المساعد الشخصي الرقمي

مشاهدة النسخة كاملة : ممكن مساعده بخصوص الـ cv !!


al-sadd
10-07-2010, 12:19 PM
بسم الله الرحمن الرحيم

شحالكم يا جماعة الخير عساكم طيبين ومرتاحيين :nice:

ماعرفت وين احط الموضوع قلت مافي غير الحوار العام :omen2:
ع العموم يا شباب
حاليا انا ناوي اكمل دراستي برى
والحمدلله قريب وبقدم التوفل وبعده الايلس وبعيده لين ماجيبه ان شاء الله =)
:victory:

ولاكن عندي استفسار بخصوص الـ CV

حاولت ادور فـ مواقع كثييره عن طريقة عمل الـ CV
ولاكن كلها متشابها وعلى خبركم معضم المواقع تنقل من بعضها يعني مافي شي واضح

فـ قلت مافي اله اهني :victory:
ياريت الي مسوي CV من قبل

يطرح لنا شنهي أهم النقاط الي المفروض انضيفها
وشنهي النقاط الي يركزون عليها :discuss:

وجزاكم الله الف خير
Realistic
10-07-2010, 01:04 PM
اخوي انا السي في مالي مسويه من زمان .. وكل فتره اظيف عليه اشيا على حسب الدورات والشهادات الي اخذهم

هممم السي في مالي يتكوون من اكثر من قسم

القسم الاول: PERSONAL DETAILS
تكتب فيه الاسم .. والجنسيه وتاريخ الميلاد ورقم البطاقه الشخصيه او رقم الجواز .. وطبعا ارقام التواصل ( الجوال وتليفون البيت والايميل) .. وفي ناس يحطون فيه الحاله الاجتماعيه Marital Status .. يعني اعزب وله متزوج ومن هالسوالف ..

القسم الثاني Career Objective
هالقسم انا كاتب فيه سطر واحد .. تكتب فيه الهدف الوظيفي مالك .. يعني مثلا تكتب : الحصول على خبرات عاليه من خلال العمل في بيئه مبدعه ومنتجه .. ومن هالكلام ..

القسم الثالث EDUCATIONAL QUALIFICATIONS:
تكتب فيه الشهادات الدراسيه الي عندك .. مثلا متخرج من الجامعه الفلانيه .. سنة كذا .. بتخصص كذا .. معدل كذا .. ومن هالكلام ..

القسم الرابع WORK EXPERIENCE
تحط الاماكن الي اشتغلت فيها من قبل .. وتاريخ العمل فيها

القسم الخامس TRAINING COURSES
تكتب فيه الدورات الي خذتها من قبل وفي وين خذتها .. وسنة كم خذتها

القسم السادس INTERESTS & ACTIVITIES
اهني تكتب الاعمال التطوعيه الي اشتغلت فيها وتكتب تاريخ التطوع في هالعمل

القسم السابع SKILLS
تكتب فيه مثلا انك تعرف تستخدم الكمبيوتر وبرامج الاوفس .. وتكتب فيه اذا عندك لغه انجليزيه .. ومن هالسوالف

القسم الاخير REFERENCES
تكتب فيه اسامي ناس تود ان عملك اليديد يتصل لهم عشان يسألهم عنك ..
مثلا تكتب رقم مديرك السابق .. او مسؤولك في العمل التطوعي
ومن هالكلام ..




هذا ترتيب السي في مالي .. وطبعا قد تظيف او تحذف شي على حسب حاجتك .. :)
لمعة الالماس
10-07-2010, 01:13 PM
نفس ترتيب السي في مالي

بالتوفيق
al-sadd
10-07-2010, 01:48 PM
يعطيك الف عافيه يا جماعة الخير
وماقصرتوا
BigBrother
10-07-2010, 02:06 PM
السلام عليكم ورحمة الله

يمكن تحب السي في بالانجلش

تفضل في المرفقات فروم
ادخل بياناتك حسب الترتيب وتلاقي سي في بنفس الترتيب الي اشوف انه مناسب

اتمنى يفيدك
بالتوفيق
al-sadd
10-07-2010, 02:18 PM
يعطيك الف عافيه اخوي big brother
وخوش cv
وصراحه كفيتي و وفيتو