السفر .. و ميزانية الأسرة .. !

[فارس الكلمة]

إلا تعتقدون .. أيها الكرام .. بأن السفر هذه الأيام

اصبح يستنزف أمولاً ضخمة من ميزانية الأسرة .. ؟

[بوحارب]

مرحبا اخوي فارس

السفر يبي له ميزانية كبيرة

وخاصة للدول الغالية مثل الدول الأوروبية وغيرها

واذا كانت السفرة لمدة اسبوع في احد الدول الخليجية تكلفك بين ال 10 وال 20 الف ريال

والعدد ما يتعدى 5 اشخاص

كلمة اخيرة اللي عنده فلوس زايدة يسافر براحته
لكن اللي ما عنده يستريح اهني في الدوحة ابرك له

ترى الدوحة فيها اماكن تونس ومانحصلها في اي مكان

يكفي عندنا مطاعم الكرك مفتوحة 24 ساعة ههههههههه

[فارس الكلمة]

هلا بوحارب ..

معظم الدول الخليجية لا ينفع السفر فيها في فصل الصيف .. لارتفاع حرارة الجو ..

أنا اشهد ان الدوحة فيها وناسة .. لكن الواحد احيانا يحتاج للتغيير ..

و شكرا على الكرك .. :)

[ضوى]

إلا تعتقدون .. أيها الكرام .. بأن السفر هذه الأيام

اصبح يستنزف أمولاً ضخمة من ميزانية الأسرة .. ؟


نعم اخوي الفاضل السفر صار يستنزف اموال كثيرة

بس المفروض السفر يكون على قدر الميزانية ، ومب لازم كل سنة سفر ، يعني ممكن كل

سنتين مرة ، حلو يكون الواحد مرتب اموره وموفر فلوس السفرة من غير لا يدخل في معمعة

الديون

[روح الاطلس]

صح يستنزف اموال

بس حلو ومتعه ومافي متعه ببلاش :)

ممكن الواحد يرتب له احلا سفرة بأقل تكلفة لو كان مخطط لها عدل وحاسبها صح

[بوحمد1]

انا مع المثل اللي يقول مد ارجيلك على قد لحافك:nice:

وترى الدوحه حلوه ولو تبي تغير جو احجز لك استراحة ولا شاليه يومين وونس نفسك:tease:

[السامـي]

يفترض ان ميزانية السفر لحالها،وما يكون لها علاقة بميزانية الأسرة.

[ولد النواخذه]

السفر حلو بس بدون ديون وبلاوي عشان الواحد يرجع بدون ما يكون مهموم بهم الدين
مد ريولك على قد لحافك ومتى ماتوفرت لك البيزتين سافر واذا ماعندك قزرها فالدوحه والحسا واذا باعدت اوصل الخبر

[ANONYMOUS]

على حسب

في ناس تسافر اسبوعين وتصرف 20 الف

وفي ناس بنفس الاسبوعين.. ونفس الدوله تصرف 100 الف

[تحداني]

أحب السفر جدا وأحبه أكثر عندما يرافقني من يعرف معنى السفر
وليس حمل الحقائب ومغادره البلاد


نعم هو يستنزف اموالا كثيره لا احد يستطيع نكران هذا
خاصه ان كان البرنامج الترفيهي حافل من الصباح الى المساء
ويتخلله لحظات استجمام في الاسواق والمقاهي والمجمعات
محتاج ان تضع ميزانيه كيره للدول الأورويه
والدول الخليجيه في هه الفتره صعبه كمن يهر من النار ويذهب للنار


وكلما زاد عدد المرافقين
كلما استنزفنا اموال اكثر




ليت الأماني تكون على قدر الإستطاعه
والشخص بالفعل يحتاج الى تغير جو ..
وتغير وجوه .. وتغير شكل وروتين الحياه



طيب هنا سؤال يطرح نفسه
ايش المانع ان الشخص يسافر ابروحه ؟؟ :) مو لازم يكون معاه احد




جملك الله برضى الرحمن

[صوت الضمير]

بقولكم شي وبصراحه أنا ماقد سافرت إلا السعودية

لكن كل ماشفت اللي حولي ناس مايسافرون كلش..

أحس إني في نعمه ولله الحمد

السفر يبي ميزانيه أكيد .. ومستحيل نأخذ سلفه عشان سفر

من قال أنه دول الخليج حاره .. أنصحكم بأبها .. في عز الصيف العام علينا مطر

وهوا .. ومناظر تسر العين .. غير كذا إذا أنتو أسرة لمدة أسبوع راح تكلف 5آلاف بس

والله يهني اللي بيسافرون .. ويحفظهم .. ويردهم سالمين غانمين

أبداع

[وارث العز]

والله انا اقول ان الخسارة خسارة الروح ، الواحد يسافر ويتمتع والفلوس رايحة رايحة

بس عن نفسي البنيان قالي حدك دبي

[unless]

المشكلة الازلية عندنا هي أن ثقافة السفر والسياحة صفرلدرجة أن البعض وهو رايح المطار ماعنده فكرة عن الخطوة
التالية يعني خطة سفر ماكو ..وعلى هالترتيب حتى يرد
ويوم تسأله ايش استفدت من السفرة؟ يرد عليك عضلات فهو حمالي
ابتداءً من البيت وانتهاءُ به
والعائلة الكريمة اسواق وهلم جرا وخسائر لها اول مالها تالي
ولو كان هناك وعي سياحي كان وفروا الناس اكثر من النص
ختاماً ..المصيبة اللي مالها حل هو اللي يتسلف للسفر
اللي مثل هذا الله يعينه على بلواه

[فارس الكلمة]

شكراً للجميع على هذه الردود ..

السفر متعة و فائدة .. و فيها تعب و أرهاق ايضاً ..

صحيح .. كل حسب طاقته .. لكن لا يضطر إلى القروض و الديون ..