أمريكا ... احلى من النمسا ... وارخص من بريطانيا ... وشعبهم ليس مغرور كالفرنسيين

[البدع]

مستغرب الي يروح اوروبا

ويترك امريكا

دولة حلوة

شعبها طيب

وارخص من اوروبا 3 مرات

وفيها كل شيء تريده

كانك في قارة بروووحك

عيبهم بس المطار

يفتشونك تفتيش خشن

نصيحة للي عنده عائلة

روح امريكا

واترك زبالة اوروبا الغالية

[doha_star]

:nice:

[Chambray]

كلامك صحيح
بس التذاكر غاليه والمسافه بعيده 14 ساعه حتى نيويورك
عوضاً ان الاماكن الممتعه هناك تقطع في جنوب ( فلوريدا ) او غرب ( امريكا ) كاليفورينا وما حولها
وكاليفورنيا بروحها تبعد عن نيويورك اكثر من 5 ساعات :)

المسافات البعيده هي الي تحكم العوائل تخيل اطفال ويهال في الطائرة والله قمه الازعاج والملل لرب الاسره في ظل مشاغبه الاطفال ..


ولا انا معاك في كل كلمة قلتها ... امريكا احلى وامتع مليون مرة من اوروبا :)
بس كل دولة لها جوها في اوروبا
يعني اسبانيا مش مثل سويسرا
وسويسرا مش مثل فرنسا
وفرنسا مش مثل المانيا
والمانيا مش مثل انجلترا
... إلخ

تحياتي لك

[بنت سيف]

اتفق معاك ..

أمريكا تكاليف التصييف فيها أقل بكثير من أوروبا ..

[QatarWolf]

صح كلامك انا ادرس وماودي ارجع d:

[وحيد-الشوق]

يجوز

بس عن نفسي ما زرت امريكا ولاشفت فيها شيء حلو الي اشوفه بس مباني وعمارات الا اذا في شيء غير احد يقولنا وحتى وجهات السفر للسياحة قليله الى امريكا !!!!

[الـقـاسـي]

بالعكس والله امريكا حلوه وفيها كل شي تبيه ورخيصه ..
والحلو فيها كل شي تبيه موجود صحيح ان الرحله لها طويله لاكن تنسى تعب الرحله فيها ..

واحلى مافيها السفر من ولايه لولايه بسياره صحيح مسافات بعيده لاكن وناسه ..

[clouds]

بصراحه كلامك صحيح وهو اللي دوم اقوووووله مثل امريكا ماااااااافي
جو وناس طيبه وسوق واماكن سياحيه يازينها من بلاد وكل ولايه وولايه جنها بلد مختلف عن البلد الثاني ماجنهم في دوله وحده.طبعا غير التكنلوجيا العجيبه والمبهره عكس اوروبا اللي كل شي فيها قدييييييييييييييييييم

[clouds]

كلامك صحيح
بس التذاكر غاليه والمسافه بعيده 14 ساعه حتى نيويورك
عوضاً ان الاماكن الممتعه هناك تقطع في جنوب ( فلوريدا ) او غرب ( امريكا ) كاليفورينا وما حولها
وكاليفورنيا بروحها تبعد عن نيويورك اكثر من 5 ساعات :)

المسافات البعيده هي الي تحكم العوائل تخيل اطفال ويهال في الطائرة والله قمه الازعاج والملل لرب الاسره في ظل مشاغبه الاطفال ..


ولا انا معاك في كل كلمة قلتها ... امريكا احلى وامتع مليون مرة من اوروبا :)
بس كل دولة لها جوها في اوروبا
يعني اسبانيا مش مثل سويسرا
وسويسرا مش مثل فرنسا
وفرنسا مش مثل المانيا
والمانيا مش مثل انجلترا
... إلخ

تحياتي لك

شلونك ياخبير فرنسا...لين الحين في فرنسا ولا رجعتو لقواعدكم سالمين ؟؟واخبار العيال؟؟

[MiSsY]

هههههههههه عجبني العنوان

اخوي ماقد رحت امريكا بس اشوفها ف الافلام
هي صج فيها كل شي وكل مدينه تمتاز بشي
الواحد يحتار وين يروح فيها اصلن

بالنسبه حق شعبها انا وحده متعقده من الامريكااااااان كلهم
ماتعاملت مع واحد فيهم وطلع سنع كلش
كلهم خسسوا فيني
<< طالبه جامعيه

وبالنسبه للاكسنت
عندي طبعا الامريكان اكسنت احسن من البرتش
ينرفزوني الانجليز لتكلموا

وغير هالشي السفره طويله من قلب
الواحد يتملل
يعني لو مب مضطرين مانروح لها
مب سياحه عذااب طريجها

[qtrose]

أتفق معاك :

_ من ناحية أن الشعب طيب ومعاملته راقية .

_ السكن أرخص من أوربا.

_ أسواقهم وبضائعم حلوة ودايما عليها عروض خيالية ما شفتها بأي مكان من قبل .

_ حدائقهم في التوب ( عالم ديزني ، حدائق اليونيفرسل ، عالم البحار ، ...)

_ تقدر تتنقل بين الولايات وكل ولاية تتميز بجمالها.


مساوئ السفر لأمريكا :

البعد وبس !:(

[R.S.C]

بحكم اني ادرس في امريكا اشوف ان العيب الوحيد فيها البعد بس !!
واشوف إن كاليفورنيا وفلوريدا ونيويورك افضل المدن السياحيه
من جميع النواحي مجمعات و مناطق سياحيه و شواطئ و تمشايه و مطاعم و مدن ملاهي الخ..

[مروج قطر]

انا معاك بكل كلمه قلتها و خصوصا اني زرت كل هالاماكن اللي ذكرتها

امريكا و بالتحديد كاليفونيا :nice:

البضائع و الأسعار :nice:

السياحه :nice:

السكن :nice:

تعامال شعبها :nice::nice::nice:

يعني امريكا ممتازه

ولكن

طول مسافة السفر مرررررررهقه

اختلاف ساعات النوم مررررررهقه

و مالنا بد من لندن و فرنسا و النمسا و و و..... و اوروبا

و التغييير زين

مره امريكا و مره اوروبا و لا احلى من كذا :nice: :nice: :nice:

[الحجاجي]

بالعكس والله امريكا حلوه وفيها كل شي تبيه ورخيصه ..
والحلو فيها كل شي تبيه موجود صحيح ان الرحله لها طويله لاكن تنسى تعب الرحله فيها ..

واحلى مافيها السفر من ولايه لولايه بسياره صحيح مسافات بعيده لاكن وناسه ..

كلام صحيح ..

هذا أحلى مافيه

تتمتع بزيارة الأماكن بالسيارة ..

وصج وناااسه ..

اتذكر طلعنا من سان فرانسيسكو إلى لاس فيجاس ..

صج كانت رحلــة روعـــة ..

وفعلاً كل مكان في امريكا أو ولايه فيها أماكن سياحية معينـة


بالتوفيق للجميع ..

[ع.م]

والله خاطري أغيّر عن أوروبا بس المشكلة الأهل مايبووون يطولووون فالطيارة.. والصراحة معاهم حق خخخ

[شغموم]

السلام عليكم...
خطتي السنه الجايه إن الله أحيانا بالصحة والعافية هي أمريكا وبالتحديد "ميشجن"
قالي صاحبي القطرية تنزل في شيكاغو ومنها بنروح بالسيارة لميشجن مدة الطريق أربع ساعات تقريباً..

إذا أحد منكم زار ميشجن أو درس فيها يوصفها لنا ولو برؤوس الأقلام؟
لأن السفرة راح تكون عائلية؟ ولمدة أسبوعين إلى ثلاث اسابيع، تتخللها سفرات لولايات أخرى؟

وبالتوفيق،،

[R.S.C]

^
^
القطرية ماتروح شيكاغو بس تروح نيويورك وواشطن دي سي وهيوستن :)
اعتقد ان الأماراتيه تروح شيكاغو ولوس انجلوس
والله يوفقك في الرحلة إذا تبي أماكن حلوة في فلوريدا وكاليفورنيا ان شاء الله بوفرها لك
خصوصا ديزني لاند ماتتفوت في فلوريدا

[شغموم]

R.s.c

فعلا شيكت على القطرية ومثل ما تفضلت تروح نيويورك وواشنطن دي سي.

وبيض الله وجهك،،

[البدع]

ميشجن زرتها مرة وحده بس

مافيها شيء

ومدينتهم تعيسة

وزرت شارع كله مطاعم ومحلات عربية

نصيحة روح كاليفورنيا

[فــلان]

شلون مب أفضل بلاد فالعالم .. أمريكا وشعبها وبسس مقارنه بأوروبا وهذا عن واقع عِشره و معامله , ناس مب متكبرين و إجتماعيين وستريت و كل شي فيهم حلو يعني ذيلا لو يستوون مسلمين أتوقع بيكون أفضل شعب على الأرض من جميع النواحي :)

إسمح لي بهالمناسبه حاب أشارك بهالصوره في موضوعك:)

http://www.motorcycle.com/images/content/Event/08_may_kawi_showdown_01.jpg

[qtrose]

السلام عليكم...
خطتي السنه الجايه إن الله أحيانا بالصحة والعافية هي أمريكا وبالتحديد "ميشجن"
قالي صاحبي القطرية تنزل في شيكاغو ومنها بنروح بالسيارة لميشجن مدة الطريق أربع ساعات تقريباً..

إذا أحد منكم زار ميشجن أو درس فيها يوصفها لنا ولو برؤوس الأقلام؟
لأن السفرة راح تكون عائلية؟ ولمدة أسبوعين إلى ثلاث اسابيع، تتخللها سفرات لولايات أخرى؟

وبالتوفيق،،


أنا عشت في ميشجن سنتين :) ، هي حلوة وتتميز بتساقط الثلوج

في فصل الشتاء وبالصيف كأنها أوروبا.

مشكلتي اني بس كنت ساكنة في لانسنج و لانسنج ما فيها شي ،

يقولون شمال ميشجن رووعة من حيث الطبيعة.

وبالنسبة لموقع ولاية ميشيجن حلو بحيث انها قريبة من كندا وتقدر

تروح لشلالاات نياجرا بالسيارة ، وهي بعد قريبة من شيكاغو يعني

من لانسنج تقريا ساعتين.

موفقين ان شاء الله وسلمو لي على لانسنج :)

[شغموم]

بنت قطر... شاكر لج المرور يا الغالية..

بس في كم استفسار لو تفيدينا الله يسلمج..

سفرتي راح تكون عائلية... المدام + البنوتات

المدام = بالنسبة للتسوق + جودة البضاعة

البنوتات = ألعاب + تسالي

ياليت أتفيدينا عن هذه النقاط،،

شاكر لج مرة ثانية،،

[مدير]

ان شاء الله رحلتي الجاية لامريكا .. بس للحين مب عارف اي ولاية اروح

و الله يعيني على السفاره وعوار راس السفاره

[clouds]

بنت قطر... شاكر لج المرور يا الغالية..

بس في كم استفسار لو تفيدينا الله يسلمج..

سفرتي راح تكون عائلية... المدام + البنوتات

المدام = بالنسبة للتسوق + جودة البضاعة

البنوتات = ألعاب + تسالي

ياليت أتفيدينا عن هذه النقاط،،

شاكر لج مرة ثانية،،

أحلى سوق في العالم..اسالني انا حرمه مثلها واعرف للسوق:shy: ورخيييييييييييييييييييييييييييييييييييص واحلى الملابس والاغراض الغريبه عندهم

وللبنات عندكم فلوريدا عجب عجب ديزني 6 حدايق او 7..كل حديقه يبيلها يوم بدون مبالغه
يونيفرسال ستوديوز حديقتين كل وحده يوم
السي وورلد حديقتين كل وحده يوم:victory:
غير متاحف الاطفال الغريبه العجيبه هناك وحدايق الحيوانات الروعه وغيره من الاماكن السياحيه..

[قطر77]

امريكـــــــــــــــــا غـــــــــــــير

[angel qtr]

صح امريكا احسن بوايد وارخص بس الصراحه 17 ساعه مادري 14 ساعه هاي بحد ذاته تعب من قلب

[بـــاروود]

بنت قطر... شاكر لج المرور يا الغالية..

بس في كم استفسار لو تفيدينا الله يسلمج..

سفرتي راح تكون عائلية... المدام + البنوتات

المدام = بالنسبة للتسوق + جودة البضاعة

البنوتات = ألعاب + تسالي

ياليت أتفيدينا عن هذه النقاط،،

شاكر لج مرة ثانية،،

حرام علييك والله تروح مشقن
عندك فلوردا
عندك كولورادو
عندك كلفورنيا
ومشقن مثل ماذكر اخوي مملله ومافيهاا شي كلش والله ماتستاهل الصراحه وكله مصايب ومشاكل خلك ابعيد عنهاا وروح فلورداا وكلفورنياا وذاا بترووح كلفورنيا انصحك بسكن في منطقة ارفاين من ارقى المدن في امريكا من حيث الهدوى والامان :thumbup:

[ع.م]

أووووف صج صج طاحت في خاطري أمريكا..

شنووو أحلا ولاية بالنسبة لموسم الثلج؟ أبي أحلا مكان وقت تساقط الثلج مثلا على شهر واحد..

و عساكم عالقووة..