_-_-_ للأهمية / حرامي في بيتنا _-_-_

[شبح الصمت]

السلام عليكم ورحمة الله وبركاته ،،،

مدري وين ابدأ اخواني وخواتي .. فيني والله قهر وقهر مب اشوي ..

اليوم الموافق الأربعاء 7/7/2010 الفجر الساعة 2 دخل حرامي بيتـنا

انا طبعا كنت راقد الصبح امي الله يطول بعمرها قالت لي السالفه ..

انه اخوي مسكين كان يطلب عشاء وطالع من غرفته الخارجية يبي يدخل البيت وفي طلعته حصل واحد واقف في ممر بيتـنا الي يدخلك على الصالة ..
المهم اخوي امسكه وقاله شتسوي قاله من الخوف انا ما حصلت مكان وادور مكان انام فيـه :eek5: ..
وعشان انه اهو حرامي وكذاب ونيته شيـنه الله لا يوفقه اصلا عندنا مجلس خارجي ومفتوح كان نام فيـه ..

والله منقهر يالربع :weeping:

المهم اخوي حاول يمسكه ويتصل فيني عشان يقعدني وفي اتصاله فرط من تحت يد اخوي وأصلا أخوي مسكين مريض له يومين ما راح الدوام ..

واحنا طبعنا باب بيتنا الخارجي كله مفتـوح من 10 سنين والحمد لله ما قد جاء شيء

أخواني / خواتي

الحذر ثم الحذر ثم الحذر

انا ما كنت احب الكلاب الله يعزكم بس مدري في أفكار تراودني اجيب كلب بوليسي وهده فالليل حولين البيت عشان الي يفكر انه يحط رجله يحصل شيء يبرد خاطره ..

والله فيني قهر لو اني قمت والله ما فرط مني

ملاحظة الحرامي من الجنسيـة الشامــية ويقول فيه نفس العوار في عينه
صراحة انا اتصلت في رفيجي في الفزعه وسألته قالي دام ما مسكته نفس الوقت ما عندك دليل عليه !!

شالحــل
لا حول ولا قوة الا بالله :weeping::weeping:

[missperfect]

:omg::omg::omg::omg:
:eek5::eek5::eek5:
:secret::secret:
:telephone:
من اليوم باب بيتنا بينقفل الله يستر

الحمدلله ان مااذاكم بشي

[الجزوع]

في اي منطقه؟ والحمدلله جات سليمه ..

[tulepq]

الحمدلله على سلامته وزين الله سلمه

وهذي مب اول قصه نسمعها للأسف تزداد هالمشكله مع الناس اللي دوم بيبانهم مشرعه ..

على إعتبار إن المكان دوم فيه حركه ..

بالنسبه للكلب أنا معااااااااااك .. حط لكم ترا بينفعك ولا بيضرك ..

عندنا واحد بس مب للحراسه .. بس جثه من يشوفه حد وقف قلبه

[بوخالد911]

الله يسلمكم من الشر

والله يكفيينا شرررهم

بس ليش بابكم ما يتسكرر؟

سكروووه
وش تنطروون؟


الله يحفظكم

[بومتعب]

حرامي وجنسية شااااااااااامية ....!!!

هل هي جنسية سواقين التريلات ؟؟؟؟

خبرني موظف في النيابة العامة بأن اغلب قضايا النصب تقع بين اصحاب هذي الجنسية

[شبح الصمت]

:omg::omg::omg::omg:
:eek5::eek5::eek5:
:secret::secret:
:telephone:
من اليوم باب بيتنا بينقفل الله يستر

الحمدلله ان مااذاكم بشي


الحمد لله الحمد لله


في اي منطقه؟ والحمدلله جات سليمه ..


الله يسلمج اختي
مدينة خليفة الجنوبية




الحمدلله على سلامته وزين الله سلمه

وهذي مب اول قصه نسمعها للأسف تزداد هالمشكله مع الناس اللي دوم بيبانهم مشرعه ..

على إعتبار إن المكان دوم فيه حركه ..

بالنسبه للكلب أنا معااااااااااك .. حط لكم ترا بينفعك ولا بيضرك ..

عندنا واحد بس مب للحراسه .. بس جثه من يشوفه حد وقف قلبه

اي والله اختي يبيله
ومواصفاته يقولج قصير طوله يمكن 170 سم ابيض لحيته سوده وشعره فلافل وعينه اليمين فيها نفس العور بياض ومصكره اشوووي
الي يشوفه يتحمل منه
المشكلة الحين لو بلغت شلي بيصير بيقولون ما عندك دليل واخوي مسكين في حزته مخه مب معاه ما ينلام مريض والله

[شبح الصمت]

الله يسلمكم من الشر

والله يكفيينا شرررهم

بس ليش بابكم ما يتسكرر؟

سكروووه
وش تنطروون؟


الله يحفظكم



ارحم الله والديك
ياخوك الديره فيها أمان وتعودنا على الامان

[quote=بومتعب;6082396]حرامي وجنسية شااااااااااامية ....!!!

هل هي جنسية سواقين التريلات ؟؟؟؟

خبرني موظف في النيابة العامة بأن اغلب قضايا النصب تقع بين اصحاب هذي الجنسية [/quote

الله كريم ياخوك
وهي نفسهم الله يستر عليهم وما نبي نعم ياخوك في منهم الزين ومنهم الشين
حسبي الله ونعم الوكيل على هالاشكال

[tulepq]

شوف أنا آخر مره سمعت فيها عن واحد كان ( آسيوي ) والمنطقه فيها حركة بناء وعمال ودنيا ..

من جذيه لا تأمنون في البيبان المفتوحه .. خلاص راح وقتها الدنيا مب أمااااااااااان ..

[وطن]

بسم الله اخاف جني مب حرامي

اخوي سكروا باب بيتكم الدنيا مب امان مثل أول

[شبح الصمت]

شوف أنا آخر مره سمعت فيها عن واحد كان ( آسيوي ) والمنطقه فيها حركة بناء وعمال ودنيا ..

من جذيه لا تأمنون في البيبان المفتوحه .. خلاص راح وقتها الدنيا مب أمااااااااااان ..


لا لا من اليوم الباب بيتصكر الباب باذن الله
عقب هالسالفه مافي امان
الله يستر علينا وعليكم وعلى المسلمين والمسلمات

بسم الله اخاف جني مب حرامي

اخوي سكروا باب بيتكم الدنيا مب امان مثل أول

جان زين اليني عالاقل يخوف ويروح هي بني آدم خوفه يتم مستمر

الله يستر علينا

[همس القصيـد]

الحمد لله على سلامتكم من فتره بسيطه نفس الحكايه صارت في الوعب دخل عليهم الحرامي الفجر وشافه ولدهم اللي كان في المجلس لحاله وامسكه وتشابك معاه والله احفظه ما راح فيها لأن الحقير اطعنه بالسكين وشرد

[شبح الصمت]

الحمد لله على سلامتكم من فتره بسيطه نفس الحكايه صارت في الوعب دخل عليهم الحرامي الفجر وشافه ولدهم اللي كان في المجلس لحاله وامسكه وتشابك معاه والله احفظه ما راح فيها لأن الحقير اطعنه بالسكين وشرد

الله يسلمك من كل شر يالغالي
ولا حول ولا قوة الا بالله

ياخوك المفروض الواحد تكون عنده عجره شيء او عصى كهربائية ياخي عشان يقدر يقاوم لانه اوقات انت تكون مب بقوته فالمفروض الواحد يحاسب
والحمد لله على سلامته مسكين والله

وهالاشكال يبيلها تنضرب ضرب لين يقول حقي في رقبتي

حسبي الله ونعم الوكيل فيهم

[جوال 11]

الحمد لله على السلامة وأحرص على قفل الباب الرئيسي وقفل أبواب البيت والمفتاح تحت المخدة نصيحة .
بعد دخول كل من هب ودب ودون الحصول على شهادة حسن سيرة وسلوك من شرطة بلادة ومصدقة من الجهات الرسمية أيش تتوقعون عمالة تسيح في الشوارع وتبحث على المال كل حلمه يصل الخليج ويحصل على المال بأي طريقة ، والعيب في الكفلاء يجيب الشخص ويعتقه لوجه الله كأنه يعمل خير ولكن ما يحصل إلا البلاوي والدعاوي عليه .

[شبح الصمت]

الحمد لله على السلامة وأحرص على قفل الباب الرئيسي وقفل أبواب البيت والمفتاح تحت المخدة نصيحة .
بعد دخول كل من هب ودب ودون الحصول على شهادة حسن سيرة وسلوك من شرطة بلادة ومصدقة من الجهات الرسمية أيش تتوقعون عمالة تسيح في الشوارع وتبحث على المال كل حلمه يصل الخليج ويحصل على المال بأي طريقة ، والعيب في الكفلاء يجيب الشخص ويعتقه لوجه الله كأنه يعمل خير ولكن ما يحصل إلا البلاوي والدعاوي عليه .



صدقت اخوي يقولي واحد من الشباب انه الفزعه الله يعطيهم الصحة والعافيه ويحفظهم مسوين تفتيش على هالعمالة ويقولي في يوم واحد مسك 7 اشخاص كلهم اقاماتهم منتهية والي شاردين يقول واحد يجر الثاني تخيل
وياخي الشركات تجيب هالعماله وتقص عليهم يقولون لهم رواتبكم كذا وما يعطونهم ياخي الاساس اهم الشركات الله يهداهم يجيبوونهم بالمئات واخرتها ما تبيهم يدورون المال ..

لا حول ولا قوة الا بالله

[بنت ابوها 19]

عادي اخوي احنا للحين خلال سنتين صارت معانا مرتين

ولا وين بالهلال الي منطقه سكنيه بحته
والميالس مفتوحه لين 4 الفجر

راحت ايام قبل ياخوي الي كلن ينام وهو مشرع بابه
الحين وانت مسكر البيبان مراح تسلم من شرهم



الله يحفظنا بس

[شبح الصمت]

عادي اخوي احنا للحين خلال سنتين صارت معانا مرتين

ولا وين بالهلال الي منطقه سكنيه بحته
والميالس مفتوحه لين 4 الفجر

راحت ايام قبل ياخوي الي كلن ينام وهو مشرع بابه
الحين وانت مسكر البيبان مراح تسلم من شرهم



الله يحفظنا بس



والله أختي الأمان موجود بس ضعفاء النفوس أهم الي بكثره

الله يرحم والديج

والله يبعد عن اهل قطر الشر
ويحفظها من كل مكروه

[جوال 11]

صدقت اخوي يقولي واحد من الشباب انه الفزعه الله يعطيهم الصحة والعافيه ويحفظهم مسوين تفتيش على هالعمالة ويقولي في يوم واحد مسك 7 اشخاص كلهم اقاماتهم منتهية والي شاردين يقول واحد يجر الثاني تخيل
وياخي الشركات تجيب هالعماله وتقص عليهم يقولون لهم رواتبكم كذا وما يعطونهم ياخي الاساس اهم الشركات الله يهداهم يجيبوونهم بالمئات واخرتها ما تبيهم يدورون المال ..

لا حول ولا قوة الا بالله

الحل لهذه العمالة السائبة في الشوارع والتي تبحث عن لقمة العيش :
أولا : محاسبة الكفيل إذا لم يبلغ عن هروب مكفوله .
ثانيا : أعادة هيكلة العمالة بمعنى إذا الكفيل لايوجد لديه عمل ولا يحتاج للمكفول يدفع تكاليف نقل الكفالة الى كفيل آخر.
ثالثا : تحديد عدد معين من المكفولين لكل كفيل حصل على الجنسية القطرية حديثاً .

[Qt.1]

جان زين صايده كان صج بتسنعونه عدل , يالله الحمدالله على السلامه :)

[Qt.1]

الحمدلله على سلامته وزين الله سلمه

وهذي مب اول قصه نسمعها للأسف تزداد هالمشكله مع الناس اللي دوم بيبانهم مشرعه ..

على إعتبار إن المكان دوم فيه حركه ..

بالنسبه للكلب أنا معااااااااااك .. حط لكم ترا بينفعك ولا بيضرك ..

عندنا واحد بس مب للحراسه .. بس جثه من يشوفه حد وقف قلبه

لا تجوز تربية الكلاب إلا للمقاصد التي جاء الإذن بها في الشريعة الإسلامية .
ومن اتّخَذ كلبا في غير ما أُذِن فيه فإنه يأثم .
ويُمكن حصر ما أُذِن فيه بما يلي :
كلب صيد
كلب ماشية
كلب زرع
كلب حرث

قال رسول الله صلى الله عليه وسلم : من أمسك كلبا فإنه ينقص كل يوم من عمله قيراط إلا كلب حرث أو ماشية . رواه البخاري ومسلم .
وقال رسول الله صلى الله عليه وسلم : أيما أهل دار اتَّخَذُوا كلبا إلا كلب ماشية أو كلب صائد ، نقص من عملهم كل يوم قيراطان . رواه البخاري ومسلم .
وقال عليه الصلاة والسلام : من اتَّخَذَ كلبا إلا كلب زرع أو غنم أو صيد ينقص من أجره كل يوم قيراط . رواه البخاري ومسلم .

وإذا كان البيت في مدينة أو قرية فلا يجوز اتِّخاذ الكلاب لما فيها من أذيّة الناس ، سواء بأصواتها أو بتعرّضها للناس وأذيّتها لهم .
فإن فَعَله أحد – واتَّخَذه في البلد – فإنه ينقص من أجره كل يوم قيراط أو قيراطان ، بِحسب تأذّي الناس به .

أما إذا كان البيت خارج العمران ، كالبيوت التي في المزارع أو خارج البلد ، واتُّخِذتْ للحراسة ، فلا بأس بذلك .

والله تعالى أعلم

[شبح الصمت]

الحل لهذه العمالة السائبة في الشوارع والتي تبحث عن لقمة العيش :
أولا : محاسبة الكفيل إذا لم يبلغ عن هروب مكفوله .
ثانيا : أعادة هيكلة العمالة بمعنى إذا الكفيل لايوجد لديه عمل ولا يحتاج للمكفول يدفع تكاليف نقل الكفالة الى كفيل آخر.
ثالثا : تحديد عدد معين من المكفولين لكل كفيل حصل على الجنسية القطرية حديثاً .

والله ياخوك هذا المفروض انه خلاص ماله حاجه فيه يعطيه نقل كفالة ويحدد له الفترة مب يخليه هايم حايس وبالذات ذولي مساكين الي رواتبهم 700 او 800 لين 1500 هذولي صدقني اكثر ناس يمكن مظلومين في الرواتب وثاني شيء نفوسهم تامرهم بالسوء
الله يرحمنا برحمته ويغفر لنا خطاينا


جان زين صايده كان صج بتسنعونه عدل , يالله الحمدالله على السلامه :)

ااخ اي والله كان خاطري

بس قدر الله وما شاء فعل

[بو خليفه 123]

اولاً الحمدالله على سلامتكم يالغالي

والله ماتستاهلون ..!!


الاحياء السكنيه ماعادت مثل الأول كلٍ يسيّر على الثاني اي وقت و كلٍ مشرع باب بيته للعجايز و الشيبان يدخلون و يتزاورون .


الحين الجار ماعاد يعرف اسم جاره ولا حد له خص بالثاني ..


الحيطه والحذر اخوي شبح الصمت قفلوا بيبانكم ولا تعطون الخدم مفاتيح البيت ترا ممكن تكون لهم يد بالموضوع .


بدال الكلب البوليسي "اجلكم الله" ممكن تحط كاميرات على البيت تنفع اكثر حتى للأمور القانونيه مستقبلاً يكون عندك دليل , لكن البوليسي ماراح ينفعك في هالأمور .

ولا تهون من شارع سلوى بـ 2000رق ركب كاميرات على سور البيت .


أنا من بعد ماركبت كاميرات على بوابة البيت و زوايا البيت حتى عيال الفريج يخافون يقربون حديقة البيت , فما بالك الحرامي !


و أنا حاس فيك و بالقهر اللي انت فيه لكن ماتقدر تسوي شي غير انك تقول الله كريم و تتخذ الخطوات اللي قلت لك عليها ..


العماله الاجنبيه زادت في البلاد والمشاكل في البلاد زادت بشكل عام .


الله المستعان , و ماعليكم شر ان شاء الله .

تقبل تحياتي

[بوعمير]

ما تشوفون شر و تستاهلون السلامه اخوي شبح، وأعتقد انه من الضروري إشعار الشرطة بما حدث معك بإعتبارها الجهه المنوطة به في مثل هذه الامور وذلك لأخذ العلم بوجود من يقلق الأمن في منطقتكم وإتخاذ الإجراءات اللازمة من تسيير دوريات وتحريات في منطقتكم درءً لتكرار مثل هذا في المستقبل سوء معك او مع الغير.

[بنت^البحرين1]

الحمدلله على سلامتك أخوي شبح الصمت

حاسة فيك بالحرة والقهر بس يالله الحمدلله يات على جذي

مرة صارت معانا فالبيت، مع ان بيتنا على شارع عام وحركة 24 ساعة مايخلى من الناس مادري شلون تجرأ، دخل الحوش وانا رايحة اشغل سيارتي ورادة بدش باب الصالة والا واحد جدامي يتمشى( معطني قفاه) بكل هدووووء رايح يتمشى صوب المطبخ الخارجي والله أني طلعت روحي من الخوف خاصة أني(بدون حجاب) وهو بكل ثقه وهدوء يمشي وصرررخت بأقوى ماعندي أنادي أخواني والحمدلله أخواني اثنينهم سمعوني وييوا الحوش الا هو توه بيشقح السور بس مايمديه رفيع وايد وقبضوه بس طلعوا زباده من الضرب ويووا اعيال عمي كملوا عليه وعقب ودوه الشرطة ( قالوا ليش ضاربينه !!) بس تتصلون وتبلغون مالكم تضربونه

بس الحمدلله اخواني طلعوا حرتهم فيه اللي مايخاف الله هتك حرمة البيت وروعني والله أشوف ريال يتمشى فالبيت


والحمدلله على سلامتك وسلامة أهلك

[ام علاوي]

ماتشوفون شر والله يبعد عنكم عيال السوء..

[وخروا عن طريقها]

الحمدالله ع سلامتكم اخوي صج والله هالايام الحرامية كثروا تقريبا كلهم يطلعون وقت الفجر


العام الماضي نفس الشي صار معانا والبيبان عندنا مصكرة وكان وقتها بالفجر

كانت اختي قاعدة بالصالة تطالع تلفزيون والحمدالله اخوي كان قايم هاليوم وقاعد معاها

ومب من عادته اخوي يقعد هالحزة الا فجاءة سمع صوت من الدريشة حد يدزه ابطىءعشان

يبطله قرب اخوي شوي شوي صوب الدريشة ورفع الستارة

الا شاف ايد واحد يحاول يفتح الدريشة

وطق بالدريشة بالقوو وبطلها لقى واحد يركض وانخش الصوب الثاني لما بطل الباب اخوي

اختفى الحرامي ماله اثر خفنا على اخوي وصرخنا عليه لايطلع له يمكن الحرامي معاه سكين

ثاني يوم الصبح بلغنا الشرطة جاو بيتنا خذوا بصمات من الدريشة

بس للحين ما صار شي وماعرفنا عنه شي وشنو جنسيته


اللي ابي اعرفه من وين جاته هالجرأة يدخل البيت

والبيبان مصكرة والليتات مفتوحة واحنا موجودين بالبيت :(

شلي عطاهم الامان يسون جرايمهم وماخذين راحتهم عالاخر :confused:

[(الفيصل)]

اخوي الكريم
في كل الحالات لابد من تقديم بلاغ للشرطة
فلربما (هناك بصمات له) على مقابض الابواب الخارجية أو النوافذ أو اثار أقدام

هذا عمل الشرطة (الصرف)

لاتتردد الان في إبلاغ الشرطة للحضور مع كافة المختصين معها للحضور والقيام باللازم

وللعلم كثرة هذه البلاغات سوف تشجع الشرطة وتوقع بالجاني الذي ربما يكون قريب منكم الان
وتأكد بأن هذا اللص لم يقتحم بيتكم فقط ، فلتساعد الشرطة على قبضه وإيقاعه في شر أعماله ومحاكمته على انتهاك حرمة المنازل والشروع في السرقة أو السرقة (التامه)


أفعل هذا الان


وحفظكم الله من كل مكروه

[GAS]

اخوي العزيز شبح الصمت من الاخر اترك عنك سالفة الكلب اعزك الله انت والاخوة الاعضاء

انا مجرب قبلك ومريت بنفس التجربة في بيتي

فقط عليك بتركيب كاميرات امنية خارجية

شوف لك احد رايح لدبي تحديدا سوق قرقاش واهناك عالم كامل من جميع انواع الكاميرات

والكاميرا الوحده الاصلية تكلفك 240 درهم اماراتي ركب 8 كاميرات كفايه وزياده

http://farm5.static.flickr.com/4116/4772603938_9c7b2f0fb2_m.jpg


الله يحفظكم في امان الله

[شبح الصمت]

اولاً الحمدالله على سلامتكم يالغالي

والله ماتستاهلون ..!!


الاحياء السكنيه ماعادت مثل الأول كلٍ يسيّر على الثاني اي وقت و كلٍ مشرع باب بيته للعجايز و الشيبان يدخلون و يتزاورون .


الحين الجار ماعاد يعرف اسم جاره ولا حد له خص بالثاني ..


الحيطه والحذر اخوي شبح الصمت قفلوا بيبانكم ولا تعطون الخدم مفاتيح البيت ترا ممكن تكون لهم يد بالموضوع .


بدال الكلب البوليسي "اجلكم الله" ممكن تحط كاميرات على البيت تنفع اكثر حتى للأمور القانونيه مستقبلاً يكون عندك دليل , لكن البوليسي ماراح ينفعك في هالأمور .

ولا تهون من شارع سلوى بـ 2000رق ركب كاميرات على سور البيت .


أنا من بعد ماركبت كاميرات على بوابة البيت و زوايا البيت حتى عيال الفريج يخافون يقربون حديقة البيت , فما بالك الحرامي !


و أنا حاس فيك و بالقهر اللي انت فيه لكن ماتقدر تسوي شي غير انك تقول الله كريم و تتخذ الخطوات اللي قلت لك عليها ..


العماله الاجنبيه زادت في البلاد والمشاكل في البلاد زادت بشكل عام .


الله المستعان , و ماعليكم شر ان شاء الله .

تقبل تحياتي



ارحم الله والديك يابو خليفة وبيض الله وجهك

إن شاء الله موضوع الكاميرات باذن الله ببتدي فيه .

والله يبعد عن جميع المسلمين والمسلمات الشر

[شبح الصمت]

ما تشوفون شر و تستاهلون السلامه اخوي شبح، وأعتقد انه من الضروري إشعار الشرطة بما حدث معك بإعتبارها الجهه المنوطة به في مثل هذه الامور وذلك لأخذ العلم بوجود من يقلق الأمن في منطقتكم وإتخاذ الإجراءات اللازمة من تسيير دوريات وتحريات في منطقتكم درءً لتكرار مثل هذا في المستقبل سوء معك او مع الغير.



إن شاء الله أخوي وهذا الي بيصير باذن الله

ارحم الله والديك

[شبح الصمت]

الحمدلله على سلامتك أخوي شبح الصمت

حاسة فيك بالحرة والقهر بس يالله الحمدلله يات على جذي

مرة صارت معانا فالبيت، مع ان بيتنا على شارع عام وحركة 24 ساعة مايخلى من الناس مادري شلون تجرأ، دخل الحوش وانا رايحة اشغل سيارتي ورادة بدش باب الصالة والا واحد جدامي يتمشى( معطني قفاه) بكل هدووووء رايح يتمشى صوب المطبخ الخارجي والله أني طلعت روحي من الخوف خاصة أني(بدون حجاب) وهو بكل ثقه وهدوء يمشي وصرررخت بأقوى ماعندي أنادي أخواني والحمدلله أخواني اثنينهم سمعوني وييوا الحوش الا هو توه بيشقح السور بس مايمديه رفيع وايد وقبضوه بس طلعوا زباده من الضرب ويووا اعيال عمي كملوا عليه وعقب ودوه الشرطة ( قالوا ليش ضاربينه !!) بس تتصلون وتبلغون مالكم تضربونه

بس الحمدلله اخواني طلعوا حرتهم فيه اللي مايخاف الله هتك حرمة البيت وروعني والله أشوف ريال يتمشى فالبيت


والحمدلله على سلامتك وسلامة أهلك



الله يسلمج اختي من كل شر والجميع

زين ما سووا فيـه

وخلني ساكت لين الحين القهر ضارب راسي
:weeping:

[شبح الصمت]

الحمدالله ع سلامتكم اخوي صج والله هالايام الحرامية كثروا تقريبا كلهم يطلعون وقت الفجر


العام الماضي نفس الشي صار معانا والبيبان عندنا مصكرة وكان وقتها بالفجر

كانت اختي قاعدة بالصالة تطالع تلفزيون والحمدالله اخوي كان قايم هاليوم وقاعد معاها

ومب من عادته اخوي يقعد هالحزة الا فجاءة سمع صوت من الدريشة حد يدزه ابطىءعشان

يبطله قرب اخوي شوي شوي صوب الدريشة ورفع الستارة

الا شاف ايد واحد يحاول يفتح الدريشة

وطق بالدريشة بالقوو وبطلها لقى واحد يركض وانخش الصوب الثاني لما بطل الباب اخوي

اختفى الحرامي ماله اثر خفنا على اخوي وصرخنا عليه لايطلع له يمكن الحرامي معاه سكين

ثاني يوم الصبح بلغنا الشرطة جاو بيتنا خذوا بصمات من الدريشة

بس للحين ما صار شي وماعرفنا عنه شي وشنو جنسيته


اللي ابي اعرفه من وين جاته هالجرأة يدخل البيت

والبيبان مصكرة والليتات مفتوحة واحنا موجودين بالبيت :(

شلي عطاهم الامان يسون جرايمهم وماخذين راحتهم عالاخر :confused:



الله يسلمج اختي من كل شر

وحمد لله على سلامتكم بعد

الحرامي الله يسلمج يوم يبي يبوق خلاص اتوقع ما يكون عنده احساس الخوف لانه مقبل على شيء يبي ينفذه ويعني عادي بيكون متجهز وخايف ومستعد يسوي اي شيء عشان حياة الروح ..

اختي اوقات في ناس تجي ولين الحين عندها مهله 3 شهور وتحصلينها مجهزه لمثل هالاشياء وما يكون خذو لهم بصمات ..

المفروض الخدمات 3 شهور اي
اما الوافد أيا كان من اول يدخل ينعمل له بصمات وهو داش المطار من قريب دقايق ما راح تاخذ

صدقيني

[شبح الصمت]

اخوي الكريم
في كل الحالات لابد من تقديم بلاغ للشرطة
فلربما (هناك بصمات له) على مقابض الابواب الخارجية أو النوافذ أو اثار أقدام

هذا عمل الشرطة (الصرف)

لاتتردد الان في إبلاغ الشرطة للحضور مع كافة المختصين معها للحضور والقيام باللازم

وللعلم كثرة هذه البلاغات سوف تشجع الشرطة وتوقع بالجاني الذي ربما يكون قريب منكم الان
وتأكد بأن هذا اللص لم يقتحم بيتكم فقط ، فلتساعد الشرطة على قبضه وإيقاعه في شر أعماله ومحاكمته على انتهاك حرمة المنازل والشروع في السرقة أو السرقة (التامه)


أفعل هذا الان


وحفظكم الله من كل مكروه





الله يجزاك الف خير اخوي

وبيض الله وجهك وصار باذن الله

[شبح الصمت]

اخوي العزيز شبح الصمت من الاخر اترك عنك سالفة الكلب اعزك الله انت والاخوة الاعضاء

انا مجرب قبلك ومريت بنفس التجربة في بيتي

فقط عليك بتركيب كاميرات امنية خارجية

شوف لك احد رايح لدبي تحديدا سوق قرقاش واهناك عالم كامل من جميع انواع الكاميرات

والكاميرا الوحده الاصلية تكلفك 240 درهم اماراتي ركب 8 كاميرات كفايه وزياده

http://farm5.static.flickr.com/4116/4772603938_9c7b2f0fb2_m.jpg


الله يحفظكم في امان الله



ارحم الله والديك يالغالي

وبأذن الله هذا الي بيصير

لا هنت على المشاركة والرد الطيب

[بن جهام]

الحل طال عمرك تقرطب ارجولة بالشوزن بعدين اطلب الشرطة والا احذفة في درام الزبالة

[شبح الصمت]

الحل طال عمرك تقرطب ارجولة بالشوزن بعدين اطلب الشرطة والا احذفة في درام الزبالة



بن جهام

ارحم الله والديك

انا ما لحقت عليه صراحة

لو لاحق عليه كان صارت علوم ثانية

الله يستر علينا وعليكم من هالاشكال المريضة

لا هنت يالذيب على المشاركة