قطر يا قطر

[مهندس]

مرحبا أخوي قطر ....
بما أني مراقب لكل تحليلاتك الفنية و الإيحائية :p
حبيت اسالك عن المصرف إشرايك بالسعر الحالي ؟؟؟وليش مب مقتنع بالتحليل الي الأخ المحلل أو الخبير الي قال عليه بالنسبة لنقاط الدعم؟؟؟رجاءا توضح؟؟ :D

[قطر]

مرحبا اخوي مهندس

:) ان شالله اكون عند الثقه اللي خلتك اتناديني باسمي :)


بالنسبة للجملة((؟؟؟وليش مب مقتنع بالتحليل الي الأخ المحلل أو الخبير الي قال عليه بالنسبة لنقاط الدعم؟؟؟))

بالعكس انا مقتنع والتحليل ماجاء من فراغ بل من شارت وتقدير للسعر ونقطة الدعم المتوقعة..

بس انا حبيت اوضح نقطه هو يمكن غفل عنها الا وهي ان هبوط المصرف من 453 الى 266 كان نتيجة توزيع الاسهم وهي حركة اتوماتيكيه ... لازم نوعى لها في الشارت ..


اما نقاط الشراء فقرب منها المصرف مثل ماتفضل وذكر بوخليفه

الا وهي 220 .... واذا نزل عنها 180 ....
يعني الاسعار بين هالنقطتين ممتازه خصوصا للمستثمرين فوق 8 شهور


انت مستثمر طويل الأجل ؟؟

وكم المبلغ اذا تكرمت اللي ناوي تدخل به؟؟

انتظرك

[مهندس]

شكرا على ردك الواضح يا قطر ...
و الله أنا محتار ...اليوم إرتفعت البنوك كنت ناوي اشتري ...بس مادري وش رايك؟؟؟


إستثماري ممكن إنة مضاربة و ممكن إنة طويل .....قول شلون؟؟


في العادة إذا قررت أشتري في شركة س مثلا ...تكون نيتي طويل بس إذا حققت أرباح حلوة مثل خمسين أو قريب عند مئة بالمية أطلع...و أشوف و قت ثاني أدخل فية.....بس إذا السهم قوع أخلية ستة اشهر عشرة أو سنة...على حسب البيانات المالية إلي أقدر إني أستطلعها و يكون التحليلي الفني فيها منطقي من وجهت نظري ...مب مثل التحليل إلي يقولك إشتر عملة عراقية و كدس .والعراق مثقل بالديون و غير مستقر سياسيا لا و أمنيا بعد..إذا جذي كان الليرة إنفعت إلي كدسوها بخسارة أو التومان يو م طاح الشاة.....
حبيبي قطر إنت ماشاء الله فاهمني عدل و مبين عليك مثقف و فاهم إنت عارف وش أنا أقصد بالتحليل الفني :)

الي ابا ادخل فية الحين 30%..... لأنة فلوسي كلهم سيلتهم يو الأرباح أغرتني وماودي أدخل بقوة لأنة مادري أشوف غنة الركادة زينة ....بس الصراحة الأسعار يوم الخميس أغرتني وايد..بس الله كريم

على العموم ما أطول عليك أنا مادري محتار بين المصرف أو الدولي ؟؟؟ويمكن الوطني أو التجاري بس ماودي أدخل مرة ثانية بشي فية شبهات مدام رب العالمين إموفقني ؟؟؟


رايك شنو؟؟؟.....و نصايحك يالغالي؟ :)

[قطر]

مرحبا المهندس

اي والله حرام ماشريت اليوم على اللمت داون المصرف...

التحليل الفني مهم جدا واثبت اهميته في شركتين من اللي اتابعهم الا وهم المصرف والنقل ...


والله الركاده زينه بس خوفي اطير الطيور برزاقها

اذا كنت من مستثمري الفترات الطويلة فأنصحك بالدخول الأن ..

وبالنسبة للمصرف او الدولي

الاثنين ممتازين بس انا اتوقع ان ارباح الربع الأول للمصرف بتكون اعلى من الدولي....

في المقابل هناك خطط معروفه لزيادة راس مال الدولي...

والاثنان مستقبلهما مضمون ..

فانت شوف ايش الاحسن في نظرك اعلان الارباح والبيع مع الارتفاع

او الانتظار الى اعلان زيادة راس المال وطيران السهم ؟؟


:)

سؤوالين ايحييرون وانا بعد محتار فيهم

[مهندس]

مشكووووووور قطر و ما قصرت ,و إن شريت إبا قولك إنشاء الله ..يمكن بكرة بس الله كرييييم ;)




:d :d

[حسين ين عاقول]

أخوى مب حرام ولا شئ انتظر على المصرف بينزال ا كثر لا تشترى الحين
أنا ا بى ا خذ مصرف بس حاط في بالى السعر الى ا شترى فيه من 150 الى 170
وصدقنى بينزال في الصيف العالم كلها مسافر ه و الاسهم بطيح

[البرنس]

مب مثل التحليل إلي يقولك إشتر عملة عراقية و كدس .والعراق مثقل بالديون و غير مستقر سياسيا لا و أمنيا بعد..إذا جذي كان الليرة إنفعت إلي كدسوها بخسارة أو التومان يو م طاح الشاة..... حلوووووووووووووووووووووة
خخخخخخخخخخخخخخخخخخخخخخخخخخخخخخخخخخخخخخخخ

اشكركم على حواركم الممتع و في الحقيقة و من غير مجاملة انة كان رائع و غني بالفائدة و انتوا الصراحة من الناس الي يفتقر المنتدى للكثير منهم للأسف ، الله يحميكم و يكثر من امثالكم و يخليكم قدوة للكثير من قليلين الخبرة من المشتركين في المنتدى ..

:) والله يوفق الجميع :)

[miss meme]

وانا وحدة من القليلي الخبرة ويمكن معدومة

والي استفدت من المحادثة وايد بس انا عندي المصرف يا قطر 800 سهم خدت ارباحهم

وكنت شاريتهم ب 286 بس ما ادري الحين ابيع المجاني و ارد اشتريهم لما ينزل ولا اخليهم


يا ريت حد ينصحني



لو انت مكاني يا قطر اش بتسوي

[قطر]

وانا وحدة من القليلي الخبرة ويمكن معدومة

والي استفدت من المحادثة وايد بس انا عندي المصرف يا قطر 800 سهم خدت ارباحهم

وكنت شاريتهم ب 286 بس ما ادري الحين ابيع المجاني و ارد اشتريهم لما ينزل ولا اخليهم


يا ريت حد ينصحني



لو انت مكاني يا قطر اش بتسوي

800 × 286 = 228800 ريال
800×70%= 560سهم + 800= 1360 سهم

228800÷ 1360= 168.2 ريال

:p

شفتي 168.2 الكل ايتمناها واللي يأملون ان السهم ينزل لها وماااتوقع ابدا ان السهم يرجع الى هذه النقطة..

السؤال انتي محتاجه للنقود؟؟

اذا لا خليها في المصرف ...

او بيعي 500 سهم وحطيهم في الدولي وانسيهم..

وادعي لي :)

[قطر]

يالمهندس

استثمارك طويل ولا مضاربه ؟؟

اشوف الوقت للمضاربه مااحسه زين لمستثمري الفترات الطويله..

وانت ورايك انا لو منك اصبر لين الصيف...

=================

البرنس يامرحبا بك وتشكر على الاطراء وان شالله نكون عند حسن الظن :o

==================

حسين بن عاقول...

ليش تتوقع ان المصرف ينزل الى هذه النقطة...

صعبه صدقني

نقطة الدعم الثالثه قرابة 180 ريال

وكما شاهدت انت ان السعر اقترب من نقطة الدعم الثاني ولم يلامسها وتم الانطلاق بالقرب منها..

واذا استمر الارتفاع 3 ايام .. تقريبا بتكون 228 نقطة دعم جديده مستقبلا...

:)

[الغشيم]

المهندس انت لخبطت كياني انا شاري المصرف اليوم بسعر250 وبكره لمته مع الاسف 253 هل اتوقع يطلع عقب بكره فوق السعر هذا او ابيعه بكره واشتري في الصيف اذا هو بينزل الى سعر 180 او 150 يعني ماتابعت المصرف في الصيف

[Alemadi]

المهندس انت لخبطت كياني انا شاري المصرف اليوم بسعر250 وبكره لمته مع الاسف 253 هل اتوقع يطلع عقب بكره فوق السعر هذا او ابيعه بكره واشتري في الصيف اذا هو بينزل الى سعر 180 او 150 يعني ماتابعت المصرف في الصيف

اشوف ان المصرف احلى سهم للمضاربه انصحك بالبيع بعد انتهاء موجه الارتفاع القادمه وثم شرائه بكميه اكبر لين يسير هبوط كبير للسوق وخلك على نفس الحركه لمده سنه وشوف كم سهم زياده بتحصل من المضاربات وصدقني بتكون اكثر من الاسهم المجانيه ... هذا مجرد راي شخصي والله اعلم

[مهندس]

بن عاقول

والله صعععععععععععععععبة يا بن عاقول ..ما توقع إنة بيروح لين السعر الي قلتة ...تدري ليش؟؟؟؟

لأنة أرباح الربع الأول قوييييية و التوقع على اقل تقدير للأرباع الثلاث الأخرى إتضاعف الأرباح لنفس الوقت لالسنة السابقة.

أنا شخصيا ما اتوقع إنة بيوصل السعر غلي قلتة و خلي بالك يا بن عاقول ترى اردى البنوك (بدون الأهلي) عندها دعم مشششش طبيعي عند 200-194 يعني أنا ممكن إني أقول عنة من النادر حصولة.

حبيبي, إذا وصل السعر إلى السعر الي توقعتة سوف تكون فرصة لاااااااا تعوض ابدا للشراء.


غشيم

والله ما ودي افتيلك بشي ما أعرف فيه ..و يمكن أوديك بحر بس انا متأكد إن أخوي قطر ممكن يفيدك واااايد...و قطر مايقصر

البرنس

شكرا أخوي ...و إحنا هني عشان كل واحد يفيد أخوه بالي يفقة أو يعرف فية بس....وإما فالسكوت ذهب.

miss meme


إدعي لقطر ترى الريال ما قصر وياج ....و راية الثاني عشان العصفورين تضربيهم بحجر واحد..إذا ما كان عندج أولردي دولي


قطر

والله مادري إذا فيني صبر لين الصيف يمكن أشتري 30% هاليومين و باقي لصيف أو في الوقت المناسب.......الصيف ممممممممم قطر الأرباح للربعية الأولى ترى ما ينسكت عنها ..لا زم الواحد يوقف عندها شوي و يتمعن حيييييييييييييييييييييييييل :eek:

[مهندس]

مساهم نشط

الملف الشخصيرقم العضوية : 1433
تاريخ التّسجيل : Apr 2005
المشاركات : 101

إحصائيات الترشيحعدد النقاط : 10












--------------------------------------------------------------------------------




والله انا اتوقع هذا الصيف بتكون الاسهم حاااااااااااره و لمت اب



التوقيع الشخصي لـ:حسين ين عاقول
حسين بن عاقول




حسين ين عاقول
عرض الملف الشخصي الخاص بالعضو
إرسال رسالة خاصة إلى حسين ين عاقول
إيجاد المزيد من المشاركات لـ حسين ين عاقول
إضافة حسين ين عاقول إلى قائمة الأصدقاء لديك

بالأمس, 08:33 PM رقم المشاركة : 8
حسين ين عاقول
مساهم نشط

الملف الشخصيرقم العضوية : 1433
تاريخ التّسجيل : Apr 2005
المشاركات : 101

إحصائيات الترشيحعدد النقاط : 10












--------------------------------------------------------------------------------




أشكركم أخوانى على هذه المشاركه الطيبه
و ان شاء الله ترتفع الاسهم في هذا الصيف و ذلك بناء على انتظار الكثير من الناس لصيف
لكى ينقضو على السوق و العلم عند الله
اعتقد السنه سيتوجه اهالى قطر الى مطار البورصه القطريه و اهل الخليج كذالك



__________________________________________________ __________________________________________________ __________________________________________________ __________________________________________________ ______________________

هالكلام موجود على هاللنك
http://www.qatarshares.com/vb/showthread.php?t=3854





للأسف يا اخ بن عاقول إنت تناقض نفسك ...يا أخي العزيز ترى مب لازم تشارك بالحوار إذا كنت تدري إنك مب رايح تثري الحوار و تفيد نفسك و أخوانك المشاركين جميعا.

يا أخي و االله والله أنا مشترك من فترة كمن شهر و لكن ما أشارك إلا إذا حسيت إني أفيد غيري أو أستفيد ...غير هالكلام مالة داعي إني أناقض نفسي أو ابين إني فاهم....للأسف إحنى الي متخلفين تدري ليش لأنة الكل يفتيلك بشغلة حتى لو إنة مالةشغل فيها أبدا....يا أخي و الله انا أحب الكل بس هالأشياء تزعلني و تخليني أتردد بالمشاركة أو النقاش بشي ....عزيزي أنا اسف إذا قلت شي يزعلك بس أنا الي بقلبي على لساني و هذا الي كان على الساني

[قطر]

غشيم

والله ما ودي افتيلك بشي ما أعرف فيه ..و يمكن أوديك بحر بس انا متأكد إن أخوي قطر ممكن يفيدك واااايد...و قطر مايقصر

قطر

والله مادري إذا فيني صبر لين الصيف يمكن أشتري 30% هاليومين و باقي لصيف أو في الوقت المناسب.......الصيف ممممممممم قطر الأرباح للربعية الأولى ترى ما ينسكت عنها ..لا زم الواحد يوقف عندها شوي و يتمعن حيييييييييييييييييييييييييل :eek:

هلا والله

اولا بالنسبة لاخونا غشيم ...

اتمنى انه مايفرط بالسهم ... ومسألت بيعه للسهم بعد يومين او ثلاثة صعبة بتضارب على 5% ..
كم كمية الاسهم اللي عندك ؟؟ ..... اذكر انهم 4000 سهم .. يعني في طلوع 10 ريال 40 الف ..

واذكر انك مستغرب ان اللمت اب اليوم نفس امس.. او قريب منه وتقريبا هو 253 ...

لان امس الاغلاق كان 240 وشي واليوم 241 وشي :)

اكيد بيكون نفس اللمت ....

لكن هذا مايضر بل ايفيد وخصوصا اذا راحت كميات كبيره على هاللمت .. مما يوحي بأن هناك تجميع للسهم ... ويعطي قوة للاندفاع للأعلى ..


الله ايوفقك :)



باالنسبة لأخوي المهندس قرار صائب 30% الحين والباقي بعدين..
وخصوصا لوفكرت تعمل افرج..

يعني لو انزل السعر عن 250 في الصيف انت ربحان

واذا ارتفع انت ربحان لان عندك من قبل

:o

والارباح الاوليه ممتازه عشان هذا الشي انا قلت لمستثمري الفترات الطويله يشترون من الحين

:cool:

[miss meme]

السلام عليكم اخواني قطري والمهندس ..............ومشكورين على ردكم علي بس انا شفته الحين

ما قصرتوا ورايتكم بيضة

بس انا خايفة ادا فرطت في المصرف الحين وهو كل يوم ليمت اب والدولي بعد مافي معروض وما اقدر اشتريه .........بيروح علي الاثنين وفرق السعر بين المصرف والدولي

وانا ناطرة ردك بفارغ الصبر وردك مهم بالنسبة لي وانا اثق في رايك


واخوي المهندس انا ما عندي الدولي بس خاطري فيه

ولكن مافي عرض

اتمنى انكم تردون علي باقرب وقت

[قطر]

اختي

لاتبيعين الحين

احنا انقولج لما يبدا في النزول المصرف...

بيعي...

والدولي مثله مثلهم لازم بيكون في عرض تقريبا في نفس الايام


بس اختاري وقت التنفيذ المناسب

[miss meme]

الله كريم يا اخوي ومشكور على ردك والله يوفقك ان شاء الله

وانا بتابع تحليلاتك والله يوفقنا ويوفقكم ويكثر من امثالكم ان شاء الله

[قطر]

الله ايسلمج ويوفقج

شكرا لهذه الدعوات الجميله :)

[الصمت]

السلام عليكم
مرحبا اخواني .....الله يمسيكم بالخير.
استسفار ...؟؟
عندي صناعات ..... انا ماخذها من فتره على 160 وارتفعت وردت انزلت السؤال: متى ابيع؟ او تنصحوني ابيع واضارب بالمبلغ في بنك او شركة ثانيه ..؟؟

[قطر]

عليكم السلام الصمت

لا انصحك بالمضاربه في الوقت الحاضر ومع 5% خطر ..
وقريبا سيأتي وقت اللي اسميه استراحة محارب ..
وبتهدى الاوضاع

شاريها ب 160 .... اذا استثمارك طويل خلها وانساها
اما قصير لما اتوصل 195-200 راقبها اذا لها توجه صعود او نزول..

بس حط في بالك وهذا اللي كل ايتوقعه الا اذا سوقنا عاكس التوقعات...
ان صناعات مستحيل تنزل عن 150-145...


اذا المبلغ كبير .. حط رحالك في البنوك الاسلاميه او الاسلامية للتأمين بعد ان اعلنت عن ارباحها لربع الاول اتوقع لها شي كبير مع العلم انها وزعت اسهم مجانيه وزادت راس المال عن العام ..


انا من ناحيتي كنت افكر ابيعها لكن بعد ان شفت ارباح الربع الاول هونت


هلا بك

[الصمت]

الله يعطيك العافيه ياقطــر وحلوه استراحة محارب ههههههه :)
بعدين انا استثماري طويل..يعني بخليها .
الشي الثاني متى تنصحني اشتري الناقلات.؟؟؟
وآسف على الاطاله عليك ياقطر ومشكور وماقصرت.:)

[قطر]

الله ايعافيك :)

استثمارك طويل عيل خلها

اما انك تشتري ناقلات ... والله يااخوي انا احس ان اسهم الاكتتاب تكفي...

وان بغيت شوري اشتر في شركات قائمة وتعطيك ارباح ومقاربه لقيمة ناقلات اللي بتركنها لين 2009


شوف السلام سنة عن سنة ارباحها مجزيه ... والمتحده يتوقعون لها شي كبير..والاجاره كذلك

كلها انا اعتبرها افضل من ناقلات حاليا

صحيح ناقلات سهم ذهبي لكن الشاطر اللي ايحرك فلوسه ويحقق عوائد ... ولما تجمعها على بعضها بتعطيك فررصة لشراء اسهم ناقلات بكمية اكبر...


هذا رأيي الخاص وانا احب اقدم النصيحه كما اقدمها لنفسي..

اما عن انسب سعر لناقلات فاتوقع بكره لمت داون اوكي ..
خصوصا اا ظل ارتفاع السوق واللمت اب ليش؟؟؟؟؟؟؟

لان بعض الغير مثقفين او اللي معاهم معاهم عليهم عليهم ...راح ايشوفون ان مافي جدامهم غير ناقلات والسوق بيطلع فبيشترو فيها ..والله اعلم


وخذ راحتك وجدنا لمساعدتكم والله يعطينا على قد نيتنا :)

[الصمت]

تسلم وماقصرت والله وعساك القوه....وكلامك جدا منطقي واحنا ماذبحنا الا معاهم معاهم عليهم عليهم وبعض التحليلات من الناس اللي ماعندهم خبره..:)
شكرا مره ثانيه واسأل الله لك وللقائمين على هالمنتدى وللمسلمين التوفيق.:)

تحياتي اخوك الصمت.:)

[قطر]

الله ايسلمك ولاشكر على واجب

:)

هلا بك