100 ريال رسوم حديقة اكوابارك المائية

[عليان قطر]

وسوف تفتح رسميا في ايام العيد

رسوم الدخول 100 ريال
وجميع الالعاب بالمجان

[ummalaz]

100 ريال للفرد ام للاسره

[عليان قطر]

للفرد
وهي رسوم دخول

[عليان قطر]

افتتاح مدينة الألعاب المائية " أكوا بارك "

الأولى من نوعها في قطر
http://lechner.mur.at/de/Media/A/05_aquapark.jpg



الدوحة – الراية : أعلن السيد راضي عجلان المدير العام ل "أكوابارك قطر" انه سيتم افتتاح لمدينة الألعاب المائية - الأول من نوعه في قطر في بداية شهر يونيو من العام الجاري 2010. وأوضح ان أكوابارك قطر، أكوابارك قطر هو أول مشروع لمدينة العاب مائية قيد الإنشاء ونحن على وشك الانتهاء من إنجاز المشروع واقتراب افتتاحه في التاريخ المشار إليه وأضاف: تم البدء لإنشاء اكوابارك قطر في شهر يونيو لعام 2009 ، وفكرة تصميم إنشاء هذا المشروع السياحي تمت بواسطة شركة أكوا ماسترز قطر ، وهي شركة قبرصية الأصل مقرها قبرص ولها فروع عديدة في دول الخليج العربي حيث إنها متخصصة في إنشاء هذا النوع من المشاريع حول العالم.
وقال إن أكوابارك قطر من المشاريع المميزة ولها نمط خاص من حيث التصميم من ناحية الصخور الطبيعية، الأحواض والمنحدرات المتميزة والتي تخدم كل أفراد العائلة.
وأشار الى ان المرحلة الأولى من هذا المشروع السياحي الحيوي تبلغ مساحته 50 الف متر مربع ويشمل مواقف للسيارات تسع لأكثر من 400 سيارة ويحتوي على الآتي: واحة العائلة والتي تخدم الكبار بالدرجة الأولى من حيث الاسترخاء وأحواض الجاكوزي والشلالات التي تساعد على المساج المائي بجانب ذلك يوجد في وسط الحوض نافورة جميلة، علماً بأن الحوض مضاء بإضاءه خاصة جداً تغير ألوان المياه كل دقيقة. ,أكزوتيك فيلج ومكانها وسط المدينة المائية محيط بها النهر الكسلان وباستطاعة الزائر الاسترخاء في هذا النهر والمرور بقرية اكزوتيك والاستمتاع بها. وحوض الأمواج هو الذي يميز أكوابارك قطر والذي يشمل صانعة الأمواج والتي تخلق أحساس الوجود في البحر الطبيعي. ,منطقة نشاطات الأطفال هذه المنطقة تخدم الأعمار من سنة إلى عشر سنوات وهي تشمل العديد من المنحدرات والنشاطات الخاصة للأطفال وتبلغ مساحتها 1500 متر مربع.
وأكوابارك قطر تشمل العديد من المنحدرات المائية تبدأ من ارتفاع 14 مترا وتصل لارتفاع 20 مترا مكونة من أربع منحدرات رئيسية ويعتبر boomerngo هو الأكثر تميزاً حيث يخدم شخصين في آن واحد وهو من آخر تقنيات عالم المنحدرات، بالإضافة إلى منحدر البولنج حيث باستطاعة خمسة أشخاص الانحدار في آن واحد.
كما ان أكوابارك قطر مضاءة بآخر تقنيات LED وقد حرصت إدارة المشروع على توفير كافة سبل الراحة حيث إنها تحتوي على برادات وكذلك العديد من الأماكن المظللة للرواد هذا بجانب العديد من الخدمات مثل دورات المياه وغرف تبديل الملابس وخدمات أخرى مثل المطاعم والمقاهي والملاعب الرياضية. وتستوعب أكوا بارك قطر يومياً 3000 شخص ونحن نتوقع حضور 700 زائر يومياً على مدى ستة شهور، ولكن بما أن المشروع جديد على دولة قطر سوف تسعى الإدارة لتشغيل المشروع لمدة تسعة شهور بالسنة. والقائم على إدارة هذا المشروع هي شركة الجزيرة للمشروعات الترفيهية لديها الخبرة في إدارة هذا النوع من المشاريع على مدى 15 سنة ومتخصصة في إدارة المشاريع المائية وهي عضو في المنظمة العالمية للمدن المائية. وتقع أكوابارك قطر في غرب المنطقة الصناعية والمشروع سوف يكون من ضمن أوتيل عالمي ومنتجع من جانب ومجمع تجاري من جانب آخر حيث ان أكوابارك قطر هو المرحلة الأولى.

[ummalaz]

للفرد
وهي رسوم دخول

كانها غاليه شويه لو حد عندو اسره من 6 افراد يقدر يروح

[عليان قطر]

صحيح
جدا
على اعتبار انها جديده
لكن اشوف رسوم مرتفعه نوعا ما

[رهج السنابك]

؛

يقال والله اعلم .. ان سبب اختيار الموقع للأكوا بارك هو قربها من مستنقع ابونخله :) وهناك مشروع لشفط مياه المستنقع وتكريرها واستخدامها في الاكوا بارك!

شخصياً لن أغامر بصحتي
؛

[عليان قطر]

ربما لكن
لا يحد يعلم ما بالغيب

[hard to get]

؛

يقال والله اعلم .. ان سبب اختيار الموقع للأكوا بارك هو قربها من مستنقع ابونخله :) وهناك مشروع لشفط مياه المستنقع وتكريرها واستخدامها في الاكوا بارك!

شخصياً لن أغامر بصحتي
؛

نعم
سيتم استخدام مياه الصرف الصحي اجلكم الله
حيث سيتم معالجتها بيلوجيا من مستنقع ابو نخلة
وهذا الرابط فيه الخبر

http://www.qatarshares.com/vb/showthread.php?t=360146

[عليان قطر]

لا حول يا دنيا

[صوت الضمير]

وانا اقووووول وين بيجيبون بحر في أبو نخلة

طلعت البواليع الله يعز السامع

صاحب الفكره غبي مع أحترامي له

قطر منطقة تحيط بها البحار من ثلاث جهات في ذمتكم مالقوا ساحل يحطونها فيه

أبداع

[die 4 qtr]

غالي الدخوول ع الاقل 50 يعني لو مثلا عايله بتروح تدفعه 500 او 1000

[عليان قطر]

رسوم الدخول
5 ريال
والالعاب بتذاكر
معقووووووله

[ريم المدينة]

وااااال لاطبنا ولا غدا الشر...

[الهاجري 2]

بس انا اشوف من رايي 100 سعر اوكي وليس بالمعقول

لانه لو ب50 وتحت بتلقى هالزحمه او بتجي بعض الاشكال الغير محترمه

ف100 ريال بتخلي الواحد يدخل ويفر في كل الالعاب ولايكون في همه مشاكل او تخريب

[الجوكر90]

السلام عليكم

اول شي بخصوص السعر انا اشوفه عادي

تعرفون ليش

لان لو كان 50 او اقل راح نشوف ناس فالاسبوع مرتين يروحون

بس لو 100 كل شهر مره كفايه

وماراح نحصل الجنسيات الثانيه

انا ماقصد العربيه بالعكس حياهم الله

بس اقصد الاسيويه

ولا تنسون ان فالامارت ب250 ريال للشخص

اما فالكويت ب50 او 70 ماذكر والله لان كنت اروح وانا صغير



والشي الثاني عن ماي الصرف الصحي او مادري وشو

انزين يالي تتكلمون ع هالاشيا

انتوا تعرفون ان امريكا تستخدم هالماي حق البيوت

يعني الي سافر امريكا وكان يسبح ويغسل ملابسه ويغسل الصحون ويشرب ماي الولف

هاي كله من ماي المجاري

وهالشي مايضر الصحه

لان يعتبر نفس الماي الي احنا نستخدمه لانه يكون نظيف

وطبعا اشيا علميه انتوا ماتعرفونها

لان الماي يتبخر والوصاخه تم تحت وبعدين الماي يمر فعده مراحل لين مايكون نظيف وصالح للاستخدام

وبس خلاص هاي الي درسته فالمدرسه قلت لكم ياه

ويلا خل نشوفكم فاكوا بارك ولا تنسون دامكم بتدفعون ابي اشوفكم من الساعه 1 لين الساعه 8 يعني وقت مايصكرون

[الـقـاسـي]

وياترى مختلط ولا

[كاتم الاسرار]

زين متى الافتتاح وين المكان بضبط وبعدين بالنسبه للتذاكر لو يخلون الدخول 50 والالعاب بتذاكر احسن

[كلاسيك قطر]

اشكرك اخوي يالغالي

بس من زمان ندري في الاسعار وحطينه الموضوع

[كلاسيك قطر]

هذا الموضوع

http://www.qatarshares.com/vb/showthread.php?t=356277

[مروج قطر]

[quote=الجوكر90;6091267]السلام عليكم

اول شي بخصوص السعر انا اشوفه عادي

تعرفون ليش

لان لو كان 50 او اقل راح نشوف ناس فالاسبوع مرتين يروحون

بس لو 100 كل شهر مره كفايه

وماراح نحصل الجنسيات الثانيه

انا ماقصد العربيه بالعكس حياهم الله

بس اقصد الاسيويه



ابشرررررررررك بتحصل الجنسيات الأسيويه اخوي و عدد لا يستهان به و خبرك

عتيق لأن العديد منهم الحين رواتبهم قويه و لهم العديد من الامتيازات و يمسكون

مناصب و وظائف زينه بالدوله و يركبون سيارات يحلم القطري الركوب فيها و بالويك

اند تلقاهم في المجمعات و ارقى المطاعم و الفنادق و ال 100 ريال ماراح تعوقهم

و انا ما اتكلم عن العماله اللي يشتغلون بالشارع و تحت حر الشمس

[فــلان]

صرف صحي ؟؟؟ معالجه بيولوجيه ؟؟؟؟

الله يلعنهم إن شاء الله بيجيبون لي الضغطططط

[كلاسيك قطر]

شباب ابشركم انه في الالعاب محد بيجي

اول شي مكان بعيد

وثاني شي المكان مايساعد لتنشيط الزوار

وياريت لو تنقلون الملاهي عند علاء الدين بيكون احسن

وانا واحد مب رايح اذا هاي المكان

[غربة مشاعر]

الله وناسة أخيرا بتسبح بماي بواليع نظيفة..‏!!‏

[الملا]

الرسوم معقولة .. لاغالية ولا شي

خصوصا لو نرجع لمصاريف الصيانه والرواتب والمصاريف . المفروض تكون الرسوم اكثر

[بنسل]

صرف صحي ؟؟؟ معالجه بيولوجيه ؟؟؟؟

الله يلعنهم إن شاء الله بيجيبون لي الضغطططط

حرام عليك اتلعن !
واذا صرف صحي ومعالجه بيولوجيه , ترى انت تستخدمها وانت ماتدري :nice:

[قطري009]

وين المكان بالضبط

[عذوبـة قلم]

تمنياتنـا بالتوفيق .. آملين بمشاريع اقوى وآجمل لـقطر

[Northman]

وايلد وادي في دبي ,, الدخول بـ 175 درهم

و المدينه المائيه في ام القيوين 75 درهم ,, (بس لو تحسب كروه التكسي الي بيوديك لها بيطلع نفس المبلغ)

في البحرين بعد المدينه المائيه اسعارها حوالين هلمبلغ

الاسعار عاديه اخوي ,, و لاتنسى انك تقدر تقعد بهلمبلغ من اول ماتفتح المدينه لين ماتسكر


اما بخصوص ماي المجاري المعالج ,, فـ هذي يبيلها وقفه ,, الصراحه الواحد يخاف على عمره و عياله من الامراض .. و اذا كذا ,, انا من الناس الي مب رايحين

[Realistic]

ياجماعة اشفيها مياه المجاري "المعاجله" ؟

ترى ماي الريان الي تشربونه من اول مانولدتوا.. ماء مجاري معالج ..

وله عبالكم ماي الريان اييبونه من الينابيع الطبيعيه الي في سفوح جبال الريان ؟

[عليان قطر]

هي قرب السيليه يا الغالي

[al-sadd]

صراحه اشوف الـ 100 ريال مقبوله نوعاً ما
لان مش معقوله اجيب الخدامة مثلا وادفع عليها 100 وهي ماراح تسوي شي
اما كـ كل اشوف الـ 100 مقبوله يعني مب مرتفعه ولا رخيصه

وبخصوص مياه المجاري
فديت ماي الريان =)
وعلى قولة اخوي Realistic
"وله عبالكم ماي الريان اييبونه من الينابيع الطبيعيه الي في سفوح جبال الريان ؟ "
هههههه
لاحد يخاف الماي نضيف ومافيه اله العافيه

[هذلان]

من الاماكن الي باسمع فيها ولا اطبها

شلون اصلا تسبح في ماي سبعين الف شخص سابح فيه

[العضو الماسي]

أشوف الرسوم غاليه نوعاً ما . خصوصا عن العوائل يعني عايله كامله تطلع لها ب 1000 ريال مع شويه مشروبات و جوكلت . على أكوابارك . يازين البحر والله ...

[بوحارب]

يعني لو اروح مع 5 من ربعي بيكون الحساب 500 ريال

اوف اوف ميزانية عزوبي لمدة شهر

500 نتعشا فيها في احلى مطعم شعبي عيش ولحمممممممممممممممممم هههههه

[هدهد سليمان]

يعني لو اروح مع 5 من ربعي بيكون الحساب 500 ريال

اوف اوف ميزانية عزوبي لمدة شهر

500 نتعشا فيها في احلى مطعم شعبي عيش ولحمممممممممممممممممم هههههه

كم قلاص كرك تهقى يابوحارب :)

[عليان قطر]

يعني لو اروح مع 5 من ربعي بيكون الحساب 500 ريال

اوف اوف ميزانية عزوبي لمدة شهر

500 نتعشا فيها في احلى مطعم شعبي عيش ولحمممممممممممممممممم هههههه


ذكرتني
عيش ولحم عربي
ذبح اسلامي:nice:

[ولد-قطر]

سعرها غالي وجدا مبالغ فيه

[صندح]

نتمنى عدم الخلط بين الرجال والنساء في وقت واحد


صندح

[بوخالد911]

توووو متش والله


والله يعيينا العيلة اللي عددهم كبيير

:(



بس هي حرركة !!!

بالأول بيخلوونها 100

ومع الأيام بيخفضوونها الى 60 - 50
والله أعلم

[روض]

ليش 100 غااااااااااااااااالى رسومها

<<عاد انا عايلتى كبيره شكلى بروح براسى وبخلى البزران ينثبرون فى البيت ^.^

[رامي التراب]

من الاماكن الي باسمع فيها ولا اطبها

شلون اصلا تسبح في ماي سبعين الف شخص سابح فيه

كل ذا يهون الموت اذا كان مصدر المياه مجاري(بواليع) اعزكم الله من اللي بيسبح فية

[كلاسيك قطر]

لحووووووول وله قوه

شباب خلنا انتكلم عن المكان

[قلم حائر]

انا اشوف السعر غالي وخاصة اذا العائلة كبيرة
يمكن لانهم مكلفين عليه بطلعون ثمنه وعقب اخفضون السعر:shy:

[بوحارب]

كم قلاص كرك تهقى يابوحارب :)
اوووووو لاتعد يا ولد

هذي ميزانية شهر وأكثر للكرك :)





ذكرتني
عيش ولحم عربي
ذبح اسلامي:nice:

تصدق من عقب ماكتبت هالمشاركة امس

انعزمت على عيش ولحم

ويازين العيش واللحم :(

[البيرق]

بعد المسافة ومستوى الالعاب البسيط قياسا بالي نشوفه خارج قطر وغلا السعر واخرتها مياه معالجة احنا مانقدر نمشي على العشب المسقي بها المياه ولاتنسون نجاستها فاذا قلتوا معالجة فنبغي درجتها وراي الشرع فيها على اساس درجة التنقية
هذا فضلا عن ان كثير من هذه المنتجعات او الحدائق المائية تنافي الشرع والتقاليد بخلطها بين البنات والبنين فلا بد ان يعرف القائمين ان كثير من اهل قطر محافظين ولايرضون على عيالهم وبناتهم بالخلط فنبغي الايضاح لهالنقاط

[سلامي للكل]

صرف صحي ؟؟؟ معالجه بيولوجيه ؟؟؟؟

الله يلعنهم إن شاء الله بيجيبون لي الضغطططط

لاحـــول ولاقــوة الا بالله العلــي العظيم

لايجـــوز اللعــن

تحمـــل الذنـــوب اللي جاتك من وراء هاللعــن اللي ماكان له داعي من الاساس

[ali]

والله امركم غريب
في الاماااارات انا شوف تدفعون 250 ريال ولا حد يتكلم وفوق 7 او 10 اشخاااص
والحين 100 ريال وغاااالي وانا واحد منهم

ياخي على الاقل نفتك من بعض الفئات الي تارسه المجمعات من الخميس والجمعه والسبت من الصبح الي الليل توفر كهرباء وماي وكل واحد يايب معاه مطارة ماي من بيتهم
ولو صارت 5 ريال الملاهي يمكن ينامون فيها ولا يغسلون ثيابهم هم وبسطاتهم حتى في البرجه
ومنها نفتك من الاسيويين الي بيجونك على كروه من الصناعيه