عـنـدي مـشـكـلـه... وٍضـآيقـن خـلـقـي...

[ممنوع اللمس]

السلآم عليكم ورحمة الله وبركـآته جميعـآ....
انا عندي مشكله وبصراحه ضايق خلقي حدي..

شيكت على سيارتي قبل كم يوم قالو الموتر مطلوب لمرور المعموره...
قلت ان شاء الله خير مع اني لاني راعي سباق ولا سرعه ولا استعراض وهالخرابيط وانا استحقر هالامور والله..
المهم...
راجعت مرور المعموره قالو الموتر مطلوب سبآق..
طلبت التقرير لاني ماذكر بعمري سابقت
المهم طلع تاريخ السباق 10-6 وهالتاريخ انا كنت برا قطر :( مسافر لمكـه المكرمـه
والموتر كان فالبيت
كلمتهم وحاولت اقنعهم اني مو راعي هالخرابيط ...
قالو تذكر الموتر كان عند منو قلت انا شيذكرني قبل شهر تقريبا وانا يوم سافرت ماعطيت السياره لحد
قالو لي حجز السياره وماعرف شنو لين ماتعرف الموتر كان عند منو انا مابي اظلم احد واقول خذا الموتر لاني ماذكر والله
القهر ماعندي الا هالسياره يعني شذنبي انا والله العظيم قهر
عقب قالو تتوقف عندنا والاحد نوديك النيابه وعقب النيابه حلفان ومادري شنو
المشكله انا عســكري.. يعني بتروح علي10 صفر وانا مالي ذنب :(

افيدوني شسوي والله ضايقه فيني الدنيا :weeping:
وجزاكم الله خير جميعـآ والسمــوحه..

[بوحارب]

الله يعينك اخوي

كلم حد من الضباط هناك يمكن يعفي عن الموتر !

[ممنوع اللمس]

بو حارب الله يعين الجميع
والله كلمت اكثر من واحد وكل واحد يقولي ماقدر افيدك وانا ادري يقدرون بس اللي ماعنده وآسـطـه يضيع

الله كريــم :(

[الـمـرقاب]

خلهم يشوفون جوازك، ولي تأكدوا انك كنت مسافر،
مالهم حق ياخذون السياره!

[ممنوع اللمس]

قلت لهم بجيب ورقه اني برا قطر
قالو لي مايسير ماتعرف السياره عند منو وانا والله ماعرف شيذكرني من شهر
قالو خلاص تتحول نيابه وحلفان وومادري شنو انا ويني وين دوخة الراس وانا عسكري ودوام والله العظيم ضيقو علي خاطري
وادري فالاخير بيقولون نحجز السياره لين ماتعرف كانت عند من

[هدهد سليمان]

خلهم يشوفون جوازك، ولي تأكدوا انك كنت مسافر،
مالهم حق ياخذون السياره!

هذا الكلام .. المشكله لو طلع بالبطاقه توهق .. لكن يمكن المنافذ يقدرون يعطونه ورقه انه خارج الدوله بهالتاريخ !

[النهار]

نفس الشي صار معاي يوم كانت مكاتب المرور في المسيله عند مدرسة الرايه اتصلوا في البيت قالوا لي موترك مطلوب تعال المرور ومعاك الموتر وانا صراحه راعي مسابق وتخميس وتفحيص وكل الي يجي على بالك كنت اسويه قبل خذت لي واسطه ورحت عندالضابط اول سؤال سألني بتاريخ كذا وكذا الموتر كان من يسوقه قلت والله مدري لوسألتني ايش متعشي امس اقولك مدري رفيجي سأل الضابط ايش السالفه قال خلي الشرطي يروح يعاين الموتر نزلنا مع الشرطي افتر على السياره كم فره وهو يكتب مدري ايش بعدها رحنا للضابط قال لنا خلاص ماعليكم شي قلت له تناديني من البيت وطول امس انا اعصابي محترقه وحالي مايعلمه الالله تقول الحين ماعليك شي ايش السالفه الله يرحم والديك قال نفس موديل موترك من يومين مسوي حادث وشرد وفي شخص متعور في المستشفى صراحه بعد هالسحبه استرجلت وعرفت الله حق من يومها انا احترم قوانين المرور واطبقها بحذافيرها
بالنسبه لك الله يعينك جوازك يشفع لك انك كنت خارج البلاد بس المسؤليه القانونيه انت لازم تجد لها حل او شوف من استخدم موترك وانت خارج البلاد

[عذوبـة قلم]

.♦. ♠ .♦
:
♥
:
.. ممنوع اللمس ..


خلهم يشوفون جوازك، ولي تأكدوا انك كنت مسافر،
مالهم حق ياخذون السياره!

آتفق مع آخوي الليوان ..
وان شاء الله يفيدونك آخواني الاعضاء ..

لا آملك سوى الدعاء لك .. الله يهون عليك ويفرج ضيقتك يارب

تقبل تحيات .. أختكم في الله

:
♥
:
.. ع ـذوبـة الـ ق ـلم ..
.♣.

[وحيد-الشوق]

وعليكم السلام

الله يكون في عونك

انا مادري ليش المرور عندنا جذي ظالمين يعني الرجال مسافر شله بعد يحجزون سيارته

[ممنوع اللمس]

جزاااكم الله خير جميعا عالردود والدعاوي

انت تقول شوف من خذا موترك الموضوع من شهر وانا نفسك ماذكر وش تعشيت امس

يعني انا شذنبي والله قهر وانا لاني راعي سباق ولا شي ولا احب هالامور كلش ما دانيها
لا والمصيبه يقولون انت متسابق مع 4 سيارات وااناا سيارتي شد الوكاله لا بوالين ولا شي جي اكس 2009 لو شد حيله حده 120 :(

[tulepq]

الله يفرج عليك من الهم والضيق اللي صابك ..

الرحمه زين يا مسؤلينا في المرور ..

طمنا عليك

[ممنوع اللمس]

الله يجزاك خير اخوي عالدعوه وماقصرت

[حبر سري]

يعطيك العافية اخوي

والله ياخي مادري شاقول لك

شي طبيعي لما تكتب الموضوع بهالطريقة الكل بيتعاطف وياك , لكن المشكلة مايندرى وين الحقيقة بصراحة

مااتهمك اخوي بشي , لان الظليمة شينة , بس الله يظهر نوره , وعسى الله يفرج ضيقتك ان شا الله

[ممنوع اللمس]

هلا اخوي حبك سرى
انا ماكتبت هالموضوع علشان حد يتعاطف معاي والا اكسر خاطر حد
انا كتبته من القهر وابي حل له وجزاكم الله خير عالدعوى
ولا لي هدف اني اكذب مثلا او شي والحقيقه واضحه بس للي عنده(....) والسموحه

[حبر سري]

هلا اخوي حبك سرى
انا ماكتبت هالموضوع علشان حد يتعاطف معاي والا اكسر خاطر حد
انا كتبته من القهر وابي حل له وجزاكم الله خير عالدعوى
ولا لي هدف اني اكذب مثلا او شي والحقيقه واضحه بس للي عنده(....) والسموحه

لا والله ياممنوع اللمس الحقيقة مب واضحة ابد بصراحة

اي حقيقة اللي واضحة ؟, الحقيقة واضحة بالنسبة لك انت يمكن
اذا انت بنفسك حتى قاعد تقول مااذكر الموتر عند من , يعني انت نفسك منت متأكد من الموضوع:


قالو لي مايسير ماتعرف السياره عند منو وانا والله ماعرف شيذكرني من شهر



قالو تذكر الموتر كان عند منو قلت انا شيذكرني قبل شهر تقريبا وانا يوم سافرت ماعطيت السياره لحد
قالو لي حجز السياره وماعرف شنو لين ماتعرف الموتر كان عند منو انا مابي اظلم احد واقول خذا الموتر لاني ماذكر والله
..



لكن شوف
اذا كنت امسافر بالجواز , ليش ماتاخذ جوازك وتطلب مقابلة مدير المرور , وان شا الله خير

والله يعينك

[بنسل]

شي غريب والله !

[حبر سري]

وبعدين اخوي في سؤال مهم:
اللي امسجل في التقرير , هل هو رقم الموتر بس؟ ولا رقم الموتر بالمواصفات؟ يعني قصدي التقرير اللي واجهوك فيه وقالوا لك عن سالفة المسابق , هل مذكور فيه ان موتر رقم كذا وهو جي اكس ار مثلا ولونه كذا , ولا بس رقم الموتر؟

[بنسل]

اخوي ..
نفس ماقال حبر سري , اذا مسجل رقم الموتر ومواصفاته , يعني اكيد فيه واحد كان ماخذ موترك
والموضوع مافيه اي شك
يعني شوف مين عنده السبير ^_*

[بنسل]

والله يفرجها عليك يارب ..

[ممنوع اللمس]

تسلون كلكم عالردود

التقرير كان بيد الشرطي وقلت له بقرا التقرير قالي ماقدر اعطيه لك
بس رقم الموتر قاله لي وقالي تتسابق مع 4 سيارات الساعه 3 الفجر... بس ماذكر انه قالي لون السياره ما طرا على بالي هالشي
والله ماذكر مابي اظلم حد واقول السياره كانت عند اخوي او عند حد ويمكن ما كانت عند حد ومغلطين بالرقم
يوم الاحد بروح لهم وباخذ جوازي معاي وهالشي بيحولوني للنيابه عن طريقه وحلف باليمين وبحلف بس اخاف يحجزون السياره حتى لو حلفت :( وجزاكم الله خير عالردود

[ممنوع اللمس]

ولو مثلا كانت السياره عند حد وانا اذكره
شذنبي تنحجز سيارتي؟ المفروظ اي سياره يوقفون اللي فيها ويجرونه
وسيارتي مافيها حيل تمشي والله اني مقهور ماذكرر ان لسياره عند حد :(

[حبر سري]

تسلون كلكم عالردود

التقرير كان بيد الشرطي وقلت له بقرا التقرير قالي ماقدر اعطيه لك
بس رقم الموتر قاله لي وقالي تتسابق مع 4 سيارات الساعه 3 الفجر... بس ماذكر انه قالي لون السياره ما طرا على بالي هالشي
والله ماذكر مابي اظلم حد واقول السياره كانت عند اخوي او عند حد ويمكن ما كانت عند حد ومغلطين بالرقم
يوم الاحد بروح لهم وباخذ جوازي معاي وهالشي بيحولوني للنيابه عن طريقه وحلف باليمين وبحلف بس اخاف يحجزون السياره حتى لو حلفت :( وجزاكم الله خير عالردود


يالله تعينه وتفك ضيقته وتفرج عليه يارب

الله كريم ورحمته واسعة

[ممنوع اللمس]

تسلم حبك سرى والله ضيقو خاطري حتى عرس ولد عمي بكره برى قطر ما بحضره وانا انتظره من شهر بس علشان الاحد اروح اشوف شسالفتهم @:@:@:@ :( :(

[هاب الريح]

أخي ممنوع أللمس أعتقد ألموضوع أكبر مما تتصورة ... وأكيد صاير شيء وفيه تعليمات على الموضوع ومن أجراءاتهم معاك يبون يعرفون الشخص اللي كان يسوق السيارة أكيد مسويين شيء وأنت خارج البلد وهذا أجراء أمني وما فيه شيء لو خليت خربت وأذا تمصّلوا اللي تعرفهم عن مساعدتك أكيد فيه تعليمات عليا وموضوع كبير وما أقدروا على مساعدتك واللي أعرفة أن أدارة المرور متعاونين مع المواطنيين الى أبعد الحدود .
أتمنى لك أن الله يفك ضيقتك وتحل المشكلة وما تستاهل هذا يالطيب .

[رجل الجزيرة]

السلآم عليكم ورحمة الله وبركـآته جميعـآ....
انا عندي مشكله وبصراحه ضايق خلقي حدي..

شيكت على سيارتي قبل كم يوم قالو الموتر مطلوب لمرور المعموره...
قلت ان شاء الله خير مع اني لاني راعي سباق ولا سرعه ولا استعراض وهالخرابيط وانا استحقر هالامور والله..
المهم...
راجعت مرور المعموره قالو الموتر مطلوب سبآق..
طلبت التقرير لاني ماذكر بعمري سابقت
المهم طلع تاريخ السباق 10-6 وهالتاريخ انا كنت برا قطر :( مسافر لمكـه المكرمـه
والموتر كان فالبيت
كلمتهم وحاولت اقنعهم اني مو راعي هالخرابيط ...
قالو تذكر الموتر كان عند منو قلت انا شيذكرني قبل شهر تقريبا وانا يوم سافرت ماعطيت السياره لحد
قالو لي حجز السياره وماعرف شنو لين ماتعرف الموتر كان عند منو انا مابي اظلم احد واقول خذا الموتر لاني ماذكر والله
القهر ماعندي الا هالسياره يعني شذنبي انا والله العظيم قهر
عقب قالو تتوقف عندنا والاحد نوديك النيابه وعقب النيابه حلفان ومادري شنو
المشكله انا عســكري.. يعني بتروح علي10 صفر وانا مالي ذنب :(

افيدوني شسوي والله ضايقه فيني الدنيا :weeping:
وجزاكم الله خير جميعـآ والسمــوحه..

وأنا أواعدك إني أدعو لك بإذن الله تعالى.

[رهج السنابك]

؛

والله مشكلة ؛؛ بس ان شاء الله ربي بينصرك ادعي ربك بالفرج لا تنسى قيام الليل ودعاء الفرج ربك فوق بالسماء ويعلم كل شيء ادعيه وتضرع له

؛

الأمر الاخر أكيد في بالك ناس تحوم حواليهم الشكوك شوف في بيتك من الاشخاص اللي ممكن يسوونها ويسابقون اكيد فيه شخص ويمكن مايبي يعترف

بس انت وضعك حساس دامك عسكري لكن لو اعترف شخص ثاني ممكن تكون اهون انا مدري بالضبط شنو الاجراءات لو فعلا جاء شخص واعترف انه هو اللي كان مستخدم السيارة والحمدلله انك كنت مسافر في هالتاريخ هالشي من حظك

اتمنى يكون الاجراء مجرد تعهد او دفع غرامة فقط في حال اعترف شخص اما لو كان الاجراء اكبر فأنا اشوف تحاول تدور لك واسطة يمين يسار مع ضابط او مسؤل كبير

ولا طرش كتاب لوزير الداخلية وده لمجلسه ترا مايقصر
؛

هذا اللي عندي واتمنى تبشرنا باللي يصير معك

؛

[زنجبيل]

الله يعينك

ويسهل أمورك ان شاءالله

[الـقـاسـي]

اخوي ماعليك منهم لاتضايق ولا شي ..
اطلب مقابله مدير المعموره ودش عليه وفهمه الموضوع اذا قدر الظرف كان بها ماقدر الظرف قولهم خل يحولونها للنيابه اذا انت كنت برى الدوحة مراح يلحقك شي ..

اقصاها ياخوي بيحلفونك او بيشوف وكيل النيابه انك مسافر وبيسئلك كم سؤال وبيتهي الموضوع لاتحاتي ..

[restricted_1]

اخوي مالك الا عبدالله بن ناصر ال ثاني

ريال والنعم فيه ويحب الخير ومايرضى بالظلم وصدقني ان وصلته مايردك خايب

عبدالله بن ناصر يداوم يوم في المعموره ويوم في مرور مدينة خليفه

روح له واشرح له الموضوع

وبالتوفيق ان شاء الله

[المغروره]

افااا ولايحس بخاطرك
عطني رقم سيارتك ومتا اطلبوك بتاريخ كم وراح اسفسر لك باذن الله
تحيااتي لك ولاتضايق سهالات الامور

[إينشتاين]

اخوي لاتشيل هم النيابة ترى وكلاء النيابة ناس متفهمين ويعرفون راعي اللعبة من الإنسان الجاد،،،

بس أهم سؤال مفتاح السيارة معطيه من فترة السفر،، وهل فيه سبير للمفتاح وكان عند من،، وانصحك إذا اكتشفت من الي مسابق بسيارتك ماتستر عليه خله يتحمل تصرفاته ومايحملك ذنب تصرفاته...

وندعوا لك بالتوفيق وتروح الضيقة وينفرج همك بإذن الله

[ممنوع اللمس]

مشــكورين جميعا عالدود والله العظيم ماقصرتو وجزاك الله خير وتسلمون وهذا العشم فيكم

والله يا اخواني ان مفتاح السياره فالدرج حاطه ورجعت لقيته مكانه
وكلمت اخواني وحلفو وقالو ان هالشارع اللي مذكور اني سابقت فيه ما جوه وكلهم يقولون سيارتك شد وكاله من يسابق فيها

والله ضايقن خلقي والاحد بروح لهم بس الخوف من سالفة هالسجن ومادري شنو

الله يزاكم خير عالردود جميعا

[إينشتاين]

طمنا ياخوي شصار معاك !!!

إن شاء الله الأمور سهالات وانحل موضوعك...

[حقيقه]

شوف يمكن حد من اخوانك عيال عمك عيال خالك يمكن لدريول

وصدقني حد منهم ماخذها

مافيه شيء اسموه تشكيك باللي صاير

واذا بتتستر على اللي ماخذها تحمل اللي يجيك

[رهج السنابك]

؛ احد شاف ممنوع اللمس؟ يمه لا يكون صار فيه شي ؛

؛

[Aigner]

اخوي اعتقد ان التحريات مشتبهين في الرقم

كلم التحرياات وتأكد من بيانات الموتر

وانشالله بحلون موضوعك في النيابه

مثل ما اذكرو اخوان وكلاء النيابه ناس متفهمين

والله يكون في عونك


أخوك : اقنر

[الجوكر90]

السلام عليكم
اخوي سالفتك عاديه ترى
تقدر تخلصها بسهوله

شوف اول شي تروح هناك وتقول ابي اعرف من الي شاف السباق
راح يجيبونه لك وانت عاد استلمه ولا عسكري ع الفاضي
والله طلع له اساله تنشف الريج
قوله وشو لون موتري؟
واي موديل يعني الشكل اليديد ولا القديم
اذا شفته واثق من اجابته عطه اخر سوال
قوله موتري اسبير تحت ولا فوق

طبعا شي سهل انه يطلع اللون والموديل من الكمبيوتر يوم يجيك ع رقم الموتر بس انه يعرف اسبير علاق ولا تحت هاي ماراح يعرفه الا اذا شاف الموتر جدامه

واذا شفت انه جاوب صح خله يشك فنفسه

يعني مثلا موترك اسبير تحت وهو قال اسبير تحت انت بطل عيونك وقول اسبييييير تحت وطول فالكلمه وهني راح تشوفه يتبلعم لان اذا شافك فحالك راح يقول هاي وينه ووين اسبير علاق


واذا شفت انه صج كان موترك دور لك واحد من هلك راعي مشاكل وخل يقول انك معطيه الاسبير الثالث من قبل فتره ونسيته عنده وهو خذ الموتر وتسابق وراح يكتبونه تعهد ومخالفه

بالتوفيق ان شاء الله




.:. الجوكر90 .:.

[جوال 11]

تحصل أخطاء مثل ما حصل معاك أحدى المرات عندي سيارة خارج الدولة أربع سنوات وفي سنة ذهبت لتجديد الملكية وإذا مخالفة سباق وفيها سحب للسيارة وذكرت لهم بأن السيارة خارج الحدود وبعد التأكد طلبوا مني الذهاب الى المعمورة لألغاء المخالفة، راجعهم للتأكد من الرقم ونوع السيارة واللون وإذا أصروا أطلب من الشخص الذي خالفك بأن يحلف في المحكمة ، وبالنسبة لعملك لا يتعارض عسكري أو مدني.
وبالتوفيق

[ولد شرق]

هذا الكلام .. المشكله لو طلع بالبطاقه توهق .. لكن يمكن المنافذ يقدرون يعطونه ورقه انه خارج الدوله بهالتاريخ !

اخوي مايتوهق ولا شي ولا يحتاج ورقة كل شي في السيتسم موجود...

[ممنوع اللمس]

ابشششششششششششششششششششششششششششششركم انشال الحجز

بيض الله وجيهكم عالردود وماقصرتو وجزاكم الله خير
وكل شي للخــــــــــــرجي والله ونعم الرجل ماقصر وجزاه الله خير