تكفوووووووون طالبتكم اخوتي للمسافرين اسطنبول اليوم

[دي دي]

السلام عليكم اخوتي
للمسافرين اليوم او بكرة
ابي اطرش شيء لاخوي هو مسافر اسطنبول من اسبوع وابي اطرش حليب علبه صغيرة نيدو حق ولده لان مفقود هناك والولد واعليه من يوم خلص الحليب عنده مب شارب اي شيء واليوم بحاول اتصل بالدي اج ال وارامكس وكل شركات الشحن مسكرين ويومين ياخذ حتى يوصل اذا في حد بيقدر يساعدني جزاه الله خير الحين كنت داشه في موقع كارفور حق اسطنبول بس مدري موجود ولا لا جزاكم الله خير في طيارة اليوم بعد منتصف الليل قلت بروح المطار واطرش مع حد رايح فشيله والله :shy:

[نجم سهيل]

وعليكم السلام والرحمة

أسهل وأسرع حل تشوفين أقرب طيارة لاسطنبول وتخلين حد من اخوانج ولا هلج يروح ويشوف أي حد من هل قطر مسافر تركيا ويعطيه في يده .. مثل هالامور مافيها مستحى عند اللي فيه خير ..

[£عبدالعزيز£]

اختي اكيد فيه هناك حليب نيدو

اذا مب في المحلات الكبيرة اكيد فيه في البقالات العربية

واذا كلش كلش اكيد عندهم حليب غير نيدو

..

لانه الصراحة صح انه اهل الخير موجودين وان شاء الله مب مقصرين

بس مب اي واحد بياخذ معاه قوطي نيدو يوديه معاه

خصوصا انه بودرة بعد .. يعني شاللي يضمن انه صج حليب ؟

صح انه صعب ويمكن مستحيل قطري يعطيك نفس هالسوالف

بس الواحد بعد يضمن نفسه ..

خصوصا انه اول سؤال يسئلونه موظفين القطرية في الكاونتر :

هل جميع الاغراض اللي معاك ملكك ؟

بيقولهم لا في قوطي حليب نيدو مب مالي ؟ @@

..

جربي دي اش ال يمكن يوصلونه عقب يوم .. لانه الرحلة الى اسطنبول اظن 3 ساعات تقريبا

يعني ان شاء الله هم بيدبرون نفسهم في هاليوم

والله يكتب اللي فيه الخير

[muraikhi77]

ياجماعة اسطنبول مدينة كبيرة وليست فقط كما يعرفها السياح منطقة تكسيم التعيسة ، خل يشوف في المولات الكبرى
فربما المحلات الصغيرة لا تبيع الا المنتجات المحلية .
ارقام نستلة والتي نيدو احد منتجاتها
Nestlé Gida Sanayi A.S.
Buyukdere Cad. 71 Nurol Plaza
Maslak
Istanbul
80670
Turkey

+ 90 212 329 60 00
+ 90 212 329 60 41

[قطري009]

يعني مايصير حليب غير النيدوو

الله يعينك