المسرحيات القطريه

[كلاسيك قطر]

السلام عليكم ورحمه الله وبركاته

شبكة الاسهم القطريه

موضوعي اليوم يتكلم عن المسرحيات القطريه

بس انا هاي الايام اخر مسرحيه شفتها شملان في لبنان

يعني ليش مافي كل شهر او شهرين مسرحيه للاطفال او للكبار

بس شاطرين كل عيد مسرحيه

شوفو الكويت ورى بعض ورى بعض مسرحيات

وانتو ماتلاحظون هاي شي

يا جماعه نبي مسرحيات نبي فرفشه من المسرحيات مثل مسرحيات الرعب او ضحك

او اي شي المهم انه مسرحيه اتكون قطريه

ونشوف رايكم

[A l i]

لين شفنا مسرح سنع نفس العالم
بدال سينما الخليج الوصخه الي صارت للهنود مب لنا
ذيج الساعه خل يسوون مسرحيات

[عزووز قطر]

اخوي في البداية وين الفنان القطري ؟؟

لو تلاحظ الفنانيين القطريين كانو موجودين وبكثرة ايام الثمانينات وأوائل التسعينات بس الحين مانشوف الا عبدالعزيز جاسم .. وغانم السليطي اللي اغلب اعماله تصير في الامارات

[ثرية]

يمكن خلصت افكارهم ومافي طرح جديد

بس لو تلاحظ بعض المسرحيات الي يقدمونها بعض الفنانين عباره عن مسرحيات ساخره
يعني يقعد ويحط فنانين توهم طالعين ويقعد يقطع فيهم او يقعد ايتطنززز على اصحاب البشره السمراء واعتقد فيه مسرحيه كويتيه عندنا اللحين عرضت او بتنعرض وخصوصا هالفنان الي فيها كل مسرحياته هو الي يتكلم ويتطنززز يابلفيت ايضحك الناس بس في ناس ايحبون هالنوع من السخريه ايفكرونها فكاههه


شوف انا الاحظ المسرحيات القطريه تناقش وضع المواطن القطري والخليجي والعربي اتناقش الاوضاع السائده يعني ماااتتعمد على السخريه الساذجههههه الي تكون بدون هدف وتكون عشوائيه مشالله مسرحياتنا القطريه اتنافش مواضيع هادفه

[الملا]

اسال سؤال للقائمين على المسرح الوطني ، ايش فايده المسرح

عمرنا ماسمعنا شي , اتذكر اخر مسرحية كانت على المسرح هي مسرحية شملان في لبنان

ومسرح سينما الخليج هذا تسميه مسرح ، زباله ووصاخة الى شي ماتتصوره

والله يعين هالشهر في مسرحية لطارق العلي ( بوساره في العماره )

وبالنسبه للمسرحيات القطرية كيف نتكلم عن المسرحيات في الوقت للي ماعندنا فيه ممثلين غير عبد العزيز جاسم وغانم السيليطي وهلال محمد اما غيرهم مالهم في التمثيل

وماتقدر تقارنا بالكويت . كويت عندها معهد للفنون والمسرح

[بويوسف]

وين تبون مسرحيات واحنا مجتمع ننظر للفنان بدونية ؟؟ وين تبون ثقافة والمثقف نطالعه بعين وحدة ونعتبره انسان غير طبيعي وكأنه من كوكب ثاني ؟

للأسف لافن لاثقافة .. لا وجود للإبداعات لأنها تطمس وتدفن عن سابق اصرار وترصد اما بطريقة رسمية او بطريقة شعبية ..

[كلاسيك قطر]

اشكركم والله

عندى مسرح قطر الوطني

بس كله تعديل تعديل وصارله 4 سنين في تعديل اشدعوه

انزين ابنو مسارح وحده للاطفال ووحده للكبار

[كلاسيك قطر]

للرفع

[الرويـس]

عندي سيناريو مسرحيه قصيرة
:(

بس أبي ممثلييين
:(

[تحداني]

وين تبون مسرحيات واحنا مجتمع ننظر للفنان بدونية ؟؟ وين تبون ثقافة والمثقف نطالعه بعين وحدة ونعتبره انسان غير طبيعي وكأنه من كوكب ثاني ؟

للأسف لافن لاثقافة .. لا وجود للإبداعات لأنها تطمس وتدفن عن سابق اصرار وترصد اما بطريقة رسمية او بطريقة شعبية ..




صدقت أخي الفاضل .. وبارك الله فيك
للأسف ان الكثير من الناس ينظرون للمثل والمبدع .. والمسرحي .. والكاتب
أنهم إبتلشوا بالفن والفن إبتلش فيهم
هذه الثقافه لا تحترم بالطريقه المطلوبه ..
ودائما أصابع الإتهام تتوجه لهم



شاشات التلفزيون وكثره المحطات التافه تركت إنطباع في ذهن المشاهد
ان كل من وقف على المسرح وقام بأدوار انه أرجوز
انه يضحك الناس وفي الحقيقه هو المضحك


حتى الدعم المادي لهم لا يحصلون عليه بالطريقه المطلوبه
لا أحد يستطيع أن ينكر بصمات خلدها التاريخ لغانم السليطي
ولغيرهم وغيرهم من الفنانيين






أيام الجامعه إلتحقت بتخصص الإعلام .. ومضيت في هذا التخصص عام كامل
أصروا أهلي على ترك هذا التخصص بحجه إننا لا نسمح لكم بذلك
لا نسمح أن تكون بنتنا كاتبه
اعلاميه
محرره
ناقده

وكأن إسمي عار .. ووجودي وسط هذه الأجواء بصمه لا تمثل الا كسر للعادات والتقاليد
مع العلم ان هناك الكثير من الوظائف تهين بها المرأه نفسها بنفسها بالرغم من حشمه ووقار المكان ..



دع مافي القلب في القلب
فهناك غصه كبيره



جملك الله برضى الرحمن

[Arab!an]

لا اعتقد ان اهتمام الناس بالمسرح قل

ولكن عدم وجود اهتمام بالمسرح من الفنانين وتدني مستوى التمثيل هو السبب

متى مارجعت المسرحيات القوية سيعود جمهور المسرح

[تحداني]

^
^
^

ومتى ما شعر الفنان أخي الفاضل بعدم التقدير لا يمكنه العطاء
ولا يمكنه الإبداع .. النص القوي محتاج الى نهايه وأطر قويه يمشي عليها
لا أعتقد هناك فنان عاقل .. سيقوم بإعداد نص مسرحي ويرسم الخيالات والديكورات
ويختار المخرجيين والفنانين من الصفوف الأولى

ولا يوجد لا دعم مادي مثل العالم والناس
ولا مسرح ذو وزن يقف عليه هذا العمل الضخم


الفنان متى ما توفرت لديه بيئه خصبه قويه استطاع أن يبهر المشاهد والحاضر
ومتى ما فقد تلك الأرضيه الخصبه فلا يمكنه الوقوف عليها

[كلاسيك قطر]

بس مافي حركه والله

[الألماسي]

فيه المسرح الروماني بالحي الثقافي اتوقع العروض الصيفيّه راح تلقى إقبال من قبل الجماهير :secret:

[تحداني]

بس مافي حركه والله




شنو يعني ؟؟

[تحداني]

فيه المسرح الروماني بالحي الثقافي اتوقع العروض الصيفيّه راح تلقى إقبال من قبل الجماهير :secret:




نبي مسرح به من نبض الخليج وشباب الخليج
وصوت الخليج

[كلاسيك قطر]

شنو يعني ؟؟

يعني مافي حركه من الفنانين

[تحداني]

يعني مافي حركه من الفنانين




حاضر :)

[بويوسف]

تحداني الابداع لايقف عند التخصص الجامعي .. ولكن بصراحة أين الجوائز الثقافية ؟ ليش اذا كانت موجودة تطلع اعلاناتها ودعاياتها باستحياء وفي يوم واحد فقط ..

اين جمعية الادباء ؟ اين هو نادي الجسرة ؟ اين العاصمة الثقافية ؟؟ على قولتكم الدوحة عاصمة الثقافة ؟

انه كنت اعرف مجموعة من الشباب الفنانين والمبدعين بس لاعت جبدها وتركت الفن لان مافي لا اهتمام ولارعاية ..

للأسف الدول المحيطة بنا افضل منا بكثير .. السعودية - الكويت - البحرين .. الاهتمام فيها اكبر مع ان احنا امكانياتنا المادية افضل ..

[بويوسف]

يعني مافي حركه من الفنانين

شتبغي الفنانين يسون بالله ؟ ياما طلعوا في المقابلات وتكلموا .. صار شي ؟ تغير شي .. لاطبعا ..

كل واحد صار لاهي في اما تجارة او في بورصة ابرك له .. واللي مستمر تلاقيه يحب الفن ويحب الثقافة فقط لاغير .. لانها ماتوكل عيش للأسف ..

ايش المردود المادي لكتاب قصصي او كتاب ثقافي حتى .. لاشئ بل قد تكون مصاريف وخسارة ..

والموضة حاليا استيراد الفنانين ..

كل شي استوردناه .. الأكل السيارات اللاعبين الفنانين .. ,,,,,,,,,,,,,,,,,,,,,,, شبقى ؟

[كلاسيك قطر]

اها الله يعينهم والله

اشكركم والله

[كلاسيك قطر]

للرفع

[بوخالد911]

الكويت رائدة بالمجال الفني

وعندهم فنانين وع مستوى كبير
وباعداد كبيرة


تحياتي قبل حضور مسرحياااتي

مسيوو / بوخالد911

[كلاسيك قطر]

اشكرك يالغالي