الجاي
وبعدها بشتكي عليهم على طول والخطوات الي ذكرتها أنا سويتها من بداية الأسبوع هذا :nice:

[La Bella]

المحاكم ماراح تسوي شي لان مافي اثبات ان وصلت الاغراض في امريكا

فالنتينو يبعث رسالة يقول فيها وصلت شحنة بس بدون رقم ولا شي :nice:

كل شي بالهداوة والصبر ينحل

علاء زين بيساعدج بس لازم تذكرينه كل يوم

من يقول مافي أثبات في أثبات من شركة أرامكس أنهم سلمو شركة واشنطن موفرز أمريكا
وتوقيع المستلم موجود مع رقم بطاقة الشخصية الأمريكيا.
أنا أقدر أرفع عليهم قضية بأمريكا :victory:

[Sharshooooor]

من يقول مافي أثبات في أثبات من شركة أرامكس أنهم سلمو شركة واشنطن موفرز أمريكا
وتوقيع المستلم موجود مع رقم بطاقة الشخصية الأمريكيا.
أنا أقدر أرفع عليهم قضية بأمريكا :victory:

هههههه

صحيح بأمريكا صح ممكن

[بولينجر]

أخوي الكرتون طلع من شركة ارامكس وسلمو لشركة الشحن فرع أمريكا
و هي شحنه منفردة يعني جهاز واحد بكرتون واحد وشركة الشحن بأمريكا أستلمته ووقعت
وطرشته لشركة الشحن بقطر والشركة الى بالدوحة تنكر أنها أستلمته
طالبيهم اختي والله مب مضيع حقج.....

[بولينجر]

تعاملوا مع شركات عالمية مثل dhl,fedex
دي اتش ال وارامكس عندهم خدمة تأمين الشحنة بمبلغ معين..... في حال شحن أغراض ثمينة يكون التأمين ضمان... بصراحة ما جربتهم.....

[KING OF FISH]

ممكن أسم الشركة لأخذ الحيطة والحذر شكرا .

[قطري vip]

ممكن أسم الشركة لأخذ الحيطة والحذر شكرا .

كل هذا وماعرفت اسم الشركه ارجع للمشاركات خلاص واشنطن موفرز

[قطري vip]

انا بقولكم اللي صار معاي اني طلبت اغراض سوائل وجذي قبل توصل الشحنه في اسبوع اول اقل

الحين تنشحن بواسطة البحر بس مب كل الاغراض بس السوائل اما الاغراض الثانيه بالطياره مثل

لاب توب او شي وانا وصلني اخر مره من شهر لاب توب بسرعه بصراحه يعني ماكمل اسبوع

بس هم يعيبهم الحين التاخير من الخطوط السعوديه وبصراحه برجع اتعامل مع ارامكس احسن لي

على الاقل اضمن انا لي اغراض تمت شهرين ونص لين ماوصلت نسيتهم ههههههه

[La Bella]

انا بقولكم اللي صار معاي اني طلبت اغراض سوائل وجذي قبل توصل الشحنه في اسبوع اول اقل

الحين تنشحن بواسطة البحر بس مب كل الاغراض بس السوائل اما الاغراض الثانيه بالطياره مثل

لاب توب او شي وانا وصلني اخر مره من شهر لاب توب بسرعه بصراحه يعني ماكمل اسبوع

بس هم يعيبهم الحين التاخير من الخطوط السعوديه وبصراحه برجع اتعامل مع ارامكس احسن لي

على الاقل اضمن انا لي اغراض تمت شهرين ونص لين ماوصلت نسيتهم ههههههه
وانا عندي ارمكس وفيدكس أفضل بكثير وموقعهم للتتبعة الشحنه وايد احسن من ذي الشركة حتى سيستم عدل ماعندهم

وبعدين
أشدعوو شهرين ونص أكيد كانو شاحنين بضاعتك على ظهر سلحفاء:)

[قطري vip]

وانا عندي ارمكس وفيدكس أفضل بكثير وموقعهم للتتبعة الشحنه وايد احسن من ذي الشركة حتى سيستم عدل ماعندهم

وبعدين
أشدعوو شهرين ونص أكيد كانو شاحنين بضاعتك على ظهر سلحفاء:)

لا لانها عطور

[بـن عدوان]

الحمدلله ماقط تعاملت مع هالشركة

حاليا على ارامكس ودي اتش ال

الشركة اللي ذكرتيها في الموضوع العضو " بولينجر" كان حاط موضوع لها

[أحمد المالكي]

اسم الشركة لو سمحت اخوي

[احساس غريب]

اسم الشركة لو سمحت اخوي

اسمها واشنطن موفرز

[الواعد]

السلام عليكم

هالشركة أنا اتعامل معها من كذا شهر والحمدلله ماصارت لي معهم اي مشكلة

ماعدا التأخير اللي صار قبل مدة واللي قالوا عنه انه بسبب شحنهم لعطور

فتغير المسار للخطوط السعودية بس الحين يقولون خلاص انحلت المشكلة

ورجعوا يشحنون على القطرية وتوني امس ماخذ من عندهم 7 شحنات

يمكن أختي اللي صار لك حالة نادرة وبإذن الله توصلك البضاعة

بس كلمي الأخ حمد اللي عندهم اشوف تعامله احسن من غيره ودائما يتصل علي

اول ماتوصل شحناتي لأني بصراحة ازعجتهم :) لكن دائما ابتعدوا عن العطور

لأني شريت عطر وماوصلني إلا بعد 45 يوم لأنه على باخرة وهذا سبب التأخير .

[WAR]

وانا واحد من المتضررين من هذي الشركه بانهم اسرقو اغراض من موتري وهو بالكونتينر وانكرو الموضوع وعندي اوراق وفلم مصور يثبت بانه تم استلام السياره بحاله ممتازه لكن شنو اللي صار عقب ماستلمتها هذي الشركه طبعا اهمال السياره وتخيلو ماعرفت انه موتري مسروق الا يوم وصل يعني الموتر مشحون من شهرين وفي النهايه وصل وهو مشلح والله صج فلم هندي

نصيحه لحد يتعامل معاهم واللي عنده مشكله معاهم خله يكتب قصته معاهم في هذا الموضوع علشان نوصله للشركه الام

هذي مشكلتي السابقه معاهم وسوف يتم تعويضي بجميع القطع المسروقه خلال الايام القادمه وسوف اوافيكم بكل تطور .

واعيد واكرر الحذر ثم الحذر من التعامل معهم :telephone:

[La Bella]

ولحد اليوم ماشفنا أي تعويض من الشركة

[La Bella]

الحمد الله اليوم بتاريخ 13-7-2010
تم تعويضي بشيك بنفس مبلغ الشحنة المفقودة

[بولينجر]

الحمد الله اليوم بتاريخ 13-7-2010
تم تعويضي بشيك بنفس مبلغ الشحنة المفقودة
مبروك التعويض.....

[بويوسف]

دام تم تعويضج اذا هم ليسوا بنصابين .. الشحنة ضاعت او فقدت فقط ..

[الواعد]

دام تم تعويضج اذا هم ليسوا بنصابين .. الشحنة ضاعت او فقدت فقط ..

نعم هذا نفس رأيي

[mubarak2000]

نفس المشكله صارت معاي وهي شركه عربيه

[N.B.A]

اليوم جاني اتصال من علاء يطلب فيه اسمي الرباعي علشان يحررون شيك باسمي بقيمة بضاعتي المفقودة ولكن آنا قلبت الطاولة عليه وقلت له مابي فلوس وانما اللي أبيه هو بضاعتي فقال لي أرسل لي موقع الشراء والمواصفات ولك علينا نجيبه لك بضاعتك وفوقها بوسه :)

مبروك اخت La Bella على التعويض وسأوافيكم بطريقة حل مشكلتي معاهم عندما يتم حلها

[N.B.A]

السلام عليكم
بعد جهد جهيد وعناء شديد وصلتني هذه الرسالة


dear mr. Xxx / mrs. Zzzz

regarding to the missing items in shipment no: Ooo-ooo-ooo, mr. Alaa released a cheque for customer mailbox( doh00yyy), but customer mailbox( doh000xx ), he refused to take the money he wants the same item he needs urgently.

Please can you check the link below, to order this item for him, we will deposit the amount in mr. Xxxx account.

خلاصتها انهم بيجيبون لي البضاعة الناقصة غصبا" عنهم وعلى حسابهم بعد :) :)

عندي احساس انه mailbox( doh00yyy) هو واحد من هالمنتدى :) :)

[WAR]

هذي مشكلتي السابقه معاهم وسوف يتم تعويضي بجميع القطع المسروقه خلال الايام القادمه وسوف اوافيكم بكل تطور .

واعيد واكرر الحذر ثم الحذر من التعامل معهم :telephone:


======================================

مع الاسف لم يتم تعويضي الى الان وسوف اتخذ الاجرأت القانونيه ضدهم :anger1:

[jassim_9]

ممكن اسم الشركة علي الخاص

[WAR]

ممكن اسم الشركة علي الخاص

اسمها واشنطن موفرز washington movers

[الحجاجي]

الأفضل منها ..

هي شركــة DHL

عندهم خدمه اسمها DHL EasyShop

Border linx

وخدمــة مميزة ..

[سهم المراقيب]

الحين ما عرفنا يا جماعة ,, نبي نرسي على بر ,,

هل هم نصابين ؟ هناك تناقض في الردود ,,

انا مشترك معهم وشريت لاب توب من أمريكا ووصلني في غضون 7 أيام تقريباً ,,

وكذلك واحد من الإصدقاء أرسل لي بعض الأجزة وأستلمتها من فترة ,,

شهادة لله ,, أشوف تعاملهم ممتاز (وموقعهم ممتاز :tooth:) ,,

وللحين ما شفت منهم اي مشاكل ,,

والأعضاء اللي قالوا عنهم نصابين ,, أشوفهم غيروا رأيهم بعد التعويض ,,

صدق لقالوا الفلوس تغير النفوس P: ,,

فأرجوكم اللي حصلت معه مشكلة في الآونة الأخيره يقول لنا عشان نعرف نكمل معهم وللى نشوف لنا مكان ثاني ,,

[باسكن روبنز]

ممكن اسم الشركة للافاده

وياريت انا بعد ،

وتسلمين على التنبيه ،

[ابو ضمير]

الحين ما عرفنا يا جماعة ,, نبي نرسي على بر ,,

هل هم نصابين ؟ هناك تناقض في الردود ,,

انا مشترك معهم وشريت لاب توب من أمريكا ووصلني في غضون 7 أيام تقريباً ,,

وكذلك واحد من الإصدقاء أرسل لي بعض الأجزة وأستلمتها من فترة ,,

شهادة لله ,, أشوف تعاملهم ممتاز (وموقعهم ممتاز :tooth:) ,,

وللحين ما شفت منهم اي مشاكل ,,

والأعضاء اللي قالوا عنهم نصابين ,, أشوفهم غيروا رأيهم بعد التعويض ,,

صدق لقالوا الفلوس تغير النفوس P: ,,

فأرجوكم اللي حصلت معه مشكلة في الآونة الأخيره يقول لنا عشان نعرف نكمل معهم وللى نشوف لنا مكان ثاني ,,

:nice:

[eXpert*]

أنا أفضل
dhl
aramex
ups

[مالي ومال الناس]

بما انه تم تعويض المتضررين بشيكات بقيمة الضرر معناه ان الشركة محترمة

وظلمهم في بداية الموضوع خطأ , وما كنت بفهم انهم عوضوا المتضررين الا في الاخير لان السوالف من البدايه انهم نصابين وخذت هالفكره عنهم

فالرجاء من المشرفين حذف الموضوع لانه متناقض مع عنوان الموضوع

والحمدلله على رد فلوسكم يا اخواني الاعضاء

[مالي ومال الناس]

انا صارلي اتعامل مع هالشركة اكثر من سنه
وماشالله كل اسبوع طلبيه اقل شي توصلني

والحمدلله ماصارت لي مشكلة معاهم غير التأخير

ومشكلتين يوم حققنا فيها طلعوا مو هم السبب فيها
مشكلة طلعت من اهمال رجال الجمارك عندنا والثانية من الشركة في امريكا

اتمنى ترد اغراضج لان جد قهر الواحد يطلب وينتضر اغراضة وماتوصل :weeping:

ممكن توضيح اهمال رجال الجمارك كان من اي ناحية ؟ وهل كان معك دليل ؟ وهل عوضوك ؟

لان اتهام موظفي الجمارك ظلم ومب شي سهل , وانا ما عمري سمعت عنهم شي شين كأهمال او بوق

[WAR]

بما انه تم تعويض المتضررين بشيكات بقيمة الضرر معناه ان الشركة محترمة

وظلمهم في بداية الموضوع خطأ , وما كنت بفهم انهم عوضوا المتضررين الا في الاخير لان السوالف من البدايه انهم نصابين وخذت هالفكره عنهم

فالرجاء من المشرفين حذف الموضوع لانه متناقض مع عنوان الموضوع

والحمدلله على رد فلوسكم يا اخواني الاعضاء

اخوي يمكن راعيه الموضوع رجعو اغراضها خلاص يعني يتسكر الموضوع او ينحذف :anger1:فيه ناس متضرره بسبه هذي الشركه وانا منهم ولا شفت منهم اي تعويض وصارلي شهرين ونص:anger1: الغرض من الموضوع يبين كيف تعامل الشركه مع زباينها منهم اللي يحصل ومنهم الللي بياخذ تعويضه بالقانون الله يهداك بس