شرايكم في فلاي دبي

[MBI]

السلام عليكم
وش رايكم في فلاي دبي
وشلون اسعارهم حق تذكره روح ورجعه في نفس اليوم

[مسافي]

وعليكم السلام ورحمة الله وبركاته ..

فلاي دبي طبعا من اليران الاقتصادي .. اللي الطيارة كلها ايكونومي

شخصيا ما اشوف فيها اي فرق عن الايكونومي في القطرية .. طبعا من ناحية المقاعد ..
اذا تتذكر طيارات القطرية القديمة .. اللي ما كان فيها شاشات .. هذي من هالنووع

افضل فلاي دبي اذا بروح الامارات لسبب واحد .. ان المطار المستخدم في دبي هو الصالة الثانية القديمة
وهي كمساحة صغيرة والواحد ما يتعب من المشي مثل اللي يصير في مطار دبي ..

وسعر التذكرة يعتمد على وقت شرائها ..

يعني اذا تبي تحجز حق عقب اسبوعين ..غير عن الحجز حق عقب اسبوع
ويختلف بعد على حسب موعد الرحلة .. رحلات الفجر ارخص من رحلات المغرب والعصر
وفي كل الحالات ما اعتقد السعر يتجاوز ال 800 درهم

[(ولد الغلا)]

حلوه ورخيصه

[MBI]

يعني ما اقدر ادخل السوق الحره الكبير اللي في مطار دبي

[الحجاجي]

تفضل اخوي شوف هالموضوع بيفيدك

http://www.qatarshares.com/vb/showthread.php?t=317031

[مسافي]

لا ما تقدر تدخل السوق الحرة اللي في مطار دبي

لان المطارين منفصلين عن بعض ..

والسوق الحرة في هالمطار البضاعة اللي فيه محدودة وقديمة ..
لان اغلب الرحلات تكون للطبارات الهندية والايرانية .. يعني ما بتحصل يمكن الا العطور