الله يعزكم ...جارنـــا و الكلـــب ..

[PathFinder]

في الليل وفي الظلام ذهبت الى سيارتي لاحضر الجوال لاني نسيته, وفجأة افزعني كلب يحاول ان يتهجم علي .. وانا فزعت لأني تفاجأت وانا اصلا ما احب الكلاب ابدا ولا احب اقرب منها, والكلب صاحبه جارنا وهو ماسكه بحبل مطاطي يعني وصل متر بعيد عني وانا لسه ما شفت صاحبه اللي كان خلف الجدار. بعد ما رايت جارنا قلت له والله لابلغ الشرطة ..هذي مو أول مره كلبك يتهجم علي ومو طبيعي ..فأجاب الكلب مرخص ..!! واذا حابب تبلغ بلغ ..

ودايما الله يعزكم يعملها على تواير سيارتي .. يعني شي مقرف !!

ما العمل اخواني .. انا ندمت اني تعاملت مع جاري بهالشكل ولكن والله من الفزع .. ولا احب ان يتكرر هالموقف معي لاني اكره الكلاب

منتظر اقتراحاتكم..

[المليونير الفقير]

اصبر على جارك فاجرك عظيم وربك كريم

[وضحى قطر]

الله يعينك المشكله انه جارك

[مرتبش]

ما اعتذر لك؟

[لاجئ عاطفي]

اذا كان الجار ماقدر الجيره وخلا كلبة يسبب الذعر لجاره فاشتكي عليه لان لان هو من الاساس ماحط اعتبار لهالجيره واذا كان الكلب يسبب اذى لك فحتى لو كان امرخص راح يتخذون ضده اجراء من قبل الشرطة

[الصدى الخالد]

ياخوي كلم الجار مرة ثانية واذا ماقدر بلغ الشرطة وراح ياخذون اجراء معاه

[رهج السنابك]

؛

انا مدري ليه دخلت هالعادة الدخيلة بين اهل قطر (تربية الكلاب) لا احنا في كيب تاون عشان نقول نحتاج كلاب حراسة ولا احنا في منطقة ريفية عشان نقول كلاب حماية! عيل وشوله تربية الكلاب؟ لايكون موضة 2010؟ كل شي جايز

؛

[pink]

انت نفس مشكلتنا... جارنا بعد نفس الشي مخلي بيته زريبة كلاب (الله يعزكم ) ... ومانقدر ننام من نباح الكلاب ... اول شي سويناه كتبنا رسالة وقلنا فيها ان الكلاب مزعجين واحنا مب قادرين ننام ومن هالكلام ... وماسوو شي ... وعقبها راح الوالد وكلم الجار بهداوة وبعد ماشفناه سوا شي ...وصبرنا سنييين على هالحال.. لين ماشافت الوالدة زوجة الجار ولما كلمتها تعرضت لها جارتنا وقامت تسبها وتقط عليها كلام قوي

وبعد من كم يوم لما رجعت من الجامعه حصلت كلب سلق ف بيتنا ولما شافني ركض وراي ...والله ماعرفت شاسوي من الخرعه ...حسيت قلبي بيوقف =(

بس شنسوي ... حسبي الله ونعم الوكيل
والله هاذيلا ناس مايحسون ولا يستحون على وجههم

[Gh2o]

شلون يعني مرخص خله يدخله بيته وروح أشتك عليه

[الأستاذ]

ذكرتني بسالفة واحد من الربع في مصر كان عنده دورة طويلة واستأجر له شقة في عمارة وكان وهو طالع أو نازل من العمارة تلاحقة كلاب منوعة شي عود وشي صغير ودبرمان وبوكس .. وغيرها ..
المهم الرجال تضايق وراح لصاحبة العمارة وهي وحدة عجوز ساكنة في نفس العمارة ماخذه دور كامل نصه لها ونصه لكلابها .. كلمها وقال لها أن الكلاب مزعجينه وهو يخاف منهم وشوفي لهم حل .. قالت له مش عاجبك أخرج من الشقة .. أحتار صاحبنا دورته قريبة من السكن هو الحين ساكن ومؤثث الشقة ومرتب عمره على هالسكن .. صبر يومين أسبوعين شهرين ..تلعوز .. يطلع متخرع ويعود متخرع .. بس بيقعد هالشكل لين متى ..
فكر شالحل .. وزّه الشيطان ويروح عند الجزار..ويأخذ ثلاثة كيلو لحم ويقطعهم .. ويشتري سمّ فيران من أقوى نوع وينقع اللحم في السم يوم كامل .. وينزل ذاك اليوم بالليل ويقط اللحم عند الزبالة في خرايط متفرقة ويرجع شقته .. ويسمع الكلاب تحت تتهاوش على اللحم .. رقد ما قام الصبح إلاّ العجوز تصارخ تقول مات ابوها .. اشبلاش يا مدام ..الكلاب ماتوا .. في حد سممهم .. من كثر اللي اشتكوا من الكلاب ما درت من صاحب الجريمة .. يقول رفيجنا من يومها وأحنا مرتاحين من دوشتهم .. والعجوز خذت لها كم يوم وجابت لها قطاوة وقامت تربيهم .. وهو علاقته بالقطاوة أحسن من علاقته بالكلاب ..
بس ها تحمّل .. لا تسوي مثله .. القصة بس للتفكه مب للتنفيذ ..ترى حرام عليك

[ام علاوي]

الله المستعان..

[VIVA]

الله يعينك

بس مافي الا تسوي خطة رفيج الاستاذ لحم ونقعه في سم فيران اسبوع وضيف عليه زرنيخ وقطه للكلب اعزكم الله :nice:

والله شي يقهر وينرفز مسلمين اشلون تقدرون تعيشون مع النجاسه والوصاخه؟!

لا حول ولا قوة الا بالله العلي العظيم

[كاروهات]

لو انا منك اطلق عليهم
بس هل يجوز ذبحهم

[قطر دزاين]

شوف طال عمرك

احنا سكن امريكي او بريطاني في مدينه المره وعنده كلب عزكم الله ويخليه فتره فوق السطح ويتم ينبح طول اليوم واذى اللي حوله والشباب ما قصرو اقتنصوه من فوق السطح وسدحوه وثاني يوم الامريكي او البريطاني شال عفشه ونقل

[نور اعيوني]

شوف ما في حل الا انك تطنش ولا كان الموضوع مهم احنا في فريجنا توه مأجر امريكي او بريطاني جنب بيت جيرانا وعندهم اغلبهم الاكلاب اعزكم الله شي اساسي وكل يوم بالليل نسمع صوت نباحهم بصوره غير طبيعيه ومب واحد ولا اثنين كذا واحد واشكال واحجام بعد وكل الفريج متأذي منه بس محد قال له شي لانه اجنبي وحتى لو عربي وقالو له وطنش بعد هم بيطنشون عشان انه من الفريج ومايبون يخسرونه بسبت كلب اعزكم الله..

[CH Engineer]

اخوي مافي الا انك تكلم جارك باسلوب احلى تقوله يخلي نفسه بمكانك
الكلب متعود على جارك ولا متعود عليك واذا انت تقدر تحاسب على عمرك عيالك واهلك مايقدرون..

اذا ماقتنع
مافي الا انه الكلب ينتقل الى رحمة الله
ولاتشتكي عشان اذا انتقل لرحمة الله مايدخلونك بسين وجيم

[airbus]

عطه لحم فيه سم وقول لجارك ان الحم مرخص وادا تبي تبلغ بلغ

[ضوى]

لا حول ولاقوة الا بالله

كيف الواحد ممكن يخسر جيرانه لاجل كلاب ؟؟؟ اعزكم الله ؟؟؟

وكيف يكون الجار وقع لهذه الدرجة لقول ان الكلب مرخص !! لا حول لولا قوة الا بالله ننتظر الساعة مع ظهور كل هذه الشواهد

[ضوى]

شوف طال عمرك

احنا سكن امريكي او بريطاني في مدينه المره وعنده كلب عزكم الله ويخليه فتره فوق السطح ويتم ينبح طول اليوم واذى اللي حوله والشباب ما قصرو اقتنصوه من فوق السطح وسدحوه وثاني يوم الامريكي او البريطاني شال عفشه ونقل



والله هذا التصرف الصحيح مع هالاشكال :) ويقال ناس تخاف ماتستحي

[كأس2022العالم]

عندي لك هديه أخوي : ::: أم صجمه ...:::.... نيشانها 100 في 100 :::.. أزهبها اكبار 000::::: ..

أعتقد بتحلك الموضوع .


بتوفيق أخوي

[البدع]

أنا اقول تستأجر 3 صعايده من السوق

وتقولهم 100 ريال لكل واحد فيكم اذا نتفتوا هذا الكلب

:nice:

[rawda]

هل معقوله في قطر عندنا الشرطه ماتتخذ اجراء لازم ضد هالشي ؟؟

ياخي والله حاله !! توكل على الله اشتر لحم استرالي ونقعه في تيزاب بعد مب سم وعطهم عليهم بالعافيه

[ركن]

انا مع فكرة اللحم المسموم

[أزهلها]

الجار للجار ولو .. جار ! .. لو كنت تعاملت معه بأسلوب طيب ولاقلت بتشتكي عليه كان ماسوى كذا
وكان الله بعونك من فوبيا الخوف من الكلاب ..



أحسن التعامل مع الجيران كي تلقى ماتريد ..




تقديري ..

[PathFinder]

الجار للجار ولو .. جار ! .. لو كنت تعاملت معه بأسلوب طيب ولاقلت بتشتكي عليه كان ماسوى كذا
وكان الله بعونك من فوبيا الخوف من الكلاب ..



أحسن التعامل مع الجيران كي تلقى ماتريد ..




تقديري ..

اخي العزيز لفت نظري تعليقك,
الحمدلله معاملتي مع الجيران ممتازه ولكن انا قلت له اني بشتكي للشرطة لاني تخرعت .. يعني تخيل انت طالع من باب بيتك بوقت متأخر في سكون الليل ويجيك كلب ينبح عليك فجأة.. والله كابوس ... لا المشكله عادي عنده يقولي كيف حالك !! ما ظل عندي حال هذه اللحظه..

على كل حال هذه المره الثانية تصير امام بيتي والمره الثالثه 999 احسن حل.أو العضيد
وشاكر للجميع على ارائهم القيمه ... لكن السم والتنشين قويه كثييييييير !!

[هذلان]

السلام عليكم


انت يوم كلمت جارك كنت في حاله غير مناسبه للنقاش او الاقناع .

نصيحتي لك في يوم هادي و الجو جميل :nice:

طق الباب على جارك و ادخل تقهوى عنده و استسمح منه على اسلوبك معاه ذاك اليوم (حتى لو هو كان بذىء معاك سابقا مايهم) و اشرح له ان الكلب وجوده غير مرغوب فيه في البيت من الناحيه الدينيه ولا الاجتماعيه و اطلب منه ينقل الكلب لمكان ثاني او يصرفه .
ان سمع الكلام خير من الله و ان ماسمع الكلام اصبر على اذيه جارك و انت الربحان صدقني

[هدهد سليمان]

عطه بالعجره على راسه .. واتحداه اذا قرب صوبك مره ثانيه اذا مربوط بصنقل طويل :)

[القلب المؤمن]

عطه لحم فيه سم وقول لجارك ان الحم مرخص وادا تبي تبلغ بلغ

هههههههههه مجرم !!:nice:

[هذلان]

عطه بالعجره على راسه .. واتحداه اذا قرب صوبك مره ثانيه اذا مربوط بصنقل طويل :)

هههههههههههه شري بو طير .

لاتحدنا على الشر و تخليني اعلمه على حركه الفازلين ولا الديزل ،، مابي استاثم :nice:

[PathFinder]

السلام عليكم


انت يوم كلمت جارك كنت في حاله غير مناسبه للنقاش او الاقناع .

نصيحتي لك في يوم هادي و الجو جميل :nice:

طق الباب على جارك و ادخل تقهوى عنده و استسمح منه على اسلوبك معاه ذاك اليوم (حتى لو هو كان بذىء معاك سابقا مايهم) و اشرح له ان الكلب وجوده غير مرغوب فيه في البيت من الناحيه الدينيه ولا الاجتماعيه و اطلب منه ينقل الكلب لمكان ثاني او يصرفه .
ان سمع الكلام خير من الله و ان ماسمع الكلام اصبر على اذيه جارك و انت الربحان صدقني

يا أخي الظاهر انه متعلق بالكلب كثير لانه لما قلت له انه الكلب مش أليف ويتهجم ومش طبيعي قالي الله يسامحك !! يعني كأني غلطت عليه شخصيا ! ما اعتقد انه لو كلمته انه غير مقبول دينيا أو اجتماعيا راح يسمع الكلام ..

يا أخي نحن في بلد الأمن والأمان ..يعني من حقي انه اعيش بدون ما حد يخرعني كل ما اطلع من بيتي في الليل

[هذلان]

يا أخي الظاهر انه متعلق بالكلب كثير لانه لما قلت له انه الكلب مش أليف ويتهجم ومش طبيعي قالي الله يسامحك !! يعني كأني غلطت عليه شخصيا ! ما اعتقد انه لو كلمته انه غير مقبول دينيا أو اجتماعيا راح يسمع الكلام ..

يا أخي نحن في بلد الأمن والأمان ..يعني من حقي انه اعيش بدون ما حد يخرعني كل ما اطلع من بيتي في الليل

هههههههههه زين بلان B

صب ديزل مكان ما يقعد الكلب :secret:


الله لا يثمني الله لا يثمني :rolleyes2:

[eveqatar]

انا راي تحت له ملين حتى يخيس بيت جارك

[PathFinder]

هههههههههههه شري بو طير .

لاتحدنا على الشر و تخليني اعلمه على حركه الفازلين ولا الديزل ،، مابي استاثم :nice:

ما هي تكنولوجيا الفازلين والديزل ؟!!

[PARIS]

واحنا جارنا بعد مأذينا كلبهم اليوم دخل الحوش وقطع الدجاجه المسكينه لقيتها مقتوله في القفص .. حسبي الله ونعم الوكيل .... وكله كوم والزباله الله يعزكم الي يكودونها قدام بيتنا كوم ... وصابرين وساكتين والله المستعان ....

[لاجل QT]

ذكرتني بسالفة واحد من الربع في مصر كان عنده دورة طويلة واستأجر له شقة في عمارة وكان وهو طالع أو نازل من العمارة تلاحقة كلاب منوعة شي عود وشي صغير ودبرمان وبوكس .. وغيرها ..
المهم الرجال تضايق وراح لصاحبة العمارة وهي وحدة عجوز ساكنة في نفس العمارة ماخذه دور كامل نصه لها ونصه لكلابها .. كلمها وقال لها أن الكلاب مزعجينه وهو يخاف منهم وشوفي لهم حل .. قالت له مش عاجبك أخرج من الشقة .. أحتار صاحبنا دورته قريبة من السكن هو الحين ساكن ومؤثث الشقة ومرتب عمره على هالسكن .. صبر يومين أسبوعين شهرين ..تلعوز .. يطلع متخرع ويعود متخرع .. بس بيقعد هالشكل لين متى ..
فكر شالحل .. وزّه الشيطان ويروح عند الجزار..ويأخذ ثلاثة كيلو لحم ويقطعهم .. ويشتري سمّ فيران من أقوى نوع وينقع اللحم في السم يوم كامل .. وينزل ذاك اليوم بالليل ويقط اللحم عند الزبالة في خرايط متفرقة ويرجع شقته .. ويسمع الكلاب تحت تتهاوش على اللحم .. رقد ما قام الصبح إلاّ العجوز تصارخ تقول مات ابوها .. اشبلاش يا مدام ..الكلاب ماتوا .. في حد سممهم .. من كثر اللي اشتكوا من الكلاب ما درت من صاحب الجريمة .. يقول رفيجنا من يومها وأحنا مرتاحين من دوشتهم .. والعجوز خذت لها كم يوم وجابت لها قطاوة وقامت تربيهم .. وهو علاقته بالقطاوة أحسن من علاقته بالكلاب ..
بس ها تحمّل .. لا تسوي مثله .. القصة بس للتفكه مب للتنفيذ ..ترى حرام عليك

ههههه
ومن الخوف ماقتل:nice:
القطاوة احسن على الاقل ماراح نشوف فيران

[فقط قطر]

انا اعطيك الحل..... صاحب الكلب... اجلك الله..
عطه لحم...عطه دجاج....كل ما شفته عطه شيء...صدقني عقبها بيحامي عنك...لو كان شرس ومدرب هجوم...

[qatari 111]

انصحك اخوي تشتري نمر او اسد للحراسه وحطه قدام البيت صدقني راح تشوف الله يعزكم الكلب منخش تحت سريرصاحبه ولا راح يطلع وينبح

[بـــــــنت النوخـّــــذه]

في الليل وفي الظلام ذهبت الى سيارتي لاحضر الجوال لاني نسيته, وفجأة افزعني كلب يحاول ان يتهجم علي .. وانا فزعت لأني تفاجأت وانا اصلا ما احب الكلاب ابدا ولا احب اقرب منها, والكلب صاحبه جارنا وهو ماسكه بحبل مطاطي يعني وصل متر بعيد عني وانا لسه ما شفت صاحبه اللي كان خلف الجدار. بعد ما رايت جارنا قلت له والله لابلغ الشرطة ..هذي مو أول مره كلبك يتهجم علي ومو طبيعي ..فأجاب الكلب مرخص ..!! واذا حابب تبلغ بلغ ..
ودايما الله يعزكم يعملها على تواير سيارتي .. يعني شي مقرف !!

ما العمل اخواني .. انا ندمت اني تعاملت مع جاري بهالشكل ولكن والله من الفزع .. ولا احب ان يتكرر هالموقف معي لاني اكره الكلاب

منتظر اقتراحاتكم..

صور مره ثانيه تهجم الجلب (وانت بكرامه ) بالجوال تصوير فيديو 000 وتوكل على الله كلم المسؤولين 000 الظاهر جارك ماخذ طبع جلبه اعزكم الله من كثر ماهو يربيه 000

[qatar1111]

مرخص ؟

يعني في استماره وبيمه ؟

الله لا يهينك قطعة ستيك ودغدغها بسم فيران وفالك طيب

[Qatari In Us]

شوزن وامورك خالصه

[R.S.C]

لو انا منك بذبحه وبفتك والطرق كثيرة واسهل طريقة ادعمه بالموتر وفالك طيب او خله ياكل كافي
اخبر في جلاب قدام بيتنا واليهال دوم يلعبون قدام الباب وكل يوم نشوف الكلب مظروب بالحصى
اليهال ماقصروا فيه لين ماتاب وماقام يجي صوب بيتنا

[eveqatar]

جيب له كلب فيميل وبيلطف الجو