@@مهم لكل التجار معاً لوضع حد لزباين المستهترين @@

[سيدة الخليج]

مسـاءكم الله بالخير والنور

سمعت وقرأت كثير عن شكوى التجار بموضوع سابق لعضوا من الاعضاء عن تهرب الزباين _المفترضين_ عن الدفع بعد السوم .. او عن الدفع للغرض المعني بعد ماتم الاتفاق على كل شي.
هذا أمر غير جائز لا شرعاً ولا عرفنا و اخلاقاً .

مثلما في نظام يحمي المستهلك و المتسوق من التجار الغير شريفين ويتم التشهير باسم اي تاجر
اشترك في عملية نصب وسرقة اموال المشتري .. لابد في نظام على الاقل يخفف من استهتار "بعض" المتسوقين

كلمة استهتار تصف الاعضاء الي :
1- يساومون على غرض ثم يختفون وبعد فتره يرجعون يسامون على غرض ثاني ويعطلون بيعة ناس كثير
2- يتم الاتفاق التام على البيع .. ومن ثم يتم الغاء الاتفاق بدون اي اسباب مقنعة للبائع
3- اشخاص "مخربين" يدخلون كل موضوع فــ يملأونه بالاقوايل والاعتراضات والتذمر
او كما صار واضح وشفتها بكذا موضوع معروض حاليا .. "كسر السعر " بمعنى ينزلون موضوع كامل يقولون انا ابيعك الشي الفلاني بالسعر الفلاني لمجرد يكسرون سعر التجار وهو غير حقيقي ولا تتوفر البضاعه بهذا السعر او بغيره من الاساس ..

او بنفس المووضوع يقولون لا متوفر بسعر كذا كذا بمحل كذا وهو غير صحيح لمجرد الغيره و الحقد الغريب صعب التفسير .

انا وضعت في توقيعي التالي واتمنى من جميع التجار ياخذون كلامي بعين الاعتبار لانه بالاول والاخير المصلحه للعامة .. ولا انا حاليا ماصارلي هالموقف في موضوعي الاخير بس وارد جدا انه يصير لاي تاجر ..

مع العلم انه هالكلام طبق في منتديات سعوديه كثير مثل عالم حواء , الاقلاع وانا شخصيا مشتركه فيهم و شفت الفرق الكبير والمنفعه الي عادت على التجار بحيث انه قللل عدد المستهرين ..

اتمنى من جميع التجار الفعالين بهالمنتدى اي شخص عذبهم في مواضيعهم وخرب عليهم بدون وجه حق .. او كنسل عليهم بيعات يوضعون اسمه في التوقيع الخاص كتشهير باسم العضويه : الاسم المستعار" وتقديم شكوى للاداره اذا تكرر ذلك عساها تكون رادع للبقية ..

أخيراً احترم جميع الاراء .. ولكن قل خيراً ولا فـ أصمت :nice:

"وهــذي هي الخلاصة "

من اقوالي الخاصه ..
3- من يستهتر في التعامل معي ويغير اتفاقه او يسوم على اي شي ويتخفي سوف يتم التشهير باسم عضويته بتوقيعي على مدى شهر كامل ..

وفقني الله و ايــاكم لما يحب ويرضى

[Special man]

انا مقهووور واااااااايد ولله واحد طلب مني نظارات وطلبتها ووصلت امس واليوم لما اتصلت له قال شوي وبتصل .. تأخر دقيت عليه مايرد واتصل بعد مايرد اخرتها يطرش لي مسج يقول خلاص مشكور مابي !!!!!!! شسوووووي فيه اذبحه؟؟؟؟؟؟؟؟؟؟ :anger1:

[La Bella]

عادي أختي طولي بالج الناس ترووح المحلات وتكاسر البايع لين ينشف ريجه ويحركون عنه ولا يشترون

ومحد ياخذ أكثر من رزقة
خربو أو ما خربو عليج رزقج المقسوم لج بتحصلينه
ونظام المنتدى يمنع التشهير

[سيدة الخليج]

اعــانكم الله هههه
اذا حسيتم انه سببه غير مقنع ... وبما انك غير تاجر رسمي بالمنتدى ماتقدر تقدم اي تذمر
بس عندك التوقيع استخدمه :)

[سيدة الخليج]

عادي أختي طولي بالج الناس ترووح المحلات وتكاسر البايع لين ينشف ريجه ويحركون عنه ولا يشترون

ومحد ياخذ أكثر من رزقة
خربو أو ما خربو عليج رزقج المقسوم لج بتحصلينه
ونظام المنتدى يمنع التشهير
هههههههه شكله من كثر الي جاكم تعودتم

الصراحه انا ماصارلي للحين ولله الحمد .. يعني سالفة بسيطه وبالي طويل
بس تم تطبيق هالنظام بمنتديات ثانيه انا مشتركه فيها و جدا فعال ..

انا لما قريت الانظمة مافيها منع التشهير ولو تلاحظي يالغلا كتبت تشهير باسم المعرف الاسم المستعار مو الاسم الحقيقي لشخص :)

نورتي مشكوره على مرورك

[La Bella]

السماحة في البيع والشراء:


عن جابر بن عبدالله رضي الله عنهما ، أن رسول الله ـ صلى الله عليه وسلم ـ قال: (( رحم الله رجلاً سمحًا إذا باع ، و إذا اشترى ، وإذا اقتضى )) [رواه البخاري: 2076]

[سيدة الخليج]

السماحة في البيع والشراء:


عن جابر بن عبدالله رضي الله عنهما ، أن رسول الله ـ صلى الله عليه وسلم ـ قال: (( رحم الله رجلاً سمحًا إذا باع ، و إذا اشترى ، وإذا اقتضى )) [رواه البخاري: 2076]

صادقه وسلمت يد نقلته .. ليتهم يتبعون :)

[جلامور]

فديتكم هدوا الأعصاب ... الله بفتح عليكم ويرزقكم من أوسع أبوابه ... معاكم حق في بعض الزباين .. بس هذي طبيعة شغل التجارة ... والزباين محتاجين من يسايسهم بطولة بال وصبر ... وحتى لو ما شروا الواحد يقول الحمد لله ...

[سيدة الخليج]

فديتكم هدوا الأعصاب ... الله بفتح عليكم ويرزقكم من أوسع أبوابه ... معاكم حق في بعض الزباين .. بس هذي طبيعة شغل التجارة ... والزباين محتاجين من يسايسهم بطولة بال وصبر ... وحتى لو ما شروا الواحد يقول الحمد لله ...

هلا حبيبتي
هاادية على الاخر الله يسلمك :shy: بس انا ابي اسمع رد التجار الي كانوا يتذمرون "ومعهم الحق" على بعض الزباين .. كتبوا ثلاث صفحات من التذمر

هي مجرد فكره شفتها نجحت نجاح تام بمنتديات انا مشاركه فيها وقلت انقل الفكره :)

[الريتاج]

والله عندك حق أنا كثير صارت معاي و الحين بعد صار لي هالموقف مع واحده طلبت أغراض و بعد ما وفرته لا بترد ولا شي و المشكله إن حتي ما في إعتذار سبحان الله الواحد يكون عنده ظروف أو ممكن ما يقدر يدفع إلحين بس اللي يقهر إنهم يستهتترون في التجار بطريقه مش طبيعيه بس إيش إنقول حسبي الله و نعم الوكيل و الحمد لله علي كل حال

[Noora.]

.


هي مب سالفة رزق ولا فلوس , هي سالفة امانه فالتعامل و الصدق فالكلام. :nice:
ترا الناس مب لعبه و عندهم التزامات غير انهم يلحقون شخص مب قد كلمته !

عن نفسي قد تاجرت قبل , و شفت اسلوب الناس كييف يعني فيه ناس ما شاء الله عليهم اخلاق و ذوق و ناس وجههم مغسول بمرق.
المندوب المسكين يطلع فالشمس و الحر عشان وحده من الزباين الله يهداها , كل ما قالت له تعال تتصل عقب شوي تقول له لا خلاص انا طلعت ولا اظطريت اروح مكان. لين مره لحق يوصل بيتها قبل لا تطلع او شي و قال لها انه برا عشان يستلم الفلوس طرشت له الخدامه و قالت له المدام تقول لك روح ما تبي خلاص. :secret:
يعني اذا انت فاضي غيرك وراه مسؤوليات ثانيه.
صدق تضايق المسكين لانه هو يحترمني واجد و ما يحب يتأخر علي في حاجه فـ اذا كلمته زبونه و قالت له تعال على طول يروح و يجيب لي العربون او يروح يسلم البضاعه المطلوبه ما شاء الله عليه بس تضايق واجد من اسلوبها و قال لو اتصلت لي مره ثانيه اعذريني ما راح اروح لها او ارد عليها قلت له احسن و ابرك.

و مره وحده زبونه جات تبي تشتري بس كانت تنطر الراااتب ينزل , و كانت مختاره مجموعه كبيره. و اوعدتني انها تدفع لي كامل اول ما ينزل بس هي تبيهم من بدري لانها بتسافر. طلبت لها بالفعل من جيبي و يوم وصلت الأغراض قالت لا خلاص شريتهم من تاجره ثانيه كان عندها فوري , كان قالت من الأول او اعتذرت على الاقل مب مسفهه لي و عادي عندها و انا واثقه انها ما اهتمت لأنه مب من حلالها.

و مره رفيقتي كانت تبيع اشياء , و جاتها وحده و طلبت منها و رفيقتي عذرتها و قالت لها تقدر تدفع بعدين , و جي شوي سولفت معاها و نك رفيقتي فالمسنجر " ام راضي " تكلمو و كذا و البنت سالت لو هي متزوجه مع انه مب من حقها , و رفيقتي قالت لها لا مع العلم انها مطلقه و عندها اطفال. و عقب فتره طرشت لها البنت مسج قالت لها وين الأغراض وصلت او لا ردت عليها رفيجتي و قالت لها اسمحي لي بنتي مرضت و انا صار لي فتره معاها فالمستشفى قامت البنت سوت سالفه كبيره و تقول لها ليش تكذبين علي قلتي انه انتي مو متزوجه و الحين عندج بنت و قالت ما عاد ابي الأغراض.

فيه مواقف وايد تصير ترفع الظغط بس الشكوى لـ الله
:omen2:

الحين عرفتو ليه التجار يكتبون " للجاادين فقط "
لأنه من كم يوم شفت موضوع انه مب عاااجبهم سالفة الجادين عن التجار
الحين عرفتو ليش ! :anger1:


.

[مشتاقة لقطر]

نا اتعامل باسلوب اختي لابيلا

مشي حالك ولا توقف على شي ..

هذي السماحة بالبيع .. في غيرها بيشتري الغرض

دامه مب اكل وما يخيس ينحط وبيجيه يوم ينطلب

خل الزبونة مرتاحة وانتي ارتاحي

[فالكـ GOOD]

هايوووو

حبيباتي كل واحد له رزق بياخذه ووايد من الاعضا اخلاق والحمد لله

واللي يبي يخرب خله له رب يحاسبه ومحد ياخذ الا رزقه

انا صار لي مواقف وايد ياما ناس قالت بتشتري وحجزت وماعاد سمعت صوتها
وياما ناس قالت وصليلي ويوم يوصل المندوووب مايردون ع التلفون

بس يالله خليها ع ربك كل تاجر وتاجره اهني عنده بضاعه حلوه ومابيلقى مثلها بالسوق
وغير كذا توصله وهو مرتاح ببيته والسعر مقارنه ببرىى وايد حلووو
يعني اللي يبي بيشتري بيشتري واللي مايبي ويبي يستعرض له رب يسامحه

وانا عن نفسي موب شايله ع احد بالعكس حلو يكون بينج وبين هالشخص حوار
يعني لو حسيتيه يخرب عليج كلميه ( ع الخاص) والصراحه حلوه بدون تشهير وشكوى
اعتقد احنا كبار ع هالسوالف الا في حاله وحده اذا كان هالشخص
بدوون قلب ووجه مغسول بمرق وقتها ممكن بس اعتقد بهالموقع
الاغلبيه واعيين ولهم ضمير :victory:

شكلي كثرت بالكلااااام بس ربي يوفقج ويرزقك والفكره بتخفف لكن
تخيلي اذا في محل رحتيله وصار لج موقف ترضين يعلق اسمج ع الباب او حتى نك نيمك
احسه مو شي :shy: :shy: :shy:

واحترامي الكبير لج اختي التاجره وربي يوفقج يالغلا

[*ام لجين*]

حبوبه انا يوميا تيني رسائل يبون معلومات واسأله ويسألون ويسألون لين كمن يوم وبعدين يطلبون الشراء ارسل البيانات
وبعدها طناااااااااااااااش
او بعد اسبوع او اتنين يرسلوا انهم حولوا المبلغ

يعني عادي لازم تطولي بالك هاي التجاره طولة بااااااااااال

يعني الي يبي حياه الله والي ما يبي راحته

[المبرمج صلاح]

والله عندك حق اختي اشوف في بعض المواضيع ان الناس تبخس في سعر البضاعة
الحمد لله ما صار معي الموقف بس حاط احتمال دائما في بالي انه ممكن يحصل في اي وقت

الحمد لله انا اشهد بكل احترام وتقدير للاعضاء المميزين والزوار الذيت تعاملو معي وكانو خير الزبائن والناس

http://3.bp.blogspot.com/_YaRMwyGRnT8/SSHaitMR3rI/AAAAAAAAAFY/NTFgMnM0hQE/s400/%D8%AD%D8%B2%D9%8A%D9%86+%D8%A7%D8%AF%D8%B1%D9%8A. jpg

(( أَسْتَغْفِرُ اللَّهَ الَّذِي لا إِلَهَ إِلا هُوَ الْحَيُّ الْقَيُّومُ وَأَتُوبُ إِلَيْهِ ))

لا حول ولا قوة إلا بالله العلي العظيم

اللهم أغفرلي ولوالدي ولمن دخل بيتي مؤمناً وللمؤمنين والمؤمنات والمسلمين والمسلمات الأحياء منهم والاموات

بالتــــــوفيق للجمـــــيع ان شــــــاء الله في الدنيـــــا والاخــــــرة

[سيدة الخليج]

هايوووو

حبيباتي كل واحد له رزق بياخذه ووايد من الاعضا اخلاق والحمد لله

واللي يبي يخرب خله له رب يحاسبه ومحد ياخذ الا رزقه

انا صار لي مواقف وايد ياما ناس قالت بتشتري وحجزت وماعاد سمعت صوتها
وياما ناس قالت وصليلي ويوم يوصل المندوووب مايردون ع التلفون

بس يالله خليها ع ربك كل تاجر وتاجره اهني عنده بضاعه حلوه ومابيلقى مثلها بالسوق
وغير كذا توصله وهو مرتاح ببيته والسعر مقارنه ببرىى وايد حلووو
يعني اللي يبي بيشتري بيشتري واللي مايبي ويبي يستعرض له رب يسامحه

وانا عن نفسي موب شايله ع احد بالعكس حلو يكون بينج وبين هالشخص حوار
يعني لو حسيتيه يخرب عليج كلميه ( ع الخاص) والصراحه حلوه بدون تشهير وشكوى
اعتقد احنا كبار ع هالسوالف الا في حاله وحده اذا كان هالشخص
بدوون قلب ووجه مغسول بمرق وقتها ممكن بس اعتقد بهالموقع
الاغلبيه واعيين ولهم ضمير :victory:

شكلي كثرت بالكلااااام بس ربي يوفقج ويرزقك والفكره بتخفف لكن
تخيلي اذا في محل رحتيله وصار لج موقف ترضين يعلق اسمج ع الباب او حتى نك نيمك
احسه مو شي :shy: :shy: :shy:

واحترامي الكبير لج اختي التاجره وربي يوفقج يالغلا

هلا والله هههههه اعجبني تعليقك
والي ظللته بالاحمر هذا الي عنيته فديتك تشهير باسم العضويه للي يكون زودها ..
ولا الصبر موجود والبال طووويل

وفقني الله وياك ياذوق :shy:

[00soma00]

انا ضد الفكرة لان شى عادى ان الاعضاء يستفسروا وحتى لو ما اشتروا وحتى لو كان من باب الفضول ....... انا كنت تاجرة وحصلت هالمواقف معاى كثير جدا والامر عادى لاننا ما نعرف ايش ضروف الشخص
واعتقد عيب اننا نكتب اسم عضو ونسىء له عشان شى تافه مثل هذا

[latty]

من وجهة نظري الخاصه ان هذا سوق مثل اي سوق والمكاسر والمفاصل عادي وبين البايع والشاري يفتح الله لكن ان تم الاتفاق اخذي مقدم قبل ان تطلبي له او تحضري له وبذا تضمني انه مايتراجع والكلام لاخونا تاجر النظارات اخذ ثلاث ارباع المقدم قبل الطلب لاي زبون

وبالاخير هذه ارزاق اولا واخيرا

[بوغزلان28]

عادي أختي طولي بالج الناس ترووح المحلات وتكاسر البايع لين ينشف ريجه ويحركون عنه ولا يشترون

ومحد ياخذ أكثر من رزقة
خربو أو ما خربو عليج رزقج المقسوم لج بتحصلينه
ونظام المنتدى يمنع التشهير


عدل كلامج اختي لي بيلاا

اذكر انا مره نزلت عرض حق المراجيح عشان الصيف انه نزل سعرهم من الـ 1800 الى الـ 1500 , ووحده من الاخوات طلبت مني اسوي لها دورفه والله العالم بظروفها ما احط في ذمتي شي كنت اتصل لها وما اتشيله رغم اني اتصل لها مرات والاقي عندها wating يعني تستخدم الخط , المهم دزت لي مسج قالت لي اخوي خلاص ما ابي الدورفه ,,, المهم انا قلت في خاطري امكن ظرف صادها وما اقدرت تشتري هههههههههاي النكته اللي صارت معاي اني قلت بروح اعرضها عندج جمعية الميره اللي بفريجنا ولما كنت انزلها الا وحده تقولي للبيع قلت لها اي قالت لي بكم ,, قلت لها بـ 1700 ريال فرق 200 ريال عن العرض اللي مسويه بالمنتدى المهم قالت لي الحقني ركبتها وحطيتها لها بالبيت تتوقعون اطلعت من ؟؟


اطلعت نفسها الاخت اللي كانت طالبه مني بالمنتدى اهيه اللي نفسها اللي طالعه من الميره وشاريه الدورفه ههههههههههههاي اشلون عرفت لانها قالت لي عطني رقمك لو ضيعت وانت تلحقني عشان ادليك عطيتها رقمي الثاني الا اتفاجئ بالرقم انه رقم اللي اطلبت منيي بالمنتدى !!:eek5:

يعني لو ماخذتها مني بطريق المنتدى بــ 1500 ريال كانت بتوفر ع نفسها 200 ريال

[سيدة الخليج]

حياكم الله باالاول ومشكورين على ارائكم
صحيح الواحد لازم يقدر وياما في ناس تعتذر بطريقة وتطيب خاطرك بكلمة تفهم منها انه معه ظروف وعادي
مشتري يروح والثاني يجي ..
موضوعي واضح جدا للي مافهموه انا قصدت 3 فئات .. الي معروف عنهم يخربون المواضيع زي في واحد والله بكل موضوع اشوفه يروح ويذم في البضاعه بكذا موضوع واشوف البايع متضرر منه .. ماراح اذكر اسمه
لانه ماقرب لموضوعي ولا لي ..

فئه ثانيه الي تحط السومه وتختفي للابد هههه يعني مو يومين ويرجع يعتذر لا للابد عاد الا اذا كان توفى !! الله يرحمنا برحمته

والاخيره الي تحجز وتاكدلك وتتفق معك ونفس الشي تسحب

اعتقد الي له عذر بيقوله ويحاول يستسمح البايع .. والي ماله بيختفي :) لانه ابسط له

ولاحظوا انا ماجبت طاري الي يكاسر ويحاول ياخذ سعر افضل لانه الي يكاسر اصلا من الاساس ماتفق على بيعه ولا على شراء مجرد مفاصلة على الشراء :)

اتمنى وضحت وجهت نظري للي ماكانت واضحه لهم

[سيدة الخليج]

عدل كلامج اختي لي بيلاا

اذكر انا مره نزلت عرض حق المراجيح عشان الصيف انه نزل سعرهم من الـ 1800 الى الـ 1500 , ووحده من الاخوات طلبت مني اسوي لها دورفه والله العالم بظروفها ما احط في ذمتي شي كنت اتصل لها وما اتشيله رغم اني اتصل لها مرات والاقي عندها wating يعني تستخدم الخط , المهم دزت لي مسج قالت لي اخوي خلاص ما ابي الدورفه ,,, المهم انا قلت في خاطري امكن ظرف صادها وما اقدرت تشتري هههههههههاي النكته اللي صارت معاي اني قلت بروح اعرضها عندج جمعية الميره اللي بفريجنا ولما كنت انزلها الا وحده تقولي للبيع قلت لها اي قالت لي بكم ,, قلت لها بـ 1700 ريال فرق 200 ريال عن العرض اللي مسويه بالمنتدى المهم قالت لي الحقني ركبتها وحطيتها لها بالبيت تتوقعون اطلعت من ؟؟


اطلعت نفسها الاخت اللي كانت طالبه مني بالمنتدى اهيه اللي نفسها اللي طالعه من الميره وشاريه الدورفه ههههههههههههاي اشلون عرفت لانها قالت لي عطني رقمك لو ضيعت وانت تلحقني عشان ادليك عطيتها رقمي الثاني الا اتفاجئ بالرقم انه رقم اللي اطلبت منيي بالمنتدى !!:eek5:

يعني لو ماخذتها مني بطريق المنتدى بــ 1500 ريال كانت بتوفر ع نفسها 200 ريال

هههههههههههههه من نصيبك وتستاهل والله
شغلك راااائع اعجبني :nice:

[00soma00]

حياكم الله باالاول ومشكورين على ارائكم
صحيح الواحد لازم يقدر وياما في ناس تعتذر بطريقة وتطيب خاطرك بكلمة تفهم منها انه معه ظروف وعادي
مشتري يروح والثاني يجي ..
موضوعي واضح جدا للي مافهموه انا قصدت 3 فئات .. الي معروف عنهم يخربون المواضيع زي في واحد والله بكل موضوع اشوفه يروح ويذم في البضاعه بكذا موضوع واشوف البايع متضرر منه .. ماراح اذكر اسمه
لانه ماقرب لموضوعي ولا لي ..

فئه ثانيه الي تحط السومه وتختفي للابد هههه يعني مو يومين ويرجع يعتذر لا للابد عاد الا اذا كان توفى !! الله يرحمنا برحمته

والاخيره الي تحجز وتاكدلك وتتفق معك ونفس الشي تسحب

اعتقد الي له عذر بيقوله ويحاول يستسمح البايع .. والي ماله بيختفي :) لانه ابسط له

ولاحظوا انا ماجبت طاري الي يكاسر ويحاول ياخذ سعر افضل لانه الي يكاسر اصلا من الاساس ماتفق على بيعه ولا على شراء مجرد مفاصلة على الشراء :)

اتمنى وضحت وجهت نظري للي ماكانت واضحه لهم

جزاك الله اختى على التوضيح اما مسئلة المخربين هذى هى اللى المفروض نقف عندها والمفروض من الادارة انها تعطى بعض المميزات للتجار المشتركين فى برنامج تسويق
على الاقل تعطيهم حق حذف الردود غير مناسبة فى مواضيعهم ومعاقبة اى واحد يخرب عليهم
مثل باقى المنتديات يعنى مش عدل وحدة مشتركة فى العضوية ودافعة فلوس تتساوى بالتجار اللى بيعرضوا ببلاش

[صوت الضمير]

أخواني أخواتي
التجار والتاجرات

من حق الزبون أنه يسئل عن سعر البضاعه وتفاصيلها..
وإذا مايعجبه السعر والتفاصيل يرفض.. وموب شرط يرسل رساله خاصه يقول مابي
لانه اصلا ماطلب بس شاف البضاعه ولااعجبته..

أنا بصراحه شريت أكثر من مره من تجار بالمنتدى.. وتعاملت معهم
وعمري ماطلبت شي إلا متأكده أني أبيه وفلوسي جاهزه

مره شفت موضوع بالمنتدى لبيع سلعه ما .. بمبلغ 200 ريال .. ولقيتها نفسها بمحل بالسعودية ب15 ريال
صحيح التجاره شطاره .. لكن حنا موب قاعدين على بنك .. مع العلم اني ماخربت على التاجره..

طمع بعض التجار.. خلاني لاأثق فيهم.. ومواضيعهم

لكن البعض منهم أرى أن بضايعهم مميزه .. وأسعارهم حلوه .. وغير مبالغ فيها

والله يرزقكم ويرزقنا

أبداع

[بوحارب]

الله يعينكم يالتجّار

[الجوكر90]

السلام عليكم
ههههههههههههههههههاااااااي

تعرفون شنو العيب فشبابنا وبناتنا

ان اذا شاف شي يعجبه ويبي يشتريه وبعد مايتفق مع البايع يشوف نفس الشي بس ارخص بشوي يروح حق الثاني

والله اخبر قبل فتره شريت كلمت واحد هني بخصوص النظاره ب500 وطرشت له مسج واتفقت معاه

ودخلت المنتدى وشفت نفس النظاره ب350 بس خلاص عطيته كلمه ماقدر ارد فكلامي ع 150 ريال

وحتى لو اكثر من هالسعر هم ماقدر لان عيب

وانا مارضى احد يسوي فيني جي اسوي فالعالم

والله يعينكم

وبخصوص الي تقول ان كل واحد ياخذ رزقه

انا معاج بس في اشيا تخرب هالرزق يعني واحد يبي هالشي بس محجوز وهاي يهون والثاني هم يهون وانا اتوهق

وكثره عرض السلعه اطيح من سعرها

والسموحه ع الطوله

[الكواري 1972]

كلامكم عين العقل

بس في بعض والبعض اقصد البعض وليس الكل

لكن ايش رايكم في التاجر اللي يقول بعتك ومن صوبك او بخلي المندوب يكلمك وتقعد انت تنتظر وتنتظر وطرش له ع الخاص لا ويرد عليك يقولك خلاص بعد ساعه او مره باجر ومره يقولك سيارته تعطلت وفي النهايه بعد يوم او يومين من الاتفاق يرد يقولك بكل بساطه خلاص انا بعتها

والشئ الثاني هم البائع يوصف لي السلعه يشكل رهيب لين توصل عندي السلعه تطلع مش هي او الريحه غير ولا اتم فيك اكثر من ساعه ا ساعتين وتختفي او او الجوده للبظاعه تعبانه

هل هذا بعد يجوز شرعاً ماعتقد
راح يكون مصدر رزقه حرام


وتسلم على الموضوع اللي دوم احب ان يتكرر

لان التكرار يعلم الشطار

[umhend]

ايه يس في بعض التجار ماله كلمه صادقه ممكن يوعدج وانتي تلتزمين وتنطرينه ويطنشج وتشوفينه
شغال منيه مناك ....وفي تاجرة قالت لي شتبين من امريكا وعطيتها طلباتي ونتظرت وعطلت عمري ولاشفت منها شي انا احس ان هذا سوق واحنا كان قاعدين في الشارع مفتوح مليان اجناس من البشر .

واذا انتو يالتجار والتاجرات اكثر مايزعلكم انكم تطلبون والمستهلك يطنش الله يعينكم احنا يزعلنا الغش
وايد في بضايع مغشوشه في هالمنتدى وفي ايد تاجرات بضايعهم للامانه مضرررروبه والله يعينا ويعينكم

[AL3NA]

صحيح 100% . ويخربون على الناس اللي يبون يشترون بعد مو على التاجر بنفسه حتى الشخص اللي يبغي يشتري يرفعون عليه السعر . وياليتهم يشترون بس يرفع السعر ويطلع من الموضوع هذا خطاء والله .

هذا اقتراحي <<------- اهم شي تشوفون لنا حل صحيح اني ماني تاجر بس اقول لكم لازم توقفون هالناس عند حدهم عشان سمعة المنتدى وعشان الناس تترزق . وتستفيد .


1- العضو اللي يرفع السعر ويتم البيع عليه . والاتفاق بين البايع والشاري . وعقب يقول لا مابي او كنسلت بدون عذر مقنع يتم عرض كلمة (ممنوع ) تحت اسمه المنتدى يعني شفتو كلمة تاجر او عضو جديد يكون مكانها .

2- اذا تكرر من نفس العضو هذي الحركه يتم شطبه من المنتدى .

3- التاجر اللي ما يوفي في وعوده مع المشترين يشال عنه كلمة تاجر ويحطون له نفس الكلمه (ممنوع) اذا تاخر على العميل او غش العميل .

-------

ولو ترسلون رساله اجباريه لكل الاعضاء تنبيه لهم يكون افضل . معنى كلمة (اجباري ) فيه نظام في المنتدى ما يقدر العضو يشارك ولا يدخل اي موضوع قبل مشاهدة الرسالة .
وبعد التنبيه عليهم يتم اخذ الاجراء الازم .

[سيدة الخليج]

ردود و اراء مختلفه بس في كل رد اشوف واقعيه
الله يهدي الجميع ..

متــابعة :)

[سيدة الخليج]

جزاك الله اختى على التوضيح اما مسئلة المخربين هذى هى اللى المفروض نقف عندها والمفروض من الادارة انها تعطى بعض المميزات للتجار المشتركين فى برنامج تسويق
على الاقل تعطيهم حق حذف الردود غير مناسبة فى مواضيعهم ومعاقبة اى واحد يخرب عليهم
مثل باقى المنتديات يعنى مش عدل وحدة مشتركة فى العضوية ودافعة فلوس تتساوى بالتجار اللى بيعرضوا ببلاش

اي والله يـــاريت للحين انا ماوصلني الضرر اني اشتكي على حد الحمدلله بس اشوف التجار الثانين و الله يستر مايجي الدور هههه ويروق موضوعي " للمخربين":secret:

اسعدني مرورك :nice:

[Qatarianes]

صحيح كلامج لكن شخصياً ارتاح نفسياً لما اشوف هالشي يصير في تجار جشعين ومبالغين في اسعارهم

[سيدة الخليج]

السلام عليكم
ههههههههههههههههههاااااااي

تعرفون شنو العيب فشبابنا وبناتنا

ان اذا شاف شي يعجبه ويبي يشتريه وبعد مايتفق مع البايع يشوف نفس الشي بس ارخص بشوي يروح حق الثاني

والله اخبر قبل فتره شريت كلمت واحد هني بخصوص النظاره ب500 وطرشت له مسج واتفقت معاه

ودخلت المنتدى وشفت نفس النظاره ب350 بس خلاص عطيته كلمه ماقدر ارد فكلامي ع 150 ريال

وحتى لو اكثر من هالسعر هم ماقدر لان عيب

وانا مارضى احد يسوي فيني جي اسوي فالعالم

والله يعينكم

وبخصوص الي تقول ان كل واحد ياخذ رزقه

انا معاج بس في اشيا تخرب هالرزق يعني واحد يبي هالشي بس محجوز وهاي يهون والثاني هم يهون وانا اتوهق

وكثره عرض السلعه اطيح من سعرها

والسموحه ع الطوله

مو بس هالعيب .. في عيب استهتار و عيب مهايط الله يسلمك :shy:

اسعدني مرورك .. وعسى الله يباركلك دامك قد كلمتك

[سيدة الخليج]

كلامكم عين العقل

بس في بعض والبعض اقصد البعض وليس الكل

لكن ايش رايكم في التاجر اللي يقول بعتك ومن صوبك او بخلي المندوب يكلمك وتقعد انت تنتظر وتنتظر وطرش له ع الخاص لا ويرد عليك يقولك خلاص بعد ساعه او مره باجر ومره يقولك سيارته تعطلت وفي النهايه بعد يوم او يومين من الاتفاق يرد يقولك بكل بساطه خلاص انا بعتها

والشئ الثاني هم البائع يوصف لي السلعه يشكل رهيب لين توصل عندي السلعه تطلع مش هي او الريحه غير ولا اتم فيك اكثر من ساعه ا ساعتين وتختفي او او الجوده للبظاعه تعبانه

هل هذا بعد يجوز شرعاً ماعتقد
راح يكون مصدر رزقه حرام


وتسلم على الموضوع اللي دوم احب ان يتكرر

لان التكرار يعلم الشطار

للمشتري دائم حق رد البضاعه اذا كان التاجر عارض البضاعه وممكن التبديل او الرد ..
اما اذا كان بيع نهائي لك الحق انه تقول رايك في البضاعه + في التعامل سواء كان ايجابي او سلبي :victory:


استخدم هذا الحق مع الجميع :nice:

حياك

[سيدة الخليج]

صحيح كلامج لكن شخصياً ارتاح نفسياً لما اشوف هالشي يصير في تجار جشعين ومبالغين في اسعارهم

ههههههههههه
اخوي على فكرة ان كانك ماتعرف اغلب مكسب التجار المنفردين مقارب لمكسب الاسواق :)

الاسواق بتجيب بكميات هائله بحيث السعر عليها بيكون ارخص بكثير من سعر تكلفتها على التاجر الي بيجيب كمية بسيطه نوعا ما ..

وغير في تجار خارج الدوله ويدفعون ضرائب و يدفعون شحن فيدكس و ممتاز وغيره :shy::shy:

و البيع عرض و قبول .. لتاجر الحق يعرض سلعته انشالله ب الف بالميه ربح و للمشتري حق القبول او الرفض بكل بساطه :)

حياك

[المنكوب]

الله يعينكم ويوفقكم في بيعاتكم كله وهاي الحركه صج خايسه انك تطلب واتعب نفسك وتدفع من جيبك آخر شي يعطونك سيفووووووووووون ويسحبون عليك بدون سبب!!!!!!!! والحمد لله على كل حال وبالتوفييييييييييق للجميع وأقول لهم طولو بالكم وترى في ناس في المنتدى بدون شغل يعني عادي عنده ينطرد من المنتدى فيدش ويستهبل لأنه هو مابيخسر شي وفقني الله و ايــاكم لما يحب ويرضى

[شمس قطـر]

اختي سيدة الخليج وكل الأعضاء الكرام ..

بقول كلمة حق من قلبي وربي الشاهد عليها .. وقبل لا اكتبها اعتذر على الاطالة

صدقتي في كلامج في زباين الله يعيننا عليهم والله .. انا انسانه حالي حال اي شخص واروح الأسواق واشتري
واروح المحلات حتى لو انا تاجرة لكن احتاج اني اروح السوق واشتري .. ولكن ما ادخل المحلات واخرب على هذا وهذا واطلع ..
صحيح ان لكل شخص الحق انه يسأل عن السعر وبعدين يقرر يشتري ولا لاء ..
لكن في ناس تسأل عن السعر لمجرد الفضول وهم يدرون وواثقين انهم مايبون يشترون ويضيعون الوقت والجهد وياليت يسألون عن غرض واحد فقط او ثلاثة ولا حتى اربعه .. يسألون عن مليوووون شي في نفس الوقت وتتعب وانت تدور واخر شي ما يردون عليك حتى ولا يشترون شي واحد من المليون الشي اللي سألو عنه ..!!!!! هالسؤال محتاج اجابة

ومثل ما قالت الاخت سيدة الخليج ..

التجار اللي فالسوق يجيبون بالجمله وكميات كبيرة والشحن يكون تكلفته عليهم اقل

ولكن اللي يجيب طلبيات او عدد قليل يكلف عليه اكثر .. مثلا شحن عن طريق البريد الممتاز او شركات الشحن بمبالغ كبيرة والكل يعرف كم يكلف لو جبت مثلا .. فقط على سبيل المثال عن طريق الدي اتش ال طرد وزنه كيلو واحد .. او تقدرون تسألون عن اسعار الشحن .. وبعد قيمة البضاعه تكون مرتفعه والله لانها كمية قليله او طلبية حبة وحده ..

وغير الوقت والجهد اللي نبذله طول اليوم عالكمبيوتر والاستفسارات .. وغير المكالمات وغيره وغيره وغيره .. واللي يبي يتاجر لازم يكون قد هالشي وماقلنا انه غلط الواحد يتعب في شغله .. بالعكس الواحد لازم يكسب رزقه بتعبه ومجهوده مب ببلاش بيوصله الرزق لين عنده

بس العيب في الناس اللي ما تهتم ولا تفكر في التعب والجهد اللي يسببونه لغيرهم بسبب جهلهم بهالشي او عدم احساسهم بالمسؤولية تجاه الغير ..


وفعلا صادفتني مواقف كثيرة وبالعكس انا مطوووولة بالي جدااااا .. والحمد لله عندي سعة صدر وتسامح تجاه الجميع الا الناس اللي تستهدف وتصرررر على التخريب ..

ومثل كل شخص ما يحب اي احد يسوي فيه هالحركة انه يطلب وبعدين يروح بدون حتى كلمة اعتذار او انه عنده ظروف .. !!!!

ويسألون ليش التجار ياخذون عربون او المبلغ كامل قبل الطلبية ؟؟؟!!!! الجوااااااااااب انه كل تاجر عنده مسؤوليات ومو قاعد على بنك .. لازم التاجر ياخذ عربون من الزبون عشان يعرف مدى مصداقيته وفعلا في ناس وااااايد والله اشهد لهم بالاخلاق والكرم وربي يسعدهم دنيا واخرة وهم اكثر الناس اللي تعاملت معاهم وربي يوفقهم دنيا واخرة .. والعيب في من يطلب ويهدر فلوس الناس وبعدين يقول مابي وابي اطلب غيرها لانه غيرت رايي وما يهتم لانه مو دافع من جيبه ولا شي .. والله عيب والله عيييييييييييييييييب احنا مب اطفال نغيرر راينا كل دقيقه ..

بالنسبة للتشهير ما اشجع الا للناس اللي تتكرر مواقفهم السيئه مع الاغلبية وبشكل متكرر وكبير ..

وبالنسبة لاخوان اللي يقولون في تجار غشاشين .. انا معاهم وهذا حرااااام شرعاً

لازم على الطرفين يكونون صادقين وأمناء في تعاملهم معبعض

وعلى سالفة المندوب .. والله اني بصراحه تعاملت مع مندوب في قمممممممممة الذوق ربي يوفقه دنيا واخره

ووايد كان يستحمل الأذى من الزباين لدرجة انه وحده اجلت الطلب 21 مرة خلال 25 يوم .. كل يوم تتصل وتقول تعال اليوم وتقول لا خلاص مشغولة .. تعال باجر الظهر وبعدين ما ترد الا فالليل لا تعال باجر العصر وبعدين لا مشغولة اليوم خلليها الاسبوع الجاي وكل يوم على هالحال لين ما مرت 25 يوم من التأجيل وبعدين فضت وقالت له تعال وصدقت في موعدها ... من يستحمل هالشي ؟؟؟؟؟!!!!!!! الله المستعااااااااااااااااااان بـــــــــس


وبالنهاية ياليت من الكل يحترم القوانين ويفكر في غيره مثل ما قال الرسول عليه الصلاة والسلام : (( لا يؤمن احدكم حتى يحب لأخيه ما يحبه لنفسه ))

كلمة شكــــــــــــر لكل الناس اللي تعاملو معاي وكانو صادقين وتعاملو بكل أخلاق ورحابة صدر .. لهم كل الود والتقدير والاحترام


اشكركم على الطرح المفيد واعتذر مرة ثانية على الاطالة

وبالتوفيـــــــــــــــق للجميع