ولدي نسبته 90% بالثانوية العامة وابغي واسطه علشان يقبلونه بشركات البترول ؟؟

[^امـ نواري^]

ابغي رايكم ومشورتكم واللي عنده واسطة مايبخل فيها علي:omen2: ..

ولدي متخرج بتقدير 90 % من مدرسة مستقله
وعنده قبول بجامعة تكساس بالهندسة الكيميائية ..والانجليزي الحمدلله ممتاز وبمعدل 6 بالايلز
وعنده رغبة انه يكمل الماجستير ان شاءالله
بسسسسسس لحد الحين مالقيت له سبونسر:discuss: ومابقى وقت !!!:telephone:

وعندي كم استفسار

1)) تنصحوني اقدم على سبونسر الحين او اخذ بعثة من المجلس الاعلى للتعليم للدراسة الداخلية في جامعة تكساس !!!

2)) ايش الافضل نقدم الحين على شركات البترول مثل
- راس غاز
- قطر غاز
– دولفين
– قطر للبترول
-اكسون
– شل
او انطر الى مابعد التخرج .. ؟؟؟
3)) اي من شركات البترول اللي ذكرتها تعتبر الافضل والاحسن مع ذكر الاسباب والمميزات والمساوىء ...

4)) القيادة العامة للقوات المسلحة والقوات الاميرية البحرية طارحين تخصصات هندسة شرايكم من الاحسن شركات البترول او القوات العامه لان ولدي رغبته بتخصص الهندسة ومايرغب بمرشح ضابط ...

5)) اللي سمعته ان التقديم لشركات البترول واكثر الاماكن بالدوحة محتاجه واااااااااااسطه :omg:

فياليت اللي عندة واسطه باي جهه من الجهات اللي ذكرتها يساعدني فيها:rolleyes2:..
واللي يعرف مدير او مسئول عن قسم التوظيف والقبول في هالجهات يساعدني وربي يجزيه الف خير :nice:..

(( بين قوسين الولد قطري ابا عن جد ))

[المخفي]

ياخذ بعثة و يروح يدرس برع احسن له

[al-sadd]

وانا مع راي اخوي المخفي
لو يروح يدرس برى احسن له !
مادام جاب الايلس
الحين يجهز السي في
ويقدم ع الجامعات الخارجيه الي في امريكا
ومانصحك بـ بريطانيا اخوي تحمل تحمل تحمل اتودي ولدك بريطانيا !
الكل يتشكى منها !
ومن الشماكل
ومن نوع التدريس عندهم ! لان والله لايقوله لو ولدك رسب فـ مادة وحده اساسيه لازم يعيد كل المواد !
يعني من اسواء انواع التعليم هناك
نصيحه خله يروح امريكا !
واذا قدم على جامعة وافقو عليه يروح المجلس الاعلى وهم بدورهم يكملون باقي الاجرائات !
ونصيحه لايروح عن طريق شركه
لان من يوم يدخل في السنه الرابعه في الجامعه وبتجيه العقود من كل مكان !
وهو يختار الي يبيه
عكس اذا راح عن طريق شركه معينه
لازم يرتبط معاهم 4 سنين وحتى لو هيئه العمل او مكان العمل ماعجبه هو ملزوم يكمل 4 سنين !
وبتوفيق اخوي

[سهم المراقيب]

يا هالواسطه اللي مخرعين فيها العالم ,,
94 وعنده قبول وجايب 6 في الأيلز .. بياخذونه بيحصل سبونسر وهو مغمض وبدون واسطه ,,

نصيحه لا تقدمون في الجيش ,,

[ورقــة أمــل]

عادي بياخذونه قطر للبترول بالراحه

واذا ماعندج وقت ممكن تخلينه يدخل جامعة تكساس حاليا وعقب يقدم على قطر للبترول وبيقبلونه ما يبيلها واسطة

[ANONYMOUS]

مؤهلاته ممتازه

مايحتاي واسطه

انتي ارضي عليه بس وبيعيّن خير ان شاء الله

[البرنس76]

صراحه حلوه كلمت اباً عن جد
وبين قوسين بعد
اتمنى له التوفيق والارزاق بيد الله سبحانه وتعالى والانسان يسعى ولانجعل الواسطه هي اكبر همنا وننسى الله سبحانه وتعالى قبل لانسعى انتي للحين ماقدمتي وتبين واسطة

[خالد1]

اختي الف مبروك
وبعدين مايحتاج واسطه اصلا نسبته ماشاء الله عليه هي واسطته

[Northman]

اختي شيلي الاوهام و حجي الناس من راسج

الواسطه للولد التعبان

اما ولدج فمجموعه ممتاز وماعليه خوف ,,

طبعا النصيحه الي بقولها لج ,, نصحت اخواني و خواتي فيها ,,

خليه يكمل على حساب المجلس الاعلى ,, و يكون حر بشهادته باجر لين تخرج ,, و حزتها يشوف العروض الي بتجيه و يختار الي يعجبه و المكان الي يرتاح له و يشوف نفسه فيه

[مهل]

حبيبتي اولا مبروك نجاحه وثانيا وصيه بالاستخاره وشوفي مجال الشغل اللي يناسبه هو شخصيا

لكن نصيحتي له القيادة العامة للقوات المسلحة والقوات الاميرية البحرية لانها كبيئة اشغل احسن من اي مجال ثاني

[جوال 11]

مبروك والله يوفقه لخدمة وطنه

أفضل شئ يدرس خارج الدولة وبعدها يبحث عن عمل حتى ما يتحكمون فيه الجهة التي سترسله للدراسة وفي بريطانيا إذا معدله عالي يدرس الدكتوراه بدون ماجستير .

وبالتوفيق

[latty]

ماشاء الله تبارك الله مبروك

نصيحتي خليه على البعثه المجلس الاعلى افضل لان اذا خذته اي شركه راح تختارله المواد وان ما اجتهد راح يسحبون منه البعثه اما المجلس الاعلى راح يعطيه راتب سبعة الاف وراح يكون على نفقتهم وهو ماشاء الله شاطر ويختار المواد اللي يبيها

الله يوفقه

[La Bella]

مرشح ضابط مو أي شخص كان يحصلها قبل
الحين فاتحين الباب للطلاب

[^امـ نواري^]

ياخذ بعثة و يروح يدرس برع احسن له

ما ابغيه يتغرب ويروح بعيد عني .................... قلبي مايطاوعني

[^امـ نواري^]

وانا مع راي اخوي المخفي
لو يروح يدرس برى احسن له !
مادام جاب الايلس
الحين يجهز السي في
ويقدم ع الجامعات الخارجيه الي في امريكا
ومانصحك بـ بريطانيا اخوي تحمل تحمل تحمل اتودي ولدك بريطانيا !
الكل يتشكى منها !
ومن الشماكل
ومن نوع التدريس عندهم ! لان والله لايقوله لو ولدك رسب فـ مادة وحده اساسيه لازم يعيد كل المواد !
يعني من اسواء انواع التعليم هناك
نصيحه خله يروح امريكا !
واذا قدم على جامعة وافقو عليه يروح المجلس الاعلى وهم بدورهم يكملون باقي الاجرائات !
ونصيحه لايروح عن طريق شركه
لان من يوم يدخل في السنه الرابعه في الجامعه وبتجيه العقود من كل مكان !
وهو يختار الي يبيه
عكس اذا راح عن طريق شركه معينه
لازم يرتبط معاهم 4 سنين وحتى لو هيئه العمل او مكان العمل ماعجبه هو ملزوم يكمل 4 سنين !
وبتوفيق اخوي

كلامكم على العين والراس ..
بس
ابغيه يدرس هنيه بالدوحة ..
الله مكثر الجامعات ... وإلا على كثرها قله فايدتهااا !

[^امـ نواري^]

يا هالواسطه اللي مخرعين فيها العالم ,,
94 وعنده قبول وجايب 6 في الأيلز .. بياخذونه بيحصل سبونسر وهو مغمض وبدون واسطه ,,

نصيحه لا تقدمون في الجيش ,,


اذا سمحت لي ليش مانقدم في الجيش نورني الله يرضى عليك .......... وضح لي وجهه رايك ؟

والكل داري اذا عندك واسطه بيمشى الحال اسرع .. وبيكون في احسن الاماكن ..

[^امـ نواري^]

عادي بياخذونه قطر للبترول بالراحه

واذا ماعندج وقت ممكن تخلينه يدخل جامعة تكساس حاليا وعقب يقدم على قطر للبترول وبيقبلونه ما يبيلها واسطة

قطر للبترول وقافكو بيقبلونه ادري ..
بس انا استفسر عن احسن هالاماكن وافضلها له بالمستقبل .. مثل هالشركات وغيرها


ربي يوفقه ان شاءالله بدون واسطه وييسر اموره

[^امـ نواري^]

مؤهلاته ممتازه

مايحتاي واسطه

انتي ارضي عليه بس وبيعيّن خير ان شاء الله

هههههه :) :victory:

انا راضيه عليه فديت قلبه ربي يسعده ويوفقه وين ماراح وييسسسر اموره ان شاءالله
بس بعد ابغي اتطمن عليه واسأل عن افضل الاماكن وآخذ بالاراء والنصايح ..

[^امـ نواري^]

صراحه حلوه كلمت اباً عن جد
وبين قوسين بعد
اتمنى له التوفيق والارزاق بيد الله سبحانه وتعالى والانسان يسعى ولانجعل الواسطه هي اكبر همنا وننسى الله سبحانه وتعالى قبل لانسعى انتي للحين ماقدمتي وتبين واسطة

ونعم بالله طبعا ماننسى ربنا سبحانه وتعالى ..الله يوفقه ان شاء الله وييسر اموره ..

والولد قدم cv بالمعرض المهني لاكثر من جهه وماجاه رد منهم
وقدم عن طريق الايميل لبعض شركات البترول .. فيه اللي جاء منهم رد بعدم القبول .. وفيه اللي قالو له مانحتاج هندسة كيميائية .. وفيه اللي ماردو عليه بالمره ....

ومثل ما نتو شايفين المؤهلات الحمدلله عاليه وما نبغي نتوهق في جهه او نستعجل الامور الحين ..
وانا طالبه الرأي .. والنصيحة .. والمساعدة اذا حد يشتغل في مثل هالاماكن وهالجهات ويشوف الموضوع يساعدنا مافيها شي اذا احتجت واسطه يعني ..

[^امـ نواري^]

اختي الف مبروك
وبعدين مايحتاج واسطه اصلا نسبته ماشاء الله عليه هي واسطته


الله يبارك في حياتك ..
انا ادري انه مابيحتاج واسطه ان شاء الله ..

بس ابغي منكم الرأي والمشورة وين اوديه الحين .. على اي سبونسر .. اي افضل الاماكن ..
والله كريم ..

[^امـ نواري^]

اختي شيلي الاوهام و حجي الناس من راسج

الواسطه للولد التعبان

اما ولدج فمجموعه ممتاز وماعليه خوف ,,

طبعا النصيحه الي بقولها لج ,, نصحت اخواني و خواتي فيها ,,

خليه يكمل على حساب المجلس الاعلى ,, و يكون حر بشهادته باجر لين تخرج ,, و حزتها يشوف العروض الي بتجيه و يختار الي يعجبه و المكان الي يرتاح له و يشوف نفسه فيه

كلامك ريحني الله يريحك دنيا وآخره ..
والحمدلله رب العالمين ..
اعجبتني كلمة " يكون حر بشهادته "
اعتقد اني باسوي جذيه باخلي بعثته على المجلس الاعلى الحين ..
بس
تشوفون الافضل انه ننتظر لين يتخرج من الجامعه ونشوف العروض او انه بالسنوات الثالثه والرابعه نقدم على السبونسر ؟؟ :)

[المخفي]

ما ابغيه يتغرب ويروح بعيد عني .................... قلبي مايطاوعني

ولدج كبير الحين لا تضيعين مستقبله عشان انج خايفة عليه و مصيره بيتزوج و بيطلع بيت بروحه

[^امـ نواري^]

حبيبتي اولا مبروك نجاحه وثانيا وصيه بالاستخاره وشوفي مجال الشغل اللي يناسبه هو شخصيا

لكن نصيحتي له القيادة العامة للقوات المسلحة والقوات الاميرية البحرية لانها كبيئة اشغل احسن من اي مجال ثاني

الله يبارك في حياتج حبيبتي .. وهو رغبته بتخصص الهندسه .. ويفضل شركات البترول على مايسمعه عنها ..
وكبيئة في الشغل انا اشوف ان القيادة العامة للقوات المسلحة والقوات الاميريه بعد لا بأس فيها وهو ماعنده مانع في اي مجال للشغل حاليا ..

بس بسالج يالغاليه :
ليش اعتبرتي القيادة العامة للقوات المسلحة والقوات الاميري احسن من اي مجال ثاني ممكن توضحين لي اكثر الله يجزيج كل خير ..

انا بغي اللي يحدد لي شي اويذكر جهه معينه او رأي ..يذكر لي سبب الاختيار والمميزات اللي يشوفها ..

ربي يوفق الجميع ويسعد كل من رد علي ويطمن قلبكم اجمعين

[La Bella]

الله يبارك في حياتج حبيبتي .. وهو رغبته بتخصص الهندسه .. ويفضل شركات البترول على مايسمعه عنها ..
وكبيئة في الشغل انا اشوف ان القيادة العامة للقوات المسلحة والقوات الاميريه بعد لا بأس فيها وهو ماعنده مانع في اي مجال للشغل حاليا ..

بس بسالج يالغاليه :
ليش اعتبرتي القيادة العامة للقوات المسلحة والقوات الاميري احسن من اي مجال ثاني ممكن توضحين لي اكثر الله يجزيج كل خير ..

انا بغي اللي يحدد لي شي اويذكر جهه معينه او رأي ..يذكر لي سبب الاختيار والمميزات اللي يشوفها ..

ربي يوفق الجميع ويسعد كل من رد علي ويطمن قلبكم اجمعين


كفاية أنا مديرة راح يكون قطري ومافي أجانب ماسكين مناصب
وأمتيازاتهم وايد حلوة

[^امـ نواري^]

مبروك والله يوفقه لخدمة وطنه

أفضل شئ يدرس خارج الدولة وبعدها يبحث عن عمل حتى ما يتحكمون فيه الجهة التي سترسله للدراسة وفي بريطانيا إذا معدله عالي يدرس الدكتوراه بدون ماجستير .

وبالتوفيق

الله يبارك في حياتك .. والله يوفق الجميع ان شاء الله

ليش الكل يقول الافضل الدراسه بالخارج ؟؟
بس انا قلبي مايطاوعني ابغيه قريب مني ............ فديت قلبه ............
وجامعات قطر اشفيهااااااااا :secret:

يعني انت تشوف انه يكمل دراسته وبعدين يقدم على جهه .. مثل ماقالوا الاخوان لي بالمنتدى ..
شكلي راح ارسى على انه الحين يكمل دراسته وما نستعجل ..
وتكون الدراسة في قطر ..

وهل صحيح انه اذا معدله عالي يدرس الدكتوراه بدون ماجستير ؟؟!!!
وهالكلام بس في بريطانيا !!! .. طيب وباقي الدول .. امريكا مثلا ... وقطر شالوضع عندنا هنيه ؟؟

وعندي استفسار ثاني :
اللي انت تشوفه انه يكمل الدراسة العليا الماجستير والدكتوراه وبعدين يشتغل او انه يشتغل سنتين ويكمل دراسته عن طريق الشغل ..؟؟

وتسلمون على التواصل والردود

[^امـ نواري^]

ماشاء الله تبارك الله مبروك

نصيحتي خليه على البعثه المجلس الاعلى افضل لان اذا خذته اي شركه راح تختارله المواد وان ما اجتهد راح يسحبون منه البعثه اما المجلس الاعلى راح يعطيه راتب سبعة الاف وراح يكون على نفقتهم وهو ماشاء الله شاطر ويختار المواد اللي يبيها

الله يوفقه

الله يبارك في حياتكم ..
والحمدلله رب العالمين ..
الف شكر على النصيحه والتوضيح .. وراح افكر جديا ببعثة المجلس الاعلى للتعليم ..

وربي يوفق الجميع

[^امـ نواري^]

مرشح ضابط مو أي شخص كان يحصلها قبل
الحين فاتحين الباب للطلاب


تفكير العيال الحين غير .. ما يبغي مجال الشرطه والضباط !!

والحين عندهم اختيارات كثيره وتخصصات وجامعات ..
وانا كلمته بالموضوع بس هو يقول مو مجالي هالشغلة ولا حابها ........

[die 4 qtr]

خليه يسافر ويدرس برى

لاتخلين يخوفج عليه يخرب مستقبله


وبعدين اذا تخرج هو اللي يختار المكان اللي يبيه

[^امـ نواري^]

ولدج كبير الحين لا تضيعين مستقبله عشان انج خايفة عليه و مصيره بيتزوج و بيطلع بيت بروحه


:secret: :weeping: :rolleyes2:
ماعندي رد ..
يبغي لي اقوي قلبي شوي ...

ولاتجيب لي سيرة انه بيتزوج وبيطلع وبيخليني :weeping::weeping:

بس ان شاء الله مايضيع مستقبله لا تقول جذيه :( يعني يا يدرس برع يا .........

طيب اقنعني انا بالاول على ميزات هالدراسة وجدواها وامثله من اللي راحو واستفادو .. وما ضاعت هويتهم الفكريه والدينيه وو........

وبالمقابل عطني مساوىء الدراسة هني ومشاكلها وو ...
يعني كلمني اكثر ووضح لي وجهه رايك ....:omen2:
واذا مافيها فضول .. بقيت اسالك عن دراستك وشهادتك هني او من الخارج ؟؟؟ وايش رايك بهااا وليش قناعتك بالدراسة برا ..

ومنكم نستفيد ..

[^امـ نواري^]

كفاية أنا مديرة راح يكون قطري ومافي أجانب ماسكين مناصب
وأمتيازاتهم وايد حلوة

اي والله الاهم يكون مدير قطري ......... ومافيه اجانب ماسكين مناصب :eek5:

يعني من صج شركات البترول مافيها قطرين ماسكين مناصب ومديرين .. ولها الدرجة الاجانب لهم نصيب الاسد فيهاااااا ؟

طيب حددو لي اي الشركات اللي فيها اجانب اكثر ومميزاتها ومساوئها ..
واي الشركات فيها مناصب للقطرين ومميزاتها ومساوئها ..

والشكر للجميع على التواصل

[^امـ نواري^]

خليه يسافر ويدرس برى

لاتخلين يخوفج عليه يخرب مستقبله


وبعدين اذا تخرج هو اللي يختار المكان اللي يبيه

:weeping:
الله كريم ان شاء الله ويوفقه وين ماراح ..

ردي لك بيكون مثل ردي على اخوي المخفي "

ان شاء الله مايضيع مستقبله ولا يخترب ......... اذا درس هنيه ؟ ومافيها شي اذا خفت عليه وبغيته عندي :eek5:

طيب اقنعني انا بالاول على ميزات هالدراسة بالخارج وجدواها وامثله من اللي راحو واستفادو .. وما ضاعت هويتهم الفكريه والدينيه وو........
وبالمقابل عطني مساوىء الدراسة هني ومشاكلها وو ...
يعني كلموني اكثر ووضحو لي وجهه رايكم ....
:discuss:
واي الاماكن افضل للدراسة والابتعاث ..
مو بس كلمة تقطونها وتروحون :weeping: .. خليه يدرس ويتغرب افضل له ووإلا بيضيع مستقبله .. وبيخترب و ...
طيب والجامعات هنيه ....


واذا مافيها فضول .. بقيت اسالك عن رايك بشهادتك الحاليه وهل هي من جامعة قطر ؟ وهل ندمت عليها .. وليش هالقناعة بالدراسة برا ..


ومنكم نستفيد ..
والشكر للجميع على التواصل ..
والسموحه من الجميع ..

[A M A]

الله يعينه على بلواه لو خليتيه يدرس في قطر
بتضيعين مستقبله

[عليان قطر]

ما شاء الله
كل هذا واسطه

تعيين ع طول

[الـقـاسـي]

الله يوفقه ان شاء الله ويحفظه لج ..
واهم شي ان عنده رغبه في الدراسه ..

اختي مدام هو عنده لغه مراح تفرق وياه برى الدوحة ولا داخل الدوحة .. الاخوان لما يقولون خليه يروح يدرس برى الدوحة ترى اهما صادقين ربعنا للحين يشوفون ان اللي دارس برى وجاي من برى انه غير عن الناس حتى لو كانت الجامعات اللي عندنا احسن وافضل وأقوى بس اسم انه متخرج من امريكا او من برى ..

صدقيني راح تفرق كثير لو تخرج من الدوحة او من امريكا لاتستغربين لو قلت ان الفرق عادي يكون فالراتب وفالمنصب وفي المكان ..

من ناحيه الخوف ماتنلامين مهما كان امه انتي .. لكن انتي تعرفين الولد يعني انا لو مثلا عندي ولد وابيه يدرس اكيد اني اعرفه عدل اذا انا والله داري انه لو سافر برى بيزلق وبيروح فيها على طول يعني الولد مطفوق لاوالله بخليه يدرس قدام عيني ولابو الشهاده على التعليم اهم شي الولد ..

واذا انتي عارفه انه الولد لاوالله هادي وعاقل وتفكيره سابق عمره الا والله ادعي له بالتوفيق وخليه يدرس برى ..


عموما تأكدي درس فالدوحة ولا درس برى بأذن الله انه بيتوفق وبيرفع راسكم ..

[جوال 11]

الله يبارك في حياتك .. والله يوفق الجميع ان شاء الله

ليش الكل يقول الافضل الدراسه بالخارج ؟؟
بس انا قلبي مايطاوعني ابغيه قريب مني ............ فديت قلبه ............
وجامعات قطر اشفيهااااااااا :secret:

يعني انت تشوف انه يكمل دراسته وبعدين يقدم على جهه .. مثل ماقالوا الاخوان لي بالمنتدى ..
شكلي راح ارسى على انه الحين يكمل دراسته وما نستعجل ..
وتكون الدراسة في قطر ..

وهل صحيح انه اذا معدله عالي يدرس الدكتوراه بدون ماجستير ؟؟!!!
وهالكلام بس في بريطانيا !!! .. طيب وباقي الدول .. امريكا مثلا ... وقطر شالوضع عندنا هنيه ؟؟

وعندي استفسار ثاني :
اللي انت تشوفه انه يكمل الدراسة العليا الماجستير والدكتوراه وبعدين يشتغل او انه يشتغل سنتين ويكمل دراسته عن طريق الشغل ..؟؟

وتسلمون على التواصل والردود

الأفضل يدرس ثم يشتغل حتى يكون حر بعد حصوله على الشهادة بإذن الله.
نعم في بريطانيا إذا معدله عالي يدرس الدكتوراه دون دراسة الماجستير وهنالك طلبة حالياً يدرسون في نفس هذا الوضع .
إذا عنده رغبة في الدراسة يكمل على نفقة الدولة أفضل له لأن جهة عمله إذا توظف بصعوبة توافق على تكملة الدراسة وخاصة في الشركات .
وأصبروا عليه والسنين تمر بسرعة ويعتمد على نفسه في الغربة .
وبالتوفيق

[الليوان]

الواسطه رب العالمين

توكلي على الله كل الأمور تنحل إن شاء الله

[السياسي القطري]

أختي الكريمة

أنصح بأن يدرس أبنك في جامعة قطر ،

وذلك لأن هذهِ الجامعة غير مختلطة ، وهو ما يحمي الطلاب من الوقع في الزلل لا سمح الله ،

ويتيح لهم التركيز في دراستهم ، وذلك لعدم وجود ما يشتت إنتباههم ويشغلهم في أمور جانبية تافهه ،

بالإضافة إلى إن الكثير من المحاضرين هم من القطريين والعرب ، والذين هم حريصين على مصلحة الطالب القطري ،

بالإضافة إلى قدرة هؤلاء المحاضريين على ترجمة ما يصعب على الطلاب إلى اللغة العربية ،

وهو ما يساعد على تمام الفهم والإستيعاب ،

أما من ناحية الجهة المتعهدة ، فأعتقد إن قطر للبترول أو الشركات التابعة لها تعتبر خياراً جيداً ،

وبالرغم من إن قطر للبترول لا يشجعون دراسة الهندسة الكيميائية ،

إلا إنني أعتقد إنهم يتساهلون في الموضوع ، إذا كان الطالب متفوقاً ، وهذهِ هي رغبتهِ الجادة ،

وأدعو الله سبحانهُ وتعالى أن يوفقه ويحفظه ،

[mohd89]

ان شاء الله بيقبلونه بدون واسطه ما شاء الله نسبته عاليه وعنده ايلز
بروحها تكفي ان شاء الله

وأختي بالنسبه لسؤالج عن فايدة الدراسه برا
من الناحيه العلميه يختلف المستوى من بلد لاخر او من جامعه لاخرى ولكن غالبا
سيكون المستوى اقوى من جامعات قطر

من ناحيه ثانيه
صدق من قال الغربه تصنع رجال
ترا الغربه تعلم الشاب يحل مشاكله بنفسه ويتحمل المسؤوليه
و يكوون شخصيته وكيانه بنفسه وهذا شي بيساعده وايد في حياته
ترا محد يدرك اهمية هذي النواحي الا اللي عاشها وجربها وصدقيني وايد مهمه

اذا انتي ناويه اطرشينه برا اكيد بيكون عن طريق جهه حكوميه لانها هي اتكفل فيه
اما اذا ناوي يدرس بعدين يقدم على جهه الافضل انه يدرس في الدوحه

الله يوفقه

[mohd89]

أختي الكريمة

أنصح بأن يدرس أبنك في جامعة قطر ،

وذلك لأن هذهِ الجامعة غير مختلطة ، وهو ما يحمي الطلاب من الوقع في الزلل لا سمح الله ،

ويتيح لهم التركيز في دراستهم ، وذلك لعدم وجود ما يشتت إنتباههم ويشغلهم في أمور جانبية تافهه ،

،

اسف اخوي على المداخله

بس حبيت اوضح ان هالنقطه غير صحيحه
قد تكون في البدايه لانه الجو يكون غريب شوي .. ولكن بعد فتره يصبح الامر عادي جدا
بالنهايه ترجع للشخص نفسه وطريقة تفكيره

[ابن مانع]

الله يوفقه ان شاء الله ويحفظه لج ..
واهم شي ان عنده رغبه في الدراسه ..

اختي مدام هو عنده لغه مراح تفرق وياه برى الدوحة ولا داخل الدوحة .. الاخوان لما يقولون خليه يروح يدرس برى الدوحة ترى اهما صادقين ربعنا للحين يشوفون ان اللي دارس برى وجاي من برى انه غير عن الناس حتى لو كانت الجامعات اللي عندنا احسن وافضل وأقوى بس اسم انه متخرج من امريكا او من برى ..

صدقيني راح تفرق كثير لو تخرج من الدوحة او من امريكا لاتستغربين لو قلت ان الفرق عادي يكون فالراتب وفالمنصب وفي المكان ..

من ناحيه الخوف ماتنلامين مهما كان امه انتي .. لكن انتي تعرفين الولد يعني انا لو مثلا عندي ولد وابيه يدرس اكيد اني اعرفه عدل اذا انا والله داري انه لو سافر برى بيزلق وبيروح فيها على طول يعني الولد مطفوق لاوالله بخليه يدرس قدام عيني ولابو الشهاده على التعليم اهم شي الولد ..

واذا انتي عارفه انه الولد لاوالله هادي وعاقل وتفكيره سابق عمره الا والله ادعي له بالتوفيق وخليه يدرس برى ..


عموما تأكدي درس فالدوحة ولا درس برى بأذن الله انه بيتوفق وبيرفع راسكم ..

بيض الله وجهك كفيت وفيت
بس بعد حبيت اضيف اختي الفاضلة انتي ادرا بضروف ولدج وضروفكم معاه
يمكن الدراسة برا والتغريب مايناسب الولد وترجع عليه عكسية ردة الفعل
الله يوفقه ان شاءالله وين ماراح

[السياسي القطري]

اسف اخوي على المداخله

بس حبيت اوضح ان هالنقطه غير صحيحه
قد تكون في البدايه لانه الجو يكون غريب شوي .. ولكن بعد فتره يصبح الامر عادي جدا
بالنهايه ترجع للشخص نفسه وطريقة تفكيره



أخي الفاضل

أرجو أن تتأمل في هذهِ الأبيات الحكيمة ، والتي تبين الخطورة الكبيرة للإختلاط ،

وهي أبيات قالتها أمرأة لأخيها الذي سمح لها بالإختلاط ،

ثمّ أراد قتلها بعد أن أكتشف وجود علاقة لها بأحد الرجال ،


لا تأخذَنَّي بِجرمٍ كُنتَ فاعِلهُ . . . أنـتَ الـمُـؤلـــفُ بينَ الشّاةِ والذّيبِ

الشّاةُ تَعلَم إنَّ الذّيبَ يَأكُلَها . . . والذّيبُ يَعلَم ما في الشّاةِ من طِيبِ



وتقبل خالص تحياتي .

[بوحارب]

ما شاء الله عليه

الله يوفقه اختي

[abu abdulla]

اتكلي على الله سبحانه .

[قطراوي للأبد]

الشيخه !!! اولا مبرووووك تخرج الولد .. ووالله يووفقه ويفرحج فيه ان شاء الله

انا بتكلم بالنسبه عن بريطانيا !! بصفتي واحد من خريجيها ! .. والحمدلله انا توني متخرج ! ماصار لي شهر .. يعني لحد يقول هالكلام قديم ولا قبل ولا شي


عالعموووم

انا من خلصت الثانويه .. الحمدلله كان معدلي زين .. وجاتني الفرص من كل مكان .. الداخليه .. من الشركات .. قطر للبترول وراس غاز

وكنت مفضل الداخليه بكون ابوي ضابط سابق !! ويرشح لي المكان وبقووه

استخرت .. واستخار معاي ابوي .. وكان الأريح لي الداخليه

وكانوا يبغون يطرشوني امريكا !!! لكن الوالده رفضت !! بسبب الأحداث اللي كانت تصير والكلام والسياسه ..

وحاولت وياهم انهم يحولوني بريطانيا !!!! ووافقوا بس كان تخصصي " دبلوم " ومب هندسه !!! إلا اذا رحت امريكا راح يصير بكلريوس

فـ قلت خلني اخذ شور الوالده !!! .. ولاتروح وهي مب راضيه

والحمدلله رحت بريطانيا !! عن طريق راس غاز .. وماندمت ولله الحمد

صحيح ان الحياه والوضع تختلف 180 درجه عن امريكا !!!!!!!!!!!!!!!!!!

بريطانيا : الحياه تنتهي الساعه 5 ! وو فيهم عنصريه شوي ووالمكان غالي
امريكا : الحياه حلوه عندهم .. والشعب لطيف والمعيشه رخيصه بالنسبه لـ بريطانيا

لكــــــــن !!!!!!

الشي الجيد في بريطانيا .. ان الولد يدرس وقت الدراسه وياخذ صيفه كامل

يعني احنا ندرس نهايه 9 .. وناخذ اجازه في نص 12 لمده شهر ! يختلف على حسب الجامعه

ونداوم نص 1 .. ونوقف نص 3 لمده شهر

ونداوم نص 4 لين نهايه 5 ..

وناخذ اجازه 4 شهور

يعني 6 شهور دوام .. و 6 شهور اجازه

والحمدلله .. اذا المكان فيه عرب ! بيساعدونه .. خاصه الطلاب اللي قبله .. بيعطونه اسايمنتات .. او حتى طرق للدراسه وشلون يعدي الماده ..

يعني انا كنت فـ كل اجازه ارجع .. والحمدلله عايش حياتي فالدوحه وهناك .. والحمدلله تخرجت قبل اللي دخلوا الجامعه قبلي بسنه

وإذا تحتاجين شي ولا شي من هناك .. او عندج اي استفسار انا حاظر !!

-----------------

بتكلم بخصوص السبونسر ..

أنا اشووف .. ان احسن له ياخذ سبونسر

بس يكون فـ مكان عدل ..

يفضل فالشركات .. " راس غاز وقطر غاز " مع احترامي للباقي .. بس من وجهه نظري احسن

وإذا يرغب فالعسكريه .. يدخل الحرس الأميري ..

انا عن نفسي .. فـ اخر سنه .. كنت ابغي احول للعسكريه وجاتني موافقات .. والكل كان يقول لي ليييش ومادري شنو .. الرواتب احسن وكل شي .. لكن انا اشوف ان موظف الحكومه ! يداوم من 6-1 .. وهو حر بباقي يومه.. أما اللي فالشركه يداوم من 7-3 وخاصه إذا كان فـ امسيعيد ولا لفان او دخان .. متى بيرجع البيت ؟!!...
لكن استخرت .. وان شاء الله ان قراري فيه الخيره لي.. وبتم على راس غاز ان شاء الله

اتمنى اني وضحت كل شي ..

مع اني قلت قصه حياتي ! لكن اعذريني ! ابغي افيدج بتجربتي

وعساكم عالقووه

[w4rr10r]

^

مآشاء الله عليك اخوي كفيت ووفيت

[مابدل العادات]

نصيحه لوجه الله أختي

لا تخلينه يدرس في المدينة التعليمه لأنه بيكره شي اسمه دراسه

نصيحه خليه يروح امريكا لأنه بيتعلم اشياء في حياته اكثر من دراسته

ومؤهلاته ممتازه جدا وكل الشركات تبغيه وراح تقبله بإذن الله ومايحتاج واسطه

والله يوفقه ويوفقكم ان شاء الله :)

[بن محمود]

اختي
قبل كل شيء
اسمحي لي اقول لج بصراحة
انا حسيت من ردودج انج وايد ( مسيطرة ) على الولد بزيادة !
اتمن يكون شعوري غلط
لان هالشي يمكن ( كان ) مفيد طول هالمرحلة اللي فاتت من حياته التعليمية والتربوية والدليل هو نتايجه المتفوقة ماشاء الله
لكنه الحين كبر وبدا يدخل مرحلة جديدة .. خليه بروحه يختار تخصصه ويختار الشركة اللي تتبناه ويختار كل شيء ..وحتى لو حب يدرس برا ويطور نفسه لاتكونين حاجز في طريقه ..
لاتفرضين عليه شي بالغصب ..
وتذكري هالشي
إنه ( ماشاء الله) ولد ذكي ومتفوق ومايحتاج واسطة ويقدر يعتمد على نفسه في التخطيط لمستقبله..

وماقول غير
الله يوفقه ويفتح بوجهه ابواب الخير

[المتألم]

مرحبا أختي الكريمة

موضوعك عطاني دافع أسجل وأدخل أرد ..

بالبداية أختي الكريمة يجب عليك أن تفرقي بين المرحله الحالية ومرحلة ما بعد التخرج لأن هالفترة تختلف أختلاف كلي عن مرحلة العمل والوظيفة والحياة الجادة ..

بداية يفضل أن تنصحي أبنك بما هو مفيد وخصوصا أنه ذكي وماشاء الله عليه
بس بعد الذكاء ما هو كافي بهالمرحلة ليكون فاهم كل خياراته ولهذا يجب أن تبيني له
كل الخيارات وكل العواقب وكل النتائج وتتركي له حرية الإختيار لأنها مهمة جدا

أنا حصلت في الثانوية على 95 بالمية بس والله ما كنت أعرف كوعي من بوعي بالنسبة
لتخصصات ومتطلباتها وما أريد وما يجب أن أخذه وكا يجب أن أختاره
دخلت على الله وكملت وتخرجت وأكتشف أن في فرص كثيرة راحت علي والحمد لله

لعدم وجود شخص يوجه وينصح ويبين لي الخيارات المهمه ..

التخرج من الجامعه ليس كل شئ لأن مراحل التعليم والحياة بشكل عام كبيرة ومتغيره

ولهذا نصيحتي لك بداية

أن لا تدرسينه من خلال متعاقد لأنك سوف تجبرين أبنك على العمل في مؤسسه ربما
بعد تخرجه لا يجدها تستحق أو لا يتقبل العمل بها
هو نوع من السجن تضعينه فيه ونوع من " التحكير " وهذا الأمر سيئ جدا لأن
نفسية الشخص خلال مرحلة الجامعة تنضج بطريقة تختلف عن مرحلة الثانوية التي
تحتاج لتوجيه

الجامعة أمر آخر وما بعدها يجب أن يحدده الشخص وألزامه بسبونسر يجبره بعد التخرج للعمل لديه أمر حسبما أراه غير مفيد إلا منا ناحية أنه يساعدني على تحمل
تكاليف الدراسة ..

ستكون لدية خيارات كثيرة جدا بعد التخرج سواء البكالوريوس أو الماجستير أو الدكتوراه
عندها سيحدد هو أتجاه عمله بمؤسسة أو وزارة أو بجامعه
حيثما يريد هو بإقتناعه هو

ولهذا لا تضعي كل الحلول في فترة حالية لكل الفترات القادمة لأن التغير سنة الحياة


ثم أنني أتمنى منك أن تجتهدي في البحث عن التخصصات المفيدة والتي يرغب في دراستها
ربما يرغب بالدراسات السياسية في حال أنك تبحثين له عن الهندسة
وربما يرغب بالفيزياء باللحظة التي تريدين تدريسه علوم النفط

جمعي كل التخصصات المجدية هنا وفؤائدها وظروف عملها ومستقبلها
ثم ضعيها له على طاولة ثم دعية يفكر ويفكر حتى يجد بنفسه الرغبة في أختيار
ما يريد وإن أختار فدعية يتأكد من خياره أثناء طرح خيارات أخرى

ثم درسية حتى يكمل مراحلة كلها بأختيارة ودائما وجهييه ولا تفرضي عليه رأيك
وجهيه لما هو خير وأحسن ودعي له الخيار بطريقة دوبلواسية مدروسة

ثم بعد ذلك أبحثي له عن جامعة محترمة تجيد التدريس لأن النجاح والتفوق ليس دليل
على أن الإنسان متعلم وعبقري وفنان
إجادة الهندسة لا تعني أن الشخص يجيب 100 من 100 بالرياضيات

الإجادة هي تطبيق عملي لما يدرسه الشخص
و نسبة 90 بالمئة مما ندرسة لا نستعمله حقيقة في عملنا إلا ما ندر وبحالات قليله

ولهذا لا تركزي على النتائج والدرجات بقدر ما تركزي أيضا على الإستيعاب
والفهم " فهم المعنى الحقيقي للسبب اللي يخليه يدرس "
مثلا 1+1 = 2 هذه المعادلة الأبسط في الرياضيات هي التي تقوم عليها
كل الرياضيات بمختلف جوانبها فقط كل ما يحدث أن العناصر تتخير أشكالها وتراكيبها

الفهم ثم الفهم ثم الفهم

درسية بحرية عن طريقة بعثة من الدولة يدرس بها ما يشاء وينجح ويتفوق ويعود
ليختار دربة ويخوض غمار الحياة كما ينبغي

فوالله أن دروس الحياة البسيطة التي قابلتنا بعد التخرج تغني عن كل فصول الدراسة
التي ضيعنا بها أوقاتا كثيرة ذهبت سدى


تمنياتي بالتوفيق
وأن يأتي اليوم الذي تكتبين لنا فيه " أصبح ولي دكتور وبأمتياز "

[^امـ نواري^]

الله يعينه على بلواه لو خليتيه يدرس في قطر
بتضيعين مستقبله
:eek5:
شكلك تقصد المدينة التعليميه صح ؟
اوجامعة قطر !!!

او ان الدراسة في قطر هي البلوى ؟؟:secret:
التعليم والدراسة والمواد والمحاضرات والامتحانات والاساتذه و..و.. مابقى شي

الله يعيين الطلاب

[^امـ نواري^]

ما شاء الله
كل هذا واسطه

تعيين ع طول



عليان قطر بصفتك نائب الرئيس
ما تلاقي لي واسطة عندكم في الادارة الملكيه العليا

[^امـ نواري^]

الله يوفقه ان شاء الله ويحفظه لج ..
واهم شي ان عنده رغبه في الدراسه ..

اختي مدام هو عنده لغه مراح تفرق وياه برى الدوحة ولا داخل الدوحة .. الاخوان لما يقولون خليه يروح يدرس برى الدوحة ترى اهما صادقين ربعنا للحين يشوفون ان اللي دارس برى وجاي من برى انه غير عن الناس حتى لو كانت الجامعات اللي عندنا احسن وافضل وأقوى بس اسم انه متخرج من امريكا او من برى ..

صدقيني راح تفرق كثير لو تخرج من الدوحة او من امريكا لاتستغربين لو قلت ان الفرق عادي يكون فالراتب وفالمنصب وفي المكان ..

من ناحيه الخوف ماتنلامين مهما كان امه انتي .. لكن انتي تعرفين الولد يعني انا لو مثلا عندي ولد وابيه يدرس اكيد اني اعرفه عدل اذا انا والله داري انه لو سافر برى بيزلق وبيروح فيها على طول يعني الولد مطفوق لاوالله بخليه يدرس قدام عيني ولابو الشهاده على التعليم اهم شي الولد ..

واذا انتي عارفه انه الولد لاوالله هادي وعاقل وتفكيره سابق عمره الا والله ادعي له بالتوفيق وخليه يدرس برى ..


عموما تأكدي درس فالدوحة ولا درس برى بأذن الله انه بيتوفق وبيرفع راسكم ..


ماقصرت يااخوي وكلامك عين العقل وريحني وحسيت انك فاهمني " لمن قلت انج امه ماتنلامين لمن تخافين عليه ...
" بس ليش مسمي نفسك القاسي ؟ "

وشاللي متعبنا غير نظرة الناس ونظرة المجتمع ونظرة العمل ونظرة الشغل .. ((ربعنا للحين يشوفون ان اللي دارس برى وجاي من برى انه غير عن الناس حتى لو كانت الجامعات اللي عندنا احسن وافضل وأقوى بس اسم انه متخرج من امريكا او من برى )) ..ومع ذلك بالفعل يفرق هالشي للحين عندنا ..
الله يوفق الولد وين مادرس ..

وبالنسبه للولد ربي يحفظة ماهو مطفوق ولا راعي حركات ..اشوفه هادي وذكي جدا وعاقل .. بس التفكير لا ماهو سابق عمره .. تفكير عادي .. تفكير يوم بيوم .. مستعجل يمكن .. يبغي له شوي في امور الدنيا والحياة " إلا يبغي له وايد ".. واحسه سريع التأثر بمن حوله وبالاحداث وعطوف وحنون ..

ودائما ادعي له ربي يحفظه ويوفقه ويسر اموره ..

وربي يجزيك كل خير على هالكلام والمشاركة

[^امـ نواري^]

الأفضل يدرس ثم يشتغل حتى يكون حر بعد حصوله على الشهادة بإذن الله.
نعم في بريطانيا إذا معدله عالي يدرس الدكتوراه دون دراسة الماجستير وهنالك طلبة حالياً يدرسون في نفس هذا الوضع .
إذا عنده رغبة في الدراسة يكمل على نفقة الدولة أفضل له لأن جهة عمله إذا توظف بصعوبة توافق على تكملة الدراسة وخاصة في الشركات .
وأصبروا عليه والسنين تمر بسرعة ويعتمد على نفسه في الغربة .
وبالتوفيق

الشكر الجزيل للتواصل والردود اخوي الفاضل جوال 11
وربي يجزيك كل خير على هالتوضيح ..
وياهالحرية اللي يبغيها كل خريج ؟ .. يعني لهالدرجة جهات العمل تضيق على الطلاب وماكو منها فكه ..

امممم
واذا الله وكتب وقسم وراح الولد يدرس برى " يعني بقدرة قادر " سبحان اللي يغير ولا يتغير ..فالافضل طبعا انه يكمل الدراسات العليا ..

وبما ان المسالة فيها دراسه برى وماجستير ودكتوراه وغربه فترة طويله ..
يا اني باقدم على اجازة و باروح معاه :eek5:
او اني اقدم على بعثه واروح معاه :secret:

قلب الام غير يا شباب :weeping:

والله يوفقه وين ماراح

[^امـ نواري^]

الواسطه رب العالمين

توكلي على الله كل الأمور تنحل إن شاء الله

ونعم بالله ..
وماتوفيقي الا بالله ..
توكلت على الحي الذي لا يموت ..
{اللهم لك اسلمت وبك آمنت وعليك توكلت واليك انبت }

..

[قطري متواضع]

اما عن قطر للبترول مايحتاج واسطه اهم شي الايلز فوق 5.5
والنسبه فوق 80% والولد نسبته 90 يعني يقبلونه براحه والله يوفقه يارب

[^امـ نواري^]

أختي الكريمة

أنصح بأن يدرس أبنك في جامعة قطر ،

وذلك لأن هذهِ الجامعة غير مختلطة ، وهو ما يحمي الطلاب من الوقع في الزلل لا سمح الله ،

ويتيح لهم التركيز في دراستهم ، وذلك لعدم وجود ما يشتت إنتباههم ويشغلهم في أمور جانبية تافهه ،

بالإضافة إلى إن الكثير من المحاضرين هم من القطريين والعرب ، والذين هم حريصين على مصلحة الطالب القطري ،

بالإضافة إلى قدرة هؤلاء المحاضريين على ترجمة ما يصعب على الطلاب إلى اللغة العربية ،

وهو ما يساعد على تمام الفهم والإستيعاب ،

أما من ناحية الجهة المتعهدة ، فأعتقد إن قطر للبترول أو الشركات التابعة لها تعتبر خياراً جيداً ،

وبالرغم من إن قطر للبترول لا يشجعون دراسة الهندسة الكيميائية ،

إلا إنني أعتقد إنهم يتساهلون في الموضوع ، إذا كان الطالب متفوقاً ، وهذهِ هي رغبتهِ الجادة ،

وأدعو الله سبحانهُ وتعالى أن يوفقه ويحفظه ،



..
الحمد لله لقيت واحد مثل تفكيري .. ييأد فكرة الدراسة بجامعة قطر
وضد فكرة الاختلاط مهما كان الولد عاقل ورزين ..
والله احنا شزيينا درسنا بجامعة قطر واغلب البنات والشباب درسو هناك اذا مو الكل والحمدلله تخرجنا وتوظفنا ولا جاتنا اي مشاكل ولا ضيقنا على اهالينا ولا عايشنا هالاختلاط وبلاويه وهالانفتاح وعجايبه ..

بس يوم انك تكلمت عن المحاضرين والقطريين والعرب واهتمامهم بالطالب ! شكيت انك يا استاذ في جامعة قطر او انك موظف ذو منصب مرموق هناك :) ..
شرايك اجيب الولد عندكم تقنعه بجامعة قطر ومزاياها ... " جد والله "
يمكن لمن يسمع من غيري يقتنع ..
{وبادعي لك في كل فرض وكل وقت ورمضان على الابواب}

لاني بالفعل تكلمت مع الولد في هالنقطه وعن جامعة قطر ..
بس هو من يسمع اسم جامعة قطر مادري شيصير فيه يصير عصبي :anger1: ويقول انا جايب هالنسبة وآدخل جامعة قطر !!!

ربي يهديه وينور قلبه وعقله .. ويحفظه يارب

..

[السياسي القطري]

..
الحمد لله لقيت واحد مثل تفكيري .. ييأد فكرة الدراسة بجامعة قطر
وضد فكرة الاختلاط مهما كان الولد عاقل ورزين ..
والله احنا شزيينا درسنا بجامعة قطر واغلب البنات والشباب درسو هناك اذا مو الكل والحمدلله تخرجنا وتوظفنا ولا جاتنا اي مشاكل ولا ضيقنا على اهالينا ولا عايشنا هالاختلاط وبلاويه وهالانفتاح وعجايبه ..

بس يوم انك تكلمت عن المحاضرين والقطريين والعرب واهتمامهم بالطالب ! شكيت انك يا استاذ في جامعة قطر او انك موظف ذو منصب مرموق هناك :) ..
شرايك اجيب الولد عندكم تقنعه بجامعة قطر ومزاياها ... " جد والله "
يمكن لمن يسمع من غيري يقتنع ..
{وبادعي لك في كل فرض وكل وقت ورمضان على الابواب}

لاني بالفعل تكلمت مع الولد في هالنقطه وعن جامعة قطر ..
بس هو من يسمع اسم جامعة قطر مادري شيصير فيه يصير عصبي :anger1: ويقول انا جايب هالنسبة وآدخل جامعة قطر !!!

ربي يهديه وينور قلبه وعقله .. ويحفظه يارب

..


أختي الكريمة

أكبر أبنائي أنهى دراسته الثانوية - القسم العلمي - قبل سنتين ، وبمجموع ( % 98.2 ) وأقنعته يدخول جامعة قطر ، للأسباب التي ذكرتها ،

والحمد لله متفوق في دراسته في الجامعة ، ودائماً يشكر في الجامعة والهيئة التدريسية ،

كما إنه دائم الشكر لي لأني أقنعته بالدراسة في هذهِ الجامعة ،

والأبن الثاني ، متخرج هذهِ السنة - القسم العلمي - ، وبنسبة (% 92.7 ) ، وايضاً أقنعته بالألتحاق بجامعة قطر ،

وسوف يستكمل إجراءات التسجيل خلال الأيام القادمة إن شاء الله تعالى ،


أدعو لأبنك بالهداية والتوفيق إن شاء الله تعالى .

[^امـ نواري^]

أختي الكريمة

أكبر أبنائي أنهى دراسته الثانوية - القسم العلمي - قبل سنتين ، وبمجموع ( % 98.2 ) وأقنعته يدخول جامعة قطر ، للأسباب التي ذكرتها ،

والحمد لله متفوق في دراسته في الجامعة ، ودائماً يشكر في الجامعة والهيئة التدريسية ،
كما إنه دائم الشكر لي لأني أقنعته بالدراسة في هذهِ الجامعة ،

والأبن الثاني ، متخرج هذهِ السنة - القسم العلمي - ، وبنسبة (% 92.7 ) ، وايضاً أقنعته بالألتحاق بجامعة قطر ،
وسوف يستكمل إجراءات التسجيل خلال الأيام القادمة إن شاء الله تعالى ،

أدعو لأبنك بالهداية والتوفيق إن شاء الله تعالى .


ماقصرت اخوي الكريم السياسي القطري على التواصل والتوضيح ورفع روحي المعنوية وشد ازري في هذا الموضوع ..
وماشاء الله تبارك الله ربي يوفق عيالك ويحفظهم لك وييسر امورهم ويبارك فيهم

طيب فيه استفسار ثاني ..
ابنائك الله يحفظهم ماكان عندهم سبونسر طوال فترة الجامعة ؟؟
وماذا بعد التخرج ؟؟ مثل ماقالو الاخوان يكون حر بشهادته ؟ وبعد التخرج البحث عن جهه عمل ؟

وبالنسبة لابنك المتخرج حديثا من الثانوية ؟ مافكرت له في سبونسر ايضا ؟
واي الشركات والجهات تفضلها تكون بيئة عمل مناسبة للابناء ..
شركات البترول او الجهات الحكومية او القوات المسلحة القطرية
رأيك يهمني ..
..

[جلمود]

مشاء الله

أختي العسكريه أفضل له مستقبل ومشاء الله مجموعه يدخب عرض أي كليه

للأمام إن شاء الله

[^امـ نواري^]

ان شاء الله بيقبلونه بدون واسطه ما شاء الله نسبته عاليه وعنده ايلز
بروحها تكفي ان شاء الله

وأختي بالنسبه لسؤالج عن فايدة الدراسه برا
من الناحيه العلميه يختلف المستوى من بلد لاخر او من جامعه لاخرى ولكن غالبا
سيكون المستوى اقوى من جامعات قطر

من ناحيه ثانيه
صدق من قال الغربه تصنع رجال
ترا الغربه تعلم الشاب يحل مشاكله بنفسه ويتحمل المسؤوليه
و يكوون شخصيته وكيانه بنفسه وهذا شي بيساعده وايد في حياته
ترا محد يدرك اهمية هذي النواحي الا اللي عاشها وجربها وصدقيني وايد مهمه

اذا انتي ناويه اطرشينه برا اكيد بيكون عن طريق جهه حكوميه لانها هي اتكفل فيه
اما اذا ناوي يدرس بعدين يقدم على جهه الافضل انه يدرس في الدوحه

الله يوفقه

الشكر الجزيل mohd89 للتواصل والتوضيح والرد اخي الكريم
وان شاء الله يقبلونه بدون واسطه والله يسهل الامور علينا ..

بس بعد ابغي اعرف شنهي الجهات الافضل والاحسن من شركات البترول
راس غاز
قطر للبترول
قابكو
شل ...
الخ
وبالنسبة لجدول التطويرالمهني والدرجات والترقيات والخريج الجديد وش بتكون درجته ومن هالمواضيع ..
او القيادة العامة للقوات المسلحة القطرية

واكيد الغربة والدراسه برى تعلم الشاب اشياء كثيره اهمها الاعتماد على النفس وتكوين الشخصية القوية ما بختلف معاك في الفوائد والمميزات واشياء كثيررررة ...:weeping:

الله كريم وربي يوفق الجميع

[صوت الضمير]

اللي يقول يدرس برا .. سؤال وجامعات المدينة التعليمية

اللي جايبينها عندنا بس للاجانب..

بلعكس انا اوووويد وبشده دخول ابناء قطر هالجامعات.. لانها نفس المناهج اللي برا وقدام عيونك ..

وجامعة قطر انا قريب بتخرج منها.. عندنا أكفاء من الدكاتره ولا ازيد على كلام السياسي القطري

والحمدلله انه مب خلط .. وراح يتعلم الاعتماد على النفس في كثير من الامور..

والله يوفقه ويحفظه لك ويخليه .. ماشاء الله عليه ربي يحفظه من كل شر

أبداع

[^امـ نواري^]

اسف اخوي على المداخله

بس حبيت اوضح ان هالنقطه غير صحيحه
قد تكون في البدايه لانه الجو يكون غريب شوي .. ولكن بعد فتره يصبح الامر عادي جدا
بالنهايه ترجع للشخص نفسه وطريقة تفكيره



جو الاختلاط ((غريب شوي)) !! وبعد فترة يصبح عادي جدا !!

وبعد شوي يصير يتكلمون مع بعض عادي

وبعدها يضحكون مع بعض عادي

وياكلون مع بعض عادي

وبعدها يتزاورون عادي ويطلعون عادي ..

وكل شي بينهم يصير عادي ..

ويروح خجل البنت وحياءها .. عادي
وتتكشخ البنت اكثر ويتكشخ الولد اكثر
والشيطان يزين لهم كل شي عادي ..

لدرجة ان نشوف الغلط والمنكر عادي ولا نستنكر له ..

ويتربى عيالنا على هالجو وهالطريقة وهالاسلوب وهالعيشة عادي

.. " جيل العادي قادم "

[^امـ نواري^]

بيض الله وجهك كفيت وفيت
بس بعد حبيت اضيف اختي الفاضلة انتي ادرا بضروف ولدج وضروفكم معاه
يمكن الدراسة برا والتغريب مايناسب الولد وترجع عليه عكسية ردة الفعل
الله يوفقه ان شاءالله وين ماراح

اي والله يا بن مانع رد اخوي القاسي كفى فيه ووفى ..
وشكرا اخي الفاضل على مداخلتك ودعائك ومشاركتك
والله يوفق جميع الطلاب والطالبات




ما شاء الله عليه

الله يوفقه اختي

ويوفق الجميع ان شاء الله في حياتهم وجميع اعمالهم
شكرا على تواصلك وردك اخوي بوحارب



اتكلي على الله سبحانه .
ونعم بالله وماتوكلي الله على الله رب العالمين

[جوال 11]

الشكر الجزيل للتواصل والردود اخوي الفاضل جوال 11
وربي يجزيك كل خير على هالتوضيح ..
وياهالحرية اللي يبغيها كل خريج ؟ .. يعني لهالدرجة جهات العمل تضيق على الطلاب وماكو منها فكه ..

امممم
واذا الله وكتب وقسم وراح الولد يدرس برى " يعني بقدرة قادر " سبحان اللي يغير ولا يتغير ..فالافضل طبعا انه يكمل الدراسات العليا ..

وبما ان المسالة فيها دراسه برى وماجستير ودكتوراه وغربه فترة طويله ..
يا اني باقدم على اجازة و باروح معاه :eek5:
او اني اقدم على بعثه واروح معاه :secret:

قلب الام غير يا شباب :weeping:

والله يوفقه وين ماراح

عندنا أولاد وبنات يدرسون في بريطانيا والأيام تمر بسرعة والدنيا أمان حسب أختيار المكان والصحبة الصالحة وتجنب الأماكن المشبوهة من بارات ومراقص وغيرها وتجنب الخروج في الليل والنصيحة له بإستمرار.
وبالتوفيق

[^امـ نواري^]

الشيخه !!! اولا مبرووووك تخرج الولد .. ووالله يووفقه ويفرحج فيه ان شاء الله

انا بتكلم بالنسبه عن بريطانيا !! بصفتي واحد من خريجيها ! .. والحمدلله انا توني متخرج ! ماصار لي شهر .. يعني لحد يقول هالكلام قديم ولا قبل ولا شي


عالعموووم

انا من خلصت الثانويه .. الحمدلله كان معدلي زين .. وجاتني الفرص من كل مكان .. الداخليه .. من الشركات .. قطر للبترول وراس غاز

وكنت مفضل الداخليه بكون ابوي ضابط سابق !! ويرشح لي المكان وبقووه

استخرت .. واستخار معاي ابوي .. وكان الأريح لي الداخليه

وكانوا يبغون يطرشوني امريكا !!! لكن الوالده رفضت !! بسبب الأحداث اللي كانت تصير والكلام والسياسه ..

وحاولت وياهم انهم يحولوني بريطانيا !!!! ووافقوا بس كان تخصصي " دبلوم " ومب هندسه !!! إلا اذا رحت امريكا راح يصير بكلريوس

فـ قلت خلني اخذ شور الوالده !!! .. ولاتروح وهي مب راضيه

والحمدلله رحت بريطانيا !! عن طريق راس غاز .. وماندمت ولله الحمد

صحيح ان الحياه والوضع تختلف 180 درجه عن امريكا !!!!!!!!!!!!!!!!!!

بريطانيا : الحياه تنتهي الساعه 5 ! وو فيهم عنصريه شوي ووالمكان غالي
امريكا : الحياه حلوه عندهم .. والشعب لطيف والمعيشه رخيصه بالنسبه لـ بريطانيا

لكــــــــن !!!!!!

الشي الجيد في بريطانيا .. ان الولد يدرس وقت الدراسه وياخذ صيفه كامل

يعني احنا ندرس نهايه 9 .. وناخذ اجازه في نص 12 لمده شهر ! يختلف على حسب الجامعه

ونداوم نص 1 .. ونوقف نص 3 لمده شهر

ونداوم نص 4 لين نهايه 5 ..

وناخذ اجازه 4 شهور

يعني 6 شهور دوام .. و 6 شهور اجازه

والحمدلله .. اذا المكان فيه عرب ! بيساعدونه .. خاصه الطلاب اللي قبله .. بيعطونه اسايمنتات .. او حتى طرق للدراسه وشلون يعدي الماده ..

يعني انا كنت فـ كل اجازه ارجع .. والحمدلله عايش حياتي فالدوحه وهناك .. والحمدلله تخرجت قبل اللي دخلوا الجامعه قبلي بسنه

وإذا تحتاجين شي ولا شي من هناك .. او عندج اي استفسار انا حاظر !!

-----------------

بتكلم بخصوص السبونسر ..

أنا اشووف .. ان احسن له ياخذ سبونسر

بس يكون فـ مكان عدل ..

يفضل فالشركات .. " راس غاز وقطر غاز " مع احترامي للباقي .. بس من وجهه نظري احسن

وإذا يرغب فالعسكريه .. يدخل الحرس الأميري ..

انا عن نفسي .. فـ اخر سنه .. كنت ابغي احول للعسكريه وجاتني موافقات .. والكل كان يقول لي ليييش ومادري شنو .. الرواتب احسن وكل شي .. لكن انا اشوف ان موظف الحكومه ! يداوم من 6-1 .. وهو حر بباقي يومه.. أما اللي فالشركه يداوم من 7-3 وخاصه إذا كان فـ امسيعيد ولا لفان او دخان .. متى بيرجع البيت ؟!!...
لكن استخرت .. وان شاء الله ان قراري فيه الخيره لي.. وبتم على راس غاز ان شاء الله

اتمنى اني وضحت كل شي ..

مع اني قلت قصه حياتي ! لكن اعذريني ! ابغي افيدج بتجربتي

وعساكم عالقووه


قطراوي للأبد
الله يبارك في حياتك ودنياك وآخرتك ..
والله انك وضحت كل شي وكفيت ووفيت وربي يعطيك الصحه والعافية والقوة ان شاءالله
والف شكر لك اخوي على عرض قصة حياتك وتجربتك عن الدراسة ببريطانيا ..

وجزاك ربي كل خير على ردك ومداخلتك وتوضيحك لكل هالامور ..
ربي يوفقك وييسر امورك ان شاء الله ..

والف مبروك لك التخرج من الجامعة (قطراوي للأبد )سبقتهم بسنه " شكلك شاطرماشاءالله "
والحمدلله على سلامتك ومبروك الوظيفة براس غاز ربي يهنيك فيها وتنال مرادك ومبتغاك منها وتوصل لاعلى الدرجات والرتب ان شاء الله ..

خلاص يعني لقيت لي واسطه عند راس غاز ولا تقول لي ما اقدر :)

باقول لك شي صار ..
الحمدلله رب العالمين اتصلو اليوم راس غاز بولدي وطلبو منه يحضر للمقابله بعد يومين .. وربي يوفقه ان شاء الله
بغيت اسألك بحكم انك في راس غاز ...
هم في المقابلة يسألونه عن شو ؟ وشلون يقيمون الطالب عندهم ؟ واذا هم طلبوه للمقابله يعني موافقين عليه ؟ واذا عندك كم نصيحة للولد قبل لا يروح لهم المقابله ؟

واذا اي حد من الاخوان عنده الرد او اي معلومات ونصايح وشسالفه هالمقابلات لا يبخل علينا فيها ..

وتسلم على المشاركة والرد وعلى قصة حياتك و تخرجك وربي يجزيك كل خير:nice:
وناطرة ردك ..
..

[^امـ نواري^]

^

مآشاء الله عليك اخوي كفيت ووفيت

اي والله انه كفى ووفى ربي يجزى قطراوي للابد كل خير ويجزي الاخوان المشاركين بالموضوع كل خير
والشكر بالطبع موصول لك اخوي iMe على مشاركتك وقرائتك للموضوع ومداخلتك فيه




نصيحه لوجه الله أختي
لا تخلينه يدرس في المدينة التعليمه لأنه بيكره شي اسمه دراسه
نصيحه خليه يروح امريكا لأنه بيتعلم اشياء في حياته اكثر من دراسته
ومؤهلاته ممتازه جدا وكل الشركات تبغيه وراح تقبله بإذن الله ومايحتاج واسطه

والله يوفقه ويوفقكم ان شاء الله :)

الف شكر لك اخوي على مشاركتك ونصيحتك بخصوص المدينة التعليمية :eek5:
ماصارت مكان للدراسة ..:rolleyes2: ....... ومو بس بيكره الدراسة !! :secret: .......

وبخصوص الغربة والدراسة والسفر صحيح انها تعلم الشاب اشياء كثيرة في حياته ............
جزيل الشكر على المداخلة

الله يوفق الجميع ان شاء الله

[^امـ نواري^]

اختي
قبل كل شيء
اسمحي لي اقول لج بصراحة
انا حسيت من ردودج انج وايد ( مسيطرة ) على الولد بزيادة !
اتمن يكون شعوري غلط
لان هالشي يمكن ( كان ) مفيد طول هالمرحلة اللي فاتت من حياته التعليمية والتربوية والدليل هو نتايجه المتفوقة ماشاء الله
لكنه الحين كبر وبدا يدخل مرحلة جديدة .. خليه بروحه يختار تخصصه ويختار الشركة اللي تتبناه ويختار كل شيء ..وحتى لو حب يدرس برا ويطور نفسه لاتكونين حاجز في طريقه ..
لاتفرضين عليه شي بالغصب ..
وتذكري هالشي
إنه ( ماشاء الله) ولد ذكي ومتفوق ومايحتاج واسطة ويقدر يعتمد على نفسه في التخطيط لمستقبله..

وماقول غير
الله يوفقه ويفتح بوجهه ابواب الخير

قول رايك بصراحة اخوي الفاضل بن محمود
.. احنا هني نتبادل الراي والافكار ونتناقش ويمكن انتو تشوفون شي انا ما اشوفه ولا الاحظه ..
وطبعا ابغي راي كل واحد منك وبصراحة ما ابغي حد يجاملني بس " بشويش وبالراحه علي بالكلام ..خفو شوي علي " وإلا كان مافتحت الموضوع اصلا ..

بس اني مسيطرة على الولد وبزيادة !! لا ما اعتقد اني جذيه .. و مايصير اصلا ..
ترى الحين الكل فاهم والشباب عارفين وفاهمين ومستحيل انك تقدر تسيطر على اي حد وبزيادة بعد ..

هو الاكيد شعور غلط ..
انا اقول لك ليش .. :
يمكن انك انفعلت مع الموضوع ومع الردود بزيادة .. وانفعلت من كلامي عن الولد اني ابغيه عندي وما ابغيه يسافر .. " ترى محد يدري بظروف الغير ولا بحياتنا ولا بعلاقتنا شلون ولا بمقدار حاجتي له ..
هذا شي .. الشي الثاني يمكن لاني انا اللي تكلمت عن الموضوع وعن ولدي بدلا عنه مو اهو اللي فتح الموضوع .. وهو ريال كبير وفاهم ..
يمكن من باب حرصي عليه .. من باب خوفي عليه .. من باب اني انا ابغي اعرف شاللي قاعد يصير للطلاب عقب التخرج من الثانوية .. من باب اني ابغي اعرف عن هالشركات ..من باب الفضول يمكن :) .. من باب اني ابغي اكون معاه على الخط واكون فاهمه مثقفه وواعيه لهالسوالف وهالشغلات ..واني انوره في كم شغله .. ولمن اتكلم معاه افهم عليه ..
ويمكن انك تحسست كوني امرأة وكوني ام تسأل عن شغلات خاصة بالرجال ولا دخل للامهات بهالسوالف ..
يمكن انه مر عليك مثل هالموضوع وهالسالفه في حياتك او عند احد من اسرتك .. ومتحسس انت منها ومأثره عليك للحين ..
ترى فيه اكثر من منظور يمكن انك تشوف فيه هالموضوع ..

والولد الحمد لله شاطر ومتفوق وذكي من هو صغير..
والاكيد اني باخليه يختار التخصص اللي يختاره هو واللي يحبه اكثر .. ويختار الشركة بس ترى هو من وين بيعرف ان هالشركه احسن من الثانية او هالمجال احسن من غيره.. غير لمن نسال ونبحث ونشوف مع بعض .. وهذاني معاه ابحث واسال ترى هو معاي ونتكلم ونتناقش عن الشركات ومميزاته بحسب علمنا ..

والاكيد اني ما راح اكون حاجز في طريقه !!! :eek5:
ولا اني اقدر افرض عليه شي بالغصب بالطبع .. كل شي يجي بالتفاهم والاقتناع اهم شي .. :discuss:

وبالنسبة للواسطه انت تعرف وانا اعرف والكل يعرف ان للواسطه الدور الاكبر في حياتنا بعد الله سبحانه وتعالى وتوافيق رب العالمين .. واللي ماعنده واسطه وماعنده حد يعرفه في الشركات واي جهه من جهه العمل ماراح يكون مثل اللي يعرف المدير او عنده حد بهالمكان " خل نكون صريحين "

وبعدين انا اللي طلبت واسطه !! حد يحرك له موضوعه وايميللاته اللي عند هالشركات ولا حد يرد عليه ..
يشوفون ايميلات اللي يعرفونهم قبل ويخلون اللي مايعرفونه ....

وربي يكتب للولد كل خير واللي الله قاسمه له اكيد بيشوف وبياخذه ..
والف شكر على مداخلتك وصراحتك ..

[بوالفاروق]

ما شاء الله .. الله يوفقه

وانا أأيد اخونا السياسي القطري والمتألم

مداخلاتهم اعجبتني .. وام نواري حاولي تاخذين راي الولد
دايماً ولا تفرضين شي عليه وهو ما يبيه .. عانيت من هالشي

الحمدلله كنت متوفق في الثانوية وجبت نسبة الحمدلله والوالد
نفس الكل وده يكون ولده دكتور ومهندس ..الخ لكن صعب تفرض هالشي

على واحد مقبل على حياة ثانية .. الحياة الجامعية ..

وتاخرت فترة عن الدراسة بسبة اني كنت ارجع للوالد اولاً
لاني ما احب اخطو خطوة الا واهم راضيين عني .. بس ما كان يفهمني :(

دووم كان يرفض اقتراحاتي مع اني الحمدلله افكر في مستقبلي
وكان تفكيره العكس وكان يحسب اني ماعرف اختار او افكر او اني غير مفتكر

لكن جيت فترة وكلمته اكثر من مرة وكلمت الوالدة انه يابوي انا ما ابغي منك
غير انك تدعيلي .. انا الحمدلله اعرف اختار التخصص اللي يناسبني واشلون
الوضع الحالي في العمل وفي المجتمع وغيره ..

لين الحمدلله اقتنع انه يفتح المجال وحرية الاختيار ..

يعني اختي حاولي تشوفين راييه

ونقطة ثانية انه ما شاء الله يقدر يكمل في الدوحة وانا افضل هالشي

وجامعة قطر تعتبر جيدة جداً وليست سيئة اذا الواحد شد حيله

وقسم الهندسة معترف فيها دولياً غير الكليات الاخرى اللي فيها

ويقدر ياخذ سبونسر من اي شركة ويدرس في الجامعة اغلب ربعي جي وتخرجوا

واعرف شخص ما شاء الله عليه خلص الهندسة واخذ الماجستير وبتفوق ما شاء الله

من جامعة قطر ..

مع اني من اكثر الناس اللي عانيت من الجامعة في فترة التأسيسي وتأخرت
لكن كنت دووم احن ارد للجامعة لاني الحمدلله ارتحت للبيئة الموجودة فيها

وجامعة تكساس ممتازة جداً وليش السفر للخارج ما دام الدارسة الممتازة
موجودة في الدوحة الحمدلله ..

والله يعين ولدج ويوفقه وان شاء الله يجي اليوم اللي تفرحين بتخرجه وبزواجه بعد :)

تحياتي

[السياسي القطري]

ماقصرت اخوي الكريم السياسي القطري على التواصل والتوضيح ورفع روحي المعنوية وشد ازري في هذا الموضوع ..
وماشاء الله تبارك الله ربي يوفق عيالك ويحفظهم لك وييسر امورهم ويبارك فيهم

طيب فيه استفسار ثاني ..
ابنائك الله يحفظهم ماكان عندهم سبونسر طوال فترة الجامعة ؟؟
وماذا بعد التخرج ؟؟ مثل ماقالو الاخوان يكون حر بشهادته ؟ وبعد التخرج البحث عن جهه عمل ؟

وبالنسبة لابنك المتخرج حديثا من الثانوية ؟ مافكرت له في سبونسر ايضا ؟
واي الشركات والجهات تفضلها تكون بيئة عمل مناسبة للابناء ..
شركات البترول او الجهات الحكومية او القوات المسلحة القطرية
رأيك يهمني ..
..



أختي الكريمة

من ناحية الجهة الراعيةِ للطالب ، فإبني الأول تحت رعاية " قطر للبترول " ،

أما إبني المتخرج حديثاً فحتى الآن لا يوجد له أي جهةٍ راعية ،

وبما إن إبنك يريد دراسة الهندسة الكيميائية ، فإنه في الأغلب سوف يعمل في أحد الشركات التابعة " لقطر للبترول "،

لذلك أقترح عليكِ أن يكون تحت رعايتهم ،

لأن ذلك له مميزات عديدة ، منها إنه سوف تحسب له سنوات الدراسة كموظف في الشركة ،

وهو ما يجعل له الأقدمية في العمل ، بالإضافة إلى ضمان الوظيفة بعد التخرج ، وايضاً حصوله على راتب شهري ،

وكما يقول المثل " عصفور في اليد ولا عشرة على الشجرة " ،

وفقه الله لأفضل المناصب والفرص إن شاء الله تعالى .

[قطراوي للأبد]

قطراوي للأبد
الله يبارك في حياتك ودنياك وآخرتك ..
والله انك وضحت كل شي وكفيت ووفيت وربي يعطيك الصحه والعافية والقوة ان شاءالله
والف شكر لك اخوي على عرض قصة حياتك وتجربتك عن الدراسة ببريطانيا ..

وجزاك ربي كل خير على ردك ومداخلتك وتوضيحك لكل هالامور ..
ربي يوفقك وييسر امورك ان شاء الله ..

والف مبروك لك التخرج من الجامعة (قطراوي للأبد )سبقتهم بسنه " شكلك شاطرماشاءالله "
والحمدلله على سلامتك ومبروك الوظيفة براس غاز ربي يهنيك فيها وتنال مرادك ومبتغاك منها وتوصل لاعلى الدرجات والرتب ان شاء الله ..

خلاص يعني لقيت لي واسطه عند راس غاز ولا تقول لي ما اقدر :)

باقول لك شي صار ..
الحمدلله رب العالمين اتصلو اليوم راس غاز بولدي وطلبو منه يحضر للمقابله بعد يومين .. وربي يوفقه ان شاء الله
بغيت اسألك بحكم انك في راس غاز ...
هم في المقابلة يسألونه عن شو ؟ وشلون يقيمون الطالب عندهم ؟ واذا هم طلبوه للمقابله يعني موافقين عليه ؟ واذا عندك كم نصيحة للولد قبل لا يروح لهم المقابله ؟

واذا اي حد من الاخوان عنده الرد او اي معلومات ونصايح وشسالفه هالمقابلات لا يبخل علينا فيها ..

وتسلم على المشاركة والرد وعلى قصة حياتك و تخرجك وربي يجزيك كل خير:nice:
وناطرة ردك ..
..


رحم الله والديييييييج يالششيييخه .. وحاضرييين هاي اقل شي اقدر اسوويه

ووو بالعكس انا مب شاطر ولا شي !!!! بالعكس مستووواي عااااااااااادي جدا

لكن الحمدلله النظام فالجامعه كان اشبه بالمدرسه ! وكل شي جاهز .. وو اذا درسنا ونجحنا !! ناخذ اجازتنا كامله

والله يبلللغج فييه ان شاء الله .. وويتخرج ويتفووق ويرفع راسكم ..

بخصوص راس غاز .. حاضررررررررين اختي والله .. مع اني لين الحين ماداومت P=
لكن بحاول اساعدج باللي أقدر عليه

امممم .. فالمقابله بيسألونه اوول شي .. " ليش اختار راس غاز " .. لازم يمدح ويمدح !! ويتكلم عن مستقبل الشركه وان الكل يمدح نظام التطوير فيها ومن هالكلام .. وان مستقبله بيكون احسن فيها

وبيسألونه ليش اختار هالتخصص اللي يبي يدرسه !!! ..

وليش اختاره ؟!!! يقول لهم انه يشوف نفسه احسن فهالمجال.. وانه مبدع ويعطيهم تجارب قديمه ..

هم يبون يشوفون شخصيته !!!! .. ويشوفونه شلون يتكلم بالعربي وبالإنجليزي ..

واذا اطلبوه للمقابله .. يعني 60% ان شاء الله مقبول

بس يعتمد على مقابلته .. لايرتبك كلللللللش .. وإذا تعرفين اسم اللي يقابله .. طرشيه لي عالخاص لاهنتي .. وانا بقول لج طبع الشخص !! وشلون يكسبه :tease:

وإذا في اي شي يالشيخه!!! .. لايردج إلا كيبوردج :nice:

[بو منيرة]

اولا انا استغرب شيئين ... سالفة الواسطه وسالفة الماجستير والدكتوراه ...الولد ما شاءالله عليه ما يحتاج واسطه ... اما الماجستير ترى للحين بدري وايد على التفكير فالماجستير خليه يركز على الي جدامه ... يفكر فالتخصصات الي يحبها ...

انا بصراحه انصحه ياخذ سبونسر وبالتحديد قطر للبترول ... صحيح بعثة المجلس الاعلى للتعليم حلوه لكن في احتمال كبير يوم يرجع ما يلقى وظيفه في مجال الطاقه( البترول) بداعي ان مافي شواغر وهذي صارت مع كثر من الشباب ... لكن اذا طرشوه هم بيطرشونه وبيعدون له وظيفه لين يرجع ... والاحلى من هذا انه يوم يرجع بيكون عنده فتره تدريبيه مدتها 3 سنين تقريبا ... هالفتره فيها دورات مكثفه اتطوره وتعلمه على بيئة العمل ... هذا الشي الي يميز قطر للبترول عن باقي الشركات

بالنسبه للدراسه برع ولا قطر ... من ناحية تعليم ومنهج مافي فرق ... كله يعتمد على الطالب نفسه ... لكن برع بيتعلم وايد اشياء وبيعتمد على نفسه وبيصقل شخصيته ... انا الصراحه من الناس الي استفادو من الغربه تعلمنا اشياء وايد الصراحه ...تعلمنا الطبخ :)و كان عندنا وقت للرياضه اكثر كنا ندير امور مسجد الجامعه نحتك بناس وايد وعادات وتقاليد جديده ...

بس الي شايفه ان انتي متعلقه بولدج لدرجه كبيره ... الله يخليه لج ويحفظه .. يعني اذا بيسافر وبتمين تحاتينه و24 عالتلفون ترى الوضع بيكون صعب حتى هو احتمال يتأثر وكله يحس ان الغربه صعبه ... اخبر واحد من الشباب في دفعتى رجع عقب يومين من وصلونا وهاليومين ما رقد مسكين ...

وشي ثاني بالنسبه للسبونسر ... هم يلزمنه يشتغل معاهم الفتره الي درسها يعني 4 الى خمس سنين بعدين يحق له ينتقل اي مكان ثاني واذا في واو يقدر ينتقل على طول

الله يوفقه

[^امـ نواري^]

اما عن قطر للبترول مايحتاج واسطه اهم شي الايلز فوق 5.5
والنسبه فوق 80% والولد نسبته 90 يعني يقبلونه براحه والله يوفقه يارب

شكرا اخي الفاضل قطري متواضع على الرد والمشاركه والمداخلة ..
وان شاء الله يقبلونه شركه قطر للبترول ...
بس انا اسال عن افضل الشركات الحاليه للمهندس القطري .. بحكم انكم اكثر علم واكثر دارية بهالمواضيع ..
يعني غير قطر للبترول .. مافيه شركات بنفس مستواها ؟؟شركات جديده وواعده وصاعدة ولها مستقبل ؟؟
والله يوفق الجميع ..





مشاء الله

أختي العسكريه أفضل له مستقبل ومشاء الله مجموعه يدخل عرض أي كليه

للأمام إن شاء الله

الشكر الجزيل لك اخي الفاضل جلمود على مداخلتك وتهنئتك ..
العسكرية بالطبع لها ميزات ومستقبل ..
بس الولد مايرغب بها ..مع اني كلمته عنها .....




اللي يقول يدرس برا .. سؤال وجامعات المدينة التعليمية
اللي جايبينها عندنا بس للاجانب..
بلعكس انا اوووويد وبشده دخول ابناء قطر هالجامعات.. لانها نفس المناهج اللي برا وقدام عيونك ..
وجامعة قطر انا قريب بتخرج منها.. عندنا أكفاء من الدكاتره ولا ازيد على كلام السياسي القطري
والحمدلله انه مب خلط .. وراح يتعلم الاعتماد على النفس في كثير من الامور..
والله يوفقه ويحفظه لك ويخليه .. ماشاء الله عليه ربي يحفظه من كل شر
أبداع

ردك اعجبني يا ابداع ..
وكلامك هو نفسه كلامي .. مادام فيه جامعات بالبلاد ليش الطالب مايدرس بها .. بغض النظر عن الاسباب اللي اذكروها اخواني هني ومميزات الدراسة برى وفوائدها واشياء كثيره ثانيه ...
والحمدلله انك من طلاب جامعة قطر وتمدح فيها ...

والله يوفقك يا ابداع في دراستك وفي حياتك ودنياك واخرتك
ولا هنت على هالرد ..

[^امـ نواري^]

مرحبا أختي الكريمة
موضوعك عطاني دافع أسجل وأدخل أرد ..

كل الشكر والتقدير لك اخوي الكريم المتألم على هالرد الكافي والاطالة الرائعة ..
ونحمد لله ان موضوعي عطاك دافع للرد والمشاركه معانا بهالموضوع ..
وكلامك على عيني وراسي ونصائحك جدا افادتني ..
والعذر مني على التاخر بالرد عليك ..




بداية يفضل أن تنصحي أبنك بما هو مفيد وخصوصا أنه ذكي وماشاء الله عليه
بس بعد الذكاء ما هو كافي بهالمرحلة ليكون فاهم كل خياراته ولهذا يجب أن تبيني له
كل الخيارات وكل العواقب وكل النتائج وتتركي له حرية الإختيار لأنها مهمة جدا

بالنسبة لي آنا اقدر افيده باللي اعرفه .. ومافتحت هالموضوع الا علشان اخذ تجارب الاعضاء ونصائحهم واستفيد من معلوماتهم وخبراتهم .. علشان اقدر افيد ولدي به ..
وطبعا مهم جدا وجود شخص يوجه وينصح ويرشد ..
ونصائحك جدا رائعه لي ولمن هم في نفس وضعي ..
اعيد واقرا واعيد واقرا .. جزاك ربي كل خير ..




ولهذا نصيحتي لك بداية
أن لا تدرسينه من خلال متعاقد لأنك سوف تجبرين أبنك على العمل في مؤسسه ربما
بعد تخرجه لا يجدها تستحق أو لا يتقبل العمل بها

وبالفعل بعد اربع سنوات او خمس سنوات من الدراسه بالجامعة تتغير النظرة والافكار والحياة كما تفضلت .. وربما يجد من هو افضل من هذا المتعاقد ..




ولهذا لا تضعي كل الحلول في الفترة الحالية لكل الفترات القادمة لأن التغير سنة الحياة

بالطيع لا يمكن هذا ولكنه اشبة بتصور لما سيحدث .. وانا جمعت كل الافكار اللي براسي والتساؤلات وحطيتها بموضوع واحد علشان الاقي ردود واجابات لكل شي :)





ثم أنني أتمنى منك أن تجتهدي في البحث عن التخصصات المفيدة والتي يرغب في دراستها
ربما يرغب بالدراسات السياسية في حال أنك تبحثين له عن الهندسة
وربما يرغب بالفيزياء باللحظة التي تريدين تدريسه علوم النفط
جمعي كل التخصصات المجدية هنا وفؤائدها وظروف عملها ومستقبلها ثم ضعيها له على طاولة ثم دعية يفكر ويفكر حتى يجد بنفسه الرغبة في أختيارما يريد وجهيه ولا تفرضي عليه رأيك ودعي له الخيار بطريقة دوبلواماسية مدروسة


كلام اكثر من رائع ..
بس للعلم ان اختيار الهندسة هو اختيار الولد بنفسه برغبته وليس اختياري .. واختيار الجامعة كذلك ..
وانا كمحاولة مني في تقديم النصح والارشاد كتبت هالموضوع .. والحمد لله اني توفقت في ذلك واستفدت من هالردود الرائعه التي شاركني بها اخواني الاعضاء ..
وطرأ في بالي تعليق على كلامك هذا .. " انا بالاول خل اعرف التخصصات المفيدة والمجدية وظروف العمل ومستقبل الشركات علشان اقدر افيده صح .. :)

لذلك دور المرشد والناصح الفاهم والواعي مهم جدا جدا .. وكذلك توضيح الاسباب والفوائد وطريقة الاقناع مهمه جدا ..




ثم بعد ذلك أبحثي له عن جامعة محترمة تجيد التدريس لأن النجاح والتفوق ليس دليل
على أن الإنسان متعلم وعبقري وفنان

وانا شاللي متعبني غير البحث عن جامعة محترمة .......
وشاللي عندنا هني غير جامعة قطر او المدينة التعليمية ...




" فهم المعنى الحقيقي للسبب اللي يخليه يدرس "
والله كل كلامك عجيب ومدروس واحلى من الثاني ..




درسية بحرية عن طريقة بعثة من الدولة يدرس بها ما يشاء وينجح ويتفوق ويعود
ليختار دربة ويخوض غمار الحياة كما ينبغي


وانت ايضا من مؤيدي البعثات .......لا تعليق لي على ذلك ..





فوالله أن دروس الحياة البسيطة التي قابلتنا بعد التخرج تغني عن كل فصول الدراسة
التي ضيعنا بها أوقاتا كثيرة ذهبت سدى


عاد هالمقولة تنكتب بماي الذهب وتتبروز وتتعلق ..
فوالله أن دروس الحياة البسيطة التي قابلتنا بعد التخرج تغني عن كل فصول الدراسة
التي ضيعنا بها أوقاتا كثيرة ذهبت سدى





تمنياتي بالتوفيق
وأن يأتي اليوم الذي تكتبين لنا فيه " أصبح ولدي دكتور وبأمتياز "

الله يسمع منك ..
واكيد راح اكتب هالشي
وان شاء الله تكون موجود لذلك الوقت


كلمات الشكر تعجز عن الرد ..
لك مني كل التقدير والاحترام على هالمداخلة الرائعه

[^امـ نواري^]

ما شاء الله .. الله يوفقه
وانا أأيد اخونا السياسي القطري والمتألم
مداخلاتهم اعجبتني .. وام نواري حاولي تاخذين راي الولد
دايماً ولا تفرضين شي عليه وهو ما يبيه .. عانيت من هالشي
الحمدلله كنت متوفق في الثانوية وجبت نسبة الحمدلله والوالد
نفس الكل وده يكون ولده دكتور ومهندس ..الخ لكن صعب تفرض هالشي
على واحد مقبل على حياة ثانية .. الحياة الجامعية ..
وتاخرت فترة عن الدراسة بسبة اني كنت ارجع للوالد اولاً
لاني ما احب اخطو خطوة الا واهم راضيين عني .. بس ما كان يفهمني :(
دووم كان يرفض اقتراحاتي مع اني الحمدلله افكر في مستقبلي
وكان تفكيره العكس وكان يحسب اني ماعرف اختار او افكر او اني غير مفتكر
لكن جيت فترة وكلمته اكثر من مرة وكلمت الوالدة انه يابوي انا ما ابغي منك
غير انك تدعيلي .. انا الحمدلله اعرف اختار التخصص اللي يناسبني واشلون
الوضع الحالي في العمل وفي المجتمع وغيره ..
لين الحمدلله اقتنع انه يفتح المجال وحرية الاختيار ..
يعني اختي حاولي تشوفين راييه
ونقطة ثانية انه ما شاء الله يقدر يكمل في الدوحة وانا افضل هالشي
وجامعة قطر تعتبر جيدة جداً وليست سيئة اذا الواحد شد حيله
وقسم الهندسة معترف فيها دولياً غير الكليات الاخرى اللي فيها
ويقدر ياخذ سبونسر من اي شركة ويدرس في الجامعة اغلب ربعي جي وتخرجوا
واعرف شخص ما شاء الله عليه خلص الهندسة واخذ الماجستير وبتفوق ما شاء الله
من جامعة قطر ..
مع اني من اكثر الناس اللي عانيت من الجامعة في فترة التأسيسي وتأخرت
لكن كنت دووم احن ارد للجامعة لاني الحمدلله ارتحت للبيئة الموجودة فيها
وجامعة تكساس ممتازة جداً وليش السفر للخارج ما دام الدارسة الممتازة
موجودة في الدوحة الحمدلله ..
والله يعين ولدج ويوفقه وان شاء الله يجي اليوم اللي تفرحين بتخرجه وبزواجه بعد :)
تحياتي

كل الشكر والتقدير لمداخلتك الرائعة اخي الكريم وبالفعل كانت مشاركات الاخوان جدا رائعه ومثرية لموضوعي ..
وبالنسبة لاختيار التخصص فالولد هو من اختار تخصص الهندسة وبرضاه .. وماكان مني الا التوجيه والنصح .. فالاكيد هو آخذي برأيه ..
وهذا لايمنع من ان ابدي انا برايي .. وكذلك لايمكن ان افرض عليه دراسة اي تخصص هو لايرغب به .. فبالاخير هو من سيدرس ويجتهد ويتعب ...

وربي يوفقك في حياتك ودراستك ودنياك وآخرتك وييسر امورك ان شاء الله

بالنسبة واختيار الجامعة وبيئة الدراسة فانا اتفق معك انه من الافضل ان يكمل دراسته بالدوحة ..ولاداعي للاغتراب والسفر ..
واما بالنسبة لاختيار الجامعة فانا شخصيا افضل جامعة قطر وارتاح لها .. بالرغم من وجود بعض السلبيات بها الا انها تبقى الاختيار الافضل والانسب ..

اما اختيار السبونسر حاليا او بعد التخرج فهذا الامر الذي اتعبني التفكير به ..نظرا لكثرة الشركات والجهات الداعمة للطلاب والمتميزة .. كشركات البترول وبعض الجهات الحكومية والخاصة ..

ونحن حتى هذه اللحظة في طور البحث عن سبونسر ممتاز ومناسب لمؤهلاته .. وبانتظار الدعم والتوجيه والنصح ( والواسطه من الجميع )
:)

[^امـ نواري^]

اولا انا استغرب شيئين ... سالفة الواسطه وسالفة الماجستير والدكتوراه ...الولد ما شاءالله عليه ما يحتاج واسطه ... اما الماجستير ترى للحين بدري وايد على التفكير فالماجستير خليه يركز على الي جدامه ... يفكر فالتخصصات الي يحبها ...

انا بصراحه انصحه ياخذ سبونسر وبالتحديد قطر للبترول ... صحيح بعثة المجلس الاعلى للتعليم حلوه لكن في احتمال كبير يوم يرجع ما يلقى وظيفه في مجال الطاقه( البترول) بداعي ان مافي شواغر وهذي صارت مع كثر من الشباب ... لكن اذا طرشوه هم بيطرشونه وبيعدون له وظيفه لين يرجع ... والاحلى من هذا انه يوم يرجع بيكون عنده فتره تدريبيه مدتها 3 سنين تقريبا ... هالفتره فيها دورات مكثفه اتطوره وتعلمه على بيئة العمل ... هذا الشي الي يميز قطر للبترول عن باقي الشركات

بالنسبه للدراسه برع ولا قطر ... من ناحية تعليم ومنهج مافي فرق ... كله يعتمد على الطالب نفسه ... لكن برع بيتعلم وايد اشياء وبيعتمد على نفسه وبيصقل شخصيته ... انا الصراحه من الناس الي استفادو من الغربه تعلمنا اشياء وايد الصراحه ...تعلمنا الطبخ :)و كان عندنا وقت للرياضه اكثر كنا ندير امور مسجد الجامعه نحتك بناس وايد وعادات وتقاليد جديده ...

بس الي شايفه ان انتي متعلقه بولدج لدرجه كبيره ... الله يخليه لج ويحفظه .. يعني اذا بيسافر وبتمين تحاتينه و24 عالتلفون ترى الوضع بيكون صعب حتى هو احتمال يتأثر وكله يحس ان الغربه صعبه ... اخبر واحد من الشباب في دفعتى رجع عقب يومين من وصلونا وهاليومين ما رقد مسكين ...

وشي ثاني بالنسبه للسبونسر ... هم يلزمنه يشتغل معاهم الفتره الي درسها يعني 4 الى خمس سنين بعدين يحق له ينتقل اي مكان ثاني واذا في واو يقدر ينتقل على طول

الله يوفقه

بو منيرة لا غريب الا الشيطان ...
وانا كان عندي تساؤلات واستفسارات كثيره فحبيت آخذ برايكم فيها ..
علشان جذيه شفت الموضوع كبير ويمكن ملخبط ويمكن ان الموضوع بكره ماله داعي ... وهذا كان راي الاكثريه منكم ..
حتى ان اغلب الردود كانت تؤيد البعثة الخارجية .. مع اني لم اذكر البعثه الخارجيه ولا السفر ابدا ..

كان سؤالي الاهم عن شركات البترول في قطر ومجالات العمل .. وطلبت المساعدة في هذا المجال .. ولازلت اطلبها

وباقي الموضوع هو الاخذ بالرأي والنصيحة من الاخوان والاستفادة من تجاربهم ؟؟

والولد ماشاءالله شاطر وكل التخصصات حلوة بس هو يميل للهندسة وهو ادرى بنفسه ..

ولك جزيل الشكر للنصيحة بخصوص سبونسر قطر للبترول وابداء ميزاتهم .. وهذا ماكنت ابغيه من الجميع ابداء رايهم في الشركات واظهار ميزاتها وايجابياتها .. واذا فيه واو عندهم :secret:..

ولا اختلف معك في ان الدراسة بالخارج تصقل الشاب جيدا وتعلمه امور حياتيه كثيره لايجدها ولايتعلمها من هو بالداخل ..
ويله ترى رمضان قريب ومايحلى الطبخ الا برمضان خل الاهل والاصحاب يشوفون اللي علمتك اياه الغربه :)

والله ودي انه يسافر ويتعلم بس من اجيب طاري هالموضوع مادري شيصير فيني .. احس قلبي بيروح مني ودموعي تنزل ... وهو للحين ماراح ......... بس مجرد كلام ...
فيعني ماله داعي نذكر هالموضوع مدام ان البديل موجود والحمدلله في قطر ...

وشفت ترى انت بنفسك ذكرت الواو مو انا ...
قلت لكم كلنا محتاجين هالواو ما صدقتوني ..
..

[بو منيرة]

بو منيرة لا غريب الا الشيطان ...
وانا كان عندي تساؤلات واستفسارات كثيره فحبيت آخذ برايكم فيها ..
علشان جذيه شفت الموضوع كبير ويمكن ملخبط ويمكن ان الموضوع بكره ماله داعي ... وهذا كان راي الاكثريه منكم ..
حتى ان اغلب الردود كانت تؤيد البعثة الخارجية .. مع اني لم اذكر البعثه الخارجيه ولا السفر ابدا ..

كان سؤالي الاهم عن شركات البترول في قطر ومجالات العمل .. وطلبت المساعدة في هذا المجال .. ولازلت اطلبها

وباقي الموضوع هو الاخذ بالرأي والنصيحة من الاخوان والاستفادة من تجاربهم ؟؟

والولد ماشاءالله شاطر وكل التخصصات حلوة بس هو يميل للهندسة وهو ادرى بنفسه ..

ولك جزيل الشكر للنصيحة بخصوص سبونسر قطر للبترول وابداء ميزاتهم .. وهذا ماكنت ابغيه من الجميع ابداء رايهم في الشركات واظهار ميزاتها وايجابياتها .. واذا فيه واو عندهم :secret:..

ولا اختلف معك في ان الدراسة بالخارج تصقل الشاب جيدا وتعلمه امور حياتيه كثيره لايجدها ولايتعلمها من هو بالداخل ..
ويله ترى رمضان قريب ومايحلى الطبخ الا برمضان خل الاهل والاصحاب يشوفون اللي علمتك اياه الغربه :)

والله ودي انه يسافر ويتعلم بس من اجيب طاري هالموضوع مادري شيصير فيني .. احس قلبي بيروح مني ودموعي تنزل ... وهو للحين ماراح ......... بس مجرد كلام ...
فيعني ماله داعي نذكر هالموضوع مدام ان البديل موجود والحمدلله في قطر ...

وشفت ترى انت بنفسك ذكرت الواو مو انا ...
قلت لكم كلنا محتاجين هالواو ما صدقتوني ..
..


الواو عشان يكسر القانون ويطلع من البترول عقب السبونسر :) بس قبوله فالبترول ما يبيله واو على ايامي انا 78 ودخلت بدون واو والحمدلله

عالعموم بالنسبه للقبول فالبترول السنه غيرو نظامهم شوي بس شروطهم واضحه

قبول من جامعه معترف فيها من المجلس الاعلى للتعليم

توفل او ايلتس 5.5 ونسبه فوق ال 80

بعدين اختي بالنسبه للتخصص ... تخصص هندسه ترى شي وايد عام يعني الهندسه فيها وايد مجالات هندسة بترول .. كيمياء .. كمبيوتر .. الخ الخ الخ لازم يعرف بالضبط رغبته في وشو ... وفي نقطه مهمه بعد ان البترول احتمال يحصرون له التخصصات يعني انا على ايامي كان عندي خيارين اما هندسه كيميائيه او كمبيوتر ... لانهم ياخذون الطلبه على حسب احتياجات الشركه

نتمنى له التوفيق يارب ...

بالنسبه للطباخ انا يكفيني شرفا وفخرا ان اول وجبه غدا عقب الزواج انا الي طبختها وللحين ذال مرتي عليها :)

[وضحى قطر]

الواو عشان يكسر القانون ويطلع من البترول عقب السبونسر :) بس قبوله فالبترول ما يبيله واو على ايامي انا 78 ودخلت بدون واو والحمدلله

عالعموم بالنسبه للقبول فالبترول السنه غيرو نظامهم شوي بس شروطهم واضحه

قبول من جامعه معترف فيها من المجلس الاعلى للتعليم

توفل او ايلتس 5.5 ونسبه فوق ال 80

بعدين اختي بالنسبه للتخصص ... تخصص هندسه ترى شي وايد عام يعني الهندسه فيها وايد مجالات هندسة بترول .. كيمياء .. كمبيوتر .. الخ الخ الخ لازم يعرف بالضبط رغبته في وشو ... وفي نقطه مهمه بعد ان البترول احتمال يحصرون له التخصصات يعني انا على ايامي كان عندي خيارين اما هندسه كيميائيه او كمبيوتر ... لانهم ياخذون الطلبه على حسب احتياجات الشركه

نتمنى له التوفيق يارب ...

بالنسبه للطباخ انا يكفيني شرفا وفخرا ان اول وجبه غدا عقب الزواج انا الي طبختها وللحين ذال مرتي عليها :)

صح كلام الاخ بومنيره
والله يوفق ولدج

[CH Engineer]

لو يدخل عن طريق المجلس الاعلى افضل له
وعقب يختار سبونسر قبل لايتخرج على حسب الشركة الافضل
ولا يرتبط مع قطر للبترول.. لانه بيندم على هالشي

[^امـ نواري^]

بعدين اختي بالنسبه للتخصص ... تخصص هندسه ترى شي وايد عام يعني الهندسه فيها وايد مجالات هندسة بترول .. كيمياء .. كمبيوتر .. الخ الخ الخ لازم يعرف بالضبط رغبته في وشو ... وفي نقطه مهمه بعد ان البترول احتمال يحصرون له التخصصات يعني انا على ايامي كان عندي خيارين اما هندسه كيميائيه او كمبيوتر ... لانهم ياخذون الطلبه على حسب احتياجات الشركه

نتمنى له التوفيق يارب ...


هلا بومنيرة وماقصرت والله ..
وبالنسبة للتخصص الولد سجل بتخصص الهندسة الكيميائية .. بس لحد الحين ماوقع مع اي سبونسر ..
والله يوفق الجميع ان شاء الله



صح كلام الاخ بومنيره
والله يوفق ولدج

لاهنتي على الرد يا وضحى قطر والمشاركه وتسلمين على التواصل





لو يدخل عن طريق المجلس الاعلى افضل له
وعقب يختار سبونسر قبل لايتخرج على حسب الشركة الافضل
ولا يرتبط مع قطر للبترول.. لانه بيندم على هالشى


ياباش مهندسCH Engineer كلامك كبير ..مطلوب توضيح حالا وعاجلا
ليش بيندم مع قطر للبترول شساالفه ..
الله يرضى عليك اذا تعرف شي قوله مافينا نندم بعدين :weeping: