وبعدين ويا هالبيبي ترى زهقنا والله...@@@@

[Qt.1]

وايد مواضيع انزلت في المنتدى عن هالموضوع ولكن مافي فايده , واحد على خط الشمال ماسك اقصى اليسار ومعطل خلق الله ذبحنا يوم تجاوزته الاا الاخ مفهي وايطقطق على البيبي ...!!!
واحد عند المواقف تحت في الااند مارك واقف عند اللفه وبعد معطلنا قلنا يمكن فيه شي متعطل والااشي ترى الااخ بعد مفهي وايطقطق على البيبي ...!!!!
طريق ازغوى الداخلي من عقب نادي الغرافه بعد ماسك يسار ويمشي ستين ومفهي مع البيبي ....!!! شالحاله والله زهقنا , مادري متى الناس بتعرف انهم في سياره وفي شارع , يعني في حركه في سيارات في حركه مروريه مب ابروحك في الشارع ...!!

[ANONYMOUS]

يمكن مطرشين له بينق

لازم يشوف

يمكن كظيه مستعجله

:p

[بوحارب]

طريق ازغوى الداخلي من عقب نادي الغرافه بعد ماسك يسار ويمشي ستين ومفهي مع البيبي

اي والله اشوفهم كل يوم

وزيد على هالاشكال

واحد واقف عند مطعم الكرك والهندي واقف عند الجامة يبي يعطيه الشاي والأخ مفهي مع هالبي بي ماله والهندي المسكين واقف في الحر !!!!

لعوزتونا يا جماعة البي بي المفهية

[مرتبش]

راح بالي بعيد
عبالي بيبي (ياهل)
طلع البيبي حبيب القلب
صار لي سنة الحين افكر اخذ واحد.. اكنسل التفكير ولا استمر

اخاف استوي واحد منهم

[العقل المدمر]

اللي مايقدر يضبط نفسه وقت السواقه
المفروض يخلي موبايله عالسايلنت وبعيد عن عينه
عشان بعد مايطالع الليت كل شووي
ترى الصبر زين :shy:

[ابيض و اسود]

الأهم في كل هالحالات المذكورة
.
.
.
.
إنت وش سويت ؟؟

عديت منهم و طنشت :secret::secret:

والا اتخذت اجراء آخر !

:fight::fight:

[الألماسي]

انا اذا شفت زحمه و وراي واحد " طايش" و يعطي ليتات يبي يطوف ما افتح له ابد . .
و عقب ما يقرب ارفع البلاك بيري اني اشوفه بس عشان " ارفع ضغطه " :nice: :d

[العودي V.X.R]

اذا شفت واحد لاهي مع البيبي .... روووح قدامه واول ماتشوفه مدنع والا منزل راسه يكتب ... كع برييييييك ... وانتهت السالفه .... وصدقني عقبها بيحرم .... فليكن شعارنا ((( كع بريك وارفع ايديك ))) خخخخخ :nice:

[قرناس قطر]

ياحالتهم :nice:

[شمعة الدوحه]

راح بالي بعيد
عبالي بيبي (ياهل)
طلع البيبي حبيب القلب
صار لي سنة الحين افكر اخذ واحد.. اكنسل التفكير ولا استمر

اخاف استوي واحد منهم

ههههههههههه نفس تفكيري والله :tease:

[البدع]

صحيح

واحد من الربع دعم مرتين بسبب البلاك بيري

[tulepq]

تسلم عالموضوع ..

بس عاد عقب اليوم ياويل حد ينفخ راسنا ويقول : عيالنا والإباحيه .. ومادري شنهو ..

ترا إنتووووووووووووووووووو السبب ..

إنتوووووووووووووووووووووووو اللي عطيتوهم إياه ..

وإنتوووووووووووووووووووووووووووو اللي جادمين ..

وإنتوووووووووووووووووووووووووووووووو اللي نزلتوا مستوياتهم بدرجات تفشل ..

وإنتوووووووووووووووووووووووووووووووو أس البلا .. من هذي الثقه الزايده ..



حرام عليكم والله .. جرحتوا عيونهم بشي ما يعرفونه ..

قويتو عيون عيالكم .. دمرتو عيونهم .. الله يسامحكم ..

[فالكـ GOOD]

اشفيكم كذا ليه بس النظره هذي السلبيه عن البلاك بيري

ترى بعد فيه اشيا وايد زينه

بدل ماتدش هالشاتات السخيفه ولاتدري تكلم منو في البيبي تكلم
هلك واعمامك ووبنات الفريج كله

تصدقون البيبي قرب البعيد في ناس مااسولف معهم ابد الا بال بيبي يعني
حرام كله تسبونه اللي يستخدم الخدمه عدل بالعكس وايد حلوه

اما اللي يسوق ويستخدم بيبي غلطته وترى في ناس تستخدم ايفون والفيس بوك
والنوكيا كله طايحيين ع هالبيبي المسكين


شعاااري معا لنصره البيبي


<<<<<<<<< بتنطق

[ضوى]

والله وانا اقرأ العنوان جا في بالي انه في ياهل عندكم ومأذيكم :)

[حقيقه]

وحده اعرفها طاحت من الدرج وانكسرت رجلها والسبه اندماجها في البيبي
:(

[بوحارب]

وحده اعرفها طاحت من الدرج وانكسرت رجلها والسبه اندماجها في البيبي
:(

واحد من الربع صاده رادار الأشارة وهي حمرا وجاته مخالفة ب 6000 ريال مع 7 نقاط

والسبب الأندماج على الزفت البي بي :)

[tulepq]

واحد من الربع صاده رادار الأشارة وهي حمرا وجاته مخالفة ب 6000 ريال مع 7 نقاط

والسبب الأندماج على الزفت البي بي :)


هههههههههههه .. يالله عاد خل يتحاططون له 6000 ريال ..

تبون بيبي يالله هذا ببيكم :tease:

[msd313]

حتى الاطفال صار البلاك بري والبي بي من اهم اهتماماتهم
وكأنه حلاوه ومصاصه بيده