؛؛ استفسار .. لو بغيت اسوي قاعة احتفالات ؟؟ ؛؛

[رهج السنابك]

؛



السلام عليكم


لو عندي قطعة ارض على شارع عام


وحبيت اسوي عليها قاعه للاحتفالات طبعا مب للاعراس

بتكون قاعه صغيرة وبسيطة جداً خاصة لحفلات النجاح او حفلات الخطوبة او المناسبات الخاصة فهل تتوقعون يعطوني ترخيص؟

وشنو شروط منح الترخيص لمشروع مثل هذا؟

احد سبق وجرب طلب رخصة قاعه؟ وطريقة الطلب شلون تكون هل فقط ارسل رسالة بالبريد الى ادارة التراخيص بوزارة الأعمال والتجارة؟

وشاكرة تعاونكم

؛

[لاجئ عاطفي]

بالاول تحتاجين رخصة تجارية وهذي تاخذينها من وزارة الاعمال ومن ثم رخصة بناء وهذي تاخذينها من وزارة البلدية

[بويوسف]

قاعة خاصة يعني ؟ اذا كان في منطقة سكنية فغالبا ممنوع..

[رهج السنابك]

؛

اغلب القاعات ومالت الاعراس نفس الملكية بين البيوت ؟!! عادي يعني

؛

بس اتمنى احد جرب يطلع رخصة يفيدني هل يسمحون ولا يحطون طلبي للحفظ في الارشيف مع ملايين الطلبات :(

؛

[البيت القديم]

....

اعتقد مب اي حد يقدر يحصل ترخيص قاعة افراح..

دوريلج واااااسطه:)

"""""

[هدهد سليمان]

اتمنالك التوفيق اختي .. وتقدرين تستفسرين من قسم التراخيص

[Mr.Hamad]

لو قلتي إنج بتروحين القمر :nice:

أسهل بوااااااااااااايد من انج تحصلين رخصة لقاعة أفراح

[نسايم قطر]

هيئة السياحة والمعارض اعتقد هم الجهة المعنية

[وضحى قطر]

ترخيص قاعات الافراح للاسف ما ينعطى لاي احد

[ورقــة أمــل]

مب معطينج هههههههه

[لاجئ عاطفي]

ترخيص قاعات الافراح للاسف ما ينعطى لاي احد


محد يقدر يمنع اي شخص انه يمارس اي عمل مشروع دامه امفوي كافة الشروط والضمانات ولو على انها لناس وناس فهناك في محاكم يقدر الواحد يلجأ لها وياخذ حقه بالقانون دام نشاط قاعات الافراح متواجد في البلد فمن حق اي مواطن عنده الامكانيات والقدرة على هذا النشاط اانه يمارسه .. الحمدالله احنا في بلد القانون ومحد فوق القانون

[ابو ضمير]

امممم شكلج لازم لج واسطه على العموم جربي واذا ما نفع خلي هذا يتوسط لج:nice:

http://img251.imageshack.us/img251/2579/84319418.gif (http://img251.imageshack.us/i/84319418.gif/)

[معيذر جنوب]

تراخيص قاعات الأفراح موقفة منذ سنة 2000 م.

[رهج السنابك]

؛

مشكورين كلياتكون < اشعندها صارت لبنانيه


بس انا ابي قاعه احتفالات مش قاعه افراح << على بالها بتقص عليهم لو غيرت الكلمة

يعني بقول لهم مثلا ابي اسوي استراحه واخصصها لعمل حفلات للمناسبات الصغيرة (عيد ميلاد، خطوبة، نجاح) لكن ليست للافراااااااح بتاتا << عشان مايقومون عليها الهوامير

؛


عاد حرام عليهم الهوامير لين الحين ماشبعوا فلوس كروشهم بتنبط :(

ممكن احد يعطيني اسم صاحب قاعات ريجنسي والملكية والدفنه يمكن اطلب منهم واسطة ^_^

لو ماعطوني رخصة بروح للأمير ماعلي منهم :(

؛

[معيذر جنوب]

؛

مشكورين كلياتكون < اشعندها صارت لبنانيه


بس انا ابي قاعه احتفالات مش قاعه افراح << على بالها بتقص عليهم لو غيرت الكلمة

يعني بقول لهم مثلا ابي اسوي استراحه واخصصها لعمل حفلات للمناسبات الصغيرة (عيد ميلاد، خطوبة، نجاح) لكن ليست للافراااااااح بتاتا << عشان مايقومون عليها الهوامير

؛


عاد حرام عليهم الهوامير لين الحين ماشبعوا فلوس كروشهم بتنبط :(

ممكن احد يعطيني اسم صاحب قاعات ريجنسي والملكية والدفنه يمكن اطلب منهم واسطة ^_^

لو ماعطوني رخصة بروح للأمير ماعلي منهم :(

؛

بقولك شي غريب وعجيب

عدد عقود الزواج من منطقة الريان تتجاوز 1000 عقد زواج كل عام .
وعدد قاعات الأفراح ( للنساء ) قاعة واحدة فقط لاغير
شرايك في هالمعادلة

لمصلحة من هالإحتكار ؟

[نجم سهيل]

السلام عليكم

ممممم .. أظن ان ريجنسي حق إبراهيم الأصمخ

موفقة ان شالله

[صوت الضمير]

أذا وافقو لك بالترخيص قولي لي لاني حابه أسوي هالمشروع من زمان

ومفكرة أسويه بدولة مجاوره :)

أبداع

[مساهم فنان]

بعض ردود الأخوة والأخوات ... تكسر المياديف ... وفيها إحباط وكلهم محدن منهم حاول ياخذ رخصة قاعة .
أختي حاولي تسألين الجهات المسؤولة عن التراخيص ... أو أرسلي مندوب لهم .....
هم بيفيدونج أكثر ....
(ضع الهدف واسعى لتحقيقه)

[غير عنهم]

لو يوافقو يعطوني ترخيص وارض البلديه اقسم بالله ابني عليه صاله افراح لرجال ونساء وتكون بسعر رمزي
لاهل قطر ومستعد اسوي تعهد عندهم ان يكون السعر جدا جدا رمزي

[واحد ثقة]

؛



السلام عليكم


لو عندي قطعة ارض على شارع عام


وحبيت اسوي عليها قاعه للاحتفالات طبعا مب للاعراس

بتكون قاعه صغيرة وبسيطة جداً خاصة لحفلات النجاح او حفلات الخطوبة او المناسبات الخاصة فهل تتوقعون يعطوني ترخيص؟

وشنو شروط منح الترخيص لمشروع مثل هذا؟

احد سبق وجرب طلب رخصة قاعه؟ وطريقة الطلب شلون تكون هل فقط ارسل رسالة بالبريد الى ادارة التراخيص بوزارة الأعمال والتجارة؟

وشاكرة تعاونكم

؛


اختي الكريمة ،،

إذا لم يكُن لديك واسطة قوية فلن تستطيعي استخراج ترخيص ، وهذا الأمر معروف منذ زمن ،،

فهم لايريدون الإضرار بالهوامير الكبار كي يبقى الطلب على قاعات الإحتفالات الخاصة بهؤلاء الهوامير وتبقى أسعارها مرتفعة ، ولايهم مايعانيه المواطن من ديون ومبالغ طائلة للبنوك لكي يدفع لقاعات الأفراح ولا معاناة الإنتظار لشهور حتى يحصل على حجز في إحدى هذه القاعات ،،





محد يقدر يمنع اي شخص انه يمارس اي عمل مشروع دامه امفوي كافة الشروط والضمانات ولو على انها لناس وناس فهناك في محاكم يقدر الواحد يلجأ لها وياخذ حقه بالقانون دام نشاط قاعات الافراح متواجد في البلد فمن حق اي مواطن عنده الامكانيات والقدرة على هذا النشاط اانه يمارسه .. الحمدالله احنا في بلد القانون ومحد فوق القانون


للأسف كلامك يا أخي الفاضل لا يلامس الواقع ،،

لايمكن لأحد أن يستخرج ترخيص لقاعة أفراح إلا من لديه واسطة وليست أي واسطة ، بل يجب أن تكون قوية ونافذة ،،

وأنا أعرف أكثر من شخص لديهم أراضي في أماكن كثيرة ومستوفين لجميع الشروط وعلى استعداد للتوقيع على أي التزام ولكنهم لم يستطيعوا أن يستخرجوا تراخيص لبناء قاعات أفراح وكان الرد دائماً بأن التراخيص متوقفة إلى إشعار آخر ، ولن ينفعهم رفع قضية على أي وزارة في مثل هذا الموضوع ،،

ومسألة بأننا في دولة القانون هذا كلام صحيح ، ولكن للأسف القانون يتوقف ويتعطل عند بعض الأمور ولا يمكن له أن يتقدم خطوة خاصة في موضوع قاعات الأفراح وبعض الأمور الأخرى والتي لاتخفى على أحد ،،

والسبب طبعاً معروف وذكرته للأخت صاحبة الموضوع ،،

[واحد 11]

انسي الموضوع ... للأسف مايصير ومن سابع المستحيلات
القاعة الملكية في معيذر كانت تعود ملكيتها لشخص لكنها الان تتبع الشركة الوطنية للفنادق

[معيذر جنوب]

بعض ردود الأخوة والأخوات ... تكسر المياديف ... وفيها إحباط وكلهم محدن منهم حاول ياخذ رخصة قاعة .
أختي حاولي تسألين الجهات المسؤولة عن التراخيص ... أو أرسلي مندوب لهم .....
هم بيفيدونج أكثر ....
(ضع الهدف واسعى لتحقيقه)

أنت في الدوحة والخبر معروف مايحتاج لسؤال
وفيه آلاف يبغون يأخذون تراخيص بس للأسف
التراخيص موقوفة حتى إشعار آخر .

[الـقـاسـي]

اسكتي لحد يسمع هالكلام لايسكرون المنتدى بكبره ..
افتحي مرقص بار كنيسه سوي اللي تسوينه ان شالله مصنع قنابل انتي حره لاكن لاتقربين لصالات الافراح ولا الاحتفالات انتي تبين تقطعين رزق هالمساكين ..

الدولة مامنعت الترخيص عبث عشان خاطر هالمساكين الي ماعندهم الا هالقاعات يترزقون من وراها

يعني ابي اعرف حاطين عينكم على هالكم مليار اللي يطلعونها في السنه حراااام صح ..

اهما شايفين ان القاعات كثيره والاسعار رخيصه جدا فقررت توقف التراخيص .. اهما ابخص ترى

[بوخالد911]

صعبة جدا


والله يووفقج

[البعد الخامس]

ممكن أختى تعملين تصميم بيت كبير
به صاله كبيرة مفتوحه وبها حمامات مطله على الصاله والجهه الأخرى غرفه بحمام وملاصق بها صاله أخرى للطعام والطابق العلوي نفس النظام

وبعدين أجري بالباطن ولا يهمك

ظهري الترخيص على أنه مركز تعليمي وبس

[muraikhi77]

تقدرين مثل بعض المطاعم تعملين صالة للحفلات وبما ان هدفك هو حفلات بسيطة فمن حقك ان تبني مطعم من ثلاث طوابق الطابق الارضي استقبال والمطبخ والطابق الاول قسمين عائلات وعام والطابق الاخير قاعة احتفالات بشرط ان الماكولات والمشروبات من المحل نفسه . وترتيب الطاولات من المحل نفسه وبهذه الطريقة محد كفو يكلمج .
بس انتي صممي المخطط ولاتنسين تحطين اصنصير .

[مضاد]

؛؛ استفسار .. لو بغيت اسوي قاعة احتفالات ؟؟ ؛؛



لاء :stop:

بيقتلونك .

[خيال شمر]

لو عطووووج بشرينا :)

[الجوكر90]

لو قلتي إنج بتروحين القمر :nice:

أسهل بوااااااااااااايد من انج تحصلين رخصة لقاعة أفراح



اشهدلك ع هالرد الوافي

وصج خير الكلام ماقل ودل

[بولينجر]

تقدرين مثل بعض المطاعم تعملين صالة للحفلات وبما ان هدفك هو حفلات بسيطة فمن حقك ان تبني مطعم من ثلاث طوابق الطابق الارضي استقبال والمطبخ والطابق الاول قسمين عائلات وعام والطابق الاخير قاعة احتفالات بشرط ان الماكولات والمشروبات من المحل نفسه . وترتيب الطاولات من المحل نفسه وبهذه الطريقة محد كفو يكلمج .
بس انتي صممي المخطط ولاتنسين تحطين اصنصير .
فكرة جيدة.....
الرخص للقاعات موقفينها من زمان وحتى اللي عندهم واسطة ما حصلوها.....

[الكونغرس]

يازين اعراس اول في لبيوت ووحده تبيع في العرس ولنفوس طيبه

على ماقال اخونا روحتج القمر اسهل من الطلب الي طلبتيه

[monatee]

ترخيص قاعه او ترخيص شاليه او منتجع

نجوم السما اقرب