للــــــــــــــــــجـــــــــــــــادين فــــــــــــــــــــقـــــــــــــــــــــط

[جلامور]

أخواتي وخواتي التجار والتاجرات والأعضاء والزباين .....

سؤاااااااااااااااال يطرح نفسه ...

شرايكم في كلمة "للجادين فقط" ؟؟؟؟ :anger1:

أنا عن نفسي لما أشوف أي موضوع أو أي إعلان في الجريدة مكتوب عليه للجادين فقط ...
ما أكمله ... ولا أقراه ولا أشوف شنو فيه ... أحسها كلمة تصد الزبون وتبعده عن المنتج escape ...

يعني لو إنت مب جاد لو سمحت لا تكلمني وتعور راسي وتتعبني معاك :anger1: :sneaky: ... يعني لهالدرجة التاجر ما وده يتعب نفسه .... ؟!!؟

معظم الأحيان ... وهاي الكلام ينطبق خاصة على الحريم ... لما الوحدة تروح السوق أو تطالع البضاعة .. أو حتى هني في المنتدى تطالع المواضيع ... ما تدخل وهي حاطة في بالها إنها ""جاااادة"" ومدرعمة عشان تشتري :fight: ...

يعني الواحد يشوف ويتفرج ويسأل ... أحياناً يدش الزبون وهو مب حاط في باله يشتري بس تعجبه القطعة ... تدش في خاطره ... وممكن يكون محتاج بس دفعة بسيطة من البايع عشان يشتري ... :ok2:

شاركوووووني رايكم :nice:

[d.romance]

أنا رأيي ممكن يكون صادق في كلامه واكيد بيكون مشغول طوال الوقت ومش فاضي لكتر الكلام ويحب الاختصار وعدم تضييع الوقت

[umhend]

شوفي اختي كلامج في شي من الصحه ... بس يعني احيانا ما يكون العرض من تاجرة مثلا: عروس
تبي تبيع فستانها من حقها تقول للجادين في ملاقيف دزيلي على الخاص وهي مهب محتاجته ولاهي
عروس ولاتعرف عروس دور فستان بس الاخت تبي تتفرج ... يعني كم وحدة تبي تتفرج وهالمسكينه
بس الا دززز في هالخاص ... وكذلك ملاحف الولادة الاشياء هذي فرجه حلووة عند الحريم ..:)

صدقيني اختي انا اذا شفت احد كاتب للجادين وانا مش جادة نهاااااائي في الشي المعروض مستحيل
اقول دزي لي لمجرد الفرجه لاني احط نفسي مكانها وافكر في عوار الراس الي بيجيها

وتسلمين على الطرح وخلنا نسمع باقي الاراء:)

[جلامور]

تصدقين أختي أم هند ... ممكن لو ما كان العرض من تاجر ... بس أحس الي يبي يبيع شي ... ويجيب له أحسن سعر ممكن ... لازم يتعب شوي عليه ... تحياتي لج وعلى مرورج

[مزيون الدوحه]

ذكرتيني بمواضيع المنتدى ومشكلة ( السعر على الخاص )
يعني لو تبين تشترين شي اقل شي يبيلج 4 ايام او 5 ايام لين
تشترين .
1 ترسلين رساله على الخاص
2- تطلعين من المنتدى
3- بعد يوم او يومين تدخلين
4- ممكن تحصلين رد وممكن ماتحصلين
5- اذا حصلتي الرد ممكن يعجبج السعر وممكن لأ
6- اذا اعجبج السعر ترسلين رساله ثانيه حتى يرسل لج طريقة التواصل
7- تطلعين من المنتدى
8- بعد يوم او يومين تدخلين
9- تدخلين ممكن تحصلين رد وممكن ماتحصلين
10 - اذا حصلتي رد وفيه طريقة التواصل ( الف مبروك )
11- الاتصال واستلام البضاعه ( يوم او يومين )
يعني ليش كل هالعذاب ؟؟
ياجماعة حطوا السعر على العام والرازق الله
انا عن نفسي اتجاهل اي موضوع غير مذكور فيه السعر
واتمنى من الادارة الغاء اي موضوع غير مذكور فيه السعر
وسوري على فتح موضوع ثااااني :shy:
لكن مافرق كثير عن الموضوع الاساسي


تحياتي لج اختي

[جلامور]

ههههههههههههههه .... والله حاسة بمأساتك ... أنا شخصياً مب عارفة ليش السعر يحطونه عالخاص ... قول طريقة التواصل والمفاصل وهالسوالف أحسن ما تكون عالعام ... لكن السعر .... أنا رأيي ينحط عالعام ...

[aldahnoon]

بحكم تجربتي
بتحط السعر على العام بيجي مين مو ناوي يشتري من اصله بتكون قايل السعر 1000 بيرمي سعر 200 ريال
و بيقولك انا تراني جاد و اي حد لو الغرض الي بدي ابيعه بيكون داخل مزاجه بسعر 1100 بعد بعد ما ايشوف السعر الي انقال 200 بيبيطل و بيكون عنده استعداد يشتريه من السوق ب1100 ولا ياخد الي انقال عنه 200 ريال بالمنتدى و لو جربتو اتبيعو اغراض او اتاجرو فيهم بتلاقو الكلام فيه صحيح

[الجوكر90]

السلام عليكم

الشيخه انا بقولج شي

انا ماكتب للجادين ولا شي

بس الي يكتب للجادين عشان في ناس ملاقيف حدهم

ويبون يكاسرون حتى لو مايشترون بس يكاسرون

والي ع الخاص

انا اقولكم ليش

لان في ناس مايخافون الله يعني انا احط 8000 هو يكتب 4000

عاد الي يقرى ومايعرف الاسعار عباله ان السلعه ماتسوى وهو يمكن حاط فباله يشتري

وع الخاص يكون افضل عشان اطرشله السلعه والسعر عشان نقدر نتفاهم بالسعر المعقول

او

ان سعره غالي ومايدري عاد الي فالخاص راح يقوله ترى سعرك اغلى من سعر السوق وسعر السوق كذا

وهو بعدين ينزل موضوع ثاني ويقول السومه فوق هالسعر

او

اسعر كذا نهائي

لان لو نزل موضوع وحاط فيه السعر وبعدين نزل موضوع ثاني ونزل فالسعر سوق السلعه راح يطيح الارض

ومحد راح يفكر يشتريها

وانا من النوع الي مافتكر اذا مكتوب للجادين ولا غيره ادرعم بدون مافتكر


وهم في ناس مادري ليش يسون هالحركه

يعني انت اطرش السلعه والسعر ليش ماتكمل جميلك واطرش رقم جوالك

لان كل ما الموضوع يتاخر السالفه تبرد

وعادي الي فخاطره السلعه يغض المظر عنها

وهو مب الخسران الي يبي يبيع هو الي راح يخسر الزبون

وانا الصراحه من عادتي اني اطرش اي شي مع رقمي عشان ماطول السالفه


واتمنى ان السالفه اوضحت



.:. الجوكر90 .:.

[جلامور]

يعطيك العافية أخوي الجوكر
وياريت كل الناس نفسك
جد والله في ناس سبحان الله يبون يخربون عليك ما يدرون شلون
غيرة وحسد وأشكال غريبة عجيبة تمر عليك
بس التجارة ربح وخسارة
وأعتقد التاجر الذكي هو اللي يترفع عن أي كلام يضره ويحتفظ بعالي مستواه