يوم شافتني تغطت .. و معاه تضحك و تسولف ! ليش ؟ [الأرشيف]

بو خليفه 123

07-07-2010, 05:21 PM

بسم الله الرحمن الرحيم ..

يا جماعة الخير أنا بصراحه قررت اكتب لكم هالموضوع بعد ماحزّت النفس في خاطري و قلت اسأل الاخوان والخوات لعل او عسى القى الجواب الوافي منكم ؟

لاحظت كثيراً و ليس مره او مرتين .. عند دخولي لأي محل (و ليس عليه لافتة للنساء فقط) تكون هناك امرأه تتناقش مع بياع المحل عن السلعه اما تفاصله بالسعر او تسأله عن الموديلات بغض النظر عن المنتج تحديداً .. و تكون كاشفه الوجه عليه , او متسنده على طاولته , او ممكن في بعض الحالات تتضحك و تدردش معاه ؟

و لكن عند دخولي للمحل كأنه "ابليس" داخل عليهم و تعتفس و تقول "وي وي وين غشوتي" و تتغطى و تتقلب فوق تحت على اساس انه واحد غريب داخل المحل و "عيب" تكشف عليه !

والادهى من ذلك انه معظم الاوقات يحصل هذا الموقف معي عندما اكون مع الاسره نذهب لبعض المحلات لنتقضى حاجاتنا من السوق "و الله يعلم انه شكلي بريء 100%" ولا يمت بأي صله لأصحاب القلوب الخضراء او اصحاب العيون الزائغه :shy: ..

و امتنع عن الاحراج لي و للزبونه و اخرج من المحل في انتظار اسرتي بالخارج للأنتهاء من هذا المحل تحديداً عشان الأخت تاخذ راحتها في تسوقها !

والله المستعان .. ؟

هل منكم من يواجه هذا الموقف بشكل مستمر ؟

و تقبلوا تحياتي ..

انا حره

07-07-2010, 05:27 PM

اخوي ترى عاادي انا الحين مره لادخلت بمحل القاها مو متغشيه ولا شافتني تخاف نعرفها ولا شي ترووح تتغشى

ولا تقهرني الي ترفع الشيله وتحط طرفها على فمها يعني الحين بس بتغطين فمك

الله يهديهم ويصلحهم ويستر عليهم

الملا

07-07-2010, 05:28 PM

لانك رجال

نايم سهران

07-07-2010, 05:30 PM

الحل البس جينز وحطت عدسات زرق واصبغ شعرك بتحس يوم تدخل المحل ولا كانه شي تغير عادي

sara jsm

07-07-2010, 05:32 PM

ههههههههههههههههههههههههههههههههه
حلوة جملة (( و الله يعلم انه شكلي بريء 100%" ولا يمت بأي صله لأصحاب القلوب الخضراء ))
:
تدري ليش ,, لانك انت رجّال ,,
اما هالهندي مب رجّال في عيون البنات ,,
لكن عند الله مافي فرق كلهم رجال ,,
:) ويمكن لان طبيعه البنت تستحي من ولد بلادها ,,
ويمكن يطلع يعرفها او من اهلهم ,, وتنحرج :shy:

^ ^ تصير واااااااايد ,,
وانا يوم اكون في هالموقف احس اني مااخذ راحتي بالسؤال مثلا عن الموديل ,,
او عن الشي ,, خاصة لو احد شاب دخل المحل ,,
السالفة فيها نوع من الاحراج ,, واكيد ماراح انحرج من راعي المحل وانا حاجتي عنده ,,
هاي الفرق ,, :victory:

بوخالد911

07-07-2010, 05:36 PM

يا ما صادفتني هالموااقف

يبييلهم تنظيف أفكار هالنوعية من البنات

الـقـاسـي

07-07-2010, 05:42 PM

اووووف يابوخليفه انا مايقهرني في الحياه كثر هالموقف .. ودي امسك البنت واصفقها والمشكله اذا دشيت محل وفيه وحده كاشفه تقعد تافف وتحلطم وعقب تغشى ..

انزين يابنت اللذين الهندي مب رجال ولاعادي يعني صار الهندي واحد من وفينا

Gh2o

07-07-2010, 06:08 PM

لأنك رجال

ولد العديد

07-07-2010, 06:15 PM

عندي موقف دخلت محل كمبيورت لا محل حريم ولا رجال الكل يدخل
كان في المحل بنت عند واحد من بلاد الشام وتساله عن لاب توب ودخلت انا وزوجتي ولا حست لان محله كبير وفيه صوت اغاني عاد شوي تلتفت يعني انا وزوجتي بنص المحل وتقول بسم الله >>شدعوه شايفه جني خخخخخ قلت لها بسم الله الرحمن الرحيم منج وسكرت الدريشه قصدي نزلت النقاب ههههه عاد زوجتي عطتني كوع عشان رديت عليها

ودي أكون

07-07-2010, 06:21 PM

الله يهديهم ..

والله النقاب استر ..

بس مياعه عند البعض شتسوي عاد انت :rolleyes2:

قطري009

07-07-2010, 06:22 PM

ههههههههههههههه

لا تعليق

نجم سهيل

07-07-2010, 06:25 PM

السلام عليكم

"و الله يعلم انه شكلي بريء 100%" ولا يمت بأي صله لأصحاب القلوب الخضراء او اصحاب العيون الزائغه

ههههه حبيت هالجملة منك واهديك هالكركتير عليها

http://img820.imageshack.us/img820/2955/109452037d4aefd5d7eo.jpg

السياسي القطري

07-07-2010, 06:26 PM

أخي الكريم

هذا هو التصرف السليم للفتاة المسلمة

من حق الفتاه أن تشتري ما تحتاجه ، وأن تناقش البائع وتفاصل معه في السعر ،

وأن تكشف عن وجهها إذا كانت تلبس غشوة ، لترى السلعة المراد شرائها بوضوح وتقوم بفحصها ،

فالحاجةِ تقدر بقدرها ،

أما أنتَ ، فرجل غريب ،

وليسَ من حقك أن ترى وجهها ،

وليسَ من حقك أن تسمع صوتها ونقاشها ،

وليس من حقك أن تتكلم معها ،

ولا تنسى أن الحياء صفة من صفات الفتاة المسلمة ،

كما إن الحياء شعبة من شعب الإيمان ، وذلك للرجل والمرأة ،

لذلك فخروجك من المحل ، وترك الخصوصيةَ لهن ، هو التصرف السليم ،

وتقبل خالص تحياتي وتقديري .

هاب الريح

07-07-2010, 06:39 PM

أين المشكلة أخي في موضوعك !!!! وماذا أثارك !!! أعتقد لا يوجد ما يدعي للثورة فيما ذكرت وألسبب تغطت .. و معاه تضحك و تسولف ! ليش ؟ لأنك انت لست صاحب المحل أو تعمل في المحل وماذا أزعجك في ألموضوع أنا شخصيآ لم أصادف هذه المشكلة وليس يهمني من كان موجود في المحل وكل تركيزي عند دخولي للمحل على البائع والبضائع المعروضة وعن ما أبحث لشرائه!!!
لذلك بأعتبار تغّطت أو ما تغّطت أعتقد أمر عادي وحسن الضن بالقوارير .
فإذا أسأنا الظن بأحد الأشخاص فإننا بالتالي نوصل له رسالة خفية
و هي أننا لا نثق به..( ...خصلتان ليس فوقهما من الشر شئ : سوء الظن بالله وسوء الظن بالناس)

بو خليفه 123

07-07-2010, 07:05 PM

اخوي ترى عاادي انا الحين مره لادخلت بمحل القاها مو متغشيه ولا شافتني تخاف نعرفها ولا شي ترووح تتغشى

ولا تقهرني الي ترفع الشيله وتحط طرفها على فمها يعني الحين بس بتغطين فمك

الله يهديهم ويصلحهم ويستر عليهم

اللهم آمين .. الله يستر على جميع المسلمين ..

طيب حتى لو تعرفينها ايش المشكله في هذا الشيء ؟

حضرتك شايفتها في محل عام

والمثل يقول : لا تبوق , لا تخاف

ولا شرايك أختي الكريمه ؟

s4qatar

07-07-2010, 07:15 PM

على فكرة .. العكس صحيح

إذا واحد دخل محل وقعد يسولف ويتناقش ويضحك مع البائعة الشامية الشقراء .. وفجأه دخلوا بنات هل قطر المحل .. إيش ردة فعله وفعلها ؟؟

أكيد راح يستحي ويعدل من وقفته وينهي ماكان يفعلة ويصبح رسمي أكثر

مجرد رأي

قلم حائر

07-07-2010, 07:25 PM

شفت وايد من البنات اسوون هالحركة بمجرد اني ادخل واسلم اتلف وجهها واتغطى
وبعضهم على طول يطلعون - وبعضهم لا حركاتهم غير ويمكن البعض لاحظ اذا ادخل مع زوجي وهالنوع من البنات موجودات اتحط الشيلة على نص وجهها واتم اتكز وعقب اتغطى
الله يهديهم

قلم حائر

07-07-2010, 07:27 PM

السلام عليكم

"و الله يعلم انه شكلي بريء 100%" ولا يمت بأي صله لأصحاب القلوب الخضراء او اصحاب العيون الزائغه

ههههه حبيت هالجملة منك واهديك هالكركتير عليها

http://img820.imageshack.us/img820/2955/109452037d4aefd5d7eo.jpg

هههههههههههههههههههه :victory::victory:

قطر دزاين

07-07-2010, 07:42 PM

هذا يرجع للتربيه المرءه المحافضه ما راح تنكشف على احد حتى اقرب ناس لها

وهم قطر

07-07-2010, 07:45 PM

يمكن ماتبي تكشف لأحد من حولها مدى قدرتها في اغناع البائع في تنزيل السعر

لازم فيها ابتسامه وكلام ناعم ( يالله عاد ) ;)

ومن تشوف رجال أف خرب علي وينه جاي

يحي هذي النوعيه ملا الي تغزك وهلك وياك هذي الي مالها حل

Special man

07-07-2010, 07:47 PM

هههههههههههههههههههههههههههههههههه كسرت خاطري بـ أسلووبك هههههههههههههه قوول معاي الله المستعاان:nice:

بو خليفه 123

07-07-2010, 07:51 PM

هاب ريح

بجيك بالرد على مشاركتك الكريمه أخي الفاضل بس اقبض الطابور ..

والسموحه زملائي الاعضاء سوف ارد على جميع المشاركات بالترتيب ..

قال اسأت الظن قال ..

بيانو

07-07-2010, 07:55 PM

بو خليفه - مساء الفل

معلش اقولك شىء فى الاول الاخر هى حره تكشف تغطى هذا شىء راجع لها

ومن ناحيه ثانيه

هل كشفها او تغطيتها هتفيدك او هضرك بشىء ؟

اتوقع لأ

وهذه الاشياء تحدث دائماً من بعض البنات

بو خليفه 123

07-07-2010, 07:56 PM

لانك رجال

طيب والبائع ايش ؟

عصفور ؟

شاكر لك مرورك أخي الكريم ..

بو خليفه 123

07-07-2010, 07:59 PM

الحل البس جينز وحطت عدسات زرق واصبغ شعرك بتحس يوم تدخل المحل ولا كانه شي تغير عادي

أنا ما ابي الحل اخي الكريم انا اتسائل فقط عن هذي الظاهره و عن اسبابها ..

البعض يقول كيفها حره و أنت مالك خص

هو صحيح مالي خص و اتفق معاكم .. و لكن انت تشوف هذي الظاهره صح ؟

مجرد تسائل :shy:

بنت^البحرين1

07-07-2010, 08:07 PM

أخوي بوخليفة لو واقفه على جذي وايد زين

عندنا محلات خياطة وأروح مرات حق أخيط فستان والا شي ،، بعيوني شفت وحده بعباتها ونقابها وفاتحة العباة بيدها والهندي حاط السنتيمتر ياخذ لها قياسات وطبعا انتوا تخيلوا الباقي !! وبعد ماخلص رجعت وقفت عادي تكمل باقي الموديل.. وبعدها عند الباب مر أخوي وأشرت له عند الباب قلت له شلون جذي انتوا ؟؟ قلت له الموضوع في رقابنا حتى احنا مايصير الهندي يقايس حق الحريم ويمشي القياس على اجسامهم، استغرب ووقف برع يوم طلعوا دش وقلت للهندي ليش تقايس عليهم ؟؟ هالمرة اي وحدة تقولك خذ قياس قول ممنوع البوس مايرضى، خل يجيبون قياس من عندهم شنو تتوقع كان الرد ؟؟
ان هالحرمة اللي طلعت قبل ياته ومارضى ياخذ قياس وزفته زف وقطت الثياب في ويهه.. ويقول يهاوشونه اذا ماياخذ قياس لهم !! بالمقابل يوم شافت اخوي برع عند الباب عدلت عباتها !! ( وحطينا لافته كتبنا عليها الرجاء احضار القياس معكِ)

هالفئة شتقولون عنهم ؟؟

بو خليفه 123

07-07-2010, 08:11 PM

ههههههههههههههههههههههههههههههههه
حلوة جملة (( و الله يعلم انه شكلي بريء 100%" ولا يمت بأي صله لأصحاب القلوب الخضراء ))
:
تدري ليش ,, لانك انت رجّال ,,
اما هالهندي مب رجّال في عيون البنات ,,
لكن عند الله مافي فرق كلهم رجال ,,
:) ويمكن لان طبيعه البنت تستحي من ولد بلادها ,,
ويمكن يطلع يعرفها او من اهلهم ,, وتنحرج :shy:

^ ^ تصير واااااااايد ,,
وانا يوم اكون في هالموقف احس اني مااخذ راحتي بالسؤال مثلا عن الموديل ,,
او عن الشي ,, خاصة لو احد شاب دخل المحل ,,
السالفة فيها نوع من الاحراج ,, واكيد ماراح انحرج من راعي المحل وانا حاجتي عنده ,,
هاي الفرق ,, :victory:

تعبير مجاز حتى لا يظن فيني احد .. و أنتي سيدة العارفين يا ساره اني قمة البرائه :vampire:

وجهة نظر أختي ساره و واضح من كلامك انك مع البائع تكشفين له وجهك لمناقشة الاسعار لأنه هو الشخص المختص في تلبية حاجتك .. و من حقك تنحرجين من الغريب و تشعرين بعدم الراحه خلال تواجده و اجزم من ردك انه ردة فعلك طبيعيه ..

و لكن انا اتكلم عن اللي كأنه داخل عليهم ابليس وهي كانت ماخذه راحتها مع البائع ..

اشكرك اختي على التوضيح .. ربما انا مخطىء

الصدى الخالد

07-07-2010, 08:19 PM

اخوي انا صادفتني هالنوعية وللأسف

ومرة كنت داخل الشاهين مع ام العيال وكانت وحدة على اليمين اول ما شافتني تغشت وبصراحة قلت بصوت عالي القطري ريال والهندي مب ريال قامت وطلعت برع المحل واتمنى افهمت مقصد كلامي

واعترف اني غلطت بتصرفي ولكن الواحد ينقهر من هالنوعية

sh50

07-07-2010, 08:22 PM

انا اقولك ليش
لان الهندي او الشامي مب عيب عنده كشف الوجه
اما انت ياالقطري فعيب عندك كشف الوجه
عشان جذيه كلن نعطيه سلمه

شويهينــه

07-07-2010, 08:27 PM

نفس مبدأ اللي يسافرون ويقطون كل شي

السالفه هي مبدأ وقناعه والا عادات وتقاليد

venum

07-07-2010, 08:40 PM

:
تدري ليش ,, لانك انت رجّال ,,
اما هالهندي مب رجّال في عيون البنات ,,
لكن عند الله مافي فرق كلهم رجال ,,
:) ويمكن لان طبيعه البنت تستحي من ولد بلادها ,,
ويمكن يطلع يعرفها او من اهلهم ,, وتنحرج :shy:

^ ^ تصير واااااااايد ,,
وانا يوم اكون في هالموقف احس اني مااخذ راحتي بالسؤال مثلا عن الموديل ,,
او عن الشي ,, خاصة لو احد شاب دخل المحل ,,
السالفة فيها نوع من الاحراج ,, واكيد ماراح انحرج من راعي المحل وانا حاجتي عنده ,,
هاي الفرق ,, :victory:

اسمحيلي آخالفج بالرآي,,, ولكن لو كان ايش ماكانت جنسيته يظل رجل له غرائز
واحب اذكركم بقوله تعالى:
" وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منها وليضربن بخمرهن على جيوبهن " ( النور 30) .

وكذلك حديث ابن مسعود رضي الله عنه عن النبي صلى الله عليه وسلم قال : ( المرأة عورة فإذا خرجت استشرفها الشيطان) . أخرجه الترمذي بإسناد صحيح ( الإرواء 1/303) (وأصل الاستشراف: وضع الكف فوق الحاجب ورفع الرأس للنظر. والمعنى أن المرأة إذا خرجت من بيتها طمع بها الشيطان ليغويها أو يغوي بها).
وهذا الحديث نص في أن المرأة كلها عورة ولم يستثن النبي صلى الله عليه وسلم منها شيء .

وهذي تفاسير بعض كبار علماء المسلمين رحمهم الله

قال النووي رحمه الله (ت676هـ) في المنهاج ( وهو عمدة في مذهب الشافعية ) : " و يحرم نظر فحل بالغ إلى عورة حرة كبيرة أجنبية وكذا وجهها وكفها عند خوف الفتنة ( قال الرملي في شرحه : إجماعاً ) وكذا عند الأمن على الصحيح " . قال ابن شهاب الدين الرملي رحمه الله (ت1004هـ) في شرحه لكلام النووي السابق : " و وجهه الإمام : باتفاق المسلمين على منع النساء أن يخرجن سافرات الوجوه ، وبأن النظر مظنة الفتنة ، و محرك للشهوة .. وحيث قيل بالتحريم وهو الراجح : حرم النظر إلى المنتقبة التي لا يبين منها غير عينيها و محاجرها كما بحثه الأذرعي ، و لاسيما إذا كانت جميلة ، فكم في المحاجر من خناجر "اهـ (نهاية المحتاج إلى شرح المنهاج في الفقه على مذهب الشافعي 6/187ـ188) .
قال النسفي الحنفي رحمه الله (ت701هـ) في تفسيره لقوله تعالى : ( يدنين عليهن من جلابيبهن ): " يرخينها عليهن ، و يغطين بها وجوههن وأعطافهن " (مدارك التنزيل 3/79) .
قال شيخ الإسلام ابن تيمية رحمه الله (ت728هـ): " وكشف النساء وجوههن بحيث يراهن الأجانب غير جائز. وعلى ولي الأمرِ الأمرُ بالمعروف والنهى عن هذا المنكر وغيره ، ومن لم يرتدع فإنه يعاقب على ذلك بما يزجره " ( مجموع الفتاوى 24 / 382 ) .
قال ابن جزي الكلبي المالكي رحمه الله (ت741هـ) في تفسيره لقوله تعالى : ( يدنين عليهن من جلابيبهن ) : " كان نساء العرب يكشفن وجوههن كما تفعل الإماء ، وكان ذلك داعياً إلى نظر الرجال لهن ، فأمرهن الله بإدناء الجلابيب ليستر بذلك وجوههن " ( التسهيل لعلوم التنزيل 3/144).
قال ابن القيم رحمه الله (ت751هـ) في إعلام الموقعين ( 2/80) : " العورة عورتان : عورة النظر ، وعورة في الصلاة ؛ فالحرة لها أن تصلي مكشوفة الوجه والكفين ، وليس لها أن تخرج في الأسواق و مجامع الناس كذلك ، والله أعلم ".

يعني لاهندي ولا قطري ولا ياباني
تقبلوا مروري

فالكـ GOOD

07-07-2010, 08:49 PM

صح تصير وايد خخخخخخخخخخخخخخخخخخخخ

tulepq

07-07-2010, 09:04 PM

لا تحط بخاطرك .. وضع طبيعي

يمكن تحسبك المدام اختك .. وأعزب .. <<< عشان تشوفها وهي مستحيه وتطلب القرب

ترا بعضهن عندهن سياسه محد يقدر عليها:rolleyes2:

بـــــــنت النوخـّــــذه

07-07-2010, 09:06 PM

بسم الله الرحمن الرحيم ..

هل منكم من يواجه هذا الموقف بشكل مستمر ؟

و تقبلوا تحياتي ..

صراحه ماشفت بس اعتقد اذا شفت بيكون نقص عقل من صاحبه هذا التصرف :)

Doha Sun

07-07-2010, 09:33 PM

االموقف الاول :
يوم كنت في الجامعه .. اسال ربعي انتو ليش ماتتحجبون عن العمال وحدة ردت علي قالت : الا ذي هندي
قلت لها والهندي مش رجال قالت لأ .. القطري رجال بس
والموقف الثاني :
مادري وين كنت بس في السوق كانت وحدة متغشية ودخلت المحل وارفعت الغشوة وقامت تسال اللي يبيع وسالفة وضحكة وطبعا انا مستغربة من هالحرمة .. وفجاة طلعت اعرفها ، وسالتها لان الفضول ذابحني قلت لها انتي ليش تسولفين مع اللي يبيع وقاطة الميانه، ردت علي الا ذي ........ مهب عارفني ولا راح يقولون ذي فلانة بنت فلان .. ( تفكير تعبان شوي ) ..

رنج سبورت

07-07-2010, 09:51 PM

أخي الكريم

هذا هو التصرف السليم للفتاة المسلمة

من حق الفتاه أن تشتري ما تحتاجه ، وأن تناقش البائع وتفاصل معه في السعر ،

وأن تكشف عن وجهها إذا كانت تلبس غشوة ، لترى السلعة المراد شرائها بوضوح وتقوم بفحصها ،

فالحاجةِ تقدر بقدرها ،

أما أنتَ ، فرجل غريب ،

وليسَ من حقك أن ترى وجهها ،

وليسَ من حقك أن تسمع صوتها ونقاشها ،

وليس من حقك أن تتكلم معها ،

ولا تنسى أن الحياء صفة من صفات الفتاة المسلمة ،

كما إن الحياء شعبة من شعب الإيمان ، وذلك للرجل والمرأة ،

لذلك فخروجك من المحل ، وترك الخصوصيةَ لهن ، هو التصرف السليم ،

وتقبل خالص تحياتي وتقديري .

كلامك كله تناقضات :secret:

البايع الغريب اللي تتناقش معاه مب رجال في نظرك والا لانه بايع مسموح له مالايسمح لغيره :eek5:

البايع رجل غريب والتعامل يكون معاه بحدود

مب كشف الوجه مسموح له ومحرم على غيره

السلعه اي وحده متغطيه تقدر تشوفها من تحت الغطوه

وليش مايكون معاها محرم لها يفاصل بالسعر ؟؟

نفس الموقف صادفني قبل كم سنه وفي نفس اللحظه قلت بصوت مسموع شكله الهندي مب رجال :)

بعض العقليات يبيلها فورمات لان يظل الرجل رجل حتى لو كان بدون شنب :tease:

فارس قطر333

07-07-2010, 09:51 PM

هالسوال دايما في بالي

ولا لقيت له حل لين والحين ولا عارف وشو الاسباب بالضبط

ضوى

07-07-2010, 09:56 PM

مبدأ وقناعة غريبة للاسف

الرجل رجل ايا كانت جنسيته

بذرة غلااا

07-07-2010, 10:12 PM

والله الصراحه صج الكلامكم ... مب بس يتغطون عنكم
انا وايد مرو علي هل اشكال في المحل كاشفه وفي الممرات تتمشى اول ماتلمح حد بسرعه تتغشى
الصراحه صج استغرب

missperfect

07-07-2010, 10:15 PM

لأنك قطري ياولدالاصوووول

سهم المراقيب

07-07-2010, 10:30 PM

ثقافة القطري هو الرجل والباقي مش رجاجيل هذي للأسف مرسخه في عقولنا قبل عقول البنات ,, فالمفروض ما نلومهم ,,

أخبر يوم كنت في الإعداديه مر واحد قدام المدرسة وهو حاسر ويسوق موتره برعونه (كان يستعرض) ,,
فشفت اثنين من الطلاب يكلمون بعض وواحد قال للثاني : هذا هندي وإلا رجال ؟!! <<<< مدري شهالغباء الخيالي ,,

الرها

07-07-2010, 10:42 PM

أخي الكريم

هذا هو التصرف السليم للفتاة المسلمة

من حق الفتاه أن تشتري ما تحتاجه ، وأن تناقش البائع وتفاصل معه في السعر ،

وأن تكشف عن وجهها إذا كانت تلبس غشوة ، لترى السلعة المراد شرائها بوضوح وتقوم بفحصها ،

فالحاجةِ تقدر بقدرها ،

أما أنتَ ، فرجل غريب ،

وليسَ من حقك أن ترى وجهها ،

وليسَ من حقك أن تسمع صوتها ونقاشها ،

وليس من حقك أن تتكلم معها ،

ولا تنسى أن الحياء صفة من صفات الفتاة المسلمة ،

كما إن الحياء شعبة من شعب الإيمان ، وذلك للرجل والمرأة ،

لذلك فخروجك من المحل ، وترك الخصوصيةَ لهن ، هو التصرف السليم ،

وتقبل خالص تحياتي وتقديري .

كلامك سليم يالسياسي ياليت كل العقليات مثلك انا اشوف ان الرجل يرفع نفسه عن هالامور:nice:

..الاميرة..

07-07-2010, 10:43 PM

السلام عليكم

"و الله يعلم انه شكلي بريء 100%" ولا يمت بأي صله لأصحاب القلوب الخضراء او اصحاب العيون الزائغه

ههههه حبيت هالجملة منك واهديك هالكركتير عليها

http://img820.imageshack.us/img820/2955/109452037d4aefd5d7eo.jpg

هههههههههههههههههههههههههههههههههههههههههههههههه احسن :tease:

بوحارب

08-07-2010, 12:31 AM

يارجال زين منها تغطت ولا بعضهم عادهم يتكشفون اكثر واكثر

عاد من زين شيفتها الغبيه

وجه فيه 45 لون الحمدلله والشكر

sara jsm

08-07-2010, 12:38 AM

وجهة نظر أختي ساره و واضح من كلامك انك مع البائع تكشفين له وجهك لمناقشة الاسعار لأنه هو الشخص المختص في تلبية حاجتك .. و من حقك تنحرجين من الغريب و تشعرين بعدم الراحه خلال تواجده و اجزم من ردك انه ردة فعلك طبيعيه ..

نو نو ,, انا اصلا مااغطي وجهي الا يوم اروح العروس ,,
وعلى فكرة انا ماارتاح حتى لو الشخص ماكان قطري ,,
يعني المشكلة في وجود { الذكور } في المكان نفسه

:

اسمحيلي آخالفج بالرآي,,, ولكن لو كان ايش ماكانت جنسيته يظل رجل له غرائز
واحب اذكركم بقوله تعالى:
" وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منها وليضربن بخمرهن على جيوبهن " ( النور 30) .

وكذلك حديث ابن مسعود رضي الله عنه عن النبي صلى الله عليه وسلم قال : ( المرأة عورة فإذا خرجت استشرفها الشيطان) . أخرجه الترمذي بإسناد صحيح ( الإرواء 1/303) (وأصل الاستشراف: وضع الكف فوق الحاجب ورفع الرأس للنظر. والمعنى أن المرأة إذا خرجت من بيتها طمع بها الشيطان ليغويها أو يغوي بها).
وهذا الحديث نص في أن المرأة كلها عورة ولم يستثن النبي صلى الله عليه وسلم منها شيء .

الاختلاف بالراي موجود في كل مكان ,,
حتى شيوخ الدين ساعات يختلفون على فتوى معينه :nice:

بس باقولك شغله اخوي ,, انا يوم اطلع مااغطي وجهي ولا احط مكياج ,,
ولا اكون في اي زينة ,, لا عباية مزركشه ولا عطر فواح ولا علج يطق طق بالحلج ,,
واخر شي انا مااطلع من البيت الا مع محرم ,, :nice: يعني الشيطان مافيه خير يقرب صوبي ,,

واشكرك على هالاحاديث الطيبة ,,
بارك الله فيك ,,

$saryalia$

08-07-2010, 01:15 AM

وللللللللللللين في كل مكان طابين في الحريم

في ذمتكم في هندي ممكن يتعدى حدوده مع قطريه؟؟

هم معصبين وحالتكم لله

انزين ليش ترضى على شوفتك تركب مع سايق هندي؟؟؟

راضي يكون دريولها وبسياره يوديها ويجيبها

ومضايقك تتغطى عنك وماتتغطى عنه
ما انتوا حللتوا الشي من البدايه

حقيقه

08-07-2010, 01:43 AM

الخطأ مُشترك

المفروض ماتطلع وتخلي اهلك بالمحل عشان سواد عيونها

لو انها حرمه محترمه مب مشكله اطلع من المحل بس وحده قليلة ادب لا والله بقعد على قلبها

اعتقد البائع رجل مب حرمه عشان اخلي الاهل واطلع

ودامها هي راضيه بالحال مع البايع ماعليك منها اقعد بالمحل واخذ راحتي واهي خلها تولي

ســـهم

08-07-2010, 02:20 AM

بسم الله الرحمن الرحيم ..

يا جماعة الخير أنا بصراحه قررت اكتب لكم هالموضوع بعد ماحزّت النفس في خاطري و قلت اسأل الاخوان والخوات لعل او عسى القى الجواب الوافي منكم ؟

لاحظت كثيراً و ليس مره او مرتين .. عند دخولي لأي محل (و ليس عليه لافتة للنساء فقط) تكون هناك امرأه تتناقش مع بياع المحل عن السلعه اما تفاصله بالسعر او تسأله عن الموديلات بغض النظر عن المنتج تحديداً .. و تكون كاشفه الوجه عليه , او متسنده على طاولته , او ممكن في بعض الحالات تتضحك و تدردش معاه ؟

و لكن عند دخولي للمحل كأنه "ابليس" داخل عليهم و تعتفس و تقول "وي وي وين غشوتي" و تتغطى و تتقلب فوق تحت على اساس انه واحد غريب داخل المحل و "عيب" تكشف عليه !

والادهى من ذلك انه معظم الاوقات يحصل هذا الموقف معي عندما اكون مع الاسره نذهب لبعض المحلات لنتقضى حاجاتنا من السوق "و الله يعلم انه شكلي بريء 100%" ولا يمت بأي صله لأصحاب القلوب الخضراء او اصحاب العيون الزائغه :shy: ..

و امتنع عن الاحراج لي و للزبونه و اخرج من المحل في انتظار اسرتي بالخارج للأنتهاء من هذا المحل تحديداً عشان الأخت تاخذ راحتها في تسوقها !

والله المستعان .. ؟

هل منكم من يواجه هذا الموقف بشكل مستمر ؟

و تقبلوا تحياتي ..

يعني تتجرء تكون عيونك زايغه والحكومه معك :eek5:

يابريئ:secret:

عموما ارى ان هذا منطقي جدا جدا وهو في صالحك الا وهو أن هذه النقطه ماهي الا أحترام لك

فنحمدالله أن الحياء مازال موجود ولو في أشياء بسيطه ..

ANONYMOUS

08-07-2010, 02:29 AM

مسيكينه حياويه

ريان

08-07-2010, 02:31 AM

فعلا صادفت هالموقف

وما قول الا الله يهديهم ويستر عليهم

cobra

08-07-2010, 04:48 AM

واحد من الربع ملتزم الله يثبته دخل المحل ويا اهله

نفس الحركه قااااام حشر المره في الزاويه بمساعده المدام

وهاااات يامحاضرات دينيه اكرهت نفسها البنت

بوالفاروق

08-07-2010, 05:34 AM

ابوي راعي المحل وحزات امر ع المحل
وادخل صوب البياعيين .. لما الهندي موجود

عادي يطالعون وكاشفيين الوجه من ادخل يتغطون
ومب اول مرة !!!

الله يهديهم

@السفير@

08-07-2010, 06:01 AM

ابغي اعرف آيش معنى حاجتي عنده ولازم اكشف وآخذ راحتي فلكلام مع شوية ضحكه مع لطف فلمعامله ؟ لو اخوك ماضحكتي بوجهه وبعدين يااخوات انتو بتشترون بفلوسكم مش بلاش وهالحركات مالها داعي ولا ( الغايه تبرر الوسيله ) وبالنسبه للمعاينه للسلعه والتفاصل فسعر فنقاب استر ويفي بلغرض:anger1:

شبح الصمت

08-07-2010, 07:44 AM

باااااااااااااااااااااال

يا كثرهم

كانك ما شفت خذ حاجتك واطلع

بو خليفه 123

08-07-2010, 07:54 AM

يا ما صادفتني هالموااقف

يبييلهم تنظيف أفكار هالنوعية من البنات

اووووف يابوخليفه انا مايقهرني في الحياه كثر هالموقف .. ودي امسك البنت واصفقها والمشكله اذا دشيت محل وفيه وحده كاشفه تقعد تافف وتحلطم وعقب تغشى ..

انزين يابنت اللذين الهندي مب رجال ولاعادي يعني صار الهندي واحد من وفينا

لأنك رجال

صبحكم الله بالخير ..

قلت يمكن أنا حسّاس حبتين زياده عن اللزوم .. لكن الموضوع طلع ذات شجون و يمس شريحه كبيره من شباب و شيبان قطر "أنا من فئة الشباب"

اتمنى يوصل "ظنكم" في هؤلاء البنات الى هؤلاء البنات ..

الجزوع

08-07-2010, 08:19 AM

للحين البنات تفكيرهم كذا؟! اذكر على ايام الاعداديه دخلوا هنود لصيانة المكيفات وكنا طالعين من المختبر اول ماشفتهم حطيت الكتاب على راسي وركض صوب الصف اما البنات اللي معي تموا يضحكون علي ويقولون لي من صجج انتي تتغطين من هذيلا؟؟؟ والله ان علامات التعجب اشكال الوان على وجهي حسسوني اني غلط وهم الصح

نور اعيوني

08-07-2010, 08:29 AM

ايه صج انا واااايد صادفني نفس هالموقف اقول في خاطري هاي مب رياااال اللي جدامج ولا شنو بس بصراحه انقهر من هالحركه ولا حركة اللي تغطي نص الويه وتخلي بعض المناطق الملفته مكشوفه بعد شنو هالحركه اليديده وين احنا قاعدين بس مره انا كنت رايحه السوق مع اخوي واحنا داشين المحل كان مليان حريم وصوتهم وهم يجادلون لين برع اول ما شافوا ريااال تغطوا واسكتوا واخوي طلع بسرعه عن الاحراج عاد انا قلت في خاطري والله لدخل اخوي دامكم ما تستحون ودخلته ولا علي صج في البدايه رفض بس قلت له استحي اجادل وتميت اقص عليه عشان يدخل معاي ودخل عشان اوريهم اذا ريااال شلون يستحون وطول الوقت يتناقزوون ويتأففون وانا مطنشه خلصت اللي ابيه وطلعت ولا علي منهم ..

الوحداني

08-07-2010, 09:15 AM

{ عنز الفريج تحب التيس الغريب }

بو خليفه 123

08-07-2010, 09:30 AM

عندي موقف دخلت محل كمبيورت لا محل حريم ولا رجال الكل يدخل
كان في المحل بنت عند واحد من بلاد الشام وتساله عن لاب توب ودخلت انا وزوجتي ولا حست لان محله كبير وفيه صوت اغاني عاد شوي تلتفت يعني انا وزوجتي بنص المحل وتقول بسم الله >>شدعوه شايفه جني خخخخخ قلت لها بسم الله الرحمن الرحيم منج وسكرت الدريشه قصدي نزلت النقاب ههههه عاد زوجتي عطتني كوع عشان رديت عليها

نحسن الظن في البدايه ربما ردة فعل عندما الانسان يرى شخص من خلفه فجأه يحس بشعور مفاجىء .. ربما هذا هو السبب الذي جعلها تسمي بالرحمن ..

و لكن ما الومك بردة فعلك أنت ايضاً ..

و ياكثر مانضربنا كوع من حريمنا بسبب هالمواقف :shy:

الله المستعان ..

بنت ابوها 19

08-07-2010, 09:33 AM

عادي انا تصير معاي هل الحركه وايد

احس حركه عاديه
البياع صح رجال لكن مافي امل انه بيقزني ولا بيغازلني

اغلب الي يدخلون المحلات هل اليومين وخاصه محلات حريم يكون قصدهم القز فليش اخليه يقزني
واحنا البنات مشكلتنا بسبت بعض الشباب ظالمين كل الشباب
بس لاتلومنا انا عادي في المحل اكشف بس لو دش شاب وقرب بصوبي اغطي ويهي
يمكن يبي يقز او يمكن واحد من هلي ان شافني بلا غشوه شبيسوي فيني ؟؟؟؟

سيف العشق

08-07-2010, 09:44 AM

لاحول ولا قوة الا بالله

ياخوك هذي اهون ولا اللي متغشيه في قطر وفي اوروبا ملايين العالم يشوفونها

معناتها هالبنات واهلهم يلبسون النقاب او الغشوه بس عشان محد يعرفهم وليس تنفيذآ

لكلام الله وسنة نبيه <<<< واخشى ان يكونوا من المنافقين والعياذ بالله

بقول لكم موقف صار معاي في مصر

فيه مجمموعه من البنات عددهم اربع بنات كانوا ساكنين معي في نفس الفندق

المهم هالبنات والله الذي لا اله الا هو انهم اصل وفصل هالبنات مايلبسون هناك الا الجنز القصير

اللي فوووق الركبه اقسم بالله هاللي يلبسونه وانا بموووووت معقوله وصلنا لزمن بناتنا لاحيا ولا مستحى

وعادي عندهم لاتقول يراعون ان حد من اهلهم يشوفهم او يخافون انهم ينعرفون من منه

بالصدفه وانا راجع الدوحه كانوا معي بنفس الطياره شفتهم في المطار وهم لابسين العبايه والشيله

والمكياج والنظارات والحركات والضحك اللي يوصل الى آخر المطار

يوم نزلنا مطار الدوحه الا اشوف البنات يوم نزلوا الغشوه وصاروا بقدرة قادر متغشيات

شرايكم

عزووز قطر

08-07-2010, 09:49 AM

هذا اذا كانوا يتغطون عن القطريين

زمان اول تحول

قطرية فذة

08-07-2010, 09:57 AM

أمور تحدث بواقع مما جرت به العاده

مجرد تغير فكر وتتعدل الامور

يوفق الله الجميع

al-vtc

08-07-2010, 10:08 AM

يا ريااااال

خلك مثل واحد من الربع كل استايله جنزات وبدلات

ومن غير استايله ما صادفه اي موقف من هالمواقف لا وبعد بعضهم ياخذون ويعطون معاه

خليفـة

08-07-2010, 10:16 AM

موضوع خطير يا بوخليفة

متابع بحذر

:)

الوحداني

08-07-2010, 10:20 AM

عادي انا تصير معاي هل الحركه وايد

احس حركه عاديه
البياع صح رجال لكن مافي امل انه بيقزني ولا بيغازلني

اغلب الي يدخلون المحلات هل اليومين وخاصه محلات حريم يكون قصدهم القز فليش اخليه يقزني
واحنا البنات مشكلتنا بسبت بعض الشباب ظالمين كل الشباب
بس لاتلومنا انا عادي في المحل اكشف بس لو دش شاب وقرب بصوبي اغطي ويهي
يمكن يبي يقز او يمكن واحد من هلي ان شافني بلا غشوه شبيسوي فيني
بعدين حلوه كلمة مافي امل يقزني كثري من مافي امل ؟؟؟؟

اي صح مسكين مايقز لانه عزوبي ومغترب وماعنده مره في البيت وزجته في بلادها فمسكين ماراح يقزج

الوحداني

08-07-2010, 10:26 AM

بعدين حلوة كلمه مافي امل يقزني كثري منها مافي امل

بوخالد911

08-07-2010, 10:30 AM

بعدين حلوة كلمه مافي امل يقزني كثري منها مافي امل

صحييح
ما في أمل كلللش

لا وبعد وهو يكلمج راااسه بالأررض
:eek5::omg::eek5:

حمد911

08-07-2010, 10:40 AM

السلام عليكم

"و الله يعلم انه شكلي بريء 100%" ولا يمت بأي صله لأصحاب القلوب الخضراء او اصحاب العيون الزائغه

ههههه حبيت هالجملة منك واهديك هالكركتير عليها

http://img820.imageshack.us/img820/2955/109452037d4aefd5d7eo.jpg

ههههههههههه احلى تعليق

bo_hamad

08-07-2010, 10:43 AM

إذا هم يدرون ان الوجهه عوره ليش ما تتنقب وتفك عمرها

بنت ابوها 19

08-07-2010, 11:06 AM

صحييح
ما في أمل كلللش

لا وبعد وهو يكلمج راااسه بالأررض
:eek5::omg::eek5:

والله عمره ماصدفني موقف انه راعي المحل قزني ولا انه طالع بويهي لانه بالاصل ماكلم البياعين اخذ شي بدون ماسال عنه
اله اذا شوز وسايزي مش موجوده لازم بكل محل يكون في حرمه اكلمها تجيلي السايز اروح عند الكونتر دفع واطلع لاكلمني الريال ولا يدري عني يمكن انا شلون شكلي

وحتى لو صادف مافي ولا حرمه بس ريايل وهاي مستحححححيل تصادف معاي لانه المجمعات التجاريه والمحلات النسائيه الي بالمجعات لااااازم حريم لين اليوم مادشيت محل مافيه حرمه تشتغل هناك

اطلب الغرض وامشي مب اطقها سالفه عشان يقز ويسولف

ولكن تعال لو شاف واحد من الشباب دخل المحل ياااااربي شلي راح ينزل عيونه غير غشوتي على ويهي

تحداني

08-07-2010, 11:37 AM

إذا شافتك صد عنها :)
وقول الله يستر عليكي وينور طريقك ويجملك برضى الرحمن

هناك تصرفات تتوارث
وهناك تصرفات تكتسب
وهناك ما يولد عليه الإنسان

هكذا هم البشر

هناك بعض الأسئله وبعض الأمور التي تحدث أمامنا .. لا نجد لها إجابه
ومن يفعلها هو من يملك إجابتها ..

جملك الله برضى الرحمن

almaf1a

08-07-2010, 11:43 AM

لان في الهند ما يتغطون الحريم
عندهم فن في التعامل مع اي شخص من مختلف حضارات العالم

@السفير@

08-07-2010, 12:15 PM

اما بعض الحريم عليهم جرأه ورد يخجل منه الرجل لوصولها مرحلة لاتناقشنا وحريه شخصيه وضرب احكام الدين اولا والعادات والتقاليد حسب المجتمع الي هم فيه بعرض الحائط وتطلعها للتطور بجانبه السلبي وليس الأيجابي

بلوتنيوم

08-07-2010, 12:15 PM

كلنا نصرخ بنفس واحد
نبي نقزززز:eek2:

وجه المرأة عند بعض العلماء مش عورة اولا
فالتغطية تكون اما لتجنب متاعب قز الشباب او لعادات متوارثة بعيدا عن الدين
فلما تروح السوق يكون لها حاجة وضرورة فتشوف البضاعة
والهندي بياع يبي يصرف بضاعتة ويدري انه الموضوع مصدر رزقه وانه ممكن يخسر
عمله ومستقبله وحياته لو حب يبصبص علشان كذا يكون التركيز في الامور المالية
والتجارية

اما لما يدخل اخونا القطري تحصله مشغل الكشفات الامامية
والاشعة المقطعية والسكان درايفر ومتأهب ولو ماسوت هي هالحركة قدامه وبينت له انه ستوب وخطر وانتبه امامك منزلق :whistling: فابو الشباب يبدأ الخيالات والتنهدات والحسرات وغيرها وبيقول حبتني من نظره وحتى ماغطت الوجه تبيني اشوفها طبعا مش الكل البعض:p

فالحركة رغم من تناقضها عادية جدا فيها تهديد ووعيد وانذار :omen2:

رنج سبورت

08-07-2010, 12:18 PM

اي صح مسكين مايقز لانه عزوبي ومغترب وماعنده مره في البيت وزجته في بلادها فمسكين ماراح يقزج

:victory::nice::victory::nice::victory::nice:

رنج سبورت

08-07-2010, 12:22 PM

ممكن بعض المحلات مافيها رجاجيل

وكمثال محل مايفير ليدي اللي يبيعون رجاجيل :rolleyes2:

ضوى

08-07-2010, 12:25 PM

كلنا نصرخ بنفس واحد
نبي نقزززز:eek2:

وجه المرأة عند بعض العلماء مش عورة اولا
فالتغطية تكون اما لتجنب متاعب قز الشباب او لعادات متوارثة بعيدا عن الدين
فلما تروح السوق يكون لها حاجة وضرورة فتشوف البضاعة
والهندي بياع يبي يصرف بضاعتة ويدري انه الموضوع مصدر رزقه وانه ممكن يخسر
عمله ومستقبله وحياته لو حب يبصبص علشان كذا يكون التركيز في الامور المالية
والتجارية

اما لما يدخل اخونا القطري تحصله مشغل الكشفات الامامية
والاشعة المقطعية والسكان درايفر ومتأهب ولو ماسوت هي هالحركة قدامه وبينت له انه ستوب وخطر وانتبه امامك منزلق :whistling: فابو الشباب يبدأ الخيالات والتنهدات والحسرات وغيرها وبيقول حبتني من نظره وحتى ماغطت الوجه تبيني اشوفها طبعا مش الكل البعض:p

فالحركة رغم من تناقضها عادية جدا فيها تهديد ووعيد وانذار :omen2:

بالرغم من طرافة تعليقك الا انه يحاكي الواقع الملموس ، ولكن في كل الاحوال الرجل يبقى رجلا

بلوتنيوم

08-07-2010, 12:41 PM

بالرغم من طرافة تعليقك الا انه يحاكي الواقع الملموس ، ولكن في كل الاحوال الرجل يبقى رجلا

يعني ركزتي على الطرافة وماركزتي على المغزى :anger1:

المغزى انه تغطية الوجه اباح فيها بعض العلماء فلما تكشف المشترية عن وجهها امام البائع مابتكون كاشفة علشان تغريه والا علشان يكون لها مدخل لتنزيل السعر الا طبعا لو في قلبها مرض وهذا موضوع ثاني بس ذريعة التغطية تكون منعا لتعرضها للازعاج او المغازل او يمكن عادة اجتماعية وموروث وطبعا بينها وبين البايع حدود ولوائح بعكس الشاب لما يدخل مابيكون بينهم اي شيءعلشان هو يشوف او هي ما تتغطى؟؟!

مدري وصلت النقطة والا طرافتي للحين تسبح بالموضوع :omen2:

بلوتنيوم

08-07-2010, 12:45 PM

ممكن بعض المحلات مافيها رجاجيل

وكمثال محل مايفير ليدي اللي يبيعون رجاجيل :rolleyes2:

محتاجين مجمع للحريم فقط
بس الانفتاح الاقتصادي مايساعد عليه :secret:

قرناس قطر

08-07-2010, 12:55 PM

طيب والبائع ايش ؟

عصفور ؟

شاكر لك مرورك أخي الكريم .. عصفور ههههه حتى السايق عصفور :nice: يشكي الحال من ريحت العطر :rolleyes2: بابا هذا بيت وهذا بيت واجد مشكل يلبس شيله برع داخل سياره مايلبس كلو شعر انا يشوف وااااجد حلووو :nice:

ضوى

08-07-2010, 12:56 PM

يعني ركزتي على الطرافة وماركزتي على المغزى :anger1:

المغزى انه تغطية الوجه اباح فيها بعض العلماء فلما تكشف المشترية عن وجهها امام البائع مابتكون كاشفة علشان تغريه والا علشان يكون لها مدخل لتنزيل السعر الا طبعا لو في قلبها مرض وهذا موضوع ثاني بس ذريعة التغطية تكون منعا لتعرضها للازعاج او المغازل او يمكن عادة اجتماعية وموروث وطبعا بينها وبين البايع حدود ولوائح بعكس الشاب لما يدخل مابيكون بينهم اي شيءعلشان هو يشوف او هي ما تتغطى؟؟!

مدري وصلت النقطة والا طرافتي للحين تسبح بالموضوع :omen2:

شوف اخوي الفاضل

لا زال تعليقك يحمل من الطرافة الشئ المعقول :) ، ولكن اذا ارتأينا رأي الدين في كشف الوجه فهناك اختلاف في الاراء والفتاوي منهم من جاء بالوجوب ومنهم من جاء بالجواز وكلا منهم له حجته في ذلك ، ولكن كمبدأ اساسي اخي الكريم من يمنعها حيائها عن كشف وجهها امام القطري فهذا الحياء كفيل بعدم كشف الوجه امام غير القطري ايا كانت جنسيته ، وبالنسبة للتعليل فأنا لا اراه منطقيا فالسلة التي اريد ان اتفحصها استطيع حتى وانا من بغطاء الوجه وهذا معروف ومشهور لدى عموم النساء كان اكشف الغطاء من اسفله بحيث انني اتمعن في السلعة من غير ان يتمعني البائع او حتى ان يرى وجهي اساسا ، ربما لم استطيع ان انقل لك تصوري تماما ، ولكن ماجدوى ان ارفع الغطاء اذا كان الحياء هو السبب الرئيسي لتغطية وجهي ؟؟؟ اما ان كان عادات وتقاليد فهذا شئ اخر :)

حنان الدنيا

08-07-2010, 12:57 PM

عادي اخوي ترى هالحركات تصير بعد قدامنا احنا البنات نفس الشئ

تسمع صوتها من بره المحل واول ماادش المحل تتغطى عني اقول شالسالفه

تراني بنت مب واحد ههههههههههههه تخلف الحمدلله والشكر

قرناس قطر

08-07-2010, 01:02 PM

على فكرة .. العكس صحيح

إذا واحد دخل محل وقعد يسولف ويتناقش ويضحك مع البائعة الشامية الشقراء .. وفجأه دخلوا بنات هل قطر المحل .. إيش ردة فعله وفعلها ؟؟

أكيد راح يستحي ويعدل من وقفته وينهي ماكان يفعلة ويصبح رسمي أكثر

مجرد رأي على فكرة .. العكس صحيح إذا وحده دخلت محل وقعدت تناقش وتضحك مع البائع الشامي الأشقر .. وفجأه دخل رجال مع هله من أهل قطر المحل إيش ردة فعلها وفعله ؟؟ أكيد راح ينصفق وجهها وبتغطي الشيله وتنهي ماكانت تفعله وتصبح رسميه أكثر مجرد رأي :nice:

@السفير@

08-07-2010, 01:23 PM

على فكرة .. العكس صحيح إذا وحده دخلت محل وقعدت تناقش وتضحك مع البائع الشامي الأشقر .. وفجأه دخل رجال مع هله من أهل قطر المحل إيش ردة فعلها وفعله ؟؟ أكيد راح ينصفق وجهها وبتغطي الشيله وتنهي ماكانت تفعله وتصبح رسميه أكثر مجرد رأي :nice:

شلقصد من المقارنه بارك الله فيك :omg: حط فبالك انه الي اسولف وتضحك مع الشامي اوغيره شوفه

doha_star

08-07-2010, 02:51 PM

كح كح

ماااال اوووول

بااااااال السمحلي يالشيخ بس هالسالفه قديييمه

الله يسلمك الحين اقولك ال "new version" وشو

تروح شيشه من الشيش وتلاقي القطريه مع رفيجاتها قاعدين يشيشووون وسوالف وضحك داخل البارتشن ومرات فطاول مكشوفه بس صاده شووي

وهي طالعه تتغشى هاي صار قمة الحيا عند بعض البنات للاسف

ولد النواخذه

08-07-2010, 03:20 PM

من رداهم للاسف..

الحمدلله القطرية السنعه عندها الريال واحد سواء كان قطري او غيره بتتغطى عنه وعن غيره وهاي سنعنا وسنع أهالينا وغير جذي فهو من ردى الحال...

tulepq

08-07-2010, 03:48 PM

الخطأ مُشترك

المفروض ماتطلع وتخلي اهلك بالمحل عشان سواد عيونها

لو انها حرمه محترمه مب مشكله اطلع من المحل بس وحده قليلة ادب لا والله بقعد على قلبها

اعتقد البائع رجل مب حرمه عشان اخلي الاهل واطلع

ودامها هي راضيه بالحال مع البايع ماعليك منها اقعد بالمحل واخذ راحتي واهي خلها تولي

أخطأت كثير في وصفك لها بأنها قليلة أدب ..

كل هذا عشان مشت على عاده الكل يعرف اساسها ..

خليتوها قليلة أدب ومب محترمه .. :eek5:

معليش مب للدرجة هذي ..

شمعة الدوحه

08-07-2010, 04:20 PM

لان القطري ممكن يطلع من قرايبها ويعرفها ويتكلم عليها انها راعية مجمعات والبنت بس راحيه تقضي حوايجها
لان القطري بيقعد يطالعها ويقزها لانها بنت بلاده
لان القطري بيرقمها بس الهندي مايتجرأ

وجهة نظر

وتقبلوا مروري

@السفير@

08-07-2010, 04:24 PM

من رداهم للاسف..

الحمدلله القطرية السنعه عندها الريال واحد سواء كان قطري او غيره بتتغطى عنه وعن غيره وهاي سنعنا وسنع أهالينا وغير جذي فهو من ردى الحال...

اشهد ان هذا الكلام الي في محله وفيت وكفيت

ولد النواخذه

08-07-2010, 05:01 PM

لان القطري ممكن يطلع من قرايبها ويعرفها ويتكلم عليها انها راعية مجمعات والبنت بس راحيه تقضي حوايجها
لان القطري بيقعد يطالعها ويقزها لانها بنت بلاده
لان القطري بيرقمها بس الهندي مايتجرأ

وجهة نظر

وتقبلوا مروري

اسمحيلي ما اتفق معاج لأن هالنظرة ضيقه بأن القطري بيرقمها لان ليس كل أصابع الأيد سوى فهل جميع القطريين عندهم مثل هالتصرفات الدخيله علىينا وعلى مجتمعاتنا!! هنالك من الشباب القطري الي مايرفع راسه من الارض ويعتبر كل قطرية تمشي فالشارع او في مجمع مثل اخته وأن كانت هي ترضى على نفسها فهو لا يرضى عليها ولكن للاسف القطري مساء الظن فيه دائما حتى لو مشى جنب الحيط....

شمعة الدوحه

08-07-2010, 05:04 PM

اسمحيلي ما اتفق معاج لأن هالنظرة ضيقه بأن القطري بيرقمها لان ليس كل أصابع الأيد سوى فهل جميع القطريين عندهم مثل هالتصرفات الدخيله علىينا وعلى مجتمعاتنا!! هنالك من الشباب القطري الي مايرفع راسه من الارض ويعتبر كل قطرية تمشي فالشارع او في مجمع مثل اخته وأن كانت هي ترضى على نفسها فهو لا يرضى عليها ولكن للاسف القطري مساء الظن فيه دائما حتى لو مشى جنب الحيط....

أأيدك بهالشي انه فيه اللي فيهم الخير

بس الاكثريه نفس ماذكرت :)

ولد النواخذه

08-07-2010, 05:11 PM

أأيدك بهالشي انه فيه اللي فيهم الخير

بس الاكثريه نفس ماذكرت :)

وأنا عن نفسي باكون مع أن الأكثرية فيهم الخير وغيورين على بنات بلادهم ومايرضون عليهم وتصرفات البعض الغير مقبولة والي تفتقر للادب والاحترام والتربية الصحيحه مش من المفروض ان تعطي انطباع عام ولله الحمد الشعب القطري الاصيل متربي وعارف حدوده ولا يحب يتعداها وطبايعنا خذناها من آباءنا وامهاتنا ومن الصعب ننسلخ منها ولا نغيرها وأن كان الظاهر غير هالشئ فهو من ردى الزمان ككل....

شمعة الدوحه

08-07-2010, 05:16 PM

وأنا عن نفسي باكون مع أن الأكثرية فيهم الخير وغيورين على بنات بلادهم ومايرضون عليهم وتصرفات البعض الغير مقبولة والي تفتقر للادب والاحترام والتربية الصحيحه مش من المفروض ان تعطي انطباع عام ولله الحمد الشعب القطري الاصيل متربي وعارف حدوده ولا يحب يتعداها وطبايعنا خذناها من آباءنا وامهاتنا ومن الصعب ننسلخ منها ولا نغيرها وأن كان الظاهر غير هالشئ فهو من ردى الزمان ككل....

الله يسمع منك ان الاكثريه نفس ماقلت لي :)
والله يكثر من امثالهم ويهدي النوع الثاني
حتى الحش والعقار ماصار للحريم وبس
صج لي قالوا كل زمن وله اهله :nice:

رنج سبورت

08-07-2010, 05:33 PM

النقاش طول

الاغلبيه يتفقون ان الحركه هذي مب حلوه

وباختصار ارجع واقول الرجل رجل حتى لو ماعنده شنب :nice:

بو خليفه 123

09-07-2010, 07:34 PM

السلام عليكم

"و الله يعلم انه شكلي بريء 100%" ولا يمت بأي صله لأصحاب القلوب الخضراء او اصحاب العيون الزائغه

ههههه حبيت هالجملة منك واهديك هالكركتير عليها

http://img820.imageshack.us/img820/2955/109452037d4aefd5d7eo.jpg

lool

:nice:

بو خليفه 123

11-07-2010, 08:56 AM

أخي الكريم

هذا هو التصرف السليم للفتاة المسلمة

من حق الفتاه أن تشتري ما تحتاجه ، وأن تناقش البائع وتفاصل معه في السعر ،

وأن تكشف عن وجهها إذا كانت تلبس غشوة ، لترى السلعة المراد شرائها بوضوح وتقوم بفحصها ،

فالحاجةِ تقدر بقدرها ،

أما أنتَ ، فرجل غريب ،

وليسَ من حقك أن ترى وجهها ،

وليسَ من حقك أن تسمع صوتها ونقاشها ،

وليس من حقك أن تتكلم معها ،

ولا تنسى أن الحياء صفة من صفات الفتاة المسلمة ،

كما إن الحياء شعبة من شعب الإيمان ، وذلك للرجل والمرأة ،

لذلك فخروجك من المحل ، وترك الخصوصيةَ لهن ، هو التصرف السليم ،

وتقبل خالص تحياتي وتقديري .

أخي السياسي القطري

لما اقارن توجهك السياسي في المنتدى مع ردك اعلاه .. استغرب !

كأنه شخص آخر استخدم المعرف الخاص بك و كتب هذا الكلام ..

الحياء ان كان حياء يجب ان يكون من الرجل بغض النظر عن جنسيته .. و ليس على الغتره والثوب فقط !

تقبل تحياتي

((غلا قطر))

11-07-2010, 09:31 AM

ذولا قليلات أدب لا مستحى ولا حيا ،، إلي تستحي تستحي من كل الرجال مب بس من القطري والباقي قاطة الميانه معاهم ،، أذا أنا البنت تنبط جبدي من ذي الحركات وخاطري لو اضربها أشلون انتوا يالرجال . الله يعينكم .

wadha-qa

11-07-2010, 09:54 AM

يعني الحين اللي بتشيل الغشوه في المحل لازم تقط الميانه مع البايع و تضحك و اتغشمر معاه ؟؟؟ مب شرط
بعدين انا شعرفني هالقطري اللي دخل المحل محترم ولا بيقعد يلاحقنا من محل للثاني
صراحه الاجنبي خواف ما يتجرا يضايق بنت قطريه ولا يقل ادبه عليها مثل بعض القطريين حتى والوحده ماشيه في حالها يقط كلام ولا يرقم طبعا مب الكل شكثرهم الشباب المحترمين بس هالمراهقين ما خلوا شي لناس الطيبيين اللي على نياتهم ..

بو خليفه 123

11-07-2010, 10:44 AM

أين المشكلة أخي في موضوعك !!!! وماذا أثارك !!! أعتقد لا يوجد ما يدعي للثورة فيما ذكرت وألسبب تغطت .. و معاه تضحك و تسولف ! ليش ؟ لأنك انت لست صاحب المحل أو تعمل في المحل وماذا أزعجك في ألموضوع أنا شخصيآ لم أصادف هذه المشكلة وليس يهمني من كان موجود في المحل وكل تركيزي عند دخولي للمحل على البائع والبضائع المعروضة وعن ما أبحث لشرائه!!!
لذلك بأعتبار تغّطت أو ما تغّطت أعتقد أمر عادي وحسن الضن بالقوارير .
فإذا أسأنا الظن بأحد الأشخاص فإننا بالتالي نوصل له رسالة خفية
و هي أننا لا نثق به..( ...خصلتان ليس فوقهما من الشر شئ : سوء الظن بالله وسوء الظن بالناس)

أخي الكريم ..

و ارجو منك التظليل بالاحمر في مشاركتي عن اسائة الظن فيهن ؟ و لي رد على مشاركتك الكريمه لاحقاً..

بو خليفه 123

11-07-2010, 11:56 AM

هههههههههههههههههههههههههههههههههه كسرت خاطري بـ أسلووبك هههههههههههههه قوول معاي الله المستعاان:nice:

و أنا كله مظلوم يا سبيشل مان .. الله المستعان :shy:

abdulla999

11-07-2010, 01:32 PM

عادي
عنزة الفريج تحب تيس الغريب

السياسي القطري

11-07-2010, 01:50 PM

أخي السياسي القطري

لما اقارن توجهك السياسي في المنتدى مع ردك اعلاه .. استغرب !

كأنه شخص آخر استخدم المعرف الخاص بك و كتب هذا الكلام ..

الحياء ان كان حياء يجب ان يكون من الرجل بغض النظر عن جنسيته .. و ليس على الغتره والثوب فقط !

تقبل تحياتي

أخي الكريم بوخليفة

لم أقصد بأنكَ أنتَ شخصياً المقصود بكلامي عندما وجهتهُ لكَ أخي الفاضل ،

وإنما قصدتُ الرجل الغريب عن المرأةِ بصورةِ عامة ،

وقد يظهر مما كَتَبتهُ بعجالة خلاف ما قصدتهُ فعلاً ،

لذلك أعتذر إليك إذا كانَ في مشاركتي أي خطئاً غير مقصود ،

ودمتَ في رعاية الله وحفظه أخاً عزيزاً وكريماً ،

وتقبل خالص تحياتي وتقديري .

فلتة زمانها

11-07-2010, 02:10 PM

هههههههههههه
انا هالشكل والله تدري ليش لانه القطري يتكلم شفت فلانه وعلانه
صارلي موقف مع واحد من هلي الله يغربله من عقبها لاقمت اتغطى
ولا شي خلاص الويه حلال:anger1:

بوحمد111

11-07-2010, 02:10 PM

الله يهدي بناتنا وأخواتنا الى الخير

وللأسف بعض البنات الله يهديهم يكشفن وجوههن للسايق ويعتبرونه انه من أهل بيتهم وأول ما تنزل من السيارة تغطي وجهها وأن اللذي قامت به عادي وطبيعي والله يستر عليهم ستر الدارين ستر الدنيا عن العار وستر الآخرة عن النار

latty

11-07-2010, 02:33 PM

الصراحه

القطري والخليجي يبحلقون اكثر بعكس المقيم والاجنبي صح الكل رجل لكن النظره تختلف من والى

شكرا على الموضوع

بن محمود

11-07-2010, 03:28 PM

البنت الخليجية تفعل ذلك بشكل عام لسبب بسيط

وهو انها تشوف ( الهندي ) مب من مستواها
بمعنى اخر مب مرشح ( ابدا ) لخطبتها او طلب يدها ..لان النظرة العامة في الخيج للهندي انه مجرد خادم
وهذه النظرة متجذرة في عقولنا جميعا ..حتى لو كان هذا الهندي ( مدير بنك ) او رئيس مجلس ادارة .
فهو يبقى بالنسبة لنا ( مجرد هندي )
وهذه الامور تخليها ماتستحي منه ..حتى لو حاولت يكون غالبا نوع من ( التصنع )

لاجل QT

11-07-2010, 03:44 PM

بالعكس المفروض تستانس:)..لانها تشوفك انت ريال عن غيرك:victory:

انا اقول اذا الوجهة مهب ملطخ بالميك اب عادي خلها تكشف جدام الهندي اما بالنسبة للقطري هي عادة عندنا البنت او المرة الكبيرة تتغطى لما تشوف خيااال القطري من باب الحيا عند البعض... او من باب ان مايجوز عند البعض الاخر

بس يابو خليفة زين تحصل الحين في هالزمن بنات يتغطون عن القطري قول الحمدالله..لانى اشوف الغشوة او البرقع قام اشوي اشوي ينقرضون لدى البعض

كبشينو

11-07-2010, 04:14 PM

ههههههههههههههه عادي عادي تحصل يوميا هالمواقف
طيب جرب البس رياضه وادخل المحل وتكلم هندي يمكن تروح معاك خخخخخخ
اما عليك ثوب وغتره اكيد بتقول ويييييييييي

نور الكون

11-07-2010, 04:25 PM

ههههههههههههه

عادي ليش مكبرين الموضوع

كل مافي السالفه انها ارتعبت من الغتره والعقال ... افصخهم ومحد بيتغطى منك

بو خليفه 123

11-07-2010, 06:08 PM

أخوي بوخليفة لو واقفه على جذي وايد زين

عندنا محلات خياطة وأروح مرات حق أخيط فستان والا شي ،، بعيوني شفت وحده بعباتها ونقابها وفاتحة العباة بيدها والهندي حاط السنتيمتر ياخذ لها قياسات وطبعا انتوا تخيلوا الباقي !! وبعد ماخلص رجعت وقفت عادي تكمل باقي الموديل.. وبعدها عند الباب مر أخوي وأشرت له عند الباب قلت له شلون جذي انتوا ؟؟ قلت له الموضوع في رقابنا حتى احنا مايصير الهندي يقايس حق الحريم ويمشي القياس على اجسامهم، استغرب ووقف برع يوم طلعوا دش وقلت للهندي ليش تقايس عليهم ؟؟ هالمرة اي وحدة تقولك خذ قياس قول ممنوع البوس مايرضى، خل يجيبون قياس من عندهم شنو تتوقع كان الرد ؟؟
ان هالحرمة اللي طلعت قبل ياته ومارضى ياخذ قياس وزفته زف وقطت الثياب في ويهه.. ويقول يهاوشونه اذا ماياخذ قياس لهم !! بالمقابل يوم شافت اخوي برع عند الباب عدلت عباتها !! ( وحطينا لافته كتبنا عليها الرجاء احضار القياس معكِ)

هالفئة شتقولون عنهم ؟؟

و هذا مثال آخر ..

عقد اللآلي

11-07-2010, 08:45 PM

أخي الكريم

هذا هو التصرف السليم للفتاة المسلمة

من حق الفتاه أن تشتري ما تحتاجه ، وأن تناقش البائع وتفاصل معه في السعر ،

وأن تكشف عن وجهها إذا كانت تلبس غشوة ، لترى السلعة المراد شرائها بوضوح وتقوم بفحصها ،

فالحاجةِ تقدر بقدرها ،

أما أنتَ ، فرجل غريب ،

وليسَ من حقك أن ترى وجهها ،

وليسَ من حقك أن تسمع صوتها ونقاشها ،

وليس من حقك أن تتكلم معها ،

ولا تنسى أن الحياء صفة من صفات الفتاة المسلمة ،

كما إن الحياء شعبة من شعب الإيمان ، وذلك للرجل والمرأة ،

لذلك فخروجك من المحل ، وترك الخصوصيةَ لهن ، هو التصرف السليم ،

وتقبل خالص تحياتي وتقديري .

اسمح لي أخي السياسي ، لم أفهم حديثك السابق !!

حياء المرأة يجب أن يكون من أي رجل قطريا كان أم أجنبيا . صحيح أن الأمور تقدر بقدرها،

وأن كشف الوجه أو تغطيته أمر تقدره المرأة والموقف الذي تكون فيه ، ولكن كون البائع يحق

لها أن تكشف أمامه والقطري ابن البلد غريب ولايجب ان يرى وجهها شيء لايمكن فهمه!

الرجل رجل . وأين خصوصية المرأة في وقوفها مع رجل غريب وهو البائع حتى تقول للذي

يدخل المحل : " فخروجك من المحل وترك الخصوصية لهن هو التصرف السليم"؟!

هل لك أن توضح قولك؟

السياسي القطري

11-07-2010, 11:11 PM

اسمح لي أخي السياسي ، لم أفهم حديثك السابق !!

حياء المرأة يجب أن يكون من أي رجل قطريا كان أم أجنبيا . صحيح أن الأمور تقدر بقدرها،

وأن كشف الوجه أو تغطيته أمر تقدره المرأة والموقف الذي تكون فيه ، ولكن كون البائع يحق

لها أن تكشف أمامه والقطري ابن البلد غريب ولايجب ان يرى وجهها شيء لايمكن فهمه!

الرجل رجل . وأين خصوصية المرأة في وقوفها مع رجل غريب وهو البائع حتى تقول للذي

يدخل المحل : " فخروجك من المحل وترك الخصوصية لهن هو التصرف السليم"؟!

هل لك أن توضح قولك؟

أختي الكريمه

ما أقصدهُ هو إنهُ في حالة وجود مجموعة من النساء يتبضعن من أحد المحلات ،

فإنه يجب على الرجال والشباب عدم مزاحمتهن في ذلك المحل ، وإنما تركهن ليشتروا ما يحتاجونه بدون إحراج أو إزعاج ،

وهذا تصرف ينم في إعتقادي على الذوق السليم ، وعلو الأخلاق ، وحسن التصرف ،

خالص تحياتي .

الأصيلة

11-07-2010, 11:29 PM

صراحة موضوع مهم ويحتاج مناقشة...
وجود الرجل مع الحريم في محلات خاصة بالنساء خطأ....
احراج كبير لي أنا شخصيا لو دخلت محل أقمشة
أو خياط أو ملابس نسائية أو محل مكياج أو محل أواني منزلية...
ووجدت رجل يزاحم النساء عشان زوجته قاعده تشتري...
طيب تقدر تنتظرها بالخارج ..
يعني ماصار اهتمامك بها الا هنا....
الكثير من الرجال يدخل يشوف القياسات على زوجته أو يختار الموديل ويناقش الخياط
بدون احساس باحراج الأخريات...
وما يقهرني الا وجود الرجال وبالذات في محل
فت ول الممرات ضيقة والأخ قاعد يتمشى ويتنقى في شباصات الشعر والشيل وملابس الخدامات
والمكياج والخيوط والأزرة...
صراحة موقف مايناسب شخصية الرجل المحترم...
في حين وجود البائع ضروري في المحل ونضطر لتداول الحديث معه بشأن السعر والموديل
لكن لا يعني كشف الوجه له دون غيره من الرجال...
وأعتقد الكثير من النساء يفعلن ذلك لعلمهم أن هذا الهندي الشبيه بالسائق والطباح الموجود في البيت دائما..
ماراح ينكر عليهم شي ولا رح يتكلم ويجيب طاريهم أصلا...
عكس اللي لابس الغترة والعقال يمكن يعرفهم أو يذكرهم عند أحد في مجلس أو ماشابه ذلك...

Index Signal

12-07-2010, 05:05 AM

ما عندك سالفه يوم إنك طلعت من المحل ..

السوق مكان عام وإنت ما دخلت عليها في بيتها ..!!

إذا هي مب مرتاحه خلها تروح محل ثاني .

Index Signal

12-07-2010, 05:07 AM

صراحة موضوع مهم ويحتاج مناقشة...
وجود الرجل مع الحريم في محلات خاصة بالنساء خطأ....
احراج كبير لي أنا شخصيا لو دخلت محل أقمشة
أو خياط أو ملابس نسائية أو محل مكياج أو محل أواني منزلية...
ووجدت رجل يزاحم النساء عشان زوجته قاعده تشتري...
طيب تقدر تنتظرها بالخارج ..
يعني ماصار اهتمامك بها الا هنا....
الكثير من الرجال يدخل يشوف القياسات على زوجته أو يختار الموديل ويناقش الخياط
بدون احساس باحراج الأخريات...
وما يقهرني الا وجود الرجال وبالذات في محل
فت ول الممرات ضيقة والأخ قاعد يتمشى ويتنقى في شباصات الشعر والشيل وملابس الخدامات
والمكياج والخيوط والأزرة...
صراحة موقف مايناسب شخصية الرجل المحترم...
في حين وجود البائع ضروري في المحل ونضطر لتداول الحديث معه بشأن السعر والموديل
لكن لا يعني كشف الوجه له دون غيره من الرجال...
وأعتقد الكثير من النساء يفعلن ذلك لعلمهم أن هذا الهندي الشبيه بالسائق والطباح الموجود في البيت دائما..
ماراح ينكر عليهم شي ولا رح يتكلم ويجيب طاريهم أصلا...
عكس اللي لابس الغترة والعقال يمكن يعرفهم أو يذكرهم عند أحد في مجلس أو ماشابه ذلك...

لا تعليق بصراحه على طريقة التفكير .

هدى ورحمه

12-07-2010, 06:19 AM

اكيد شكلك اقشر وتخوف الحريم :) والا يمكن مطوع !! يجوز

يا مخوف الحريم

بو خليفه 123

12-07-2010, 08:36 AM

على فكرة .. العكس صحيح

إذا واحد دخل محل وقعد يسولف ويتناقش ويضحك مع البائعة الشامية الشقراء .. وفجأه دخلوا بنات هل قطر المحل .. إيش ردة فعله وفعلها ؟؟

أكيد راح يستحي ويعدل من وقفته وينهي ماكان يفعلة ويصبح رسمي أكثر

مجرد رأي

نعم هذا رأي , و لكن ليس لديه اي صله بموضوعي .. لأن استفساري "مابين السطور" يتكلم عن الحياء بشكل عام .. و ليس على الثوب والغتره فقط .

و ربط مثالك بموضوعي "ماله خص" بتاتاً

تقبّل تحياتي ..

بوخالد2

12-07-2010, 08:43 AM

اى والله انك صادق يابوخليفه

مره من المرات كنت داخل محل ولا وحده رافعه الساق وتقيس الجوتي تخيل الساق باين والله

لا وذاك يقول لها اى حلو جربي قيسيه مره ثانيه

وفجاه حست فيني والله ونزلي العبايه ههههههه وي وي وي رجال ؟

طبعا اصبحت في ذهول !!

ليش الاخ اللى يقيس مب رجال مثلا ماعنده احساس ؟؟

الله يعين بس

اللى اتربي على السنع والدين الاسلامي بتغدي مره فيها الخير ومشرفه لبيتها

بنت ابوها 19

12-07-2010, 08:48 AM

انجيبها لكم من الاخر لو جا ريال وشاف حرمه تغطت يعني افهم (( اذلف برع ))
اكيد ماتغطت اله المحل نسائي
ويكثرررررررررررررهم شباب هل اليومين يدخلون محلات الحريم
شيبون ماعرف والله اوقات اقول لاختي امشي نسق لهم اللوان لانه شكلهم غلط ودخلتهم للمحل غلط

في ستين الف محل رجالي بالدوحه لكن والله ماعمري لمحت بنت فيه
لكن المحلات النسائيه اوووهووو ياكثر الريايل فيهم

لا والقهر منزلين موضوع انه منبطه جبدهم من الحركه
بالاول انت شجايبك ومدخلك المحل بالاساس والله لو انا استحي ...
لو ماتبي تقابل هل الموقف مره 2
لاترز الفيس بالمحلات النسائيه لانه البنات والله يتطنزون ع الريايل الي يسونها ..

Index Signal

12-07-2010, 08:56 AM

انجيبها لكم من الاخر لو جا ريال وشاف حرمه تغطت يعني افهم (( اذلف برع ))
اكيد ماتغطت اله المحل نسائي
ويكثرررررررررررررهم شباب هل اليومين يدخلون محلات الحريم
شيبون ماعرف والله اوقات اقول لاختي امشي نسق لهم اللوان لانه شكلهم غلط ودخلتهم للمحل غلط

في ستين الف محل رجالي بالدوحه لكن والله ماعمري لمحت بنت فيه
لكن المحلات النسائيه اوووهووو ياكثر الريايل فيهم

لا والقهر منزلين موضوع انه منبطه جبدهم من الحركه
بالاول انت شجايبك ومدخلك المحل بالاساس والله لو انا استحي ...
لو ماتبي تقابل هل الموقف مره 2
لاترز الفيس بالمحلات النسائيه لانه البنات والله يتطنزون ع الريايل الي يسونها ..

واضح إنج منهم والموضوع عورج ..!!

بنت ابوها 19

12-07-2010, 09:05 AM

واضح إنج منهم والموضوع عورج ..!!

اي اعترف اني لو شفت واحد ملغ داش المحل على طول اتغطي بعد شسوي اذا هو مايستحي وراز ويهه بالمحل عيل خلني اتغطي انا ..

شلي بيدي اسويه اكثر اذا هو قوي ويه ولا يستحي ويخجل ..

اذا بالمحلات ماكشفنا وشفنا الاثياب على راحتنا عيل وين نكشف بالممرات ولا الشارع ؟؟؟

Index Signal

12-07-2010, 09:16 AM

اي اعترف اني لو شفت واحد ملغ داش المحل على طول اتغطي بعد شسوي اذا هو مايستحي وراز ويهه بالمحل عيل خلني اتغطي انا ..

شلي بيدي اسويه اكثر اذا هو قوي ويه ولا يستحي ويخجل ..

اذا بالمحلات ماكشفنا وشفنا الاثياب على راحتنا عيل وين نكشف بالممرات ولا الشارع ؟؟؟

و البياع إللي بالمحل وشو وضعه بالضبط من وجهة نظرج .. ممكن تنورينا ..؟!

عادي يعني تكشفين قدامه و تاخذين راحتج ..؟!

عموما بالنسبه للرجل إللي داخل محل نسائي مع أهله فهو يستحق الإشاده و ليس الإنتقاد إلا إذا كان محل ملابس داخليه أما محل ثاني المفروض إنه يكون مع أهله وهذا هو الوضع السليم و ليس العكس..!!

أما الرجل إللي داخل محل نسائي لحاله بدون أهله فهذا موضوع ثاني و معروف غرضه .

بو خليفه 123

12-07-2010, 09:43 AM

الأخت بنت ابوها 19

بما اني صاحب الموضوع اطلب منك عدم استخدام المصطلحات مثل "راز الفيس" و "ملغ" و الخ الخ التي لا تحلو بمستوى موضوعي .

مع الشكر , و تقبلي تحياتي .

hamoor4ever

12-07-2010, 10:07 AM

اذا هالسالفه اشوه شتقولون عن اللي كاشفه ويها بدوله اجنبيه يوم شافتني مريت ولاني قطري تغطت ههههه على فكره كشف الوجه غير مخالف للشرع برأي شيوخ الدين الكثيرين ، عموما كل واحد وراحته

بنت ابوها 19

12-07-2010, 10:12 AM

و البياع إللي بالمحل وشو وضعه بالضبط من وجهة نظرج .. ممكن تنورينا ..؟!

عادي يعني تكشفين قدامه و تاخذين راحتج ..؟!

عموما بالنسبه للرجل إللي داخل محل نسائي مع أهله فهو يستحق الإشاده و ليس الإنتقاد إلا إذا كان محل ملابس داخليه أما محل ثاني المفروض إنه يكون مع أهله وهذا هو الوضع السليم و ليس العكس..!!

أما الرجل إللي داخل محل نسائي لحاله بدون أهله فهذا موضوع ثاني و معروف غرضه .

انا ماشوف الريايل مع الحريم اله يمكن الي يصادفوني اثنين ولا ثلاث
كل ابوهم الي انصادفهم يومياً شباب مجموعه بدون اهلهم ويدخلون المحلات النسائيه ويدرون بلا هدددددف بس عشان يظايقونا

واذا جينا على البياع ترا هني مكان شغله وقاعد يشتغل مب متفرغ يقز مثل الي داش بلى شغله وقاعد يدور بين خلاجين الحريم

والبياعين ولا عمري صادفت وياهم موقف خايس
لانه يكونون ع الكونتر ومش متفرغين لحد
وحتى لو سالته الي مرت شنو شكلها والله مااايدري شالطبخه

البياع رجال لكن في محل عمله وقاعد يشتغل ومجبور
لكن موضوعنا عن الي داخل بلا شغله ولا مشغله ..
وداخل عشان بس يتلفت بالمحل يمين ويسار
اكيد بتغطى لانه هو مادخل المحل اله عشان يشوف بنات خلق الله

بنت ابوها 19

12-07-2010, 10:13 AM

الأخت بنت ابوها 19

بما اني صاحب الموضوع اطلب منك عدم استخدام المصطلحات مثل "راز الفيس" و "ملغ" و الخ الخ التي لا تحلو بمستوى موضوعي .

مع الشكر , و تقبلي تحياتي .

ابشررر :discuss:

Index Signal

12-07-2010, 10:27 AM

انا ماشوف الريايل مع الحريم اله يمكن الي يصادفوني اثنين ولا ثلاث
كل ابوهم الي انصادفهم يومياً شباب مجموعه بدون اهلهم ويدخلون المحلات النسائيه ويدرون بلا هدددددف بس عشان يظايقونا

واذا جينا على البياع ترا هني مكان شغله وقاعد يشتغل مب متفرغ يقز مثل الي داش بلى شغله وقاعد يدور بين خلاجين الحريم

والبياعين ولا عمري صادفت وياهم موقف خايس
لانه يكونون ع الكونتر ومش متفرغين لحد
وحتى لو سالته الي مرت شنو شكلها والله مااايدري شالطبخه

البياع رجال لكن في محل عمله وقاعد يشتغل ومجبور
لكن موضوعنا عن الي داخل بلا شغله ولا مشغله ..
وداخل عشان بس يتلفت بالمحل يمين ويسار
اكيد بتغطى لانه هو مادخل المحل اله عشان يشوف بنات خلق الله

ما أظن في آيه أو حديث يسمحون لج تاخذين راحتج أمام البياع للتبريرات إللي ذكرتيها و تتغطين بس أمام الزباين ..!!

يظل البياع رجل حاله من حال كل الرجال مهما كانت جنسيته و يحس مثل كل الرجال ..

بالعكس يمكن يكون البياع أخطر و يختلس النظر لمعرفته بنظرتكم له غير عن الشخص إللي بيعاكس و نيته واضحه و ظاهره و تقدرين تحمين نفسج منه .

bojassem33

12-07-2010, 10:32 AM

مرحبا بوخليفة123
تسلم هذا هم اصادفه احيانا رغم اني يالله اروح مجمع ما احب لكن اذا صادفني هالموقف مع تافف تطلع بعض الاحيان كلامات

vip_qa

12-07-2010, 10:49 AM

يعني اللي يشتغل في المحل عادي مب ريال واللي يدخل مع اهله والا يشتري له غرض هو الريال من وجهة نظركم يالبنات

شهالتناقض في الكلام هم رجال لهم نفس الاسلوب ونفس الغريزة باختلاف الوانهم وجنسياتهم وبعدين انتوا في مكان عام لازم الوحده تتقيد بلباسها الشرعي وين ماكانت خوف من الله عزوجل
لا من اجل فلان والا فلان

وكلن يعود على اصله ومرباه

(( والحياء نقطه ))

عسولي قطري

12-07-2010, 11:24 AM

لقول النبي –صلى الله عليه وسلم-: "يا علي لا تتبع النظرة النظرة، فإن لك الأولى وليست لك الآخرة" رواه أبو داود (2149)، والترمذي (2777) وحسنه الألباني.
فإذا كان نظرك قد وقع للوهلة الأولى بدون قصد فليس عليك شيء، ويجب أن تصرف بصرك. وإذا تعمد الإنسان النظر فإن هذا يدخل في زنا النظر الذي قال فيه النبي –صلى الله عليه وسلم-: "إن الله كتب على ابن آدم حظه من الزنا أدرك ذلك لا محالة. فزنا العين النظر" متفق عليه. صحيح البخاري (6243)، وصحيح مسلم (2657).

الصريحه

12-07-2010, 11:26 AM

الله يهديهم ..

والله النقاب استر ..

بس مياعه عند البعض شتسوي عاد انت :rolleyes2:

وياج لكن وش عاد نقول وين الاهل؟

qatari 111

12-07-2010, 12:08 PM

اخوي بو خليفه موضوعك ما يحتاج اي تفسير البنت حره في نفسها واهلها هم اللي ربوها على عالطريقه هاذي والعاده هاذي من زمان نشوفها والغلط انك طلعت من المحل وخليت اهلك داخل المحل وفيه رجال اللي يبيع
وكل وحده حره في تصرفها انت خلك في اهل بيتك وريح نفسك ولا تحرق اعصابك بالعاده هاذي المريضه
وبعدين اقول لبعض البنات والحريم في شي اسمه نقاب اسلامي فيها فتحتين صغار للعيون فهذا اهون لها من انها تشيل وتزنل الشيله علشان تعاين السلعه .
والهندي اللي تقولون انه مسكين وما تجراء لا تنسون انه عززووبي ومغترب وغير الديانه بعد لها دور كبير
وفي بعض العضوات الله يصلحهن يفكرون ان بعض الشباب اذا دخل محل نسائي عام يفتكرون انه جاي يغازل
احب اقولهم انا من الناس اللي ادخل محل النساء من غير اهلي واتبضع لان اهلي من النوع اللي ما يحبون التفرفر فالسوق .
وفالاخر اخوي بو خليفه لا تعور راسك بالعاده المريضه هاذي لانهم تربوا عليها من ابوهم واهمهم ولل يهمهم االخوف من الله سبحانه وتعالى ماخذينها عادات وتقاليد ولا اكثر لبعض البنتات والحريم الله يهديهم ويستر عليهم

غزلان

12-07-2010, 12:12 PM

الله يهديهم

دايم اشوف هالحركه

بو خليفه 123

12-07-2010, 01:05 PM

شفت وايد من البنات اسوون هالحركة بمجرد اني ادخل واسلم اتلف وجهها واتغطى
وبعضهم على طول يطلعون - وبعضهم لا حركاتهم غير ويمكن البعض لاحظ اذا ادخل مع زوجي وهالنوع من البنات موجودات اتحط الشيلة على نص وجهها واتم اتكز وعقب اتغطى
الله يهديهم

هذا يرجع للتربيه المرءه المحافضه ما راح تنكشف على احد حتى اقرب ناس لها

يمكن ماتبي تكشف لأحد من حولها مدى قدرتها في اغناع البائع في تنزيل السعر

لازم فيها ابتسامه وكلام ناعم ( يالله عاد ) ;)

ومن تشوف رجال أف خرب علي وينه جاي

يحي هذي النوعيه ملا الي تغزك وهلك وياك هذي الي مالها حل

تختلف وجهات النظر حول هذا الموضوع و لكن الفكر واحد والكل يتفق معي من ناحية هذي الحركه الغريبه ..

و ارجو من بعض الاخوه عدم اسائة الظن ..

بو خليفه 123

13-07-2010, 08:24 AM

بو خليفه - مساء الفل

معلش اقولك شىء فى الاول الاخر هى حره تكشف تغطى هذا شىء راجع لها

ومن ناحيه ثانيه

هل كشفها او تغطيتها هتفيدك او هضرك بشىء ؟

اتوقع لأ

وهذه الاشياء تحدث دائماً من بعض البنات

أخي بيانو استفساري لا يتعلق بالمضره او الاستفاده بشيء اتمنى ان تقرأ مابين الاسطر قبل الرد ..

اتوقع انت لست من أهل البلد فلذلك هناك اختلاف في السلوم والعادات من هذي الناحيه , و لكن الشرع واحد من ناحية الحياء والكشف على الرجال , راجع الكتب و رد علي ..

عين قطر

13-07-2010, 10:55 AM

هذي قلة الدين وما تسوي
الله يثبتا على الدين والمحافظه عليه

الشمريه

13-07-2010, 11:02 AM

اووووف يابوخليفه انا مايقهرني في الحياه كثر هالموقف .. ودي امسك البنت واصفقها والمشكله اذا دشيت محل وفيه وحده كاشفه تقعد تافف وتحلطم وعقب تغشى ..

انزين يابنت اللذين الهندي مب رجال ولاعادي يعني صار الهندي واحد من وفينا

:telephone:

FAUCHON

13-07-2010, 11:54 AM

صدقت اخوي والادهى من ذلك انها ممكن حتى قدام الدريول ما تلبس الشيله خير شر
واذا شافت قطري على طوول تغطت

موقف صار قدامي في نادي للسيدات قالو عامل بيدخل وحده قالت فلبيني يعني عادي !!!!!

@@

هذا التناقض بعينه وعلمه ..~

لبس الحجاب كعادات وتقاليد وليس كديانه وفرض

نفس الشي ف الصالونات

الله المستعان

بو خليفه 123

13-07-2010, 12:26 PM

الله يهديهم ..

والله النقاب استر ..

بس مياعه عند البعض شتسوي عاد انت :rolleyes2:

السالفه مهب سالفة نقاب الله يسلمك ..

ماهو المثل يقولك ياما تحت السواهي دواهي ؟

ذيبة الريان

13-07-2010, 01:01 PM

للأسف معروفين شباب قطر بالفضول ولازم يعرفون من هالفلانه ؟
والعامل بالمحل ماراح يلحقها لين بيتهم أو يسبب لها مشاكل
مثل ما القطري لا شافها كاشفه وحلوه رافقها من بدايه السوق لآخره

ومثل ما الشباب القطريين يسمحون لبناتهم بالركوب مع سائق واعتباره فرد من العائله ؟

واذا جاهم ضيف رجال صارت حاله استنفار في البيت ومستحيل احد يشوف اهله

نفس النظرية تقريباً

qqaattaarr

13-07-2010, 03:45 PM

الله يهديهم

بس مواتر

13-07-2010, 06:54 PM

حسبنا الله ونعم الوكيل

يعنى مادري القطري رجال والأجنبي مب رجال ولا شنو القصة

الحجاب المفروض على الكل مب على الجنسية

Index Signal

14-07-2010, 04:12 AM

هالموضوع فتح عيني على طريقة تفكير بعض البنات ..!!

و أثبت لي إن إلتزامهم بالزي الوطني هو من باب العادات و التقاليد و ليس الدين ..

الله يهديهم و يستر عليهم .

بو خليفه 123

14-07-2010, 08:20 AM

اسمحيلي آخالفج بالرآي,,, ولكن لو كان ايش ماكانت جنسيته يظل رجل له غرائز
واحب اذكركم بقوله تعالى:
" وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منها وليضربن بخمرهن على جيوبهن " ( النور 30) .

وكذلك حديث ابن مسعود رضي الله عنه عن النبي صلى الله عليه وسلم قال : ( المرأة عورة فإذا خرجت استشرفها الشيطان) . أخرجه الترمذي بإسناد صحيح ( الإرواء 1/303) (وأصل الاستشراف: وضع الكف فوق الحاجب ورفع الرأس للنظر. والمعنى أن المرأة إذا خرجت من بيتها طمع بها الشيطان ليغويها أو يغوي بها).
وهذا الحديث نص في أن المرأة كلها عورة ولم يستثن النبي صلى الله عليه وسلم منها شيء .

وهذي تفاسير بعض كبار علماء المسلمين رحمهم الله

قال النووي رحمه الله (ت676هـ) في المنهاج ( وهو عمدة في مذهب الشافعية ) : " و يحرم نظر فحل بالغ إلى عورة حرة كبيرة أجنبية وكذا وجهها وكفها عند خوف الفتنة ( قال الرملي في شرحه : إجماعاً ) وكذا عند الأمن على الصحيح " . قال ابن شهاب الدين الرملي رحمه الله (ت1004هـ) في شرحه لكلام النووي السابق : " و وجهه الإمام : باتفاق المسلمين على منع النساء أن يخرجن سافرات الوجوه ، وبأن النظر مظنة الفتنة ، و محرك للشهوة .. وحيث قيل بالتحريم وهو الراجح : حرم النظر إلى المنتقبة التي لا يبين منها غير عينيها و محاجرها كما بحثه الأذرعي ، و لاسيما إذا كانت جميلة ، فكم في المحاجر من خناجر "اهـ (نهاية المحتاج إلى شرح المنهاج في الفقه على مذهب الشافعي 6/187ـ188) .
قال النسفي الحنفي رحمه الله (ت701هـ) في تفسيره لقوله تعالى : ( يدنين عليهن من جلابيبهن ): " يرخينها عليهن ، و يغطين بها وجوههن وأعطافهن " (مدارك التنزيل 3/79) .
قال شيخ الإسلام ابن تيمية رحمه الله (ت728هـ): " وكشف النساء وجوههن بحيث يراهن الأجانب غير جائز. وعلى ولي الأمرِ الأمرُ بالمعروف والنهى عن هذا المنكر وغيره ، ومن لم يرتدع فإنه يعاقب على ذلك بما يزجره " ( مجموع الفتاوى 24 / 382 ) .
قال ابن جزي الكلبي المالكي رحمه الله (ت741هـ) في تفسيره لقوله تعالى : ( يدنين عليهن من جلابيبهن ) : " كان نساء العرب يكشفن وجوههن كما تفعل الإماء ، وكان ذلك داعياً إلى نظر الرجال لهن ، فأمرهن الله بإدناء الجلابيب ليستر بذلك وجوههن " ( التسهيل لعلوم التنزيل 3/144).
قال ابن القيم رحمه الله (ت751هـ) في إعلام الموقعين ( 2/80) : " العورة عورتان : عورة النظر ، وعورة في الصلاة ؛ فالحرة لها أن تصلي مكشوفة الوجه والكفين ، وليس لها أن تخرج في الأسواق و مجامع الناس كذلك ، والله أعلم ".

يعني لاهندي ولا قطري ولا ياباني
تقبلوا مروري

الاحاديث تكفي و توفي

بنت ابوها 19

14-07-2010, 08:22 AM

هالموضوع فتح عيني على طريقة تفكير بعض البنات ..!!

و أثبت لي إن إلتزامهم بالزي الوطني هو من باب العادات و التقاليد و ليس الدين ..

الله يهديهم و يستر عليهم .

شدخل الدين ياخوي

ليكون بنفصخ الشيله والعباه بالمحل وانا مادري

كل الموضوع كشف وجه وكشف الوجه حلال

بو خليفه 123

14-07-2010, 08:50 AM

شدخل الدين ياخوي

ليكون بنفصخ الشيله والعباه بالمحل وانا مادري

كل الموضوع كشف وجه وكشف الوجه حلال

كلام قوي

يبدو ان بنت ابوها مصّره على رأيها ..

مشاغب

14-07-2010, 02:31 PM

لا عندهم اعتقاد جازم القطري رجل ومن المحرامات حرام يطلع عليهم والاجنبي حلال

جاكوار

14-07-2010, 07:07 PM

أخي الكريم

هذا هو التصرف السليم للفتاة المسلمة

من حق الفتاه أن تشتري ما تحتاجه ، وأن تناقش البائع وتفاصل معه في السعر ،

وأن تكشف عن وجهها إذا كانت تلبس غشوة ، لترى السلعة المراد شرائها بوضوح وتقوم بفحصها ،

فالحاجةِ تقدر بقدرها ،

أما أنتَ ، فرجل غريب ،

وليسَ من حقك أن ترى وجهها ،

وليسَ من حقك أن تسمع صوتها ونقاشها ،

وليس من حقك أن تتكلم معها ،

ولا تنسى أن الحياء صفة من صفات الفتاة المسلمة ،

كما إن الحياء شعبة من شعب الإيمان ، وذلك للرجل والمرأة ،

لذلك فخروجك من المحل ، وترك الخصوصيةَ لهن ، هو التصرف السليم ،

وتقبل خالص تحياتي وتقديري .

:eek5:
:eek5:
:eek5:
:eek5:

لحضه لحضه شالسالفه

انت تمزح والا من جدك

:eek5:

يا شيخ وش الله حادها تلبس غشوه ليه ما تلبس نقاب والا برقع مطلع عيونها وتشوفه

انزين ليه تكشف والوجه فل ميك اب

اتمنى انك تمزح ولا تربط هالشي بالدين الاسلامي لان الدين بريء من هالعاده

واذا تبيها للدين

((وليضربن بخمورهن على جيوبهن))

عائشه رضي الله عنها قالت رحم الله نساء الانصار عندما نزلت هذه الايه اصبحن كالغربااان

يعني سوااااااااااااااد ما يبين منهم شي

موب لا راحت السوق كشفت عشان تشوف البضاعه

وبعدين الحياء فالمراه من كل رجل فالعالم موب الهندي والبياع غير

طيب بسالك لو اللي يبيع قطري بتكشف عشان تشوف البضاعه <<اذا جاوبت على هالسؤال لك حق الرد علي

ولو اني ما استغرب من بنات هاليومين شي

اتمنى انك فهمت وجه نظرنا فالموضوع :omen2:

جاكوار

14-07-2010, 07:11 PM

اي اعترف اني لو شفت واحد ملغ داش المحل على طول اتغطي بعد شسوي اذا هو مايستحي وراز ويهه بالمحل عيل خلني اتغطي انا ..

شلي بيدي اسويه اكثر اذا هو قوي ويه ولا يستحي ويخجل ..

اذا بالمحلات ماكشفنا وشفنا الاثياب على راحتنا عيل وين نكشف بالممرات ولا الشارع ؟؟؟

رجال دخل شاف مره كاشفه وتفرج عليها صار هو ما يستحي

والمراه اللي كاشفه وجهها تستحي

من الغلطان ؟؟؟

طبعا لو ما شافها كاشفه كان ما شافها يعني هي الغلطانه يعني هي اللي ما تستحي

للاسف وين وصل تفكير بعض بناتنا

بعدين شوفي الثياب والبضاعه على راحتج

لو بغيتي تغطين كان قدرتي تشوفينها وانتي متغطيه

كان لبستي نقاب وشفتي على راحتج

حليتان*

14-07-2010, 08:14 PM

بووووووووو هالمواقف شكثر صادتني

مره تهاوشت مع ظابط بالهسبه في المستشفى

Index Signal

15-07-2010, 02:00 AM

شدخل الدين ياخوي

ليكون بنفصخ الشيله والعباه بالمحل وانا مادري

كل الموضوع كشف وجه وكشف الوجه حلال

دام إنه حلال ليش معترضه على كشف وجهج للزباين ..؟!

وإلا الكشف حلال على ناس و حرام على ناس ..!!

شهالتناقض .

بو خليفه 123

15-07-2010, 08:12 AM

دام إنه حلال ليش معترضه على كشف وجهج للزباين ..؟!

وإلا الكشف حلال على ناس و حرام على ناس ..!!

شهالتناقض .

هذي النقطه اللي ابي اوصلها للجميع

يا ابيض .. يا اسود

مافي رمادي ..

بو خليفه 123

15-07-2010, 08:14 AM

:eek5:
:eek5:
:eek5:
:eek5:

لحضه لحضه شالسالفه

انت تمزح والا من جدك

:eek5:

يا شيخ وش الله حادها تلبس غشوه ليه ما تلبس نقاب والا برقع مطلع عيونها وتشوفه

انزين ليه تكشف والوجه فل ميك اب

اتمنى انك تمزح ولا تربط هالشي بالدين الاسلامي لان الدين بريء من هالعاده

واذا تبيها للدين

((وليضربن بخمورهن على جيوبهن))

عائشه رضي الله عنها قالت رحم الله نساء الانصار عندما نزلت هذه الايه اصبحن كالغربااان

يعني سوااااااااااااااد ما يبين منهم شي

موب لا راحت السوق كشفت عشان تشوف البضاعه

وبعدين الحياء فالمراه من كل رجل فالعالم موب الهندي والبياع غير

طيب بسالك لو اللي يبيع قطري بتكشف عشان تشوف البضاعه <<اذا جاوبت على هالسؤال لك حق الرد علي

ولو اني ما استغرب من بنات هاليومين شي

اتمنى انك فهمت وجه نظرنا فالموضوع :omen2:

لو تلاحظ السياسي القطري في احدى مشاركاته الاخرى افاد بأنه لم يكن في كامل تفكيره عندما كتب هذه المشاركه ..

لكل عضو له عذره .. و اتوقع السياسي القطري على حسب توجهه السياسي يعارض هذا التناقض و لكن تحصل مع الجميع "عندما يخونك الكيبورد"

بو خليفه 123

15-07-2010, 01:19 PM

االموقف الاول :
يوم كنت في الجامعه .. اسال ربعي انتو ليش ماتتحجبون عن العمال وحدة ردت علي قالت : الا ذي هندي
قلت لها والهندي مش رجال قالت لأ .. القطري رجال بس
والموقف الثاني :
مادري وين كنت بس في السوق كانت وحدة متغشية ودخلت المحل وارفعت الغشوة وقامت تسال اللي يبيع وسالفة وضحكة وطبعا انا مستغربة من هالحرمة .. وفجاة طلعت اعرفها ، وسالتها لان الفضول ذابحني قلت لها انتي ليش تسولفين مع اللي يبيع وقاطة الميانه، ردت علي الا ذي ........ مهب عارفني ولا راح يقولون ذي فلانة بنت فلان .. ( تفكير تعبان شوي ) ..

اهلا بشمس الدوحه الحارقه ..

كلامك حارق و اشكرك على طرح المثال الحي ..

رساله للي مش عاجبه ..

الأصيلة

15-07-2010, 01:54 PM

هالمواقف كثيرة ومالها أول ولا تالي
وأنا اللي قاهرني هالخياط اللي تسمح له الوحده يقايس عليها وهو عنده فلبينية تقايس
والله بشوف عيني دخلت الخياط وأسمع في غرفة القياس صوت وحده والخياط معاها
لما طلع سالته ليش انت تقايس وصممت ... مع انه محترم والله..
قال هي تقول انت لازم تقايس علي عشان يكون مضبوط القياس..
وهي بنت ناس وعرب..
لاحول ولا قوة الا بالله...

بو خليفه 123

15-07-2010, 02:01 PM

صراحة موضوع مهم ويحتاج مناقشة...
وجود الرجل مع الحريم في محلات خاصة بالنساء خطأ....
احراج كبير لي أنا شخصيا لو دخلت محل أقمشة
أو خياط أو ملابس نسائية أو محل مكياج أو محل أواني منزلية...
ووجدت رجل يزاحم النساء عشان زوجته قاعده تشتري...
طيب تقدر تنتظرها بالخارج ..
يعني ماصار اهتمامك بها الا هنا....
الكثير من الرجال يدخل يشوف القياسات على زوجته أو يختار الموديل ويناقش الخياط
بدون احساس باحراج الأخريات...
وما يقهرني الا وجود الرجال وبالذات في محل
فت ول الممرات ضيقة والأخ قاعد يتمشى ويتنقى في شباصات الشعر والشيل وملابس الخدامات
والمكياج والخيوط والأزرة...
صراحة موقف مايناسب شخصية الرجل المحترم...
في حين وجود البائع ضروري في المحل ونضطر لتداول الحديث معه بشأن السعر والموديل
لكن لا يعني كشف الوجه له دون غيره من الرجال...
وأعتقد الكثير من النساء يفعلن ذلك لعلمهم أن هذا الهندي الشبيه بالسائق والطباح الموجود في البيت دائما..
ماراح ينكر عليهم شي ولا رح يتكلم ويجيب طاريهم أصلا...
عكس اللي لابس الغترة والعقال يمكن يعرفهم أو يذكرهم عند أحد في مجلس أو ماشابه ذلك...

هالمواقف كثيرة ومالها أول ولا تالي
وأنا اللي قاهرني هالخياط اللي تسمح له الوحده يقايس عليها وهو عنده فلبينية تقايس
والله بشوف عيني دخلت الخياط وأسمع في غرفة القياس صوت وحده والخياط معاها
لما طلع سالته ليش انت تقايس وصممت ... مع انه محترم والله..
قال هي تقول انت لازم تقايس علي عشان يكون مضبوط القياس..
وهي بنت ناس وعرب..
لاحول ولا قوة الا بالله...

مشاركتين منك يالاصيله يتضاربان مع بعض

هذي رأي .. و تلك رأي آخر لو ربطناهم مع بعض

باسكن روبنز

03-08-2010, 05:05 AM

يصير ارفع الموضوع بدون هواش ؟ ،

مب غلط نتعرف على اراء وعقليات بعضنا البعض ،

صباح الخيـر ، :)

غير عنهم

03-08-2010, 07:15 AM

حل هالمشكله سهل هو ان تقوم وزارة البلديه بمنع الرجال او(الذكور) من البيع في المحلات النسائيه ويكون الشرط موجود معى
الترخيص

الشقيان

08-08-2010, 01:49 AM

اووووف يابوخليفه انا مايقهرني في الحياه كثر هالموقف .. ودي امسك البنت واصفقها والمشكله اذا دشيت محل وفيه وحده كاشفه تقعد تافف وتحلطم وعقب تغشى ..

انزين يابنت اللذين الهندي مب رجال ولاعادي يعني صار الهندي واحد من وفينا

هههههههههههههههههههههه

صحاري الفكر

08-08-2010, 02:17 AM

انا اقول اللي تسوي هالحركات
ماعندها ثقة بنفسها
وواثق الخطوة يمشي ملكا
انا رايي ان الوحدة ياتتغطى عن كل الرجال
او انها تكشف مايصير تتغطى عن البعض وتكشف على البعض الاخر
تحيااااتي

Index Signal

08-08-2010, 02:29 AM

انا اقول اللي تسوي هالحركات
ماعندها ثقة بنفسها
وواثق الخطوة يمشي ملكا
انا رايي ان الوحدة ياتتغطى عن كل الرجال
او انها تكشف مايصير تتغطى عن البعض وتكشف على البعض الاخر
تحيااااتي

هذا إللي نقوله من الصبح ..

أنا أحترم قرار أي بنت سواء كانت متغشيه أو كاشفه وما عندي مشكله مع أي وحده منهم لأن ثنتينهم صح ..

لكن المتغشيه المفروض تحترم قرارها و نفسها عشان الناس يحترمونها ..

أما إنها تكشف للبياع و تضحك معاه و تسولف و تكاسر و لما يدخل زبون تتغشى و تتأفف بصراحه مب كفو إحترام لأنها ما إحترمت نفسها ولا قرارها .

miss cute

08-08-2010, 06:25 AM

القصه مب جي
يمكن لأن البنت تشوف أن البياع يطالع لها على أنها زبونه فقط وماتتعدى هالحد
وفي الف شي يرده عن أنه يتعدى حدوده
بس الريال مافي شي بيرده وتدري ان في شباب ماينعطون ويه لان ابسط حركه بيلحقونها
فهي تاخذ راحتها عند البياع لانه عارف حده ومكانه بس ثلاثة ارباع الشباب يايين حق القز
حتى اللي ويا اهاليهم

Index Signal

08-08-2010, 06:42 AM

القصه مب جي
يمكن لأن البنت تشوف أن البياع يطالع لها على أنها زبونه فقط وماتتعدى هالحد
وفي الف شي يرده عن أنه يتعدى حدوده
بس الريال مافي شي بيرده وتدري ان في شباب ماينعطون ويه لان ابسط حركه بيلحقونها
فهي تاخذ راحتها عند البياع لانه عارف حده ومكانه بس ثلاثة ارباع الشباب يايين حق القز
حتى اللي ويا اهاليهم

و هالكلام في أي شرع ..؟! أي دين ..؟! أي مذهب ..؟!

لا تزعلين من ردي بس كلامج مو منطقي نهائياً .. البياع رجل حاله من حال الزبون أو أي رجل من الرجال ..

كلهم لهم نفس المشاعر و نفس الغرائز حتى لو تهيأ لكم غير هالشي ..

و بصراحه أنا أحترم البنت الكاشفه ١٠٠٠ مره أكثر من المتغشيه على ناس و ناس ..!!

nouar

08-08-2010, 07:58 AM

من ايام الجامعة قديمه ...
اللي لابس غتره وثوب رجال امه غيره مب ...

مع اعتذاري للجميع

miss cute

08-08-2010, 08:40 AM

و هالكلام في أي شرع ..؟! أي دين ..؟! أي مذهب ..؟!

لا تزعلين من ردي بس كلامج مو منطقي نهائياً .. البياع رجل حاله من حال الزبون أو أي رجل من الرجال ..

كلهم لهم نفس المشاعر و نفس الغرائز حتى لو تهيأ لكم غير هالشي ..

و بصراحه أنا أحترم البنت الكاشفه ١٠٠٠ مره أكثر من المتغشيه على ناس و ناس ..!!

أنا ماتكلمت شرع ودين ومذهب وماييت من هالصوب

البياع يحترم ويحط حد وتلقاه اجنبي يعني ماينتظر الوحده ترفع غشوتها
اما بعض الشباب مب متعودين ومايصدقون خبر يشوفون وحده كاشفه عشان يلحقونها

وشي حلو أنك تحترم هالشي بس تعال علم الباقي وثانكس ع الكومنت

بو خليفه 123

08-08-2010, 12:58 PM

يصير ارفع الموضوع بدون هواش ؟ ،

مب غلط نتعرف على اراء وعقليات بعضنا البعض ،

صباح الخيـر ، :)

يبدو ان الموضوع لقي اهتمام واسع رغم غيابي

والكثير يعاني من هذي الظاهره ..

خيال شمر

08-08-2010, 01:02 PM

أخي الكريم

هذا هو التصرف السليم للفتاة المسلمة

من حق الفتاه أن تشتري ما تحتاجه ، وأن تناقش البائع وتفاصل معه في السعر ،

وأن تكشف عن وجهها إذا كانت تلبس غشوة ، لترى السلعة المراد شرائها بوضوح وتقوم بفحصها ،

فالحاجةِ تقدر بقدرها ،

أما أنتَ ، فرجل غريب ،

وليسَ من حقك أن ترى وجهها ،

وليسَ من حقك أن تسمع صوتها ونقاشها ،

وليس من حقك أن تتكلم معها ،

ولا تنسى أن الحياء صفة من صفات الفتاة المسلمة ،

كما إن الحياء شعبة من شعب الإيمان ، وذلك للرجل والمرأة ،

لذلك فخروجك من المحل ، وترك الخصوصيةَ لهن ، هو التصرف السليم ،

وتقبل خالص تحياتي وتقديري .

ياسلاااام ياسلااااام الكتب لاعبه لعبتها في مخك

ماريسا

08-08-2010, 03:05 PM

لأن هالفئة ما تحترم مبادئها الشخصية
تغطي ويهها لأنها عارفة في قرارة نفسها ان اللي تسويه غلط و عيب
الحمدلله و الشكر

الشقيان

08-08-2010, 11:48 PM

لانك رجال

:omg::eek5:

Index Signal

09-08-2010, 12:05 AM

لأن هالفئة ما تحترم مبادئها الشخصية
تغطي ويهها لأنها عارفة في قرارة نفسها ان اللي تسويه غلط و عيب
الحمدلله و الشكر

عليج نور .. هذا إللي بوصل له ..

الإنسان إللي يحترم مبادئه يستحق إحترام الغير له ..

بغض النظر عن هذه المبادئ سواء كنا معاها أو ضدها ..

أما إللي يناقض نفسه ولا يحترم مبادئه و يطبقها على ناس و ناس بالتأكيد محد بيحترمه .

باسكن روبنز

09-08-2010, 02:27 AM

و هالكلام في أي شرع ..؟! أي دين ..؟! أي مذهب ..؟!

لا تزعلين من ردي بس كلامج مو منطقي نهائياً .. البياع رجل حاله من حال الزبون أو أي رجل من الرجال ..

كلهم لهم نفس المشاعر و نفس الغرائز حتى لو تهيأ لكم غير هالشي ..

و بصراحه أنا أحترم البنت الكاشفه ١٠٠٠ مره أكثر من المتغشيه على ناس و ناس ..!!

ياويلي على ردك يالذيب قلت الي بخاطري ، :victory:

بو خليفه 123

09-08-2010, 09:54 AM

ياويلي على ردك يالذيب قلت الي بخاطري ، :victory:

الموضوع ساخن جداً - يجب توزيع آيسكريم من باسكن روبنز لتبريد الحراره

و يفضل Lemon flavour

:)

Index Signal

09-08-2010, 10:31 AM

الموضوع ساخن جداً - يجب توزيع آيسكريم من باسكن روبنز لتبريد الحراره

و يفضل Lemon flavour

:)

أتفق معاك بعنف :court:

لكن إللي بالي بالك ما ياكلون معانا داخل الموضوع :anger1:

نعطيهم نصيبهم Take Away ياكلونه في بيوتهم ..!!

بنت شيوخ

09-08-2010, 11:03 AM

اشكرك اخوي على الموضوع

انت تقول لما شافتك تغطت لانك رجل .......

انزين وش رايك باللي كاشفه وتسوالف مع راعي المحل ولما دخلنا عليها احنا بنات مو شباب تغطت ؟؟؟؟؟؟

هاااي الشئ الغريب

Index Signal

09-08-2010, 11:09 AM

اشكرك اخوي على الموضوع

انت تقول لما شافتك تغطت لانك رجل .......

انزين وش رايك باللي كاشفه وتسوالف مع راعي المحل ولما دخلنا عليها احنا بنات مو شباب تغطت ؟؟؟؟؟؟

هاااي الشئ الغريب

:eek5: <--- هذا حالي بعد قراءة هالرد ..!!

لا تعليق .

بو خليفه 123

09-08-2010, 11:15 AM

اشكرك اخوي على الموضوع

انت تقول لما شافتك تغطت لانك رجل .......

انزين وش رايك باللي كاشفه وتسوالف مع راعي المحل ولما دخلنا عليها احنا بنات مو شباب تغطت ؟؟؟؟؟؟

هاااي الشئ الغريب

في ظنك ماهو السبب ؟

Index Signal

09-08-2010, 11:39 AM

في ظنك ماهو السبب ؟

خلل في المبادئ مصحوب بعدم إحترام للذات .

لجين

09-08-2010, 11:53 AM

اشكرك اخوي على الموضوع

انت تقول لما شافتك تغطت لانك رجل .......

انزين وش رايك باللي كاشفه وتسوالف مع راعي المحل ولما دخلنا عليها احنا بنات مو شباب تغطت ؟؟؟؟؟؟

هاااي الشئ الغريب

فعلا اختي لاحظت هالشي واااايد

مو بس في المحل حتى برى المحل تكون كاشفة وجهها ومن نمر تتغطى

والاغرب الممر يكون فيه شباب .. خاطري اعرف شالسبب !!!

بو خليفه 123

09-08-2010, 12:04 PM

خلل في المبادئ مصحوب بعدم إحترام للذات .

اذاً هذا هو عنوان اساس المشكله ؟

:pic:

ام شوشي

09-08-2010, 12:35 PM

بنظري انا ان الرجال رجال سواء كان سايق ولا طباخ ولا خياط ولا بائع انا اعرف ناس مع سايقهم دق سوالف وهي كاشفة وبا المكياج ومع الغير متغشية بس شنقول الله يهدي الجميع

Index Signal

09-08-2010, 01:29 PM

اذاً هذا هو عنوان اساس المشكله ؟

:pic:

بإختصار ..؟ نعم .

:court:

رمــش الغلا

09-08-2010, 01:42 PM

عندي موقف دخلت محل كمبيورت لا محل حريم ولا رجال الكل يدخل
كان في المحل بنت عند واحد من بلاد الشام وتساله عن لاب توب ودخلت انا وزوجتي ولا حست لان محله كبير وفيه صوت اغاني عاد شوي تلتفت يعني انا وزوجتي بنص المحل وتقول بسم الله >>شدعوه شايفه جني خخخخخ قلت لها بسم الله الرحمن الرحيم منج وسكرت الدريشه قصدي نزلت النقاب ههههه عاد زوجتي عطتني كوع عشان رديت عليها

ههههههههههههههههههههههههه
هههههههه
:nice: ضحكتني

الميزان 1969

09-08-2010, 05:47 PM

الخلل في التربيةوثقافة الأهل قبل كل شئ

دبلوماسية

09-08-2010, 06:07 PM

االموقف الاول :
يوم كنت في الجامعه .. اسال ربعي انتو ليش ماتتحجبون عن العمال وحدة ردت علي قالت : الا ذي هندي
قلت لها والهندي مش رجال قالت لأ .. القطري رجال بس
والموقف الثاني :
مادري وين كنت بس في السوق كانت وحدة متغشية ودخلت المحل وارفعت الغشوة وقامت تسال اللي يبيع وسالفة وضحكة وطبعا انا مستغربة من هالحرمة .. وفجاة طلعت اعرفها ، وسالتها لان الفضول ذابحني قلت لها انتي ليش تسولفين مع اللي يبيع وقاطة الميانه، ردت علي الا ذي ........ مهب عارفني ولا راح يقولون ذي فلانة بنت فلان .. ( تفكير تعبان شوي ) ..

سبحان الله

باسكن روبنز

09-08-2010, 07:52 PM

الموضوع ساخن جداً - يجب توزيع آيسكريم من باسكن روبنز لتبريد الحراره

و يفضل Lemon flavour

:)

جميع ما لذ واطب من كل الاختيارات يا بوخليفه ،

http://4.bp.blogspot.com/_l1ZTHib3t4k/SHXg2t6it7I/AAAAAAAAAR8/6L8HHYsOim8/s400/wondergirl_BaskinRobbins.jpg

كاتم الاحزان

10-08-2010, 05:59 AM

والله انا اكثر من مره اتعرض لها المواقف بس البنت المفروض تتغشى من الرجال كلهم او تعاملهم بنفس الطريقه
ليش الهنود ماهم مثلنا ....؟:)

وبسبة هالمواقف قلت في مره من المرات ........

ياليتني يابنت الاجواد هندي
حتى اشوفك دون برقع وغشوه

يعطيك العافيه اخوي على الموضوع الحلووتقبل مروري