الي رايح لندن .... اذا بتشتري لاب توب فخذ فلوس الضرائب من هيثرو

[البدع]

للاسف

اغلب القطريين مايعرفون هذا الشيء

اذا رايح بريطانيا

واشتريت لاب توب بمبلغ 1175 جني (مثلا)

فانت ستسترجع مبلغ 150 جنيه من هذا الاب توب في مطار هيثرو

ونفس الشيء مع الثياب

تسترجع 15% تقريبا من كل شيء اشتريته

فياتاخذ الفلوس لك

او اخذها وتصق فيها

[مها88]

مشكور أخوي على التنبيه ..

ما قصرت

[£عبدالعزيز£]

بس لازم تطلع ورقة من المحل اللي شريت منه

وتسلم على الموضوع

[فارس قطر333]

بعد الله يعينك على الزحمه اللي راح تشوفها قدامك

يعني اقل شي تروح قبل الرحله 4ساعات

[qatari1]

في معظم المحلات الكبرى مثل هارودز وسلفردج تجد مكاتب استرجاع الضرائب.
كل ما عليك أن تبرز الفواتير، وتعبئ النماذج، وفي المطار تذهب إلي المكاتب المخصصة لذلك قبل إنهاء إجراءات السفر، وتسترجع جزء من الضريبة حوالى ١٠٪ نقداً أو يتم إرجاعها إلي حساب بطاقة الائتمان.

[Gh2o]

مب كمبيوترات بس اخوي اي شي تشتريه تقدر تاخذ الضرائب بالمطار

[البدع]

ماشاء الله عليكم

اثريتوا الموضوع بردود مفيدة

[ثرية]

اي انا كل سنه اسوي التاكس فري ولله ارجع ومعاي همجه فلووووووووس خبركم بعد السفر نرجع مفلسين

بس فيه ناس ايقولون المبلغ مايسوى نوقف طابور عشان نسترجع الضرائب بس اقول المبلغ يستاهل

اذا كانت المشتريات وايد يعني بالقليل 1000 او 2000 جنيه

[رنج سبورت]

معروف هالشي من زمان
ومعظم اهل قطر اللي يروحون لندن يعرفون هالشي والعليمي اللي رايح اول مره هو اللي مايعرف

ومثل ماقال اخوي قطري 1

في سلفرج كمثال تشتري وتروح المكتب الخاص بالتاكس فري

وتختار تاخذ فلوسك كاش او يطرشون لك المبلغ

[المعنى88]

لازم اطلع جزء من المشتريات جدامهم في المطار حتى يتأكدون من البظاعة اللي شريتها

[ولد شرق]

فعلا ماتسوى إلا للمبالغ الكبيره

اولا لازم اتعبي اوراق التاكس من المحل اللي شريت منه الاغراض
وثاني شي لازم اتوقف في الطابور مب اقل من 3 ساعات اذا مب اكثر خصوصا في الصيف
وثالثا لازم تكشف عن الاغراض اللي شريتها
ورابعا الله يعينك اذا طحت على هندي ولا هندية متجنسين وعندهم جواز بريطاني بيتفننون في اذيتك لأنهم متخرعين بالجنسيه...

[وطن]

فعلا ماتسوى إلا للمبالغ الكبيره

اولا لازم اتعبي اوراق التاكس من المحل اللي شريت منه الاغراض
وثاني شي لازم اتوقف في الطابور مب اقل من 3 ساعات اذا مب اكثر خصوصا في الصيف
وثالثا لازم تكشف عن الاغراض اللي شريتها
ورابعا الله يعينك اذا طحت على هندي ولا هندية متجنسين وعندهم جواز بريطاني بيتفننون في اذيتك لأنهم متخرعين بالجنسيه...

هو مب شرط
ممكن انك تسافر وترسل لهم اياه بالبريد ويحولونه على حساب بطاقتك
ومو دايما يطلبون يشوفون الأغراض
على حسب نوع المشتريات
لو مجوهرات طبيعي بيطلبون
احيانا اذا شنط غالية وايد يسألون عنها بس مو شرط يقولون نبي نشوفها


وبخصوص الهندي او الهنديه مو كلهم نفس الشي
احيانا وايد يتعاونون معاي الهنوود ويخلصون لي اموري

:victory:

[ابن الوكره]

اخوي تقدر تحصل الضرائب من مكتب شركة GB Free Tax في وسط لندن لتحصيل الضرائب قبل الذهاب للمطار يعني اللي مايبقي يحصل الضرائب من المطار ويصف طابور يروح لمكتبهم في وسط لندن ومعاه جواز سفره و اواراق المشتريات و المشتريات نفسها لانه مثل مايسئلون بعض الاحيان عن المشتريات ف المطار بعد ممكن يسئلون عنها في المكتب انت وحظك يعني اذا مثلا شاري ساعات ثمينه احيانا يقولون لك في المطار خلنا نشوف الساعات نفسها نفس الشيء في المكتب في لندن.

[فكتوريه]

مشكور البدع علي هذي المعلومه اللي ماكنت اعرفها لاني ولا مره سافرت اوروبا
بس ناويه اسافر السنه لندن