ماذا يصنع الزوج الذي يكتشف ان زوجته مب قد الزواج ولا قد المسؤولية ، (تصرفاتها ياهل!!) [الأرشيف] - الصفحة 2

بو خليفه 123

12-07-2010, 08:26 AM

بو خليفة

وام السعف

امته بتصطلحون

وبتتركون (المشاكسة)على بعض

اضحك الله سنك يا اسعاف .. في ذمتي انك ضحكتني من الخاطر
:)

al-vtc

12-07-2010, 08:35 AM

الحل الوحيددددددددددد،
الزواج من فتاة سورية عمرها 14-17 سنة.

سنية، حافظة، ملتزمة،
من حماة أو حلب،
أو دمشق.

صدقني لن يندم أبداً مهما حصل، بعد ذلك.

ههههههههههههههههههههههههه

ليش مرفوع عنهم القلم مثلا والا يعرفون كل شي

يالغالي مافي منطقة مافيها مقبرة
وافهم يا فهيم

اسباير

12-07-2010, 10:01 AM

ضحكتوني ياجماعه 0000 موضوعك مهم جدا

بوخالد2

12-07-2010, 10:07 AM

يطلقها وياخذ اختها

:nice::nice::nice::nice:

program

12-07-2010, 10:10 AM

وش الحل اذا اكتشفت الوحده ان الرجال اللي تزوجته ياهل ومش قد المسؤولية؟

فيصل الشمري

12-07-2010, 10:12 AM

أكبر خطاء انه يطلقها
كون الشخص يوفق بإمرأه توافق ما يريد بشكل كلي هذا شيء نادر, والأندر منه طبعاً ان تكون أفضل مما يريد

لكن في هذه الحالة عليه أن يصبر ويتعلم كيف يغير من اسلوبها وطريقة معيشتها

كيف؟؟؟

يصير "ياهل" لكن بعقل رجل
يعرف كيف يوصل لها المعلومة ويأخذ منها ما يريد ويطلب منها ان تفعل ما يشاء ولكن بأسلوب "اليهال"
وهذا يختلف كلن بحسبه,, احيناً يشد بالكلام احياناًَ يوعد اذا سويتي كذا لك كذا احياناً يقول لو سويتي الشيء الفلاني مثلاً ماراح اوديكم المكان الفلاني
يعني هذا شي طبيعي لازم تعامل فيه المرأه بمثل الأسلوب هذا
ان كانت كما تقول غير ناضجة,, وسبحان الله مع الزمن تتغير والا كيف اصبحن النساء ذوات العقول الراجحه والأخلاق الحميده على ماهن عليه الا بالتعليم,,, الصبر الصبر,, بل والأولى ان تستمع بهذا الصبر لأن فعلاً فيه شيء من المتعه, ويقولون شر البلية ما يضحك,,

الأصيلة

12-07-2010, 10:12 AM

الحل الوحيددددددددددد،
الزواج من فتاة سورية عمرها 14-17 سنة.

سنية، حافظة، ملتزمة،
من حماة أو حلب،
أو دمشق.

صدقني لن يندم أبداً مهما حصل، بعد ذلك.

في ذمتك أخي مطيع الله
كل من سمع نصيحتك وسواها وابتلش بأهلها وأهل أهلها...
حلاة الثوب رقعته منه وفيه...
ناقصين احنا أجانب ومقيمين ...
أكيد انت ماجربت والا مارح تنصح بها النصيحة اللي تخلي الحريم يصبون دعاويهم عليك...

bojassem33

12-07-2010, 10:20 AM

السلام عليكم
موضوع كبير انا اقول اذا توهم ياخذها بالحسنه ويصبر عليها ويحاول ايطلعها من الجو الي هي فيه برحلات بر وبحر طبا ابروحم وينزل العدة بالحر ويكرفا اشوي ويعلمها الطبخ بس ابشرط ايخلون وسائل الاتصال بالبيت حتى محد ينشغل عن الثاني وتسلم

FAUCHON

12-07-2010, 11:26 AM

يطلقها اكيد

اصلا البنات هالايام كلهم يراهقوون على كبر

انصدم والله اشوف بنات متزوجات واحيانا امهات وتصرفاتهم تصرفات بنات في الثانوي

(( دامج مب قد الزواج )) ليش تزوجتي !!!!

والزوج مسكين يا غافل لك الله

وهي ماتدري عن بيتها وعايشه حياتها كنها بنت ام 17 سنه

شي عجيب غريب

الله المستعان ..~

الصريحه

12-07-2010, 11:30 AM

يسال قبل مايتزوج
ويشوف تربيه امها ويوديها بيت اهلها تتعلم
واذا مانفع ياانه يصبر او يتزوج عليها او يفارق وان كان ابغض الحلال

wadha-qa

12-07-2010, 12:24 PM

والله الموضوع هذا متفرع و اللووم يقع على اكثر من جهه

ام الرجل يكون همها تدور على وحده تطيح الطير من السما على قولتهم جمال و دلال و دلع و نسب و بس تغض الطرف عن اخلاق البنت مرات الاهل يكونون احسن ناس بس عيالهم يفشلون و يسودون الوجه فالمفروض الشخص ينبه اهله بالمواصفات اللي يبيها .

ثاني جهه مسئوله عن هالمشكله الاهل انا اعرف نسوان اذا جيت تخطب بنتها تقول بنتي ما تشيل الشعره من الارض وبنتي مدلله و مدري وشو يعني افهموا ترى بنتي رفلا و الخدامه تجيبونها قبل ما تدخل بيتها ! كانها تفتخر بغباء بنتها و بلادتها ؟؟ فالمفروض الام تعود بناتها من الصغر على تحمل المسئوليات حتى لو عندهم خدم البنت لازم تعرف تتصرف و تسنع البيت عشان اذا تزوجت ما تنطر الخدامه تجي تنظف لها و تطبخ لها !!

و ثالثاً البنت بعد المفروض تكون متعلمه و واعيه و حتى لو شافت ان امها ما علمتها السنع تفتح النت و تقرا تثقف نفسها في هالامور ترى اللي تملك الشجاعه على الموافقه على الزواج المفروض تكون شايله هم البيت و شلون بتعيش مع هالرجال و كيف ترضيه ؟ مب بس تقضي فتره الخطوبه رومنسيات و غزل و بعدها تجهيز للعرس و لا تفكر تقرا كتاب ولا موقع يفيدها بعد ما تقعد مع هالشخص في بيت واحد !!

و انا ما اايد الطلاق لازم الرجل يواجه هالمشكله مب كل ما واجهته صعوبات طلق المره و انحاش ؟ لازم يفهمها ان هذا هو الزواج و اذا عاجبتها عيشتها في بيت ابوها ليش تزوجت ؟ ترى هي عادها ما شافت شي اذا جابت عيال وش بتسوي بتجيب مربيات بعد لكل طفل ولا بتخلي الرجال يقول بهم ؟؟

اتوقع هالبنت فاهمه الزواج غلط و ابو الشباب شكله ما رص عليها شوي و عطاها دروس في هالموضوع

في النهايه ما اقوووول الا الله لا يبلانا بهالاشكال والله الوحده تخاف على اخوانها بكره يبتلشون بحريم مايعات و غثيثات ...

ام السعف

12-07-2010, 12:30 PM

سبحان الله , اللي على راسه بطحه ... ؟ :)

هذي الامثله التي طرحتيها لا اعتبرها رد وافي على استفساري بما انك جاوبتي فلذلك امتنع عن الرد عليها ..

و بعدين مش لازم اكون طبيب نفسي عشان اعرف حالة الكاتب ..

هناك شيء اسمه تحليل فني "انصحك بالاستفاده منه" بالوقت الحالي .. و هكذا تقوم عليه المواضيع بالحوار العام , بتحليل الردود والمشاركات والرد عليها .. و ليس بأن اكون محلل نفسي او اكشف على حد لتحديد نفسيته .

عموماً لا اريد اضاعة وقتي بالردود الشخصيه ..

القصد من كلامي هو .. ارجو النظر في الجانب السلبي والايجابي ايضاً من الردود على موضوع الأخ اسعاف .. ولا نعمم معشر الرجال بالموضوع دائماً , هذا اسمه حوار عام , و ليس صف رابع ابتدائي

:)

الحين عقب ما حللت ردود العضوات المعقدات ( طبعا ما اضع نفسي بينهم لأني ما عندي عقد من الرجال يمكن الرجل متعقد مني بس ولله الحمد ما عندي عقد ابدا من الرجال اعامله حسب مكانته عندي ولا انزل من قدره ابدا ،، لذلك راسي ما عليه بطحة في الوضع هذا )
فارجع واقول ،، عقب ما حللت وقلت عقد تقول ما بي اضيع وقتي في ردود شخصية:(

في ردود من عضوات كان في الجانب الايجابي ،، مب عرافة ليش ما الفت نظرك ؟:(

نمـر

12-07-2010, 01:07 PM

http://t2.gstatic.com/images?q=tbn:EcECBSJDIbsRPM:http://abuhaleeqa.net/m_s_data/data/images/malabis-2.jpg

هذا أعتقد بيسوي شغل بعد ما تفشل كل المحاولات

qatareya

12-07-2010, 01:19 PM

السلام عليكم

انا توني قارية الموضوع وماقريت كل الردود

المهم بغيت اقول
ان مو كل البنات جي ..... والريال لما يتزوج يحكم على المرة من اول شهر .... ما يقدر يقدر انها عاشق بيت اهلها ... بطريقة وتربية حتى لو كانت مدلـله .. وهو عاش بين اهله بطريقة ..يعني الزوج والزوجة اجتمعو من بيئتين مختلفتين يبيلهم فترة لين تعرفة ويعرفها .....

وممكن هو يغيرها بس ماراح يقدر في يوم وليلة يعني لازم يطبعها بطبايعه
او يغير ويتنازل عن اشياء لها ... لان الحياة الزوجية تبادل مو حكم سي السيد

واخر شي ابي اقول .... لا تحطوووون طله على المرة
اعرف بنات ذاقوووووو الويل من الراييل واخر شي تطلقووو

تحياتي

بو خليفه 123

12-07-2010, 01:31 PM

السلام عليكم

انا توني قارية الموضوع وماقريت كل الردود

المهم بغيت اقول
ان مو كل البنات جي ..... والريال لما يتزوج يحكم على المرة من اول شهر .... ما يقدر يقدر انها عاشق بيت اهلها ... بطريقة وتربية حتى لو كانت مدلـله .. وهو عاش بين اهله بطريقة ..يعني الزوج والزوجة اجتمعو من بيئتين مختلفتين يبيلهم فترة لين تعرفة ويعرفها .....

وممكن هو يغيرها بس ماراح يقدر في يوم وليلة يعني لازم يطبعها بطبايعه
او يغير ويتنازل عن اشياء لها ... لان الحياة الزوجية تبادل مو حكم سي السيد

واخر شي ابي اقول .... لا تحطوووون طله على المرة
اعرف بنات ذاقوووووو الويل من الراييل واخر شي تطلقووو

تحياتي

بارك الله فيك اختي قطريه على ردك العقلاني والمثالي ..

ياليت بامكاني ان اقتبس ردك مليون مره حتى يقراه الجميع ..

كروشيه

12-07-2010, 01:47 PM

لو كل واحد جعل الرسول الكريم - صلى الله عليه وسلم - قدوه له في طريقة تعامله مع زوجاته اللي كانوا من اعمار مختلفه وطبايع مختلفه وكانت بينهم الغيره ، لكانت صلحت بيوت كثيره ، ولا نقول انه هذا رسول منزه عن الخطأ ولكن هو يضرب لنا مثال انه من البشر وبيته ليس خالي من الامور الزوجيه التي تقع في كثير من البيوت ، الامور تحتاج لطولة بال وسعه وحسن ظن بين الزوجين وفي الاساس اختيار الزوجه والزوج الصالح قبل الارتباط والزواج لانه متى ما صلح الاساس قوي البنيان

سحابة

12-07-2010, 02:22 PM

كل واحد يتحمل مسؤولية اختياره .. الحين غير اول صار الزوج يقدر يكلم زوجته فتره الملكه ويعرفها ويعرف طبعها مب يحمل الام او الاخت مسؤوليته او فشله في حياتة الزوجيه ولو هو زوج كفو وشخصيته قويه كان قدر يمشيها على مزاجه بعقله مو بقوته .. بأسلوبه وبأقناعه ينسيها كل شي بالدنيا ولا تذكر الا زوجها وكلامه وطبعه .. اعرف ناس تزوجو بنات صغار بعمر 14 و17 ماشاء الله حريم وقدها شالو مسؤوليه الزوج والبيت والعيال .. وفي شروط اساسيه بالبنت قبل الزواج يشوف بنت من وتربية من يعني طبع امها واهلها .. والبنت سهل انها تتعدل وتتعلم مع الوقت بس المشكله بالزوج اللي مو صغير ولا عنده اي احساس بالمسؤوليه وكل ماصارت مشكله تافهه قال زوجه ثانيه سوريه ولا مغربيه (( لو فيه خير مارماه الطير )) ..

بو منيرة

12-07-2010, 02:49 PM

يا عيب الشوم عليكُن يا بنات فطيم،
هيك بتعاملوا زواجكُن، سواد عيونكُن!!!
والله وكلوا بدياتي، ونطيه عيوني يشوف بيهن.

مالي خص:secret:

شسالفه اخوي؟؟؟؟ الاكسنت سوري ولا عراقي؟

ام السعف

12-07-2010, 02:49 PM

http://t2.gstatic.com/images?q=tbn:EcECBSJDIbsRPM:http://abuhaleeqa.net/m_s_data/data/images/malabis-2.jpg

هذا أعتقد بيسوي شغل بعد ما تفشل كل المحاولات

:(:(:(

تحمل تتهور بتنحسب عليك قضية زمن اللعب على بنات الناس ولى وراح
الحين كل ضربة وراها تعهد وان كنت عسكري بعد يا ويل ويلك يا رجل:shy:

ملاحظة: الكلام موجه الى اصحاب العقال عند التفاهم التفاهم مع الزوجة :(

بو منيرة

12-07-2010, 03:05 PM

لحد ينكر ان هذا حال اغلب بناتنا اليوم ... وهذي ضريبة الترف الي حنا عايشه

غزلان

12-07-2010, 03:14 PM

http://t2.gstatic.com/images?q=tbn:EcECBSJDIbsRPM:http://abuhaleeqa.net/m_s_data/data/images/malabis-2.jpg

هذا أعتقد بيسوي شغل بعد ما تفشل كل المحاولات

:omg:

:secret:

غدير البورصه

12-07-2010, 05:05 PM

والله العقال ما يسوي اي شغل.

خاصه الي وراها ابو واخوان كفو.

يا ويله منهم والله ليخلون العقال يغسل ظهره.

يا سلام عليكم يالي تنصحون بالعقال حتى الخدامه ما تنضرب بالعقال .

الزوجه تنضرب بالعقال منهو الخبل الي يضرب حرمته بالعقال وين كرامتها وين معزتها.

الرجال قوامون على النساء

ولكن ليس بالضرب والعقال

اسعاف

12-07-2010, 05:48 PM

والله العقال ما يسوي اي شغل.

خاصه الي وراها ابو واخوان كفو.

يا ويله منهم والله ليخلون العقال يغسل ظهره.

يا سلام عليكم يالي تنصحون بالعقال حتى الخدامه ما تنضرب بالعقال .

الزوجه تنضرب بالعقال منهو الخبل الي يضرب حرمته بالعقال وين كرامتها وين معزتها.

الرجال قوامون على النساء

ولكن ليس بالضرب والعقال

ههههههههههههههههههههههههههههههه

تستاهلون ما جاكم من غدير يالرجاجيل

اسعاف

12-07-2010, 05:51 PM

والله الموضوع هذا متفرع و اللووم يقع على اكثر من جهه

ام الرجل يكون همها تدور على وحده تطيح الطير من السما على قولتهم جمال و دلال و دلع و نسب و بس تغض الطرف عن اخلاق البنت مرات الاهل يكونون احسن ناس بس عيالهم يفشلون و يسودون الوجه فالمفروض الشخص ينبه اهله بالمواصفات اللي يبيها .

ثاني جهه مسئوله عن هالمشكله الاهل انا اعرف نسوان اذا جيت تخطب بنتها تقول بنتي ما تشيل الشعره من الارض وبنتي مدلله و مدري وشو يعني افهموا ترى بنتي رفلا و الخدامه تجيبونها قبل ما تدخل بيتها ! كانها تفتخر بغباء بنتها و بلادتها ؟؟ فالمفروض الام تعود بناتها من الصغر على تحمل المسئوليات حتى لو عندهم خدم البنت لازم تعرف تتصرف و تسنع البيت عشان اذا تزوجت ما تنطر الخدامه تجي تنظف لها و تطبخ لها !!

و ثالثاً البنت بعد المفروض تكون متعلمه و واعيه و حتى لو شافت ان امها ما علمتها السنع تفتح النت و تقرا تثقف نفسها في هالامور ترى اللي تملك الشجاعه على الموافقه على الزواج المفروض تكون شايله هم البيت و شلون بتعيش مع هالرجال و كيف ترضيه ؟ مب بس تقضي فتره الخطوبه رومنسيات و غزل و بعدها تجهيز للعرس و لا تفكر تقرا كتاب ولا موقع يفيدها بعد ما تقعد مع هالشخص في بيت واحد !!

و انا ما اايد الطلاق لازم الرجل يواجه هالمشكله مب كل ما واجهته صعوبات طلق المره و انحاش ؟ لازم يفهمها ان هذا هو الزواج و اذا عاجبتها عيشتها في بيت ابوها ليش تزوجت ؟ ترى هي عادها ما شافت شي اذا جابت عيال وش بتسوي بتجيب مربيات بعد لكل طفل ولا بتخلي الرجال يقول بهم ؟؟

اتوقع هالبنت فاهمه الزواج غلط و ابو الشباب شكله ما رص عليها شوي و عطاها دروس في هالموضوع

في النهايه ما اقوووول الا الله لا يبلانا بهالاشكال والله الوحده تخاف على اخوانها بكره يبتلشون بحريم مايعات و غثيثات ...

مشاركة روعة:nice:

اسعاف

12-07-2010, 05:52 PM

http://t2.gstatic.com/images?q=tbn:ececbsjdibsrpm:http://abuhaleeqa.net/m_s_data/data/images/malabis-2.jpg

هذا أعتقد بيسوي شغل بعد ما تفشل كل المحاولات

الأخ جاي من ديار بني عبس!!

اسعاف

12-07-2010, 05:55 PM

السلام عليكم

انا توني قارية الموضوع وماقريت كل الردود

المهم بغيت اقول
ان مو كل البنات جي ..... والريال لما يتزوج يحكم على المرة من اول شهر .... ما يقدر يقدر انها عاشق بيت اهلها ... بطريقة وتربية حتى لو كانت مدلـله .. وهو عاش بين اهله بطريقة ..يعني الزوج والزوجة اجتمعو من بيئتين مختلفتين يبيلهم فترة لين تعرفة ويعرفها .....

وممكن هو يغيرها بس ماراح يقدر في يوم وليلة يعني لازم يطبعها بطبايعه
او يغير ويتنازل عن اشياء لها ... لان الحياة الزوجية تبادل مو حكم سي السيد

واخر شي ابي اقول .... لا تحطوووون طله على المرة
اعرف بنات ذاقوووووو الويل من الراييل واخر شي تطلقووو

تحياتي

يقول الزوج الجديد

ان زوجتي امخاصمتني ولا اتكلمني

جدام الأهل كأنها مستانسة معي

وفي حجرة النوم صم بكم

وكل واحد ماله خص بالثاني

هذي بالله عليكم عيشة ؟؟

اسعاف

12-07-2010, 05:56 PM

لو كل واحد جعل الرسول الكريم - صلى الله عليه وسلم - قدوه له في طريقة تعامله مع زوجاته اللي كانوا من اعمار مختلفه وطبايع مختلفه وكانت بينهم الغيره ، لكانت صلحت بيوت كثيره ، ولا نقول انه هذا رسول منزه عن الخطأ ولكن هو يضرب لنا مثال انه من البشر وبيته ليس خالي من الامور الزوجيه التي تقع في كثير من البيوت ، الامور تحتاج لطولة بال وسعه وحسن ظن بين الزوجين وفي الاساس اختيار الزوجه والزوج الصالح قبل الارتباط والزواج لانه متى ما صلح الاساس قوي البنيان

ممتازة هالمشاركة

اسعاف

12-07-2010, 05:58 PM

كل واحد يتحمل مسؤولية اختياره .. الحين غير اول صار الزوج يقدر يكلم زوجته فتره الملكه ويعرفها ويعرف طبعها مب يحمل الام او الاخت مسؤوليته او فشله في حياتة الزوجيه ولو هو زوج كفو وشخصيته قويه كان قدر يمشيها على مزاجه بعقله مو بقوته .. بأسلوبه وبأقناعه ينسيها كل شي بالدنيا ولا تذكر الا زوجها وكلامه وطبعه .. اعرف ناس تزوجو بنات صغار بعمر 14 و17 ماشاء الله حريم وقدها شالو مسؤوليه الزوج والبيت والعيال .. وفي شروط اساسيه بالبنت قبل الزواج يشوف بنت من وتربية من يعني طبع امها واهلها .. والبنت سهل انها تتعدل وتتعلم مع الوقت بس المشكله بالزوج اللي مو صغير ولا عنده اي احساس بالمسؤوليه وكل ماصارت مشكله تافهه قال زوجه ثانيه سوريه ولا مغربيه (( لو فيه خير مارماه الطير )) ..

ترى الزوجة اذا هددها الزوج بالثانية وقال لها باخذ سورية او مغربية تنبط كبدهه وتكره العيشة معاه

ويمكن ما تتعدل

اسعاف

12-07-2010, 05:59 PM

:(:(:(

تحمل تتهور بتنحسب عليك قضية زمن اللعب على بنات الناس ولى وراح
الحين كل ضربة وراها تعهد وان كنت عسكري بعد يا ويل ويلك يا رجل:shy:

ملاحظة: الكلام موجه الى اصحاب العقال عند التفاهم التفاهم مع الزوجة :(

حقوق المرأة والطفل ذلوا الرجاجيل!!!

اسعاف

12-07-2010, 06:00 PM

لحد ينكر ان هذا حال اغلب بناتنا اليوم ... وهذي ضريبة الترف الي حنا عايشه

لكن كيف نتقي ببناتنا من هذا الخطأ الكبير في التربية ؟؟

الخارجية

12-07-2010, 09:18 PM

عليه الصبر

ام السعف

13-07-2010, 11:33 AM

[/color]

يقول الزوج الجديد

ان زوجتي امخاصمتني ولا اتكلمني

جدام الأهل كأنها مستانسة معي

وفي حجرة النوم صم بكم

وكل واحد ماله خص بالثاني

هذي بالله عليكم عيشة ؟؟

اللحين هي ما اتعرف تطبخ و تقوم بواجباته المنزلية
والا مشكلتها قتمة ؟ ( غتمة):(

ام السعف

13-07-2010, 11:34 AM

حقوق المرأة والطفل ذلوا الرجاجيل!!!

الريال اللي يخاف ربه في اهل بيته محد بيذله

اما اللي عايش عصر العبودية و التحكم و التأمر و اهانة المرأة
ربنا سلط عليهم حقوق المرأة و الطفل ،، هذا غير حساب رب العالمين :(

هبوب الشمال

13-07-2010, 01:39 PM

ما ادري يمكن كلامي يعجب البعض ويغيظ البعض بس بالنسبه لنا لما نجي نخطب اي بنت لاخواني
اولا : نسأل عن بيتهم بشكل عام وانطباع الناس عنهم ..

ثانياً: نسأل عن أم البنت وهل هي مره سنعه ولا لا لان السنعه بتربي بناتها على السنع وعقب عن ابو البنت هل هو رجال فيه خير ولا لا ..

ثالثاً : نسأل عن البنت داخل الجامعه او داخل المدرسه شلون طبعها والتزامها واخلاقها وبرا البيت شلون اخلاقها ولبسها وهالامور ..

وما ننسى الدين هل هم من بيت طيب وخير وملتزموين بصلاتهم ولا لا ؟؟

هذي اهم النقاط ... وطبعا حلو لما تكون طباخه اكيد ريلها بيستانس اكثر وما ننسى الجمال لازم تكون جميله نوعا ما لان اخواني الله يحفظهم ماعليهم قصور مزايين فديتهم فعلى الاقل تكون الزوجه مستواها الجمالي جيد جدا اذا ماكان ممتاز

وعلى فكره نتعب كثيييييييييييييييييييييييييير لما نلقى لهم لان هالصفات عمله ناااااااااااااااادره خصوصا (( الاحتشام في اللبس والمحافظه على الصلاة ما تلقونها في كل البنات في هالزمن للاسف ))

toomi9

13-07-2010, 01:45 PM

من وجهة نظري
اشوووف
هـ النوع من المشاكل يبي لها تفاهم بين الطرفين
يكلمها بالزين يقول لها انتي واجباتج كذا كذا كذا وانا علي كذا كذا كذا
ويشوف هو بعد فـ شنو مقصر معاها يمكن لاسمح الله مقصر بـ شي عن طريق الحوار بيصولون الاثنين الى حل
ويقول لها انا ماتعجبني انج ماتاخذين رايي ,, وو.......
مااعجبها الكلام هني هو بعد يعاملها بالمثل مايعطيها حقوقها لين ماتلين
ماستعدلت ...
يدخل حد من أهلها ذو كلمه عليها يشرح له الوضع
المسألة ليست استذلالآ أو عناد . بل إصلاحا وتقويما
واشوف أخر حل هو الطلاق
لو كلمها وقال لها لو بتمين بهـ الشكل ماعتقد بنكمل المشوار
هني راح تخاف وتحس وماعتقد في وحده تحب انها تطلق ولا تسمى انها مطلقه فـ مجتمعنا
.
.
.
هذا رأيي بـ شكل شخصي
تقبلوا مروري :)

غدير البورصه

13-07-2010, 02:25 PM

قلنا وما زلنا نقول التفاهم

لكن ثم لكن

لو ان الله خلقني ريال

قبل لا اتزوجها لازم اعرف عنها كل شي

يعني بلزم على اهلها اني لازم اجلس معها واسولف عشان اعرف اطباعها

عرس هذا زواج

عشرة عمر

مجابلها ليل نهار

بسوي مثل المصريين يعني بسوي فترة خطوبه (((للتعارف وفهم الطباع والميول)))

وبعدين بقرر جانها زينه اوكي

ولا بخليها وبشوف غيرها

ام السعف

13-07-2010, 02:30 PM

قلنا وما زلنا نقول التفاهم

لكن ثم لكن

لو ان الله خلقني ريال

قبل لا اتزوجها لازم اعرف عنها كل شي

يعني بلزم على اهلها اني لازم اجلس معها واسولف عشان اعرف اطباعها

عرس هذا زواج

عشرة عمر

مجابلها ليل نهار

بسوي مثل المصريين يعني بسوي فترة خطوبه (((للتعارف وفهم الطباع والميول)))

وبعدين بقرر جانها زينه اوكي

ولا بخليها وبشوف غيرها

المفروض بكل صراحة

يصورون تصوير حي للبنت وهي في المطبخ
اشلون تطبخ و اتجهز السفرة :(
ويعرضون هالنسخة على كل ام تدخل بيتهم تبي تخطب البنت:(

ام السعف

13-07-2010, 02:34 PM

من وجهة نظري
اشوووف
هـ النوع من المشاكل يبي لها تفاهم بين الطرفين
يكلمها بالزين يقول لها انتي واجباتج كذا كذا كذا وانا علي كذا كذا كذا
ويشوف هو بعد فـ شنو مقصر معاها يمكن لاسمح الله مقصر بـ شي عن طريق الحوار بيصولون الاثنين الى حل
ويقول لها انا ماتعجبني انج ماتاخذين رايي ,, وو.......
مااعجبها الكلام هني هو بعد يعاملها بالمثل مايعطيها حقوقها لين ماتلين
ماستعدلت ...
يدخل حد من أهلها ذو كلمه عليها يشرح له الوضع
المسألة ليست استذلالآ أو عناد . بل إصلاحا وتقويما
واشوف أخر حل هو الطلاق
لو كلمها وقال لها لو بتمين بهـ الشكل ماعتقد بنكمل المشوار
هني راح تخاف وتحس وماعتقد في وحده تحب انها تطلق ولا تسمى انها مطلقه فـ مجتمعنا
.
.
.
هذا رأيي بـ شكل شخصي
تقبلوا مروري :)

انت من وين يايبة هالكلام ؟:eek5:

رذاذ

13-07-2010, 02:38 PM

وربي كثير ناس متعذبين بسبب هالشي ..

الواحد يخسر الى جدامه والى وراه ويقعد يمجمع المهر وبعد المصاريف زايده ومطالب وياخذ سلفيه ..

وكلمت طلقني زي صباح الخير ناس يسمعونها وحتى الطلاق صعب ومرير وابغض الحلال الى الله ..

موضوع ملموس وحساس واشكر قلمك الرائع في اختياره الموضوع هذا لنا

والمشكله الاكبر لين طاح الفاس بالراس واكتشفت حقائق عقب الزواج هنا يصعب على الواحد
اتخاد قرار
والقهر ناس يقولون لك عجل وجيب ولد ولا بنت وعقب بتركد المره وناس يقولون لك صل وواضبط على الصلاه وناس يقولن ذلفها بيت هلك واسكن معهم بتعقل
والقلب يقول ما تهون عليك منك وفيك وقطعه منك
والعقل شاطر بس يتخيل الامور لجدام وانها بتصير احسن وكل يوم اسوء من الثاني

toomi9

13-07-2010, 03:06 PM

الريال قال انا صارت لي المشكله يعني المشكله موجوده ماقال انا بتزوج وش تنصحوني فيه عشان مااطيح فهـ المشكله ....
وهاي عبره للي يبي يتزوج يسأل ويتأكد عن البنت
وهو الحين يبغي حل للمشكله ذي

ام السعف

13-07-2010, 03:11 PM

الريال قال انا صارت لي المشكله يعني المشكله موجوده ماقال انا بتزوج وش تنصحوني فيه عشان مااطيح فهـ المشكله ....
وهاي عبره للي يبي يتزوج يسأل ويتأكد عن البنت
وهو الحين يبغي حل للمشكله ذي

اي ريال ؟

حجي اسعاف ؟

تراه متزوج و وولده بيتخرج من لندن

شكله يتذكر اول ايام زواجه و كاتب السيناريو متسبب يبي يتزوج لندنية:(

toomi9

13-07-2010, 03:11 PM

انت من وين يايبة هالكلام ؟:eek5:

ليش شفيه كلااامي ؟؟ :waiting:
وجهة نظري :shy:

ام السعف

13-07-2010, 03:13 PM

ليش شفيه كلااامي ؟؟ :waiting:
وجهة نظري :shy:

:eek5::eek5::eek5:

ما فيه شي مرتب و منسق و ينم عن خبرة :omen2:

toomi9

13-07-2010, 03:14 PM

اي ريال ؟

حجي اسعاف ؟

تراه متزوج و وولده بيتخرج من لندن

شكله يتذكر اول ايام زواجه و كاتب السيناريو متسبب يبي يتزوج لندنية:(
يعني هو عرض مشكله
يمكن ولده المتزوج :tease:

toomi9

13-07-2010, 03:17 PM

:eek5::eek5::eek5:

ما فيه شي مرتب و منسق و ينم عن خبرة :omen2:
عشاان تعرفين بس :funny:
يقول لج اسأل مجرب ولا تسأل طبيب :sneaky:

ام السعف

13-07-2010, 03:20 PM

يعني هو عرض مشكله
يمكن ولده المتزوج :tease:

شفتِ موظف الاحصاء اللي كان ماسك شنطة ويمر البيوت من كم شهر ؟

عاد حجي اسعاف كل شهر يصلي في مسيد و عقب كل صلاة
يفتح الشنطة ويطلع الدفتر و يحصي عدد المشاكل الزوجية
اللي بحاجة الى تعدد او طلاق او ضرب او تدليع او اضافة مشاكل عليها

يحب هالسوالف :shy:

خياله واسع جدا بس يعجبج حاصر خياله في الزواج و الطلاق:nice:

ام السعف

13-07-2010, 03:21 PM

عشاان تعرفين بس :funny:
يقول لج اسأل مجرب ولا تسأل طبيب :sneaky:

بصراحة عارفة البير وغطاه من جذيه منصدمة ،، امشي انصلي ابرك لنا
يالله بعد لين 3
1
2
3

toomi9

13-07-2010, 03:23 PM

خخخخخخخخخخخخخ
شكله جي

اسعاف

13-07-2010, 05:41 PM

ما ادري يمكن كلامي يعجب البعض ويغيظ البعض بس بالنسبه لنا لما نجي نخطب اي بنت لاخواني
اولا : نسأل عن بيتهم بشكل عام وانطباع الناس عنهم ..

ثانياً: نسأل عن أم البنت وهل هي مره سنعه ولا لا لان السنعه بتربي بناتها على السنع وعقب عن ابو البنت هل هو رجال فيه خير ولا لا ..

ثالثاً : نسأل عن البنت داخل الجامعه او داخل المدرسه شلون طبعها والتزامها واخلاقها وبرا البيت شلون اخلاقها ولبسها وهالامور ..

وما ننسى الدين هل هم من بيت طيب وخير وملتزموين بصلاتهم ولا لا ؟؟

هذي اهم النقاط ... وطبعا حلو لما تكون طباخه اكيد ريلها بيستانس اكثر وما ننسى الجمال لازم تكون جميله نوعا ما لان اخواني الله يحفظهم ماعليهم قصور مزايين فديتهم فعلى الاقل تكون الزوجه مستواها الجمالي جيد جدا اذا ماكان ممتاز

وعلى فكره نتعب كثيييييييييييييييييييييييييير لما نلقى لهم لان هالصفات عمله ناااااااااااااااادره خصوصا (( الاحتشام في اللبس والمحافظه على الصلاة ما تلقونها في كل البنات في هالزمن للاسف ))

كلام مضبوط

ياريت ام السعف تتعلم منه كيف تفيد الناس بمشاركتها الجادة

اسعاف

13-07-2010, 05:43 PM

من وجهة نظري
اشوووف
هـ النوع من المشاكل يبي لها تفاهم بين الطرفين
يكلمها بالزين يقول لها انتي واجباتج كذا كذا كذا وانا علي كذا كذا كذا
ويشوف هو بعد فـ شنو مقصر معاها يمكن لاسمح الله مقصر بـ شي عن طريق الحوار بيصولون الاثنين الى حل
ويقول لها انا ماتعجبني انج ماتاخذين رايي ,, وو.......
مااعجبها الكلام هني هو بعد يعاملها بالمثل مايعطيها حقوقها لين ماتلين
ماستعدلت ...
يدخل حد من أهلها ذو كلمه عليها يشرح له الوضع
المسألة ليست استذلالآ أو عناد . بل إصلاحا وتقويما
واشوف أخر حل هو الطلاق
لو كلمها وقال لها لو بتمين بهـ الشكل ماعتقد بنكمل المشوار
هني راح تخاف وتحس وماعتقد في وحده تحب انها تطلق ولا تسمى انها مطلقه فـ مجتمعنا
.
.
.
هذا رأيي بـ شكل شخصي
تقبلوا مروري :)

واذا عقلهه تنك ما تعرف خطورة الطلاق؟؟

اما سمعت عن المطللقات الآتي اقمن حفلات طلاق في الفنادق!!

اسعاف

13-07-2010, 05:44 PM

قلنا وما زلنا نقول التفاهم

لكن ثم لكن

لو ان الله خلقني ريال

قبل لا اتزوجها لازم اعرف عنها كل شي

يعني بلزم على اهلها اني لازم اجلس معها واسولف عشان اعرف اطباعها

عرس هذا زواج

عشرة عمر

مجابلها ليل نهار

بسوي مثل المصريين يعني بسوي فترة خطوبه (((للتعارف وفهم الطباع والميول)))

وبعدين بقرر جانها زينه اوكي

ولا بخليها وبشوف غيرها

أحّّين مشاركتك اعجبتني:nice:

اسعاف

13-07-2010, 05:46 PM

المفروض بكل صراحة

يصورون تصوير حي للبنت وهي في المطبخ
اشلون تطبخ و اتجهز السفرة :(
ويعرضون هالنسخة على كل ام تدخل بيتهم تبي تخطب البنت:(

ههههههههههههههههههههههههههههههههههه

كيف مكتب خدم ؟؟

اسعاف

13-07-2010, 05:50 PM

وربي كثير ناس متعذبين بسبب هالشي ..

الواحد يخسر الى جدامه والى وراه ويقعد يمجمع المهر وبعد المصاريف زايده ومطالب وياخذ سلفيه ..

وكلمت طلقني زي صباح الخير ناس يسمعونها وحتى الطلاق صعب ومرير وابغض الحلال الى الله ..

موضوع ملموس وحساس واشكر قلمك الرائع في اختياره الموضوع هذا لنا

والمشكله الاكبر لين طاح الفاس بالراس واكتشفت حقائق عقب الزواج هنا يصعب على الواحد
اتخاد قرار
والقهر ناس يقولون لك عجل وجيب ولد ولا بنت وعقب بتركد المره وناس يقولون لك صل وواضبط على الصلاه وناس يقولن ذلفها بيت هلك واسكن معهم بتعقل
والقلب يقول ما تهون عليك منك وفيك وقطعه منك
والعقل شاطر بس يتخيل الامور لجدام وانها بتصير احسن وكل يوم اسوء من الثاني

اشكرك على اطرائك لي

ولكن اكبر خطأ اذا شاف الزوج ان امرأته (عويجة )يقوم يحملهه ويقول بتعقل لما تنجب

ما يدري هالمسكين ان العويجة بتجيب اعيال (عوجان)

toomi9

13-07-2010, 06:03 PM

واذا عقلهه تنك ما تعرف خطورة الطلاق؟؟

اما سمعت عن المطللقات الآتي اقمن حفلات طلاق في الفنادق!!
خخخخخخخخخخ اسعااف اماا انت ماالك حل بصاارحه
على كل حل طلعت عيب فـ البنت ,,, اي بنت الي تشيل كل هـ الصفاات معقووله !!
هاي من الاسااس شلون أهلها مستحملينهاا على البلاده
في هاذي الحاله وعقلها تنك اناا اقترح انها تنحبس فـ الغرفه لمدة شهر بدوووون نت وفون واشياا تلهيهاا لين ماتركد شوي
والله يكون بـ العون

اسعاف

13-07-2010, 06:06 PM

خخخخخخخخخخ اسعااف اماا انت ماالك حل بصاارحه
على كل حل طلعت عيب فـ البنت ,,, اي بنت الي تشيل كل هـ الصفاات معقووله !!
هاي من الاسااس شلون أهلها مستحملينهاا على البلاده
في هاذي الحاله وعقلها تنك اناا اقترح انها تنحبس فـ الغرفه لمدة شهر بدوووون نت وفون واشياا تلهيهاا لين ماتركد شوي
والله يكون بـ العون

تومي الأخ شغال غفير شرطة؟

toomi9

13-07-2010, 06:08 PM

انزين أخي اسعاف
اذا انت فهـ الموقف شـ راح تسوي
ماخذناا رايك فـ الموضوع ...؟؟؟

قطرية مثقفة

13-07-2010, 06:39 PM

أخي الكريم ،،،، اسعاف ،،،،،،،،،،
موضوعك راااااااائع ،،،،،،،،، لي عودة ،،،،،،،،،،،:nice::nice::nice::nice:

Charisma

13-07-2010, 06:50 PM

يقول رسول الله صلى الله عليه وسلم متحدثا عن كيفية اختبار الزوجة: "... فاظفر بذات الدين تربت يداك". وقال صلى الله عليه وسلم: "ما استفاد المؤمن بعد تقوى الله عز وجل خيرًا له من زوجة صالحة: إن أمرها أطاعته، وإن نظر إليها سرته، وإن أقسم عليها أبرته، وإن غاب عنها نصحته في نفسها وماله".

اي والله ..

لا اهل ولا صديقات ولا غيره بيعدلونها ,, ان ماكانت دينه وتعرف ربها عدل ولا ماينفع

بتصبر عليك وبتحطك في عيونها واهم شي ... بـــاالك مرتاح .. هالنوع اللي تقدر ترخي وياها .

ام السعف

13-07-2010, 09:51 PM

كلام مضبوط

ياريت ام السعف تتعلم منه كيف تفيد الناس بمشاركتها الجادة

هذيه يزاي يا حجي اسعاف ؟

روح يارب ما تلقى لك مواضيع عن الزواج و يوقف حظك في مثل هالمواضيع
علشان تتعب نفسيا :shy:

ممكن ادعي لك دعوة ايجابية لو غيرت رايك في مشاركاتي :(

سحابة

13-07-2010, 10:36 PM

ترى الزوجة اذا هددها الزوج بالثانية وقال لها باخذ سورية او مغربية تنبط كبدهه وتكره العيشة معاه

ويمكن ما تتعدل

مو بس تنبط كبدها وتكره العيشه معاه الا تعيش معاه ببرود كنه ماخلقه الله وهمها تمشي مسيرة الحياة وتتحمل لو عندها عيال .. وخلاص يرسخ بعقلها انه ممكن بأي لحظه يروح لغيرها عشان كذا ماللحياه بينهم اي طعم ولا لون كنه شخص غريب بحياتها .

اسعاف

14-07-2010, 08:22 AM

أخي الكريم ،،،، اسعاف ،،،،،،،،،،
موضوعك راااااااائع ،،،،،،،،، لي عودة ،،،،،،،،،،،:nice::nice::nice::nice:

يالله متى سترجعين بمشاركة قيمة

اسعاف

14-07-2010, 08:23 AM

يقول رسول الله صلى الله عليه وسلم متحدثا عن كيفية اختبار الزوجة: "... فاظفر بذات الدين تربت يداك". وقال صلى الله عليه وسلم: "ما استفاد المؤمن بعد تقوى الله عز وجل خيرًا له من زوجة صالحة: إن أمرها أطاعته، وإن نظر إليها سرته، وإن أقسم عليها أبرته، وإن غاب عنها نصحته في نفسها وماله".

اي والله ..

لا اهل ولا صديقات ولا غيره بيعدلونها ,, ان ماكانت دينه وتعرف ربها عدل ولا ماينفع

بتصبر عليك وبتحطك في عيونها واهم شي ... بـــاالك مرتاح .. هالنوع اللي تقدر ترخي وياها .

خوش كلام من احسن قلم بايلوت:nice:

اسعاف

14-07-2010, 08:25 AM

هذيه يزاي يا حجي اسعاف ؟

روح يارب ما تلقى لك مواضيع عن الزواج و يوقف حظك في مثل هالمواضيع
علشان تتعب نفسيا :shy:

ممكن ادعي لك دعوة ايجابية لو غيرت رايك في مشاركاتي :(

آغير رايك بمشاركاتك لما تكون جادة وتعالج صلب الموضوع وليس شخصنة الموضوع

والكلام على صاحب الموضوع

ارجو ان ترتقي بقلمك يا سيدتي

اسعاف

14-07-2010, 08:29 AM

مو بس تنبط كبدها وتكره العيشه معاه الا تعيش معاه ببرود كنه ماخلقه الله وهمها تمشي مسيرة الحياة وتتحمل لو عندها عيال .. وخلاص يرسخ بعقلها انه ممكن بأي لحظه يروح لغيرها عشان كذا ماللحياه بينهم اي طعم ولا لون كنه شخص غريب بحياتها .

وشهد شاهد من اهلها !!

سمعتوا يا رجاجيل

الي كل يوم وفاج حلجة وقال حق ام اعياله

ترى باتزوج عليك سورية أم 14 سنة

(هو لو تزوج عليها بدون ما يقول لها ) لكان اهون على قلب زوجته،مب يغه 20 سنة بهالكلام

وهو اصلا ( جبان ) ما يقدر حتى يكلّّم خطابة في هذا الموضوع

الأصيلة

14-07-2010, 09:07 AM

البنت الدلوعة والمب كفو مثل ما قالوا الإخوان
أعتقد تبين من قبل الخطوبة وحتى يقدرون الأهل يلاحظون هالشي
ليش يخطبونها وهم يشوفون أحوالها اللي ماتسر ويعرفون نوعية صديقاتها ونوعية أمها وخواتها وطريقة تعاملها مع الناس
ومع ذلك يخطبونها ويعطونها اللي تطلبه
ومن أول اسبوع زواج يقول خلاص هذي ماتنفعني...
في حين ان البنت السنعة اللي تستحي وتتغطى لما تطلع السوق ومثقفة
وتعرف الحقوق والواجبات ومتربية في بيئة صالحة بشهادة الجميع
تلقاها تقترب من سن العنوسة لسبب بسيط ...
وهو أنها قد تفتقد إلى أحد الشروط اللي فارضها الشاب على زوجة المستقبل
أما الطول او اللون أو الجسم أو نوعية الشعر أو السن يعني لازم أصغر منه بـ 3 أو 4 سنوات...
ومعاذير كثيرة...
البنت تكتسب طريقة معاملة الزوج من أمها صراحة
وتشوفها كيف تعامل ابوها أو من طريقة خالتها ونوعياتهم
وأنا لاحظت هالأمر
لما سألت طالبة في الثانوية وقلت لما زوجك يطلب منك تجيبن له كاس ماي أو تحضرين له العشا اش راح تسوين...
قالت والله وبكل ثقة ( يخسي ...بخلي الخدامة تجيبي له )
هذي وعمرها مازال 16 سنة
طيب من وين جابت هالفكرة وهالكلام مو من أمها أو من خالتها أو من أقرب صديقاتها..
إذن البيئة هي مصدر تشكيل الفكرة عن الزوج وحقوقه
ومسؤولة عن تنشأة البنت كـ زوجة صالحة أو العكس...
فنصيحة للأمهات اتقوا الله في بناتكم ولا تعاملين زوجك الا بالحسنى،،،
على الأقل أمام العيال وشوفي حقوقه ولا تقعدين تشتكين منه عند بناتك
خلي كل أمورك معاه أسرار خاصة
لا تشركين البنات ولا الأولاد في مشاكلك مع والدهم
فهذا فيه إنقاص من قدره وتدمير لأفكار البنات والأولاد
بشأن الزواج والحقوق والواجبات...
أنا أعرف كثير من البنات دلوعات قبل الزواج وماعندهم احساس بالمسؤولية
لكن أول ماتتزوج تتغير وتطيع زوجها وتشوف طلباتها
والسبب أن أمها تفعل ذلك وماخذه السنع من أمها...

آسفة على الإطال لكن الشجون في هذا الأمر بالذات كثيرة جدا لاحصر لها...

almaf1a

14-07-2010, 10:40 AM

خذا اكبر خطأ

العيال بيضيعون من جراء الخلافات

وابوهم ملزوم يصرف على عياله بعد الطلاق لين يعرسوا

الزوج محتاج الى زوجة تنسيه هموم الحياة

مب قثه وقلة سنع ويهالة، هاذي بالله عليك مال تربية اعيال ؟؟

اخوي اسعاف
المرأة تبقى مرأة مهما كانت سئية تستطيع ان تغيرها
مشكلة بعض البنات يفكرون انهم اول مايتزوجون انهم بيعيشون حياة حلوه وسفرات وطلعات واحلام وردية
المفروض الوحدة لما تقبل على الزواج اول شئ تحطه في بالها المسؤلية الي بتكون عليها
وهنا تأتي فترة الملجه الي المفروض الرجل يفهمها ياه ويحط النقط على الحروف
الموضوع كامل بيد الرجل ان لم يغيرها فالخطأ منه

اسعاف

14-07-2010, 11:41 AM

البنت الدلوعة والمب كفو مثل ما قالوا الإخوان
أعتقد تبين من قبل الخطوبة وحتى يقدرون الأهل يلاحظون هالشي
ليش يخطبونها وهم يشوفون أحوالها اللي ماتسر ويعرفون نوعية صديقاتها ونوعية أمها وخواتها وطريقة تعاملها مع الناس
ومع ذلك يخطبونها ويعطونها اللي تطلبه
ومن أول اسبوع زواج يقول خلاص هذي ماتنفعني...
في حين ان البنت السنعة اللي تستحي وتتغطى لما تطلع السوق ومثقفة
وتعرف الحقوق والواجبات ومتربية في بيئة صالحة بشهادة الجميع
تلقاها تقترب من سن العنوسة لسبب بسيط ...
وهو أنها قد تفتقد إلى أحد الشروط اللي فارضها الشاب على زوجة المستقبل
أما الطول او اللون أو الجسم أو نوعية الشعر أو السن يعني لازم أصغر منه بـ 3 أو 4 سنوات...
ومعاذير كثيرة...
البنت تكتسب طريقة معاملة الزوج من أمها صراحة
وتشوفها كيف تعامل ابوها أو من طريقة خالتها ونوعياتهم
وأنا لاحظت هالأمر
لما سألت طالبة في الثانوية وقلت لما زوجك يطلب منك تجيبن له كاس ماي أو تحضرين له العشا اش راح تسوين...
قالت والله وبكل ثقة ( يخسي ...بخلي الخدامة تجيبي له )
هذي وعمرها مازال 16 سنة
طيب من وين جابت هالفكرة وهالكلام مو من أمها أو من خالتها أو من أقرب صديقاتها..
إذن البيئة هي مصدر تشكيل الفكرة عن الزوج وحقوقه
ومسؤولة عن تنشأة البنت كـ زوجة صالحة أو العكس...
فنصيحة للأمهات اتقوا الله في بناتكم ولا تعاملين زوجك الا بالحسنى،،،
على الأقل أمام العيال وشوفي حقوقه ولا تقعدين تشتكين منه عند بناتك
خلي كل أمورك معاه أسرار خاصة
لا تشركين البنات ولا الأولاد في مشاكلك مع والدهم
فهذا فيه إنقاص من قدره وتدمير لأفكار البنات والأولاد
بشأن الزواج والحقوق والواجبات...
أنا أعرف كثير من البنات دلوعات قبل الزواج وماعندهم احساس بالمسؤولية
لكن أول ماتتزوج تتغير وتطيع زوجها وتشوف طلباتها
والسبب أن أمها تفعل ذلك وماخذه السنع من أمها...

آسفة على الإطال لكن الشجون في هذا الأمر بالذات كثيرة جدا لاحصر لها...

مشاركة روعة الصراحة

اسعاف

14-07-2010, 11:42 AM

اخوي اسعاف
المرأة تبقى مرأة مهما كانت سئية تستطيع ان تغيرها
مشكلة بعض البنات يفكرون انهم اول مايتزوجون انهم بيعيشون حياة حلوه وسفرات وطلعات واحلام وردية
المفروض الوحدة لما تقبل على الزواج اول شئ تحطه في بالها المسؤلية الي بتكون عليها
وهنا تأتي فترة الملجه الي المفروض الرجل يفهمها ياه ويحط النقط على الحروف
الموضوع كامل بيد الرجل ان لم يغيرها فالخطأ منه

كلامك صحيح

ام السعف

14-07-2010, 12:38 PM

آغير رايك بمشاركاتك لما تكون جادة وتعالج صلب الموضوع وليس شخصنة الموضوع

والكلام على صاحب الموضوع

ارجو ان ترتقي بقلمك يا سيدتي

:eek5:
ان شاءالله يا حجي اسعاف ،، يوم تتكلم عن سعفاتي في مشاركات سابقة
ما قلنا لك شي ،، اللحين اتمد بوزك واتسويها شخصنة،،

حقك علي وامسحها في مشاركاتي كلها و السموحة ،،:(

فارس الكلمة

14-07-2010, 12:44 PM

هداكم الله .. و اصلح شأنكما ..

الأخ اسعاف .. و الأخت أم السعف .. هونوها و بتهون .. إن شاء الله ..

ام السعف

14-07-2010, 12:46 PM

هداكم الله .. و اصلح شأنكما ..

الأخ اسعاف .. و الأخت أم السعف .. هونوها و بتهون .. إن شاء الله ..

:eek5:
اما انت والله :shy:

متعووودة يا خوك ،، امرنا لله :(

الحالمه بالجنان

14-07-2010, 01:52 PM

آغير رايك بمشاركاتك لما تكون جادة وتعالج صلب الموضوع وليس شخصنة الموضوع

والكلام على صاحب الموضوع

ارجو ان ترتقي بقلمك يا سيدتي

:eek5:
اما انت والله :shy:

متعووودة يا خوك ،، امرنا لله :(

متعوده على الأهانه ؟؟؟

عجيب امرج !

ام السعف

14-07-2010, 03:30 PM

متعوده على الأهانه ؟؟؟

عجيب امرج !

مب متعودة على الإهانة

متعودة ان المشاركات تنفهم على غير ماهي ،، فبكل بساطة اخونا السيد اسعاف
فهم مشاركتي على انها شخصنة ، بينما في عدة مرات فهمت مشاركاته انها
تلطيف في المشاركات ،،

على العموم في الأخير اتحمل مسؤولية أي سوء فهم في مثل هالحالات
وبما اني اتحمل المسؤولية الواجب علي اني اطلب السموحة منه
علشان ما احس بأي اهانة في كلامه ،،

اتمنى اني ازلت العجب من كلامي :(

الرويس وينك ؟ :(

Charisma

14-07-2010, 03:35 PM

اتمنى ان موضوعك يا اخوي اسعاف يوصل رساله من خلال الردود وهي :-

1- لفت انتباه الاباء والامهات على تربيه وتنشئه بناتهم نشئه صالحه
2-لفت انتباه البنات على بعض الامور اللي تضايق الزوج واللي مايرضى بها
3- لفت انتباه الشباب لطرق التعامل مع الزوجه .

لو توصل هالرساله للكل بس راح تكون اهم من الموضوع نفسه .. لان الوضع صراحة بدا يخوف من حال البنات هاليومين.

اسعاف

14-07-2010, 06:04 PM

اتمنى ان موضوعك يا اخوي اسعاف يوصل رساله من خلال الردود وهي :-

1- لفت انتباه الاباء والامهات على تربيه وتنشئه بناتهم نشئه صالحه
2-لفت انتباه البنات على بعض الامور اللي تضايق الزوج واللي مايرضى بها
3- لفت انتباه الشباب لطرق التعامل مع الزوجه .

لو توصل هالرساله للكل بس راح تكون اهم من الموضوع نفسه .. لان الوضع صراحة بدا يخوف من حال البنات هاليومين.

انت الأن وصلت الرسالة

وهذا الي انا اخطط له

أقوم بوضع المشكلة وانتم تشاركون في الحل

شكرا على آراؤك السديدة

اسعاف

14-07-2010, 06:07 PM

:eek5:
ان شاءالله يا حجي اسعاف ،، يوم تتكلم عن سعفاتي في مشاركات سابقة
ما قلنا لك شي ،، اللحين اتمد بوزك واتسويها شخصنة،،

حقك علي وامسحها في مشاركاتي كلها و السموحة ،،:(

انا امسامحك

بس قولي لي بصراحة

ايش تخطيطك لكي تعدين بناتك ليكونوا ربات بيت ناجحات؟

هل عندك تجارب او مهارات تفيدين فيها اخواتك الجديدات المقبلات على الزواج

ننتظر منك مشاركة جادةok:nice:

البعد الخامس

14-07-2010, 06:28 PM

ماذا يصنع الزوج ؟

يأخذ الأمور ببساطة يحاول ياخذ بيدها ويدخل معاها المطبخ اذا اضطر

يعلمها ويتعلم

وبالنسبة لتصرفاتها ؟

اخي العزيز شي طبيعي بعض البنات فيها بعض الصفات الطفولية

لا تعتبرها تصرفات ياهل

أعتبرها قله وعي بالمسؤولية والواجب عليك توعيتها بالتي هي أحسن

الهون أحسن ما يكون

مع التحية

toomi9

14-07-2010, 09:10 PM

مب متعودة على الإهانة

متعودة ان المشاركات تنفهم على غير ماهي ،، فبكل بساطة اخونا السيد اسعاف
فهم مشاركتي على انها شخصنة ، بينما في عدة مرات فهمت مشاركاته انها
تلطيف في المشاركات ،،

على العموم في الأخير اتحمل مسؤولية أي سوء فهم في مثل هالحالات
وبما اني اتحمل المسؤولية الواجب علي اني اطلب السموحة منه
علشان ما احس بأي اهانة في كلامه ،،

اتمنى اني ازلت العجب من كلامي :(

الرويس وينك ؟ :(

ههه والله وتغيرتي مب جي برع المنتدى

بلوتنيوم

14-07-2010, 09:31 PM

ههه والله وتغيرتي مب جي برع المنتدى

الظروف تحكم احيانا :omen2:

بلوتنيوم

14-07-2010, 09:34 PM

كلام مضبوط

ياريت ام السعف تتعلم منه كيف تفيد الناس بمشاركتها الجادة

هههههههههه
بالرفق يا حج اسعاف بالرفق
ماهكذا يعامل المشاركين والا علشان الاقبال كبير على مواضيعك
بتطفش الزباين :secret:

واذا عقلهه تنك ما تعرف خطورة الطلاق؟؟

اما سمعت عن المطللقات الآتي اقمن حفلات طلاق في الفنادق!!

تبا لهن من نساء
احفل اقاموا في فنادق لانهن طلقوا :anger1:

ام السعف

14-07-2010, 09:46 PM

انا امسامحك

بس قولي لي بصراحة

ايش تخطيطك لكي تعدين بناتك ليكونوا ربات بيت ناجحات؟

هل عندك تجارب او مهارات تفيدين فيها اخواتك الجديدات المقبلات على الزواج

ننتظر منك مشاركة جادةok:nice:

احسنت :looking:

ما اقدر اتكلم بصراحة او بجد لأن وانا مب جادة قلت اني شخصت الموضوع
عيل لو كنت جادة اكيد الثار قبل العار بيكون حوارنا :(
خلاص انا http://www.pic4ever.com/images/hiker.gif

ههه والله وتغيرتي مب جي برع المنتدى

ايه عاد اللي في المنتدى اغراب عني لو كانوا قراب كان http://www.pic4ever.com/images/snapoutofit.gif

الظروف تحكم احيانا :omen2:

يا اخوك ما بقى شي في العمر كثر ما راح كفاية العداوات على طول السنين:(

اسعاف

15-07-2010, 12:12 AM

ماذا يصنع الزوج ؟

يأخذ الأمور ببساطة يحاول ياخذ بيدها ويدخل معاها المطبخ اذا اضطر

يعلمها ويتعلم

وبالنسبة لتصرفاتها ؟

اخي العزيز شي طبيعي بعض البنات فيها بعض الصفات الطفولية

لا تعتبرها تصرفات ياهل

أعتبرها قله وعي بالمسؤولية والواجب عليك توعيتها بالتي هي أحسن

الهون أحسن ما يكون

مع التحية

احسنت

ولكن ايش علاج الغرور والأستعلاء على الزوج؟

اسعاف

15-07-2010, 05:35 PM

احسنت :looking:

ما اقدر اتكلم بصراحة او بجد لأن وانا مب جادة قلت اني شخصت الموضوع
عيل لو كنت جادة اكيد الثار قبل العار بيكون حوارنا :(
خلاص انا http://www.pic4ever.com/images/hiker.gif

ايه عاد اللي في المنتدى اغراب عني لو كانوا قراب كان http://www.pic4ever.com/images/snapoutofit.gif

يا اخوك ما بقى شي في العمر كثر ما راح كفاية العداوات على طول السنين:(

دائما اكتبي شئ تجدين اجره في الأخرة