بخصــوص المعــآرض .. ضرورــي جدآآ -__-" !

[دبڵـﯚمٱωـيـﮧ]

السلآم عليكم ورحمه الله وبركـآته ..
شحـآلكم ..؟

حآبه آخذ رآيكم بموضوع ..
وأبي آشوف آرآء جـآدة ومقنعـه يآ آعضـآء .. بليــــز !
لآن آبي آخلص الموضوع بمسآعدتكم ..

....

بخصوص المعــآرض ,

1- ممكـن آعرف شنهـي القـآعآت المنآسبه لـ المعرض ..؟
2- وهل قآعآت النوآدي منآسبة ومريحة .. لـ النسـآء والأطفـآل ..؟
3- وهـل فترة .." 3 شهـور آو شهرين ونص ".. فترة كـآفيه للإستعداد لـه من قِبـل التجآر المشآركيـن فيه ؟
3- ولمدة كم يوم تقترحون آنه يستمر المعرض ..؟
4- وكم تقترحون يكون الإيجـآر اليومـي لـ البآرتشن الوآحد واللي بيكون حجمه 3*3 , علشآن يكون عليه إقبال كبير من تجـآر الإنترنت والمحلات داخل وخارج الدوحه ..؟


ردودكم على الأسئلة بتسآعدني وآيـد علشـآن آكمل الموضوع ..
فـ آتمنى آن آلقى ردود حلوه ومقنعه ..

بالتوفيق للجميـع إن شـآء الله ..

تحيـــآآتي ~!

[الدوحه%]

موفقة يارب ,,ان شاء الله يساعدونج ومايقصرون معاج
انا ماعندي فكرة والله ~

[tajirqatari]

1- ممكـن آعرف شنهـي القـآعآت المنآسبه لـ المعرض ..؟
قاعة ارض المعرض او القاعات الرياضية اللي في النوادي او المدارس
2- وهل قآعآت النوآدي منآسبة ومريحة .. لـ النسـآء والأطفـآل ..؟
ليش مب مريحه لان بيكون نفس القاعات الثانيه ماراح يفرق شي لان فالاساس واحد
3- وهـل فترة .." 3 شهـور آو شهرين ونص ".. فترة كـآفيه للإستعداد لـه من قِبـل التجآر المشآركيـن فيه ؟
فتره كافيه وزياده بعد لان انا جهزت العام اللي راح حق المعرض في 4 ايام
3- ولمدة كم يوم تقترحون آنه يستمر المعرض ..؟
مايزيد عن 15 ايام اذا كان في قاعه واذا كان في مكان ثاني مثل مجمع تجاري تكون الفتره اطول
4- وكم تقترحون يكون الإيجـآر اليومـي لـ البآرتشن الوآحد واللي بيكون حجمه 3*3 , علشآن يكون عليه إقبال كبير من تجـآر الإنترنت والمحلات داخل وخارج الدوحه ..؟
هنا يتم بعد ماتشوفين سعر القاعه وسعر تنظيم البارتشنات كم يكلف مع زيادة بسيطه للمنظم وبعدها تحددين السعر اختي


والله يوفقكم يارب
واذا صار نصيب انا باكون اول المشاركين معاكم

[مشتاقة لقطر]

مووووووفقة ماعندي خبرة بموضوع المعارض والله

[اخت الرجال]

1- ممكـن آعرف شنهـي القـآعآت المنآسبه لـ المعرض ..؟
ممكن تكون خيمه .. نفس البداد او الملكيه .. او قاعة المعارض .. او ممكن ف المدارس ..
2- وهل قآعآت النوآدي منآسبة ومريحة .. لـ النسـآء والأطفـآل ..؟
نعم مريحه .. وما تفرق عن اي قاعه .. بس لازم تراعين موقع النادي ..
3- وهـل فترة .." 3 شهـور آو شهرين ونص ".. فترة كـآفيه للإستعداد لـه من قِبـل التجآر المشآركيـن فيه ؟
ما عندي خلفيه .. بس اتوقع ايه كافيه
3- ولمدة كم يوم تقترحون آنه يستمر المعرض ..؟
انا اقول يكون 15 يوم بس تكون على بداية الشهر ..
4- وكم تقترحون يكون الإيجـآر اليومـي لـ البآرتشن الوآحد واللي بيكون حجمه 3*3 , علشآن يكون عليه إقبال كبير من تجـآر الإنترنت والمحلات داخل وخارج الدوحه ..؟
مع اخوي تاجر قطري .. تشوفين سعر القاعه وتنظيم البارتشنات ..


والله يوفقكم يارب

[الريتاج]

حبيبتي انا شاركت بمعارض كثير و اطول فتره معرض بتكون اسبوعين
و الايجار بيكون 500 للبرتيشن اذا كان بمدرسه و معرض جامعه قطر كان ايجاره 9000 الاف لمده اسبوعين
و المعرض الدولي كان ايجاره 17500 لمده 10 ايام و بس بيكون في طاوله
يعني السعر حسب تكاليف ايجار المعرض و قوه دعايته
واذا تبين رقم الراعي الرسمي بقطر لتجهيز البرتيشنات عندي و بس قبل المعرض بيوم بيجو يحطو البرتيشنات
بس اهم شي في المعرض عشان ينجح لازم يتعملو دعايه لان احنا التجار لما بيكون المعرض مب ناجح ما بنشارك فيه مره ثانيه
واذا تبينه ينجح لازم التنويع يعني ما يكون في مجال نفس الثاني
و بعدين نصيحه لا تسوي معارض الحين
لان معرض قطر الولي عامل معرض يبتدي في اخر شهر 7 مدته 45 يوم و ايجاره تقريبا 60 او 65 الف ريال
و الجامعه مسويه معرض
يعني حاولي تسوين معرض في وقت ما يكون في معارض
و يعطيج العافيه

[ن.سهيل]

بالتوفيق