احسن شقق عائليه في الاردن وين واحسن منطقة

[شموخ العز]

السلام عليكم ورحمة الله وبركاتة يوم الاحد باذن الله مسافرين

بس شنو احسن شقق فندقية للعائلات ... واحسن اماكن سياحيه ممكن تكون زينه لسياحه في الاردن

ويعطيكم العافيه:telephone:

[الـقـاسـي]

أفضل الاردن شخصيا كسفره للعائله .. وبتستانس كثير ..

عن الشقق الفندقيه ماعندي خلفيه كبيره عنها ..
لكن المناطق اللي زينه اشوفها اذا كنت في عمان عندك الجبيهه وصويلح وعبدون راقيه شوي وبتذكر لك المناطق الزينه ..

فيه في الجبيهه ملاهي حلوه اسمها الجبيهه بتستانس فيها اذا وياك عائله واطفال .. ورى هالملاهي بالضبط مطل الجبيهه هذا في عز الصيف توقف عنده وتنزل يجيك جو خيااااااال - انا قبل كنت امر على قهوه السعدي قريب منه ونروح ننزل في مطل الجبيهه رووعه المنظر -

اما بالنسبه للمولات عندك مكه مول أفضلها - سيتي مول قريب من مكه مول ويقال انه مالكه قطري - عبدون مول هالمول راقي شوي وماتحصل فيه زحمه كثير وكلهم من أفضل المولات عندهم في عمان اللي شفتها ..

بالنسبه للاماكن السياحيه كثير عندك انا والله مشكلتي ما أحفظ الاسامي كثير لكن بحاول على قد ما أقدر ..

اذا بتروح لشمال الأردن
عندك جرش اللي فيها الاثار والمسرح الروماني والشغلات هذي .. يبعد عن عمان تقريبا 80 كيلو مكان جدا حلو واثاره حلوه وأكثر المناطق في شمال الاردن ريفيه مثل الزرقا وأربد - متحضره شوي - وعجلون وغيرها من المناطق في جبل نسيت اسمه والله قريب من اربد ..

أربد مافيها شي لانها مدينه دراسيه عندهم شارع الجامعه داخل موسوعه جينيس بكثره عدد مقاهي الانترنت فيه وهالشي فعلا .. احسن شي عندهم مطعم ارابيلا عجيب ..

عموما شمال الاردن اكثرها مناطق خضره وطبيعه ..

وعندك في جنوب الاردن
اذا ماخانتي الذاكره بين الـ 200 الى 250 كيلو متر من عمان
حمامات معين اللي فيها الماي الحار رووعه رووعه بمعنى الكلمه ..
وعندك البتراء لازم تخصص لها يوم كامل بتستانس فيها ..
وتقدر تمر على البحر الميت في جنوب الاردن ورى البتراء
وعندك العقبه ورى البتراء بعد مش بعيده منها منطقه تقدر تقول عنها شوي معزولة والاسعار فيها ارخص منطقه تجاريه تقدر تقول وتطل على مصر واسرائيل تقدر تشوف ليتاتها يعني فالليل ..
طبعا هالاماكن لازم تخصص لها على الاقل ثلاث ايام اذا انت مستعجل بتكفيك يعني .. وفي اثار كثيره ومناطق حلو بعد

المطاعم عندهم جيده بشكل عام لكن في مطاعم فايف ستارز عندهم عاد انت انتبه حاول تروح للمطعم اللي تشوفه راقي شوي ومن أفضل المطاعم عندهم في عمان العاصمه مطعم ريم البوادي لازم لازم تمر عليه وبتدعي لي صدقني جلسته حلوه وأكل حلو وسعره زينه ومطعم رااقي واهم شي تجيب لي منسف وياك ..


ولاتنسى تعطينا الاخبار بعد ماترد .. وتروح وترجع بالسلامه ..

نسيت أقولك بخصوص البترول اذا انت رايح بسيارتك البترول غالي شوي عندهم يعني انا كان عندي لاندكروزر كنت أعبيه بـ 450 ريال تقريبا بين الـ 80 الى 85 دينار اردني ..

واذا بتستخدم تكاسي الله يعينك اول ماتسمي تدفع نص دينار والحسابه تحسب لكن الافضل سيارتك وياك وتكون محاسب سواقتهم الله بالخير ..

[الفهد1]

عنك شقق جوهرة دينا اسعارهم غرفتين نوم تقريبا 300 ريال هذى في الجبية وبتحصل الشقق تقريبا جنب بعض بس الله يعينك على الحجز عندهم كلة زحمة واكثر هم السعودين مطيحين في هل المناطق نظرا القرب من عندهم تقول مثل هل قطر مطحين في الحسا

[شموخ العز]

مشكور اخوي القاسي ومشكور اخوي الفهد يعطيكم العافيه

ههههههههههههههههههه ام عاد مثل الحسأ قريب منهم الاردن وسوريا

يعطيكم الف الف عافيه

بس فيه واحد قال لي فيه شقق اسمها شقق عمون حلوه ظنك او حد قد سكن فيها

واسف على الارعاج

[معيذر جنوب]

وش لك بالأردن النعيرية أحسن لك ,,,

[باراكودا]

أفضل منطقة الصويفية ومن ثم الشميساني واخيرا المنطقة الراقية عبدون .

[jassem777]

انصحك في الجبيهه شقق حلوه وعائليه فندقيه شقق تمره الفندقيه

وهذا رقمهم 5353484 009626

[البركان]

المناطق الراقيه ضاحية الرشيد

تلاع العلى

جبل الحسين

الاماكن ممتازه عندك حدائق الملك عبدالله وملاهى الجبيهه والتلال السبع واهم مايميز الاردن الجو المعتدل وكثرة الشلالات والمطاعم الموجوده على قمة الجبال وحمامات معين والبحر الميت والمناطق الاثريه ففيها قلاع وتاريخ عجيب


فى منطقه الوالد دايم يسكن فيها لكنها تبعد عن عمان 15 دقيقه بالسياره واسمها مرج الحمام

[ســـهم]

ارشح المناطق اللي ذكرها الاخ بركان وخاصة تلاع العلي لانها مرتفعه وبارده ويسكن بها عوائل خليجيه

بالاضافه انها هادئه وبالتوفيق .